المساعد الشخصي الرقمي

مشاهدة النسخة كاملة : اية الأصول المطلوبه فى محافظة المنيا للتعيين؟؟



E-TEACHER
15-12-2009, 11:18 PM
بسم الله الرحمن الرحيم
السلام عليكم ورحمة الله وبركاته
يا جماعة .......... اية هى الأصول المطلوبه للتقديم ؟
واخر ميعاد للتقديم امتى؟
والفيش نطلعه تانى ونقدمه مع اننا عملناه قبل كده؟؟
فى مدرية التربية والتعليم بالمنيا بيأكدوا موضوع الاصول انما فى الادارة التعليمية بيقولوا انتو بتألفوا من دماغكم
نصدق مين؟

أحمد البرجينى
15-12-2009, 11:28 PM
الحمد لله إن حضرتك رديت على نفسك فى نفس الموضوع
إن إحنا فعلا اللى غلطانين وبنألف وغالطانين غننا دخلنا مجال التربية والتعليم وبنألف أى حاجه
أنا كنت فى الإدارة ومحدش عبرنى وملقتش إعلانات بس فى معايا زميلة قالتلى إنها هتروح تقدم قريب بس وأكدت على موضوع الفيش
ولو فى جديد هتابع مع حضرتك

E-TEACHER
15-12-2009, 11:43 PM
طيب اية هو الورق المطلوب ؟ علشان اجهزه على الأقل

سفير الحياه
16-12-2009, 01:15 AM
فى ناس بتقول ان الورق هوه كلأتى :
اصل المؤهل _ اصل العقد (وده مشكله لوحده ) _ اصل شهادة الى سى دى ال (او مايفيد اجتياز الاربع مديولات )وطبعا مفيش اى مركز فاضى علشان نمتحن فيه
دى النشره اللى وصلت للمدارس عندنا

E-TEACHER
16-12-2009, 09:37 PM
فى ناس بتقول ان الورق هوه كلأتى :
اصل المؤهل _ اصل العقد (وده مشكله لوحده ) _ اصل شهادة الى سى دى ال (او مايفيد اجتياز الاربع مديولات )وطبعا مفيش اى مركز فاضى علشان نمتحن فيه
دى النشره اللى وصلت للمدارس عندنا


شكرا لحضرتك على الرد
افهم من كده ان مش مطلوب صحيفة جنائية تانى؟

سفير الحياه
17-12-2009, 02:36 AM
انا سمعت ان الاى سى دى ال مش مطلوبه غير من اللى خلصوها والصحيفه خلاص انت عملتها
يبئى المطلوب أصل العقد و أصل المؤهل بس
وربنا يوفقنا

E-TEACHER
18-12-2009, 12:34 AM
انا سمعت ان الاى سى دى ال مش مطلوبه غير من اللى خلصوها والصحيفه خلاص انت عملتها
يبئى المطلوب أصل العقد و أصل المؤهل بس
وربنا يوفقنا

يارب يكون الكلام ده صح
بس انا كلمت الاكاديمية اليوم واكدوا موضوع ال icdl حتى لو احضرنا صورة من الاسكل كارد بس تكون مختومة
وربنا ييسر

أحمد البرجينى
18-12-2009, 10:23 AM
السلام عليكم ورحمه الله
أنا لى صديق معى فى التدريب قال لى إنه سلم أوراقة فى إدرة أبو قرقاص
وكل اللى سلمه أصل شهادة البكالوريوس وختم icdl صورة طبق الأصل والورقة اللى قدمنا بيها فى بنى سويف بس
ولما سألته على الفيش قلى أنا صورتة بس محدش أخدة
وان شاء الله هقدم السبت فى إدارة المنيا ولو فى غير كدة أبلغكم

E-TEACHER
18-12-2009, 11:38 PM
المشكلة انى لسه ممتحنتش ال icdl وقدمت على الامتحان خاص والاسكل كار لسه هملاها بعد اسبوع يكون اخر معاد للتقديم باقى علية يومين
مش عارفه اعمل اية ؟ اقدم ورقى من غير صورة الاسكل كارد ولا مقدمش اصلا

أحمد البرجينى
18-12-2009, 11:46 PM
يا استاذى الفاضل لو حضرتك من المنيا مركز المنارة فيها اسكل كارد
وطالما سياتك مدرس أقسملك بالله وهذا حلفان ربنا يحاسبنى عليه لو معاك وسطه أى حاجه هتخش تمتحن فى مركز التطوير فى المنيا الجديدة ولو كمان عاوز فى نفس اليوم وهتخلصهم على طول

E-TEACHER
19-12-2009, 01:01 AM
يا استاذى الفاضل لو حضرتك من المنيا مركز المنارة فيها اسكل كارد
وطالما سياتك مدرس أقسملك بالله وهذا حلفان ربنا يحاسبنى عليه لو معاك وسطه أى حاجه هتخش تمتحن فى مركز التطوير فى المنيا الجديدة ولو كمان عاوز فى نفس اليوم وهتخلصهم على طول

