المساعد الشخصي الرقمي

مشاهدة النسخة كاملة : جوابات الابنودى



7asnaa kareem
14-01-2010, 01:29 AM
هذه القصه لواحد اسمه حراجى القط ( عامل بالسد العالى )


جوابات حراجي القط العامل في السد العالي وزوجته فاطنه عبد الغفار في جبلاية الفار


بدايه الجواب

الجوهرة المصونه
والدره المكنونه
زوجتنا فاطنه أحمد عبد الغفار
يوصل ويسلم ليها
في منزلنا الكاين في جبلايه الفار


أما بعد .. اذا كنت هاودت كسوفي ع التأخير
سامحيني يا فطنه في طول الغيبه عليكم
وأنا خجلان .. خجلان .. وأقولك يا زوجتنا أنا خجلان منكم ..
من هنا للصبح

شهرين دلوقت ..
من يوم ما عنيكي يا فاطنه .. بلت شباك القطر ..
لسوعتي بدمعك ضهر يديَ
لحضتها قلت لك :
(( قبل ما عوصل عتلاقي جوابي جي ... ))
نهنهتي .. وقلتي لي بعتاب:
(( النبي عارفاك كداب .. نساي
وعتنسى أول ما عتنزل في أسوان .. ))
حسيت واليد بتخطفها يد الجدعان
بالقلب ف جوفي ما عارف ان كان بردان .. دفيان
والبت عزيزه والواد عيد
قناديل في الجوف .. زي ما بتضوي .. بيقيد ..
.......... والقطر إتحرك ..
وقليبي بينتقل من يد لإيد .
والقطر بيصرخ ويدَودِو
اتدلدلت بوسطي من الشباك ..
( خذي بالك م الولد .. راعي عزيزه وعيد )
والقطر صرخ ورمح لكإنه داس على بصة نار ..
ولقطت الحس قريب .. قد ما كنتي بعيد :
(قلبي معاك يا حراجي هناك في أسوان ..)
...........................
ورميت نفسي وسط الجدعان .. وبكيت ..
وبلدنا اللي كنا بنمشيها ف نص نهار
كان القطر في لحضه .. فاتها بمشوار .
سامحيني يا فطنه على التأخير ..
ولو الورقه يا بت الخال تكفي
لأعبي لك بحر النيل والله بكفيِ
وختاماً ليس ختام ..
بابعت لك ِ
ليكي ولناس الجبلايه ولبتي عزيزه والواد عيد
ألف سلام
زوجك ... لوسطى حراجي




رد الجواب فى موضوع أخر
انتظرونا

دعاء شديد
14-01-2010, 01:56 AM
الللللللللللللللللللللللللللللله
بجد تحفه لغويه وموضوعيه
الابنودى اصلا له اسلوب رائع
يشغل الخيال تلقائى
انا عن نفسى الاقى نفسى بتخيل الموقف
بكل تفاصيله
تلاقى نفسك فى عالم مختلف
سيبينى بقى دلوقتى ... علشان بتخيل

7asnaa kareem
14-01-2010, 05:47 PM
الللللللللللللللللللللللللللللله
بجد تحفه لغويه وموضوعيه
الابنودى اصلا له اسلوب رائع
يشغل الخيال تلقائى
انا عن نفسى الاقى نفسى بتخيل الموقف
بكل تفاصيله
تلاقى نفسك فى عالم مختلف
سيبينى بقى دلوقتى ... علشان بتخيل


ههههه
والله انتى اللى تحفه

كويس انها عجبت
واى خدمه
هسيبك تتخيلى

لما ابقى ارجعلك برد الجواااب
تشــــــــــــــــاو

كريم ماضي
14-01-2010, 05:57 PM
الله عليك ياعمنا
كلمتاك بتدخل قلبنا
صعيدي أصيل وربنا

بجد ياحسناء عرفتي تختاري
ومنتظرين رد الجواب
بس ياريت بسرعه لاننا في عصر السرعه

7asnaa kareem
15-01-2010, 01:55 PM
الله عليك ياعمنا
كلمتاك بتدخل قلبنا
صعيدي أصيل وربنا

بجد ياحسناء عرفتي تختاري
ومنتظرين رد الجواب
بس ياريت بسرعه لاننا في عصر السرعه


ماشى يا كريم
اى خدمه
يارب يكون الاختيار عجبك فعلا

ah00med
18-03-2010, 05:35 PM
شكرااااااااااااااااااااااااااااااااااااااا

7asnaa kareem
09-06-2010, 11:40 PM
شكرااااااااااااااااااااااااااااااااااااااا




عفوااااااااااا

صفيه سعداوى
10-06-2010, 01:12 AM
استاذتى الفاضله
كلنا شوق ولهفه لمعرفه بقيه الجوبات
وفى انتظار رد فاطمه احمد عبد الغفار
بجد موضوع رائع

محمد كامل محمود
10-06-2010, 01:53 AM
الله على الجمال .. تسلمى وتسلم الايادى
رجعتينا الى الزمن الجميل والذكريات الروعة
أيام كتب الأبنودى هذه الروائع كانت تنشر فى مجلة روزا ليوسف فى السبعينات وكنت أنتظر نزول المجلة بفارغ الصبر أسبوعيا لمتابعة الجوابات .
وبعد ثلاثون عاما استطعت الحصول على تسجيل بصوت استاذنا عبد الرحمن الابنودى لجوابات حراجى القط العامل بالسد العالى وزوجتة فاطنة احمد عبد الغفار الساكنة بمنزلها الكاين بجبلاية الفار ......
تحفة ....تحفة
ربنا يبارك فيكى استاذتنا المبدعة .

همس الحنين
10-06-2010, 02:53 AM
الله عليكي يا حسناء

فعلا اختيار راق رائع

سلمت اناملك

7asnaa kareem
11-06-2010, 10:54 PM
استاذتى الفاضله

كلنا شوق ولهفه لمعرفه بقيه الجوبات
وفى انتظار رد فاطمه احمد عبد الغفار
بجد موضوع رائع




شكرا لمرورك حضرتك الراقى

شرفتى الموضوع

7asnaa kareem
11-06-2010, 10:56 PM
الله على الجمال .. تسلمى وتسلم الايادى
رجعتينا الى الزمن الجميل والذكريات الروعة
أيام كتب الأبنودى هذه الروائع كانت تنشر فى مجلة روزا ليوسف فى السبعينات وكنت أنتظر نزول المجلة بفارغ الصبر أسبوعيا لمتابعة الجوابات .
وبعد ثلاثون عاما استطعت الحصول على تسجيل بصوت استاذنا عبد الرحمن الابنودى لجوابات حراجى القط العامل بالسد العالى وزوجتة فاطنة احمد عبد الغفار الساكنة بمنزلها الكاين بجبلاية الفار ......
تحفة ....تحفة
ربنا يبارك فيكى استاذتنا المبدعة .



واضح ان حضرتك عاشق للشعر الراقى دا
بجد شرفتنى برد حضرتك
ايا ليت الزمان يعود يوما

شكرا

7asnaa kareem
11-06-2010, 10:58 PM
الله عليكي يا حسناء




فعلا اختيار راق رائع



سلمت اناملك




الاروع مرورك يا هموسه