المــــرأه " دايماً دموع _ دموع _ دموع "

[طارق ممدوح ذكي محمد]

عندما ترى امرأة تبكي فلا تسأل ابداً .. لماذا تبكي ؟
ولكن السؤال هو .... متى تنتهي من البكاء !! :rolleyes:
" طارق ممدوح "


ومن اقول بعض الفلاسفه عن بكاء المرأة


تستطيع الشمس أن تجفف مياه المحيط ، ولكنها لن تستطيع أن تجفف دموع المرأة .
" سقراط "


لكي تنجح مع المرأة ، إذا ابتسمت لك ، فكن شمعة تذوب ، وإذا بكت، فكن صخرة لا تلين.
"أنيس منصور"


أروع ابتسامة وراء الغيوم .. ابتسامة تشق طريقها بين دموع المرأة.
" اللورد بايرون"

تبتسم المرأة عندما تستطيع ولكنها تبكي عندما تريد.
"بيسون"


لا تخدعك دموع المرأة ، فقد دربت عينيها على البكاء.
"الكسندر دوماس"


المرأة لا تكون قوية إلا عندما تتسلح بدموعها.
"الفرد دوفينييه"


يعتقد الكثير ان بكاء المرأة هذا لانها مخلوق رقيق المشاعر مرهف الحس ، او لانها كائن حي ضعيف يتسلح بدموعه في مواجهة سطوة وجبروت الرجال ، او لان المرأة اضعف من ان تكتم مشاعر حزن بداخلها ...... وأؤكد انه ليس تلك هي الاسباب الرئيسيه في بكاء المرأة بل السبب الرئيسي هو : ان المرأة مخلوق كئيب :( .. نعم كئيب :( يعشق البكاء بغزارة فالبكاء عند المرأة ليس وسيله للتعبير عن المشاعر ولكنه عند الكثيرات منهن هدف في حد ذاته !! ... وما يؤكد على صحة كلامي هو ما نشاهده يومياً من انتهاز المرأة لأي فرصه او حتى شبه فرصه للبكاء ( هدافه كبيرة طبعاً ) ، ولو استرجعنا سويا لتاريخ السينما والتمثيل فستجد انه ليس هناك امرأة استطاعت ان تصنع الابتسامه إلا اذا قلدت الرجال ، ولاحظ ايضاً اثناء وجود جمع من الرجال والنساء فلن تجد امرأة ابدا تبدأ ببث روح المرح والدعابه بل ان الرجل هو صاحب هذه المهمه وهو فارس السعاده في الحياه وقبطانها .. ولولاه لغرقت النساء في بحور من الدموع . أمال جدتي وجدتك كانوا بيدعوا لرجالتهم ليه ... الله يرحمهم ستات كان فاهمه وبتقدر بصحيح ;)


انا كلامي خلص ... حد عنده كلام تاني :)

[شريف]

المرأة مخلوق كئيب :( .. نعم كئيب :(


ههههههههههههههههههههههههههههههههههههههههههههه
ههههههههههههههههههههههههه
الله يجازيك يا ابو طارق
انا قلبي كان هيقف م الضحك
مش هعلق دلوقتي

فقط
بسجل شماتة
قصدي متابعة

[طارق ممدوح ذكي محمد]

مش هعلق دلوقتي
فقط
بسجل شماتة
قصدي متابعة



منتظر مداخلاتك الرائعه اخي شريف


فاليوم يومك يا دمشقي ... قصدي يا قاهري


مش قولتلك ان غداً لناظره قريب ;)

[شمس بياض]

أروع ابتسامة وراء الغيوم .. ابتسامة تشق طريقها بين دموع المرأة.
" اللورد بايرون

ما اروعها من ابتسامة
عندما تخفى المرأة احزانها ودموعها وراء ابتسامتها

[نداء الجنة]

ليه بس كدا
عموما ردى هيكون فى موضوع
انتظروه
على اى حال موضوع جميل على سبيل الطرفه
مشكور استاذ طارق

[طارق ممدوح ذكي محمد]

أروع ابتسامة وراء الغيوم .. ابتسامة تشق طريقها بين دموع المرأة.
" اللورد بايرون

ما اروعها من ابتسامة
عندما تخفى المرأة احزانها ودموعها وراء ابتسامتها



لا يا اخت شمس اللورد بايرون يقصد العكس تماما

وهو ان روعة ابتسامة المرأة لانها نادره

ولانها تشق طريقها بين الدموع

يعني دموع المرأة هي السائده

وليس ابتسامتها ... :(

[Redcar]

فعلا دموع فى دموع موضوع رائع

[طارق ممدوح ذكي محمد]

ليه بس كدا
عموما ردى هيكون فى موضوع
انتظروه
على اى حال موضوع جميل على سبيل الطرفه
مشكور استاذ طارق


منتظر موضوعك استاذه رانيا

شكرا على مرورك الكريم

[أفنان أحمد]

سامحك الله
(حتى على الدمع لا أخلو من الحسد )
هذه الدموع فضفضة .....وإلا .. الانفجار
ما أكثر ما تحمله المرأة من هموم تنوء بحملها الجبال
وأحيانا يكون المتنفس الوحيد ..البكاء
الرجل يكاد لا يحمل هم إلا العمل و الانفاق
لكن المرأة أو الأم .........................
لا يتسع الوقت لعد الهموم
وليس كل النساء كئيبة منهن الكثيرات المرحات بالرغم ما يحملن من هموم
وعلى فكرة لو بحثنا عن سبب هذه الهموم ..غالبا ستجدها الرجل
أنا أتحدث بشكل عام من مخالطتى للنساء فى العمل
وذكرت الحسد فى مقدمة مشاركتى لأن هذه الدموع
بفضل الله تقى من كثير من أمراض القلب والدورة الدموية
لذلك النساء أطول عمرا من الرجال وعنما نسمع عن امرأة
توفيت نسمعهم يقولون ... حرم المرحوم ....
اللهم لا حسد

[طارق ممدوح ذكي محمد]

فعلا دموع فى دموع موضوع رائع



مش كده برده :)

شكراً جزيلا لك

[طارق ممدوح ذكي محمد]

لذلك النساء أطول عمرا من الرجال وعنما نسمع عن امرأة
توفيت نسمعهم يقولون ... حرم المرحوم ....
اللهم لا حسد



لا يا اختي الرجاله بيموتوا صغيرين

من كتر تنكيد الستات عليهم :o



ولما بيموت الراجل الناس بتقول


" الله يرحمه .. ما متش من قليل :( "

[طارق ممدوح ذكي محمد]

الرجل يكاد لا يحمل هم إلا العمل و الانفاق



هرد عليكي بكلام الله عز وجل


{فَقُلْنَا يَا آدَمُ إِنَّ هَذَا عَدُوٌّ لَّكَ وَلِزَوْجِكَ فَلَا يُخْرِجَنَّكُمَا مِنَ الْجَنَّةِ فَتَشْقَى }طه117


يعني خرج ادم وحواء من الجنه ولكن الشقاء كان من نصيب الرجل فقط


وده يفند ويبطل دعوى ان النساء اكثر شقاء وتحمل للمعاناه في الحياه من الرجال :)

[dream]

ما هو البكاء؟


البكاءانفجار يحدث داخل جسم الإنسان نتيجة

لبعض الضغوط أو المشاكل التي قد

تواجهه.هذا الانفجار إما أن يظهر ويخرج بشكل دموع

,وإما أن يكبته الشخص في داخله

فيتحول إلى حسرات وآهات قد تؤدي

في النهاية إلى دمار الصحة و هلاكها.

فلو عرفت فوائد البكاء لبكيت....وبكيت...وبكيت

فالبكاء أو بالأصح الدموع تنظف العين

و تطهرها من الأتربة والغبار.

والأهم من ذلك أنها تنقي الفؤاد و الأحاسيس

والمشاعر من الحزن والغضب والحقد وغير ذلك

من الأشياء التي قد تصيب الإنسان.

ولقد ثبت علميا أن البكاء يخفف من ضغط الدم

و آلام القلب التي قد تؤدي إلى جلطه

أو إلى الموت في بعض الأحيان.....

فماذا كنت تفعل لحظة ولادتك هل كنت تضحك؟؟؟

طبعا لا.... لقد كنت تبكي كأي طفل يطلق صرخاته

عندما يولد ويخرج إلى هذا العالم ...الواسع...

