خصم فى المرتب( كلاكيت تانى مرة)

[احمد الوكيل]

انا عايز اعرف المرتب ليه كل شويه بينقص يعنى فى شهر 7 كان وصل 364 بعد كده قالوا خصم فى المرتب ووصل 330 والشهر ده هيجى بالخصم 395 فيا ريت حد يفهمنى عشان انا مش فاهم

[اسماء عادل]

الكلام ده فى اى محافظة احنا فى اسماعليلية وما فيش الكلام ده من شهرسبعة والمرتب 364 ربنا يستر

[saleh7884]

يا جماعة ايه المرتبات اللي بتقولوها دي

انا في ادارة منيا القمح بالشرقية

ومن شهر سبعة لحد شهر 9 اللي فات يعني من اول ما مضيت العقد

مرتبي 334 جنيه بالحوافز

وبعدين من شهر عشرة خصموا

مرتبي 318 جنيه

انا عمري ما وصلت ل390 دي :16:

[عصام الرشيد]

:39::39:أنا مدر س بالأزهر خصموا من مرتبات الاز هر أكثر من 50 جنية ومدرس التر بية والتعليم لا حد يقلي ليه

[عصام الرشيد]

حرام حرام عاملو مدرس الازهر كويس

[زيزو12]

مرتبى فى البحيرة 310

[ahmed kelana]

يا جماعة فى إختلاف غريب فى المرتبات
أنا شغال مدرس فى إدارة قليوب التعليمية ومن يوم ما قولت يا تعاقد فى 2008 ومرتبى 348
ومتحركش خطوة لا كده ولا كده ولا زيادة شوفنا طوال الفترة اللى فاتت ولا أى حاجةمن الأرقام اللى بتقولوا عليها دى قبل كده

[أسماء عبد اللطيف]

إيه دة
إيه الأرقام الفلكية دي

أنا في محافظة الأسكندرية - إدارة شرق
ومرتبي قبل الخصم 318
وبعد الخصم وصل 304
وبعدين زاد وصل 310
وثابت علي كدة

عمري ما أخدت حاجة وأربعين
ولا حاجة وستين
ولا حاجة وتسعين دي
ولا حتي حاجة وعشرين :)

مش عارفة الفروق الكبيرة بين المحافظات دي ليييييييه؟؟؟
وهل معني كدة إن الإدارة بتاخد الفروق دي؟؟؟

نفسي أفهم برده
الي عنده خلفية ياريت يقولنا الأحوال ماشية إزاي

[جيوو]

المرتبات حسب امكانيان كل محافظه
وبتختلف باختلاف وقت التعاقد
يعني المتعاقد في 2008 مرتبه غير مرتب المتعاقد في 2009

[الاستاز]

عادى جدا عندى فى اسوان عقود من 2005 والمرتب 348 جنية يابلاش رغم ان العقد ينص على بدلات وعلاوات ولكن فين فى نص ( الفصل دون ابداء اسباب)

[محمد مهدى]

انتى منين من الاسماعيليه انا من التل الكبير

[bright.light]

احنا بقى فى ادارة ديرب نجم -شرقية مرتبنا 326 وفقط الحمد لله

[حاتم وهيب]

على فكرة المرتبات متفاوته من محافظة لاخرى .
احنا هنا فى سوهاج بنقبض 338.5 من فترة كبيرة والمرتب زى ما هو ما تغيرش

[نور العلم]

ايه ده
انا كمان في أسكندرية
في ادارة المنتزة
ومتعاقد من 1/4/2008
ومرتبي كان 318 بالحوافز
وبعدين بقى310 بالحوافز
يعني جزئية التاريخ التعاقد مالهاش تأثير بالمرة لأن زملائنا الي تعاقدوا بعدين كانوا نفس المرتب يعني عمر ما حد وصل للمبالغ الي بتقولوا عليها ابدآ لامن بعيد ولا قريب

بس اعرف ان في المدارس الي في مناطق نائية المدريسين بياخدوا زيادة محددة وما عدا العقود لأني كنت شغال في مدرسة متطرفة وعرفت المعلومة ديه وعرفت انها للاساسين فقط وهي مش لكل المدارس واستحالة توصل للمبالغ الي بتكلموا عليها لأنها لو نزلت لينا في المدارس ديه مش هتزيد عن 25 جنيه حسب اساسي مرتبنا يعني لايمكن توصل اكثر من335 جنيه يبقى التفرقة في المرتبات سببها ايه انا عايز اعرف بجد احنا ليه مرتبتنا مش زي بعض ديه حاجة تجن؟؟؟؟؟؟؟؟؟؟؟:13::20::31::9:

[aboali shaheen]

انا احمد مدرس حاسب آلي متعاقد في 11/2008 ومرتبي عند التعاقد 304
وبعد الحوافز اصبح الان 325 فقط
الحمد لله

[وسام غانم]

يا جماعه المرتب بيختلف من محاظه لمحافظه تقريبا تبع امكانيات كل محافظه
و لازم نعرف كمان ان الكل مش تاريخ عقده واحد
و اكيد الزياده بتاعت شهر 7 ع الاساسى بتفرق فى المرتب
يعنى فى ناس زمايلى بس من تخصص تانى اتعملهم عقد مميز قبلى بسنه و مرتبهم 360
و انا عملت العقد المميز السنه اللى بعدها و مرتبى 335
فاكيد هتفرق من حد للتانى
بس الخصم ده مسمعناش عنه و ربنا يبعده عنه

[mai mohammed]

احنا مرتبنا في البحيره 375 جنيه وفيه 330

[مروه احمد حسن]

واضح انا فى الاسكندريه بيضحكوا علينا انا مدرسه بالعقد من 1\12\2008 كان المرتب318 وبعدين بقى 311 ايه الارقااام دى اللى بتتقااااااااااااااااااال ولا احنا بياخدوا علينا ضرائب عشاان عندنا البحر ؟؟؟؟؟؟؟؟؟؟؟؟؟؟؟؟؟؟؟؟احتمااااااااال:28::18:

[نور العلم]

والله عندك حق يا استاذة مروة هم عندنا في اسكندرية مزودنها شويتنا في موضوع خصومات المرتب بدون سبب غير "س-ر-ق-ة" علني من مرتبتنا وياريت احنا وبس لالا لا ده من كل المدرسين وغير المدرسين لازم يتاخد من مرتبهم بدون سبب كأنها اتواة، اوضريبة على الهواء الي بنتنفسه في اسكندرية او يمكن تكون ضريبة شغل وظيفة مدرس "قال يعني وظيفة انها وظيفة وزير ولا محافظ" هههههههههههههههههههه؟؟؟؟؟؟؟؟؟؟؟؟؟؟؟؟؟؟:20::20:

[سوانيا]

احنا فى الاسماعيلية 365 ج

[abdelsalam1983]

انا من كفرالشيخ مرتبي 222 جنيه ومتعاقد من 1-2-2007