المساعد الشخصي الرقمي

مشاهدة النسخة كاملة : وسع وسع لموتوسيكل الاعتراف


دعاء شديد
22-12-2009, 02:12 PM
طبعا ضيفتنا تركيبه غريبه
كوكتيل كده مختلف بجد وعلشان كده
كان لازم لما تعترف ... تعترف بطريقتها
انطلاق ... تهور ... سرعه ... شباب ... مغامره
يعنى تخيلت انها وهى بتجاوب على الاسئله
هتكون بتلف فى المنتدى بالموتوسيكل
ترد وتجرى

(1)
You can see links before reply 83e1FGFj8qMWDsPWk14lj4s9m4TkhP8EpUEHxkWV9gcFJ2/MotorcycleGirl.jpg
طبعا الصورة دى تعتبر اول انطباع لـ "حسناء"
لما ركبت موتوسيكل الاعتراف
وكان تعليقها
"اخيرا هتعرف وهقول البلاوى كلها"
ده طبعا من وحى خيالى الفظيع


(2)
You can see links before reply

دى تانى صورة لحسناء وانا معاها
على موتوسيكل الاعتراف
فى طريقنا للمنتدى
جنان X جنان

*********************

طلب مباشر من كل الي هيسأل حسناء
يعنى علشان كل ضيف يكون له حاجة تميزه
فى وقت الاعتراف
"اكتب جمله او تعليق او عباره"
تعبر عن شخصيه حسناء كما تراها
وبعدين اسأل براحتك

(3)
You can see links before reply
سيرى يا حسناء

اه نسيت اقولكوا
الضيف الي جايا ... مفاجأه
وطريقه اعترافه هتكون فوق الخيال
كريم ماضي
22-12-2009, 02:28 PM
هههههههههههههههههههه
حسناء كريم اهلا اهلا
بحضر لها في أسئله وربنا يسترها بقي
تقديم جميل يادكتوره
دعاء شديد
22-12-2009, 02:34 PM
هههههههههههههههههههه
حسناء كريم اهلا اهلا
بحضر لها في أسئله وربنا يسترها بقي
تقديم جميل يادكتوره


ميرسى يا كريم
وخد بالك قبل الاسئله ... لازم تنفذ شرط الاشتراك
"جمله تعبر عن حسناء كما تراها"
شريف
22-12-2009, 05:43 PM
بقا ضيفتنا هيا اللي تركيبة غريبة ؟ هههههههههههههههههههه
مقدمة تحفة و غريبة جدا و جنان اخر حاجة علي فكرة
انا جاي كمان شوية
dream
22-12-2009, 05:55 PM
هههههههههههههههههه

والله انتى عسل يا دعاء

هاخلص الكلام مع الطلاب فى الغرفة وراجعة

:18:
دعاء شديد
22-12-2009, 07:48 PM
بقا ضيفتنا هيا اللي تركيبة غريبة ؟ هههههههههههههههههههه
مقدمة تحفة و غريبة جدا و جنان اخر حاجة علي فكرة
انا جاي كمان شوية

بقى كده ... ماشى
عموما ميرسى
على رايك
وفى انتظارك
دعاء شديد
22-12-2009, 07:56 PM
هههههههههههههههههه

والله انتى عسل يا دعاء

هاخلص الكلام مع الطلاب فى الغرفة وراجعة

:18:

اكتر حاجة خلتنى مبسوطة
الضحكة دى بجد

وهنستناكى
7asnaa kareem
22-12-2009, 08:12 PM
دعاااااااااااااااااااااء
انتى شخصيه عجيبه

بجد

انتى مميزه
فعلا
مش عارفه اقولك حاجه

بس أكيد من القلب للقلب رسول

وانتى فاهمه كويسه انا حابه اقولك ايه

متشكره ليكى جدا
على المقدمه الجاااااامده طحن دى

ويكفينى كلامك دا
بجد
حاجه تانيه وفرقت معايا
امل لاشين
22-12-2009, 10:00 PM
جديده فعلا موتوسيكل الاعتراف ......:)

فكره جميله بجد يادعاء ...

