مشاهدة النسخة كاملة : بتحب مصرصحيح ؟ مش باين عليك!!!!!!!!
أستاذ السيد على
21-12-2009, 10:38 AM
كلنا بنقول بنحب مصر
كلنا بغنى عشانها
و الكل رافع علمها
لكن لو جينا نسأل
كام واحد فينا صانها
كام واحد فينا رافع
راسها ومعلى شانها
حتلاقى كتير حبابيب
كلامهم ده عجايب
لكن اعمال مفيش
كلوا بيمشى حالوا
واللى بيقول ومالوا
والكل فيها عايش
ولا حد بيها حاسس
لازم نحس بيها
قلوبنا تكون عليها
نرفع راسها لفوق
دى مصر ام الذوق
تاريخ حضارة فن
علم وادب ونيل
شعراء ادباء كتير
بلد الامل الكبير
بولادها بتفتخر
عشان هما الرجال
همم فوق الجبال
عودى يامصر لمجدك
وارفع راسك يامصرى
دى مصر هى امى
دى مصر هى امى
ابورحمة السيد على الأثنين 21/121/2009
العندليب الحزين
21-12-2009, 11:45 AM
مشكلتى أنا بقا
انى بحب مصر
روزستار
21-12-2009, 01:16 PM
دي مش مشكلة على فكرة محدش هايعرف قيمة مصر غير اللي يفارقها اسالوني انا يعني هنا مجرد ميعرفو انك مصري تبدا التريقة طبعا بوقفهم عند حدهم وبيتهزئو من المديرة بس برضو مجرد كلامهم تخليك لازم ترد عليهم بعمل ترفع بيه راس بلدك و تتفوق عليهم في بلدهم وعلى ارضهم فعلا كلنا لازم نعمل حاجة لمصر الكل يتقي ربنا في عمله وفي دراسته الكل يفكر حتى لو متعزبين فيها بس اهانة جوة ارحم من اهانة برة ماهو برضه انا وابن عمي عالغريب لازم كلنا نحط ايدينا في ايدين بعض ونرفع راسها بقى نخرج بيها من الدوامة السودا اللي هيا فيها دي عشان تمشي وانت رافع راسك وبتقول انـــــــــا مــــــــصـــــري وتخرس اللي يتكلم
طولت بس بجد لازم نتعاون
عاشقة ثرى بلادي
روز
أستاذ السيد على
21-12-2009, 01:20 PM
دي مش مشكلة على فكرة محدش هايعرف قيمة مصر غير اللي يفارقها اسالوني انا يعني هنا مجرد ميعرفو انك مصري تبدا التريقة طبعا بوقفهم عند حدهم وبيتهزئو من المديرة بس برضو مجرد كلامهم تخليك لازم ترد عليهم بعمل ترفع بيه راس بلدك و تتفوق عليهم في بلدهم وعلى ارضهم فعلا كلنا لازم نعمل حاجة لمصر الكل يتقي ربنا في عمله وفي دراسته الكل يفكر حتى لو متعزبين فيها بس اهانة جوة ارحم من اهانة برة ماهو برضه انا وابن عمي عالغريب لازم كلنا نحط ايدينا في ايدين بعض ونرفع راسها بقى نخرج بيها من الدوامة السودا اللي هيا فيها دي عشان تمشي وانت رافع راسك وبتقول انـــــــــا مــــــــصـــــري وتخرس اللي يتكلم
طولت بس بجد لازم نتعاون
عاشقة ثرى بلادي
روز
جميل جدا وصادق هذا الكلام
لايخرج الا من نفس تهيم عشقا بحب مصر
جزاك الله خيرا استاذة روز
هاكر يخاف الله
21-12-2009, 05:12 PM
انا اتعارض معاك ماذا فعلت مصر لابنائها حتى يحبةها هذا الحب كله
نصف الشعب مهاجر ال الخارج النصف الاخر لم ياخذ حقوقه
مصر خيرتها مصروقه من الكبار وحنامش حاسين
يلهونا بالكورة
ومصر والجزائر وكاس العالم وامم افريقيا وهم ازرق واحنا مش حاسين
انتو مبتشوفوش برنامج واحد من الناس والبلواي ال فيه
ربع الشعب لا تصل اليه مياة النيل في اسوا من كدة حاجه
فوقو يا ناس واعرفو ايه الى بيحصل
فكروا واعقلو
وارجو المناقشه
كريم ماضي
21-12-2009, 06:34 PM
انا اتعارض معاك ماذا فعلت مصر لابنائها حتى يحبةها هذا الحب كله
نصف الشعب مهاجر ال الخارج النصف الاخر لم ياخذ حقوقه
مصر خيرتها مصروقه من الكبار وحنامش حاسين
يلهونا بالكورة
ومصر والجزائر وكاس العالم وامم افريقيا وهم ازرق واحنا مش حاسين
انتو مبتشوفوش برنامج واحد من الناس والبلواي ال فيه
ربع الشعب لا تصل اليه مياة النيل في اسوا من كدة حاجه
فوقو يا ناس واعرفو ايه الى بيحصل
فكروا واعقلو
وارجو المناقشه
اولا برحب بيك ياهاكر في منتداك وبيتك التاني
وان شاء الله اتمني انك تشارك معانا وتكون ايجابي
ندخل بقي في الموضوع واسمع كلام واحد صغير عنده 19 سنه وبيعشق تراب مصر
ممكن ارغي كتير وفي الاخر مش هنوصل لحاجه
لكن هلخص كلامي في حاجه صغير
الناس بتغلط لما بتخلط بين (مصر) و(الحكومه المصريه)
يعني لما الحكومه تكون وحشه احنا بنتكلم علي سلبات الحكومه فقط واخطاء سياساتهم
اما مصر كبلد فأعتقد انك بتعشقها زي كل مصري وبتحبها اكيد
واحييق علي وعيك بالنسبه لموضوع الجزائر وبرنامج واحد من الناس للأسف حكومتنا سياستها خاطئه
ولكن كمصر فنحن نعشق مصر بالتأكيد
منتظر مشاركاتك ومواضيعك ياهاكر
وياريت تعرفني بحضرتك ده هيكون شرف لي
كريم ماضي
21-12-2009, 06:37 PM
كلنا بنقول بنحب مصر
كلنا بغنى عشانها
و الكل رافع علمها
لكن لو جينا نسأل
كام واحد فينا صانها
كام واحد فينا رافع
راسها ومعلى شانها
حتلاقى كتير حبابيب
كلامهم ده عجايب
لكن اعمال مفيش
كلوا بيمشى حالوا
واللى بيقول ومالوا
والكل فيها عايش
ولا حد بيها حاسس
لازم نحس بيها
قلوبنا تكون عليها
نرفع راسها لفوق
دى مصر ام الذوق
تاريخ حضارة فن
علم وادب ونيل
شعراء ادباء كتير
بلد الامل الكبير
بولادها بتفتخر
عشان هما الرجال
همم فوق الجبال
عودى يامصر لمجدك
وارفع راسك يامصرى
دى مصر هى امى
دى مصر هى امى
ابورحمة السيد على الأثنين 21/121/2009