الغريب الملئ بالضوضاء والضجة.



فربما بكيت المراة لحاجتها للعطف

أو الحنان

أو ربما لتنفس عن كرب أو ضائقة في داخلك .

ربما تبكي من الفرحة و السرور .فأين العيب في ذلك؟؟

فهى بذلك تبحث عن مخرج لتعبر به عن ما في داخلها.


يقول ابن القيم أن البكاء أنواع:-

*بكاء الرحمة و الرقة

*بكاء الخوف و الخشية

*بكاء المحبة والشوق

*بكاء الفرح والسرور

*بكاء الجزع

*بكاء الحزن

*بكاء الخور والضعف

*بكاء النفاق

*البكاء المستعار

*و بكاء الموافقة



هل تعلم يا أخي أنه من السبعة الذين يظلهم الله يوم لا ظل

إلا ظله.....رجل ذكر الله خاليا ففاضت عيناه.

هل تعلم أن الرسول صلى الله عليه وسلم

وهو أعظم مخلوق علىوجه الأرض

كان يبكي في بعض المواقف و كانت تفيض عيناه

بالدمع خوفاً وخشيتاً على أمته,أو عند تلاوة القرآن.



كما ان البُكاء من خشية الله تعالى يلين القلب ،

ويذهب عنه أدرانه وهذه حقيقة لامراء فيها،

قال يزيد بن ميسرة رحمه الله : " البكاء

من سبعة أشياء : البكاء من الفرح ،

والبكاء من الحزن ، والفزع ،

والرياء ، والوجع ، والشكر ،

وبكاء من خشية الله تعالى ،

فذلك الذي تُطفِئ الدمعة منه أمثال البحور من النار ! " .

وقد مدح الله تعالى البكائين من خشيته،

وأشاد بهم في كتابه الكريم:

(إن الذين أوتوا العلم من قبله إذا يتلى عليهم يخرون

للأذقان سجدا. ويقولون سبحان ربنا إن كان

وعد ربنا لمفعولا. ويخرون للأذقان يبكون

ويزيدهم خشوعا) [الإسراء 107-109].

أن الإنسان سواء كان رجلا أو امرأة

مزود بغريزة البكاء والضحك

استجابة لمحفزات نفسية معروفة

لكني أعرف أيضا أنهما - الرجل والمرأة -

يختلفان في سرعة هذه الاستجابة وقوتها,

المرأة أسبق إلى البكاء

,الرجل يبكي أيضا لكن نادرا

وعلى التراخي وبدفاع أطول


ربما هي تركيبته الفسيولوجية ، جيناته ، وربما هي

تراكمات قناعاته الذكرية التي تجمعت

خلال فترة النمو والاحتكاك

[شمس بياض]

لا فض فوك اختى احلام


والله حجة ما اروعها

بوركت اختاه

ايوة كده ماشاء الله ولا قوة الا بالله
ولسه الباقيات الدكاترة والمديرات

ابعت يارب

[طارق ممدوح ذكي محمد]

ما تفرحيش اوي كده يا اخت شمس

اخت احلام بتحاول تاخدنا في سكه تانيه

طبعلا لا انكر بكاء الخوف من الله للرجل والمرأة

وهوه فيه اعظم من ذلك ؟؟؟

وبعدين اختنا احلام في النهايه وبعد هذه المحاضرة عن البكاء

اعترفت ان بكاء المرأة اكثر من بكاء الرجل بكثير
ويا اخت احلام المشكله ليست في البكاء فالبكاء احيانا يكون نعمه كبيره

لكن المشكله هو المداومه على البكاء والبكاء بغير سبب

ذات مرة كنت امزح مع طالبه داخل الفصل

وضحكنا جميعا وبعد ان ضحكت بشده

وجدتها فجأة تبكي بكاء مريرا وحاولت اكثر من نصف ساعه

ان اعرف سبباً لبكاءها ولكني فشلت حتى انتهت من بكاءها

بعد اكثر من ساعه وجاءت لي واعتذرت وقالت انها لا تعرف سبب بكاءها :(

وكثير ما صدفت هذا من خلال تعاملي مع المرأة ..

[أفنان أحمد]

الرجل يكاد لا يحمل هم إلا العمل و الانفاق



هرد عليكي بكلام الله عز وجل


{فَقُلْنَا يَا آدَمُ إِنَّ هَذَا عَدُوٌّ لَّكَ وَلِزَوْجِكَ فَلَا يُخْرِجَنَّكُمَا مِنَ الْجَنَّةِ فَتَشْقَى }طه117


يعني خرج ادم وحواء من الجنه ولكن الشقاء كان من نصيب الرجل فقط


وده يفند ويبطل دعوى ان النساء اكثر شقاء وتحمل للمعاناه في الحياه من الرجال :)



صدق الله
هذا أستاذنا الفاضل ما ينبغى أن يكون وليس هو الحادث الآن
لو استقامت الدنيا على كلام الله عز وجل لأرحنا واسترحنا
ومنه لله آثم أمين

[طارق ممدوح ذكي محمد]

صدق الله


هذا أستاذنا الفاضل ما ينبغى أن يكون وليس هو الحادث الآن
لو استقامت الدنيا على كلام الله عز وجل لأراحنا واستراحنا
ومنه لله آثم أمين



هههههههههههههههههههه

معاكي كل الحق طبعاً

المرأة حالياً تتحمل فوق طاقتها

و لكنه خطأها من البدايه

لانها فرحت بحرية مزعومه

[dream]

ما تفرحيش اوي كده يا اخت شمس

شوفت مش عاوزها تفرح اهو يعنى تبكى يعنى؟


اخت احلام بتحاول تاخدنا في سكه تانيه
سكة تانيه فين بس
هو جزء من دموع المراة


طبعلا لا انكر بكاء الخوف من الله للرجل والمرأة


وهوه فيه اعظم من ذلك ؟؟؟


وبعدين اختنا احلام في النهايه وبعد هذه المحاضرة عن البكاء


اعترفت ان بكاء المرأة اكثر من بكاء الرجل بكثير
طبعا العرف والتقاليد ايضا لاتعترف بغير ذلك

فالرجل لو بكى يصبح فى نظر المجتمع

ليس رجل

والمراة التى لا تبكى تصبح امراة جبارة(قادرة )
ويا اخت احلام المشكله ليست في البكاء فالبكاء احيانا يكون نعمه كبيره


لكن المشكله هو المداومه على البكاء والبكاء بغير سبب

لايوجد بكاء بغير سبب

وكثرة الدموع تؤدى الى جفافها بعد حين;)


ذات مرة كنت امزح مع طالبه داخل الفصل


وضحكنا جميعا وبعد ان ضحكت بشده


وجدتها فجأة تبكي بكاء مريرا وحاولت اكثر من نصف ساعه


ان اعرف سبباً لبكاءها ولكني فشلت حتى انتهت من بكاءها


بعد اكثر من ساعه وجاءت لي واعتذرت وقالت انها لا تعرف سبب بكاءها :(

اكيد تعلم والخجل يمنعها من ذكر السبب


وكثير ما صدفت هذا من خلال تعاملي مع المرأة ..



ايوة ممكن المراة تبكى من رؤيه مشهد فى مسلسل

او طفل يبكى

او جرح كرامتها

او جبروت رجل(ربنا يجعلك رجل حليم على المراة باذن الله)

مش كفايه حرب بقى؟

[امل لاشين]

يا استاذ طارق ...اذا كان للمراه دموع .......فالسبب فيها الرجل دائما

والمراه لما تتحمل فوق طاقتها مش علشان حريه او شعارات

لالالالالالالالالا

علشان الان الرجل تخلي كتيررررررررررر عن مسئولياته ...ووقف يتفرج يشوف ماذا تفعل المراه....

