المساعد الشخصي الرقمي

مشاهدة النسخة كاملة : هل ممكن ان ترفضى هذا لعريس؟ وانت هل سترفض تلك العروسه؟



ms:asmaa
27-12-2009, 11:54 AM
بسم الله الرحمن الرحيم
السلام عليكم ورحمة الله وبركاته



هل

هل من الممكن يا أختي أن ترفضي شاب صالح وممتاز ومتدين...و..و..لأنه من بلد آخر وجنسية أخرى؟

هل من الممكن أن ترفضي شاب صالح لأنه ليس طبيبا وأنتِ طبيبة؟

هل من الممكن أن ترفضي الزواج من شاب مؤهله الدراسي أقل منك لكنه رجل بكل معاني الكلمة؟

هل من الممكن أن ترفضي شاب ممتاز....لكنه مصاب بمرض السكر لكنه منتظم في علاجه ولم يتأثر بالمرض؟

هل من الممكن أن ترفضي شاب رائع صارحك بأنه مصاب بمرض الصرع...فقط تأتيه النوبة كل فترة لكنها لا تؤثر على حياته العملية؟

هل من الممكن أن ترفضي شاب لمجرد أنه يعرج بقدمه عرجة خفيفة؟

وأسئلة كثيرة
أحببت طرحها لتفكرن يا بنات
وأتمنى أن تجيبوني وتضع كل منكن نفسها في الموقف وتخبرنا لماذا قالت ((لا))إن قالتها

والمداخلة القادمة...للشباب
انتظروني

ms:asmaa
27-12-2009, 11:59 AM
عروسه

أول ما تتمناه طبعا أن تكون جميلة...وبعدها بمراحل..مثقفة ومتدينه

الأخ الكريم


هل من الممكن أن ترفض عروسة رائعة...لكنها سمراء؟

هل من الممكن أن ترفض عروس رائعة ومتدينة ومثقفة وممتازه...لكنه نوعا ما بدينةاو نظرها ضعيف اى ترتدى نظاره)

هل من الممكن أن ترفض عروسة متدينة ومثقفة وهادئة...(لكنها خام جدا ومش دلوعه)؟

هل من الممكن أن ترفض عروسه لأنها تعرج عرجة خفيفة؟

هل من الممكن أن ترفض الزواج من فتاة لها أخ معاق؟

هل من الممكن أن ترفض الزواج من فتاة رائعة انفصل أبويها ؟

بإختصار

ما هو الشيء الذي سترفض الزواج من فلانه بسببه؟

أخيرا
هذا الموضوع حواري لإستطلاع الآراء وفتح مجالات وتنوير على بعض النقاط ربما تلتقون بها يوما ما
رأيي أعرفه جيدا
وأحتفظ به الآن لنفسي
لكنني أحب أن أسمع منكم

أختكم
miss asmaa

كريم ماضي
27-12-2009, 12:22 PM
طبعا موضوع جميل جدا وحساس وخطير وربنا يستر


عروسه

أول ما تتمناه طبعا أن تكون جميلة...وبعدها بمراحل..مثقفة ومتدينه

الأخ الكريم


هل من الممكن أن ترفض عروسة رائعة...لكنها سمراء؟

لا طبعا مش ممكن أرفضها لأن في بنات بتكون سمراء ولكنها جميله جدا جدا والجمال جمال الروح
يعني علي حسب

هل من الممكن أن ترفض عروس رائعة ومتدينة ومثقفة وممتازه...لكنه نوعا ما بدينةاو نظرها ضعيف اى ترتدى نظاره)

هههههههههههه مش ممكن لأني مممممممم البنت اللي انا حبيتها ترتدي نظاره بس عادي مفيش عندي مشكله

هل من الممكن أن ترفض عروسة متدينة ومثقفة وهادئة...(لكنها خام جدا ومش دلوعه)؟

ياخبر انا عايزها خام خام خام خام خام وانا أعلمها بطريقتي يعني عز الطلب والله

هل من الممكن أن ترفض عروسه لأنها تعرج عرجة خفيفة؟

ممممممم بصراحه ممكن أرفض وربما أقبل لو أعرفها قبل ان اتقدم ومعجب بها اما لو تقدمت ووجدتها هكذا فممكن أرفض يعني القرار هيكون صعب حبتين

هل من الممكن أن ترفض الزواج من فتاة لها أخ معاق؟

ليه يعني هوا انا هتجوز أخوها ؟؟؟

هل من الممكن أن ترفض الزواج من فتاة رائعة انفصل أبويها ؟

انا عايزها أهلها مش موجودين مش فارقه الانفصال نصيب وكل شيئ نصيب

بإختصار

ما هو الشيء الذي سترفض الزواج من فلانه بسببه؟

؟؟؟؟؟؟ :42:ده عايز مخمخه بقي

أخيرا
هذا الموضوع حواري لإستطلاع الآراء وفتح مجالات وتنوير على بعض النقاط ربما تلتقون بها يوما ما
رأيي أعرفه جيدا
وأحتفظ به الآن لنفسي
لكنني أحب أن أسمع منكم

أختكم
miss asmaa

احمد الشلقامى
27-12-2009, 12:52 PM
اذا توافر الحب محى كل شئ

ms:asmaa
29-12-2009, 12:41 PM
ميرسى كريم واحمد ع الرد
وربنا يوفقكم ويرزقكم بالزوجات الصالحات والذريه

وفين اراااااء باقى الاعضاء والعضوااااااات؟؟؟؟؟؟؟؟؟؟

مسيو وليد عسكر
29-12-2009, 05:17 PM
احييكي اختي الكريمة علي هذا الموضوع القيم وخلاصة القول ((اظفر بذات الدين تلبت يداك ))
اي اختيار مبني علي التدين والادب اختيار موفق ان شاء الله
احييكي علي جهدك ونشاطك في المنتدي مس اسماء

عبــــدالــــرحمـــــن
29-12-2009, 07:09 PM
موضوع جميل
ومع الحب كل الجليد يذوب
مع ايمانى انه توجد ضوابط ومعايير اسريه واجتماعيه
تتحكم فى اختيار الشريك

dream
29-12-2009, 07:29 PM
بسم الله الرحمن الرحيم
السلام عليكم ورحمة الله وبركاته



هل

هل من الممكن يا أختي أن ترفضي شاب صالح وممتاز ومتدين...و..و..لأنه من بلد آخر وجنسية أخرى؟

ايوة لو كان عندى اختيار كنت رفضته

لانه على غير تقاليدنا وعاداتنا

ويوجد مشاكل كثيرة من اختلاف الجنسيات

هل من الممكن أن ترفضي شاب صالح لأنه ليس طبيبا وأنتِ طبيبة؟

دى مش شرط

لكن على الاقل فى نفس المستوى التعليمى

هل من الممكن أن ترفضي الزواج من شاب مؤهله الدراسي أقل منك لكنه رجل بكل معاني الكلمة؟

بالظبط ارفضه لانه ذات مؤهل اقل

لان الرجل عادة هو من لا يحبذ الزوجة الاعلى منه دراسيا او ماديا

ويتاثر فى معاملته معها

هل من الممكن أن ترفضي شاب ممتاز....لكنه مصاب بمرض السكر لكنه منتظم في علاجه ولم يتأثر بالمرض؟

لا لن ارفضه لانه ممكن ان يمرض به فى اى وقت

هل من الممكن أن ترفضي شاب رائع صارحك بأنه مصاب بمرض الصرع...فقط تأتيه النوبة كل فترة لكنها لا تؤثر على حياته العملية؟



هل من الممكن أن ترفضي شاب لمجرد أنه يعرج بقدمه عرجة خفيفة؟

وأسئلة كثيرة
أحببت طرحها لتفكرن يا بنات
وأتمنى أن تجيبوني وتضع كل منكن نفسها في الموقف وتخبرنا لماذا قالت ((لا))إن قالتها

والمداخلة القادمة...للشباب
انتظروني

ومن صفات الزوج المهمة

ان يكون رجل ومتدين ويعامل زوجته بما يرضى الله

شكرا ياقمر على الموضوع

ومنورة المنتدى بمواضيعك الجميلة

شمس بياض
29-12-2009, 10:17 PM
[quote=ms:asmaa;158994]بسم الله الرحمن الرحيم
السلام عليكم ورحمة الله وبركاته
وعليكم السلام ورحمته وبركاته
اسمحى لى اضع نفسى فى محل اختيار او اقول وجه نظر مقتنعه بها




هل

هل من الممكن يا أختي أن ترفضي شاب صالح وممتاز ومتدين...و..و..لأنه من بلد آخر وجنسية أخرى؟
ارفض اذاكان من جنسيه اخرى لا اعلم تقاليدها وعاداتها
اما من بلد غير بلدى قصدى فى انحاء الجمهوريه موافقه وجه بحرى
قبلى لاع لاع لاع الا اذا كان صعيدى مجدع :23:

هل من الممكن أن ترفضي شاب صالح لأنه ليس طبيبا وأنتِ طبيبة؟
ليس شرطا اعلم ان هناك طبيبة تزوجت
عجلاتى
لكن كان هناك ---لاف استورى
وكانت لاتدين بالاسلام
بس طبعا مافيش حاجه قال عليها الاسلام فى القران او السنه الا وفيها عبرة
فهناك شرط الكفاءة

هل من الممكن أن ترفضي الزواج من شاب مؤهله الدراسي أقل منك لكنه رجل بكل معاني الكلمة؟
لاع لان المصاروة معقدين
وبيطلعوا عقدهم على

الزوجات شراقوة نعمل ايه

هل من الممكن أن ترفضي شاب ممتاز....لكنه مصاب بمرض السكر لكنه منتظم في علاجه ولم يتأثر بالمرض؟
لاارفضه بل اساعده على الشفاء
ممكن انا اسكره زياده ايه المشكله

هل من الممكن أن ترفضي شاب رائع صارحك بأنه مصاب بمرض الصرع...فقط تأتيه النوبة كل فترة لكنها لا تؤثر على حياته العملية؟

الصرع دهوت يعالج بالقران هو نتيجة مس شيطانى والله اعلم وله علاج
ونصبر معه ونحتسب
ولو ان فيه ناس مصروعه خلقه

هل من الممكن أن ترفضي شاب لمجرد أنه يعرج بقدمه عرجة خفيفة؟
لا طبعا
كل ذى عاهة جبار
اى يستطيع اشياء لايستطيعها السليم

فى تحمل المسئوليه

اخيتى مواضيعك ممتازة دمت لنا ونورت المنتدى:14:

طارق ممدوح ذكي محمد
29-12-2009, 11:30 PM
لن اجيب اجابة نظرية

ولكن من خلال تجربة عملية حيث انني خاطب من فترة قريبة

اخترت خطيبتي من بين مجموعة .... والسبب

انها كانت اكثرهن حياء .. وبعد ان تقدمت لها علمت بانها حاملة لكتاب الله

والكثير من اسرتها كذلك ... مما زاد من سعادتي واطمئناني

احمد الشلقامى
29-12-2009, 11:32 PM
ميرسى كريم واحمد ع الرد
وربنا يوفقكم ويرزقكم بالزوجات الصالحات والذريه

وفين اراااااء باقى الاعضاء والعضوااااااات؟؟؟؟؟؟؟؟؟؟
ماهو رزقنى يرزقنى تانى ايه انتى عاوزة المدام تعبينى فى اكياس ما جوز العرسان اللى فى الصورة هما الذرية زياد ومازن وجاية فى الطريق ندى كمان شهر وشوية

noha77
29-12-2009, 11:44 PM
موضوع جميل جدا
بس اعتقد ان الشروط ال موضوعة للرجالة اهون من الموضوعة للستات
وفي الاخر هذه قناعات شخصية كل منا له رأي مختلف ونظرة مختلفة للامور
" لولا اختلاف الاذواق لبارت السلع"
انا بحب المثل ده اوي ومقتنعه بيه كمان
طيب فيه حد حيقولي هيه الناس سلع
لا بس دي اذواق
يارب ييسر لشباب المسلمين الزواج
ويزقهم الذرية الصالحة

noha77
29-12-2009, 11:46 PM
ماهو رزقنى يرزقنى تانى ايه انتى عاوزة المدام تعبينى فى اكياس ما جوز العرسان اللى فى الصورة هما الذرية زياد ومازن وجاية فى الطريق ندى كمان شهر وشوية

هههههههههههههههههه
الله يزوجك يا استاذ احمد
على قول أخونا السعوديين لما بيدعوا لواحد يقولوا الله يزوجك
ايوه الخوف حشمه برده
الجبن سيد الاخلاق يا استاذنا
خاف تسلم
ربنا يخليلك زياد ومازن وندى تيجي بالسلامه
بس ما تنساش السبوع

7asnaa kareem
29-12-2009, 11:50 PM
بسم الله الرحمن الرحيم
السلام عليكم ورحمة الله وبركاته



هل

هل من الممكن يا أختي أن ترفضي شاب صالح وممتاز ومتدين...و..و..لأنه من بلد آخر وجنسية أخرى؟



لا ابدا
ان جاءكم من ترضون خلقه ودينه فزوجوه


هل من الممكن أن ترفضي شاب صالح لأنه ليس طبيبا وأنتِ طبيبة؟



لا فيه اشخاص معاهم شهادات عليا
وعقولهم كعقول العصافير


هل من الممكن أن ترفضي الزواج من شاب مؤهله الدراسي أقل منك لكنه رجل بكل معاني الكلمة؟



على حسب بيفهم ولا لا



هل من الممكن أن ترفضي شاب ممتاز....لكنه مصاب بمرض السكر لكنه منتظم في علاجه ولم يتأثر بالمرض؟


لا
طبعا الصحه والمرض بإيد ربنا


هل من الممكن أن ترفضي شاب رائع صارحك بأنه مصاب بمرض الصرع...فقط تأتيه النوبة كل فترة لكنها لا تؤثر على حياته العملية؟



اه لانى ما اقدرش على مساعدته


هل من الممكن أن ترفضي شاب لمجرد أنه يعرج بقدمه عرجة خفيفة؟


لو
خفيفه لا
انما زياده ان اللزوم حاسه نفسى ما استوعبهاش


وأسئلة كثيرة
أحببت طرحها لتفكرن يا بنات
وأتمنى أن تجيبوني وتضع كل منكن نفسها في الموقف وتخبرنا لماذا قالت ((لا))إن قالتها

والمداخلة القادمة...للشباب
انتظروني




اسئله رائـــــــــــــــــــــــعه

Blanche Neige
30-12-2009, 12:03 AM
هو موضوع الزواج ده أولا وأخيرا
قدر وقسمه ونصيب يعنى اذا النصيب
بيجى بتُغمض الأعين ويتم التغاضى عن اى عيوب
بل نراها مميزات واهم شئ يكون القبول موجود
ويكون فى راحه نفسية اساسى جدااا
وجود الايجاب والقبول وكل شئ مُقدر لنا سلفاً
اهم شئ الايمان بالله وبالقسمة والنصيب
باشكرك كتيييييييير على موضوعاتك الجميله
يسلموا ايديكى وافكارك الرائعه:24:

احمد الشلقامى
30-12-2009, 12:12 AM
لن اجيب اجابة نظرية

ولكن من خلال تجربة عملية حيث انني خاطب من فترة قريبة

اخترت خطيبتي من بين مجموعة .... والسبب

انها كانت اكثرهن حياء .. وبعد ان تقدمت لها علمت بانها حاملة لكتاب الله

والكثير من اسرتها كذلك ... مما زاد من سعادتي واطمئناني

حضرتك بتتكلم جد خاطب من فترة قريبة ازاى يعنى

أستاذ السيد على
30-12-2009, 05:36 PM
طبعا فى اعتبارات كبير لاختيار الزوجه

اوالزوج ودى بتختلف من شخص للتانى

بس اهم حاجة فعلا هى الدين

طبعا لازم يكون فى تكافؤ فى المستوى

المادى والاجتماعى والعلمى وده بصراحة

اللى مشيت عليه والحمد لله زواج موفق

طارق ممدوح ذكي محمد
30-12-2009, 06:11 PM
حضرتك بتتكلم جد خاطب من فترة قريبة ازاى يعنى


آه .. ايه المشكله .. هما منعوا الخطوبة ولا ايه ؟؟؟

نعمه محمود
30-12-2009, 06:18 PM
آه .. ايه المشكله .. هما منعوا الخطوبة ولا ايه ؟؟؟

لأ يا استاذ طارق ما منعوهاش ولا حاجة بس تقريبا مستر أحمد افتكر ان الصور دى بتاعك

طارق ممدوح ذكي محمد
30-12-2009, 06:38 PM
لأ يا استاذ طارق ما منعوهاش ولا حاجة بس تقريبا مستر أحمد افتكر ان الصور دى بتاعك


ههههههههه

والله يا ريت هو انا اطول ابقى

الشيخ وجدي غنيم

بارك الله لنا في عمره

شكرا استاذة نعمه على التوضيح

رحمة حسن
30-12-2009, 06:40 PM
بصراحة اصعب حاجة مسألة المرض (الصرع)لكن ممكن استحمل ابتغاء وجه الله
وبالنسية للتعليم
احب زوجى يكون افضل منى لكن طبعا اعرف تفكبره الاول لان فيه شياب بتكون مشكلتهم النواحى الماديه بس يعنى لو طموح ممكن اشجعه
كان نفسى مس اسماء تقولى من ضمن الاسئلة حاجة تخص من له تجربه زواج سابقة

ميس سوزان
06-01-2010, 02:51 AM
أنا موافقة جدا الناس اللى بتقول الحب لازم يكون موجود
لانه فعلا بيهون حاجات كتير
وأساسى الاخلاق والدين يكونوا موجودين
وطبعا الضوابط الاجتماعية موجودة
ومش معنى ان فيه حب ان يكون الموضوع مفتوح على البحرى
لا طبعا
انا اقصد برضه بالحب ده ان يكون فيه رااااااااحة نفسية كبيرة بينهم
ويكون كل واحد مقتنع بالتانى وعايزه
جزاكم الله خيرا