المساعد الشخصي الرقمي

مشاهدة النسخة كاملة : أطلع بره يا أبن الك.......................



كريم ماضي
08-11-2009, 06:48 PM
السلام عليكم ورحمة الله وبركاته


اهلا بيكم في القسم المهجور ده والله عيب ده اسمه كلام شباب يعني فين بقي الشباب؟

هنتكلم مع بعض في سلسله كده علي الماشي يعني دردشة شباب

موضوع أبناء وأباء

كل يومين كده هنعمل موضوع ونتناقش فيه ونشوف بقي اللي بيحصل معانا واللي بيحصل حوالينا


اول حاجه الموضوع ده هيكون معاملة الاب لأبنه وهناخد الجانب السلي

بعنوان أطلع بره يا ابن الك.................



انا بصراحه مش عارف بشوف أباء كتير جدا لايصلحوا أن يكونوا أباء

بجد في حالات كتيره يقال عليهم (المفروض الابناء يربوا أبائهم )

يعني العكس علي طول تلاقي الشاب من دول شغال وكله حاجه تمام
وفي نقاش معا والده تلاقيه قاله أطلع بره يا ابن الك.............
طيب هل ده حل للمشكله تطلع ابنك بره البيت
طيب القصه دي بقي علي السريع كده قصة حسين

حسين قاعد بيتكلم مع ابوه وابوه متمسك برأيه ومصمم ان حسين غلطان قاله انت مفيش فايده فيك دماغك متركبه شمال يابني انت حد لعبلك في دماغك حسين قاله يابا لاء انا بقول رأي ازاي الواد يرد علي ابوه وتبقي مصيبه أتدخلت الام في الموضوع وحلت المشكله وأصبح الامن مستتب والحمد لله
حصل نقاش تاني وابو حسين أتكلم مع حسين وقاله دي حلها يمشي كده حسين ياعيني ماردش علي ابوه لانه عيب
قام ابوه وأوم الدنيا معاه الواد مش بيرد عليا يا ام حسين الواد كبر خلاص مش معبر ابوه الواد شايفني كلب هوا انا بكلم نفسي الواد الواد
حسين طبعا زعل جدا ووشه احمر من اللي شايفه من ابوه
قاله يابابا انت طلبت مني اني ماردش عليك
قالوه وكمان بترفع صوتك علي ابوك وكمان بترد عليا اتدخل واحد من الجيران وحل الموضوع وحسين باس رأس بباه والحمد لله
المشكله التالته حسين تعب بقي وأتصرف من دماغه
يخرابي ازاي تتصرف من دماغك انت مش عاملي اعتبار خالص انا مش موجود يابني انت وانت وانت
والله ما هتبات في البيت
أطلع بره يا ابن الك................
حسين طلع بره ودموعه مغرقاه ومش عارف يتصرف أزاي تعب تعب ياعالم يروح لمين وهو ماشي يفكر في الشارع قابل الواد بشله قاله رايح فين ياسونه قاله بالله عليك يابشله ابعد عني ابوي طردني بره البيت وانا مش ناقصك
بشله قاله ياسلام ولا يهمك يامعلم تعالي انت بس وانا عندي المكان متشلش هم اخوك بشله راجل
مشي حسين مع بشله مع ان بشله مش سكته خالص بس هيعمل ايه بقي ويروح فين وهو اول مره يتعرض للموقف ده
بشله خد ياحسين السجاره دي وروق كده حسين قاله لا ياراجل انا مش بدخن
بشله قاله خليك راجل ياض وخد دي علي أجهز الكيف انا هنسيك ابوك ومشاكله والدنيا كلها
حسين شرب حشيش ياعيني وضاع الواد
وبعد يومين ابو حسين جمع العيله وأصحاب حسين قال ايه بيدور علي ابنه حبيبه
هه وحشك اوي ياابو حسين
ابو حسين هيتجنن البيت وحش من غير الواد وأمه تعبت ياعيني وعماله تهلوث بيه ه(هاتولي أبني ) أبوه ضيعه
المهم واحد بلغ حسين أن ابوه بيدور عليه وأبو حسين عرف مكان الواد وراح جابه بس بعد ايه
حسين ايده طولت ودماغه خدت علي الكيف وأصبح متشرد
يعني ضاع الواد
ومرت الايام وأبو حسين اكتشف فشل ابنه وأتقبض علي حسين بعد ماكان ولد كويس
وأبو حسين بيلوم علي الزمن وحظي كده يادنيا