وتعامل معاها كانها ند ليه ........وليست جزء منه يحتويه ويحميه

[غفران]

عجبا لكم أيها الرجال
إذا بكت المرأة- لتفرج عن نفسها ما تلاقيه من هموم
وضغوط وكبت سواء داخل المنزل أو خارجه - قلتم عليها نكدية
وإذا كانت تتمتع بخفة الظل وحاضرة النكتة قلتم عليها خفيفة وغير
متزنة ويطمع فيها من فى قلبه مرض وتلوك سمعتها الالسنة
وعموما إذا كانت المرأة نكدية فمن هو السبب ياترى

إنـــــــــــــــــــــــــــــــــــــــه



الــــــــــــــــــــــــــــــــــــــــــــــــ ـــــــــــــــــرجل

[طارق ممدوح ذكي محمد]

شوفت مش عاوزها تفرح اهو يعنى تبكى يعنى؟



ويعني لو فرحت المرأة هتبطل دموع بعينهم برده بيقولوا دموع الفرح :)




طبعا العرف والتقاليد ايضا لاتعترف بغير ذلك

فالرجل لو بكى يصبح فى نظر المجتمع

ليس رجل

والمراة التى لا تبكى تصبح امراة جبارة(قادرة )



يا ريت اشوف امرأة تبكي فقط على ما يستحق البكاء ... لكن هيه فين ؟



لايوجد بكاء بغير سبب

وكثرة الدموع تؤدى الى جفافها بعد حين;)



الا دموع المرأة فلقد حباها الله بيانبيع لا تجف و لا تنضب من الدموع ;)





اكيد تعلم والخجل يمنعها من ذكر السبب



وهل هناك ما يستحق البكاء لمدة ساعه بهذا الشكل وبعد ان كانت تضحك ... !!!


ايوة ممكن المراة تبكى من رؤيه مشهد فى مسلسل

او طفل يبكى

او جرح كرامتها

او جبروت رجل(ربنا يجعلك رجل حليم على المراة باذن الله)

وان لم تجد سبباً من هذه الاسباب فستبكي ايضا .. :d


مش كفايه حرب بقى؟
لما نشوف الرايه البيضا الاول

[طارق ممدوح ذكي محمد]

يا استاذ طارق ...اذا كان للمراه دموع .......فالسبب فيها الرجل دائما






طيب بقى انا اتحدى بتجربه عمليه

ان مجموعه من النساء يتجمعوا في مكان

منعزل بعيد عن الرجال .. لازوج ولا اخ ولا ابن ولا اب

ونشوف هيعيطوا ولا لا .... ايه رأيكم ؟؟ :)

[طارق ممدوح ذكي محمد]

عجبا لكم أيها الرجال
إذا بكت المرأة- لتفرج عن نفسها ما تلاقيه من هموم
وضغوط وكبت سواء داخل المنزل أو خارجه - قلتم عليها نكدية
وإذا كانت تتمتع بخفة الظل وحاضرة النكتة قلتم عليها خفيفة وغير
متزنة ويطمع فيها من فى قلبه مرض وتلوك سمعتها الالسنة



خير الامور الوسط ... وان يكون الانفعال في موضعه المناسب

سواء بكاء او ابتسامه ....

ولكني لم أرى في حياتي أمرأة تتمتع بخفة الظل ؟ فين دي ؟

ولم تضحكني ابدا امرأة ...

واحياناً اتصنع الضحك مجاملة وجبر خاطر لهن

[مسيو وليد عسكر]

بسجل متابعه وموضوعك ده فيه كلام كتير اوي بس لما اركز واجهز باللي هقوله

[شمس بياض]

خير الامور الوسط ... وان يكون الانفعال في موضعه المناسب



سواء بكاء او ابتسامه ....


ولكني لم أرى في حياتي أمرأة تتمتع بخفة الظل ؟ فين دي ؟


ولم تضحكني ابدا امرأة ...



واحياناً اتصنع الضحك مجاملة وجبر خاطر لهن



وانا بقول نون النسوة بعيد عن عنيك ليه ؟

اتاريك ما بتضحك للرغيف السخن

طيب

واحد صعيدى سافر مصر

اشترى جيلاتى (دولسى )

وقعد يغمسه بالعيش

صاحب محل الجيلاتى ضحك عليه

قاله مالك يابوى بتضحك على ولا على طبيخك السايح

اضحك حتى ولو مجامله

[غفران]

ما كل هذه القسوة يا استاذ طارق

لم نعهدك كذلك . أنسيت موضوعاتك التى تبين قيمة المراة

ومكانتها؟!!!!!

حنانيك أستاذ طارق

[طارق ممدوح ذكي محمد]

وانا بقول نون النسوة بعيد عن عنيك ليه ؟

اتاريك ما بتضحك للرغيف السخن

طيب

واحد صعيدى سافر مصر

اشترى جيلاتى (دولسى )

وقعد يغمسه بالعيش

صاحب محل الجيلاتى ضحك عليه

قاله مالك يابوى بتضحك على ولا على طبيخك السايح

اضحك حتى ولو مجامله


انا ما بضحكش ... ده انا باضحك وانا نايم

وهجاملك كمان اهوه

هههههههههه

[طارق ممدوح ذكي محمد]

ما كل هذه القسوة يا استاذ طارق

لم نعهدك كذلك . أنسيت موضوعاتك التى تبين قيمة المراة

ومكانتها؟!!!!!

حنانيك أستاذ طارق


طبعا لم ولن انسى ولكن دعينا الان نمزح

وليذكر كل منا عيوب الاخر في جو من المرح

حتى نتجنبها .............

فلا تنكري انكي بعد موضوعي هذا ستكونين اكثر حرصا

على ان تدخلي جو المرح والابتسامه في بيتك ومع اسرتك

هوه ده الهدف الاسمى من الموضوع

بصرف النظر عن الشد والجذب اللذيذ

[طارق ممدوح ذكي محمد]

التسوسترون" هو سر بكاء المرأة

كشفت دراسة فرنسية أجريت حديثاً أن النساء أكثر قدرة على البكاء من الرجال بسبب عامل بيولوجى حيث يفرز جسم الرجل هرمون التستوسترون الكابت للدموع ويوجد بنسبة أقل عند الجنس الناعم. قالت العالمة النفسانية " سيلفى انجل " : أن بعض النساء يبكين بلا مبرر أو بدون سبب واضح لأنهن مصابات بالإكتئاب فالأحداث المؤلمة لا يشعرون بها فى الحال ولكن بعد فترة زمنية يقعن ضحية لارتداد الصدمة مرة أخرى وهذة الظاهرة يطلق عليها " موية الصدمة النفسية" التى تجعل المرأة تنهار بدون سبب محدد ، تكون نوبات من الدموع تعبر عن الالم الدفين

[عبده عبد العظيم إسماعيل]

شكر لك أخى الكريم على المعلومة

[س ا يوسف]

لا تخدعك دموع المرأة ، فقد دربت عينيها على البكاء.
هي دي فعل مضارع
ام فعل مبني للمجهول

[دعاء شديد]

يقولون تبكى المرأة "طيب ماشى تبكى" لا عيب ولا حرام

ليس معنى البكاء ... النكد وانا اعرف كثيرات يبكون من جراء افعال ازواجهن ولكن:
منهن من تخفف عن نفسها بالبكاء فقط دون ان تنكد على زوجها
منهن من لا تقوى على ان يرى دموعها من قسوته
منهن من لا ترغب ان تريه دموعهامن كبريائها

لا تعمم الحكم يا استاذ طارق

وبعدين حاجة غريبة تقولوا المرأة تتحمل اعباء الحياة وتنزل العمل وهى الي اختارت

ماشى هوافقك على الكلام ده بس جاوبنى على الاسئلة التالية:

- من الذى يطلب سكرتيرة تجيد اللغات والكمبيوتر؟ بدون استكمال الامثله
ارد انا طبعا انتم الرجال

- من الذى اصبح لا يقوى على الانفاق على البيت بمفرده؟
ارد انا طبعا انتم الرجال

من الذى استحلى موضه طلب المساواة وقال اشتغلى؟
ارد انا طبعا انتم الرجال

- من هم اصحاب الشخصيات الضعيفة الذين لا يقدرون على منع زوجاتهن من العمل؟
ارد انا طبعا بعض الرجال

"حاسبوا الرجال قبل ان تحاسبوا المرأة"

اذن اذا بكت المرأه بدون سبب فعليك ان تتأكد من انها

تبكى على حال نفسها وعلى وجودها فى زمن لا يقدر فيه الرجل ان يصونها فى البيت

عرفت ليه المرأة تبكى من غير سبب
عرفت لماذا كانت تدعى المرأة لزوجها زمااااااااااااااااااااان
والآآآآآآآآآآآآآآن تبكى منه