واهلابيكي ياحسناء معانا

وهتعترفي سواء علي موتوسيكل او حتي كرسي ...:)

اولا علي حسب الشروط المعفرته .....

بجد اقدر اوصف حسناء ....

انها فعلا تلقائيه وبتقول اللي في قلبها

وبتعبرعن رايها بتلقائيه جداااا ..مش مهم ازاي او باي طريقه .....

من غير زواق وبعفويه جداااااااا....ومش مهم حتي اللغه العربيه :)

منوره المنتدي ...

ابدا بالاسئله بقي..

هذه الايام لاحظت انك مقله في ردودك وانك علي غير طبيعتك ؟؟

صح ولا غلط ؟؟ مع التوضيح وذكر الاسباب ( غلاسه استحملي :) )

ايه اللي نفسك تعمليه وبتسعي انك تحقيقيه ؟؟؟

ايه اللي يزعلك من الدنيا وايه اللي يفرحك فيها ؟؟

لالالا كفايه كده اكمل بعدين لان ركوب الموتوسيكل ...

مع الاسئله اكيد صعب جدااااا

واحتمال ارجع تاني لو ممكن يعني !!!!
dream
22-12-2009, 10:36 PM
منورة موتوسيكل يا حسناء

والمواصلات كلها بتاعة المنتدى والمنتديات المجاورة


وسورى انى دخلت ابدى اعجابى باسلوب دعاء الجميل

فى تقديمها لكى

بدون اسئلة

اولا راى فى حسناء

مش عارفة ليه عندى احساس انك متقلبة المزاج

يعنى مودية ياترى صح ولا؟

ونجى بقى للسؤال

بس من فضلك اقفى شوية بالموتوسكيل

علشان مش باعرف اسال وانتى راكباه

ياريت تعرفينا بشخصك الكريم

من واقع البطاقة الشخصية

وعرفينا بحسناء الذى لا يعرفها غير حسناء

يعنى اهم صفاتك واتجاهاتك وعاداتك والخ.............


والسؤال الملح بقى


ما تخافش من جنى ولا من شبح
وان جاك عفريت قتيل اسأله
ما دافعش عن صاحبه ليه يوم ما اندبح


ماذا وراء هذا التوقيع؟
7asnaa kareem
23-12-2009, 12:49 AM
جديده فعلا موتوسيكل الاعتراف ......:)

فكره جميله بجد يادعاء ...

واهلابيكي ياحسناء معانا



اهلا بيكى يا قمر

وهتعترفي سواء علي موتوسيكل او حتي كرسي ...:)



أكيد هقر وهعترف من أول قلم
اولا علي حسب الشروط المعفرته .....

بجد اقدر اوصف حسناء ....

انها فعلا تلقائيه وبتقول اللي في قلبها

وبتعبرعن رايها بتلقائيه جداااا ..مش مهم ازاي او باي طريقه .....

من غير زواق وبعفويه جداااااااا....ومش مهم حتي اللغه العربيه :)


صح يا جميل فعلا انا كدا
منوره المنتدي ...

بنورك

ابدا بالاسئله بقي..

هذه الايام لاحظت انك مقله في ردودك وانك علي غير طبيعتك ؟؟

صح ولا غلط ؟؟ مع التوضيح وذكر الاسباب ( غلاسه استحملي :) )

صح انا بقالى فتره مش مستديمه فى الدخول

عشان انا خلاص دخلت فى العد التنازلى ليوم الوعيد " فرحى عقبال كل البنات ياااارب "
والباقى أكيد انتى عارفاه هههه


ايه اللي نفسك تعمليه وبتسعي انك تحقيقيه ؟؟؟


انا نفسى ان بالى يرتاح
عاوزه اشيل دماغى دى افتحها وافضى اللى فيها وبعدين اخبطها فى سابع سما وارجع اخبطها فى سابع ارض
وبعد كدا اركبها تانى

ايه اللي يزعلك من الدنيا وايه اللي يفرحك فيها ؟؟

اللى مزعلنى من الدنيا فجوه الجيل اللى بين الاباء والابناء صعب التلاقى

لالالا كفايه كده اكمل بعدين لان ركوب الموتوسيكل ...