مسكين مش عارف انه ضيع أبنه بأيده

ودي أخرت اللي يطلع ابنه بره البيت

الفكره مش حقيقيه ولكنها وهميه من خيالي

sir_wyvern
09-11-2009, 12:35 AM
ههههههههههههههههههه

فعلا ابو حسين مينفعش يكون ابو حسين

تسلم يامان ع القصه الجميله

وعلى فكره ممكن تكون القصه ديه مش وهمية فى احتمال انها تكون حقيقية

واية المانع

تقبل مرورى فى القسم المهجور
:27::27:

7asnaa kareem
09-11-2009, 12:41 AM
بصراحه عجبنى الموضوع
وعجبنى أكتر خيالك الواسع فى تاليف قصه "حسين "

وفكرتنى بوالدى كل ما تحصل مشكله بينى وبينه يقولى " كل الناس بتخلف عشان ترتاح الا انا الوحيد اللى مخلف عشان اتعب "


فاكر ثلاثى أضواء المدينه " لو كانو سألونا قبل ما يولدونا عارفين كنا نقول ايه ؟، كنا هنقول ارحمونا من قبل ما تجيبونا للعالم اللى احنا فيه "

بس ياريت ما ننساش فجوه الجيل اللى بيننا وبينهم

وهما والله فى الاول وفى الاخر معزورين احنا اساسا جيل مهبب منيل

ورغم كل الخلافات اللى بتبقى بينى وبين بابا فى الاخر بكتشف " بعد فوات الاوان " انه هوه اللى صح مش أنا
شوفت المفارقه العجيبه

كريم ماضي
09-11-2009, 12:49 AM
ههههههههههههههههههه

فعلا ابو حسين مينفعش يكون ابو حسين

تسلم يامان ع القصه الجميله

وعلى فكره ممكن تكون القصه ديه مش وهمية فى احتمال انها تكون حقيقية

واية المانع

تقبل مرورى فى القسم المهجور

:27::27:


أولا ياباشا انت نورتني في القسم المهجور وليك عندي هديه وبجد احنا اسفين احنا مقصرين في حقك بس ياريت انت ماتسيبناش تاني اتفضل اتفقنا

القصه انا كاتبها من دماغي بس اكيد من اللي بشوفه امامي في الحياه والله كنت محتار اكتب الاسم كمان كان بجوراي واحد اسمه جسين فكتبت اسمه


اه نسيت الهديه
اتفضل
عيد ميلاد sir_wyvern يلا نهنئ
You can see links before reply

sir_wyvern
09-11-2009, 01:30 AM
القسم منور باصحابه

والله انا اللى مقصر مش انتو

بجد شكرا ليك جدا

انا مش عارف اشكرك ازاى

دعاء شديد
09-11-2009, 02:56 AM
السلام عليكم ورحمة الله وبركاته




وعليكم السلام والرحمة


اهلا بيكم في القسم المهجور ده والله عيب ده اسمه كلام شباب يعني فين بقي الشباب؟

انت عارف يا كريم
لسه المرافق وشبكة المواصلات ... موصلتش لقسم الشباب
بس هتوصل ان شاء الله
بس متقولش مهجور ... قول "هيعمر"




هنتكلم مع بعض في سلسله كده علي الماشي يعني دردشة شباب

موضوع أبناء وأباء



الموضوع قضيه شائكة
لكن حسمها الامام "على بن ابى طالب" فقال
لا ترغموا اولادكم على أدبكم ... فانهم خلقوا لزمان غير زمانكم

لكن للاسف ... مصرين نخليها صراع اجيال
انا هرد على موضوعك بالتفصيل
بكرة ان شاء الله
ده رد سريع



الفكره مش حقيقيه ولكنها وهميه من خيالي

الفكرة حقيقية
ده واقع ومؤلم جدا
للاسف

وان كنت تخيلته فخيالك شايف
صورة الواقع كويس اوى

يا ريت تستمر لتكمل
هذه السلسلة

كريم ماضي
09-11-2009, 10:44 AM
بصراحه عجبنى الموضوع
وعجبنى أكتر خيالك الواسع فى تاليف قصه "حسين "

ربنا يكرمك ياحسناء

وفكرتنى بوالدى كل ما تحصل مشكله بينى وبينه يقولى " كل الناس بتخلف عشان ترتاح الا انا الوحيد اللى مخلف عشان اتعب "

كلهم بيقولوا كده مش والدك بس

فاكر ثلاثى أضواء المدينه " لو كانو سألونا قبل ما يولدونا عارفين كنا نقول ايه ؟، كنا هنقول ارحمونا من قبل ما تجيبونا للعالم اللى احنا فيه "

مش عارف عندهم حق ولا لاء بصراحه؟

بس ياريت ما ننساش فجوه الجيل اللى بيننا وبينهم

؟
وهما والله فى الاول وفى الاخر معزورين احنا اساسا جيل مهبب منيل

لا طبعا احنا مش جيل مهبب ولا حاجه احنا طلعنا لقينا حجات مش موجوده علي ايامهم وكل جيل وله ظروفه

ورغم كل الخلافات اللى بتبقى بينى وبين بابا فى الاخر بكتشف " بعد فوات الاوان " انه هوه اللى صح مش أنا
شوفت المفارقه العجيبه

أكيد طبعا دي بتحصل بس برده كتير جدا الابن بيكون صح

تعرفي في واحد جيراني طالب وشغال ماشاء الله كل يوم بيعطي للجماعه في البيت 50 جنيه يعني مفيش بعد كده
الراجل خطب وهيجوز نفسه ومش عايز من حد حاجه
الدورا لاول لبيتهم عايز شوية تظبيط يعني السقف بتاع البيت وكده
طلب من والده انه يظبة سقف الدور الاول عشان يبني هوا بقي الدور التاني
واتكلموا مع بعض

ابوه قاله مين قالك أصلا انك هتتجوز في البيت يعني أطلع اتجوز بره
عشان ايه عشان قاله ادفع
يعني مين في الزمن ده بيجوز نفسه ياعالم وكمان بيصرف علي البيت اهه
في حالات كتيره ياحسناء الاباء بيكونوا غلطانين
وزي ما انا قولت (محتاجين أولادهم يربوهم مش هما اللي يبروا أبنائهم)

جزاكم الله خيرا علي المرور العطر

صوت الامة
09-11-2009, 05:05 PM
موضوع جميل جدا يا استاذ كريم
ربنا يبارك فيك
بجد كلام جميل جدا وفى غاية الاهمية
بس معتقدش ان فى ابهات بالطريقة دى؟؟
مهما كان بردة دة اب معتقدش انة هيعامل ابنة بالطريقة بتاعت ابو حسين دة (الا هو اسمو اية )هههههه
عموما يا استاذ كريم موضعك رااااائع بمعنى الكلمة
متابع مع حضرتك ان شاء الله
وشكرا على التوبيك الهائل

كريم ماضي
10-11-2009, 05:01 PM
القسم منور باصحابه

والله انا اللى مقصر مش انتو

بجد شكرا ليك جدا

انا مش عارف اشكرك ازاى



انا هقولك تشكرني ازاي

أعمل كل مايفيد المنتدي ويفيد أخوانك من مواضيه ولو عندك محاضرات نزلها

وورينا نشاطك معانا
جزاك الله كل الخير

كريم ماضي
10-11-2009, 05:10 PM
[/size]


