ماذا تفعل لو كنت متضايق او متنرفز

[احمد الشلقامى]

مفيش حد منا مش بيتضايق او يتنرفز بس كل واحد فينا ليه مواقف معينة بتنرفزه او تضايقه وكل واحد منا بيسلك سلوك مختلف عن الاخر ممكن على راى المثل يطلع نرفزته على حواليه وممكن يمتص غضبه ويكتم فى نفسه على حساب اعصابه وفيه اللى بيظهر غضبه وفيه اللى بيصطنع الابتسامه لكن عاوز يفرتك اللى قدامه الموضوع ده طارحة للمناقشة احكى فيها عن موقف اتضايقت فيه وعالجته ازاى ايه .كانت اثاره او نتيجته ايه الخ الخ
انا عن نفسى بكتب الموضوع ده الان وانا متضايق من شخص فهمنى غلط مع انى لم اقصد الاساءة ليه ورفض جميع محاولات توضيح الامر او اعطاء فرصة الحديث خلانى متنرفز ومضايق وممكن اكسر الكيبورد دلوقتى

[دعاء شديد]

والله موضوع فكرته جديده

انا عن نفسى السلوك العام لما اكون متنرفزة
"اعد اقطع ورق لما يبقى فتافيت ... ويبقى ادامى كوووووووووم ورق"

لكن طبعا فى حالات تانيه ترتبط النرفزة فيها عندى بـــ :
مين الي نرفزنى ... وايه الي نرفزنى ... ومكان النرفزة
يعنى بيبقى ليها اشكال كتير
ممكن اعد ساكته خالص منطقش
وممكن ابقى عصبيه جدا

لكن الاساسى والمصاحب لكل ده
"انى لازم اقطع ورق"

ميرسى على الموضوع

[احمد الشلقامى]

شكرا على مرورك الكريم استاذة دعاء وفين باقى الاعضاء

[كريم ماضي]

موضوع جميل وبيحصل مع الجميع
اننا نضايق ونتخنق
وطبعا علي حسب الموقف
يعني أنا دلوقتي بالكل في نفسي ومفيش حاجه اطلع فيها خنقتي

وممكن اخويا يخنقني أضربه

وممكن أبويا يخنقني أتمشي في البيت أو أخرج بره لاني مش هينفع أبين له أني مخنوق

يعني علي حسب

ممكن حد في الشارع يخنقني أخانق معاه

وممكن اعديها

وممكن كتيره جدا علي حسب الخنقه

جزاكم الله خيرا علي الموضوع الجميل

[7asnaa kareem]

هههههه


انا بأه
حاجه مختلفه خالص

ممكن تلاقينى شخصيات مختلفه جدا

فى نفس التوقيت

يعنى
ممكن اكون هاديه ورزينه

وممكن تلاقينى عصبيه
وشلق


وممكن تلاقينى حكيمه

وممكن تلاقينى
غبيه
بس كل دا
مرتبط
بنوع النرفزه


والموضوع

والمكان كمان


موضوع حلو

وعشان احكى موقف
صعب الصراحه


بس عموما
بعرف اخد حقى
بدراعـــــــــــــــــــــى

[Blanche Neige]

لا انا بجد اما باكون مضايقه
او متنرفزه بحب اكون لوحدى خالص
وابعد عن اى حد لانى فى نرفزتى مش عارفه
ممكن ايه يحصل او ممكن اقول ايه ؟؟؟؟
وممكن اذا اتكلمت مع حد وانا فى حالتى دى
اقول اى كلمة ازعله منى وانا محبش ازعل حد منى
وكمان مافيش حد ليه زمب فى انه يشوفنى
فى حالتى دى الناس وكل واحد عنده
من الهموم والمشاكل اللى يكفيه ويفيض كمان
فمافيش حد ناقص بقى يشيل هم غيره الا الناس
المقربين طبعا اكيد بيتحملوا بعض فى أسوأ الظروف
موضوع جميل مستر أحمد باحيى حضرتك عليه

[ميس سوزان]

انا بصراحة بسكتتتتتتتتت خالص
ممكن أكتب اللى مدايقنى فى ورقة كبيرة
أكتب كل اللى نفسى فيه
وأقطعها مليون حته
الموضوع ده بيريحنى كتير
وساعات بقى لما الدنيا بتييجى عليا اوى
بضطر أعيط أفضل أعيط كتيييييييييير
وبرتاح فى الاخر
أصل دمعتى غالية شوية
ومش بتنزل بسهولة
وكتير بصلى ركعتين
وأفضل أدعى ربنا وانا بعيط
أدعى أدعى أدعى
واقول كل اللى جوايا
واستغفر كتيييييييير جدا
وربنا يفرجها وبيريجنى
يمكن المشكلة ما تتحلش
بس بكون حاسة براحة غريبة ومش فارقة معايا اى حاجة
وحاسة بالرضا
ناااااااااادرا لما أتنرفز على حد أو أزعق وصوتى يعلى
موضوع حلو اوى على فكرة
وانا أرتحت لما قلت الكلام ده دلوقتى

[اسامه القزاز]

الأخ الفاضل الأستاذ احمد احييك على موضوعك
قال رسول الله صلى الله عليه وسلم (( لا تغضب )) صدق رسول الله صلى الله عليه وسلم
ما اجمل العفو عمن اساء اليك ...
ما اجمل الصفاء بينى وبين من حولى من البشر ...
أجمل وأغلى علاج للزعل هو الرجوع لكلام الله
قراءة سورة يس أو ما تيسر من القرآن ولكن بفهم وتدبر
جرب وهتدعيلى ان شاء الله .