شريف
12-12-2009, 04:33 PM
You can see links before reply
أحلي حاجة بتفطسني م الضحك و انا رايح شغلي أو في وسط البلد ... تلاحم الشعب المصري بجميع فئاته ... ستات علي رجالة مش فارقة المهم الكل يوصل ... سواء لبيته أو لشغله ... بجد زحمة القاهرة بقت حاجة تضحك من منطلق المقولة المأثورة (( هم يبكي و هم يضحك )) .... تشوف الاتوبيس من دول ... تحس ان اللي راكبينه مجموعة من الانتحاريين فاقدي حب الحياة .... واحد مدلدل من باب الاتوبيس رجله عمالة تجر في الارض ...وواحد تاني راسه طالعة من الشباك و رجله ممكن تكون في شنطة واحدة ست واقفه جنبه و بكل براءة ...و واحد تلاقيه راكب علي قفا السواق .... وواحد تاني تلاقي وشه كله لازق في الازاز بتاع الاتوبيس ووراه عشرة طابقين علي نفسه ....و الله العظيم بقعد اتفرج و اضحك من قلبي لدرجة الناس بتاخد بالها مني و الاقيهم بيبتسموا و فاهمين انا بضحك علي ايه ...و الله شعب غريب... قمة في الصبر و الاحتمال و الجهاد في سبيل العودة من العمل .... و خلاص بقا ... ساعة الذروة دي كلمة قدمت اوي و بقت قديمة جدا و عفا عليها الزمن... ذروة ايه يا راجل .... البلد ذروة اربعة و عشرين ساعة و الله .... في أكتر من أني أخرج الساعة اتنين بالليل في جسر السويس الاقي الدنيا علي بعضها و العربيات بتزمر لبعض كأننا الساعة اتنين الضهر ؟
حتة التلاحم دي بقا بصراحة اللي محيراني بجد.... خلاص معادتش تفرق الست هتركب و فولان هيبقا لازق فيها ولا علان ولا خوف حتي من انفلونزا خنازير ولا يحزنون ..... شعب مقاوم ... شعب جبار .... برغم اي شئ صامد ....صامد الي الابد ... مع انك لو وجهت نظرك لكل الناس في المواصلات و في الشوارع تحس ان عليهم سهم الله ... و مش فاهمين في ايه.... و الدنيا جراهم علي وشوشهم يهيمون و يبرطعون في الدنيا برطعة الابل ههههههههه خلاص جتتنا نحست
أحلي حاجة بقا الموقف اللي حصلي من يومين .... و انا مواقفي كتير اوي مع المواصلات لحد ما اجيب عربية ان شاء الله ....
ركبت الميني باص .... اللي هوا ابو جنيه و نص ده ... يعني مش اتوبيس و لا حاجة .... و مش عايز اقولك بقا ... لابس اللي علي الحبل ... بدلة اسباني اخر شياكة ... دي تاني مرة البسها اصلا ... تمنها 800 جنيه ... يعني دافع فيها دم قلبي ....و القميص الابيض اللي من جولدن مان و الكرافت الشيك المقلمة و نضارة الشمس و اوعا وشك .... عريس في ليلة دخلته ..... و طالع ولا بيا و لا عليا ....و اخوك ايه بقا .... استاذ في الذوق و الاخلاق و دايما اقوم للحريم و الناس الكبيرة و عامل فيها شهيد الوطن ..... المهم قمت لراجل كبير في السن
كان علي وشك انه يقع علي الارض م الزحمة و الزق و فرملة السواق الغبية .... و كل شوية الناس يجيبوه من عند السواق بعد ما كان واقف في اخر العربية من شدة الفرملة .... ما علينا قعدت الراجل و بعد محطتين قام .... نزل و قعدت انا تاني ... طلعت واحدة اخر شياكة ....واقفة جنبي و انا قاعد .... و انت عارف بقا الستات لما واحدة تحب تقعد .... تقعد بقا تبصلك عشان تصعب عليك و تبربش و الدموع تتساقط واحدة تلو الاخري ... قولت يا واد يا شرشر خليك جدع و كمل جميلك مش مشكلة ... مع اني كنت حريص علي البدلة جدا.... المهم قمت و قعدت هيا و خدت دعوتين حلوين ....و قامت و روحت قاعد انا تاني ....و فجأة و بقدرة قادر و اساسا العربية مليانة ع الاخر ... لقيت اندفاع قوي جدا من خارج العربية الي داخلها لما وقف السواق في احدي المحطات اللي ربنا مبارك فيها ...و امة لا اله الا الله دخلت الميني باص ... كأن اول مواصلة يشوفوها من تلات اربع سنين
المهم لاقيت واحد ابن حلال هفضل ادعي عليه ...راح زانق ع الكرسي بتاعي لان وراه امم ...قلت و ماله مافيش مانع اهو نستحمل بعض و اهو مظهر جيد من مظاهر التلاحم .... الله يخربيت التلاحم
كان ماسك شنطة بلاستيك سودة في ايده
و طبعا ساند بايده اللي ماسك بيها الشنطة علي الكرسي اللي قدامي
و الشنطة مدلدلة و تحتها مباشرة ... بنطلون البدلة بتاعي طبعا ههههههههه .... و فجأة و في عز اندماجي في الموبايل كنت داخل علي المنتدي من الموبايل ساعتها ..... فجأة حسيت بشعور رائع و برد خفيف
و هواء منعش يتسلل بهدوء الي رجل البنطلون ( بتاع البدلة ام 800 جنيه ) قلت و ماله ... الدنيا برد و شوية هوا مش مشكلة .... و بعد شوية و انا مندمج برضه... لاقيت الموضوع بيزيد ... و السقعة تسللت الي كل اركاني .....قلت و ماله ... مانا سمعت في النشرة الجوية ان الدنيا هتبقا برد النهاردة و رياح و هوا و الجو ده ....و بعد دقيقتين بالظبط .... كانت الصاعقة .. حسيت اني غرقان في متر ميه .... ميه ساقعة تلج تسللت الي كل انحاء البنطلون .... اتنفضت انا زي اللي قرصته عقربة .... و روحت قايم و قلت للراجل ايه ده يا استاذ ... ايه اللي بينقط ده حرام عليك مش تاخد بالك... قاللي معلش يا بيه ...ده (( البطرمان )) علي حد قوله مفتوح معلش هقفله .... المهم الراجل قعد يتأسف لي ساعة طول الطريق
و اتعرفنا علي بعض و ضحكنا و قلت خلاص مسيرها تنشف و اساسا انا شكلي هقعد في الميني باص ده اسبوع
فهينشف ان شاء الله ... و بعد فترة .... ريحة فظيعة قلبت الميني باص كله ..... و انا طبعا غرقان من الميه اللي الاستاذ غرقني بيها ....لاقيت الناس بتبص ناحيتي .... و هوا كمان عمال يبص عليا و علي البنطلون الغرقان و فطسان م الضحك .... روحت شاورت له و قولت له عايزك ثواني .... راح مقرب مني .. قلت له في ودنه ....
بعد اذنك يعني معلش تطفل مني .... هيا الميه اللي وقعت عليا دي ميه ايه ؟ قال لي لا لا لا ما تقلقش يا باشمهندس
دي ميه طرشي :)
You can see links before reply
أحلي حاجة بتفطسني م الضحك و انا رايح شغلي أو في وسط البلد ... تلاحم الشعب المصري بجميع فئاته ... ستات علي رجالة مش فارقة المهم الكل يوصل ... سواء لبيته أو لشغله ... بجد زحمة القاهرة بقت حاجة تضحك من منطلق المقولة المأثورة (( هم يبكي و هم يضحك )) .... تشوف الاتوبيس من دول ... تحس ان اللي راكبينه مجموعة من الانتحاريين فاقدي حب الحياة .... واحد مدلدل من باب الاتوبيس رجله عمالة تجر في الارض ...وواحد تاني راسه طالعة من الشباك و رجله ممكن تكون في شنطة واحدة ست واقفه جنبه و بكل براءة ...و واحد تلاقيه راكب علي قفا السواق .... وواحد تاني تلاقي وشه كله لازق في الازاز بتاع الاتوبيس ووراه عشرة طابقين علي نفسه ....و الله العظيم بقعد اتفرج و اضحك من قلبي لدرجة الناس بتاخد بالها مني و الاقيهم بيبتسموا و فاهمين انا بضحك علي ايه ...و الله شعب غريب... قمة في الصبر و الاحتمال و الجهاد في سبيل العودة من العمل .... و خلاص بقا ... ساعة الذروة دي كلمة قدمت اوي و بقت قديمة جدا و عفا عليها الزمن... ذروة ايه يا راجل .... البلد ذروة اربعة و عشرين ساعة و الله .... في أكتر من أني أخرج الساعة اتنين بالليل في جسر السويس الاقي الدنيا علي بعضها و العربيات بتزمر لبعض كأننا الساعة اتنين الضهر ؟
حتة التلاحم دي بقا بصراحة اللي محيراني بجد.... خلاص معادتش تفرق الست هتركب و فولان هيبقا لازق فيها ولا علان ولا خوف حتي من انفلونزا خنازير ولا يحزنون ..... شعب مقاوم ... شعب جبار .... برغم اي شئ صامد ....صامد الي الابد ... مع انك لو وجهت نظرك لكل الناس في المواصلات و في الشوارع تحس ان عليهم سهم الله ... و مش فاهمين في ايه.... و الدنيا جراهم علي وشوشهم يهيمون و يبرطعون في الدنيا برطعة الابل ههههههههه خلاص جتتنا نحست
أحلي حاجة بقا الموقف اللي حصلي من يومين .... و انا مواقفي كتير اوي مع المواصلات لحد ما اجيب عربية ان شاء الله ....