انا قدمت فى مركز smart فى بنى مزار لانه اقرب مكان ليا وكمان قالوا انه الاسرع من حيث موضوع الاسكل كارد
اما مركز التطوير انا مقدمة فيه من قبل رمضان وحتى هذه اللحظة متصلوش بى وكمان عرفت ان الامتحانات فيه محجوزة لحد شهر 4
يعنى مستحيل امتحن قبل 31/12 اللى هو اخر ميعاد لتقديم الاوراق

miniaicdl
19-12-2009, 11:17 AM
عامل بمركز التطوير يرد على الذى أقسم كذبا وافتراءاً ونقول له اتق الله وكفر عن يمينك نحن نعمل حتى الثامنة مساءً ولدينا قائمة انتظار طويلة لأننا نوفر النزاهة ومجانية الحصول على الرخصة والدليل أننا نمحتن 135 ممتحن يوميا وكشوف الحجز مستوفاه حتى شهر ابريل/2010 وستجد فى مركز التطوير فريق متعاون مخلص ومجد فى العمل واللى عايز يعرف يشرفنا سيجد ما يسره وسوف يتم افتتاح قاعة اختبارات أخرى بداخل المركز سوف تستوعب هذه الكثافة ان شاء الله والقافلة تســــيـــــــــــــــــــــــــر.....!!!

أحمد البرجينى
19-12-2009, 12:24 PM
طيب أنا علشان بس علشان أثبتلك إنى أنا اللى صح إبقى ممكن تسأله عن 5 إسكل كارد اللى اتحجزوا باتصال تليفونى يوم الاثنين اللى فات باتصال من واحد من الادارة وكمان اللى حجزهم واحد فى الادارة
وانا لا اتهم الناس بطلانا ولو حضرتك من المنيا ابعتلى على الخاص وأقلك على أسماء الكوسة اللى بدخل بفلوس وبدخل جمايل
وكل اللى بنا اللى يثبت
على فكرة أنا ليه زميل كان بيدرب icdl فى 2 من مجموعتة سبحان الله بعد ما خلصوا وسبحان الله لقيوا اسمهم نزلوا فى الكشف
وعلى فكرة أنا مش ببخث ولا أقلل من مجهود العاملين هناك إبتداء من / أ / محمود شحاته مدير المركز الى آخر عامل عمى / محمد
أنا عارفهم كويس
بس فى ظروف بتحكم إنك تكشفهم على حقيقتهم

وطالما سياتك إتهمتنى بإنى بقسم كذب يا ريت لما تتأكد من الحقيقة تبقى ؟؟؟؟؟

أحمد البرجينى
19-12-2009, 12:26 PM
أنا نسيت أسأل حضرتك انته ليه سألت عامل يعنى مسألتس حد متخصص ولا ؟؟؟؟؟

أحمد البرجينى
20-12-2009, 08:40 PM
السلام عليكم ورحمه الله وبركاته
أنا شفت قرار انهاردة فى الإدارة بتاع المنيا إدارة المنيا التعليمية ( نوعية ) فعلا طالبين كل الأصول قبل يوم 25-12
ومش عارف الواحد يعمل ايه يديهم الشهادات ويضيعهوا تانى ولا ايه
يعنى الراجل بتاع icdl مردش ولا راح يعمل اتنين شاى فى السبعينه

safaa_ss
20-12-2009, 08:46 PM
السلام عليكم ورحمه الله وبركاته
أنا شفت قرار انهاردة فى الإدارة بتاع المنيا إدارة المنيا التعليمية ( نوعية ) فعلا طالبين كل الأصول قبل يوم 25-12
ومش عارف الواحد يعمل ايه يديهم الشهادات ويضيعهوا تانى ولا ايه
يعنى الراجل بتاع icdl مردش ولا راح يعمل اتنين شاى فى السبعينه

أنا من محافظة المنوفية والنشرة بتقول أن آخر ميعاد لتقديم الأوراق 31/12مش معنا المنيا هى خلقه عن باقى المحافظات حسبى الله ونعم الوكيل

E-TEACHER
20-12-2009, 11:52 PM
أنا من محافظة المنوفية والنشرة بتقول أن آخر ميعاد لتقديم الأوراق 31/12مش معنا المنيا هى خلقه عن باقى المحافظات حسبى الله ونعم الوكيل

لأ مديرية التربية والتعليم بالمنيا حددت اخر ميعاد يوم 25/12 علشان تلحق ترتب الورق وتجهزه قبل اخر ميعاد محدداه الاكاديمية 31/12 بحيث يكون الورق متنسق وجاهز كليا قبل اخر ميعاد

