المساعد الشخصي الرقمي

مشاهدة النسخة كاملة : الكوسة اشتغلت والا ايه



حنه
17-12-2009, 03:20 PM
يا جماعة انا رحت الادارة اقدم اوراقى الاصلية ( كامل ) علشان توصل الاكاديمية شوفت بعينى ديه قرار تعين صادر من الاكاديمية بتعين ناس من العلم المساعد الى معلم فى تخصصات متنوعة

ولما اقعدت اسال كتير سمعت من بعض الناس ان سوف يتم تعين 300 متعاقد بعيد عن انتظار نتجة الكادر 20/11 /2009

الى عنده تفسير يقوله الى جاء اسمه فى هذه التعينات يقول ومش عنحسده :28::28:

ويارب يكون فى تفسير مقنع لاختيار بعض الناس والتانين لا و ان الكوسة متكونش شغالة ومنقولش هى ديه مصر سلام :18::18:

أحمد البرجينى
17-12-2009, 03:24 PM
السلام عليكم ورحمه الله وبركاته
أنا / أحمد من المنيا
لو سمحت حضرتك ممكن توضح الكلام دو اموجود فى أى محافظة
علشان زيادة التأكيد
وبعدين ما الكوسة شغاااااااااااله من زمان
بس يا ريت أعرف ضرورى لإن معايا ربنا ثم كوسة كويسة يعنى تمشى الحال
وربنا يرحم الجميع ويغفر لهم
يا ريت ضرورى الرد

مستر أحمد خليل
17-12-2009, 03:29 PM
هتعامل مع الخبر بلغتى اللى بفهمها وهى الموسيقى يبقىانت اكيد اكيد فى مصر

حنه
17-12-2009, 03:33 PM
يا جماعة الموضوع دة فى محافظة اسكندرية ومش عايزة اقول اسم الادارة احسن ؟؟؟؟؟؟؟؟؟؟؟وانتم عارفين بقه

بس الموضوع اكيد وكان نفسى احفظ بعض الاسماء من المعينين بس مفيش نصيب ♣

حبيبه المصريه
17-12-2009, 07:52 PM
اختى ماتتوقعى الكوسه ولا حاجه
مدام دخلتى امتحان الاكاديميه يبقى حقك محفوظ
وان كان التعيين ملهوش علاقه بالامتحان خالص
يبقى ممكن التعيين بأولوية التعاقدات
بمعنى تعاقدات عام 2006 ثم 2007 وهكذا
ماتتوقعى السيىء تفائلى خيرا ان شاء الله
بس انتى شفتى بنفسك تعيين رسمى
ولا تجديد عقد من جديد

mena gerges 123456
17-12-2009, 09:29 PM
لا اعتقد ان يكون في كوسة في الموضوع دة لعده اسباب
1- الميزانية للمعينين بعد نجاح الكادر
2- الاسماء متسجلة في الاكاديمية
2- الوزارة معاها الاسماء وهتبعت الدرجات الماليو لهم
3- اعتقــــــــــــــــــــــــــــــــــــــــــد لا كوسة في هذا الموضوع احتمال

في حاجة تانية او عقود جديدة او معوقين سوف يتم تعينهم احتمال ؟

سفير الحياه
17-12-2009, 10:46 PM
محدش يقدر يشغل الكوسه فى موضوعنا بالذات
لأن موضوع العقد بتاعنا الكل متابع اخباره وبئى قضيه عامه وكل خطوه فيها الكل بيتكلم عنها من النمله للفيل
يعنى لو حصل زى ما انت بتقولى محدش حيسكت
اطمنى
ان كان فيه تعيين بجد حيبئى للكل
وربنا يكرمنا ويوفقنا كلنا اميـــــــــــــــــــــــــــــــــــــــــن

أحمد البرجينى
18-12-2009, 10:35 AM
مع إعتذارى الصريح للأستاذ ( سفير الحياة ) و الأستاذ مينا
إنتم بنتقنعوا نفسكم بأسباب واهيه ووهميه وبتاحاول تصدقوا الحلم أى شئ فى مصر ينطبق علية الكوسة
انتوا قوام ما نسيتوا العبارة اللى مات فيها 1000 روح
انتوا نسيتوا أكياس الدم الفاسدة ولا إيه
إنتوا نسيتوا فى المنيا حصلنا إيه
إنتوا ؟؟؟؟؟؟؟؟؟؟؟؟؟؟؟؟؟؟؟؟؟؟
ولا كفاية


أحب أختم كلامى بشعر مقتبس

ياشعبي اللي نايم وسارح وهايم وفي الفقر عايم وحاله ده حال
واحب اللي يائس واحب اللي بائس واحب اللي محبط وشايف محال
واحبك تسافر وتبعد تهاجر وتبعت فلوسك دولار او ريال
وعايز تنور وعايز تطور وتعمللي روحك مفرد رجال
ساعتها حجيبك لايمكن اسيبك وراح تبقى عبره وتصبح مثال

ahmed fouad
18-12-2009, 11:14 PM
يا جماعة والله احنا مش زى اى مدرسين احنا المتعاقدين المتعقدين من الكوسة واللى بيبيعوها واللى بياكلوها واللى هيحاول يشغلها فى الموضوع بتاعنا لازم نوقف ضده والمحاكم بينا وبينهم لازم نتحرك وموش هنسيب حقنا
انااااااااااااااااا عااااااااااااااااااااااااااااوز حقى انااااااااااااااااا عااااااااااااااااااااااااااااوز حقى

أحمد البرجينى
18-12-2009, 11:40 PM
ممكن أهدى لحضرادتكم أغنية جميلة جدا
وان كنت ناسى أفكرك
بس هتفكرنى بايه غير كل ذل ومهانه

احمد الوكيل
19-12-2009, 01:19 AM
لا إله إلا الله انا وقعت فى وسط شوية معقدين ولا ايه

أحمد البرجينى
19-12-2009, 12:40 PM
مش للدرجادى يعنى ممكن تقول من كت رالتفاؤل قلبت معانا

عمر العدوي
20-12-2009, 03:59 PM
لا دول مش معقدين دول عقد عقد يعنى اشتغلو اربع سنين عقد وفى الاخر غيرهم هياكل كوسة

bebo_aref
20-12-2009, 06:45 PM
ليس أمامى غير قول لنا الله

vip_ame
20-12-2009, 08:00 PM
مافيثش حاجة من الكلام ده يا جماعة ولا فى اسكندرية ولا فى اسيوط

العملية موحدة على الكل لو واحد اتعين يبقى ان شاء الله الكل هايتعين

وبلاش كل ما واحد يسمع كلمة يصدقها وينشرها

الناس تعقل الكلام وتوزنه الاول

safaa_ss
20-12-2009, 08:09 PM
ليس أمامى غير قول لنا الله

تحلوا بالصبر تفاااااااااااااااءلوا ولا تيأسوا ولنا الله

محمد بدران
20-12-2009, 09:06 PM
أنامن محافظة الاسكندرية ومن ادارة شرق فارجو من الاستاذة حنة ان تقول لنا اسم الادارة التى رات بها هذا الكلام وفى مكتب مين بالظبط ارجو سرعة الرد لو سمحتى محمد مسعد عبد الرازق 0186460362