يا باشا انت تأمر بس وانا أنفذ
مع الاسئله اكيد صعب جدااااا

واحتمال ارجع تاني لو ممكن يعني !!!!






شرفتينى بأسألتك يا جميييل

ومنتظره الباقى
أبوبكر أحمد العملة
23-12-2009, 01:28 AM
عبارة تعبر عن الاستاذة الفضلى / حسناء

"انسانة مصرية تكتب بلون خافت ...من خلف ستارة شفافة ....بعقل متغيرومتفتح و ايجابي المعرفة "


لنا عودة بعد قليل بالاسئلة

مع خالص تقديرى للعرض الكريم
ابوبكر احمد العملة
عضو فريق مجتمع المعرفة بالمنتدى الكريم
7asnaa kareem
24-12-2009, 11:21 PM
منورة موتوسيكل يا حسناء

والمواصلات كلها بتاعة المنتدى والمنتديات المجاورة


ربنا يخليكى يا استاذه احلام
منوره بالعباقره اللى زى حضرتك



وسورى انى دخلت ابدى اعجابى باسلوب دعاء الجميل


لا سورى على واجب
دعااااااء جذابه فى كلامها


فى تقديمها لكى

بدون اسئلة

اولا راى فى حسناء

مش عارفة ليه عندى احساس انك متقلبة المزاج

يعنى مودية ياترى صح ولا؟


فعلا
انا ما برساش على مووود معين
ودا احدى عيوبى الحقيقه
يااااريت حد يساعدنى فى المشكله دى


ونجى بقى للسؤال

بس من فضلك اقفى شوية بالموتوسكيل

علشان مش باعرف اسال وانتى راكباه


خلاص كدا انا خدت فرامل


ياريت تعرفينا بشخصك الكريم

من واقع البطاقة الشخصية


الاسم بالكامل / حسناء محمد حسين عبد الكريم
السن / 23
تاريخ الميلاد 1 / 12 / 1986
السنبلاوين / المنصوره
ليسانس أداب قسم الاعلام شعبه علاقات عامه

على وش جوااااااااااااااز
دعواتكو بأه


وعرفينا بحسناء الذى لا يعرفها غير حسناء


والله انا حتى الان مش عارفه انا مين
متلخبطه بشكل بشع
ونفسى حد يساعدنى فى اللى انا فيه


يعنى اهم صفاتك واتجاهاتك وعاداتك والخ.............




انا غالبا دماغى طأه ، ذكيه لدرجه الغباء ، بس متفهمه ، وبتقبل الرأى الاخر ، وبنت حلال ، وقلبى ابيض

والسؤال الملح بقى


ماذا وراء هذا التوقيع؟


التوقيع دا وراه حاجات كتيييير أوى
بس أهمهم ازاى البنى ادم يتغلب على خوفه باستخدام عقله
وابسط الامثله الناس اللى بتعتقد فى العفاريت
لو كانت بتنفع أو تضر
كانت على الاقل نفعت نفسها




متشكره لاهتمام حضرتك
وبجد اتشرفت بالاسئله الجميله دى
7asnaa kareem
24-12-2009, 11:45 PM
عبارة تعبر عن الاستاذة الفضلى / حسناء

"انسانة مصرية تكتب بلون خافت ...من خلف ستارة شفافة ....بعقل متغيرومتفتح و ايجابي المعرفة "


ربنا يكرمك والله
ما كنتش اعرف انى كل دا
ميرسى بجد على رأي حضرتك فى شخصيتى

لنا عودة بعد قليل بالاسئلة


هنتظر أسئله حضرتك بفااااارغ الصبر

مع خالص تقديرى للعرض الكريم
ابوبكر احمد العملة
عضو فريق مجتمع المعرفة بالمنتدى الكريم


شكرا لمشاركتك الرائعه
كريم ماضي
24-12-2009, 11:45 PM
حسناء كريم

أحترت اوصفها من امبارح وانا مش عارف وصف ليها
فتاه نشيطه جدا غامضه أحيانا شخصيه محترمه جدا ربنا يبارك فيها

ــــــــــــــ
التوقيع دا وراه حاجات كتيييير أوى
بس أهمهم ازاى البنى ادم يتغلب على خوفه باستخدام عقله
وابسط الامثله الناس اللى بتعتقد فى العفاريت
لو كانت بتنفع أو تضر
كانت على الاقل نفعت نفسها
ــــــــــــــــــــــــــــــــ
معني كده انك لاتقتنعي بالجني والحجات دي ؟؟

ونفعهم وضررهم بأذن الله طبعا

طبعا هرجعلك تاني ياويلك ويا.... انا فاضيلك بقي
7asnaa kareem
24-12-2009, 11:51 PM
حسناء كريم

أحترت اوصفها من امبارح وانا مش عارف وصف ليها
فتاه نشيطه جدا غامضه أحيانا شخصيه محترمه جدا ربنا يبارك فيها


ربنا يخليك يا كريم والله
دا من زوقك بســــــــــــــ
التوقيع دا وراه حاجات كتيييير أوى
بس أهمهم ازاى البنى ادم يتغلب على خوفه باستخدام عقله
وابسط الامثله الناس اللى بتعتقد فى العفاريت
لو كانت بتنفع أو تضر
كانت على الاقل نفعت نفسها
ــــــــــــــــــــــــــــــــ
معني كده انك لاتقتنعي بالجني والحجات دي ؟؟

ونفعهم وضررهم بأذن الله طبعا


أكيد طبعا
طبعا هرجعلك تاني ياويلك ويا.... انا فاضيلك بقي



طيب بشويش عليا
والا هسلط عليك عفريت صغنن كدا يظبطك
كريم ماضي
24-12-2009, 11:55 PM
حسناء اللي اعرفه عن البنات
انهم بيعيطوا كتير وسبحان الله الدموع عندهم أكل عيش
ياتري كل البنات كده ؟ وهل حسناء دمعتها قريبه ؟
7asnaa kareem
25-12-2009, 12:06 AM
حسناء اللي اعرفه عن البنات
انهم بيعيطوا كتير وسبحان الله الدموع عندهم أكل عيش
ياتري كل البنات كده ؟ وهل حسناء دمعتها قريبه ؟


بص يا كريم

المشاعر الانسانيه
مالهاش قواااعد
تتطبق على كل الناس

وفى نفس الوقت
علم النفس صعب جدا
انه يوحد الشخصيات
تحت مسميات

ومفيش حد بيبقى زى التانى
يعنى ممكن تكون فيه بنت
لما بتزعل بتعيط
وبنت لما بتزعل بتحب تفضل لوحدها
وفيه بنت لما بتزعل بتضحك
وفيه بنت لما بتزعل ما بتاكلش
وفيه بنت لما بتزعل بتاكل
شخصيات كتييير
انا مثلا لما بزعل شهيتى بتتفتح
بشكل ممكن يسبب مرض
لانى بخرج ضيقتى فى الاكل


بس موضوع العياط دا مش عايزه اقول
انها ميزه من مميزات البنات
بس غالبا ضمن" الشخصيه الانثويه "
ربنا خلق الانثى كدا ضعيفه
ودموعها سهله
زى بالظبط ما بيبقى الرجل دموعه صعبه انها تنزل


