المساعد الشخصي الرقمي

مشاهدة النسخة كاملة : خبر عاجل جدا وحصري :هتوحشنا يا...............عز وحيد


كريم ماضي
02-12-2009, 01:56 PM
السلام عليكم ورحمة الله وبركاته

خبر حصري علي الاخر
ومكانه مش هنا بس هحطه هنا قبل ما مشرف القسم / عز وحيد يشوفه وينقله

الخبر


علمت مصادري الخاصه أن الاستاذ والاخ الغالي / عز وحيد سيسافر يوم الاثنين القادم ان شاء الله

فلا تنسوه بالدعاء

ونتمني له التوفيق في الخارج وترجع لنا مصر بألف سلامه

وكمان بقي هستئذن الاداره أنها تنسق معانا عشان اخد درس المحاسبه علي الغرفه الصوتيه

والله المستعان

يلا مش حارمكم من حاجه
أدعوا لعز وحيد بقي
شريف
02-12-2009, 01:59 PM
ايه ده؟ هيسافر فين ؟ و ليه و ازاي ؟
ايه يا جدعان المفاجآت دي ؟
عموما يوصل و يرجع بالسلامة
و خليكو كده اتسرسبوا واحد ورا التاني
لحد ما المنتدي ما يفضلش فيه غير الحريم
7asnaa kareem
02-12-2009, 02:00 PM
تروح وتيجى بالسلامه يا عز

ربنا يكرمك ان شاء الله وتحقق كل اللى انت عايزه
مسيو وليد عسكر
02-12-2009, 02:11 PM
بالتوفيق ياعز واي حاجة لمستقبلك كلنا معاك
ويارب دايما تكون موفق في كل مكان تعمل به
وارجو ان لا تنسانا
المجاهد فى سبيل الله
02-12-2009, 02:16 PM
انت قديم اوى على فكرة
واخبارك بايته اوى
ربنا يوفئك يا عز
و يهديك الى صالح الاعمال و يرزقك الخير فى اى مكان و زمان
ومتقلقش انت ماشى و سايب رجاله تسد مكانك
mr.osama
02-12-2009, 05:14 PM
ربنا يبارك لك في سفرك يا عز
وبالتوفيق في ما سافرت من أجله ..
وترجع بالسلامة أن شاء الله
بس هو مكان السفر سري
وممنوع الاعلان عنه
وكذلك سبب السفر ولا أيه؟
كريم ماضي
02-12-2009, 06:59 PM
تقريبا كده والله اعلم ياجماعه
مكان السفر الامارات
اما سبب السفر فعز كان رافض الفكره
محمد بن عباس
02-12-2009, 09:02 PM
الف مليون دعاء لك بالتوفيق يا عز

أنت شخصية محترمة تستحق كل خير

ربنا يوفقك ويكرمك وترجع بألف خير وسلامة
ياسر الدقاق
02-12-2009, 11:02 PM
مع الف سلامه وبالتوفيق إن شاء الله
وترجع إلي مصر بألف سلامه
شمس بياض
02-12-2009, 11:21 PM
يبقى سافرت من مطار النزهة باسكندريه ياعز ياترى شوفت اخوى معاك
وانت مسافر هو الحمد لله وصل واكيد انت وصلت بالسلامة

ربنا يرزقم خير السفر ويبعد عنكم شروره
ويجعلكم خير السفراء لدينكم ولوطنكم اللهم امين
[/center]
كريم ماضي
02-12-2009, 11:25 PM
يبقى سافرت من مطار النزهة باسكندريه ياعز ياترى شوفت اخوى معاك
وانت مسافر هو الحمد لله وصل واكيد انت وصلت بالسلامة

ربنا يرزقم خير السفر ويبعد عنكم شروره
ويجعلكم خير السفراء لدينكم ولوطنكم اللهم امين
[/center]


عز وحيد لسه مسافرش أن شاء الله سيغادر مصر يوم الاثنين القادم
يسافر ويرجع بالسلامه ان شاء الله

والحمد لله أن أخو حضرتك وصل بالسلامه وربنا يرجعه لمصر بألف سلامه
dream
03-12-2009, 03:15 PM
بجد هتوحشنا كلنا

ياعز

خالى بالك على نفسك

فى السفر فوائد زىما بيقولوا



فالشافعي رحمه الله عدّ من فوائد السفر خمس فوائد: وهي: انفراج الهم، واكتساب المعيشة، وحصول العلم، والآداب، وصحبة الأخيار والأمجاد. وقال الثعالبي: من فضائل السفر، أن صاحبه يرى من عجائب الأمصار، ومن بدائع الأقطار ومحاسن الآثار ما يزيده علماً بقدرة الله تعالى، وقال أبو الحسن القيرواني: كتب إلى بعض أخواني: مثل الرجل القاعد كمثل الماء الراكد، إن ترك تغير، وإن تحرك تكدر،



