يوميات مواطن مطحون

[7asnaa kareem]

عشان انت مصرى ..

عشان انت مصرى لازم تعانى
وتفقد كرامتك بكل المعانى
وتحرق فى دمك سنين مش ثوانى
واوعى تصدق كلام الاغانى
بتاع الحضاره وكانى ومانى
ده كله هجايص مايدخل ودانى

عشان انت مصرى العذاب بيناديك
بتبدا فى يومك حاجات بترازيك
فى نومك فى قومك تعكنن عليك
تضايقك ولسه العماص فى عينيك
مافيش ميه تشطف صابونه فى ايديك
وجسمك ملزق وريحتك عاديك
فتلبس وتنزل وفيك اللى فيك

ورايح لشغلك حتحتاج مواصله
ادى المترو واقف وكهربته فاصله
وفى الميكروباص خناقه وحاصله
اوتوبيس فرامله عايزالها وصله
وتوك توك ده تايه ومحتاج لبوصله

بتوصل لشغلك بدم اتحرق
فى زحمه وكتمه وحر وعرق
رئيسك سايبلك كومه ورق
ده غير دمغه ضايعه وملف اتسرق
وفى كام مواطن عامللك قلق
بيشكى تقول له روح اندعق
وعركه وهوجه وشاى اندلق
ومخك خلاص من الصداع اتفلق


هترجع لبيتك ده لو كان فى بيت
هتوصل هتندم ياريتك ماجيت
مراتك بتصرخ خلاص استويت
عيالك بتطلب وهات كيت وكيت
تزعق تهاتى ياناس اتهريت
ولاحد سامعك مهما هاتيت

عشان انت مصرى وده للاسف
فلازم تاسى تعيش تتقرف
وكل الاساسى فى حياتك ترف
فتنسى الكرامه وتنسى الشرف
وتسرق وتنصب او تنحرف
ودمعك بيجرى وجرحك نزف
مش انت اللى مصرى؟؟؟ جتك القرف

للشاعر .........احمد فؤاد نجم

[نعمه محمود]

من أول حرف قريته عرفت انها للمبدع أحمد فؤاد نجم شكرا ياحسناء على القصيدة اللي رسمت على شفاهنا بسمة ولكنه ضحك كالبكاء

[7asnaa kareem]

من أول حرف قريته عرفت انها للمبدع أحمد فؤاد نجم شكرا ياحسناء على القصيدة اللي رسمت على شفاهنا بسمة ولكنه ضحك كالبكاء


فعلا يا استاذه نعمه


الشاعر الوحيد اللى اسلوبه بيتعرف من أول حرف

ثورجى

ومتحمس

بس مش عارف يغير الواقع

نورتى الموضوع

[عبــــدالــــرحمـــــن]

ماهو عشان ان مصرى
لازم اشوف الحاجات دى كلها
وعشان انا مصرى اتعودت
وعشان ان مصرى لازم استحمل
وعشان انا مصرى معدتش اقدر اعيش من غيرها




شكرآ على الموضوع الى انا عايش فيه كل يوم استاذ حسناء

[7asnaa kareem]

ماهو عشان ان مصرى
لازم اشوف الحاجات دى كلها
وعشان انا مصرى اتعودت
وعشان ان مصرى لازم استحمل
وعشان انا مصرى معدتش اقدر اعيش من غيرها




شكرآ على الموضوع الى انا عايش فيه كل يوم استاذ حسناء


وليه لازم تشوف الحاجات دى

وليه عشان انت مصرى تتعود

وليه عشان انت مصرى لازم تستحمل


ليه ما تبقاش مصرى والحياه تمام
وليه ما تبقاش مصرى
ومصر بخير

ليه تستحمل حاجه صعبه
لما ممكن تتجود اللى اسهل منها

قوانين محتاجه تتغير

[fighter]

جميله جدا استاذه

بقلوب دامية نبكي مر الآثام

ودموع العين لها تأسف

كل الأحلام

ما لبث الفجر بأن غادر

فالفجر ظلام

ما عاد الشعر له طعم

فالشعر كلام

يا مصر ويا أم الدنيا

ماتت أقلام

نتمنى الفجر بأن يأتي

لا ليس ظلام

لا ليس ظلام

لا ليس ظلام

إسـلامـ

[7asnaa kareem]

جميله جدا استاذه

بقلوب دامية نبكي مر الآثام

ودموع العين لها تأسف

كل الأحلام

ما لبث الفجر بأن غادر

فالفجر ظلام

ما عاد الشعر له طعم

فالشعر كلام

يا مصر ويا أم الدنيا

ماتت أقلام

نتمنى الفجر بأن يأتي

لا ليس ظلام

لا ليس ظلام

لا ليس ظلام

إسـلامـ


الاجمل مرورك
اسلام
نورت الموضوع

[7asnaa kareem]

ما تشغلش بالك
رفريش برده

[همس الحنين]

جميله جدا يا حسناء

رغم واقعنا الباكي

هو مفيش حاجه

تدعو للتفاؤل شويه

ههههههههههه

سلمت اناملك حبيبتي

[7asnaa kareem]

جميله جدا يا حسناء



رغم واقعنا الباكي


هو مفيش حاجه


تدعو للتفاؤل شويه


ههههههههههه



سلمت اناملك حبيبتي



شكرا لمرورك العطر

[صفيه سعداوى]

عشان انت مصرى ..