ولان صوابعك مش زى بعضها
ولكل قاعده شواذ
ممكن تلاقى راجل دموعه قريبه
فى نفس الوقت اللى تبقى فيه البنت دموعها متحجره

تصدق بأه
انا عاوزه أعيط:28::28:
كريم ماضي
25-12-2009, 12:19 AM
كويس وشكرا للأجابه

كتير بنسمع عن الحب بين الولد والبنت الارتباط العاطفي يعني

ايه رأيك في الحب ؟
وايه رأيك ان في ولد وبنت صغيرين وبيحبوا بعض ؟يعني من 14 الي 19 مثلا ؟

الهوايات ايه ؟
بتلعبي رياضه ولا بتكتفي انك تتمشي في الشقه ؟


ولمن تهدي هذه الكلمات
- كلمة حب
- كلمة خيانه
- كلمة شوق
- كلمة عتاب
- كلمة اعتذار
- كلمةهذبحك
- كلمة صدق
7asnaa kareem
27-12-2009, 01:46 PM
كويس وشكرا للأجابه

كتير بنسمع عن الحب بين الولد والبنت الارتباط العاطفي يعني

ايه رأيك في الحب ؟


يا سلام عليك يا كريم
فكرتنى باللذى مضى
بس أجمل مشاعر ممكن تحسها فى الحب
لما تكون متوجه
بالشريعه الاسلاميه
غير كدا
مش هتجنى غير العذاب

وايه رأيك ان في ولد وبنت صغيرين وبيحبوا بعض ؟يعني من 14 الي 19 مثلا ؟


الحب فى سن صغيره
حاجه جميله جدا
خصوصا لو كانو فى السن قريبين من بعض
غالبا ما تحس انهم متربيين على ايدين بعض
وكل واحد متشبع من التانى فى طريقه الكلام والمعامله

الهوايات ايه ؟
بتلعبي رياضه ولا بتكتفي انك تتمشي في الشقه ؟


بحب القراءه كتيييييييييير
وبحب الاستماع أكتر
الرياضه بأه
فدا المجال اللى انا شغاله فيه
من اعلام
لنادى رياضى
يا قلبى لا تحزن

ولمن تهدي هذه الكلمات

- كلمة حب لأمى بجد تستاهلها
- كلمة خيانه خلاص بأه رااااح لحاله
- كلمة شوق أخويا وأقوله وحشتنى أوى تعالى بأه
- كلمة عتاب أعز صديقه ليا فهمتنى غلط وبعدت عنى
- كلمة اعتذار لبابا حاسه انى تقلت عليه كتييييييير
- كلمةهذبحك لدماغى نفسى اخلص منها
- كلمة صدق لنفسى أقولها التزمى شويه كدا ما ينفعش



شكرا يا كريم على الاسئله دى
كريم ماضي
27-12-2009, 04:58 PM
ايه سبب حبك للزمالك ؟ وليه حسناء مش أهلاويه ؟


هددف حسناء نفسها تحققه ولسه ماتحققش؟

حسناء ليكي في السياسه ؟
طيب لو فكرتي تنضمي لحزب أي الاحزاب تختاري؟

ايهما تفضلي لرئاسة مصر (جمال مبارك) (البرادعي)(أشخاص أخرين)؟؟؟
7asnaa kareem
27-12-2009, 09:32 PM
ايه سبب حبك للزمالك ؟ وليه حسناء مش أهلاويه ؟


سبب حبى للزمالك مش عارفه
حب لله فى لله
انا مش اهلاويه بمزاجى
رغم انه الاعيبه اللى فيه تمام

هددف حسناء نفسها تحققه ولسه ماتحققش؟


الحمد لله يا كريم
كل اللى بتمناه بألاقيه
اللى ما عرفتش أحققه
خرجته برده حلمى عشان ما يهزنيش