ركبت الميني باص .... اللي هوا ابو جنيه و نص ده ... يعني مش اتوبيس و لا حاجة .... و مش عايز اقولك بقا ... لابس اللي علي الحبل ... بدلة اسباني اخر شياكة ... دي تاني مرة البسها اصلا ... تمنها 800 جنيه ... يعني دافع فيها دم قلبي ....و القميص الابيض اللي من جولدن مان و الكرافت الشيك المقلمة و نضارة الشمس و اوعا وشك .... عريس في ليلة دخلته ..... و طالع ولا بيا و لا عليا ....و اخوك ايه بقا .... استاذ في الذوق و الاخلاق و دايما اقوم للحريم و الناس الكبيرة و عامل فيها شهيد الوطن ..... المهم قمت لراجل كبير في السن
كان علي وشك انه يقع علي الارض م الزحمة و الزق و فرملة السواق الغبية .... و كل شوية الناس يجيبوه من عند السواق بعد ما كان واقف في اخر العربية من شدة الفرملة .... ما علينا قعدت الراجل و بعد محطتين قام .... نزل و قعدت انا تاني ... طلعت واحدة اخر شياكة ....واقفة جنبي و انا قاعد .... و انت عارف بقا الستات لما واحدة تحب تقعد .... تقعد بقا تبصلك عشان تصعب عليك و تبربش و الدموع تتساقط واحدة تلو الاخري ... قولت يا واد يا شرشر خليك جدع و كمل جميلك مش مشكلة ... مع اني كنت حريص علي البدلة جدا.... المهم قمت و قعدت هيا و خدت دعوتين حلوين ....و قامت و روحت قاعد انا تاني ....و فجأة و بقدرة قادر و اساسا العربية مليانة ع الاخر ... لقيت اندفاع قوي جدا من خارج العربية الي داخلها لما وقف السواق في احدي المحطات اللي ربنا مبارك فيها ...و امة لا اله الا الله دخلت الميني باص ... كأن اول مواصلة يشوفوها من تلات اربع سنين
المهم لاقيت واحد ابن حلال هفضل ادعي عليه ...راح زانق ع الكرسي بتاعي لان وراه امم ...قلت و ماله مافيش مانع اهو نستحمل بعض و اهو مظهر جيد من مظاهر التلاحم .... الله يخربيت التلاحم
كان ماسك شنطة بلاستيك سودة في ايده
و طبعا ساند بايده اللي ماسك بيها الشنطة علي الكرسي اللي قدامي
و الشنطة مدلدلة و تحتها مباشرة ... بنطلون البدلة بتاعي طبعا ههههههههه .... و فجأة و في عز اندماجي في الموبايل كنت داخل علي المنتدي من الموبايل ساعتها ..... فجأة حسيت بشعور رائع و برد خفيف
و هواء منعش يتسلل بهدوء الي رجل البنطلون ( بتاع البدلة ام 800 جنيه ) قلت و ماله ... الدنيا برد و شوية هوا مش مشكلة .... و بعد شوية و انا مندمج برضه... لاقيت الموضوع بيزيد ... و السقعة تسللت الي كل اركاني .....قلت و ماله ... مانا سمعت في النشرة الجوية ان الدنيا هتبقا برد النهاردة و رياح و هوا و الجو ده ....و بعد دقيقتين بالظبط .... كانت الصاعقة .. حسيت اني غرقان في متر ميه .... ميه ساقعة تلج تسللت الي كل انحاء البنطلون .... اتنفضت انا زي اللي قرصته عقربة .... و روحت قايم و قلت للراجل ايه ده يا استاذ ... ايه اللي بينقط ده حرام عليك مش تاخد بالك... قاللي معلش يا بيه ...ده (( البطرمان )) علي حد قوله مفتوح معلش هقفله .... المهم الراجل قعد يتأسف لي ساعة طول الطريق
و اتعرفنا علي بعض و ضحكنا و قلت خلاص مسيرها تنشف و اساسا انا شكلي هقعد في الميني باص ده اسبوع
فهينشف ان شاء الله ... و بعد فترة .... ريحة فظيعة قلبت الميني باص كله ..... و انا طبعا غرقان من الميه اللي الاستاذ غرقني بيها ....لاقيت الناس بتبص ناحيتي .... و هوا كمان عمال يبص عليا و علي البنطلون الغرقان و فطسان م الضحك .... روحت شاورت له و قولت له عايزك ثواني .... راح مقرب مني .. قلت له في ودنه ....
بعد اذنك يعني معلش تطفل مني .... هيا الميه اللي وقعت عليا دي ميه ايه ؟ قال لي لا لا لا ما تقلقش يا باشمهندس
دي ميه طرشي :)
You can see links before reply