عشان انت مصرى لازم تعانى
وتفقد كرامتك بكل المعانى
وتحرق فى دمك سنين مش ثوانى
واوعى تصدق كلام الاغانى
بتاع الحضاره وكانى ومانى
ده كله هجايص مايدخل ودانى

تسلمى يا استاذه حسناء
على هذه الكلمات الرائعه
فدائما ما يحتاج الشعب المصرى الى هذه الاسقاطات
التى يعبر بها عن واقع اليم
وعلشان انت مصرى هتتحمل كل الصعاب
وتعيش بالامل الى ان يأتى يوم جديد
نشعر فيه بالتغيير
ان غدا لناظره قريب
تقبلى تحياتى

[هادي أيمن اسماعيل]

مشكوره على مجهودك و موضوعك الرائع

[محمد فؤاد محمود]

أيتها المبدعة العظيمة
هرد عليك بلون قصيدة
يمكن نلاقى حل للمكيدة
ماسكة فى ايدك قلم وإلا ريشة
أشوف فى كلامك ألوان كتير
ده لون الصبح الجديد
وده لون الهم المديد
وده لون فقدان المياه
وكمان لون باهت ضعيف
لون الفطار ناقص الرغيف
وكمان لون نسمع خلاله
صوت المنادى يقول تعالوا
مواصلة سهلة ومريحة
تاخدك من بيتك الى التشريفه
ولون نشوفه من بعيد
ده لون الهم والغم الجديد
نسمع من خلاله
صوت الضجيج
يلا خلص وراى مواعيد
امضى واختم بختم الحديد
ولون كمان تحس انه عيد
لما نرجع تانى لبيتنا السعيد
نسمع فيه صويت عيال
يابابا ادفع بسرعة الفلوس
ده ماما جبتلك اليوم فانوس
تمسحه يطلع مارد همام
تقوله هات يقولك انا ليك خدام
أؤمر هتلقى أمرك تمام
تقوله أصلح بلادى تمام
يقولك يا عم روح ونام
ده بلدك ده مش عايزة شطان
ده عايزة معجزة ليها تبان
وكمان اشك فى ده كمان
لازم تصحى وتفوق كمان
وترفع ايدك تقول يا رحمن
ارحم عبيدك ده حالهم جنان
وغير نفوسنا يمكن نبان
فى صورة تجمع كل فنان
مبدع مفكر وكمان إنسان
يبنى يعمر من غير كلام
ده شعب مصر شعب همام
لما يشمر ايديه قول يا سلام

[7asnaa kareem]

عشان انت مصرى ..



عشان انت مصرى لازم تعانى
وتفقد كرامتك بكل المعانى
وتحرق فى دمك سنين مش ثوانى
واوعى تصدق كلام الاغانى
بتاع الحضاره وكانى ومانى
ده كله هجايص مايدخل ودانى


تسلمى يا استاذه حسناء
على هذه الكلمات الرائعه
فدائما ما يحتاج الشعب المصرى الى هذه الاسقاطات
التى يعبر بها عن واقع اليم
وعلشان انت مصرى هتتحمل كل الصعاب
وتعيش بالامل الى ان يأتى يوم جديد
نشعر فيه بالتغيير
ان غدا لناظره قريب
تقبلى تحياتى




ميرسى لحضرتك استاذه صفيه

الرساله بتوجع
بس مفيش خطوه

[7asnaa kareem]

مشكوره على مجهودك و موضوعك الرائع

ربنا يكرمك يا رب

منور الموضوع

[7asnaa kareem]

أيتها المبدعة العظيمة




هرد عليك بلون قصيدة
يمكن نلاقى حل للمكيدة
ماسكة فى ايدك قلم وإلا ريشة
أشوف فى كلامك ألوان كتير
ده لون الصبح الجديد
وده لون الهم المديد
وده لون فقدان المياه
وكمان لون باهت ضعيف
لون الفطار ناقص الرغيف
وكمان لون نسمع خلاله
صوت المنادى يقول تعالوا
مواصلة سهلة ومريحة
تاخدك من بيتك الى التشريفه
ولون نشوفه من بعيد
ده لون الهم والغم الجديد
نسمع من خلاله
صوت الضجيج
يلا خلص وراى مواعيد
امضى واختم بختم الحديد
ولون كمان تحس انه عيد
لما نرجع تانى لبيتنا السعيد
نسمع فيه صويت عيال
يابابا ادفع بسرعة الفلوس
ده ماما جبتلك اليوم فانوس
تمسحه يطلع مارد همام
تقوله هات يقولك انا ليك خدام
أؤمر هتلقى أمرك تمام
تقوله أصلح بلادى تمام
يقولك يا عم روح ونام
ده بلدك ده مش عايزة شطان
ده عايزة معجزة ليها تبان
وكمان اشك فى ده كمان
لازم تصحى وتفوق كمان
وترفع ايدك تقول يا رحمن
ارحم عبيدك ده حالهم جنان
وغير نفوسنا يمكن نبان
فى صورة تجمع كل فنان
مبدع مفكر وكمان إنسان
يبنى يعمر من غير كلام
ده شعب مصر شعب همام
لما يشمر ايديه قول يا سلام





ليس هناك ما يقال بعد ما قيل

قصيده رائعه من سيادتك
شكرا للمتابعه
ويسلمووووووووووووو

[احمد الدرس]

لما تشوف كل ده يبقى أنت أكيد فى مصر