حينما يعود رجال زمااااااااان سيختفى بكاء المرأة

وساعتها حضرتك مش هتلاقى كلام اى موضوعات تهاجم بها المرأة لان الحال سيستقيم

[شريف]

ارد انا طبعا انتم الرجال







أولا : أرجو عدم التعميم
ثانيا : لا تمثل هذه الأسباب التي ذكرتيها انفا واحد علي مائة من الأسباب الحقيقية لدموع و كابة المرأة المتواصلة
ثالثا : لا تسألينني أخت دعاء ما هم التسعة و تسعون الحقيقية لدموعها و كابتها
حيث لم يكتشف علماء الحفريات بعد أي أسباب أخري لأن الكابة و النكد مزاج عندهن حضرتك
رابعا: مش عشان الاستاذ طارق بقا مش موجود حاليا تقومي تدخلي حضرتك تلقي هذا اللغم و تذهبين بعيدا لتسدي أذنك و تنبطحي أرضا لينفجر بنا نحن الرجال
فأنا لن أسمح ...و لن أقبل....و لن نهزم باذن الله

خالص تحياتي

[طارق ممدوح ذكي محمد]

- من الذى يطلب سكرتيرة تجيد اللغات والكمبيوتر؟ بدون استكمال الامثله
طبعاً رجل يريد ان يمتلك امرأه ( يعني هما الرجاله عدموا؟؟ ) ... ولكنه اولاً خطأ من توافق على ذلك


- من الذى اصبح لا يقوى على الانفاق على البيت بمفرده؟
يا مشاء الله على الفلوس اللي بتجيبوها ... ماكل فلوسكم رايحه الموضه وادوات الزينه والحاجات الهايفه
من الذى استحلى موضه طلب المساواة وقال اشتغلى؟
هيعمل ايه طول الليل والنهار ذن ( شهادتي .. تعليمي ... كياني المستقل ... دوري في الحياه ... انت عايز تقتل طموحي ) في النهايه يضطر يقولها اطلعي و اشتغلي يامي الهي ما تــــ .......
- من هم اصحاب الشخصيات الضعيفة الذين لا يقدرون على منع زوجاتهن من العمل؟
شخصيات ضعيفه لو اشتغلتوا ولو ما اشتغلتوش نبقى قاتلي طموح المرأه ومش عارف ايه .... فعلاً ضلع اعوج اعوج يعني مش اي كلام ..... ههههههههه

[نعمه محمود]

دوع المرأة ليست ضعفا بل هى قمة القوة ولولا المرأة لانهارت حصونكم ايها الرجال

[طارق ممدوح ذكي محمد]

لا تسألينني أخت دعاء ما هم التسعة و تسعون الحقيقية لدموعها و كابتها
حيث لم يكتشف علماء الحفريات بعد أي أسباب أخري لأن الكابة و النكد مزاج عندهن حضرتك



ماشاء الله عليك يا شريف كده يا ابني انا اطمنت عليك

احب ابشرك انك ابتديت تحط رجلك على الطريق الصحيح

وان شاء الله هتعيش متهني بزواجك على طووووووووووول

[شريف]

ولولا المرأة لانهارت حصونكم ايها الرجال


حصون مين اللي تنهار؟؟؟؟؟
بالعكس
دي كانت هتبقا اقوي حصون في العالم
لان كمية تضييع الوقت ستقل
و وقت العمل سيزيد
و مش هنقعد بقا نضيع وقت في طبطبة و رغي
و خلافات و دي خارجة و دي داخلة و دي واقفة في البلكونة
و دي عايزة مش عارف ايه و دي هتعمل ايه


بالعكس
البناء سيزداد حصانة
و الحصون ستزداد قوة
و الحمد لله
كل الرجالة اللي و راء الحصن بيعرفوا يغسلوا
و يطعموا نفسهم
كويس
هيحتاجوا المرأة في ايه يعني
ولا حاجة
هأ

[دعاء شديد]

[quote=طارق ممدوح ذكي محمد;9235]
- من الذى يطلب سكرتيرة تجيد اللغات والكمبيوتر؟ بدون استكمال الامثله

طبعاً رجل يريد ان يمتلك امرأه ( يعني هما الرجاله عدموا؟؟ ) ... ولكنه اولاً خطأ من توافق على ذلك

بدل متقول خطأها قول الله يرحمك يا رجوله
فين النخوة


- من الذى اصبح لا يقوى على الانفاق على البيت بمفرده؟
يا مشاء الله على الفلوس اللي بتجيبوها ... ماكل فلوسكم رايحه الموضه وادوات الزينه والحاجات الهايفه

شوفت نيتكم داخلين على طمع والي مزعلكم انها بتضيع الفلوس على الموضه يعنى اذا بتجيب فلوس مفيش مشكلة
"لا تعليق طبعا"

من الذى استحلى موضه طلب المساواة وقال اشتغلى؟
هيعمل ايه طول الليل والنهار ذن ( شهادتي .. تعليمي ... كياني المستقل ... دوري في الحياه ... انت عايز تقتل طموحي ) في النهايه يضطر يقولها اطلعي و اشتغلي يامي الهي ما تــــ .......

فين شخصيته وكلمته الي يقدر يمشيها عليها
يبقى انا عندى حق
"اين الرجل ذو الشخصية القويه"
- من هم اصحاب الشخصيات الضعيفة الذين لا يقدرون على منع زوجاتهن من العمل؟

شخصيات ضعيفه لو اشتغلتوا ولو ما اشتغلتوش نبقى قاتلي طموح المرأه ومش عارف ايه .... فعلاً ضلع اعوج اعوج يعني مش اي كلام ..... ههههههههه

يعنى بتعملوا حساب لكلامنا
تبقى شخصيات بجد ضعيفة

عموما فى ختام كلامى احب اوجه عنايه السادة الاعضاء لان الاستاذ طارق نسى يكتب
ان الموصوع "منقول"
واليكم الرابط
You can see links before reply (You can see links before reply)

ليه كده يا استاذ طارق
كل ده علشان تهاجم المرأة

[طارق ممدوح ذكي محمد]

ولولا المرأة لانهارت حصونكم ايها الرجال


ده على اساس ان دموع المرأة

بتحفر اخاديد وخنادق امام الحصون

وجهة نظر برده .... جايز

لكن غالبا ما تؤدي الدموع الغزيرة

التي تزرفها المرأة الى انهيار جدران بيوتهن

[طارق ممدوح ذكي محمد]

لعلم الجميع الموضوع غير منقول

ولم ارى هذا الرابط قبل ذلك

وما استشهدت به من اراء الفلاسفه

معلوم للجميع

اما باقي الموضوع فهو من بنات افكاري

ببتهميني زووووور .... حااااااااااااااضر ;)

[دعاء شديد]

حصون مين اللي تنهار؟؟؟؟؟

بالعكس
دي كانت هتبقا اقوي حصون في العالم
لان كمية تضييع الوقت ستقل
و وقت العمل سيزيد
و مش هنقعد بقا نضيع وقت في طبطبة و رغي
و خلافات و دي خارجة و دي داخلة و دي واقفة في البلكونة
و دي عايزة مش عارف ايه و دي هتعمل ايه


بالعكس
البناء سيزداد حصانة
و الحصون ستزداد قوة
و الحمد لله
كل الرجالة اللي و راء الحصن بيعرفوا يغسلوا
و يطعموا نفسهم
كويس
هيحتاجوا المرأة في ايه يعني
ولا حاجة

هأ


الحق يا شريف حد سرق عضويتك

ده مس شريف يا جماعة ... ده حد اتعمله غسيل مخ

او حد بيجامل صاحبة ماشى ... بس يا ريت تعبر عن رايك ومتجاملش

وبعدين نصدقك ازاى فى موضوعات التى بتساند المرأة ... اي الرأيين اصدق؟

[شريف]

[quote=طارق ممدوح ذكي محمد;9235]
- قول الله يرحمك يا رجوله


فين النخوة


حضرتك كده دخلتي في حارة سد
و في تطجين جامد جدا
و تخبيط في الحلل
وأنا أحذر بشدة
و أنصحك كأخت في الله
انسحبي في هدوء بعد تلك الكلمات
لأن أي رد قادم هيبقا
بانفجار شديد المفعول
مدمر




-"اين الرجل ذو الشخصية القويه"


واضح ان حضرتك تقدسي شئ اسمه التعميم
الرجالة ذوي الشخصيات القوية
موجودين والله الحمد لله
و هيوروكوا أيام زرقاء اللون
سوداء الملامح
اصبروا بس



ان الموصوع "منقول"
واليكم الرابط
You can see links before reply (You can see links before reply)


ليه كده يا استاذ طارق


كل ده علشان تهاجم المرأة


طب و ايه يعني
ماجيبتوش الديب من ديله يعني
قال يعني جابوا التايهه
هههههههه
اكتب يا عم طارق كلمة منقول
مافيش مشكلة خالص
انتي جيتي في جمل؟
المهم الروح اللي في الموضوع
و الهدف الاسمي منه
ههههههههه



و تستمر المباراة ..............

[طارق ممدوح ذكي محمد]

بدل متقول خطأها قول الله يرحمك يا رجوله
فين النخوة

طيب وفين الكرامه وفين الانسانه الحره التي ترفض كل ما يمس انسانيتها ؟





شوفت نيتكم داخلين على طمع والي مزعلكم انها بتضيع الفلوس على الموضه يعنى اذا بتجيب فلوس مفيش مشكلة
"لا تعليق طبعا"

انا عن نفسي شرطي للزواج انها تكون ما بتشتغلش وفيه شباب كتير اوي كده ... واللي ما توافقش خلي الشغل ينفعها



فين شخصيته وكلمته الي يقدر يمشيها عليها
يبقى انا عندى حق
"اين الرجل ذو الشخصية القويه"

الذن ع الودان وربنا يكفينا شر ذن الستات ... اللهم امين


يعنى بتعملوا حساب لكلامنا
تبقى شخصيات بجد ضعيفة

فيه ست واحده انا ممكن امشي كلامها هي امي ... اما اي ست تانيه فيتمشي ورايا يا تمشي بعيد عني :cool:

[شريف]

الحق يا شريف حد سرق عضويتك

ده مس شريف يا جماعة ... ده حد اتعمله غسيل مخ

او حد بيجامل صاحبة ماشى ... بس يا ريت تعبر عن رايك ومتجاملش

وبعدين نصدقك ازاى فى موضوعات التى بتساند المرأة ... اي الرأيين اصدق؟



ههههههههههههه
مش انا اللي يتعمل لي غسيل مخ
أنا افكاري من اعماق اعماق عقلي
قال غسيل مخ قال
هههههههه
و بعدين عشان اريحك بقا
الباسوورد بتاعي ذري
مستحيل يتعرف او يتسرق

أما بالنسبة لموضوعاتي الاخري
فهي للمرأة المعترفة بفضل الرجل
المعترفة بضعفها و المقدرة لدور الرجل العظيم
و التي تنحني أمامه طاعة
ههههههههه
مش موضوعات معمولة لأي حد لا مؤاخذة
ما انا مش هطلع ظالم و اعمم زيكوا
لالا
النساء في و في
خلينا منطقيين
صباح الفل

[طارق ممدوح ذكي محمد]

الله عليك يا شريف


ربنا يحميك يا ابني


مش قولتلك من الاول


اليوم يومك يا دمشقي


اقصد يا قاهري

اقهرهم كمان وكمان


قال تقول منقول قال !!

[دعاء شديد]

[quote=دعاء شديد;9243]



و تستمر المباراة ..............


طول ما انتوا واخدينها مبارة ومكسب وخسارة

مش هيكون الحوار منطقى وهتنفعلوا سريع

حاولوا تكونوا اهدى فى ردودكم حتى

يكون الرد منطقى وبعيدا عن التعصب

الهدوء الهدوء التام

[طارق ممدوح ذكي محمد]

الهدوء الهدوء التام


حاضر هدينا اهوه

وممكن ننام كمان

بس برده عمركم

ما هتعرفوا تاخدوا معانا حق ولا باطل

على فكره انا ذكرت رأيي في تفسير بكاء المرأة

واستشهدت باراء فلاسفه وكمان دراسات علميه

بس واضح انك ما خدتيش بالك ... او مش عايزه تاخدي بالك من ده

انت عارفه لو كام جلسة تحليل نفسي ... هتبقي كويسه اوي

[شريف]

[quote=شريف;9249]

طول ما انتوا واخدينها مبارة ومكسب وخسارة

مش هيكون الحوار منطقى وهتنفعلوا سريع

حاولوا تكونوا اهدى فى ردودكم حتى

يكون الرد منطقى وبعيدا عن التعصب

الهدوء الهدوء التام


لالا
اطمئني اختي العزيزة
فهي ليست مباراة
فالمباريات تكون بين فريقين متساويين في القدرة و الكفاءة
لكن دانتو غلبانين خالص مالص
و اكيد بالص

احنا برضه هادييييين أوي اوي
و ده اقل حاجة عندنا
خالص تسخيناتي

[دعاء شديد]

ههههههههههههه



مش انا اللي يتعمل لي غسيل مخ
أنا افكاري من اعماق اعماق عقلي
قال غسيل مخ قال
هههههههه
و بعدين عشان اريحك بقا
الباسوورد بتاعي ذري
مستحيل يتعرف او يتسرق


أما بالنسبة لموضوعاتي الاخري
فهي للمرأة المعترفة بفضل الرجل
المعترفة بضعفها و المقدرة لدور الرجل العظيم
و التي تنحني أمامه طاعة
ههههههههه
مش موضوعات معمولة لأي حد لا مؤاخذة
ما انا مش هطلع ظالم و اعمم زيكوا
لالا
النساء في و في
خلينا منطقيين


صباح الفل


ولما انت عارف انه مش كل النساء زى بعضها

اشمعنى تفترض سوء الظن وانى بعمم الحكم على الكل!!!!!!!!!

عموما انا ارعف ان هناك رجال ورجال

ردى لمثل هؤلاء الرجال الاشباح "ضعاف الشخصية"
علشان محدش يتلكك ويفهم غلط

[دعاء شديد]

خالص تسخيناتي
[/quote]

يا خسارة

يالصدمة

يا لسخرية القدر

يعنى ارائك كلها لمجرد التسخين فقط

يعنى ده مش رايك؟

ولا مأجور لمسانده احد؟

ولا علشان تزود مشاركات؟

[شريف]

خالص تسخيناتي


يا خسارة

يالصدمة

يا لسخرية القدر

يعنى ارائك كلها لمجرد التسخين فقط

يعنى ده مش رايك؟

ولا مأجور لمسانده احد؟

ولا علشان تزود مشاركات؟[/quote]

ههههههههههه
لن أرد
لأنك خرجتي بره الموضوع
و تريدين أن تنالين من شخصي
فأصبحت حرب شخصية
و انا ممكن اتهور
و اطلع الطبنجه
و ابندج الصنف كله
اسحبي تلك الكلمات فورا
واتقي شر البندجة

[دعاء شديد]

ابندج الصنف كله


طيب ليه التعميم؟

هو انت تعمم لما تحب وترفض التعميم لما مايكونش فى صالح

ليه التناقض خليك ثابت على رأى "نعمم الاحكام ؟ ام لا؟

[طارق ممدوح ذكي محمد]

عندما ترى امرأة تبكي فلا تسأل ابداً .. لماذا تبكي ؟
ولكن السؤال هو .... متى تنتهي من البكاء !! :rolleyes:
" طارق ممدوح "

التسوسترون" هو سر بكاء المرأة

كشفت دراسة فرنسية أجريت حديثاً أن النساء أكثر قدرة على البكاء من الرجال بسبب عامل بيولوجى حيث يفرز جسم الرجل هرمون التستوسترون الكابت للدموع ويوجد بنسبة أقل عند الجنس الناعم. قالت العالمة النفسانية " سيلفى انجل " : أن بعض النساء يبكين بلا مبرر أو بدون سبب واضح لأنهن مصابات بالإكتئاب فالأحداث المؤلمة لا يشعرون بها فى الحال ولكن بعد فترة زمنية يقعن ضحية لارتداد الصدمة مرة أخرى وهذة الظاهرة يطلق عليها " موية الصدمة النفسية" التى تجعل المرأة تنهار بدون سبب محدد ، تكون نوبات من الدموع تعبر عن الالم الدفين

يا ريت ما نهربش ونعرف نرد على الكلام ده

[شريف]

ابندج الصنف كله




طيب ليه التعميم؟

هو انت تعمم لما تحب وترفض التعميم لما مايكونش فى صالح

ليه التناقض خليك ثابت على رأى "نعمم الاحكام ؟ ام لا؟

احنا نعمم
انتو ماتعمموش
اتعلموها بقا




خالص تعميماتي

[دعاء شديد]

احنا نعمم



انتو ماتعمموش
اتعلموها بقا



خالص تعميماتي


ايوه شفت هو كده فعلا الكثير من الرجال

لما ميعرفوش يرده على حاجة يقولوا

"هو كده ... انا اقول انت لأ"

فين الاقناع والحٌجج؟

[شريف]

ايوه شفت هو كده فعلا الكثير من الرجال

لما ميعرفوش يرده على حاجة يقولوا

"هر كده ... انا اقول انت لأ"

فين الاقناع والحٌجج؟


أحيانا
علي المرأة أن تقول
سمعنا و أطعنا
للرجل
لأنها أحيانا
لا تملك الا قلبها و عواطفها
و القلب و العواطف
ليست حلا
للكثير من الخلافات
اذن
فلتنصت المرأة و باصغاء شديد
عندما يتكلم ادم

[امل لاشين]

احنا نعمم

انتو ماتعمموش




هي دي فعلا المشكله الاساسيه ......

بتفكروا ان ليكم كل الحقوق ومن حقكم كل شيء ....حد تاني لالالالا

انتم افتقدتم صورة سي السيد ...هههههههههه

كان زمان وانتهي ........

[طارق ممدوح ذكي محمد]

عندما ترى امرأة تبكي فلا تسأل ابداً .. لماذا تبكي ؟
ولكن السؤال هو .... متى تنتهي من البكاء !! :rolleyes:
" طارق ممدوح "

التسوسترون" هو سر بكاء المرأة

كشفت دراسة فرنسية أجريت حديثاً أن النساء أكثر قدرة على البكاء من الرجال بسبب عامل بيولوجى حيث يفرز جسم الرجل هرمون التستوسترون الكابت للدموع ويوجد بنسبة أقل عند الجنس الناعم. قالت العالمة النفسانية " سيلفى انجل " : أن بعض النساء يبكين بلا مبرر أو بدون سبب واضح لأنهن مصابات بالإكتئاب فالأحداث المؤلمة لا يشعرون بها فى الحال ولكن بعد فترة زمنية يقعن ضحية لارتداد الصدمة مرة أخرى وهذة الظاهرة يطلق عليها " موية الصدمة النفسية" التى تجعل المرأة تنهار بدون سبب محدد ، تكون نوبات من الدموع تعبر عن الالم الدفين

يا ريت ما نهربش ونعرف نرد على الكلام ده


و دي الحُجج يا دكتورة دعاء وفيه غيرها كتير

يا ريت نشوف حُجتك

[نعمه محمود]

والله طارق وشريف صعبانين عليا بدل ما يتكلمو عن القوامة او سيادة الرجل او حقه اللي خدته منه المرأة بيتكلموا عن عيوب المرأة.ألا ترون أيها الرجال أن المرأة أخذت مقاعدكم ومناصبكم وانتم تنظرون.إن كانت أخذتها عن جدارة فهى تستحق وإن كانت حصلت عليها بسبب ضعفكم فأنتم تسحقون.أوجه كلامى للأخ طارق اللي عاوز زوجه متشتغلش انت حر براحتك .هو حد قالك خدها بتشتغل .كفايه عقد بقي .وانت يا شريف ما ترحم نفسك شويه ومتخليش استاذ طارق ياخدك في سكة اللي يروح ما يرجعش.
على فكرة سمعت من واحد صعيدى

ان ستات الصعيد هما رجالة البيوت؟؟؟؟؟؟؟
وده طبعا مش ضعف من الرجال لاسمح الله ولكن قوة من النساء

[دعاء شديد]

عندما ترى امرأة تبكي فلا تسأل ابداً .. لماذا تبكي ؟

ولكن السؤال هو .... متى تنتهي من البكاء !! :rolleyes:
" طارق ممدوح "


التسوسترون" هو سر بكاء المرأة


كشفت دراسة فرنسية أجريت حديثاً أن النساء أكثر قدرة على البكاء من الرجال بسبب عامل بيولوجى حيث يفرز جسم الرجل هرمون التستوسترون الكابت للدموع ويوجد بنسبة أقل عند الجنس الناعم. قالت العالمة النفسانية " سيلفى انجل " : أن بعض النساء يبكين بلا مبرر أو بدون سبب واضح لأنهن مصابات بالإكتئاب فالأحداث المؤلمة لا يشعرون بها فى الحال ولكن بعد فترة زمنية يقعن ضحية لارتداد الصدمة مرة أخرى وهذة الظاهرة يطلق عليها " موية الصدمة النفسية" التى تجعل المرأة تنهار بدون سبب محدد ، تكون نوبات من الدموع تعبر عن الالم الدفين


يا ريت ما نهربش ونعرف نرد على الكلام ده


و دي الحُجج يا دكتورة دعاء وفيه غيرها كتير


يا ريت نشوف حُجتك




ارد على كلام متناقض؟

كيف ان المرأة تبكى دون سبب .. وبعدها يقول تكون اسباب دفينه

اذن هناك سبب ولكن ليس من الضرورى ان يكون فى وقته

واذا عرف السبب ... بطل العجب

[دعاء شديد]

والله طارق وشريف صعبانين عليا بدل ما يتكلمو عن القوامة او سيادة الرجل او حقه اللي خدته منه المرأة بيتكلموا عن عيوب المرأة.ألا ترون أيها الرجال أن المرأة أخذت مقاعدكم ومناصبكم وانتم تنظرون.إن كانت أخذتها عن جدارة فهى تستحق وإن كانت حصلت عليها بسبب ضعفكم فأنتم تسحقون.أوجه كلامى للأخ طارق اللي عاوز زوجه متشتغلش انت حر براحتك .هو حد قالك خدها بتشتغل .كفايه عقد بقي .وانت يا شريف ما ترحم نفسك شويه ومتخليش استاذ طارق ياخدك في سكة اللي يروح ما يرجعش.
على فكرة سمعت من واحد صعيدى

ان ستات الصعيد هما رجالة البيوت؟؟؟؟؟؟؟
وده طبعا مش ضعف من الرجال لاسمح الله ولكن قوة من النساء


اخوانى واخواتى

هذا خير ما نختتم به حفلنا الساهر

والي اللقاء فى موضوعات اخرى

لكن موضوعات مقنعة

[شريف]

هي دي فعلا المشكله الاساسيه ......

بتفكروا ان ليكم كل الحقوق ومن حقكم كل شيء ....حد تاني لالالالا

انتم افتقدتم صورة سي السيد ...هههههههههه

كان زمان وانتهي ........



ماشي يا أمولة
ماشي ماشي يا أمولة
علي فكرة
صورة سي السيد موجودة لسه والله
طب والله العظيم موجودة
و كل راجل و شطارته
و باسلوبه
يعطي ما عليه من واجبات
فيأخذ ماله من حقوق

و هيا ليلة باينة من أولها

[شريف]

اخوانى واخواتى



هذا خير ما نختتم به حفلنا الساهر


والي اللقاء فى موضوعات اخرى



لكن موضوعات مقنعة



انتو تختتموا زي مانتو عايزين

بتختتموا فقرتكم بس
بتنسحبوا يعني م الاخر
انما لسه في فقرات كتير أوي و مقنعة الحمد لله

[طارق ممدوح ذكي محمد]

اهلا بيكي يا استاذه نعمه ....


وما يصعبش عليكي غالي ... بس احب اذكر حضرتك ان الموضوع عن دموع المرأة وشخصيتها التي يعتبر النكد والكآبه هو المكون الرئيسي فيها ولوا وجود الرجل في حياة المرأة .... لما عرفتم طريق الابتسامه
انا لجبت سيرة قوامه ولا فيه واحده تقدر تاخد مني حاجه ... ولما احب احيي سنه واخد واحده ما بتشتغلش ابقى معقد ليه؟؟؟ .... ( وقرن في بيوتكن ولا تبرجن تبرج الجاهلية الاولى ) و بصراحه بقى انتوا اللي صاعبانين عليا بجد اضحك عليكم يا مسكين بشوية شعارات شيطانيه ونسيتم مكانكم ودوركم الاسمى في الحياه ...


ومش هرد عليكي في موضوع الصعيدي المزعوم


فالحقيقه واضحه وضوح الشمس ولا ينكرها منصف ابدا


على فكره ده اخركم تزييف الواقع وقلب الحقائق


( مرة تقولوا موضوع منقول ومرة تقولوا الستات حاكمه في الصعيد )


على رأي اللي قال الستات ما يعرفوش يكدبوا ولا يزيفوا ولا حتى يطبخوا ... هههههههههه

[نعمه محمود]

ولولا وجود الرجل في حياة المرأة .... لما عرفتم طريق الابتسامه




طبعا ماهو شر البلية مايضحك

[شريف]

[/center]

طبعا ماهو شر البلية مايضحك

فينك يا استاذ عبد الحميد

انا هبعتله رسالة ع الموبايل
حاضر

[طارق ممدوح ذكي محمد]

[/center]

طبعا ماهو شر البلية مايضحك


فينك يا استاذ عبد الحميد ؟؟؟

عن أبي سعيد الخدري قال: خرج رسول الله صلّى الله عليه وسلّم في أضحى أو فطر إلى المصلى، فمر على النساء فقال:"معشر النساء، تصدقن، وأكثرن من الاستغفار. فإني رأيتكن أكثر أهل النار". قلن: وبم يا رسول الله؟ قال: "تكثرن اللعن وتكفرن العشير،

[dream]

[/center]

طبعا ماهو شر البلية مايضحك



ههههههههههههههههههههههههههههههههههه


اضحكتنى يا اختى نعمة

ما شا الله كلنا بنضحك اهو اخى طارق

يعنى مفيش اى دموع

وداعا للدموع

:d

[شريف]

ههههههههههههههههههههههههههههههههههه



اضحكتنى يا اختى نعمة


ما شا الله كلنا بنضحك اهو اخى طارق


يعنى مفيش اى دموع


وداعا للدموع



:d



مابتضحكوش الا في المناسبات و الاعياد و عيد الام و عيد العمال فقط

دي جات بظروفها

بس عجبني توقيعك اوي

ده مين ده اللي بيجري ورا المشرف يا اخت احلام؟؟؟؟؟

ااوعي يكون انا؟

[طارق ممدوح ذكي محمد]

ههههههههههههههههههههههههههههههههههه



اضحكتنى يا اختى نعمة


ما شا الله كلنا بنضحك اهو اخى طارق


يعنى مفيش اى دموع


وداعا للدموع




طبعا علشان انا وشريف موجودين في الموضوع

انما لو لوحدكم .................:(

[امل لاشين]

ان الموضوع عن دموع المرأة وشخصيتها







الاكيد الاكيد ان المراه لها تاثير قوي جدااااااااااااااااا علي الرجاله .....ودااااااائما خسرانين امامها

الشعراء والفلاسفه والكتاب والكل بيتكلم ويكتب عن المراه

شخصيتها ..تفكيرها .....دموعها ......حبها .....لغز كبير بالنسبه ليهم ( دائما ههههههههه)

ارحموا المراه هي ابسط من كده .......بس اللي يعرف يتعامل معاها هيعيش في اجمل دنيا..

[شريف]

الاكيد الاكيد ان المراه لها تاثير قوي جدااااااااااااااااا علي الرجاله .....ودااااااائما خسرانين امامها

الشعراء والفلاسفه والكتاب والكل بيتكلم ويكتب عن المراه

شخصيتها ..تفكيرها .....دموعها ......حبها .....لغز كبير بالنسبه ليهم ( دائما ههههههههه)

ارحموا المراه هي ابسط من كده .......بس اللي يعرف يتعامل معاها هيعيش في اجمل دنيا..


يا سيدي
خلاص عشان خاطرك انتي بس يا أمولة
انا هوقف الحرب
عشان الاعتراف بالحق فضيلة

[طارق ممدوح ذكي محمد]

الاكيد الاكيد ان المراه لها تاثير قوي جدااااااااااااااااا علي الرجاله


اكيد طبعا المرأة ليها دور كبير جدا في حياة الرجل


وانا ارى ان الرجل يأتي الى الدنيا عن طريق واحده ست وغالباً ما يخرج منها عن طريق واحده ست ...


الاولى هي أمه والثانية هي ((( زوجه نكديه )))) ... ربنا يحفظنا يا رب ....:)

[شريف]

ههههههههههههههه
الله يحظك يا ابو طارق
لذيذ

[طارق ممدوح ذكي محمد]

في النهايه تحية تقدير واعتزاز لكل زميله واخت فاضله شاركت في الموضوع برأي او نقل جزاكم الله كل خير ... وليعلم الجميع اننا نحترم ونقدر المرأة عموماً وخاصة من كن على نفس هذا المستوى من الرقي في الفكر والاسلوب ... وفي النهايه ليس بيننا الى الاخوه في الله وما نظهره من اختلاف و مزاح ما هو الا نوع من اثارة الحميه للمشاركه في الموضوعات وتبادل الاراء والافكار ... وحقيقه استفدت من كل زميله شاركت في الموضوع وليرى كلا منا عيوبه في مرآة الاخر ليعمل دائما على معالجتها ....... وتقبلوا خالص التقدير والاحترام


والى اللقاء في جولات اخرى
مع تحيات
(( طارق وشريف ))
:) ... :)

[أفنان أحمد]

عندما ترى امرأة تبكي فلا تسأل ابداً .. لماذا تبكي ؟
ولكن السؤال هو .... متى تنتهي من البكاء !! :rolleyes:
" طارق ممدوح "

التسوسترون" هو سر بكاء المرأة

كشفت دراسة فرنسية أجريت حديثاً أن النساء أكثر قدرة على البكاء من الرجال بسبب عامل بيولوجى حيث يفرز جسم الرجل هرمون التستوسترون الكابت للدموع ويوجد بنسبة أقل عند الجنس الناعم. قالت العالمة النفسانية " سيلفى انجل " : أن بعض النساء يبكين بلا مبرر أو بدون سبب واضح لأنهن مصابات بالإكتئاب فالأحداث المؤلمة لا يشعرون بها فى الحال ولكن بعد فترة زمنية يقعن ضحية لارتداد الصدمة مرة أخرى وهذة الظاهرة يطلق عليها " موية الصدمة النفسية" التى تجعل المرأة تنهار بدون سبب محدد ، تكون نوبات من الدموع تعبر عن الالم الدفين

يا ريت ما نهربش ونعرف نرد على الكلام ده



و دي الحُجج يا دكتورة دعاء وفيه غيرها كتير

يا ريت نشوف حُجتك






قوة المرأة فى ضعفها
ليس كلهن نكديات
من أراد أن يكتئب يكتئب زى ما هو عايز
زعلانين ليه ؟؟؟

أنا عارفة ليه
هرمون البكاء أكثر عند النساء
بتفرج عن نفسها
أرزاق
أنا قلت من الأول ده حسد
قل أعوذ برب الفلق

[اسامه القزاز]

المرأة شئ " جميل - جميل - جميل "

[طارق ممدوح ذكي محمد]

المرأة شئ " جميل - جميل - جميل "


ما شاء الله ...
جبتك يا عبد المعين تعيني ..
لقيتك يا عبد المعين .....:)

[طارق ممدوح ذكي محمد]

هرمون البكاء أكثر عند النساء
بتفرج عن نفسها
أرزاق
أنا قلت من الأول ده حسد
قل أعوذ برب الفلق



عرفتوا ليه بقى


احنا عايزينكم تبطلوا عياط ؟؟


خايفين عليكوا من الحسد


شوفتوا احنا طيبين ازاي :)

[شريف]

يعني الراجل ختم الموضوع و هدي اللعب و برضه مافيش فايدة
لازم تستفزوه يعني؟

[نداء الجنة]

السلام عليكم ورحمة الله وبركاته
يقينى ان ردى هذا لن يختلف عليه اثنان وخاصه الرجال

وراء كل رجل عظيم
إمـــــرأه عظيمـــــة
( أم - زوجــة - أخت - إبنة )

[شريف]

السلام عليكم ورحمة الله وبركاته
يقينى ان ردى هذا لن يختلف عليه اثنان وخاصه الرجال

وراء كل رجل عظيم
إمـــــرأه عظيمـــــة
( أم - زوجــة - أخت - إبنة )




محدش قال حاجة يا اخت رانيا
اجدع ناس النساء و الله
بس محدش فاهمهم

بس حضرتك القول المأثور ده مكتوب غلط
المفروض يتقال كده

وراء كل رجل عظيم

امرأة






تسعي لتدميره !!!