حسناء ليكي في السياسه ؟


للأسف
ليا فى السياسه غصب عنى

طيب لو فكرتي تنضمي لحزب أي الاحزاب تختاري؟


تفتكر يعنى هيبقى ايه ؟


ايهما تفضلي لرئاسة مصر (جمال مبارك) (البرادعي)(أشخاص أخرين)؟؟؟


البرادعى
وأكيد الاسباب معروووفه
كريم ماضي
27-12-2009, 10:12 PM
ازاي أشتركتي في الموقع ؟

ايه رأيك في بوابة التعليم المصري؟
أيجابيات ؟ سلبيات
هل أسمك الحقيقي حسناء كريم أم أسم مستعار ؟
7asnaa kareem
28-12-2009, 10:32 PM
ازاي أشتركتي في الموقع ؟




انا عرفت الموقع بالصدفه البحته
وكانت أحلى صدفه بجد

قبل ما اشترك فضلت شهرين مجرد زااائر ليس الا

وبعد كدا حبيت انى أكون عضو من اعضاء المنتدى


ايه رأيك في بوابة التعليم المصري؟


هيا فكره عبقريه بجد

وعبقرى اللى نفذها

ان شاء الله ربنا هيكرمه


أيجابيات ؟ سلبيات


الايجابيات

الفكره نفسها ايجابيه
فما بالك بتنفيذها
وكمان القائمين عليها

دا غير مجموعه المدرسين والمعلمين
اللذين يقتطعوا جزء من وقتهم للطلبه

تخيل كل دا وبتسألنى عن الايجابيات
مين فى الزمن دا عنده مبدأ يدى من غير ما ياااخد



السلبيات بأه
أعتقد موجوده فى كل المنتديات

قله الردود رغم عدد المشتركين الهائل

وكمان محتاج توسع شويه
هل أسمك الحقيقي حسناء كريم أم أسم مستعار ؟


اه اسمى الحقيقى
خير مش عاجبك ولا حاجه ؟
لو مش عاجبك اغيره عادى
كريم ماضي
28-12-2009, 11:32 PM
اه اسمى الحقيقى
خير مش عاجبك ولا حاجه ؟
لو مش عاجبك اغيره عادى


لالالالالالالا
ازاي مش عاجبني علي الراس من فوق :21:
يلا افكر انا بقي بكام سؤال رخم زيي
أبوبكر أحمد العملة
29-12-2009, 12:00 AM
الاستاذة الفضلى / حسناء كريم

طبعاً انا عضو جديد على المنتدى الجميل ده

وبما اننى لم اتشرف بقراءة كل الموضوعات الجميلة

ممكن استفيد من وجود سيادتك على موتوسيكل الاعتراف واسال إن كان ممكن

وطبعاً ممكن تعتذرى ومش هزعل فعلاً خالص ...

أولاً : سيادتك عنصر نشيط جدا بالمنتدى الكريم وشعلة ذكاء في ردودك الواثقة والتلقائية على الزملاء الافاضل ...!!!

1- ما هو أجمل موضوع لحضرتك بالمنتدى ..؟؟؟؟ وأجمل مشاركة لكِ في موضوع ...؟؟
(بس بشرط ما يكونش نفس الموضوع )

ثانياً : سيادتك تحتفظى باعتزاز خاص بكل أصدقائك بالمنتدى ....!!!!!

2-ما هى شروط الصداقة من وجهة نظرك الشخصية ...؟؟؟
(بس بشرط ما يكونش من ضمنها الوضوح والصراحةوالصدق لانهم اساسيين في الصداقة)

ثالثاً : سيادتك راضية بحالك وان شاء الله مرضية في الدنيا والاخرة ولا يوجد احلام مستحيلة للمستقبل بل معظمها واقعية عند سيادتك ...!!!!

3- ما هى أحلامك وكلماتك لكل من :

طفل صغير يبكى ....

طفلة صغيرة تضحك......

أب إنجرح من ابنته لسوء تصرفها ....