وعليكم السلام والرحمة



انت عارف يا كريم
لسه المرافق وشبكة المواصلات ... موصلتش لقسم الشباب
بس هتوصل ان شاء الله
بس متقولش مهجور ... قول "هيعمر"


يارب يعمر

الموضوع قضيه شائكة
لكن حسمها الامام "على بن ابى طالب" فقال
لا ترغموا اولادكم على أدبكم ... فانهم خلقوا لزمان غير زمانكم
ماشاء الله
لكن للاسف ... مصرين نخليها صراع اجيال
انا هرد على موضوعك بالتفصيل
بكرة ان شاء الله
ده رد سريع


ونحن في الانتظار أن شاء الله

الفكرة حقيقية
ده واقع ومؤلم جدا
للاسف

وان كنت تخيلته فخيالك شايف
صورة الواقع كويس اوى

يا ريت تستمر لتكمل
هذه السلسلة


ان شاء الله هستمر بس اهم حاجه نوصل لحل

كريم ماضي
10-11-2009, 05:20 PM
موضوع جميل جدا يا استاذ كريم
ربنا يبارك فيك
بجد كلام جميل جدا وفى غاية الاهمية
بس معتقدش ان فى ابهات بالطريقة دى؟؟
مهما كان بردة دة اب معتقدش انة هيعامل ابنة بالطريقة بتاعت ابو حسين دة (الا هو اسمو اية )هههههه
عموما يا استاذ كريم موضعك رااااائع بمعنى الكلمة
متابع مع حضرتك ان شاء الله
وشكرا على التوبيك الهائل



مرورك الاجمل يا صوت الامه

جزاك الله كل الخير
لاء انا بقولك أعتقد وعلي مسؤليتي في أكتر من كده وتابع معانا السلسله انت بس واللي يقرأ ياما يشوف
وخلي بالك القصه دي انا جايبها من دماغي بس واقعيه ميه في الميه وبتحصل كل يوم
بص ياريس أي أنسان في الدنيا ممكن يكون أب يعني الحلو يكون أب والوحش يكون أب ومش معني انه أب يبقي ملاك ومش بيغلط كلنا بشر وكلنا لينا اخطاء
ده أبو حسين محترم جدا كمان يعني فيه أفظع من كده وبالنسبه لأسمه هو مش أسم واحد دول كتييييييييير جدا
الاروع مرورك ياصوت الامه (أسمك ايه)
ده شرف كبير ليا
الكشر لله ياغالي
جزاك الله خيرا مرورك أسعدني

ياسر الدقاق
11-11-2009, 01:11 AM
بسم الله الحمن الرحيم
السلام عليكم ورحمة الله وبركاته
شكراً لك أستاذ كريم علي الموضوع الجميل
لكن لي تعليق علي قصة حسين
أعتقد انك متحامل علي أبو حسين لدرجه كبيرة لأن الأب مهماً كان فهو أولاً وأخيراً يبغي مصلحة إبنه ..... لكن الجيل الحالي فلسفته وفكره عدم تقبل النصائح من الآخرين حتي ولو كان الألاخرين هم والديه
وأيضاً نقاش الشباب في هذه الفترة عناء لأنك لا تستطيع مناقشته بهدوء فهو متمسك بفكرة ويقاتل من أجله حتي ولو كان خطأ ةهذا هو الغالب
هذا قليل من كثير مما يكون ...وتقبل مروري مع خالص الشكر

مشمشاية
11-11-2009, 09:04 PM
لو تسمحولى اكون معاكم فى الحوار
فعلا فى اباء من كتر خوفهم على اولادهم ممكن يتعبوهم بس والله مفيش اب نفسه اولاده يكونو احسن منه او يمكن انا راى كده لان بابا ربنا يخليه لينا دئما بيتبع معانا اسلوب الحوار وعمرة ما غصب علينا فى اى حاجه تخص مستقبلنا بس بيحاول يقنعنا برأيه مش عارفه بس انا بحب بابا قوى يمكن اكون اكتر واحده فى اخواتى بحبه كده
ونفسى ولادى كمان يحبونى كده
طيب هقولكم على حاجه انا ام وعندى طفلين صغيرين نفسى يكونو احسن ناس فى الدنيا حتى احسن منى علشان كده بقولكم من احساس الامومه والابوه انهم بيحبوكم وبيخافوا عليكم
وبعدين انت حبهم اكيد هتحصد حبهم ان شاء الله واسفه طولت عليكم
سلام

Bask0ta
11-11-2009, 09:51 PM
سلام عليكوووو

انا كييييييت .. هو انا عارفه اني مش هقول حاجه مفيده بس اسمعوني برضو <<من حقي :d

ام هند .. دولقوتي مش البهبهات {الأباء} زي بعضيتها .. يعني ابو حسين ده صنف من الناس

وفي اصناف تانيه كتير .. في احسن منه وفي أسوأ منه ..

وبعدين انا من راي ان لازم الاب يشد على الولد عشان يبقى عنده كده شويه خشونه

ويحن على البنت بس مش لدرجة الدلع الماسخ .. يعني يعاملها بحنان اكتر

ويعامل الولد بحنان اكتر .. بس يبقى شادد عليه حبه ..

وبعدين هو لو حسين كويس ايه الي يعرفه على بشله ؟؟

ولو كان جارهم .. ده من اسمه محدش يكلمه .. ولو حسين عاقل مكنش سمع كلامه ..

بس برضو مش كل الاولاد زي بعض ..

يعني لازم يكون في وحش عشان الكويس يستمر ويحافظ على كَوسيّته دي .. ولا ايه؟؟

انا عارفه انكوا مفهمتوش حاجه .. لكن ده طبيعة كلامي ..:d

معلش بقى ;;)

بث ميغثي على التوبك في القسم المهجور :d

noha77
11-11-2009, 11:14 PM
السلام عليكم
اسمحولي اشترك معاكم
انا رأيي ان الطرد من البيت ده اسوأ حاجه ممكن الاب يعملها لان الموضوع ده خطير جدا لان الاب مش بيكون عارف ابنه ماشي مع مين بره ولا بيعمل ايه وبعدين الابن بيحس بالاهانة جامد واحتمال كبير جدا انه يعمل حاجات غلط كتير
والله فعلا القصة دي حصلت مرتين قدامي
ولد صاحب اخوية وباباه زميل بابا على طول باباه يطرده من البيت والولد محترم بجد بس باباه بيطرده علشان بيتخانق مع اخوه وحاجات مش جامده يعني ولمل بيطرده وأخويه بيعرف بيقول لبابا وبنخليه يجي عندنا البيت يبيت مع أخوية لو حصلت أسبوع بس نكون مطمنين عليه انه عندنا وبعدين بابا بيحاول انه يكلم باباه علشان يرجعه البيت
وربنا يهدينا ويهدي أخواتنا وشباب المسلمين
أمييييييييييييييييييييييييييييييييييييييين
أسفة على الاطالة
وشكرا استاذ كريم على الموضوع المفيد

كريم ماضي
12-11-2009, 10:13 AM
بسم الله الحمن الرحيم
السلام عليكم ورحمة الله وبركاته

وعليكم السلام ورحمة الله وبركاته

شكراً لك أستاذ كريم علي الموضوع الجميل
الشكر لله استاذي الفاضل المفروض انا اللي اشكرك لانك نورت الموضوع بجد
لكن لي تعليق علي قصة حسين
أعتقد انك متحامل علي أبو حسين لدرجه كبيرة لأن الأب مهماً كان فهو أولاً وأخيراً يبغي مصلحة إبنه ..... لكن الجيل الحالي فلسفته وفكره عدم تقبل النصائح من الآخرين حتي ولو كان الألاخرين هم والديه
وأيضاً نقاش الشباب في هذه الفترة عناء لأنك لا تستطيع مناقشته بهدوء فهو متمسك بفكرة ويقاتل من أجله حتي ولو كان خطأ ةهذا هو الغالب
هذا قليل من كثير مما يكون ...وتقبل مروري مع خالص الشكر



طيب انا مش متحامل علي ابو حسين ولا حاجه لان أبو حسين ده مش كل أب في مصر يعني حالات وأحنا بنعرض السلبيات الخاصه بالأباء وبعد كده ان شاء الله هنعرض السلبيات الخاصه بالأبناء
يعني ده بيغلط وده بيغلط والمفروض كلنا ناخد بالنا
عشان بعد كده كلمة ياريت مش بتنفع خالص
جزاك الله كل الخير علي المرور الجميل

كريم ماضي
12-11-2009, 10:16 AM
لو تسمحولى اكون معاكم فى الحوار
فعلا فى اباء من كتر خوفهم على اولادهم ممكن يتعبوهم بس والله مفيش اب نفسه اولاده يكونو احسن منه او يمكن انا راى كده لان بابا ربنا يخليه لينا دئما بيتبع معانا اسلوب الحوار وعمرة ما غصب علينا فى اى حاجه تخص مستقبلنا بس بيحاول يقنعنا برأيه مش عارفه بس انا بحب بابا قوى يمكن اكون اكتر واحده فى اخواتى بحبه كده
ونفسى ولادى كمان يحبونى كده
طيب هقولكم على حاجه انا ام وعندى طفلين صغيرين نفسى يكونو احسن ناس فى الدنيا حتى احسن منى علشان كده بقولكم من احساس الامومه والابوه انهم بيحبوكم وبيخافوا عليكم
وبعدين انت حبهم اكيد هتحصد حبهم ان شاء الله واسفه طولت عليكم
سلام

هو كل أب يستحق كلمة أب ده نقدر نقول عليه انه عايز أولاده يكونوا احسن منه أنما هناك أباء يدمرون أبنائهم
وربنا يخلي لحضرتك السيد الوالد ويكتر من أمثاله وأحنا عايزين كل الاباء يكون أسلوبهم الحوار
ربنا يخليهم يارب ويكونوا متفوقين ان شاء الله
جزاكم الله خيرا علي المرور الجميل

كريم ماضي
12-11-2009, 10:24 AM
سلام عليكوووو

وعليكم السلام ورحمة الله وبركاته

انا كييييييت .. هو انا عارفه اني مش هقول حاجه مفيده بس اسمعوني برضو <<من حقي :d

حاضر هنسمع أن شاء الله بس لازم يكون فيه ثقه في النفس يمكن تغلطي وتقولي حاجه مفيده

ام هند .. دولقوتي مش البهبهات {الأباء} زي بعضيتها .. يعني ابو حسين ده صنف من الناس

وفي اصناف تانيه كتير .. في احسن منه وفي أسوأ منه ..

وبعدين انا من راي ان لازم الاب يشد على الولد عشان يبقى عنده كده شويه خشونه

ويحن على البنت بس مش لدرجة الدلع الماسخ .. يعني يعاملها بحنان اكتر

ويعامل الولد بحنان اكتر .. بس يبقى شادد عليه حبه ..

وبعدين هو لو حسين كويس ايه الي يعرفه على بشله ؟؟

ولو كان جارهم .. ده من اسمه محدش يكلمه .. ولو حسين عاقل مكنش سمع كلامه ..

بس برضو مش كل الاولاد زي بعض ..

يعني لازم يكون في وحش عشان الكويس يستمر ويحافظ على كَوسيّته دي .. ولا ايه؟؟

انا عارفه انكوا مفهمتوش حاجه .. لكن ده طبيعة كلامي ..:d

معلش بقى ;;)

بث ميغثي على التوبك في القسم المهجور :d

طيب كلامك في موضوع أنه يشد علي أبنه ويحن علي بنته

المفروض نع الاتنين يكون فيه شد وحنيه في نفس الوقت
والاخ بشله ده مش طريق حسين خالص بس حسين الدنيا كانت ضيقه في وشه ومش شايف امامه ياعيني يابني وبشله بقي قال يوجب معاه وطبعا حسين عمره ماكان يفكر ان حاله هيكون كده نهائي بس كله بييجي بالتدريج
هو لازم لازم يكون فيه وحش عشان الكويس يستمر ؟؟؟؟؟؟؟ طيب ليه الوحش ده مايكونش كويس والكويس يكون كويس ولا لو الوحش أصبح كويس الكويس هيغير ويبقي وحش؟

لا أزاي فهمنا طبعا

اهلا بيك في القسم اللي مبقاش مهجور والحمد لله :18:

جزاكم الله خيرا علي المرور

kohlr2002
12-11-2009, 10:49 PM
المفروض الاباء يكون عندهم مواكبه للعصر يعني يثقف نفسه و يحاول يعاصر سن ابنه و يفهم العصر و الجيل بتاعه بيتكلم في ايه و بيعيش اذاي و بكده يبقي مشكله التواصل

كريم ماضي
13-11-2009, 12:08 AM
السلام عليكم
اسمحولي اشترك معاكم
انا رأيي ان الطرد من البيت ده اسوأ حاجه ممكن الاب يعملها لان الموضوع ده خطير جدا لان الاب مش بيكون عارف ابنه ماشي مع مين بره ولا بيعمل ايه وبعدين الابن بيحس بالاهانة جامد واحتمال كبير جدا انه يعمل حاجات غلط كتير
والله فعلا القصة دي حصلت مرتين قدامي
ولد صاحب اخوية وباباه زميل بابا على طول باباه يطرده من البيت والولد محترم بجد بس باباه بيطرده علشان بيتخانق مع اخوه وحاجات مش جامده يعني ولمل بيطرده وأخويه بيعرف بيقول لبابا وبنخليه يجي عندنا البيت يبيت مع أخوية لو حصلت أسبوع بس نكون مطمنين عليه انه عندنا وبعدين بابا بيحاول انه يكلم باباه علشان يرجعه البيت
وربنا يهدينا ويهدي أخواتنا وشباب المسلمين
أمييييييييييييييييييييييييييييييييييييييين
أسفة على الاطالة
وشكرا استاذ كريم على الموضوع المفيد

وعليكم السلام ورحمة الله وبركاته
اهلا وسهلا
طبعا ده خطير جدا بس اللي يقدر بقي
طيب تخيلي بقي لو نفس الولد اللي هوا صاحب أخوك ده مصاحب حد تاني أو محدش قدر يبيته عنده في البيت الا واحد زي الاخ بشله ولا اي واحد فاسد ايه اللي هيحصل ؟
والله ربنا بسترها علي الشباب
الشكر لله
وجزاكم الله كل الخير علي المرور العطر

كريم ماضي
13-11-2009, 12:17 AM
المفروض الاباء يكون عندهم مواكبه للعصر يعني يثقف نفسه و يحاول يعاصر سن ابنه و يفهم العصر و الجيل بتاعه بيتكلم في ايه و بيعيش اذاي و بكده يبقي مشكله التواصل


كلام جميل وكلمة أب معناها كبير جدا حاجه مش سهله يعني
جزاكم الله خيرا علي المرور الجميل

soma 24
13-11-2009, 01:22 AM
[QUOTE=كريم ماضي;124999]
السلام عليكم ورحمة الله وبركاته
وعليكم السلام ورحمه الله وبركاته

اهلا بيكم في القسم المهجور ده والله عيب ده اسمه كلام شباب يعني فين بقي الشباب؟
ماخلاص بقى قولنا مبقاش مهجور
هنتكلم مع بعض في سلسله كده علي الماشي يعني دردشة شباب
اوكى تمام
موضوع أبناء وأباء
موضوع مهم وجامد جدا
كل يومين كده هنعمل موضوع ونتناقش فيه ونشوف بقي اللي بيحصل معانا واللي بيحصل حوالينا
خلاص ماشى متفقين

اول حاجه الموضوع ده هيكون معاملة الاب لأبنه وهناخد الجانب السلي
مممممممممممممم ماشى
بعنوان أطلع بره يا ابن الك.................



[size=4]انا بصراحه مش عارف بشوف أباء كتير جدا لايصلحوا أن يكونوا أباء
لالالالالالا كده الموضوع كبير اوى
بجد في حالات كتيره يقال عليهم (المفروض الابناء يربوا أبائهم )
بس مش للدرجه دة برضو



[COLOR="DarkOrchid"]انا شايفه ان المشكله بس فى الحوار بين الاب وابنه
يعنى مثلا المفروض الاب انه يتعود ان ابنه خلاص كبر ومن حقه انا يتناقش معاه فى حاجات كتير
وفى حاجه كمان
بشوف كتير من الاباء علاقتهم بابنائهم روتينيه اوى
يعنى مثلا صباح الخير ازيك يا بابا وخلاص على كده
وكده برضو مش ينفع لازم الاب يصاحب ابنه او بنته كمان
ويرقربلهم اكتر
ويعرف اصحابهم كمان ايه المشكله يعنى فى كده
مش حاجه صعبه ابدا
بالعكس دى حاجه جميله جدا
يعنى لما الاب يصاحب ابنه كده هيعرف ازاى يتناقش معاه ويقنعه برايه بس بشكل كويس طبعا ومقنع
احسن الف مره من لما يكرشه بره البيت ويضيعه بالشكل ده:28:

تقبل مرورى فى القسم الى مبقاش مهجور:bosyht9:

كريم ماضي
13-11-2009, 08:39 PM
[quote=كريم ماضي;124999]
السلام عليكم ورحمة الله وبركاته

وعليكم السلام ورحمه الله وبركاته

اهلا بيكم في القسم المهجور ده والله عيب ده اسمه كلام شباب يعني فين بقي الشباب؟
ماخلاص بقى قولنا مبقاش مهجور
هنتكلم مع بعض في سلسله كده علي الماشي يعني دردشة شباب
اوكى تمام
موضوع أبناء وأباء
موضوع مهم وجامد جدا
كل يومين كده هنعمل موضوع ونتناقش فيه ونشوف بقي اللي بيحصل معانا واللي بيحصل حوالينا
خلاص ماشى متفقين

اول حاجه الموضوع ده هيكون معاملة الاب لأبنه وهناخد الجانب السلي
مممممممممممممم ماشى
بعنوان أطلع بره يا ابن الك.................



[size=4]انا بصراحه مش عارف بشوف أباء كتير جدا لايصلحوا أن يكونوا أباء
لالالالالالا كده الموضوع كبير اوى
بجد في حالات كتيره يقال عليهم (المفروض الابناء يربوا أبائهم )
بس مش للدرجه دة برضو



[COLOR=DarkOrchid]انا شايفه ان المشكله بس فى الحوار بين الاب وابنه
يعنى مثلا المفروض الاب انه يتعود ان ابنه خلاص كبر ومن حقه انا يتناقش معاه فى حاجات كتير
وفى حاجه كمان
بشوف كتير من الاباء علاقتهم بابنائهم روتينيه اوى
يعنى مثلا صباح الخير ازيك يا بابا وخلاص على كده
وكده برضو مش ينفع لازم الاب يصاحب ابنه او بنته كمان
ويرقربلهم اكتر
ويعرف اصحابهم كمان ايه المشكله يعنى فى كده
مش حاجه صعبه ابدا
بالعكس دى حاجه جميله جدا
يعنى لما الاب يصاحب ابنه كده هيعرف ازاى يتناقش معاه ويقنعه برايه بس بشكل كويس طبعا ومقنع
احسن الف مره من لما يكرشه بره البيت ويضيعه بالشكل ده:28:

تقبل مرورى فى القسم الى مبقاش مهجور:bosyht9:

والله كلام جميل جدا ومعقول جدا
جزاكم الله خيرا عي المرور العطر
وبكم القسم أصبح ليس مهجور :18: