المساعد الشخصي الرقمي

مشاهدة النسخة كاملة : بريد الاعضاء.......... ارسل رسالة لضفنا ؟


المجاهد فى سبيل الله
17-11-2009, 01:36 AM
السلام عليكم ورحمة الله وبركاته
اخوانى و اخواتى فى الله.......
طبعا انا عارف انكم حتقولوا على الفكرة بتاعت النهارده انها شريرة
بس هى فعلا شريره
هى بصراحة انا شوفتها فى منتدى تانى و عجبتنى وكررت انى انفذها هنا
ايه رائيكم يكون الموضوع دا بريد العضو
بمعنى ايه
اننا حنستضيف عضو وكل عضو يدخل يساله سؤال و تحت كل سؤال يسبله رسالة عايز وجهها للعضو دا
ودا الجديد فى فكرتى بخلاف الموضوع الى شوفته
يعنى الموضوع دا برييييد الاعضاء
للضيف بتعنا
الضيف بتعنا حيقعد ثلاث ايام فقط
و نختار غيره
ايه رائيكم ؟
موافقين طبعا هو حد يقدر يقول حاجه ولا ايه
قولهم يا عز قولهم يا استاذ شريف شكلهم لسه مشفوش المجاهد
يلا نبدء
و حيكون اول ضيف معانا
اختنا



الاستاذة






الى بجد بعزها جدا






علما انها اصلا متعرفنيش










اختنا










امل لاشين
شريف
17-11-2009, 03:35 AM
فكرة في الجون يا احمد ... و حتي الاختيار كمان في الجون
يبقا كده اتنين صفر ... يعني هنروح السودان ان شاء الله :)
ــــــــ
السؤال : ايه أكتر موقف غريب عملتيه في حياتك ... و بعد ما عملتيه قولتي لنفسك أنا ازاي عملت كده ؟

الرسالة : ابعث لأمل لاشين برسالة رقيقة ... أبلغها حب الجميع لها هنا ... فهي شخصية تحظي باحترام و تقدير و حب الجميع فعلا بدون مجاملة ... فهي قمة في الذوق و الاحترام و الروح الجميلة و البشاشة و حب الحياة
و اهدي لها هذه الباقة من الورود

You can see links before reply
كريم ماضي
17-11-2009, 09:35 AM
موضوع مش بطال يا احمد
هههههههههه

أختيار جميل جدا


هل أنتي هادئه؟


رساله بسيطه الي أستاذتي الغاليه
جميعا نعلم جهودك بالموقع فأنتي هنا كالجندي المجهول الذي يعمل في صمت فجزاكم الله عنا كل الخير وجعل الله هذا العمل في ميزان حسناتكم أن شاء الله
والسلام عليكم ورحمة الله وبركاته
dream
17-11-2009, 10:12 AM
موضوع جميل من سلسلة مواضيعك

التعطى تواصل مستمر للاعضاء
وتجمعهم على الخير

سلمت يديك يا احمد

واختيار موفق لشخصية جميلة

السؤال:
امل اكيد كلها امل فى بكرة

ياترى ما هو املك فى الحياة؟

الرسالة:

احبك فى الله
المجاهد فى سبيل الله
17-11-2009, 02:52 PM
على فكرة انا فكرت ان اول ضيف يكون الاستاذ و سية
بس قولت نخلى فى الفكرة جديد وهو طرح السؤال و الاستاذ و سية مش حيجاوب لانه غائب حاضر فى قلوبنا
7asnaa kareem
17-11-2009, 03:26 PM
استاذه أمل مرحبا بك
سؤالى هو

إمتى حسيتى إن روحك بتوجعك؟؟؟؟؟؟؟؟؟؟
امل لاشين
17-11-2009, 04:29 PM
السلام عليكم ورحمة الله وبركاته


اخوانى و اخواتى فى الله.......
طبعا انا عارف انكم حتقولوا على الفكرة بتاعت النهارده انها شريرة
بس هى فعلا شريره

لالالالالالالالالا ....خالص ولاشريره ولاحاجه ...:)

هى بصراحة انا شوفتها فى منتدى تانى و عجبتنى وكررت انى انفذها هنا
ايه رائيكم يكون الموضوع دا بريد العضو
بمعنى ايه
اننا حنستضيف عضو وكل عضو يدخل يساله سؤال و تحت كل سؤال يسبله رسالة عايز وجهها للعضو دا
ودا الجديد فى فكرتى بخلاف الموضوع الى شوفته
يعنى الموضوع دا برييييد الاعضاء
للضيف بتعنا
الضيف بتعنا حيقعد ثلاث ايام فقط
و نختار غيره
ايه رائيكم ؟
موافقين طبعا هو حد يقدر يقول حاجه ولا ايه
قولهم يا عز قولهم يا استاذ شريف شكلهم لسه مشفوش المجاهد
يلا نبدء
و حيكون اول ضيف معانا
اختنا




الاستاذة







الى بجد بعزها جدا




علما انها اصلا متعرفنيش



لالالا طبعا اعرفك ..لان شخصيتك واسلوبك

واضحين جداااا من مواضيعك... بجد شخصيه جديره بالاحترام..





اختنا







امل لاشين





بجد موضوع جميل جداااا يااحمد ...وسعيده باختيارك جداااااااا

وسعيده اكتر بكل من شارك في الموضوع

برساله جميله .. وسؤال؟؟؟

واوعد بالرد ...في دوري

لكن

انا بتنازل عن دوري في الموضوع ......

بناء علي رغبه ....مسيو وليد عسكر
شريف
20-11-2009, 05:47 AM
انا بتنازل عن دوري في الموضوع ......

بناء علي رغبه ....مسيو وليد عسكر


لالالا
مافيش حاجة اسمها تنازل
و بعدين مسيو وليد ماكانتش رغبته انك تتنازلي عن دورك يا أمل
انسي خالص انك تتنازلي
و بعدين رسالة مسيو وليد اكيد وصلت خلاص لمستر وسية
هوا حب بس يبعت رسالة في النص كده لحبيبنا كلنا عشان الغربة
بس هنكمل الموضوع التحفة ده عادي جدا
ياللا بقا
بناءا علي طلب الجماهير و الناس اللي سألوكي
و بعتولك رسايل
ياريت تردي علي الاسئلة من الاول
و تقبلي مني هديتي المتواضعة
بوكيه الورد
دانا جايبه بالشئ الفولاني
هتسيبيه كده لحد ما يدبل؟؟؟؟
طب هاتي تمنه طيب :)
امل لاشين
20-11-2009, 06:05 AM
لالالا
مافيش حاجة اسمها تنازل
و بعدين مسيو وليد ماكانتش رغبته انك تتنازلي عن دورك يا أمل
انسي خالص انك تتنازلي
و بعدين رسالة مسيو وليد اكيد وصلت خلاص لمستر وسية
هوا حب بس يبعت رسالة في النص كده لحبيبنا كلنا عشان الغربة
بس هنكمل الموضوع التحفة ده عادي جدا
ياللا بقا
بناءا علي طلب الجماهير و الناس اللي سألوكي
و بعتولك رسايل
ياريت تردي علي الاسئلة من الاول
و تقبلي مني هديتي المتواضعة
بوكيه الورد
دانا جايبه بالشئ الفولاني
هتسيبيه كده لحد ما يدبل؟؟؟؟
طب هاتي تمنه طيب :)[/center]



والله من الشرف ليه ان ارد عليكم ...


وميرسي ياشريف علي الورد الجميل ...


ومقدرشي اسيبه يدبل استحاله ..:)


ومفيش اعتذار وهكمل .....
نعمه محمود
20-11-2009, 06:14 AM
كويس اوى انكم استأنفتوا الموضوع
اهلا بيك يا أمل وطبعا كالعادة منورة ياجميلة.0
الرسالة لو كل الناس في طيبة قلبك كانت حاجات كتير اتغيرت
السؤال اكيد اتعلمتى او اكتسبتى خبرات كتير من النت , محسيتيش ان من بين الخبرات اللي لازم تتوفر عندك انك تكونى شريرة؟؟
امل لاشين
20-11-2009, 06:15 AM
السؤال : ايه أكتر موقف غريب عملتيه في حياتك ... و بعد ما عملتيه قولتي لنفسك أنا ازاي عملت كده ؟

اختي كانت المفروض تسافر اسكندريه ..والسواق لم يحضر ..شجعتها علي السفر وهي تسوق وقلتلها انا معاكي ...وبعدين سافرنا الساعه 12 كنت في اسكندريه 2.30..وبعد ماوصلنا قضيت ساعتين علي كوبري ستانلي
وشفت الشروق في القلعه ..والساعه 6.30 ركبت بيجو ورجعت علي الزقازيق ..وقتها قلت ايه اللي عملته في نفسي :28: وكنت راكبه مع سواق ناسي انه راكب عربيه فاكره طياره ..
لكن بجد ياشريف كانوا اجمل واغرب اربع ساعات في اسكندريه..