أم تعبت من مصاريف البيت والشغل والعيال .....

أب لا يريح نفسه ويعمل ليل ونهار من أجل الحياة الصعبة ......

رابعاً :سيادتك متميزة في الاعلام ومشرفة في بوابة التعليم المصرى المتميزة....!!!!!

4- ما هو رأيك الشخصى في الآتى :

- الخطة الاستراتيجية القومية للتعليم ما قبل الجامعى 2007/2012

- أكاديمية المعلم

- الهيئة القومية لضمان جودة التعليم والاعتماد (نقاء)(naqaae)


خامساً : سيادتك تمتلكِ الكثير من مهارات التواصل الايجابي الالكتروني .......!!!!

5- ما هو رأيك في هذه الشخصيات العامة بصدق كالعادة

د/ يسرى الجمل

د/ محمود عابدين

د/ أحمد نظيف

د/ على مصيلحى

د / طارق كامل

وزملاء المنتدى الحاليين :

أ/ محمد عبد العظيم وسية

أ/ جمال الدين

أ/ على يحيى

أ/ محمد بن عباس

أ/ نعمة محمود

أ/ دعاء شديد

أ/شريف

أ/ أمل لاشين

أ/ أحلام

أ/ وليد عسكر

أ/ شمس بياض

أ/ كريم (مشرف سوبر ركن الجامعات المصرية/وسابقاً مشرف قسم جووووووول)

أ/ عز

أ /أشرف فودة

أ/ ميس سوزان

أ/ لؤلؤة السماء

أ/ ياسر الدقاق

أ/ ممدوح ( الحاضر الغائب )

أ/ مستر اسامة

أ/ قطرة ندى

أ/ منى عبد الحافظ

أ/ محمد حسن ضبعون

أ/ أبوبكر أحمد العملة

.....

وممكن سيادتك تضيفى آخرون لم اتشرف بهم بعد ....


أعتقد كده كفاية أول تعارف وممكن اكمل بعد شوية ....


فرصة سعيدة جدا واتمنى لك التوفيق الدائم

وأتفق معك أن المنتدى يحتاج الى التوسع الداخلى أكثر من الخارجى من وجهة نظرى في مجال التسويق واتمنى لك النجاح والتوفيق في الحياة العامة والخاصة

مع خالص تقديرى لشخصكم الكريم
أبوبكر أحمد العملة
عضو فريق مجتمع المعرفة بالمنتدى الكريم
7asnaa kareem
29-12-2009, 12:49 AM
[QUOTE=أبوبكر أحمد العملة;160464][B]
[FONT="Times New Roman"]الاستاذة الفضلى / [COLOR="Magenta"]حسناء كريم

[CENTER][SIZE="5"]تمام يا فندم

طبعاً انا عضو جديد على المنتدى الجميل ده


أهلا وسهلا بحضرتك

وبما اننى لم اتشرف بقراءة كل الموضوعات الجميلة

ممكن استفيد من وجود سيادتك على موتوسيكل الاعتراف واسال إن كان ممكن


شئ يشرفنى جدا

وطبعاً ممكن تعتذرى ومش هزعل فعلاً خالص ...


لا ان شاء الله مفيش اعتذارات

أولاً : سيادتك عنصر نشيط جدا بالمنتدى الكريم وشعلة ذكاء في ردودك الواثقة والتلقائية على الزملاء الافاضل ...!!!


ربنا يكرمك
دا من زوووق حضرتك

1- ما هو أجمل موضوع لحضرتك بالمنتدى ..؟؟؟؟

You can see links before reply

وأجمل مشاركة لكِ في موضوع ...؟؟
(بس بشرط ما يكونش نفس الموضوع )

You can see links before reply


ثانياً : سيادتك تحتفظى باعتزاز خاص بكل أصدقائك بالمنتدى ....!!!!!


الحمد لله رب العالمين

2-ما هى شروط الصداقة من وجهة نظرك الشخصية ...؟؟؟
(بس بشرط ما يكونش من ضمنها الوضوح والصراحةوالصدق لانهم اساسيين في الصداقة)


الحب فى الله يكفى
ثالثاً :

سيادتك راضية بحالك وان شاء الله مرضية في الدنيا والاخرة ولا يوجد احلام مستحيلة للمستقبل بل معظمها واقعية عند سيادتك ...!!!!

3- ما هى أحلامك وكلماتك لكل من :

طفل صغير يبكى ما تبكيش الدنيا كلها ما تسواش دمعه بريئه منك

طفلة صغيرة تضحك يااار ب دايما تملى الدنيا فرح وهنا

أب إنجرح من ابنته لسوء تصرفها
هى الدنيا كدا

أم تعبت من مصاريف البيت والشغل والعيال فصبر جميل

أب لا يريح نفسه ويعمل ليل ونهار من أجل الحياة الصعبة اجرى يابن أدم جرى الوحوش غير رزقك لن تحوش



لنا لقاااء أخر

تشرفت بأسألتك
أبوبكر أحمد العملة
04-01-2010, 11:28 PM
استمتعنا واستفدنا من اجاباتك على الاسئلة

ننتظر باقى الاجابات لكى تزداد دائرة المعرفة بالمنتدى الكريم

مع خالص تقديرى لشخصكم الكريم
أبوبكر أحمد العملة
عضو فريق مجتمع المعرفة بالمنتدى الكريم
7asnaa kareem
10-01-2010, 03:09 PM
الاستاذة الفضلى / حسناء كريم


4- ما هو رأيك الشخصى في الآتى :

- الخطة الاستراتيجية القومية للتعليم ما قبل الجامعى 2007/2012

- أكاديمية المعلم

- الهيئة القومية لضمان جودة التعليم والاعتماد (نقاء)(naqaae)


خامساً : سيادتك تمتلكِ الكثير من مهارات التواصل الايجابي الالكتروني .......!!!!

5- ما هو رأيك في هذه الشخصيات العامة بصدق كالعادة

د/ يسرى الجمل

د/ محمود عابدين

د/ أحمد نظيف

د/ على مصيلحى

د / طارق كامل



سورى
اتاخرت على حضرتك فى الرد

بس ظروف بأه

وعشان اكمل اجابات عن اسئله حضرتك دى

فانا بينى وبينك
معترضه على الطريقه العامه
لمعالجه المشاكل اللى بتواجه مصر

وعشان كدا
كل الشخصيات اللى حضرتك ذكرتها

ما هم الا وسيله لتنفيذ القرارت التى توجه اليهم

وأعتقد
ان باقى كلامى حضرتك فهمته

عضو فريق مجتمع المعرفة بالمنتدى الكريم




ليا لقاء أخر مع حضرتك
ميس صافيا
10-01-2010, 08:46 PM
"حسناء انسانه واضحه بسيطه قالت بالفم المليان للتكلف لأ"

اهلا بيكى يا حسناء على الموتوسيكل اللى اختارته دعاء ده دونا عن كل المواصلات
المهم ما علينا
من اول ما ظهرتى فى المنتدى كان نفسى بجد اتعرف عليكى
لكن للاسف الظروف ما سمحتش بده
فخلينى اتعرف عليكى بس مش من واقع البطاقه وبس
يعنى عاوزه اعرف حسناء البنوته
بتحبى ايه بتكرهى ايه (عموما )؟
شكلك شقيه ومجننه اللى فى البيت زى واحده صحبتى هى عارفه نفسها يا ترى صح والا غلط ؟
بتشتغلى والا لا ؟
بتقضى يومك ازاى ؟
اكلتك المفضله ؟وبما انك على وش جواز اخبار ايه فى المطبخ ؟

كفايه كده عليكى دلوقتى
ويمكن لى عوده:38: