بركاتك يابو خشبه

[شمس بياض]

السلام عليكم اخوتى فى الله

حصل موقف كده فى المدرسه

واحنا جالسات فى الفسحة مع احدى زميلاتى

قال ايه




هى مريضه
لحد كده وكويس


طيب وبعدين
عندها
الام فى الفقرات

الخلفيه والضلوع

عادى يعنى وبتحصل


لكن اللى مش عادى
انها

عايزة تروح
للحاج
معرفش مين

ابو خشبه
ايوة افتكرت
اسمه

جمال ابو خشبه
فين دهوت ياخيتى
دا فى
منطقه كده جنب نادى الزمالك

اسمها تصدقوا نسيت


المهم
قال بسلامته الحاج جمال دهوت بيستخدم عصا

يسحبها فوق منطقه الالم
قال ايه بتصحى المرض

وكشفه كام ياختى

400 جنيه
اللى بيقف على الباب
يعنى المساعد بتاعه بياخد 100
جنيه

باين كده رزق الهبل على المجانين

دى كمان مدرسه انجليزى

هى قالت كده وبعيد عنكم

انا قمت زى وابور الجاز فى وشها

وقعدت تقنع فى وتقولى دا كان واحد قريبهم

مريض وراح له وشفى
قلت لها شفى باذن الله
ودا راجل وهو راجل
وانت حرمة كيف يعنى
تنكشفى عليه
ايه اللى حصل فى العقول اللى يام دى
الواحد يفضل الموت على انه يذهب لشخصيات زى دى

ربنا لاتحملنا مالاطاقه لنا به
يعنى بيبقى دكتور وحالف اليمين
والواحد ة
تحلف ماتروح :7:

ايه رايكم
تروح لابو خشبه
ولا حدعنده حل تانى
قال ابو خشبه قال

قطيعه:bosyht9:

[نعمه محمود]

للأسف تنتشر خزعبلات كثيرة من نوع خشبة وهناك كثيرين يصدقون هذه الخزعبلات
وطبعا متروحش لابو خشبة كلا البتة

[7asnaa kareem]

تروح لأبو خشبه ليه
اذا كان اللى خلق ابو خشبه موجود


لا حول ولا قوه الا بالله

قله عقل ودين

ربنا موجود
واللى مش حاسس بوجوده
ميت

بجد بشكرك جدا
على الموضوع دا
فعلا
الامور دى زايده عن الحد
بشكل رهيب
وكل دا
علينا مش معانا


ربنا يهدى الجميع

[شمس بياض]

quote=نعمه محمود;172817]للأسف تنتشر خزعبلات كثيرة من نوع خشبة وهناك كثيرين يصدقون هذه الخزعبلات
وطبعا متروحش لابو خشبة كلا البتة[/quote]

فعلا عندك حق البته البته البته

ابد وحتما بينما وحينما
ايه رايك
تروح الفيوم تغطس لها سبع غطسات فى بحير ة قارون
يمكن عفريت قارون يطلع لها
ويطلع القديم والجديد
ايه رأيك فى الحل دهوت
نورت وشرفت ياجميل:6:

[نعمه محمود]

quote=نعمه محمود;172817]للأسف تنتشر خزعبلات كثيرة من نوع خشبة وهناك كثيرين يصدقون هذه الخزعبلات


وطبعا متروحش لابو خشبة كلا البتة




فعلا عندك حق البته البته البته


ابد وحتما بينما وحينما
ايه رايك
تروح الفيوم تغطس لها سبع غطسات فى بحير ة قارون
يمكن عفريت قارون يطلع لها
ويطلع القديم والجديد
ايه رأيك فى الحل دهوت

نورت وشرفت ياجميل:6:
[/quote]
ههههههههههههههههههههههههههههههههه
وماله تروح لعفريت قارون
تعرفي فكرتنى بناس اعرفهم بيسافروا مخصوص للدجالين
لاى مكان والخيبة انهم متعلمين
النور نورك يا جميل

[ياسر الدقاق]

أبو خشبة إيه وأبو حديدة إيه
فعلاً الموضوع دا كان إنتشر في فترة
لكن إنقرض وبدأ يظهر تاني
والمشكلة لما يكون إنسان متعلم ويؤمن بالخزعبلات دي
يمكن دا فكرني بالشيخة نادية لو تفتكروا وإل عملته
وكان بيروح لها ناس من علية القوم
دي والله قلة عقل ودين كمان
وشكراً علي الموضوع أستاذه شمس
وربنا يستر

[شمس بياض]

