المساعد الشخصي الرقمي

مشاهدة النسخة كاملة : ما نقص مال من صدقه ، وما عند الله خير وأبقى



7asnaa kareem
14-01-2010, 01:00 AM
قصة جميلة حدثت في برنامج البيت بيتك على التلفزيون المصري

فى حلقة الاعلامي محمود سعد أعلن عن حاله مَرضية لشخص محتاج عملية زرع نخاع عاجلة جدا ومحتاج لعمل العملية فى الخارج وتحتاج 150 الف يورو اي مايعادل حوالي مليون جنيه مصري والحالة عاجلة جدا


وبالفعل استطاع الاعلامي القدير محمود سعد جمع التبرعات عن طريق التليفونات حتى حصل اثناء الحلقة وفي اقل من ساعة على حوالي 850 الف جنيه مصري
وده شئ عادي بيحصل في حلقات محمود سعد لكن الأجمل جاي بعد شوية
اتصل شاب اسمه شريف بالبرنامج على الهوا واتبرع ب15 جنيه مصري اي مايعادل اثنين دولار امريكي

برّر هذا الشاب ان هذا المبلغ الزهيد والقليل القيمة بالنسبة لنا.. هو مبلغ عظيم جداً جداً لانسان محتاج.. كما قال علي بن ابي طالب رضى الله عنه وارضاه: لا تستحي من اعطاء القليل فالحرمان أقل منه


برّر ان تبرعه ضئيل بسبب ان هذا المبلغ هو نصف مايملكه بالضبط من حطام الدنيا

*******


هذه الحلقة كانت فى اوائل شهر فبراير يعني لسه قدامهم وقت على اخر الشهر
بعد ذلك وأثناء الحلقة نفسها حدث الاتي


اتصل احد الأشحاص المتبرعين واتبرع بمبلغ محترم جدا للحالة المرضية وقال: انني سوف اتبرع ايضاً بمبلغ الف جنيه للشخص اللي اتبرع بـ15 جنيه

وبعدها اتصل واحد تاني اتبرع للشخص المريض واتبرع ايضا للشخص اللي اتبرع بـ15 جنيه بمبلغ خمسمائة جنيه

سبحان الله.. مانقص مال من صدقة

لان شريف اتبرع بنصف مايملك.. ربنا فى نفس الوقت عوّض عليه بمبلغ الف وخمسمائة جنيه

وبالفعل استضاف محمود سعد شريف وعرف منه انه مصور تلفزيوني ولم يجد عمل وبالفعل قام وزير الاعلام بتعينه فورا فى مبني التلفزيون المصري


وقال شريف انه اضطر ان يقول ان الـ15 جنيه نصف مايملك لانه كان مستحي من المبلغ القليل للتبرع.. وأنه سمع اثناء البرنامج عن احتياج شخص لزرع نخاع بالخارج وقام وسأل والدته المريضة بالقلب بسبب حزنها على وفاة اثنان من اخوانها وسألها: احنا معانا كام؟

ردت والدته وقالت: اقل من ثلاثين جنيه ولسه مدفعناش فاتورة الكهرباء

فسألها شريف: تمانعي اني اتبرع بنصف المبلغ اللي موجود فى البيت لشخص مريض محتاج؟

رد والدته وقالت: وماله يابني اتبرع له، ماهو ميحسش بالمريض الا المريض اللي زيّه
وبالفعل اتصل شريف وابترع بالـ15 جنيه.. وربنا عوّض عليه بـ1500 جنيه بالاضافة الى وظيفة مصوّر بالتلفزيون المصري وخصوصا فى برنامج البيت بيتك اللي كان يبحلم بيها من زمان

*******


سبحان الله ما نقص مال من صدقة
وصدقة الفقير افضل مليون مرة من صدقة الغني


قال تعالى:

(( لن تنالوا البر حتى تنفقوا مما تحبون وما تنفقوا من شيء فإن الله به عليم))

صدق الله العظيم

دعاء شديد
14-01-2010, 01:29 AM
والله يا حسناء ده واقع
انا نفسى حصل معايا
قصرت فتره كده فى انى اتصدق
ولما فوقت لنفسى ... قررت انى لازم اتصدق
رغم انى مكنش فعلا معايا فلوس كتير
وتخيلى ... رحت الشغل لقيت فلوس جات وزادت الفلولس معايا
اكتر ما كانت قبل متصدق
:18:
موضوع يا رب يتثبت ... علشان محدش ينسى يتصدق

نعمه محمود
14-01-2010, 05:07 PM
تسلمى ياحسناء على الموضوع وعلى التذكرة "وذكر فإن الذكرى تنفع المؤمنين"

7asnaa kareem
16-01-2010, 08:31 PM
والله يا حسناء ده واقع
انا نفسى حصل معايا
قصرت فتره كده فى انى اتصدق
ولما فوقت لنفسى ... قررت انى لازم اتصدق
رغم انى مكنش فعلا معايا فلوس كتير
وتخيلى ... رحت الشغل لقيت فلوس جات وزادت الفلولس معايا
اكتر ما كانت قبل متصدق
:18:
موضوع يا رب يتثبت ... علشان محدش ينسى يتصدق


تصدقى وانا كمان حصل معايا موقف مشابه

راكبه الباص

وجه واحد كان محتاج صدقه
وانا بخرج الفلوس من الشنطه بالعافيه
وعماله اتأفف
ومتضايقه
وهروح ازاى
ولو احتجت حاجه من الطريق هعمل ايه
ومش معايا فلوس كفايه
وبنك أسئله بيلف فى دماغى

وطبعا الفلوس بخرجها من الشنطه
كأنى بخرج معاها روحى


والله بجد

لوتعرفى ان فى نفس الاسبوع
كان معايا مبلغ
لا تتخيليه
انا اساسا فى العادى عمرى ما شلت المبلغ دا


بجد ربنا كبير أوى

7asnaa kareem
21-01-2010, 11:25 PM
تسلمى ياحسناء على الموضوع وعلى التذكرة "وذكر فإن الذكرى تنفع المؤمنين"


ويسلم مرور حضرتك الجميل