الرسالة : ابعث لأمل لاشين برسالة رقيقة ... أبلغها حب الجميع لها هنا ... فهي شخصية تحظي باحترام و تقدير و حب الجميع فعلا بدون مجاملة ... فهي قمة في الذوق و الاحترام و الروح الجميلة و البشاشة و حب الحياة
و اهدي لها هذه الباقة من الورود


You can see links before reply



وانا كمان بجد بحب وبحترم الجميع وسعيده

اني معاهم ...

وميرسي بجد ياشريف ..علي الورد الجميل ..

وعلي الرساله الاجمل ....
امل لاشين
20-11-2009, 06:28 AM
موضوع مش بطال يا احمد

هههههههههه


أختيار جميل جدا


ميرسي جداا جداااا يا كريم


هل أنتي هادئه؟

بصراحه ياكريم....ممكن اقول نصف نصف ...لكن لما ااعوز حاجه ...

استحاله اكون هاديه .....ولازم يتم او انفز ما اريده ..


رساله بسيطه الي أستاذتي الغاليه
جميعا نعلم جهودك بالموقع فأنتي هنا كالجندي المجهول الذي يعمل في صمت فجزاكم الله عنا كل الخير وجعل الله هذا العمل في ميزان حسناتكم أن شاء الله
والسلام عليكم ورحمة الله وبركاته



ميرسي ياكريم جدااااا...

وانت مثال للمشرف السوبر ..

وكمل موضوع البرلمان ...:friendsxs3:

وربنا يوفقك دائما ..
مسيو وليد عسكر
20-11-2009, 11:44 AM
انا بعتذر للاخت امل عن سوء فهمي للموضوع لاني في البداية اعتقدت انها رساله لشخص انا اللي بختاره فعفوا لردي الغير مقصود هحذفه الان ورسالتي للانسانة الفاضلة امل :00عفا الله عما سلف ))
امل لاشين
20-11-2009, 02:08 PM
السؤال:
امل اكيد كلها امل فى بكرة


ياترى ما هو املك فى الحياة؟

انا فكرت كتير في كده لقيت ان في اكتر من امل
نفسي احققه ..لكن لقيت انا اكتر حاجه اتمناه ان ربنا يرضي عني
وساعتها هكون حققت كل ما اتمناه ...


الرسالة:


احبك فى الله





وانا كمان يا احلام بحبك في الله .....

وميرسي جدا علي كلامك الجميل...
امل لاشين
20-11-2009, 02:15 PM
استاذه أمل مرحبا بك

سؤالى هو



إمتى حسيتى إن روحك بتوجعك؟؟؟؟؟؟؟؟؟؟




بجد سؤال محيرلكن اللي اقدر اقوله ان..

الروح بتتالم عند فراق اغلي الناس الي قلبي...

وايضا لما تلاقي من يؤلمك اقرب الناس ..

واهلا بيكي يا حسناء ...
Blanche Neige
20-11-2009, 02:21 PM
استاذه امل لاشين من اهم واحسن الاعضاء
بالمنتدى وواحده من الذين نعتز بهم ونقدرهم جميعا
وهى شخصيه جديره بكل الحب والاحترام
وتستحق كل الخير الذى فى الدنيا وفى الآخره ايضا

السؤال :- ما هو اكثر حلم تتنمة تحقيقه ؟

الرسالة :- يعلم الله انى احبك فالله واحترمك واقدرك وانتى قريبه الى قلبى حتى عن بعد
والله على ما اقول شهيد
امل لاشين
20-11-2009, 02:24 PM
كويس اوى انكم استأنفتوا الموضوع
اهلا بيك يا أمل وطبعا كالعادة منورة ياجميلة.0
الرسالة لو كل الناس في طيبة قلبك كانت حاجات كتير اتغيرت

ميرسي يا نعمه اوي ..

السؤال اكيد اتعلمتى او اكتسبتى خبرات كتير من النت , محسيتيش ان من بين الخبرات اللي لازم تتوفر عندك انك تكونى شريرة؟؟



انا فعلا يانعمه اتعلمت كتير علي النت ..

واكتر حاجه اتعلمتها ..ان النت لا يختلف عن الواقع ..

وعلشان كده لازم كمان اكون انا بشخصيتي .

وليس شخص اخر مجهول غير محدد الملامح ..

لان عالم النت مهما طال الخداع فيه ..اكيد بيجي وقت ويظهر علي حقيقته .

وبالنسبه للشر موجود يانعمه متقلقيش ...:):)
امل لاشين
20-11-2009, 06:54 PM
انا بعتذر للاخت امل عن سوء فهمي للموضوع لاني في البداية اعتقدت انها رساله لشخص انا اللي بختاره فعفوا لردي الغير مقصود هحذفه الان ورسالتي للانسانة الفاضلة امل :00عفا الله عما سلف ))



حصل خير يا وليد ..احنا اخوات ومفيش بينا اعتذار ..

وبخصوص عفا الله عما سلف ...افكر فيها ..:):friendsxs3:

وميرسي جدااااا يا وليد علي مرورك بالموضوع..
امل لاشين
20-11-2009, 07:03 PM
استاذه امل لاشين من اهم واحسن الاعضاء

بالمنتدى وواحده من الذين نعتز بهم ونقدرهم جميعا
وهى شخصيه جديره بكل الحب والاحترام
وتستحق كل الخير الذى فى الدنيا وفى الآخره ايضا

ميرسي جداااا علي الكلام الجميل ....



السؤال :- ما هو اكثر حلم تتنمة تحقيقه ؟

هو الحلم اللي اتمني تحقيقه بجد الان اني اخلص الدبلومه ..
واستمر في النجاح في شغلي من غير ما يتاثر بالدراسه ..




الرسالة :- يعلم الله انى احبك فالله واحترمك واقدرك وانتى قريبه الى قلبى حتى عن بعد

والله على ما اقول شهيد




ميرسي جدااااا .يا استاذه اميره ...علي الرساله الجميله ..

وصدقيني الحب في الله هو اللي دايما مجمعنا ..

وربنا يجمعنا دايما في الخير .....
المجاهد فى سبيل الله
22-11-2009, 12:58 PM
جزاك الله خيرا استاذه امل
حقيقى اجاباتك و الرسايل الى ارسلت بجد جميلة جدا
و النهارده حنستانف الموضوع
وحيكون معانا ضيف جديد
نرسله رسايل حب او عتاب او نصيحة و نختمها بسؤال
معانا
النهارده






الى هو دوقتى يعنى








معانا











الاستاذ












اخونا










وحببنا











الاستاذ











الى بجد بعتز بيه جدا










وبروحه الطيبة المرحة










الى مش بيسيب موضوع الا والاقى اسمه منور فيه























معانا الاستاذ شريف
شمس بياض
22-11-2009, 01:33 PM
جزاك الله خيرا استاذه امل


حقيقى اجاباتك و الرسايل الى ارسلت بجد جميلة جدا
و النهارده حنستانف الموضوع
وحيكون معانا ضيف جديد
نرسله رسايل حب او عتاب او نصيحة و نختمها بسؤال
معانا
النهارده







الى هو دوقتى يعنى









معانا












الاستاذ













اخونا











وحببنا












الاستاذ












الى بجد بعتز بيه جدا











وبروحه الطيبة المرحة











الى مش بيسيب موضوع الا والاقى اسمه منور فيه
























معانا الاستاذ شريف



اهلا بالنمر
اهلا باخى المبدع

المبتكر

سؤال غتيت شويه
كنت ماسك فى ايدك وردة حمرا جميله قوى
وعمال تدور على عضوفى
منتدانا تعطيها له
ياترى اقدر اعرف مين هو هذا العضو؟؟
مين؟
الرساله
بقى دعوة فى ايام مفترجه زى دى من اخت
تقدركم
اسال الله لكم
زوجه (سويه) معلهش يا ياسمينه القافيه حكمت بقى انت ست الستات وعيشه رغده هنيه وابناء متربيه وفيلا وعربيه ويجمعنا الله والمسلمين فى جنة الخلد مع الانبياء والاوليا:18:
Blanche Neige
22-11-2009, 06:04 PM
جزاك الله خيرا استاذه امل


حقيقى اجاباتك و الرسايل الى ارسلت بجد جميلة جدا
و النهارده حنستانف الموضوع
وحيكون معانا ضيف جديد
نرسله رسايل حب او عتاب او نصيحة و نختمها بسؤال
معانا
النهارده



الى هو دوقتى يعنى



معانا




الاستاذ




اخونا



وحببنا




الاستاذ



الى بجد بعتز بيه جدا



وبروحه الطيبة المرحة



الى مش بيسيب موضوع الا والاقى اسمه منور فيه




معانا الاستاذ شريف






أهلا ... أهلا مستر شريف
والله منور يافندم
وفعلا بجد أحمد عنده حق انك حد
طيب جداااا وروحك مرحه كتيييييير واضيف على
ده كمان انك مبدع وعبقرى سواء فى موضوعاتك أو فى ردودك
شكلا وموضوعا بس بيعيبك التسرع فى بعض الاحيان
أسأك الله لك ولى وللمسلمين جميعا الهدايه والتوفيق فى كل شئ ان شاء الله

السؤال :- متى يحاسب شريف نفسه ويكون قاسى عليها جداااااا ؟؟؟؟؟
:16:

الرسالة :- اتمنى لك كل خير الدنيا والاخره وان يهديك الله للخير ولما يحبه ويرضاه

وأسألك التأنى فى كل شئ وعدم المبالغة فى أى شئ فحالة الوسط والاعتدال هى خير حاله
يكون عليها الانسان فقد قال رسولنا الكريم صلى الله عليه وسلم
" خير الأمور الوسط "
وأخيراً اتمنى انى لا أكون اطلت عليك وياريت تقبل مرورى
المجاهد فى سبيل الله
22-11-2009, 06:59 PM
استاذ شريف طبعا رسلتى
انى اشهد الله انى احبك فى الله
وانى بجد حبيت فيك روحك العالية بجد
و سؤالى
من وجهت نظر استاذ شريف السياسية المحنكه
ايه الحل فى قضية مصر و الجزائر ؟ ازاى نحل المشكلة القائمة دوقتى
شريف
22-11-2009, 07:19 PM
الي المجاهد في سبيل الله : الف شكر ليك يا احمد علي اختيارك لي و كلماتك الجميلة
تسلم يا حبيبي
ـــــــــــــــــــــــــــــــــــ
إلي اختي العزيزة نور : مش عارف اشكرك ازاي يا غالية علي كلماتك
تسلم ايدك ... علي دعوتك الجميلة .... ربنا ما يحرمنا منك
اما بخصوص سؤالك : فالوردة الحمراء أرسلها الي كل القريبين من قلبي
ــــــــــــــــــــــــــ
عزيزتي أميرة : شكرا جزيلا علي كلماتك الرائعة
و لأ أنكر انني أتسرع في بعض الاحيان عندما يقترب أحد من الحدود الدولية لكرامتي
و أحيانا لا اندم علي هذا التسرع .... و لكن عموما طبعا التسرع صفة مطلوب تغييرها ...
و اعتقد انها عندي بنسبة متوسطة عادية مثل كل البشر غير مبالغ فيها .... في الطبيعي يعني
فقد اكتب كلمات يظن البعض انها نوع من انواع التهور و التسرع .... و لكني أقصدها و أعيها تماما
فالأمر نسبي الي حد ما
أما بخصوص المبالغة ... فأنا لا اعتقد ذلك... و لا اعتقد انني احب المبالغة ... بالعكس اكرهها جدا .... فأنا اعبر عما بداخلي بكل امانة
و لا استطيع اان اتكلم بغير ما اشعر فهذه ليست طباعي
شكرا علي رسائلكم جميعا و اهتمامكم
تسلم ايدكم و ربنا ما يحرمني منكم
دعاء شديد
22-11-2009, 07:59 PM
شريف
شوف انا سؤالى بسيط جدا
لو طلبت منك تتخيل ... ايه اول خيال هيجى على بالك؟


اما الرساله فغير تقليدية


You can see links before reply 3227659CE4F010B1E30A760B0D811297
دعاء شديد
22-11-2009, 08:31 PM
امولا
معلش انى اتأخرت عليكى ... سؤالى
ايه الحاجة الي عايزه تغيريها حواليكى ؟

والرساله

You can see links before reply
امل لاشين
22-11-2009, 09:29 PM
اختيار طبعا جميل يا احمد ..

السؤال ...ياتري تحب تعمل ايه دلوقتي حااالا ؟؟وتحب تفطر ايه .. ؟؟:)

الرساله ..

شريف.. انت فعلا شخصيه مميزة في ارائك وكتاباتك ...

وانا عن نفسي بيعجبني طريقه تناولك

لاي موضوع تناقشه ..وانت حقيقي دبلوماسي جداااااا...

واخ بجد لكل عضو او عضوه في المنتدي

وبجد سعيده بمعرفتك .......وفي النهايه بهديك هذه الورده .....

هي صحيح ورده واحده ...

لكن تكفي لايصال كل المعاني الجميله .....لانسان فعلا مميز .

ربنا يوفقك دائما ...


You can see links before reply
شريف
23-11-2009, 09:52 AM
استاذ شريف طبعا رسلتى
انى اشهد الله انى احبك فى الله
وانى بجد حبيت فيك روحك العالية بجد
و سؤالى
من وجهت نظر استاذ شريف السياسية المحنكه
ايه الحل فى قضية مصر و الجزائر ؟ ازاى نحل المشكلة القائمة دوقتى
أحبك الله الذي أحببتني فيه
ربنا يعزك يا احمد و يبارك في صحتك
انت انسان عزيز جدا عليا و الله و كنت اتمني يبقا ليا اخ زيك
بشكرا جدا اولا علي موضوعاتك الروعة في المنتدي الشبابية اللذيذة
و ثانيا علي كلماتك الجميلة اللي أسعدتني جدا

أما سؤالك
فأقول : كفوا أيديكم
كفوا أيديكم يا مصريين
و كفوا أيديكم يا جزائريين
مهما حدث ... سوف نأخذ حقنا نعم و لكن من أخوتنا
كفوا أيديكم يا عرب و التفتوا إلي تسعمائة عمارة جديدة ستم بنائها بجوار المسجد الاقصي
كفوا أيديكم علي بعضكم البعض و أرسلوها إلي عدو الله الذي يحفر تحت المسجد الاقصي
شريف
23-11-2009, 10:19 AM
شريف

شوف انا سؤالى بسيط جدا
لو طلبت منك تتخيل ... ايه اول خيال هيجى على بالك؟

مركب في البحر لمدة شهر
عليها كل اعضاء بوابة التعليم المصري
مع كابتن مجنون
و طاقم مهيس:)


اما الرساله فغير تقليدية


You can see links before reply 3227659CE4F010B1E30A760B0D811297


You can see links before reply
مسيو وليد عسكر
23-11-2009, 10:22 AM
يا اهلا بالغالي شريف
السؤال :من المرأة التي ابكت شريف من القلب؟
الرسالة:نحبك في الله
شريف
23-11-2009, 10:23 AM
اختيار طبعا جميل يا احمد ..


السؤال ...ياتري تحب تعمل ايه دلوقتي حااالا ؟؟وتحب تفطر ايه .. ؟؟:)


أحب أهديكي أجمل هدية علي كلامك الرائع يا امل
اللي أسعدني جدا
و أحب افطر مونبار و لسان و لحمة راس مع قليل من شوربة الكوارع
شريف
23-11-2009, 10:28 AM
السؤال :من المرأة التي ابكت شريف من القلب؟

لن أقولك لك أبكتني امرأة أحبها !!
فمن تلك المرأة التي تستحق دموع رجل ؟ !
و لكن المرأة الوحيدة التي تستطيع أن تنتزع من جوف عيني أنهار من الدموع
هي الغالية الحبيبة أمي عندما أراها مريضة
و حينها يكون الدمع هينا أما ما في القلب من عذاب و ألم


الرسالة:نحبك في الله

أحلي رسالة من أغلي صديق
سلمت من كل أذي
مسيو وليد عسكر
23-11-2009, 10:28 AM
و أحب افطر مونبار و لسان و لحمة راس مع قليل من شوربة الكوارع
[/center]
ههههههههههههه
اشمعني الشوربة اللي قليل
ماتجيش علي نفسك كده يا عم شريف احنا محتاجينك:)
قولك علي حاجة علشان الاصطباحة تكمل
احنا نجيبلك بقرة وتقطع فيها براحتك....وتعيش مع نفسك اليوم كله:)
Blanche Neige
23-11-2009, 04:14 PM
عزيزتي أميرة : شكرا جزيلا علي كلماتك الرائعة
و لأ أنكر انني أتسرع في بعض الاحيان عندما يقترب أحد من الحدود الدولية لكرامتي
و أحيانا لا اندم علي هذا التسرع .... و لكن عموما طبعا التسرع صفة مطلوب تغييرها ...
و اعتقد انها عندي بنسبة متوسطة عادية مثل كل البشر غير مبالغ فيها .... في الطبيعي يعني
فقد اكتب كلمات يظن البعض انها نوع من انواع التهور و التسرع .... و لكني أقصدها و أعيها تماما
فالأمر نسبي الي حد ما
أما بخصوص المبالغة ... فأنا لا اعتقد ذلك... و لا اعتقد انني احب المبالغة ... بالعكس اكرهها جدا .... فأنا اعبر عما بداخلي بكل امانة
و لا استطيع اان اتكلم بغير ما اشعر فهذه ليست طباعي
شكرا علي رسائلكم جميعا و اهتمامكم

تسلم ايدكم و ربنا ما يحرمني منكم





طبعا باشكرك جدااا ياشريف على كلامك
وعلى صراحتك المعهودة ودى حاجه اكيد مش غريبة ولا جديدة عليك
بالعكس اتعودنا منك دائما على هذه الصراحه
بس على فكره ياشريف
انت مش جاوبت على سؤالى لسه اللى هوه

متى يحاسب شريف نفسه ويكون قاسى عليها جدااااااااااا؟
امل لاشين
24-11-2009, 12:22 AM
امولا

معلش انى اتأخرت عليكى ... سؤالى


ولا يهمك ياجميل ..

ايه الحاجة الي عايزه تغيريها حواليكى ؟

عارفه لو عندي امكانيه التغير فعلا يادودو ...هغير كتير اوي في حياتي ...

مش علشان عدم رضا ...لالالالا الحمدلله ..

ولكن بجد التغير مفيد دائمااااااا..




والرساله



You can see links before reply



You can see links before reply
المجاهد فى سبيل الله
25-11-2009, 01:52 PM
جزاك الله خيرا
استاذ شريف
وربنا يارب يشفى لك زوجتك
و تنعم بها ومعها بحياة طويلة وسعيده
ومعانا
النهارده عضوه جديده



هى كبيرة
بكلامها





وكبيرة باسلوبها







لها كلمات ليست كاى كلام






ولها طلعات كتير بحس انها مثقفه جدا









وكتير بحس انها حتهوسنا قريب











بالحج مهند









طبعا كدا انتم عرفتوها









ضفتنا النهارده الاخت














قال يعنى انتم لسه معرفتهاش








انزل كمان














انزل كمان دا مش اسمها على فكرة









هى





اختنا






















حسناء كريم
7asnaa kareem
امل لاشين
26-11-2009, 12:09 AM
هى


اختنا


حسناء كريم
7asnaa kareem





هي فعلا اختنا .ازيك ياحسناء ..

السؤال ...بمناسبه العيد احكيلنا بتقضيه ازاي .....وقولي عن اطرف موقف

حصلك في العيد ولا تنسيه ؟؟؟؟؟


الرساله ..

كل سنه وانتي طيبه يا حسناء..وعيد مبارك عليكي

وللاسره الكريمه ...:38::38:
دعاء شديد
26-11-2009, 12:51 AM
حسناء كريم

رسالتى
بجد انت اكتشاف من اكتشافات المنتدى
التى لن تنضب ... لك اسلوب مميز وثابت
لك حضور ... بجد بتنورى المتواجدون الآآآآآآآآآآآآآآآآن
وعلى فكرة اسمك ... رناااااااااان

السؤال
ايه موضوع رساله الماجستير الي بتحضريه ؟؟؟؟؟
المجاهد فى سبيل الله
26-11-2009, 02:28 AM
رسالتى لكى
كل سنه وانتى طيبة
وبجد انتى كا الفراشة فى المنتدى
مفيش قسم الا و بلاقى فيه بصمتك
بجد جزاكى الله كل خير
اما سؤالى بما ان فيها ماجستير
ها ناوية تفرحينا بيكى امته كان فى رد لحضرتك انك مخطوبة
ها حنحضر الفرح امته ان شاء الله ؟
ولا انتى ناوية مش تعزمينا
شريف
26-11-2009, 06:46 PM
السؤال :- متى يحاسب شريف نفسه ويكون قاسى عليها جداااااا ؟؟؟؟؟


الحمد لله كتير جدا بحاسب نفسي
و أحيانا ببقا قاسي لدرجة ان قسوتي بتبقا أكبر بكتير من الغلط نفسه اللي وقعت فيه
بدليل اني بعتذر لما بحس اني غلطان
و محاسبة النفس شئ مهم جدا يا أميرة بجد فعلا
و الا الواحد منا هينسي نفسه و يركز بس علي عيوب الناس
مع اني ممكن اكون مليان عيوب
بس السؤال ده قوي اوي
يتقال لرئيس جمهورية مثلا ليه اخطاء كتير
او لوزير مستقيل عامل بلاوي :)
7asnaa kareem
29-11-2009, 01:01 AM
جزاك الله خيرا
استاذ شريف
وربنا يارب يشفى لك زوجتك
و تنعم بها ومعها بحياة طويلة وسعيده
ومعانا
النهارده عضوه جديده



هى كبيرة
بكلامها





وكبيرة باسلوبها







لها كلمات ليست كاى كلام






ولها طلعات كتير بحس انها مثقفه جدا









وكتير بحس انها حتهوسنا قريب











بالحج مهند









طبعا كدا انتم عرفتوها









ضفتنا النهارده الاخت














قال يعنى انتم لسه معرفتهاش








انزل كمان














انزل كمان دا مش اسمها على فكرة









هى





اختنا






















حسناء كريم
7asnaa kareem





والله العظيم انت حرجتنى بذوقك

انا متشكره جدا على التقديمه دى

وبجد انا فى غايه السعاده ان فيه حد اهتم بوجودى فى المنتدى مع ان اشتراكى من فتره صغيره


بشكرك يا احمد جدا على كلامك

اما بالنسبه للحاج مهند " استغفر الله العظيم " فلقد " تبنا الى الله وندمنا على ما فعلنا


طبعا كله بفضل نصايحك
7asnaa kareem
29-11-2009, 01:08 AM
هي فعلا اختنا .ازيك ياحسناء ..

السؤال ...بمناسبه العيد احكيلنا بتقضيه ازاي .....وقولي عن اطرف موقف

حصلك في العيد ولا تنسيه ؟؟؟؟؟


الرساله ..

كل سنه وانتي طيبه يا حسناء..وعيد مبارك عليكي

وللاسره الكريمه ...:38::38:




الحمد لله يا أمل تمام والله

ويااارب تكونى انتى كمان بخير

هتكلم بجد مع انى عندى احساس انى دايما بوصل فكره انى مكتئبه

بس أخر مره حسيت انى عشت فيها معنى العيد " كان من زمااااااااان أوى "

وقت ما كنت صغيره لسه وقرعه لانى ما عنديش ضفاير

ما كانتش الدنيا لا شالت ولا حطت فيا

كان كل حاجه ليها طعم حتى البكا والهزار والالم

رغم الزمن اللى بنعيشه دلوقتى بما فيه من تطورات دايما عندى احساس ان فيه حاجه ناقصه
مش عارفه انا بس اللى كدا ولا دى حاله عامه

والموقف اللى افتكر انه حصلى فى العيد ومش ممكن انساه

كنت شقيه وبتاعه مراجيح
ركبت مرجيحه ذات يوما واتقلبت منها
وعيدت فى الهوسبيتال

بس ما انكرش فضل الدكاتره لولاهم الصراحه كان زمانى فى براسلكو من العالم الاخر

طولت عليكى كدا

ربنا يكرمك يااااارب وتقضى العيد السنه الجايه ان شاء الله فى الحرم
7asnaa kareem
29-11-2009, 01:17 AM
حسناء كريم

رسالتى
بجد انت اكتشاف من اكتشافات المنتدى
التى لن تنضب ... لك اسلوب مميز وثابت
لك حضور ... بجد بتنورى المتواجدون الآآآآآآآآآآآآآآآآن
وعلى فكرة اسمك ... رناااااااااان

السؤال
ايه موضوع رساله الماجستير الي بتحضريه ؟؟؟؟؟



ربنا يخليكى بجد

انا اتعلمت منكم كتييييييييييييييير

واساسا مش من عادتى انى اطول فى اى موقع كدا

دى اول مره اشارك بالطريقه دى


عشان حسيت انه بجد موقع يستاهل

وبجد بغيييييييييييير عليه جدا

ربنا اللى يعلم معزته فى قلبى :6::6:


بالنسبه لرساله الماجستير همى الاكبر موضوعها
"" الشريط الاعلانى وتأثيره على الماده الاعلاميه المقدمه ، عيوبه ، مميزاته ، والمضمون الذى يقدمه "

وربنا يهدى الدكتوووووووووووووووووووووور ويرحمنى عشان تعبت
7asnaa kareem
29-11-2009, 01:19 AM
رسالتى لكى
كل سنه وانتى طيبة
وبجد انتى كا الفراشة فى المنتدى
مفيش قسم الا و بلاقى فيه بصمتك
بجد جزاكى الله كل خير
اما سؤالى بما ان فيها ماجستير
ها ناوية تفرحينا بيكى امته كان فى رد لحضرتك انك مخطوبة
ها حنحضر الفرح امته ان شاء الله ؟
ولا انتى ناوية مش تعزمينا




شكرا يا أحمد
وانا اسفه على التأخير


بخصوص الفرح
خلاص هانت يعنى كلها ايام معدوده ونكتب الكتاب ونعلى الجواب


بالنسبه للعزومه
وبما ان كل المنتدى او معظمه من المنصوره يعنى
هيبقى الحضور سهل جدا

القاعه الملكيه باستاد المنصوره
يعنى دا مبدئيا لو مفيش عقبات
dream
29-11-2009, 09:49 AM
حسناء
رسالتى

انتى نورتى المنتدى

وجملتى اقسامه

سؤالى

ما اقتراحاتك للنهوض بالمنتدى؟
مسيو وليد عسكر
29-11-2009, 10:20 AM
ياهلا وسهلا بيكي يا حسناء نورتي المنتدي كله
*ورسالتي لك بما انك اعلامية هتكون نصيحة أخوية أن تجتهدي في أن تكتبي بالفصحي حتي ولو كان لديكي أخطاء فهذا أفضل من العامية حتي تتمكني تدريجيا من تقديم رسالتك الاعلامية بشكل متميز 0
*وسؤالي لك : كيف علمت بوجود منتدي بوابة التعليم المصري000وأتمني أن تسردي لنا الحكاية من البداية ( بالفصحي ):)0
7asnaa kareem
30-11-2009, 12:38 AM
حسناء
رسالتى

انتى نورتى المنتدى

وجملتى اقسامه

سؤالى

ما اقتراحاتك للنهوض بالمنتدى؟




ربنا يكرمك ياااااارب
المنتدى منور بالمشرفين عليه

بالنسبه للنهوض بالمنتدى فانا قدمت اقتراح لاكثر من شخص هنا ولكن لا مجيب

وكانت فكرتى تقوم على اساس عمل ربط بين مواقع الجامعات" كبدايه " على مستوى الجمهوريه وبين موقع بوابه التعليم المصرى
خصوصا اننا ممكن نستغل الفتره دى " انفلونزا الخنازير " ومحاوله الدوله للحد من التجمعات العدديه الكثيره فى صالح هذا الموقع
حيث تتم الاستفاده من بعض الاقسام المهجوره فى المنتدى وذلك بوضع المحاضرات الخاصه بكافه الكليات والاقسام على مستوى الجمهوريه

وبالطريقه دى سيتم انعاش المنتدى وفى نفس الوقت تم تقديم المساعده لكل الطلبه الذين يعجزون عن الحضور للكليات


ونفس الطريقه تطبق على المدارس

دا اقتراحى

ياريت تنظروا فيه
7asnaa kareem
30-11-2009, 12:46 AM
ياهلا وسهلا بيكي يا حسناء نورتي المنتدي كله
*ورسالتي لك بما انك اعلامية هتكون نصيحة أخوية أن تجتهدي في أن تكتبي بالفصحي حتي ولو كان لديكي أخطاء فهذا أفضل من العامية حتي تتمكني تدريجيا من تقديم رسالتك الاعلامية بشكل متميز 0
*وسؤالي لك : كيف علمت بوجود منتدي بوابة التعليم المصري000وأتمني أن تسردي لنا الحكاية من البداية ( بالفصحي ):)0


شكرا على رسالتك استاذى العزيز وسأحاول جاهده باذن الله ان اكتب بالفصحى

وقد علمت بوجود المنتدى بالصدفه البحته حيث اننى كنت ابحث عن موضوع لرساله الماجستير خاصتى

والتى كانت فكرتها " التغطيه الاعلاميه للتعليم المصرى بين الايجاب والسلب "

ووجدت المنتدى بهذه الطريقه
وقد اعجبنى جدا " رغم وجود اقسام كثيره لا يدخلها احد "
الا اننى شعرت بجو الالفه الذى يربط بينكم كمشرفين ومؤسسين للموقع
هذا بالاضافه انكم من خلال مواضيعكم تثبتو دوما انكم جهابذه ليس على المستوى العملى فقط بل على المستوى العام من خلال احتضانكم لكل مشتركى الموقع

"""" لم اقل كلمه واحده ريااااء ، هذا ما بداخلى وقد عبرت عنه بطريقتى الخاصه""

شكرا لاهتمامكم
المجاهد فى سبيل الله
30-11-2009, 01:57 AM
جزاكى الله خيرا يا حسناء
ولا يهمك على التاخير
وان شاء الله معانا ضيف جديد



اكيد شخص عزيز علينا كلنا




لما مش بلاقى بصمته فى موضوع بحكم على الموضوع بالفشل






بمعنى تانى لو ملقتش اسمه فى موضوع ليا بعيد النظر تانى واقول يااااااااااااااه معقوله انا موضوعى مش مهم للدرجة دى







هو عضو كا النحلة








تلتقط العسل من قلب الزهره











طبعا العضو الى معانا
هو












هو








اخونا ملك اللغه الفرنسية










ابن المنصورة البار











و تحديدا فى توريل












طبعا كدا اتعرف خلاص
هو اخونا مسيو وليد عسكر
شريف
30-11-2009, 04:50 AM
رسالتي إلي حبيب قلبي مسيو وليد :
je t'aime

و سؤالي :
هل تفضل الزواج عن حب
أم الزواج التقليدي الذي قد يولد بعده الحب؟
ياريت تحكيلنا عن تجربتك الشخصية :romarioxp6:

رخم أنا معلش :022yb4:
امل لاشين
30-11-2009, 07:44 AM
الرساله ...


هي اتمني ليك كل الخير اللي في الدنيا ..يا وليد..

وربنا يحفظك من كل شر ..ويوفقك دائما ....


وكل سنه وانت طيب ....وعيد مبارك ..:22:





You can see links before reply***********/photos/1356275_l.jpg


السؤال ..


ايه اللي كنت تتمني تعمله في العيد ولم تفعله .....؟؟؟ :22:
المجاهد فى سبيل الله
30-11-2009, 02:35 PM
ايه يا استاذ وليد الاسئلة دى
شكل الناس دى بتعزك جدا
رسلتى ليك يا مسيو وليد
انك بجد شخصية لذيذه اوى
وروحك بجد حلوة
سؤالى لك
ولتكملت مشوار الرخامة الى بدئه اخونا الاستاذ شريف و اكملت المسيرة اختنا الاستاذه اميرة
ساواصل الكفاح بسؤال ارخم
واقول
انت عامل ايه ؟
حالتك النفسيه يعنى بس بالتفصيل الممل
تقولنا ايه الجديد و ايه القديم الى تم فى الفتره الى فاتت
Blanche Neige
30-11-2009, 04:07 PM
ياأهلا وسهلا بالليدر مسيو وليد عسكر
Bien Venue Monsieur
رسالتى لك يافندم
انت بجد واحد من الذين اصطفاهم الله وخصهم
بحب الاخريين له ومن يحبه الله يحبه الاخرين
ادعو لك من كل قلبى ان يديم عليك حبه وحب من يحبه وحب كل عمل يقربك من حبه
وسؤالى بقى يابطل
ايه رأيك فى الصداقه بين رجل وامرأه ؟؟؟؟ هل تؤمن بوجود مثل هذه العلاقه ؟؟؟؟ وهل توجد بجياتك نماذج لهذه العلاقه ؟؟؟؟؟

جاوب بصراحه شديده وقول كل اللى بقلبك
ولا اى حد هايعرف اى شئ
تكمله بقى لرخامة اخونا شريف
ربنا يكرمه ويعزه يارب
شمس بياض
30-11-2009, 11:29 PM
اهلا بالاستاذ الفاضل
مسيو وليد

(البرنس )
حقيقى معرفش ليه الواحد بيشعر
انه شخصيه غير عاديه
محتارة بجد
الرساله
اتمنى من الله ان يجمعنى واياكم والمسلمين حول حوض نبيه وفى الفردوس الاعلى من جنته
السؤال
نظرا لوطنيتكم الشديده
وشجاعتكم فى التعبير عن اراءكم
ووضع حلول علميه وعمليه للمشاكل
ارشحكم
رئيسا لجمهوريتنا :29:
هل تقبل ؟؟؟
نعم:30:
ما هى خططكم لرفع شأنها عاليا
لاع
ليه بقى ان شاء الله؟
والله بدون رياء ولا نفاق
ولاتملق
واشهد الله على ذلك
نعمه محمود
30-11-2009, 11:43 PM
منور يا مسيو
الرسالة هى هناك رجال كالجبال الشامخة صحبتهم شرف ورفقتهم ضمان والتواصل معهم حق ونسيانهم محال ووليد عسكر واحد من هؤلاء الرجال
السؤال بقي
احكى لنا عن تصرف اتسرعت وعملته وبعد كده ندمت وحسيت انه لو مش حصل هيبقي افضل
مسيو وليد عسكر
01-12-2009, 08:22 AM
جزاكى الله خيرا يا حسناء
ولا يهمك على التاخير
وان شاء الله معانا ضيف جديد



اكيد شخص عزيز علينا كلنا

ربنا يعزك


لما مش بلاقى بصمته فى موضوع بحكم على الموضوع بالفشل


اطلاقا والله لان فعلا فيه موضوعات كتير متميزة ولكن التقصير والكسل مني في الرد


بمعنى تانى لو ملقتش اسمه فى موضوع ليا بعيد النظر تانى واقول يااااااااااااااه معقوله انا موضوعى مش مهم للدرجة دى



كل موضوعاتك تعجبني لما فيها من روح شبابية نحتاج اليها ولمستك لايختلف عليها اثنان فاعذرني لاني لما برد بحتاج يكون ردي اضافة وليس مجرد مرور علي الموضوع



هو عضو كا النحلة


ههههههه ولكني لا الدغ





تلتقط العسل من قلب الزهره



شكرا علي هذه الكلمات التي تعطني اكبر من حجمي







طبعا العضو الى معانا
هو












هو








اخونا ملك اللغه الفرنسية


حاشا لله 00فالملك لله وحده







ابن المنصورة البار


محسسني اني داخل انتخابات مجلس الشعب
بيقولوا الكلمة دي كتير وبعد كده مابنشوفش حد منهم الا كل خمس سنين مرة








و تحديدا فى توريل



مسقط راسي








طبعا كدا اتعرف خلاص
هو اخونا مسيو وليد عسكر
شكرا علي المقدمة الجميلة واتمني ان استحق نصف مابها من مديح
جزاكم الله خيرا اخي احمد
مسيو وليد عسكر
01-12-2009, 08:36 AM
رسالتي إلي حبيب قلبي مسيو وليد :

je t'aime
moi aussi!
وانا كمان بحبك:p


و سؤالي :
هل تفضل الزواج عن حب
أم الزواج التقليدي الذي قد يولد بعده الحب؟
ياريت تحكيلنا عن تجربتك الشخصية :romarioxp6:



رخم أنا معلش :022yb4:

والله يا شريف الموضوع ده نسبي وحكمي فيه لايعني انتصار لطرف علي اخر
تجارب كتير اثبتت ان الحب قبل الزواج مهم وتجارب اخري اثبتت فشل الزواج عن حب ونجاح زواج الصالونات..
القضية مش كده ولكن الزواج شركة اجتماعية طرفها اثنان000علشان الشركة دي تنجح محتاجة مقومات منها :-
التكافؤ في كل شيء-الاحترام المتبادل-ايثار كل طرف للاخر عن نفسه - انكار الذات-المودة-التوازن الانفعالي في شخصية الزوجين 0000
الاستقرار المادي مهم لو كانت الزوجة من النوع اللي بتحب المظاهر و الفلوس
حاجات كتير جداا يا شريف مهمة لنجاح اي علاقة زوجية اهمها ان يطرح الله البركة في هذه الزيجة 00فالزواج احيانا يكون ابتلاء من الله رغم توافر كل هذه العناصر
ان شخصيا حبيت قبل الزواج ايام الجامعة...ومجرد دخولي للجيش البنت تزوجت وقتها حسيت ان كل شيء انتهي ولكن مع الوقت والتجربة العملية حسيت وقتها ان ده كان لعب عيال وان الحب الحقيقي كالشجرة القوية لا يمكن لاي ريح ان تزعزها من مكانها000
مسيو وليد عسكر
01-12-2009, 08:42 AM
الرساله ...






هي اتمني ليك كل الخير اللي في الدنيا ..يا وليد..


وربنا يحفظك من كل شر ..ويوفقك دائما ....


اشهد الله يا امل انك من انقي الشخصيات ولا يختلف عليكي اثنين في الوقار والاحترام
وكل سنه وانت طيب ....وعيد مبارك ..:22:


وانتي بكل صحة وعيد سعيد عليكي




You can see links before reply***********/photos/1356275_l.jpg



السؤال ..




ايه اللي كنت تتمني تعمله في العيد ولم تفعله .....؟؟؟ :22:


والله ياأمل كنت اتمني اني احج السنة دي واغسل ذنوبي واعود من علي جبل عرفات نقيا من شر نفسي كالثوب الابيض
ربنا يكتبها لي العام القادم ان شاء الله
دعواتك
مسيو وليد عسكر
01-12-2009, 09:14 AM
:):)
ايه يا استاذ وليد الاسئلة دى
شكل الناس دى بتعزك جدا
رسلتى ليك يا مسيو وليد
انك بجد شخصية لذيذه اوى
وروحك بجد حلوة
الله يعز مقدارك
دايما بترفع روحي المعدنية:)
سؤالى لك
ولتكملت مشوار الرخامة الى بدئه اخونا الاستاذ شريف و اكملت المسيرة اختنا الاستاذه اميرة
ساواصل الكفاح بسؤال ارخم
واقول
انت عامل ايه ؟
الحمد لله
اعتبر ان التفاءول هو اهم صفة فيا
ومهما كانت الدنيا غامقة من حواليا
:)احب دايما انظر اليها بمنظار وردي
حالتك النفسيه يعنى بس بالتفصيل الممل
تقولنا ايه الجديد و ايه القديم الى تم فى الفتره الى فاتت
حالتي النفسي كانت في الحضيض بعد مبارة الجزائر لما حدث للمصرين في الجزائر من اهانة
والحمد لله احاول تدريجيا ان اعبر هذه الازمة من خلال تواجدي معكم ويشهد الله ان صحبة المنتدي دي عندي اغلي ما املك
والله يا احمد لو تعرف قدر هذا المكان واعضائه عندي ماهتصدقني وتحس اني ببالغ000 سيبك انت000اثرائك المستمر للقسم العام اجمل ما في الموضوع:18:
مسيو وليد عسكر
01-12-2009, 09:50 AM
ياأهلا وسهلا بالليدر مسيو وليد عسكر

bien venue monsieur
:)عرفتي الليدر دي منين؟؟:)
:)من النهاردة مفيش ليدر:)
انا الحكومة:)
:):)
رسالتى لك يافندم

انت بجد واحد من الذين اصطفاهم الله وخصهم
بحب الاخريين له ومن يحبه الله يحبه الاخرين
اعزك الله ورفع من شانك
ودي شهادة ابروزها
اتمني ان اكون عند حسن ظن الجميع بي
ادعو لك من كل قلبى ان يديم عليك حبه وحب من يحبه وحب كل عمل يقربك من حبه
وسؤالى بقى يابطل
ايه رأيك فى الصداقه بين رجل وامرأه ؟؟؟؟ هل تؤمن بوجود مثل هذه العلاقه ؟؟؟؟ وهل توجد بحياتك نماذج لهذه العلاقه ؟؟؟؟؟
كل شيء طالما في اطاره الصحيح وبعيد عن الخروج عن النص مقبول
وتوجد في حياتي نماذج من هذه الصداقات
وشكلي كده هتحبس:)


جاوب بصراحه شديده وقول كل اللى بقلبك
ولا اى حد هايعرف اى شئ
تكمله بقى لرخامة اخونا شريف

ربنا يكرمه ويعزه يارب

مافيش اكتر من كده صراحة
منورة يا اميرة:)
مسيو وليد عسكر
01-12-2009, 09:58 AM
اهلا بالاستاذ الفاضل

مسيو وليد


(البرنس )
حقيقى معرفش ليه الواحد بيشعر
انه شخصيه غير عاديه
محتارة بجد
الرساله
اتمنى من الله ان يجمعنى واياكم والمسلمين حول حوض نبيه وفى الفردوس الاعلى من جنته
السؤال
نظرا لوطنيتكم الشديده
وشجاعتكم فى التعبير عن اراءكم
ووضع حلول علميه وعمليه للمشاكل
ارشحكم
رئيسا لجمهوريتنا :29:
هل تقبل ؟؟؟
نعم:30:
ما هى خططكم لرفع شأنها عاليا
لاع
ليه بقى ان شاء الله؟
والله بدون رياء ولا نفاق
ولاتملق
واشهد الله على ذلك


اشكرك اختي نور علي حسن ظنك بي ويشهد الله اني اقدرك جداا
واتمني دوما ان اكون عند حسن ظنكم بي
انا فعلا رئيس جمهورية نفسي
واحمد الله اني كذلك
وبعدين هجي انا ايه في محمد وسية اللي بيهتز قلبه عندما تقال
مصر
مسيو وليد عسكر
01-12-2009, 10:04 AM
منور يا مسيو
الرسالة هى هناك رجال كالجبال الشامخة صحبتهم شرف ورفقتهم ضمان والتواصل معهم حق ونسيانهم محال ووليد عسكر واحد من هؤلاء الرجال
اشكرك يانعمة علي كلماتك الجميلة وربنا يعزك ويبارك في عمر وحبية
السؤال بقي
احكى لنا عن تصرف اتسرعت وعملته وبعد كده ندمت وحسيت انه لو مش حصل هيبقي افضل
بعد ما اتخرجت كان باب الهجرة لكندا مفتوح وكان اامامي فرصة ممتازة ولكني فضلت العمل هنا ولكن بعد كده حسيت اني سرعت في قراري وندمت عليه ولو الزمن يرجع بيا كنت وافق علي ده
شكرا يانعمة علي مرورك العطر
dream
01-12-2009, 10:39 AM
رسالتى

انت اخ كريم ومحبوب من جميع اعضاء المنتدى

ماشاء الله

ماسكة الخشب اهو:d

سؤالى

هل تعتقد ان الطيب ضعيف والعكس؟
مسيو وليد عسكر
01-12-2009, 11:00 AM
رسالتى




انت اخ كريم ومحبوب من جميع اعضاء المنتدى


ماشاء الله


ماسكة الخشب اهو:d
الله يعزك يا احلام
اتمني اكون بنفس قدرك عند الجميع
يشهد الله مدي تقديري البالغ لشخصك الكريم


سؤالى



هل تعتقد ان الطيب ضعيف والعكس؟

لا ابدااا الطيبه عنوان لنقاء السريرة بس لازم تغلف بالحزم حتي لاتفسر تفسير خاطيء
سعيد جدااا بمشاركتك الجميلة وربنا يبارك في اولادك
كريم ماضي
01-12-2009, 11:07 AM
رسالتي

ماتزعلش مني في موضوع خبر حسام حسن

بس انا كنت مضايق لاني حسيت ان الناس بتتريق حتي كان في شده خفيفه مع احمد وعدت علي خير الحمد لله
ورسالتي ليك في توقيعي
لك القبول او القبول ههههههههههههه عشان قبلك الطيب



سؤالي
المنتدي اصبح غامض شويه؟
مش عارف ماله كده
مسيو وليد عسكر
01-12-2009, 11:39 AM
رسالتي

ماتزعلش مني في موضوع خبر حسام حسن

بس انا كنت مضايق لاني حسيت ان الناس بتتريق حتي كان في شده خفيفه مع احمد وعدت علي خير الحمد لله
ورسالتي ليك في توقيعي
لك القبول او القبول ههههههههههههه عشان قبلك الطيب
حصل خير يا كريم
وياريت تشيل الاعتذار من التوقيع


سؤالي
المنتدي اصبح غامض شويه؟
مش عارف ماله كده
لا غامض ولا حاجة
كل الموضوع ان فيه حالة من الضيق عند الغالبية بسبب احداث الجزائر
بالبلدي نفسنا اتسدت وده اكيد مأثر علي شكل المنتدي ونوعية موضوعاته
وان شاء الله قريبا نعود افضل مما كنا عليه
7asnaa kareem
01-12-2009, 02:17 PM
أهلا وسهلا بحضرتك مسيو وليد
رسالتى هى

الله يبشرك بما يسرك ، ويكف عنك ما يضرك ، ويثبت يقينك ، ويرزقك حلالا يكفيك

سؤالى لحضرتك

ايه رأيك فى الشعب المصرى............. بصراحه بدون مجامله.......
مسيو وليد عسكر
02-12-2009, 01:10 PM
أهلا وسهلا بحضرتك مسيو وليد


رسالتى هى


الله يبشرك بما يسرك ، ويكف عنك ما يضرك ، ويثبت يقينك ، ويرزقك حلالا يكفيك
اعزك الله يا حسناء

سؤالى لحضرتك



ايه رأيك فى الشعب المصرى............. بصراحه بدون مجامله.......
شعب مطحون ومع ذلك دمه خفيف يعيبه السلبية في اوقات كتير

اشكرك يا حسناء علي مرورك العطر
المجاهد فى سبيل الله
02-12-2009, 02:25 PM
ودوقتى


جه وقت اعلان ضفنا القادم








و ضفنا دا حلقته حتبقى مختلفه شوية








لانه خلاص ناوى يسبنا










مش يسبنا اوى يعنى لانه ميقدرش







اصلى ماسكه بينى و بينكم






ضفنا النهارده مش حنساله سؤال




لا



احنا حنطلب منه طلب




نبعتله رساله و تحتيها طلب منه
يعنى هدية بقى
او طلب ذكرى
او طلب نصيحة
او طلب عروسة يمشى برضه
اى طلب وخلاص




و ضيف اليومين دول
قال يعنى كل ضيف بياخد يومين بس دا انتم تعبتونى







هو اخونا عز


بس مش حيفضل ان شاء الله وحيد
قال يعنى حيغير اسمه
يلا خير




اخونا عز وحيد
كريم ماضي
02-12-2009, 02:33 PM
رساله إلي عز وحيد


السلام عليكم ورحمة الله وبركاته

اخي الغالي وأستاذي عز وحيد
اعلم جيدا اني أحبك في الله وانت لي قدوه وأتمني لك التوفيق في حياتك تسافر وترجع لنا بألف سلامه وربنا يرزقك ببنت الحلال نفسي أشوفك عريس وان شاء الله مش هننساك أبدا وانت أكيد مش هتنسانا والجميع يتمني لك التوفيق
هتوحشنا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا والله دول كمان مش كفايه لما سمعت أنك مسافر مكنتش عارف أفرح ولا أزعل بس أن شاء الله خير
وربنا يوفقك يارب وتحقق كل أهدافك وربك يكون راضي عنك ووالديك يكونوا راضيين عنك
هوحشنا واحنا طول عمرنا بنتعلم منك من يوم ماعرفتك حتي الان وانا بتعلم منك الكثير والكثير اللهم أجعل كل هذا في ميزان حسناتك أن شاء الله
لن ننساك ان شاء الله لن ننساك
ده جزء بسيط من رسالتي ليك ياعز
نعمه محمود
02-12-2009, 03:26 PM
نتمنى لك كل التوفيق ياعز ودعواتى لك أن يقدر الله لك الخير حيث كان وأكيد أنت معانا برضه
شمس بياض
03-12-2009, 12:48 AM
وبعدين هجي انا ايه في محمد وسية اللي بيهتز قلبه عندما تقال
مصر


وبعدين بقى ؟؟؟؟؟؟؟؟؟؟؟؟؟؟؟
حيرتونى معاكم انتم التنين

استاذ وسيه يقولى انا بقول ياحيط دارينى دارينى ياحيط
وحضرتك تقول انا رئيس جمهوريه نفسى
يعنى يرضيكم
ماأل اليه الحال ؟؟؟؟؟؟؟؟
طيب ايه رايكم
بقى انا هارشح نفسى
اما اشوف
بس المشكله
خايفة
ليجرا لى زى ما جرى لشجرة الدر
المجاهد فى سبيل الله
06-01-2010, 01:33 AM
طبعا اليومين بتوع عز
الى ربنا يرجعهولنا بالسلامة سالم غانم
خلصوا
وانا انشغلت بالمذاكره واول ما شميت نفسى وخلصت اول مادتين مذاكره قولت ارجع تانى للمنتدى ولاعضاءه
و معانا النهارده عضوه



مش حتصدقونى لو قولتلكم انى رجعت الموضوع من اول صفحه
وكل صفحة بقول معقولة لحد دوقتى مستضفتهاش
ولا جه دورها


انا مستغرب


لانها بجد شخصية عزيزة علينا كلها



قالت انها عملت حادثه مش فاكر كام مرة كدا

بس انا شوفت لها ردود قالت انها عملت حوادث
مش عارف بتسوق ليه بس



هى اختان الكبيرة




الى بجد ردودها بتبقى بسيطه بس فى نفس الوقت بتبقى فيها الخلاصه




مثقفة لابعد الحدود
بيعجبنى شخصيتها





مش عارف ليه بحس انها فعلا اختى علما اننا متكمناش مع بعض كتير ولا اتعاملنا مع بعض كتير




زمانكم عايزين تعرفوا هى مين






هى اختنا















اختنا




















اختنا


اختنا
















نعمه محمود
المجاهد فى سبيل الله
06-01-2010, 02:01 AM
رسالتى لكى يا استاذه نعمه
انك بجد تالت شخصية اعجب بيها جدا و بفكرها و باسلوبها من على النت
وانصحك انك تستمرى بروحك العالية الى انتى بتتمتعى بيها دى
اما السؤال
لو اتمنيتى امنية ان الزمن يرجع بيكى لورا شوية
حتختارى انهى فترة وليه؟
شريف
06-01-2010, 02:51 AM
الرسالة :

باقة ورد لأغلي أخت


You can see links before reply

السؤال :

ايه الجانب الآخر اللي ما نعرفهوش في نعمة محمود ؟
نعمه محمود
06-01-2010, 01:21 PM
الرسالة :



باقة ورد لأغلي أخت



You can see links before reply
أشكرك جدا ياشريف على احلى باقة ورد من أغلى أخ

السؤال :



ايه الجانب الآخر اللي ما نعرفهوش في نعمة محمود ؟

يمكن كل الناس تعرف نعمه محمود القوية اللي بتعشق العمل وقليل اوى اللي يعرف نعمة لما تكون ضعيفة أو محبطة وده بيحصل في اوقاتمش قليلة اضعف جدا لو حد زعل منى واضعف جدا وانها لو حد من حبايبي تعب ساعات احس انى منظر وبص لكن احيانا بكون في قمة الضعف
اما الاحباط فحدث ولا حرج عن المناخ المحبط اللي بنعمل فيه جميعا, لكن عموما بحاول اخرج واتماسك تانى
ميرسي ياشريف انك فكرتنى بنعمة التانية
نعمه محمود
06-01-2010, 01:31 PM
طبعا اليومين بتوع عز



الى ربنا يرجعهولنا بالسلامة سالم غانم
خلصوا
وانا انشغلت بالمذاكره واول ما شميت نفسى وخلصت اول مادتين مذاكره قولت ارجع تانى للمنتدى ولاعضاءه
و معانا النهارده عضوه




مش حتصدقونى لو قولتلكم انى رجعت الموضوع من اول صفحه
وكل صفحة بقول معقولة لحد دوقتى مستضفتهاش
ولا جه دورها



انا مستغرب



لانها بجد شخصية عزيزة علينا كلها




قالت انها عملت حادثه مش فاكر كام مرة كدا


بس انا شوفت لها ردود قالت انها عملت حوادث
مش عارف بتسوق ليه بس




هى اختان الكبيرة





الى بجد ردودها بتبقى بسيطه بس فى نفس الوقت بتبقى فيها الخلاصه





مثقفة لابعد الحدود
بيعجبنى شخصيتها






مش عارف ليه بحس انها فعلا اختى علما اننا متكمناش مع بعض كتير ولا اتعاملنا مع بعض كتير





زمانكم عايزين تعرفوا هى مين







هى اختنا
















اختنا





















اختنا



اختنا


















نعمه محمود

أشكرك جدا يا أحمد على هذا التقديم الرائع ,بجد كتير عليا الكلام ده
انت كمان يا احمد من الشخصيات المحترمة جدا التى تعاملت معها
تمنياتى لك بالنجاح والتوفيق في حياتك العلمية والعملية



قالت انها عملت حادثه مش فاكر كام مرة كدا


بس انا شوفت لها ردود قالت انها عملت حوادث
مش عارف بتسوق ليه بس


يعنى تقدر تقول مرتين تلاتة كده بس على فكرة مش لازم اكون انا الي غلطانة
وبسوق لانى معنديش سواق ومعرفش اركب مواصلات يعنى مضطرة
دعواتك ان ربنا يسترها معايا بقي
نعمه محمود
06-01-2010, 01:42 PM
رسالتى لكى يا استاذه نعمه



انك بجد تالت شخصية اعجب بيها جدا و بفكرها و باسلوبها من على النت
وانصحك انك تستمرى بروحك العالية الى انتى بتتمتعى بيها دى
اما السؤال
لو اتمنيتى امنية ان الزمن يرجع بيكى لورا شوية


حتختارى انهى فترة وليه؟

شكرا يا احمد على الرسالة الجميلة واتمنى من الله ان يديم علينا فضله



لو اتمنيتى امنية ان الزمن يرجع بيكى لورا شوية


حتختارى انهى فترة وليه؟



هختار فترة لما مصر كانت مملكة وليها ملك مش مهم في عهد مين ولكن اى عهد وليكن عهد الملك فاروق فعلى لرغم من الظلم الواقع على هذا الملك الا ان عصره كان جميل وهناك حرية فكرية

الاهم بقي يا أحمد ان مصر كانت مملكة صريحة وعارفين مين ولى العهد القادم ومكنش حد بيضحك على الشعب
نعمه محمود
06-01-2010, 01:51 PM
الرسالة :





باقة ورد لأغلي أخت



You can see links before reply
شكرا ياشريف على اجمل باقة ورد من اغلى أخ

السؤال :



ايه الجانب الآخر اللي ما نعرفهوش في نعمة محمود ؟

يمكن كل الناس تعرف نعمه محمود القوية اللي بتعشق العمل وقليل اوى اللي يعرف نعمة لما تكون ضعيفة أو محبطة وده بيحصل في اوقات مش قليلة اضعف جدا لو حد زعل منى واضعف جدا وانها لو حد من حبايبي تعب ساعات احس انى منظر وبس لكن احيانا بكون في قمة الضعف
اما الاحباط فحدث ولا حرج عن المناخ المحبط اللي بنعمل فيه جميعا, لكن عموما بحاول اخرج واتماسك تانى
ميرسي ياشريف انك فكرتنى بنعمة التانية
دعاء شديد
06-01-2010, 09:01 PM
نعمه انا خلاص معنديش كلام اقوله
انا خلصت فيكى كل الكلام



السؤال
هتذاكرى امتى ؟؟؟؟؟؟؟؟؟؟


You can see links before reply


معلش اصلى معايييييش فلوس
فاشتركت مع شريف فى تمن البوكيه
انتى عارفه اول الشهر بقى
7asnaa kareem
06-01-2010, 09:09 PM
ممممممم

بقالى كام ساعه بفكر أقول ايه اقول ايه

أقول ايه

والاخر
ما لقتش حاجه أقولها

بس عندى فضول اعرف حاجه واحده

هيا الدنيا كدا مع الكل

ولا ناس ناس........!!!!!!!!!!!!!
نعمه محمود
06-01-2010, 09:20 PM
نعمه انا خلاص معنديش كلام اقوله

انا خلصت فيكى كل الكلام

بس على فكرة في كلام جديد نزل في كارفور وسبينس وعليه عروض كويسه

السؤال
هتذاكرى امتى ؟؟؟؟؟؟؟؟؟؟

لما اتوقف من المنتدى ده
You can see links before reply


معلش اصلى معايييييش فلوس
فاشتركت مع شريف فى تمن البوكيه

انتى عارفه اول الشهر بقى

ميرسي على الورد اللي مش جبتيه
نعمه محمود
06-01-2010, 09:22 PM
ممممممم



بقالى كام ساعه بفكر أقول ايه اقول ايه


أقول ايه


والاخر
ما لقتش حاجه أقولها


بس عندى فضول اعرف حاجه واحده


هيا الدنيا كدا مع الكل



ولا ناس ناس........!!!!!!!!!!!!!

ايه؟؟؟
هو مين مع مين
معلش ممكن افهم عشان انا اعدادية قديمة
كريم ماضي
06-01-2010, 09:32 PM
الاستاذه نعمه والله مش عارف اقول لحضرتك أيه

غير أنك بالفعل نعمه

ربنا يبارك في حضرتك يارب وده غير أني سعيد جدا أن حضرتك من الفيوم ده شرف كبير لينا


سؤال صغنون كده علي الماشي


لو هتكوني وزيره
هتختاري وزارة أيه؟ وايه خطة الوزاره ؟؟
7asnaa kareem
06-01-2010, 09:33 PM
ايه؟؟؟
هو مين مع مين
معلش ممكن افهم عشان انا اعدادية قديمة


اصل حقيقى وبدون مجامله

حاسه ان حضرتك شايله كتييير

وبتفكرينى بشخص معين

فى حياتى

مستحمل كتير برده

والغريبه ان ناس تانيه
تلاقيها عايشه الدنيا تنيض
ومسقعه للمشاكل ولا فى دماغها



حاجه غريبه
الدنيا دى فيها كل المتناقضات
نعمه محمود
06-01-2010, 09:40 PM
الاستاذه نعمه والله مش عارف اقول لحضرتك أيه

غير أنك بالفعل نعمه
ميرسي جدا يا كريم
ربنا يبارك في حضرتك يارب وده غير أني سعيد جدا أن حضرتك من الفيوم ده شرف كبير لينا

ربنا يبارك فيك ياكريم وكل اسم كريم لانه اسم ابن اختى
انا اللي ليا الشرف انى اكون من الفيوم ودايما اقول رغم اقامتى بالقاهرة الا أنى فيومية الهوى والهوية
سؤال صغنون كده علي الماشي

لو هتكوني وزيره
هتختاري وزارة أيه؟ وايه خطة الوزاره ؟؟
لو بايدى الاختيار اختار وزارة التعليم طبعا
وهتكون خطة الوزارة هى تعليم واحد لكل المصريين هلغى كل انواع التمييز في التعليم يتعلم ابن البواب مع ابن الوزير يتلقون نفس المناهج في ذات الفصل
نورت وشرفت يا كريم
نعمه محمود
06-01-2010, 09:45 PM
اصل حقيقى وبدون مجامله



حاسه ان حضرتك شايله كتييير


وبتفكرينى بشخص معين


فى حياتى


مستحمل كتير برده


والغريبه ان ناس تانيه
تلاقيها عايشه الدنيا تنيض
ومسقعه للمشاكل ولا فى دماغها




حاجه غريبه

الدنيا دى فيها كل المتناقضات

تعرفي يا حسناء انى عندى كل المبررات اللي تخلينى انفض لانى الحمد لله محظوظة كتير بحياتى لكن مش معنى ان معندكيش مشاكل خاصة انك تهملى الشأن العام
نورتى يا حسناء