المساعد الشخصي الرقمي

مشاهدة النسخة كاملة : مشكله ومحتاج الى مساعدتكم


شريف الصعيدى 22
29-12-2009, 03:26 PM
انا معلم مساعد حاسب الى توجيه الكمبيوتر طلب منى انى اقدمه كشف بدرجات تلاميذ الصف الثالث والسادس قبل بداية الامتحان باسبوعين يعنى المفروض الاسبوع ده بكتيره
والموجهه طلبت منى اعمل امتحان لهم وارصد الدرجات
وبالفعل عملت الامتحان بتاع تالته امبارح وسادسه النهارده
وبعد ماصححت الامتحان ولسه بحط الدرجات فى الكشف افاجئ بوكيل المدرسه بيقولى ياعم ماتتعبش نفسك احنا بعتنا الكشف خلاص
بصراحه زعلت جدا لانى حسيت ان الامتحانات والدرجات واالتعب بتاعى طول السنه ضاع اونطه
ومش عارف بصراحه اعمل ايه
طبعا السيد الفاضل حط الدرجات من عنده يعنى درجات عشوائيه ده كله علشان بنته تلميذه فى تالته وخاف انى اديها اقل من عشره
مش عار ف بجد اعمل ايه لان كده فى ظلم كتير للعيال اللى جابوا فى الامتحان الدرجه النهائيه ممكن بعد كده يلاقوا درجاتهم اقل والعكس طبعا
ارجوكم انا زهقان جدا ومش عارف اعمل ايه
طبعا المفروض الكشف ده انا اوقع عليه وده محصلشى
طبعا للعلم الوكيل ده صاحبى جدا وانا بحترمه بس طبعا الشغل شغل
اعمل ايه سااااااااااااااااااعدونى
اروح اشتكى للموجه ولا اعمل ايه ولا اطنش
بس بصراحه بعد كده فى الترم التانى الواحد مش هايجيله نفس بشتغل زى الترم الاول
طالما كده كده الدرجات بتتكوس
بجد حرااااااااااااام
noha77
29-12-2009, 08:15 PM
مش عارفه اقولك ايه والله
بس كبر دماغك وامشي ذي ماهم عايزين
طالما هما بعتوه الادارة وانت ما شفته خلاص الوزر عليهم هما
لان لو اشتكيت مفيش حد حيسمعلك
شريف الصعيدى 22
30-12-2009, 12:23 AM
المشكله والله يااستاذه نها انى مش بحب حد يضحك عليا
طيب انا النهارده قولت بالعند فيهم وزعت درجات سنه تالته
نديت كل واحد باسمه واولتله انت جايب كذا
طبعا ممكن الولد اللى جايب عشره يفاجى يلاقى نفسه جايب تسعه
الواحد اتخنق من التعليم كله
شكرا لحضرتك يااستاذه نها
dream
30-12-2009, 12:26 AM
معلش حضرتك هدى نفسك

وياريت تتفاهم بود مع الوكيل

على ان يتم الترم القادم باذن الله

على اعطاء كل تلميذ حقه
شريف الصعيدى 22
30-12-2009, 12:40 AM
والله العظيم حضرتك مهما أعمل طول مافى ابناء مدرسين فى الفصول يبئا في كوسه
والله العظيم حضرتك انا صعبان عليا بس ان فى عيال واخدين الدرجه النهائيه وممتازين
يلاقوا نفسهم جايبين اقل
اقسملك بالله فى تلميذ فى تالته يعتبر قريبى والله العظيم انا عطيته فى ملف الانجاز 3
واخد فى الامتحان 3 يعنى جاب 6 من 10 وده اللى يستحقه
فى الاخر اشوف الكشف الاقيه جايب عشره
حسبى الله ونعم الوكيل
شكرا جزيلا لمشاركة حضرتك
مشمشاية
30-12-2009, 11:29 PM
هلا استاذ شريف متزعلش نفسك
لان نفس الموقف ده حصل معايا
انا مدرسة حاسب الى وجه الموجه وقال لنا توزيع الدرجات
وعملت الامتحان وصححته وبعدين لقيت المدرسين بيقولولى الكشوف اتعملت خلاص
وراحت الادارة طبعا استغربت وعلى فكره مفيش للوكيل اولاد بالمدرسه يعنى هى العمليه ماشيه كده كوسه وخلاص
ريح دماغك وكبر بدل ما يحطوك فى دماغهم
ومتنساش ان المدير والناظر بيطلعوا فينا تقرير يعنى ممكن يقول ده مدرس مينفعش
وتضيع نفسك
فوض امرك لله
عبــــدالــــرحمـــــن
30-12-2009, 11:53 PM
اخوى شريف
طالما الكشف راح ومافيش مشاكل
متعملش مشكله
وهاتطلع انتا الغلطان فى الاخر
ودع الملك للمالك
شريف الصعيدى 22
31-12-2009, 03:23 PM
استاذه مشمشايه ومستر عمرو انا سعيد جدا بردودكم ديه
وانا فعلا كبرت دماغى
بس فاضل كشوفات تانيه ورابعه وخامسه ديه سهله
لانها بتبقى فى المدرسه
المشكله انى الواحد بيحب الصراحه يشتغل ويعمل كشوف الدرجات ديه
وللعلم انا شغال فى المدرسه اللى كان والدى مدير فيها
والحمد الله الناس كلها بتحبى
عبــــدالــــرحمـــــن
31-12-2009, 04:11 PM
استاذه مشمشايه ومستر عمرو انا سعيد جدا بردودكم ديه
وانا فعلا كبرت دماغى



وللعلم انا شغال فى المدرسه اللى كان والدى مدير فيها
والحمد الله الناس كلها بتحبى



فضل من ربنا
واللى هما عايزونه طالما مافهيش ضرر ومش حرام
ابقى اعمله