الله عليك يامستر
ان شاء الله ضمن المسابقه الخاصه بأفضل موضوع عن حب مصر
ياسر رجب
21-12-2009, 07:11 PM
ماشاء الله
ياسر رجب
21-12-2009, 07:12 PM
كلنا بنقول بنحب مصر
:17:
كلنا بغنى عشانها
و الكل رافع علمها
لكن لو جينا نسأل
كام واحد فينا صانها
كام واحد فينا رافع
راسها ومعلى شانها
حتلاقى كتير حبابيب
كلامهم ده عجايب
لكن اعمال مفيش
كلوا بيمشى حالوا
واللى بيقول ومالوا
والكل فيها عايش
ولا حد بيها حاسس
لازم نحس بيها
قلوبنا تكون عليها
نرفع راسها لفوق
دى مصر ام الذوق
تاريخ حضارة فن
علم وادب ونيل
شعراء ادباء كتير
بلد الامل الكبير
بولادها بتفتخر
عشان هما الرجال
همم فوق الجبال
عودى يامصر لمجدك
وارفع راسك يامصرى
دى مصر هى امى
دى مصر هى امى
ابورحمة السيد على الأثنين 21/121/2009
أستاذ السيد على
21-12-2009, 09:59 PM
الله عليك يامستر
ان شاء الله ضمن المسابقه الخاصه بأفضل موضوع عن حب مصر
شكرا كريم لى الشرف
أستاذ السيد على
21-12-2009, 10:13 PM
مشكلتى أنا بقا
انى بحب مصر
دى مشكلة كل مصرى
مشكور على الرد
أستاذ السيد على
21-12-2009, 10:31 PM
انا اتعارض معاك ماذا فعلت مصر لابنائها حتى يحبةها هذا الحب كله
نصف الشعب مهاجر ال الخارج النصف الاخر لم ياخذ حقوقه
مصر خيرتها مصروقه من الكبار وحنامش حاسين
يلهونا بالكورة
ومصر والجزائر وكاس العالم وامم افريقيا وهم ازرق واحنا مش حاسين
انتو مبتشوفوش برنامج واحد من الناس والبلواي ال فيه
ربع الشعب لا تصل اليه مياة النيل في اسوا من كدة حاجه
فوقو يا ناس واعرفو ايه الى بيحصل
فكروا واعقلو
وارجو المناقشه
مايحدث ليس مسئولية شخص بعينه
ولكن كل فرد عليه دور يجب ان يقوم به
جزاك الله خيرا
أستاذ السيد على
22-12-2009, 01:21 PM
You can see links before replyالجوهري.jpg
ms:asmaa
23-12-2009, 09:57 AM
تسلــــــــــــم كلمات غايه ف الروعه
وانا بحب مصر او اوى واهديك واهدى اعضء المنتدى اغنية مشربتش من نيلها /شرين
نعمه محمود
23-12-2009, 07:41 PM
تسلم ايدك مستر سيد بجد رائعة جدا
أحمد البرجينى
23-12-2009, 08:08 PM
مع احترامى الشديد لكل الناس اللى ردت ممكن سؤال واحد
احنا قاعدين الوقت بنتكلم على النت غيرنا مسمعش ولا شاف يعنى ايه كهرباء
غيرنا مش لاقى ياكل
وغيرنا وغيرنا وغيرنا
والكل بيدبح فى بعضة ودا لصالح مين حضرتك
انا مش بكره مصر أنا بكره الناس اللى ماسكين مصر والاصلاح مش هيجى غير مننا لان ربنا اللى قال كده وبلشا بقى شعارات وكلام زى ما بيقول اعضو المحترم شوف القنوات اللى مش خكومية زى وبين الناس والعاشرة ووائل الابراشى وغيييييييرة كتير
ربنا يكملهالنا على خير الواحد بجد لو قعد يكتب على اللى بيشوفه فى يومه اليومى على رغم صغر سنى مش هلاقى أى منتدى ولا اى كلام يعبر عير بجمله
وما العيش الا عيش الآخرة وحسبنا الله ونعم الوكيل
يا ريت تعرفوا ايه اللى بيحصل ولا حد يقولنا ولا حد يكون مش بيكدب ولا بينافق علشان مال زائف يقول ويفسر او حتى نبتدى بنفسنا أكيد ربنا هيساعدنا
أستاذ السيد على
23-12-2009, 10:52 PM
رائع تسلم يا غالي
مشكور استاذ شريف
أستاذ السيد على
23-12-2009, 10:54 PM
تسلــــــــــــم كلمات غايه ف الروعه
وانا بحب مصر او اوى واهديك واهدى اعضء المنتدى اغنية مشربتش من نيلها /شرين
الف شكر على الرد والكلام الجميل
أستاذ السيد على
23-12-2009, 10:56 PM
تسلم ايدك مستر سيد بجد رائعة جدا
الموضوع نور بردك
7asnaa kareem
23-12-2009, 11:21 PM
انا هرد ببيت شعر
بيتى وان ضاق على واسع
أهلى وإن بخلو علي كراااااااااااام
موضوع رااائع
هاكر يخاف الله
24-12-2009, 08:07 AM
يا سيد كريم انا اتفق معك في هذا الكلام ولكن
هنعمل ايه بالارض بدون جهد فعال وناس يخافون الله وشغل دائمانت ذكرت انك بتعشق تراب مصر
حقق حب الوطن واجب
الرسول عندما خرج من مكه قال انك لاحب بلااد الله الي
ولاكن اتكلم عن من يحكمون الوطن
كل البلاد زي بعض مصر ذيالهند ذي باكستان ذي كل البلاد
ولكن الفرق في الحكومه واقول لكك بصراحه حكومتنا فاسدة
وكل شي في مصر فساد فكر واعقل
انت مبتشفش الشرطه يبعاملو الناس ازاي
ومبتشفش التتسول
ومبتشفش ومبتشفش ومبتشفش
اصحو يا جماعة
انتو في ايه
كلكم بتحبو مصر عملتلكم ايه مصر
كلام في الهوى وبس
هي طبقه واحدة محتكرة للبلد وبس
والباقي بيشحت
وارجو المناثشه
وانا على فكرة من العدوه واعرفك يا كريم
مش انت ابن الاستاذ محمود ماضي
احمد الشلقامى
24-12-2009, 08:30 AM
الموضوع سهل وبسيط الناس اللى بتحب مصر هى الفئة المستفيدة منها غنى وظائف مراكز مرموقة وذوى الوساطة والنفوذ الخ
والناس اللى ما بتحبش مصر هى الفئة المغلوبة على امرها اللى مش لاقية وظائف وبتقف فى طوابير العيش والانابيب واللى حقها مهضوم الخ الخ الخ
لذا اللى بيحب مصر محدش يتعجب منه ده من حقه انه يحبها لكن فى المقابل اللى ما يحبهاش من حقه يكرها وده كله للاسباب السابقة
كريم ماضي
24-12-2009, 02:49 PM
يا سيد كريم انا اتفق معك في هذا الكلام ولكن