تروح وترجع لنا بالف سلامة يا عز


أستودعك الله دينك وأمانتك وآخر عملك .
زودك الله التقوى ، وغفر ذنبك ويسر لك الخير حيث ما كنت.
dream
03-12-2009, 03:42 PM
وكمان بقي هستئذن الاداره أنها تنسق معانا عشان اخد درس المحاسبه علي الغرفه الصوتيه


والله المستعان








شوف الوقت المناسب لك ياكريم

ووقت مناسب لجدول الحصص

وبلغنى وربنا ييسر
كريم ماضي
03-12-2009, 09:27 PM
[/center]



شوف الوقت المناسب لك ياكريم

ووقت مناسب لجدول الحصص

وبلغنى وربنا ييسر


ده كتير عليان أوي بجد
جزاكم الله كل الخير
عز وحيد
06-12-2009, 12:46 PM
والله بجد فى قمة السعادة
ومش عارف ولا هينفع طبعا اقول متشكر لانها اقل بكتييييييير من كل الى جوايا
بس بجد ده الطبيعى من كل الافاضل الى عرفتهم هنا
ده شىء يعنى بديهمى من اصحاب الاخلاق العالية
بجد اتعلمت منكم كتير جدا
اثرتوا فى كل حاجة فيا واستفادت كتير منكم
والله فى قمة السعادة انى كنت متواجد مع كل احبابى واساتذتى الى بجد يفخر اى حد بتواجده معاهم
بجد كل كلامكم الجميل ده مش هنساه ابدا
كلامكم الى خلانى اكون اسعد مما كنت سعيد بكل دقيقة قضيتها على المنتدى هنا
وان شاء الله اكيد هكون معاكم بردوه فى اى مكان انا فيه
دعواتكم
كريم ماضي
06-12-2009, 01:00 PM
والله بجد فى قمة السعادة
ومش عارف ولا هينفع طبعا اقول متشكر لانها اقل بكتييييييير من كل الى جوايا
بس بجد ده الطبيعى لكل الافاضل الى عرفتهم هنا
بجد اتعلمت منكم كتير جدا
اثرتوا فى كل حاجة فيا واستفادت كتير منكم
والله فى قمة السعادة انى كنت متواجد مع كل احبابى واساتذتى الى بجد يفخر اى حد بتواجده معاهم
بجد كل كلامكم الجميل ده مش هنساه ابدا
كلامكم الى خلانى اكون اسعد مما كنت سعيد بكل دقيقة قضيتها على المنتدى هنا
وان شاء الله اكيد هكون معاكم بردوه فى اى مكان انا فيه
دعواتكم



ربنا يخليك لينا ياغالي
واحنا ياما اتعلمنا منك
وانا شخصيا أتعلمت منك كتير جدا
وبحبك قوي وربنا اللي يلعم
وبدعيلك ربنا يكرمك ويرزقك ويوفقك ويرجعك لينا غانم سالم
هتوحشنا اكيد لكن انت في القلب واللي في القلب مش بعيد
توصل أن شاء الله بالسلامه
وترجع لنا بألف سلامه
ميس سوزان
06-12-2009, 03:20 PM
ربنا يرجعلك لينا بألف سلامه يا استاذ عز
ويبعد عنك كل سوء
Blanche Neige
06-12-2009, 10:27 PM
والله يامستر عز احنا كلنا بجد
هايعز علينا فراقك جداااااا
بس بنصبر نفسنا باننا أكيد نحبلك الخير
فى اى مكان تواجد فيه بس بجد واللى مزعلنى جدااا
انك مش هاتكون متواجد فالمنتدى بوجه عام كتير
زى الأول وفى القسم العام بالتحديد
بجد انت عملت شغل فى القسم العام اكثر من ممتاز
تستحق عليه كل الشكر والتقدير والاحترام
من الجميع مش عارفه بجد هايفضل القسم زى ماسيبته ولا ايه ؟؟؟؟
ربنا يكرمك ويوفقك وترجع بالف سلامه لانك بجد من الناس
ذوى الاخلاق العاليه جدا والمحترمه جدا جدا وتستاهل
والله كل خير الدنيا والآخره ربنا يبارك فيك
ويرزقم من الحلال الطيب
sir_wyvern
12-12-2009, 03:01 AM
مع السلامه ياعز تروح وترجع بالسلامه
صوت الامة
14-12-2009, 10:24 PM
بالتوفيق استاذ عز
تروح وترجع بالسلامة ان شاء الله