علمونى وبعد أن علمونى إكتشفت أنهم لم يعلمونى شيىءً

[MohammeD el_SadaT]

بسم الله الرحمن الرحيم

السلام عليكم ورحمه الله وبركاته


طبعاً الموضوع باين من عنوانه
" علمونى وبعد أن علمونى إكتشفت أنهم لم يعلمونى شيأً "
You can see links before reply
الواحد من أول ما بيتولد بيتعلم إن الكذب ملوش رجلين والصدق هو اللى بينجى
" والطيبه والشرف والشجاعه والكرم والحب والعطف والعفو والسماح "

هما الصفات اللى المفروض يكون الإنسان متحلى بيهم
لكن للأسف لما بيكبر ويبص حوليه ويعرف الدنيا ماشيه إزى بيعرف
إن الطيبه بتتفهم ضعف والشرف مبيأكلش عيش والجبن سيد الأخلاق والكرم يبقى عبط والحب معبقاش موجود غير فى الروايات والمسلسلات والعطف والعفو والسماح صفات الناس الخايبه اللى مش بتقدر تجيب حقها
You can see links before reply
و
بيعرف إن الحياه ما هى إلا غابه البقاء فيها للأصلح والأقوى والضعيف فيها بيتسلخ وشه
وإن الزمن ماشى بمبدأ
معاك قرش تسوى قرش والرشوه والكوسه هى النظام You can see links before reply
والصياعه والبلطجه وقله الأدب هى اللى بتاكل عيش مع خلق الله You can see links before reply

يمكن أكون غلطان يمكن أكون ببص للجانب السىء بس
بس أنا فعلاً شايف الحياه كده
ده اللى إتعلمته بعد 20 سنه خدمه فى دنيا
You can see links before reply
إن الحق ملوش مكان فيها
You can see links before reply
بس فى الآخر أرجع وأقول
لينا رب كبير
وده اللى مصبرنى على الحياه

[مسيو وليد عسكر]

مالك يامحمد فضفض لاخواتك بيك ايه
كلماتك اشعر انها تقطر دماااوتنزف الم
احنا كلنا اخواتك وحواليك.....
لا شيء في الحياه يستحق ان نبكي عليه
الله جاب الله خد الله عليه العوض

[matrix]

مشكور على الموضوع والجهد بس برده الصفات دى جميلة و مفيش مانع ان اى حد يتحلى بالصفات دى ومشكووووووووور

[dream]

ازاى بقى دول علموك احسن علام
:)

انا بس مش هاقولك ديننا وما جا فيه من قيم واخلاق

ولكن عادات وتقاليد البلد الاصليه

الموجودة بين اغلب الطبقات

من صدق وشرف وشجاعه وكرم وكل الذكرته من محاسن الاخلاق

دى طبيعه بشريه فينا

يعنى احنا ولدنا بها بالفطرة

اما بقى

ما نقابله فى حياتنا من عكس هذه الاخلاقيات


فيجب ان لانتاثر به

يعنى مش علشان انت شايف فيه ناس بترشى وترتشى

تبقى تعمل زيهم وتقول هى الدنيا ماشيه كده

تمسك بما تعلمته

وتذكر انك تفعل ذلك للحفاظ على مبادءك واخلاقك

ومن قبلهم تعاليم دينك

وبجد عن تجربه

سوف تجد ان الله معك

شكرا على تميزك فى عرض الموضوع

[نعمه محمود]

بص يا محمد هى فعلا البلد دى بقت ماشية بالدراع انا عشان مؤدبة كل يوم الاقي حد راكن مكانى

واقعد الف بالعربيه حوالين نفسي ولو ركنت مكان حد يجرح لى العربيه بجد الناس دى ملت البلد

[ممدوح الأنصارى]

طبعا القدوة تنقص مجتمعنا كثيرا
ولكن اقول لحضرتك الشر كتير
والخير اكتر واكتر .

[عز وحيد]

على أد ما كلامك فعلا هو الى بيخيل لمعظم الناس انه فعلا الصح
بس يا محمد على فكرة مش المفروض مننا ان نتعامل بالمعاملة ديه
لان لو كل الناس بقيت وحشة واصبحت تتعامل بالطريقة الى انت قولت عليها
يبقى ازاى هنعيش فى الدنيا
لازم ننمى كل القيم المفقودة
كل القيم الجميلة
وأنت عارف ازاى تنمبها
تنميها بإعتناقك ليها
بالمحافظة عليها
انك تكون بتعملها فعلا
أكيد لما الناس هيشوفوك متمسك بالقيم ديه وان حياتك الحمد لله كويسة بيهم
اكيد هيحاولوا يكونوا زيك
موضوع جميل بيناقش سلبيات كتيرة فى مجتمعنا
ارجو الكل ياخد باله منها
شكرا على الموضوع يا محمد

[lologeo92]

هو فعلا الكوسه هى اللى ليها مكان فى البلد دى يعنى لو كلمت حد باحترام
يفتكر ان انت خايف او ضعيف ويتمادى فيها
يعنى مثلا انا النهارده كنت عايزه اغير معاد السيكشن واتحايلنا على المعيده وهى مش موافقه
وبتكلمنا بطريقه قذره لكن اخر لما زهقت رحت قلت للدكتور قريبى لغى السكشن خالص ونقلت من
السكشن غصب عنها
لكن هو فعلا لازم ان انت تكون مسنود عشان تاخد حقك
بس الاهم ان اللى يكون ساندك ضميره صاحى
وهو ده حال الدنيا ولو دورت حواليك هتلاقى كتير ناس طيبين ومظلومين فى دوامة الحياه
وياريت ترفع شعار (هاكونا مطاطا......ارمى الماضى اللى يغيظ)
ومش تفتكر 20 سنه ومش تبص وراك للى حصل وخلاص مش راح يتغير ولكن بص للى قدامك
وللمستقبل ازاى راح تقدر تصنعه
لانك لاتستطيع اضافة يوم واحد لحياتك ولكن تقدر تضيف ليومك الف حياه حلوه

[zizo2_2]

شوف يا محمد

يتلخص القول فيما قد قاله رسولنا الكريم صلى الله عليه وسلم

" لا تكن إمعة .............. الى اخر الحديث


الحق والفضيلة هما اجزاء لا تتجزا ولا يمكن أبدا مهما كانت الظروف او احوال المجتمع ان نمحوهم او نلوم عليهم


فدععك من اي شيء وابدا بنفسك ثم اخوتك ثم جيرانك ثم مجتمعك وستعود الفضيلة حتما ستعود اخي محمد