هنعمل ايه بالارض بدون جهد فعال وناس يخافون الله وشغل دائمانت ذكرت انك بتعشق تراب مصر
حقق حب الوطن واجب
الرسول عندما خرج من مكه قال انك لاحب بلااد الله الي
ولاكن اتكلم عن من يحكمون الوطن
كل البلاد زي بعض مصر ذيالهند ذي باكستان ذي كل البلاد
ولكن الفرق في الحكومه واقول لكك بصراحه حكومتنا فاسدة
وكل شي في مصر فساد فكر واعقل
انت مبتشفش الشرطه يبعاملو الناس ازاي
ومبتشفش التتسول
ومبتشفش ومبتشفش ومبتشفش
اصحو يا جماعة
انتو في ايه
ملخص الكلام انك معارض للحكومه زي اغلبية الشعب المصري يبقي لازم نفصل عن حبنا لمصر وكرهنا للحكومه
كلكم بتحبو مصر عملتلكم ايه مصر
كلام في الهوى وبس
هي طبقه واحدة محتكرة للبلد وبس
والباقي بيشحت
وارجو المناثشه
وانا على فكرة من العدوه واعرفك يا كريم
مش انت ابن الاستاذ محمود ماضي
ايون انا ابنه أنت تعرفه ؟
طبعا شرف لي انك تكون من العدوه
وياريت تعرفني بحضرتك
عشان اذداد شرف كمان وكمان
كريم ماضي
24-12-2009, 02:52 PM
الموضوع سهل وبسيط الناس اللى بتحب مصر هى الفئة المستفيدة منها غنى وظائف مراكز مرموقة وذوى الوساطة والنفوذ الخ
والناس اللى ما بتحبش مصر هى الفئة المغلوبة على امرها اللى مش لاقية وظائف وبتقف فى طوابير العيش والانابيب واللى حقها مهضوم الخ الخ الخ
لذا اللى بيحب مصر محدش يتعجب منه ده من حقه انه يحبها لكن فى المقابل اللى ما يحبهاش من حقه يكرها وده كله للاسباب السابقة
كلام جميل لكن مش بينطبق في كل الحالات
قول له يااخ هاكر احنا عايشين ازاي
والله عادي جدا وناس غلابه مش عايشين في فلل ولا حاجه ده حتي البيت قرب يقع علينا
بس برده بنعشق مصر
ولازم نفرق بين مصر وبين الحكومه المصريه
أستاذ السيد على
24-12-2009, 08:36 PM
You can see links before reply
احمد القللى
26-12-2009, 09:24 AM
مشكورررررررررررررررررر
عبــــدالــــرحمـــــن
26-12-2009, 06:21 PM
مصــــــــــــــــــــــتر
كان زمان
ايام الاهرامات
ايام السد العاى
ايام 6 اكتوبر
مش النهارده
أستاذ السيد على
26-12-2009, 09:37 PM
متأكد ان كل اللى رد على الموضوع
بيحب مصر وبيعشقها حتى لو قال
غير كده مهما كنت ساخط مهما كنت
تعبان لازم تحبها ولو حبيتها بجد
حتحس براحة كبيييييييييييييييرة
وحتحمد ربنا الف مرة انك مصرى
ياسر رجب
27-12-2009, 01:50 PM
جميل جداااااااااااااااااااااااااااااااااااااااااا
ياسر رجب
27-12-2009, 01:52 PM
[تجيب كيلو جبنة وعلبة حلاوة
آتاري العلاوة مجرد أتاوة
و احنا علينا الكلام اختلط
*****
عشان في البداية حسبناها خير
و قلنا نواية حتسند يا زير
و حسنة حتمنع بلاوي كتير
و كنا حقيقي في غاية العبط
*****
في لحظة افتكرنا ان لينا حقوق
و نمنا و صحينا لقينا الخازوق
و قبل اما حتى يا عالم نفوق
لقينا اللي لسه حناخده اتشفط
*****
أفندينا يعني في لحظة تجلي
تعطف تلطف و قرر يخللي
مساحة الغلابة تزيد ستة مللي
و ياكلو بدال التراب الزلط
*****
أفندينا أعلن صدور القرار
و قبل اما ينجح في أي اختبار
فوجئنا بزفة و مولد و زار
قصايد جرايد برامج يفط
*****
تؤكد بأن الحكومة بذكاء
و من حزمة واحدة قضت ع الغلاء
و لابد يبقى لدينا انتماء
و ناكل و نشرب و نلبس خطط
*****
عبال النمو اللي قالوا عليه
و حايشينه عنا منعرفش ليه
ماتلمح مكانا في مرة عينيه
و نقدر ندوق منه حتى نقط
*****
مادام كل حاجة تمام ع الورق
مفيش أي داعي عشان القلق
و لو مش مصدق خلاص اتفلق
ورقنا اللي صح وكلامك غلط
*****
و قاللي مواطن عليم بالخبايا
أفندينا قرر تزيد الجباية
عشان شعبه جاحد قليل الرباية
بياكل و ينكر زي القطط
*****
اذا الشعب صدى بفعل البارومة
حتعمل حسابه ف ايه الحكومة
وهي اللي جاهزة بكرباج وشومة
عشان لوفي واحدفي عقله اتخبط
*****
تعيش مصر دايما في عز و جمال
يعيش الواطن شديد الاحتمال
و آمن تماما من الاشتعال
و أقصى ما عنده ينكت فقط
ياسر رجب
27-12-2009, 01:54 PM
جميل جدااااااااااااااااااااااااااااااا
ياسر رجب
27-12-2009, 01:56 PM
[تجيب كيلو جبنة وعلبة حلاوة
آتاري العلاوة مجرد أتاوة
و احنا علينا الكلام اختلط
*****
عشان في البداية حسبناها خير
و قلنا نواية حتسند يا زير
و حسنة حتمنع بلاوي كتير
و كنا حقيقي في غاية العبط
*****
في لحظة افتكرنا ان لينا حقوق
و نمنا و صحينا لقينا الخازوق
و قبل اما حتى يا عالم نفوق
لقينا اللي لسه حناخده اتشفط
*****
أفندينا يعني في لحظة تجلي
تعطف تلطف و قرر يخللي
مساحة الغلابة تزيد ستة مللي
و ياكلو بدال التراب الزلط
*****
أفندينا أعلن صدور القرار
و قبل اما ينجح في أي اختبار
فوجئنا بزفة و مولد و زار
قصايد جرايد برامج يفط
*****
تؤكد بأن الحكومة بذكاء
و من حزمة واحدة قضت ع الغلاء
و لابد يبقى لدينا انتماء
و ناكل و نشرب و نلبس خطط
*****
عبال النمو اللي قالوا عليه
و حايشينه عنا منعرفش ليه
ماتلمح مكانا في مرة عينيه
و نقدر ندوق منه حتى نقط
*****
مادام كل حاجة تمام ع الورق
مفيش أي داعي عشان القلق
و لو مش مصدق خلاص اتفلق
ورقنا اللي صح وكلامك غلط