هههههههههه

[نداء الجنة]

محدش قال حاجة يا اخت رانيا

اجدع ناس النساء و الله
بس محدش فاهمهم


بس حضرتك القول المأثور ده مكتوب غلط
المفروض يتقال كده


وراء كل رجل عظيم


امرأة







تسعي لتدميره !!!



هههههههههه

لا حضرتك بتناقض نفسك
طيب لو كلامك صحيح
ليه هتتزوج ؟؟؟؟؟؟
كدا بقى انت اللى هتدمر نفسك بنفسك :)
يا جماعه اعترفوا بقى
لا حياه بدون النساء

[طارق ممدوح ذكي محمد]

انا عن نفسي معترف انه :-

لا حياه كئيبه :( بدون النساء

ههههههههههه

[محمد عبد العظيم وسية]

دموع المرأة ــــــــــــــــــــــــــــ دموع التماسيح

عشان نجيب من الآآآآآآآآآآآآآآآآآآآخر

[محمد عبد العظيم وسية]

فعلا
وراء كل رجل عظيم امرأة عظيمة

تهدم ما بناه

إمضاء فيلسوف طالع عينه من مراته .. الحمد لله مش أنا والله .

[محمد عبد العظيم وسية]

حكمة اليوم :

الأعزب قد لا يجد زرارا في قميصه

المتزوج لا يجد القميص أساسا

ههههههههههههههه

[طارق ممدوح ذكي محمد]

دموع المرأة ــــــــــــــــــــــــــــ دموع التماسيح

عشان نجيب من الآآآآآآآآآآآآآآآآآآآخر


بس ما تخفش

فيه حيتان قعدالهم

[طارق ممدوح ذكي محمد]

حكمة اليوم :

الأعزب قد لا يجد زرارا في قميصه

المتزوج لا يجد القميص أساسا

ههههههههههههههه


ربنا يبشرك بالخير

عموما انا هشيل القمصان عند والدتي بعد الجواز ;)

[محمد عبد العظيم وسية]

ربنا يبشرك بالخير




عموما انا هشيل القمصان عند والدتي بعد الجواز ;)


بلاااااااااااااااااش ...

لأنك كده بتهدد هدوم والدتك كمان بالضياع ......
دول ليسوا قوة واحدة والا اثنتان بل ثلاث

[طارق ممدوح ذكي محمد]

ارد على كلام متناقض؟

كيف ان المرأة تبكى دون سبب .. وبعدها يقول تكون اسباب دفينه

اذن هناك سبب ولكن ليس من الضرورى ان يكون فى وقته

واذا عرف السبب ... بطل العجب


يعني ايه ؟؟؟ بتبكي بأثر رجعي .. هههههه

الموضوع ما فيهوش تناقض ولا حاجه

المرأة تبكي بلا سبب مباشر للبكاء

اما الاسباب الدفينه فهي اسباب افتراضيه (تفترضها الباحثه )

وليست اسباب ظاهره يمكن قياسها والاستدلال عليها

كما ان اي انفعال يظهر في وقت غير وقته فهو نوع من الاختلال النفسي

( انا علقت على المشاركه دي لاني ماشوفتهاش قبل كده )

[dream]

نفسى افهم ايه المزعلكم من دموع المراة قوى كده؟

واحدة تضحك شويه وتبكى شويه او حتى شويتين

ايه المشكله؟
ما الدنيا يوم حلو ويوم مر

ده حتى التغير حلو

انا منتظراكم بس لما تدخلوا القفص:rolleyes:

ومنتظرة مواضيعكم

وبكره على راى المثل نقعد على الحيطة ونسمع الزيطة

ههههههههههههههههههههههه

[أفنان أحمد]

يعني الراجل ختم الموضوع و هدي اللعب و برضه مافيش فايدة
لازم تستفزوه يعني؟


الحقيقة أنا كتبت المشاركة الأخيرة قبل ما أستاذ طارق يختم الموضوع وعندما اعتمدت المشاركة رأيت الأستاذ طارق يختتم الموضوع يعنى استفزاز غير مقصود
ثم إنى وجدت المعركة حامية فقلت أهدى النفوس على رأى أستاذ شريف

[شريف]

الحقيقة أنا كتبت المشاركة الأخيرة قبل ما أستاذ طارق يختم الموضوع وعندما اعتمدت المشاركة رأيت الأستاذ طارق يختتم الموضوع يعنى استفزاز غير مقصود

ثم إنى وجدت المعركة حامية فقلت أهدى النفوس على رأى أستاذ شريف



انتي تنوري يا استاذتنا العزيزة في اي وقت
ده شرف لينا والله
ياريت كل النساء مثل حضرتك
ما كناش كتبنا الموضوع ده ولا غيره اساسا

(( اما نوقعهم في بعض بقا ))

[طارق ممدوح ذكي محمد]

انا منتظراكم بس لما تدخلوا القفص:rolleyes:


ومنتظرة مواضيعكم




اكيد لما ندخل القفص هيكون فيه مراجعه للفكر بتاعنا

واحتمال نعلن توبت التنظيم بتاعنا ع الملأ

ههههههههههههه

حضرتك عارفه القفص ليه تأثير جذري على الانسان

بس على فكره المشكله مش في القفص المشكله مين هيكون الجلاد ؟؟؟

وانا عن نفسي اول حاجه في جهازي هيه العصا يعني مش هتشمتي فيا ابداً ;)

[طارق ممدوح ذكي محمد]

الحقيقة أنا كتبت المشاركة الأخيرة قبل ما أستاذ طارق يختم الموضوع



مشاركتك اضافت للموضوع ونورت المحكمه

هيه دي اخرتها فعلا .. !!!! وده الختام

بقينا حسوديه وعلى ايه على الدموع والنكد

ههههههههههههههههههههه

[لولا النجار]

يا أخى العزيز إذا كانت المرأة تبكى دائما فهذا البكاء هو نعمة من الله عز وجل ،فلولا هذا البكاء لكان الإنفجار المدوى الذى لا يستطيع أن يتحمله أحد
أنا مع كل الصديقات عندما قالوا أن المرأة تتحمل الكثير من الأعباء التى لا يستطيع الرجل أن يتحملها (،فهى مخلوق قوى جدا )،ولكن تبكى عندما لا تجد كلمه شكر عندما تجد الجحود من الطرف الأخر . ولكن أخى الفاضل يكفى أن أقول لك قول رسول الله (صلى الله عليه وسلم) :"الجنه تحت أقدام الأمهات"
ولم يحدد هل هى أقدام الأم النكدية الباكيه دائما ،أم الأم المستبشرة الضحوك . وعلى فكره هناك من الرجال من هم أكثرا نكدا وكأبه من المرأة ههههه

[لولا النجار]

أيه إل عرفك إن عنده قميص أصلا ؟

[فتوكه مشاكسه]

تصدق بكلامك ده لو انا معنديش اكتئاب هيجيلى.للدرجه دى المرأه كئيبه حرام عليك.يعنى مثلا انا واحده من الناس لا بحب الدموع ولا اللى بيدمعوا وكمان دموعى عزيزه عليه جدا يعنى مش بتنزل كده بالساهل.هما كده الرجاله طول عمرهم وخدين موقف عدائى من المرأه وفعلا مبيكونش سبب دموع المرأه دايما الا رجل.عموما ربنا يهديكوا يا رجاله وبلاس النفساويه دى.يلا كفايه عليكو كده النهارده

[فتوكه مشاكسه]

استاذ طارق اوعى تزعل من ردى بس معلش يا ريت تتقبله بصدر رحب وكمان معلش هيه طريقتى فى الرد بس معلش بدون زعل لو سمحت