أحمد البرجينى
21-12-2009, 07:33 PM
هوه الاستاذ تبع الادارة ولا المدرية ولا تبع مييييييييييين
على فكرة أنا روحت سألت امبارح فقلت للراجلاللى بيستلم ينفع صورة طبق الاصل قال لا وبعد دقايق قال ايوه وبعدين مع الناس دول والله الواحد مش عارف يعمل ايه
وبعدين طالما سياتك من المنوفيه ومسهله لغاية 31 خلاص ولا نقر عليكوا

E-TEACHER
22-12-2009, 10:29 PM
محدش بيجاوب على سؤالى لييييييييييييييييية؟
اللى مش معاه شهادة ال icdl يعمل اية؟

أحمد البرجينى
23-12-2009, 08:29 PM
يا سيدى الفاضل أنا قلتل لحضرتك
اللى مش معاه icdl خالص مش بيقدمها
لما بيخلصها فى أى مركز برهة أو أى مكان هيروح بنفسه بنى سويف ويسلم النتيجه وبيقولا ان نتيجتك بتاع الكادر هتتحجب لغاية ما تخلص

والغالب انه هيظهرها وهيقول مش هتاخد الدرجة لغاية ما تمتحن

E-TEACHER
23-12-2009, 10:15 PM
يا سيدى الفاضل أنا قلتل لحضرتك
اللى مش معاه icdl خالص مش بيقدمها
لما بيخلصها فى أى مركز برهة أو أى مكان هيروح بنفسه بنى سويف ويسلم النتيجه وبيقولا ان نتيجتك بتاع الكادر هتتحجب لغاية ما تخلص

والغالب انه هيظهرها وهيقول مش هتاخد الدرجة لغاية ما تمتحن

الحمد لله المدرية قالت انها هتقبل اى ورق من المعلمين وهتتفاهم مع الاكاديمية
وطلبوا اقرارات من اللى ممتحنوش icdl انهم يمتحنوا قبل ميعاد النتيجة
ربنا ييسر

miniaicdl
24-12-2009, 10:45 AM
انا مسئول من مركز الاختبارات بالمنيا ارجو اى استفسار يرسل وانا هرد بالتفاصيل ولو فيه حد معاه اثبات يرسله او يكتب وانا هفسر الحالة للكل احنا معندناش حاجه نخبيها كنا بنشتغل خمسة مجموعات ودلوقتى تسعة مجموعات علشان الناس وننجز اكبر عدد ومع ذلك بيقولوا فيه كوسه فين اللى ليه حق يطالب بيه لكن نرمى الناس بالكلام مجازا ده مش صح صدقنى انا مسئول بمركز الاختبارات نفسها مش مركز التطوير ولكن كلمة كوسه وواسطه قولى انا اتظلمت فى ايه لكن حد حكالك او سمعت من واحد ده كلام فاضى طالب بحقك لكن تنظيم العمل ده بتاعنا واللى ميبصش من الغربال يبقى ايه ؟؟؟؟؟؟؟؟؟؟؟؟؟؟؟!!!!!!!!!!!!

miniaicdl
24-12-2009, 11:27 AM
ياحبيبى ولله الحمد نحن من تواضعنا نعتبر انفسنا كلنا عمال هنا بس مش بتوع شاى بتوع عسل وتعال لترى كيف نعامل الناس والنظام الدقيق فهم زملاؤنا وأبناؤنا ولا نبخل بشئ وانت محاسب عما تقول وتفترى به علينا وان ورد خطأ فكل شئ وارد والكمال لله وحده ونحن نحاول الوصول إليه والحمد لله

أحمد البرجينى
24-12-2009, 06:25 PM
انا بعت لحضرتك على الخاص وقلت لحضرتك ممكن أتشرف بإسمك بس وأنا كنت هناك من فترة قصيرة وشوفت وعارف مين
وثانيا : أنا مقلتش إنكم قصرتم فى جهدكم ولا حاجه دا بالعكس أنا قلت أنا بحسدكم على شغلكم المتواصل من الصبح لغاية آخر مجموعة وشوفت ناس كانت بترزل عليكم وبتخفف فى دمها
أنا اللى بحكى فيه بس ان فى ناس بتاخد اسكل كارد قبل ناس تانيه
يعنى لا قلت انك قصرت ولا حد قصر
انتوا بتعملوا انجاز معتقدش انه اتنظم قبل كدة ودا رأى بس الكووووووووووووسة شغاااااااااله

future_a2005@yahoo.com

أحمد البرجينى
24-12-2009, 06:27 PM
بس سؤال تانى يعنى اعتبره استخفاف دم
هو العسل اللى انتوا بتبيعوه دوه برسيم ولا مسكر
ولا هوه عسل اسود

بصدر رحب بس