*****
و قاللي مواطن عليم بالخبايا
أفندينا قرر تزيد الجباية
عشان شعبه جاحد قليل الرباية
بياكل و ينكر زي القطط
*****
اذا الشعب صدى بفعل البارومة
حتعمل حسابه ف ايه الحكومة
وهي اللي جاهزة بكرباج وشومة
عشان لوفي واحدفي عقله اتخبط
*****
تعيش مصر دايما في عز و جمال
يعيش الواطن شديد الاحتمال
و آمن تماما من الاشتعال
و أقصى ما عنده ينكت فقط
ياسر رجب
27-12-2009, 02:00 PM
[تجيب كيلو جبنة وعلبة حلاوة
آتاري العلاوة مجرد أتاوة
و احنا علينا الكلام اختلط
*****
عشان في البداية حسبناها خير
و قلنا نواية حتسند يا زير
و حسنة حتمنع بلاوي كتير
و كنا حقيقي في غاية العبط
*****
في لحظة افتكرنا ان لينا حقوق
و نمنا و صحينا لقينا الخازوق
و قبل اما حتى يا عالم نفوق
لقينا اللي لسه حناخده اتشفط
*****
أفندينا يعني في لحظة تجلي
تعطف تلطف و قرر يخللي
مساحة الغلابة تزيد ستة مللي
و ياكلو بدال التراب الزلط
*****
أفندينا أعلن صدور القرار
و قبل اما ينجح في أي اختبار
فوجئنا بزفة و مولد و زار
قصايد جرايد برامج يفط
*****
تؤكد بأن الحكومة بذكاء
و من حزمة واحدة قضت ع الغلاء
و لابد يبقى لدينا انتماء
و ناكل و نشرب و نلبس خطط
*****
عبال النمو اللي قالوا عليه
و حايشينه عنا منعرفش ليه
ماتلمح مكانا في مرة عينيه
و نقدر ندوق منه حتى نقط
*****
مادام كل حاجة تمام ع الورق
مفيش أي داعي عشان القلق
و لو مش مصدق خلاص اتفلق
ورقنا اللي صح وكلامك غلط
*****
و قاللي مواطن عليم بالخبايا
أفندينا قرر تزيد الجباية
عشان شعبه جاحد قليل الرباية
بياكل و ينكر زي القطط
*****
اذا الشعب صدى بفعل البارومة
حتعمل حسابه ف ايه الحكومة
وهي اللي جاهزة بكرباج وشومة
عشان لوفي واحدفي عقله اتخبط
*****
تعيش مصر دايما في عز و جمال
يعيش الواطن شديد الاحتمال
و آمن تماما من الاشتعال
و أقصى ما عنده ينكت فقط
:22:
أستاذ السيد على
27-12-2009, 09:51 PM
جميل جدااااااااااااااااااااااااااااااا
جميلة القصيدة
تجيب كيلو جبنة وعلبة حلاوة
آتاري العلاوة مجرد أتاوة
و احنا علينا الكلام اختلط
شكرا على المشاركة
أستاذ السيد على
05-01-2010, 02:12 PM
مصر للشاعر ابراهيم ناجى
أَجلْ إن ذا يوم لمن يفتدي مصرا فمصر هي المحرابُ والجنةُ الكبرى
أجل إن ماءَ النيلِ قد مرَّ طعمُه تناوشه الفتاكُ لم يدعو شبرا
فهلا وقفتم دونها تمنحونها أكفاً كماء المزنِ تمطرها خيرا
سلاماً شباب النيل في كل موقفٍ على الدهر يجني المجدَ أو يجلبُ الفخرا
تعالوا فقد حانتْ أمورٌ عظيمةٌ فلا كان منا غافلٌ يصم العصرا
شبابٌ نزلنا حومةَ المجدِ كلناَ ومن يغتدي للنصر ينتزعُ النصرا
سلاماً شباب النيل في كل موقفٍ على الدهر يجني المجدَ أو يجلبُ الفخرا
تعالوا نشيّدْ ملجأ، رب ملجأ يضم حطامَ البؤسِ والأوجهَ الصفرا
تعالوا فقد حانتْ أمورٌ عظيمة ٌ فلا كان منا غافلٌ يصم العصرا
تعالوا نقلْ للعصب أهلا فإننا شبابٌ ألفنا الصعبَ والمطلبَ الوعرا
*** ***
سلاماً شباب النيل في كل موقفٍ على الدهر يجني المجدَ أو يجلبُ الفخرا
شبابٌ اذا نامت عيونٌ فإننا بكرنا بكورَ الطيرِ نستقبل الفجرا
تعالوا نشيّدْ مصنعاً رب مصنعٍ يدر على صُناعنا المغنمَ الوفرا
شبابٌ نزلنا حومةَ المجدِ كلناَ ومن يغتدي للنصر ينتزعُ النصرا
تعالوا نشيّدْ ملجأ، رب ملجأ يضم حطامَ البؤسِ والأوجهَ الصفرا
تعالوا لنمحو الجهلَ والعللَ التي أحاطتْ بنا كالسيل تغمرُنا غمرا
تعالوا فقد حانتْ أمورٌ عظيمةٌ فلا كان منا غافلٌ يصم العصرا
تعالوا نقلْ للعصب أهلا فإننا شبابٌ ألفنا الصعبَ والمطلبَ الوعرا
شبابٌ اذا نامت عيونٌ فإننا بكرنا بكورَ الطيرِ نستقبل الفجرا
شبابٌ نزلنا حومةَ المجدِ كلناَ ومن يغتدي للنصر ينتزعُ النصرا
أستاذ السيد على
05-01-2010, 02:17 PM
في مصر فدوى طوقان
شاعرة من فلسطين
يا مصر ، حلم ساحر الألوان ، رافق كل عمري
كم داعبت روحي رؤاه فرفّ روحي خلف صدري
حلم كظل الواحة الخضراء في صحراء قفر
أن اجتلي هذا الحمى . . . واضمه قلباً وعين. .
واليوم ، في حلم أنا ، أم يقظةٍ ، أم بين بين !؟
صدحت بقلبي إذ وطئت ثراك أنغامٌ سواحر
فكأنما في قلبي المأخوذ غنّى الف طائر
وغرقت في أمواج إحساسٍ بعيد الغور فائر
أأنا هنا ؟ في مصر ، في الوادي النبيل ؟!
أأنا هنا في النيل ، في الأهرام ، في ظل النخيل ؟!
وتلفتت عيناي في دهشٍ ، وفي لهف غريب . .
ماذا ؟ هنا الدنيا الخلوب تثير أهواء القلوب . .
ماذا ؟ هنا نار الحياة تؤجّ صارخة اللهيب . .
في كل مجلىً فتنةٌ رقصت ، وسحرٌ مدّ ظلّه
ماذا ؟ أمصرٌ أم رؤى أسطورةٍ من ألف ليله!؟
كيف اتجهت تجاوبٌ وصدىً لموسيقى الوجود
في النيل يعزف لحنة الأبدي للشط السعيد
في وشوشات النسمة المعطار ، في النخل الميود
حتى النجوم هنا أحسّ لهنّ الحاناً شجيّه
حتى السحاب أخاله تحدوه موسيقى خفيّه
يا مصر ، بي عطش الى فرح الحياة . . الى الصفاء . .
يا مصر ، نحن هناك أمواتٌ بمقبرة الشقاء
لا يطمئن بنا قرارٌ . . . لا يعانقنا رجاء . . .
لا شيء إلا ضحكة الهزء المرير على المباسم !
كالضحكة الخرساء قد يبست على فك الجماجم!!
نفسي مصدّعة . . فضميني لأنسى فيك نفسي
قست الحياة وأترعت بمرارة الآلام كأسي
والظلمة السوداء مطبقة على روحي وحسي
فاحني عليّ وزوّديني من مفاتنك الجميله . . .
هي نهزة لم أدر كيف سخت بها الدنيا البخيله !
يا ليتني يا مصر نجم في سمائك يخفق
يا ليتني في نيلك الأزليّ موجٌ يدفق
يا ليتني لغزٌ ، أبو الهول احتواه ، مغلق . . .
تهوى وتنسق الدهور مواكباً ، وأنا هنا
بعض خفيٌ من كيانك لست أدرك ما أنا !!
يا مصر حلم ساحر الألوان رافق كل عمري
كم داعبت روحي رؤاه ، فرف روحي خاف صدري
حلم كظل الواحة الخضراء في صحراء قفر
أن أجتلي هذا الحمى وأضمّه قلباً وعين
واليوم في حلم أنا ؟ أم يقظة ؟ أم بين بين ؟!
أستاذ السيد على
05-01-2010, 02:29 PM
الله عليكِ يا مصر : للشاعر المصرى جمال مرسى
الله عليكِ يا مصر
و الكل بيحبك
و الكل يا أمنا
شايلاه هنا فـ قلبك
و الكل مهما بعد أو حتى يتغرب
لازم يجيلو اليوم
يقعد هنا جنبك
***
في ظل شجرة توت
أو حضن جميزه
كان المزاج مبسوط
من طنطا للجيزه
نقعد كدا شله
نحكي نوادرنا
و تسيل دموع العين
مـ الفرحه و اللمه
نفتح قلوبنا لمين
غير ليكي يا طاهره
تاخدينا بالأحضان
و ننام كدا فـ حضنك
***
يا مصر عمرك يوم
ما كنتي يوم قاسية
اصلك رضعتي النيل
و على الضفاف راسيه
نخله و هرم و بيوت
يتحدوا نصل الموت
أما العدو الغدار
ينهار أمام شعبك
***
يا غاليه يا طاهره
عايشين بأنفاسك
عايشين هناك بره
حاسّين بإحساسك
و نقول بعلو الصوت
و الفخر مصريين
كاسبين جمال الروح
و الخفه من طبعك
و اللي شرب مـ النيل
لازم هيرجعلك
موقع أدب (adab.com)
أستاذ السيد على
05-01-2010, 02:33 PM
فؤاد حداد
في حب مصر ..
مفيش في الأغاني كده ومش كده
تفرقنا عن بعض بالشكل ده
يا مصر اللي جايبة الشجر من زمان
وشايلة الضفاير على البرتقان
وقبل الأوان اللي قبل الأوان
بتحييني أنفاسك المسعده
مفيش في الأغاني كده ومش كده
تفرقنا عن بعض بالشكل ده
يا حلوة كلامك تحبه الودان
يشمسني في الدروه زي الميدان
يمشيني بين الحيطان الغيطان
عروسه وحصان في القمر والعدا
مفيش في الأغاني كده ومش كده
تفرقنا عن بعض بالشكل ده
عنيكي تغمض وتفتح يبان
سطوح الليالي عليه الأمان
وبحر الدره من ورق لامتحان
وبتغني موّالي يا مولّده
مفيش في الأغاني كده ومش كده
تفرقنا عن بعض بالشكل ده
بحبك كأني طليق العنان
و زى العجوز اللي دق البيبان
وزي الكتاب اللي كان ياما كان
وزي الرصيف اللي في السيده
مفيش في الأغاني كده ومش كده
تفرقنا عن بعض بالشكل ده
أستاذ السيد على
05-01-2010, 02:36 PM
يا رايحه مصر / جمال مرسى
يا رايحه مصر ..
مسافره في ضي الشعاع .
و مرتبه شنط السفر .
علشان ميعادك و القمر .
تقوليله يابْني القلب مش ناقص وداع .
القلب جالك يرتجف
تمسح بإيدك دمعته
و تجدد العمر اللي ضاع .
حامد : أجيلك لو هطيرلك بجناحين .
و اروي اشتياقي يا ضنايا بضمتك
بعد السنين .
تضحك و اسمع ضحكتك
تهمس و أسمع همستك
و تقول يا أمي مش بإيدي كان غيابي .
كان غصب عني ، غبت يا زهرة شبابي .
علشان أحط خُطايا ع. الدرب الطويل .
و امشي ف. طريق العلم يا مّه نهار و ليل .
صورتك ما غابت عن عيوني ،
و الذكريات كانت دليل .
هانت سنيني و غربتي
في صحبة النيل الجميل .
لو تشربي من ميّته
عمرِك ما تنسي روعته
و تجيله ماشيه ألف ميل .
الناس يا أمي طيبه
و النكته جاريه ف. دمهم
علشان تداوي همهم
شايلينّي جوه العين و بفرح جنبهم
و لا يوم قالوا لي مستحيل .
***
يا رايحة مصر تجيلنا تاني بالسلامه
و تنورينا بابتسامه
احكيلي عن مصر الحضارة و الأمان
و عن الجوامع يرتفع فيها الأذان
احكيلي عن شبرا
و عن مصر الجديدة
و اسكندرية عروسة البحر السعيدة
و ان زرتي سينا و بورسعيد
إهدي سلامي للصعيد
للغيط و للساقيه و خضره ام العيال
و الواد صميده و عمي سعد و عب حميد .
للشمس في وقت الأصيل
للتوتة ، للجميزة مدت جدرها
في الأرض داقت شهدها
و اترسّخت
و فروعها عاليه في السما
و كأنها
مدت ايديها لربها
تدعيله يحمي مصرنا
و يصون ترابنا و عرضنا
من أي حاسد أو خسيس .
يا رايحه مصر و سايبه حبرك عندنا
أوراق بتكتب فرحنا أو حزننا
ورقك عروسه و القلم هوَ العريس
و الإسم و التوقيع لميس .
