نفسك تقول اى كلام حاسه الان اتفضل فضفض

[dream]

السلام عليكم ورحمة الله وبركاته


وصباح الخيرات على احلى شباب


اكيد بداخل اى حد فينا


كلام بيحب يقولوا


مش علشان بس حد يسمعه ويرد عليه


بس حابب يطلع شئ جواه




حاجة مفرحة


حاجة حزينة


حاجة حصلت لك


ونفسك كل الناس تعرفها


شعور بداخلك فى هذه اللحظة ونفسك تطلعه




كلمة على لسانك عاوز توصلها


اى حرف او اى كلمة او اى جملة


جواك فى هذه اللحظة


اتفضل قولها


الان وفضفض


منتظرينك

[7asnaa kareem]

بما ان الصراحه راحه

والموضوع دا جه فى وقت مش تمام

فالصراحه بقى



انا مفروسه

[المجاهد فى سبيل الله]

انا حزين
حاسس انى خلاص مبقتش عايز اروح الكلية
علما انى مش بكرها
بس عندى حالة فتور منها بشكل غير طبيعى
ياترى ايه السبب؟
ودا طبيعى ولا مش طبيعى ؟

[ميس سوزان]

بما ان الصراحه راحه



والموضوع دا جه فى وقت مش تمام


فالصراحه بقى





انا مفروسه




مفروسة من ايه بس
يا نور عيونى
لالالا
انا مش معاكى على فكرة
مفيش اى حاجة مهما كانت تخليكى مفروسة وتحرق لك دمك

[ميس سوزان]

انا حزين
حاسس انى خلاص مبقتش عايز اروح الكلية
علما انى مش بكرها
بس عندى حالة فتور منها بشكل غير طبيعى
ياترى ايه السبب؟
ودا طبيعى ولا مش طبيعى ؟



عادى يا احمد
دى حاجة حصلت لنا كلنا
بس يمكن علشان دى كليتك ومينفعش تسيبها وتمشى
يعنى حته انها فرض عليك يمكن دى اللى مضايقاك شوية
بس الموضوع ابسط من كده
ما تقلقش دى فترة وحتعدى

[ميس سوزان]

انا عايزة اقول حاجة واحدة بس

حسبى الله ونعم الوكيل

[قمر الثانوية]

حد موجود اتكلم معه

[ميس سوزان]

أتكلمى يا قمر
كلنا معاكى
وحنسمعك

[7asnaa kareem]

لا حول ولا قوه الا بالله

[dream]

ونعمة بالله

هو الكون امتى هيتصلح حاله

والناس تحب الخير لبعض

ليه الكل بقى عاوز يظهر ويبان على حساب غيره

الانسان هيستفيد ايه لما ياذى اخيه الانسان

ربنا يهدينا جميعا

ويصلح حالنا

ويبعد الشيطان عنا جميعا

[ميس سوزان]

امين يارب
عندك حق يا أحلام
بس هى كده!!
مفيييييش سعادة فى الدنيا كاملة ابدا ابدا
علشان السعادة الكاملة فى الجنة ان شاء الله

[Blanche Neige]

والله اللى نفسى فعلا انه يتحقق
ان ربنا يهدى الناس جميعا وينزع ما بقلوبهم
من غل وحقد ونفاق وغش وخداع
لان اكيد الدنيا مش مستاهله كل ده
وكمان لازم كل واحد يعمل حساب اليوم
اللى هايقف فيه امام الله هليقوله ايه وفتها وهو
فى قلبه كل ده ناحية الناس وبيظلم غيره
ربنا يبعد عنا جميعا الظلم ويحسن ختاما

[Madame/Basmalh]

انا اللى عاوزه ققوله يا ريت كل واحد يكون فى حاله ويبطل يبص على غيره احنا عاملين نقول الناس فيها وكذا وكذا طب شوف نفسك انت الاول وغير من نفسك اسال نفسك ضميرك اخباره ايه....... نايم مرتاح راضى على اللى عاملت لو كل واحد حاكم نفسه قبل ما يحاكم الناس وخاف من ربه ساعتها الكون حيصلح حاله ولو راضه بنصيبه اللى بعتهوله ربنا ساعتها الغيره و الغل والحقد والكراهية حتختفى

