هسيبـــــكم خـــــلاص وأروح الــــــجيش ؟؟؟؟؟

[كريم ماضي]

بسم الله الرحمن الرحيم



العمر بيعدي بسرعه وانا فاكر لما كنت صغير وكنت بلبس المريله وبلعب في التراب وفاكر لما كنت بروح أشتري مصاصه وفاكر حجات كتيره من طفولتي

ودلوقتي حسيت اني كبرت وده حال الدنيا

ومبخلص في ورق الجيش حد هيقولي ازاي انت في كلية وازاي الجيش

هقوله وبكل فخر انا (حاصل علي دبلوم صنايع) ودخلت كلية تجاره تعليم مفتوح الفيوم

المهم بقي اني لقيت نصايح كتيره من ناس حبايبي قبل الاقبال علي التجنيد

وكلهم بيقولولي أدفع عشان تخرج

وده اللي ماشي دلوقتي تشوف واحد واسطه وتدفع له كام ألف جنيه كده ويخرجك من الجيش
وهنا بيحصل بلاوي وتلاعب

في قصص كتيره واقعيه حصلت بسبب الجيش

أب عشان يخرج أبنه من الجيش راح لمحامي وطلق مراته عشان يعمل فلم وان الابن بيصرف علي مامته وخرج أبنه من الجيش

والتاني دفع فلوس كتيره واتبهدل وطلع أبنه من الجيش

والتاني أتكتب له في شهادة المعافاه أنه عنده فيروس وطلع من الجيش

والتاني بعد مالبس في الجيش دفع وخرج من الجيش

طيب وعلي ايه ده كله بقي كلها سنتين بتشوف فيهم ذل بس بتكون راجل وده اللي عايزينه
انا عن نفسي مش فارقه معايا أدخل زي ماأدخلش
بل نفسي أتعلم اشيل سلاح ومشتاق لكل الحجات دي رغم اني لو مادخلتش الجيش هيكون أفضل لي

في شخص أتكلم مع ابويا اليوم وقاله هتدفع 2000 جنيه وتخرجه من الجيش
رد عليه وقاله أخوه الكبير في الجيش وفاضله سنتين ويخلص وصرفنا أكتر من 2000 وده كمان عايزين نصرف عليه أكتر من 2000 بس يطلع راجل (ونعم الاب) لو كل أب عمل كده موضوع الجيش ده هيمشي تمام واللي ليه نصيب في حاجه بيشوفها والحمد لله علي كل حال


عايز أسمع رأي الشباب في الجيش ؟؟؟
وهل انت ممكن تفكر في انك تدفع عشان تخلع؟؟؟

[7asnaa kareem]

انا أخويا وحيـــــــــــــــــــــــــــد
وواخد إعــــــــــــــــــــفى من الجيــــــــــــــــــــــــــــــــش
وهوه متضايق جدا
لانه كان نفسه يدخل الجيش

واللى يتهرب من الجيش ما يستحقش يعيش فى مصر
لانه لما بيدخل بيتعلم ازاى يدافع عنها

انت باباك دا راجل محترم بجد


والحاجه الوحيده اللى زعلتنى
ان المنتدى هيتحرم من مواضيعك يا كما كيمو

[ياسر الدقاق]

طبعاً المفروض محدش يلجأ للأساليب دي علشان يزوغ من الخدمه العسكريه
دا شرف له إنه يكون في مهمة الدفاع عن بلده
وأنا عن نفسي كان نفسي أخدم في الجيش بس يا خسارة أخدت تأجيل وبعدين المعافاه بعد 3 سنين ووالله كنت رايح وبدعي من كل قلبي إن أدخل الجيش لكن
وربنا يوفقك يا كريم سواء دخلت الجيش أو أخدتت زي إعفاء بعد تأجيل

[مسيو وليد عسكر]

ربنا يوفقك يا كريم
الجيش للرجالة
وان شاء الله يتقالك يابيلدي(يعني يا بلدياتي )
ولما يتقالك يادفعة ده وسام علي صدرك اوعي تزعل من الكلمة دي
وفاكر كلمة كنا بنقولها قبل مانسلم المخلة بايام
كنا بنقول كلها ايام ياجيش ونقول علي الجراية عيش
واوعي تسلم دماغك لموضوع الفلوس ده
اللي بيعمل كده الفرافير اللي شافو الجيش بالفيديو
انما انا اعرف ان كريم راجل والجيش عمره مايكسره
وعلي فكره احلي اصحاب خرجت بيهم من الجيش كانوا من الفيوم والصعيد
ربنا يوفقك ودعواتي لك

[كريم ماضي]

انا أخويا وحيـــــــــــــــــــــــــــد
وواخد إعــــــــــــــــــــفى من الجيــــــــــــــــــــــــــــــــش
وهوه متضايق جدا
لانه كان نفسه يدخل الجيش

واللى يتهرب من الجيش ما يستحقش يعيش فى مصر
لانه لما بيدخل بيتعلم ازاى يدافع عنها

انت باباك دا راجل محترم بجد


والحاجه الوحيده اللى زعلتنى
ان المنتدى هيتحرم من مواضيعك يا كما كيمو



ربنا يخليك ياحسناء
وكل شيئ نصيب ومحدش عارف الخير فين
وطبعا حاجه معروفه الوحيد ملوش جيش

[dream]

معقولة

هتتختم بختم الوطنية

بسرعة كده يا كريم

ماشاء الله

توكل على الله

وال كاتبه ربنا هو المقدر ومكتوب

وبعدين الجيش ده تجربة رائعة

من خلال سمعى لكل من مر بها من اقاربى

وقراتى من تجارب الاخرين

عشت يا كريم

وينصلب عودك ونقول لك يا دفعة
:)

[كريم ماضي]

طبعاً المفروض محدش يلجأ للأساليب دي علشان يزوغ من الخدمه العسكريه
دا شرف له إنه يكون في مهمة الدفاع عن بلده
وأنا عن نفسي كان نفسي أخدم في الجيش بس يا خسارة أخدت تأجيل وبعدين المعافاه بعد 3 سنين ووالله كنت رايح وبدعي من كل قلبي إن أدخل الجيش لكن
وربنا يوفقك يا كريم سواء دخلت الجيش أو أخدتت زي إعفاء بعد تأجيل


ربنا يخليك استاذ ياسر علي المرور الجميل وكله نصيب

[كريم ماضي]

ربنا يوفقك يا كريم
الجيش للرجالة
وان شاء الله يتقالك يابيلدي(يعني يا بلدياتي )
ولما يتقالك يادفعة ده وسام علي صدرك اوعي تزعل من الكلمة دي
وفاكر كلمة كنا بنقولها قبل مانسلم المخلة بايام
كنا بنقول كلها ايام ياجيش ونقول علي الجراية عيش
واوعي تسلم دماغك لموضوع الفلوس ده
اللي بيعمل كده الفرافير اللي شافو الجيش بالفيديو
انما انا اعرف ان كريم راجل والجيش عمره مايكسره
وعلي فكره احلي اصحاب خرجت بيهم من الجيش كانوا من الفيوم والصعيد
ربنا يوفقك ودعواتي لك

هنا بقي نكتشف اننا بنحب مصر ولا لاء وطبعا لازم نلبي النداء
لا ان شاء الله مش هزعل هههههههههه طيب هسجل الجمله دي عشان أبقي أقولها
والحمد لله موضوع الفلوس ده مش بفكر فيه نهائي هسيبها للنصيب والمكتوب أفضل
الحمدلله اني مش فرفور ربنا يخليك يامسيو وليد الحمد لله أن الفيوم فيها رجاله والصعيد كمان وكل محافظات مصر فيها رجاله
وانا كنت ديما بصبر أخويا الكبير بالموضوع ده كنت بقول له بكره يكون فاضل كام شهر وتخلص الجيش وتكون زعلان وده فعلا اللي حصل والله فاضل له شهرين ويخلص وزعلان جدا انه هيخلص الجيش وده حال الدنيا
ربنا يكرمك يامسيو وليد مرورك أسعدني جدا جدا جدا والله ونور الموضوع
ربنا يخليك لينا يارب
جزاك الله كل الخير
بس أنت نسيت كام 00000 علي الماشي 0000


:38:أحبك في الله يامسيو وليد:38:

[ميس سوزان]

ربنا معاك يا كريم
بس لما ترجع ابقى احكيلنا
مغامرات كريم فى الجيش
هههههههههههههههه

[كريم ماضي]

معقولة

هتتختم بختم الوطنية

بسرعة كده يا كريم

ماشاء الله

توكل على الله

وال كاتبه ربنا هو المقدر ومكتوب

وبعدين الجيش ده تجربة رائعة

من خلال سمعى لكل من مر بها من اقاربى

وقراتى من تجارب الاخرين

عشت يا كريم

وينصلب عودك ونقول لك يا دفعة
:)



ههههههههههههه
ربنا يخليكي استاذه احلام وكلها 3 شهور ونعرف دفع ولا مش دفعه
واللي مكتوب علي الجبين لازم تشوفه العين
والله المستعان
جزاكم الله كل الخير علي المرور العطر

[نعمه محمود]

ولا يهمك ياكريم . انت قدها وقدود وعلى فكرة الجيش مبقاش بهدلة زى زمان وهما سنتين ان شاء الله تخلصهم وتشوف مستقبلك وربنا يوفقك وبجد لو قابلتك اى مشاكل قولى وان شاء الله تتحل

[أستاذ السيد على]

ربنا يوفقك ياكريم

الجيش للرجالة

[دعاء شديد]

فى عباره شهيره بتقول "الجيش قالك اتصرف"
بس الناس فى بلدنا بقت تكملها بجمله توضيحيه على هواهم طبعا
وهى ايه "الجيش قالك اتصرف ... وزوغ منه"
ههههههههههههههههه

بس الحمد لله لسه فى ناس محترمين زى والدك
مصرين انك تؤدى ما عليك من حقوق
اكيد اكيد اكيد ... هتستفيد

وان شاء الله الي فى الخير ربنا يوفقك له
وهننتظر منك "يوميات مجند 2010"