أستاذ السيد على
05-01-2010, 02:41 PM
مش عارف / تميم مريد البرغوثي >> شاعر فلسطينى
مش عارف
قالولي بتحب مصر فقلت مش عارف
المعنى كعبة وانا بوفد الحروف طايف
وألف مغزل قصايد في الإدين لافف
قالولي بتحب مصر فقلت مش عارف
أنا لما اشوف مصر ع الصفحة بكون خايف
ما يجيش في بالي هرم ما يجيش في بالي نيل
ما يجيش في بالي غيطان خضرا وشمس أصيل
ولا جزوع فلاحين لو يعدلوها تميل
حكم الليالي ياخدهم في الحصاد محاصيل
بيلبسوهم فراعنة ساعة التمثيل
وساعة الجد فيه سخرة وإسماعيل
ما يجيش في بالي عرابي ونظرته في الخيل
وسعد باشا وفريد وبقية التماثيل
ولا ام كلثوم في خمسانها ولا المنديل
الصبح في التاكسي صوتها مبوظه التسجيل
ما يجيش في بالي العبور وسفارة اسرائيل
ولا الحضارة اللي واجعة دماغنا جيل ورا جيل
قالولي بتحب مصر أخدني صمت طويل
وجت في بالي ابتسامة وانتهت بعويل
قالولي بتحب مصر فقلت مش عارف
لكني عارف بإني إبن رضوى عاشور
أمي اللتي حملها ما ينحسب بشهور
الحب في قلبها والحرب خيط مضفور
تصبر على الشمس تبرد والنجوم تدفى
ولو تسابق زمنها تسبقه ويحفى
تكتب في كار الأمومة م الكتب ألفين
طفلة تحمي الغزالة وتطعم العصفور
وتزنب الدهر لو يغلط بنظرة عين
وبنظرة أو طبطبة ترضى عليه فيدور
وأمي حافظة شوارع مصر بالسنتي
تقول لمصر يا حاجة ترد يابنتي
تقولها احكي لي فتقول ابدأي إنتي
وأمي حافظة السِيَر أصل السِيَر كارها
تكتب بحبر الليالي تقوم تنوَّرها
وتقول يا حاجة إذا ما فْرِحتي وحزِنتي
وفين ما كنتي أسجل ما أرى للناس
تفضل رسايل غرام للي يقدَّرها
أمي وأبويا التقوا والحرّ للحُرَّة
شاعر من الضفة برغوثي وإسمه مريد
قالولها ده أجنبي، ما يجوزش بالمرَّة
قالت لهم ياالعبيد اللي ملوكها عبيد
من إمتى كانت رام الله من بلاد برَّة
يا ناس يا أهل البلد شارياه وشاريني
من يعترض ع المحبة لما ربي يريد
كان الجواب إن واحد سافر اسرائيل
وانا أبويا قالوله يللا ع الترحيل
دلوقت جه دوري لاجل بلادي تنفيني
وتشيب أمي في عشرينها وعشريني
يا أهل مصر قولولي بس كام مرة
ها تعاقِبوها على حُبَّ الفلسطيني
قالولي بتحب مصر فقلت مش عارف
بحب أقعد علىالقهوة بدون أشغال
شيشة وزبادي ومناقشة في مآل الحال
وبصبصة ع البنات اللي قوامهم عال
لكن وشوشهم عماير هدها زلزال
بحب لمعي وعب هادي ومحب جمال
أروح لهم عربية خابطة في تروللي
كإنها ورقِة مِسوِدَّة مرميَّة
جُوَّاها متشخبطة ومتكرمشة هِيَّة
أو شلِّةِ الصوف، أو عقدة حِسابِيَّة
سبعين مهندس ولا يقدر على حَلِّي
فيجيبوا كل مَفَكَّاتهم وصواميلهم
ويجربو كل ألاعيبهم وتحاييلهم
حتى ساعات يغلطوا ويجربوا فِيَّا
بس الأكيد أنهم بيحاولوا في مشاكلي
وإنها دايماً اهون من مشاكلهم
أحب اقعد على القهوة مع القاعدين
وابص في وشوش بشر مش مخلوقين من طين
واحد كإنه تحتمس، يشرب القرفة
والتاني غلبان يلف اللقمة في الجرانين
والتالتة من بَلَكُونِتها تنادي الواد
والواد بيلعب وغالبهم ثلاثة اتنين
أتوبيس كإنه كوساية محشي بني آدمين
أقول بحكم القاموس، إن الهواء جماد
واشم ريحة شياط، بس اللي شايفه رماد
عكازة الشيخ منين نابت عليها زناد
يسند على الناس ويعرج من شمال ليمين
والراديو جايب خبر م القدس أو بغداد
قالولي بتحب مصر فقلت مش عارف
لا جيتها سايح ولا ني أعمى مش شايف
ريحة البخور في الغورية وألف حبل غسيل
وأيقونات تبكي لما تسمع التراتيل
كإن فيه حد يسقي كل لون فيها
تطرح سماحة على مر السنين وجمال
بيت السحيمي صدى للشاعر للقوال
خناقة فيها الزناتي يواجه ابن هلال
وان حلوة مرت وبانو شعرتين م الشال
الجوز يكونوا حجج للوصف في عنيها
ريحة البخور في الغورية ومية في الشارع
محل بيبع عصير بانيه المؤيد شيخ
صاحب محل وصبيه يهرو بعض صريخ
وفرقة بتقول موشح يا سقاة الراح
مدنة عليها المؤدن بالعنا طالع
لكن أدانه يعدي من السما مرتاح
والمدنة في مسجد الحاكم بأمر الله
كإنها من زمانه واقفة تستناه
سيرته غريبة الراجل ده يفهموها قليل
حاكم وقالها بصراحة: أظن إني إله
جاب جوهر الحكم يا خواننا وفهم معناه
وكل حاكم بيقولها في سره لما ينام
يقولها لمراته وابنه وحتى أمنه الخاص
لكني أشهد بأنه أشجع الحكام
ذاعها على الناس صراحة والأئمة معاه
يا أهل مصر أنا من اليوم إله وإمام
شجاع ومؤمن بنفسه بس مسه الخوف
شافوه وإيده بترعش والعرق بيسيل
بصو بمحبة وقالوله طب يا عم خلاص
وأيِّدوه قصة تانية فـ دفتر القصاص
ما كل حاكم كده بس العتب ع الشوف
وباب زويلة بيحوى من الكلاب أصناف
وباب زويلة عليه يتعلقوا الأشراف
وناس عبيد ناس وناس لؤلؤ بلا أصداف
بيوت قصايد وخانقاها بيوت الخلق
يا مصر ابنك في بطنك بس خانقاة خنق
وكل شاعر يطبطب له ويقول قرب
وراح صلاح وفؤاد والتونسي متغرب
لحد ما الحمل أصبح شغلة البطال
وكل شاعر عويل تلقيه في حملك قال
يا مصر بطنك بتكذب والا حملك حق
أحنا تعبنا ومافيش أشعار عشان نكتب
إبنك يا يجي يا تبقى الدنيا عايزة الحرق
قالولي بتحب مصر فقلت مش عارف
قطر الندى قاعدة بتبيع فجل بالحزمة
أميرة عازز عليها تشحت اللقمة
عريانة ما سترها الا الضل والضلمة
والشعر الابيض يزيد حرمة على حرمة
والقلب قايد مداين زي فرشة نور
والفرشة واكلاها عتة والمداين بور
اللي يشوفها يقول صادقة حكاوي الجن
واللي يشوفها يقول كل الحقايق زور
عزيزة القوم عزيزة تشتغل في بيوت
عشر سنين عمرها لكن حلال ع الموت
صبية تمشي تقع ويقولو حكم السن
وستها شعرها أصفر وكله بُكَل
كإنها مربية فيه اربعين كتكوت
ووشها زي وش الحاكم العربي
كإن خالقها راسمها على نَبُّوت
تحكم وقطر الندى تسمع لها وتئن
أصل البعيدة وَلِيِّة أمرها، عجبي
على الهوا بحجة الكسوة يقيموا له سور
أحكي يا قطر الندى والا ما لوش لازمة
حكاية ابن الأصول تفضل معاه لازمة
فيه ناس بتلدغ وناس ليها البكا لازمة
ياللي سطلت الخليفة بجوز عينين وشعور
كنت سما للأغاني والأغاني طيور
مين اللي باعك، عدوك، بعض أولادك
مين اللي كانوا عبيدك صاروا أسيادك
مين اللي سمى السلاسل في إديك دِبَل
مين اللي خط الكتاب مين كانوا أشهادك
وازاي متى سألوكي "هل قَبِلتِ بِهِ"
سِكِتِّ ومشيتِ يا مولاتي في الزفة
لبنان وغزة وعراق فيها العدو تشفَّى
حطوا جثثنا يا حاجة تحت سجادك
ووقفت تستنى خيط الدم يبقى بحور
قالولي بتحب مصر فقلت مش عارف
لا جيتها سايح ولاني أعمي مش شايف
شفت ام هاشم بترمي حجارة في الأزهر
وشفت اخوها الحسين وابنه على الأكبر
والقاسم بن الحسن نوارة العسكر
له أربعة وعشرة في السن مش أكتر
وشفت مولانا عباس ابن سيدنا علي
ماشي وجايب معاه القربة والراية
شاف اخته وولاد اخوه في الحرب عطشانين
والصهد خلى المطر جوة الغمامه غلي
حارب لحد الفرات وحده وملا القربة
قام العدى قطعوا كفوفه شمال ويمين
ومات في شط الفرات بين أهله وف غربة
من طيب ترابهم شواشي النخل تتعطر
وكل أهل العراق من ده التراب نابتين
يسقو العطاشى لكين بين اهلهم غربا
لوحدهم في الملمة وأهلهم ملايين
يا مراجع التواريخ يا مدرس الثنوي
المجزرة فـ كربلا كت ليلة والا سنين
قوللي وإمتى وفاة آخر أمير أموي
وكل بيت في العراق من يومها بيت نبوي
وكل أهل العراق صاروا حسن وحسين
إتوضوا يا زايرين أصل العراق مصحف
مصحف وكل بني آدم هناك آية
أتوضو داللي على القرآن ما يتعرف
كافر لأن الصلاة لازم لها قراية
أتوض يا زايرين واتباركو بالأعتاب
ده كل حتة حجر من خلفها حكاية
دول اللي خلو اللغة فوق الحيطان لبلاب
منقوشة فوق الجوامع كل مبنى كتاب
شاعر رسم إسم محبوبته على المحراب
وشيخ في مدرسته ونجوم السما طلاب
أتوضو يا زايرين ده الخير في عتباته
ده راعي يرعى القصايد تحت نخلاته
ده المبتدأ والخبر متربيين عنده
بعد السفر في الكتب ييجوا هنا يباتو
يا مهر لا في جمال قده ولا فـ عنده
في الحسن والحزن دايماً بالغ الغاية
والدهر طول عمره عاجز يعلى صهواته
وزينب الحرة حاضنه المهر بعباية
وشفتها جاية ترمي حجارة في الأزهر
وشفت اخوها الحسين وابنه علي الأكبر
وشوش في وسط المظاهرة أو صور بتفوت
يا إما همه يا إما ناس شبههم موت
والله والله كانو بيهتفوا معايا
إما ضحايا قنابل أو ضحايا سكوت
ومصر "واإسلاماه" محصورة في السينما
وكل "واإسلاماه" ما فيهاشي غير مظهر
الفرجة بالعدسات والعسكر الشنبر
حكام معاهم في كار الكلبشة علما
وعسكري الأمن تحت الدرع متبعتر
حيران وخايف وجاي من البلد أخضر
محبوس مابين السما والأرض والظابط
عاطيينه درع وعصاية ولبس مش ظابط
والخوذة مايلة وعلى راسه المقاس واسع
حاطينة في العلبة والظابط عليه رابط
عايزينة عفريت يخض الخلق في الشارع
وزي كل عفاريت العلب همه
لو يوم يفط يلاقي الناس ولا اهتموا
وفضلوا ماشيين لقدام هوه ها يروح فين
لا هوه كان لبسو عادي يتوه مع الماشيين
ولا هو ضابط مربرب شركسي وأشقر
أبص في عنيه الاقي ميت ولد تايهين
أحس لو بص لي إني لقيت صاحب
ويهرَّب البسمة تحت الخوذة ويحاسب
ضابط يشوفه يخلي له النهار أغبر
ويقول له إضرب فيضرب قبل ما يفكر
لأنه عارف إذا فكر، ها يتديَّر
شفت ام هاشم بترمي حجارة في الأزهر
مش أجنبية ام هاشم والا انا غلطان
متروحوا برضه نقولو لها تمشي هيه كمان
دي كانت اكبر محرض ضد الامريكان
الناس تشوفها يفارق عقلها الميزان
وشوهدت ويا غيرها بتشتم السلطان
وتسب كل جبان ويَّا العدى يحالف
مش أجنبية ام هاشم والا انا غلطان
وقام ولد مصري يضربها بعصا خرزان
فقام ولد مصري يغسل وشها النازف
قالو لي بتحب مصر فقلت مش عارف
لا جيتها سايح ولاني أعمى مش شايف
ميدان في وسط البلد واسمه ميدان تحرير
كاتب يحرر سجلات البلد تحرير
من يوم ما كان اسمه ميدان الاسماعيلية
لحد غزو العراق في عهد بوش وبلير
كان هو والأوبرا أوقاف أوروبية
ملك فرنسا الفقيه كان ناظر الأوقاف
ساعات وساعات خواجات انجليزية
جايين كما الجن لما عدمت الحاوي
منهم غني وفقير من كل جنسية
لكن في حكم الحصانة الكل متساوي
خمار ومن خدامينه الوالي والسلطان
ويمر بين البرانيط التاريخ غلبان
ولية ما لها ولي بطرحة وجلابية
شغلتها غسالة من قبل الزمان بزمان
من قعدة الطشت دايماً تمشي محنية
طالب يساعدها تقطع زحمة الميدان
وعسكري يهب فيها انجرَّي يا ولية
تغسل قميص الولد بالعطر والمية
ولكل من هب فيها تغسل الأكفان
ميدان في وسط البلد إسمه ميدان تحرير
كاتب يحرر سجلات البلد تحرير
المتحف المصري مبني بموضة نمساوي
كالبوكس فيه الفراعنة محشرين تحشير
ومكلبشين فيه سنفرو مع نفرتيتي
وزوسر المفتري وباني الهرم خوفو
يحرك الشمس ويوقفها بظروفه
لو يبنوا مرة هرم ويكون ما هوش عاجبه
يقوللهم مش قوي، إبنوا هرم جنبه
وأخناتون الرومانسي الحالم الغاوي
نقش المعابد ما يعجبشي يقوم قالبه
وكل نقاش بياكله ع الجمال قلبه
واللي جه بعده مسح كل اللي كان كاتبه
واللي شباشبه دهب واللي مماسحه حرير
وللي تشوف غرفته، تطلع يا عم سرير
واللي شعوب المشارق كت تيجيه طوابير
واللي يقول أصل نور الشمس من زيتي
واللي يقول القمر كان تحفة في بيتي
أستغفر الله إلهي صاحب التدبير
يا ملوك كإنك ولا رحتي ولا جيتي
يا عيني يقفل عليكم كل ليلة غفير
يا رب باقي الفراعنة يفهموا التحذير
ميدان في وسط البلد إسمه ميدان تحرير
كاتب يحرر سجلات البلد تحرير
فيه المجمع كإنه وهو مبني هدد
شتيمة مبنية في وسط البلد يا بلد
لكنه باب رزق برضه موظفينه كتير
لو طاح في وسط الميدان ياكل في أهله أسد
وكل زاوية اتملت ما بين صريخ وزئير
ما لهمش دعوة بحاجة بس كتر عدد
طرش إرادي بيمنع شر كل أمير
وهيلتون النيل تخشه بتذكرة وتأشير
والهيلتون التاني لونه يكئب العصافير
طويل وكبة كإنه في المباني جعير
والجامعة العربية زي جرن شعير
علمها وحداني بين الإعلانات وأسير
إعلان عن الهم لما كتمه يبقى عسير
من يشتري همنا يا شيالين وبكام
ده هم غالي وشرف عالي قوي ومقام
ده كل شاشة يلفوها على المجروح
وكل ساعة قلق عالولد لما يروح
حتى الهزيمة ياناس فيها جلالة روح
يغلا علينا تاريخنا حتى لو مدبوح
ده همنا غالي لكن رخصوه الحكام
مين يشتري همنا يا شيالين وبكام
ميدان في وسط البلد واسمه ميدان تحرير
كاتب يحرر سجلات البلد تحرير
في كل أزمة يجيب الأمن ألف طابور
وبالعساكر وبالبوكسات يقيموا سور
طب ليه ما طول عمره من غير أمن متحاصر
كل المباني دي بوكسات والأسامي زور
لكن، ورغم الحصار الماضي والحاضر
دايماً ها يفضل أمل دنقل هنا حاضر
يوم الخميس يوم بداية القصف في بغداد
فارت قدورنا بما فيها ولهبها زاد
الموت عروسة وخطابها عليها حراص
يا عسكر اضرب ويتسحسن بقى برصاص
زهقنا نبقي صفايح والزمن حداد
ما عدش فيه عذر يفضل حد عايش عاد
وان عيشنا وان متنا تبقى من الله فضلة خير
وصلوا من الجامعة للميدان بضرب وطحن
طلاب فراودة سقت مر الكاسات للأمن
ومرة من نفسه أصبح في الميدان تحرير
الشَّعر الابيض مشاعل نورها في الليل قاد
والشَّعر لاسود بيتعلم شغب أهله
وكل من كانو قبله في المشاغبة شداد
وكل شيخ قال شريط الذكريات كله
إللي حكى عن جنازة ربها ناصر
دول ستة مليون بيبكوا عالجمال الحر
ويقول بقت كل عطفة فمصر من بني مر
واللي حكى عن شيوعيين سنة سبعين
والاعتصام ليومين والأعتقال في الفجر
بيرموا م البوكس أوراق فيها إصحي يامصر
واللي على كل هم المسلمين أمنا
في كل ضربة عصاية يكسبوا حسنة
وفي الشجاعة النفر منهم بقى بملايين
أما أنا فأنا مش في السياسة متين
أطلع أنا والا أنزل خلقتي شاعر
لو قلت لي عيد قصصهم هابقى مش فاكر
تروح معارضة وحكومة وكل دول يمشوا
يكونوا ناس واعية أو ناس هبلة وانغشوا
تهشهم هجمة العسكر فينهشوا
أو يبعتوا للعساكر أكل يتعشوا
أو يقلبوها حروب وتسيل دماها بحور
مش ها بقى فاكر لكن فاكر في أخر اليوم
الضرب خلا الميدان دوامة بينا تدور
والناس بتجري ووراها العسكري بالشوم
بصيت أنا من وراكتفي وانا مذعور
لقيت في وسط الميدان لسه أمل واقف
قالولي بتحب مصر فقلت مش عارف
لاجيتها سايح ولا ني أعمى مش شايف
بلد علمها انمزع والرفا في المساجين
ومهر مربوط في كارو وباله في البساتين
وابو زيد سلامة على كرسي وكيس جلوكوز
لجنة مشايخ تناقش فتوة الأراجوز
سؤال نعيش أو نموت، فيه لا يجوز ويجوز
لو السقوف خايخة نسندها بحجارة وطوب
لكن ده لوح القزاز كله ضرب تشريخ
لو الولد حَرَّفِ الآية، ها يبقى يتوب
بس المصيبة إذا الآية اخترعها الشيخ
والناس شكاير صريخ رابطين عليها سكوت
آهات سكوتة كإن الأرض مسشتفى
مطرودة منها الدكاترة فـ سجن أو منفى
والنا س بتسأل هنصبر والا نتوفى
فيه ناس تقول زي بعضه دول نوعين م الصبر
وناس تقول زي بعضه دول نوعين م الموت
يا مصر بعض التسامح ده خطيئة بأجر
إفتكري "لا تحسبن" مكتوبة فوق كام قبر
والتار يبات، يصحى تاني لو يشيب الدهر
والتار حصان غير لصاحبه ما يِلَيِّن ضهر
والتار ده تار العرب وعشان كده تار مصر
يا مصر كومة حروف، إِبَرِ المعاني فين
إِبَر بتجرح إيدينا قبل ما بتبان
نِسْرِك في بال السما بيقول حدودها منين
نسرك بياكله الصدا في بدلة السجان
يا مصر يا كل ضد وضد مجتمعين
يا قلعة السجن يا قلعة صلاح الدين
أنا بقولك وأهلي ع الكلام شاهدين
لو كنت حرة ما كناش نبقى محتلين
قالولي بتحب مصر فقلت مش عارف
لا جيتها سايح ولا ني أعمى مش شايف
ولاني هايف ارد بخفة وبسرعة
وكل من رد يا كذاب يا هايف
أصل المحبة بسيطة ومصر تركيبة
ومصر حلوة ومُرَّة وشرحة وكئيبة
دا نا اختصر منصب الشمس وأقول شمعة
ولا اختصر مصر وانده مصر يا حبيبة
يا أهل مصر اسمعوني واسمعو الباقيين
أن كنت انا رحلوني كلنا راحلين
يا أهل مصر يا أصحابي يا نور العين
يا شنطة المدرسة يا دفتر العناوين
يا ضغطة البنت بالكراسة ع النهدين
ترقص قصاد المراية، واحنا مش شايفين
يا صحن سلطان حسن يا صحن تمر وتين
يا ألف مدنا وجرس، لألف ملة ودين
يا أهل مصر اسمعوني، والكلام أمانات
قلتوالي بتحب مصر فقلت مش عارف
روحوا اسألوا مصر هيه عندها الإجابات
alimahmed
08-01-2010, 08:33 PM
مشكوررررررررررررر
mahmoudnashy
20-01-2010, 02:58 PM
لا طبعا باين عليا هو أنا داخل علي موقع فيه أسم مصر صح ولا لأ
Powered by vBulletin® Version 4.2.2 Copyright © 2025 vBulletin Solutions, Inc. All rights reserved, TranZ by Almuhajir