[أستاذ السيد على]

بصراحة انا فى حالة قلق الاسبوع ده بسب

انتظار نتيجة امتحان الكادر

ارجو الدعاء

[dream]

ربنا يهدى بجد

[شمس بياض]

موضوع رائع اختى احلام
ونفسى بجد اتكلم
عن حال المدير الموجود فى القرى البعيده
وهو واحد من اهلها
ويترك المعلمين يغيبوا بالثلاثه ايام كل اسبوع
وهو متضايق من الحاله ومش قادر يأذى حد
طيب ماهو كده بيعطل التلاميذ وخاصه انهم لايوجد سبيل لتعليمهم غير هؤلاء
المعلمين
واين ضصمير هؤلاء المعلمون ؟
واولياء الامور السلبييون
حقيقى بجد اكتشفتها عند زيارة اقاربناوواولادهم
حتى لو المعلم هايغيب يومين لو اعطى بضمير باقى الايام هاتكون نتيجه افضل
لكن للاسف
كمان ظاهرة تاخر الكتب الدراسيه حتى ميعاد الامتحانات
وايضا كتب تم الامتحان بها وعدم تسلمها للتلاميذ
انا كمعلم ماده استعين بكتب خارجيه ؟؟؟؟
طيب والتلاميذ ؟؟
وكمان مسؤليه
فماذا نفعل
وايه الحل وربنا يصلح ويولى من يصلح

[7asnaa kareem]

الحمد لله الذى تواضع كل شئ لعظمته

[ميس سوزان]

انا نفسى أقابل حد
يغير لى فكرتى اللى أخدتها عن الناس كلها
ليه كله يكدب يكدب يكدب
حيكسبوا ايه يعنى؟؟؟؟؟؟؟؟؟؟؟؟
فعلا تصرف غريب وسؤال أغرب ومالوش اجابة
عندى امل ولله
لحد دلوقتى كل ما أقابل حد
يثبت لى الموضوع ده أكتر
ان كل الناس كدابة ومفيش وفاء ولا اخلاص
حاجة تفرح بصراحة !!
ليه كده ؟؟؟؟؟؟؟؟؟؟؟

[7asnaa kareem]

حتى التراب اللى عشقته دفنى

[عبــــدالــــرحمـــــن]

حسبنا الله ونعم الوكيل

[وسام غانم]

انا مش عارفه الواحد لازم يتعشم فى الناس اللى بيحبهم و لا ايه
مشكلتى انى لما احب حد بجد بحبه
مثلا النهارده فى المدرسه انا قلت لزميلتى استنينى نروح سوا
تسيبنى و تمشى طب ليه ده لو حد طلب كده منى لو كان و رايا ايه هستناه
انا مش بشكر فى نفسى لان الحمد لله بجد دى الحقيقه
و قبل كده كان فى يوم مش عارفينه اجازه و لا لا
اوكى خرجت علشان اروح المدرسه المدرسه فى البلد اللى عايشه فيها هيه فى بلد جمبنا واحده زميله ماما فى المدرسه قالت لى النهارده اجازه الكل روح
فرجعت انا من ع الطريق اتصلت بواحده زميلتى تانيه تقوللى النهارده اجازه فى حال اللى معتبراها صحبتى متصلتشى بيه و اتصلت بشويه من زمايلنا و بقولها ليه مش اتصلتى بيه قالت لى انا قلت انتى هتعرفى من مامتك
و بحس انى مصدومه فيهم
بجد مش عارفه افضل على حالى و لا اتغير
و محدش يفرق معايا
معلشى بجد انا كنت مخنوقه و محتاجه انى اتكلم
شكرا ع الموضوع الرائع ده

[كريم ماضي]

أقول ايه بس ولا أيه


حسبي الله ونعم الوكيل

[sahora alam]

انا عايزه اقول ان اصحابى وحشونى جدا جدا
ونفسى الايام ترجع تانى معاهم ولو يوم واحد بس
لانى حاسه بحنين شديد للايام الجميله دى
**وحشتونى جدا جدا جدا**

[ms:asmaa]

السلام عليكم انا محتااااره (You can see links before reply)اووي وعاوزه ارائكم انا مخطوبه من شهرين بس خطوبه تقليديه يوم ماشوفت خطيبي حسيت اني مش مرتاحاله خالص لانه الي حد ما ومن وجهة نري تخين فهو عنده بطن او كما يقولون كرش وكان يرتدي لبسا يدل ع ان عمره 40 او 50 سنه مع العلم انه عنده 27 سنه وانا عندي 22 سنه ولكنه لايهتم بمظهره فهو دكتور ولكن هل يعيب ع الدكتور ان يهتم بمظهره وشعرت من اول يوم رايته انه هادئ زياده عن اللزوم وايضا من اسباب رفضي انني كنت بشتغل مدرسه فمدرسه وانا احب مهنة التدريس جدا وهو لا يريد زوجته ان تعمل وتحت ضغط من اهلي تركت عملي من اجله ووافقت عليه ع امل ان اجد فيه مايعوضني واني ماحكمش من المظهر يمكن الاقي فيه الحاجه اللي تسعدني لككني وجدته لا يفهم في كلامه فهو مدب يرمي الكلام ومش عارف ان كان هيجرح ويدايق ولا لا يعني مره قالي انتي ريحتك وحشه مع العلم اني مش بقعد معاه او بخرج من باب بيتي غير لما اكون واخده شاور ولابسه نظيف ولبسي مكوي ولما عاتبته لاقيت قصده انه مش عاجبه ريحة الشاور اللي بستخدمه ومواقف كتيير بتدل ع انه بيدب كلام ولما بزعل بيقولي انا معرفتش بنات قبلك ومش عارف اتكلم ومعلش واعزرني فانا زي اي بنت فسني تحتاج من يشعرها بجمالها انوثتها ولكنه لايعرف حتي عندما يقول لي احبك مش بحسها حتي فخطوبتي كان قاعد نايم ومش بيتحرك زي اي عريس ولا بيضجك زي اي حد فمكانه ولما اتكلمت معاه عن الحاجات دي وقولتله انه لازم يتغير يهتم بنفسه ويكون لابق فالكلام (You can see links before reply)ويتكلم مع اي حد ويثق فنفسه انا كتيير بحس اني اعرف حاجات اكتر منه هو زكي بس فعلمه لكن مش بيعرف يتكلم مع حد غير معايه حتي فشغله بسمع انه ساكت دايما ملهوش علاقات مع حد حتي كان مستغرب اووي ان ليه اصحاب وقالي بعد جواز مفيش حاجه اسمها صحاب وانا بحب اصحابي جدا فانا شخصيه اجتماعيه مش انطوائيه وبعد كتييييييير من محاولات اقناعه اقتنع ان اصحابي يجولي بس انا مرحلهومش المهم اني لما قولتله ع انه لازم يهتم بنفسه وانه يحاول يخس عشان بعد الجواز طبيعي هيتخن وانه يعيش سنه فكل حاجه فلبسه وانه يفرق بين شخصيته جوا الشغل وبرا الشغل انت دكتور جوا شغلك برا الشغل خليك مرح ومتكلم وشيل الوش الجد ده وةخليك ع طبيعتك وافق وقالي هتغير بس مش حاسه باي تغيير ولما بيزعلني بيفضل يعتزر عشان يصاللحني وده دليل عن حبه ليه منكرش بس حتي طريقة اعتزراه بضايقي فانا تكفيني كلمة اسف ولكنه بيفضل يعتزر اربع خمس ايام بشكل ممل اووي

تعزروني اني مش مرتبه كلامي فانا محتاره اووي ومتوتره خصوصا وان الجواز (You can see links before reply)فالعيديعني كمان كام شهر وانا مش عارفه اتقبل مشيته كلامه وكل تصرفاته لم تعجبني كتيير اوي بحس انه اكبر مني مش ب 5 سنين بس ب 50 سنه لكن مش فالثقافه لكن فالحيويه والنشاط هو نشيط فشغله بس زكي فشغله بس متعلم وليس مثقف وده احساسي ماما بتقولي ان انا اللي بايدي اغيره وافهمه لانه طول عمره مابين ورقه وقلم وانه غلبان وانا اللي هتحكم فالبيت كله بس برده انات محتاجه شريك يشاركني حياتي مش واحد ابقي انا مسئوله عن كل حاجه ماعدا الانفاق مش عارفه محتار ه لا ماما بتقولي ان اللي بتكلم فيه ده مش عيوب خطيره وهتتغير المهم انه طيب ومستواه المدي كويس وغلبان عمره مهيشتمك او يضربك ودول اهم حاجه

محتاجه ارائكم ممكن يتغير وممكن انا كانسانه حساسه جدا اقدر اعيش مع انسان بيرمي طوب من لسانه وهو ميقصدش وعارفه ده وممكن يتغير فلبسه واهتمامه بنفسه وممكن وممكن ............ ولا اللي بتكلم فيه ده تفاهات (You can see links before reply)زي ما امي بتقولي

[ms:asmaa]

بس انا يجمااااااااااااااعه حاولت كتييييييييييييير اووي اغيره مش بيتغير وبيتحجج بلشقه وبيقولي هتغير ومش حاسه باي بدايات انه بيتغير مفيش حاجه بتتغغير انا خايفه وقلقانه مقدرش اتعايش معاه ومقدرش احبه خصوصا ان مفيش اي مشاعر اتحركت اتجاهه خالص صلييييييييت استخاره كتيير بس عمري محسيت اني مرتاحه بس بلاقي الموضوع بيتسهل اكتر وبيمشي مش عارفه بس بجد انا مش بفتري انا خايفه نتجوز وميتغيرش ومقدرش احبه وساعتها هبقي افتريت عليه وعلي نفسي

[Nm100]

بس انا يجمااااااااااااااعه حاولت كتييييييييييييير اووي اغيره مش بيتغير وبيتحجج بلشقه وبيقولي هتغير ومش حاسه باي بدايات انه بيتغير مفيش حاجه بتتغغير انا خايفه وقلقانه مقدرش اتعايش معاه ومقدرش احبه خصوصا ان مفيش اي مشاعر اتحركت اتجاهه خالص صلييييييييت استخاره كتيير بس عمري محسيت اني مرتاحه بس بلاقي الموضوع بيتسهل اكتر وبيمشي مش عارفه بس بجد انا مش بفتري انا خايفه نتجوز وميتغيرش ومقدرش احبه وساعتها هبقي افتريت عليه وعلي نفسي

اولا بأحييكي على صراحتك
بس ياسمسم التغيير مش بالطريقة دى
كده عمره ما هيتغير
ادي نفسك فرصة علشان تحبيه آه عارفة ازاي انك متركزيش على عيوبه بس لأ شوفي مميزاته كمان
وحاولي تتقبليه كله على بعضه
على رأى كاظم الساهر (كلك على بعضك حلو)
وبعدين خليه هو يحبك ولما يحبك تلقائي هيعمل اللي انتى عايزاه
لكن أسلوب اتغير والاوامر دى عمره ما هيتغيرهو مش تلميذ عندك علشان تفضلي تعامليه بالطريقة دى
تقبلى نصيحتى
وربنا يكتبلك الخير إن شاء الله ويهديكي إلى سبيل الرشاد

[Mr:M.Kamal]

اولا بأحييكي على صراحتك
بس ياسمسم التغيير مش بالطريقة دى
كده عمره ما هيتغير
ادي نفسك فرصة علشان تحبيه آه عارفة ازاي انك متركزيش على عيوبه بس لأ شوفي مميزاته كمان
وحاولي تتقبليه كله على بعضه
على رأى كاظم الساهر (كلك على بعضك حلو)
وبعدين خليه هو يحبك ولما يحبك تلقائي هيعمل اللي انتى عايزاه
لكن أسلوب اتغير والاوامر دى عمره ما هيتغيرهو مش تلميذ عندك علشان تفضلي تعامليه بالطريقة دى
تقبلى نصيحتى
وربنا يكتبلك الخير إن شاء الله ويهديكي إلى سبيل الرشاد
:27::27::27: