كريم ماضي
17-11-2009, 11:43 AM
بسم الله الرحمن الرحيم
السلام عليكم ورحمة الله وبركاته
أستكمالا لسلسلة أبناء وأباء
كان الموضوع الاول بعنوان (أطلع بره يا أبن الك....................... (You can see links before reply))
اليوم سنتكلم في مشكله جديده تحدث كثير بين الاب وأبنه وهذه المره يوجد عنصر جديد
يعني بأختصار (أبويا أتجوز علي أمي )
ويلا نشوف حسين ومحمد ايه اللي حصل لهم
تامر بيحكي لنا أنه كان يعرف واحد صاحبه أسمه حسين
حسين ده بقي ليه أخ أسمه محمد المهم عايشين حياتهم تمام وكله فل والحمد لله اللهم لا حسد ياعم
في يوم حسين بيفضفض لتامر وقاله أن فيه مشاكل جامده بين والده ووالدته وأن والده متسرع جدا وكل حلفاناته بالطلاق علي الفاضي والمليان وربنا يستر وتعدي علي خير
وبعد أسبوع حسين قاعد حزين والدموع ماليه العين
تامر قاله مالك ياحسين وطبعا حسين من الصدمه مش قادر يتكلم ولا عارف يرد ولا يقول حاجه خالص المهم تامر فضل وراه لحد ما هدي شويه وقاله مالك فضفض قولي في ايه اللي حصل خير ياحسين قاله حسين أبويا طلق أمي ياتامر
تامر فضل يهدي فيه ويقوله ياعم أن شاء الله أنا هخلي أبويا يتدخل ويرجعوا لبعض ان شاء الله خير ياحسين ماتزعلش نفسك خالص كل مشكله وليها حل
المهم حسين رد عليه وقاله المشكله دي الوحيده اللي ملهاش حل خالص لانها الطلقه الاخيره دول أصلا مطلقين من زمان أصل أبويا كل حلفاناته طلاقات علي الفاضي والمليان
تامر قاله وأيه الحل
حسين مفيش حل يعني أروح أقعد مع أمي وأنا بدرس ولا أقعد مع أبويا
المهم حسين قعد مع أبوه كان ساعيتها في خامسه أبتدائي وأخوه محمد في تالته أبتدائي
ومرت الايام وحسين سمع أن أبوه بيدور علي عروسه والامر بالنسبه لحسين أصبح عادي جدا بل فرح أن فيه واحده هتيجي البيت عشان هوا اللي بيغسل وبيطبخ وبيكنس وبيمسح وبيعمل كل حاجه
ابو حسين أتجوز والحمد لله وكله تمام وجات بقي زوجة أبو حسين
واد ياحسين أنت ياواد ياحسين
حسين قالها أيوه أيوه فيه أيه
قالت له أنت ياروح أمك بتقولي فيه أيه ومسكت سلك كهربا وضربته بيه وقالت له قلت أدب
روح ياض السوق وأشتري كرنب وهات نص كيلو لحمه
حسين قال لها حاضر
وهو ماشي بيكلم نفسه ياخرابي ياحسين نصف كيلو لحمه ده أيه ده أبويا لوحده مش هيكفيه
المهم راح جاب ورجع وزوجة أبوه ضربته بالقلم قالت له بعد كده لما أبعتك مشوار ترجع لي بسرعه
خد أعمل الكرنب وقيد علي اللحمه بسرعه
حسين قالها حاضر المهم حسين عمل الاكل وأبوه شرف
راحت مراته الجديده بقي نزلت لها دمعتين وقالت له أنا بجهز لك الاكل والعيال غلبوني ومش بيسمعوا كلامي
طبعا سي السيد أتنفخ علي الاخر والحجه لسه عروسه جديده بيوريها رجولتها راح ناده أولاده تعالي ياض أنت وهوا المهم أخدوا علقه محترمه
وساعت الاكل ياعيني العيال مش هتاكل معاهم أه صحيح مفيش دم مش دول عرسان
كان فيه فول أكله فول الحمد لله أحسن من مفيش أستحمل ياحسين
وكل الايام من ده أغسل ياحسين وأعمل ياحسين وأكنس ياحسين وفي الاخر كمان مش عاجب مرات أبوه بتضربهم كل شويه وتمر الايام وحسين يوم عن يوم بيكبر وبيحكي لتامر كل اللي بيحصل وتامر مش مصدق نفسه طبعا من اللي بيسمعه
كبر حسين ودخل ثانوي بس فني وأشتغل وبقي راجل ماشاء الله
بس منين ياحصره مرات أبوه كلمت أبو حسين هو بياكل وبيشرب كده ببلاش ولا أحنا بنربيهم لله ولا أمهم ترميهم وأنا فتحتها ملجئ
حسين يشتغل وأبوه ياخد منه الفلوس
ومفيش حاجه أسمها يخرج مع أصحابه ولا الكلام ده كله يعني حبس حبس حبس
ياعيني العيال أتعذبت علي الاخر حسين أخد الدبلوم وقرب يشوف الجيش المهم جه اليوم اللي هياخد فيه قرار
أخد محمد أخوه وسافر عند أمه وأستقر هناك وبقي بيشتغل وبيصرف علي أخواته وأمه أشرف ليه من العيشه مع أبوه
أبو حسين بعد ما كان حسين سنده وهوا اللي في دهره مشي حسين ومحمد كمان وأصبح مفيش الا 3 عيال صغيرين مش هيشتغلوا ولا ليهم لازمه
تعب أبو حسين علي الاخر وحاول يرجع أولاده لكن علي مين كفايه العزاب اللي شفناه من مراتك الجديده وانت بتصدقها وواقف تتفرج ولا وكمان كنت بتضربنا
كنت فين لما كانت بتعذب فينا
كنت فين لما كانت مش بتوكلنا من الاكل اللي بتاكلوا منه
كنت فين لما كانت بتفضل ولادها علينا
كنت فين لما كانت بتخلي أعفص عيل في ولادها يضربني بالقلم
كنت فين من زمان يابابا
جاي دلوقتي وتحس بيا وياريتك حسيت أني أبنك من زمان أنت عايزين دلوقتي عشان مصلحتك وبس
انا مش راجع خالص وانا كده مرتاح أنا صبرت كتير
وشكرا ليك ياأبو حسين علي اللي عملتوه فيا انا واخويا
أبو حسين تعب زياده وأصبح السرير مكانه وبقي بيندم ويقول ياريت لكن بعد ايه يا ابو حسين؟
أنتهت
القصه خياليه ولكنها تعبر عن الواقع
بيحصل أكتر من كده واللي يعيش ياما يشوف بجد
يسمح بالنشر مع ذكر المصدر
تحياتي
كريم ماضي
والسلام عليكم ورحمة الله وبركاته
السلام عليكم ورحمة الله وبركاته
أستكمالا لسلسلة أبناء وأباء
كان الموضوع الاول بعنوان (أطلع بره يا أبن الك....................... (You can see links before reply))
اليوم سنتكلم في مشكله جديده تحدث كثير بين الاب وأبنه وهذه المره يوجد عنصر جديد
يعني بأختصار (أبويا أتجوز علي أمي )
ويلا نشوف حسين ومحمد ايه اللي حصل لهم
تامر بيحكي لنا أنه كان يعرف واحد صاحبه أسمه حسين
حسين ده بقي ليه أخ أسمه محمد المهم عايشين حياتهم تمام وكله فل والحمد لله اللهم لا حسد ياعم
في يوم حسين بيفضفض لتامر وقاله أن فيه مشاكل جامده بين والده ووالدته وأن والده متسرع جدا وكل حلفاناته بالطلاق علي الفاضي والمليان وربنا يستر وتعدي علي خير
وبعد أسبوع حسين قاعد حزين والدموع ماليه العين
تامر قاله مالك ياحسين وطبعا حسين من الصدمه مش قادر يتكلم ولا عارف يرد ولا يقول حاجه خالص المهم تامر فضل وراه لحد ما هدي شويه وقاله مالك فضفض قولي في ايه اللي حصل خير ياحسين قاله حسين أبويا طلق أمي ياتامر
تامر فضل يهدي فيه ويقوله ياعم أن شاء الله أنا هخلي أبويا يتدخل ويرجعوا لبعض ان شاء الله خير ياحسين ماتزعلش نفسك خالص كل مشكله وليها حل
المهم حسين رد عليه وقاله المشكله دي الوحيده اللي ملهاش حل خالص لانها الطلقه الاخيره دول أصلا مطلقين من زمان أصل أبويا كل حلفاناته طلاقات علي الفاضي والمليان
تامر قاله وأيه الحل
حسين مفيش حل يعني أروح أقعد مع أمي وأنا بدرس ولا أقعد مع أبويا
المهم حسين قعد مع أبوه كان ساعيتها في خامسه أبتدائي وأخوه محمد في تالته أبتدائي
ومرت الايام وحسين سمع أن أبوه بيدور علي عروسه والامر بالنسبه لحسين أصبح عادي جدا بل فرح أن فيه واحده هتيجي البيت عشان هوا اللي بيغسل وبيطبخ وبيكنس وبيمسح وبيعمل كل حاجه
ابو حسين أتجوز والحمد لله وكله تمام وجات بقي زوجة أبو حسين
واد ياحسين أنت ياواد ياحسين
حسين قالها أيوه أيوه فيه أيه
قالت له أنت ياروح أمك بتقولي فيه أيه ومسكت سلك كهربا وضربته بيه وقالت له قلت أدب
روح ياض السوق وأشتري كرنب وهات نص كيلو لحمه
حسين قال لها حاضر
وهو ماشي بيكلم نفسه ياخرابي ياحسين نصف كيلو لحمه ده أيه ده أبويا لوحده مش هيكفيه
المهم راح جاب ورجع وزوجة أبوه ضربته بالقلم قالت له بعد كده لما أبعتك مشوار ترجع لي بسرعه
خد أعمل الكرنب وقيد علي اللحمه بسرعه
حسين قالها حاضر المهم حسين عمل الاكل وأبوه شرف
راحت مراته الجديده بقي نزلت لها دمعتين وقالت له أنا بجهز لك الاكل والعيال غلبوني ومش بيسمعوا كلامي
طبعا سي السيد أتنفخ علي الاخر والحجه لسه عروسه جديده بيوريها رجولتها راح ناده أولاده تعالي ياض أنت وهوا المهم أخدوا علقه محترمه
وساعت الاكل ياعيني العيال مش هتاكل معاهم أه صحيح مفيش دم مش دول عرسان
كان فيه فول أكله فول الحمد لله أحسن من مفيش أستحمل ياحسين
وكل الايام من ده أغسل ياحسين وأعمل ياحسين وأكنس ياحسين وفي الاخر كمان مش عاجب مرات أبوه بتضربهم كل شويه وتمر الايام وحسين يوم عن يوم بيكبر وبيحكي لتامر كل اللي بيحصل وتامر مش مصدق نفسه طبعا من اللي بيسمعه
كبر حسين ودخل ثانوي بس فني وأشتغل وبقي راجل ماشاء الله
بس منين ياحصره مرات أبوه كلمت أبو حسين هو بياكل وبيشرب كده ببلاش ولا أحنا بنربيهم لله ولا أمهم ترميهم وأنا فتحتها ملجئ
حسين يشتغل وأبوه ياخد منه الفلوس
ومفيش حاجه أسمها يخرج مع أصحابه ولا الكلام ده كله يعني حبس حبس حبس
ياعيني العيال أتعذبت علي الاخر حسين أخد الدبلوم وقرب يشوف الجيش المهم جه اليوم اللي هياخد فيه قرار
أخد محمد أخوه وسافر عند أمه وأستقر هناك وبقي بيشتغل وبيصرف علي أخواته وأمه أشرف ليه من العيشه مع أبوه
أبو حسين بعد ما كان حسين سنده وهوا اللي في دهره مشي حسين ومحمد كمان وأصبح مفيش الا 3 عيال صغيرين مش هيشتغلوا ولا ليهم لازمه
تعب أبو حسين علي الاخر وحاول يرجع أولاده لكن علي مين كفايه العزاب اللي شفناه من مراتك الجديده وانت بتصدقها وواقف تتفرج ولا وكمان كنت بتضربنا
كنت فين لما كانت بتعذب فينا
كنت فين لما كانت مش بتوكلنا من الاكل اللي بتاكلوا منه
كنت فين لما كانت بتفضل ولادها علينا
كنت فين لما كانت بتخلي أعفص عيل في ولادها يضربني بالقلم
كنت فين من زمان يابابا
جاي دلوقتي وتحس بيا وياريتك حسيت أني أبنك من زمان أنت عايزين دلوقتي عشان مصلحتك وبس
انا مش راجع خالص وانا كده مرتاح أنا صبرت كتير
وشكرا ليك ياأبو حسين علي اللي عملتوه فيا انا واخويا
أبو حسين تعب زياده وأصبح السرير مكانه وبقي بيندم ويقول ياريت لكن بعد ايه يا ابو حسين؟
أنتهت
القصه خياليه ولكنها تعبر عن الواقع
بيحصل أكتر من كده واللي يعيش ياما يشوف بجد
يسمح بالنشر مع ذكر المصدر
تحياتي
كريم ماضي
والسلام عليكم ورحمة الله وبركاته