تروح لأبو خشبه ليه



اذا كان اللى خلق ابو خشبه موجود



لا حول ولا قوه الا بالله


قله عقل ودين


ربنا موجود
واللى مش حاسس بوجوده
ميت


بجد بشكرك جدا
على الموضوع دا
فعلا
الامور دى زايده عن الحد
بشكل رهيب
وكل دا
علينا مش معانا



ربنا يهدى الجميع






اخيتى الغاليه فعلا ربنا واجد
وواحد وخالق وشافى
لكن نقول ايه ؟؟؟؟
تصدقى


ان ردت عليها فى القاعدة الحريمى دهى


واحده كانت لاتنجب
وراحت لواحد
منه لله وحسبنا الله ونعم الوكيل فيه
من المنوفيه


يقرب لحسنى
حسنى عبد ربه طبعا


وكلنا عباد الله


وبيكشف وبيعالج بقلم


وبيعمل عمليات لعلاج العقم بالقلم المسحور
وجلست امامها تبكى وتقول
انه فضح امره واتارى كان بيضع فى هذا القلم المسحور
القلم الابنوس دهوت بنج
فتشعر المريضه واهلها انه قدتم عمل اللازم


ماهذا الذى نحن
فيه


والله الواحد اتخنق
من كتير
حدثى ولا حرج عن العوانس اللى بيدفعوا نقودا هائله لفك السحر
وفتح الكتاب وغيره
من اكل مال الناس بالباطل


حسبنا الله ونعم الوكيل
فى امثال هؤلاء
الذين ينتهكون الحرمات باسم العلاج


وانار الله بصيرة المسلمين والمسلمات


اين رجل هذه المرأه
او اباها قبل ان تقدم على مثل هذه الاشياء ؟؟؟؟؟؟؟


لاحول ولا قوة الا بالله
شكرا لمروركم الكريم :38:

[احمد الشلقامى]

قد نلتمس العذر للجهلة فى اللجوء للمشعوذين لكن المتعلمين ده يبقى كلام ابو خشبة ده نصاب وعلى الحكومة ردعه فورا انا كنت اعرف واحدة عاملة نفسها شيخة وتدعى شفاء الناس كانت اختها اصيبت بالشلل وتحمل على الايادى عقابا لها من المولى نسال الله ان يهدى عباده بس على فكة ابو حديدة متهأيلى احسن علشان ما بتتكسرش ههههههههههه

[كريم ماضي]

لا طبعا تروح لأبو خشبه وهي مغمضه
ياجماعه الناس دي بركه
بجد اسألو مجرب
ده مره أبن خالت أمي جاله حالة صرع وراح للدكاتره كلهم
لف عليهم واحد واحد
وياحبة عين أمه كلهم قالو له معندهوش حاجه

راح للشيخ مبروك معرفش يطلع الجان اللي عليه
قال ايه راح للشيخ اسماعيل قاله لا ياعم ده انت معمول لك عمل سفلي في مثلث برموده
تعب مع المشايخ
راح واحد مسلم أبن حلال دله علي واحد نصراني قصيص في الكنيسه
وهوا الوحيد اللي سلك معاه
وقاله يابن الناس انا بعالج بالقراءن يعني علاجكم في أيديكم وعلي العموم تعالي معايا
وراح معالجه
برده مفيش نتيجه
ايه ده بقي الراجل ده الناس كلها بتشكر فيه جراله أيه
انا هروح للشيخ عمار
راجل سره باتع وكله بيروح له وهناك في أقوام ظلط هترمغ عليها
المهم راح هناك ولقي الدنيا خربانه رجاله علي حريم وبصراحه المنظر بشع جدا
يعني ممكن واحده تتعري واحد ييجي علي واحده بس هيعملوا أيه عشان الشيخ يشفيهم
يبقي لازم ينسوا الدم والكرامه
المهم خلص وراح شرب من هناك ودفع فلوس
وروح ومفيش نتيجه برده ايه ياشيخ عمار انت جرالك أيه ياجدع
طبعا الناس وصفت له من مشارق الارض لمغاربها
وصاحبنا عمال يروح وييجي ومحدش عارف يشفيه
قال ايه كلم واحد صاحبه
قاله أرجع لربنا وهوا الشافي
رجع لربنا وصلي ورجع للدكتور وربنا كرمه
وعرف صاحبنا ان النافع والمضر هو الله
وتذكر حديث الرسول صلي الله عليه وسلم

احفظ الله يحفطك ,احفظ الله تجده تجاهك ,وإذا سألت فاسأل الله وإذا استعنت فاستعن بالله واعلم أن الأمة لو اجتعت على أن ينفعوك يشيء لن ينفعوك إلا بشيء قد كتبه الله لك لو اجتمعت على أن يضروك بيشيء لن يضروك إلا بشيء قد كتبه الله عليك رفعت الأقلام وجفت الصحف

وطبعا القصه انا كاتبها من دماغي ولكنها ترجمه لوقع بيحصل امامي كل لحظه
والله في بلاوي بتحصل اكتر من كده
والموضوع ده لو اتكلمت في سنين مش هخلص

ومع ذلك أنا مقتنع بموضوع العلاج بالقرأن
أما الدجل والشعوذه والكلام الفراغ ده مش بقتنع بيه

شكرا لكي استاذتنا لأنك فتحتي لنا المجال اننا نتكلم في موضوع شائك جدا
وربنا يستر ويشفي

[دعاء شديد]

ايه رايكم
تروح لابو خشبه
ولا حدعنده حل تانى
قال ابو خشبه قال


قطيعه:bosyht9:



:friendsxs3:
اقولل يا شموسه
واوضحلك حاجة بسيطة
من خلال قرايتى للعادات والمعتقدات الشعبيه
"وده بحكم شغلى طبعا"

احب اقولك
ان الاشخاص المعتقدين فى صدق
ابو خشبة وامثاله
لا يمكن تقدرى تغيرى فكرهم
لان ده جزء اصيل جدااااااااا من معتقداتهم
ولا علاقه له
لا بالدين ولا بالتعليم
ده جزء من موروثهم الشعبى المتمسكين به جداااااااااااااا
ومتعصبين له كمان
:18:
طرح مهم وخطير
واناره لجزء مظلم فى مجتمعنا من شمس منتدانا

[مسيو وليد عسكر]

من اتي عرافا او دجالا فقد كفر بما انزل علي محمد
ده خلاصة الكلام
وابو خشبة ده لا يقدر يشفي فار الا بمشيئة الله00
واشكرك اخت نور علي طرحك الذي يتناول قضية مهمة جداا في مجتمعنا الشرقي

[طارق ممدوح ذكي محمد]

هى قالت كده وبعيد عنكم

انا قمت زى وابور الجاز فى وشها










بس انت كده هتخليها تروح لابو خشبة مرتين

مرة لالام الظهر ومرة للحروق اللي سببتيها لوشها... :)

ربنا يعفوا عنها وعنا وعن كل المسلمين

[dream]

انا اعتقد ان صحبتك دى

تقصد االعلاج عند مجبارتى

ال زمان كانوا الاجداد بيتعاملوا معاه

مش مشعوذ ولا حاجة
مثلا كمان زى العلاج بالحجامة
انا سمعت ان فى ناس مازلوا بيتعالجوا بالاساليب دى

وبيقولوا انها بتجيب نتيجة

وطبعا فى الاول والاخر ربنا الشافى

اما بقى الشعوذة والسحر ده

والعياذ بالله

نقمة باذن الله على صاحبه

شكرا يا شموسة

وسلامى لصحبتك

ولكى

:38:

[Blanche Neige]

" كذب المنجمون ولو صدفوا "
يعنى مش من الافضل ان الناس يتجهوا
الى الله القادر على كل شئ والذى هو خالق
ابو خشبه وغيره وهوه وحده سبحانه
وتعالى قادر على اى شئ وكل شئ أكيد
ربنا يهدينا جميعا للخير
مشكوره اختى نور على هذا الموضوع القيم

[شريف]

عندما ندعو الي الله عز و جل
دوما نقول ... اللهم اشف انت الشافي لا شفاء الا شفاؤك
و لا نقول لا شفاءا الا شفاء ابو خشبة ابدا
عالم جهلة متخلفين
ادعو الله ان يزيل عن هذه الامة الشرك بكافة انواعه
شكرا جزيلا اختي العزيزة

[اسامه القزاز]

عجباً لهذا المنتدى الملئ بالأحباب من الأخوة والأخوات
عارفه يا شمس انتى مش شمس بياض انتى قلب ملئ بالبياض
الغريب ان كل واحد له بصمة مختلفة عن الأخر فلقد قمت بتجربة
وكانت نتائجها عجيبة فلقد قمت بقراءة تعليقات وردود احبابى فى هذا المنتدى
دون النظر لأسماءهم وكتبت اسم لكل تعليق وطلع كله صح دا معناه ايه ؟
معناه ان الكل اصبح فى القلب .