لا تكن قردا ... لمجرد أنك مواطن في جبلاية القرود

[شريف]

بقلم : شريف راغب :)
لو هترد من غير ما تقرا الموضوع كله
صدقني ردك مش هيبقا في الجون :)

ـــــــــــ
هوا احنا لازم نبقا قرود عشان عايشين في جبلاية قرود ؟
You can see links before reply
سؤال يطرح نفسه بقوة
.. و قبل ما تجاوب فكر الاول بالعقل في مغزي السؤال ...أصل العقل
و المنطق هوا اللي هيوصلنا للاجابة النموذجية علي السؤال ده... حد يقدر ينكر اننا بتتحكم فينا كلنا بعض العادات و التقاليد البالية اللي لا ليها علاقة لا بدين ولا حتي بعقل سليم موزون ..ليه حكمتنا كتير و لسنين طويلة عادات ساذجة بنؤمن بيها الي حد خطير لدرجة اننا ممكن نقاتل عشان نمارسها في حياتنا الشبه يومية و كانها كتاب منزل من السماء أو قرآن أخر بعد القران الكريم نزل !.... و اللي يدهشك انها لا في سنة و لا في قران بل الاغرب انها ممكن تتعارض كليا و جزئيا مع القران و الاسلام و السنة بل و العقل ... هوا احنا شوية قرود؟ انا اخترت لفظة قرود لان مجتمع القرود مجتمع يهوي التقليد الاعمي حتي في أغبي العادات .... ليه ثقافة التقليد بقت ثقافة بتجري في دمنا ؟ و ليه قابلها و موافق عليها عقلنا ؟ طب ليه عادة فرعونية سحيقة نتمسك بيها كلنا ؟ و ليه معندناش الجرأة علي التمرد مع اننا ممكن و بسهولة أوي نقنع اي حد يعارض تمردنا بأن العادات دي خايبة اوي و مالهاش اي لازمة و التمسك بيها ضرب من البله ؟ يعني مثلا ... واحدة ست مصرية ليه تلبس الاسود و تتشح بالسواد سنين كتير لمجرد ان قريب ليها مات ؟ مع ان ده لا في شرع و لا في دين ! طب ليه في فرحك تلبس مراتك حمالات ؟ فستان عجيب ترقص معاها و الشباب منطق غريب ... و الكل واكل لحمها ...و أصبح عادي و لو اعترضت ... تبقا انت الغريب و انت العجيب ... و اول كلمة تتقال .... يابني هوا انت اللي هتغير الكون ما كل الناس بتعمل كده ... و دي اكتر كلمة تدل علي اننا عايشين في مجتمع قرود من الدرجة الاولي ... محدش عنده القدرة علي التفكير في جدوي اللي بيعمله و لا حد عنده القدرة يقول لا ... مش هعمل كده.... طب ليه الافراح عندنا كلها بالليل ؟ مع انك لو اتجوزت بالنهار هيبقا الجواز جائز شرعا و حلال برضه ... طب ليه و لازمته ايه تعليم لمدة اتناشر سنة للكل و لكافة العقول مناهج واحدة عفا عليها الزمن و أصبحت عبارة عن امهات الكتب في تاريخ العلوم في ارشيف جامعات الدول المتقدمة ؟ و ليه المواطن المصري البسيط اتبرمج علي ان الواد ابنه يوصل ست سنين يقوم ساحبه زي الخروف علي اي مدرسة ابتدائي جنبه يقعد فيها ست سنين عامل زي الالة لا ليه طعم و لا لون و لا عقل ... و اتبرمج علي ان عقله هوا زائدة في الجسم يمكن بترها زي الزايدة الدودية و اللحمية و اللوز !..... و ليه نبقا زي القرد في التقليد و مافيش جديد ...
You can see links before reply
طب ليه الشباب سافف تراب عشان يجيب شبكة و حاجات مالهاش لزوم و العمر ضايع ... و في النهاية دي عادة ثابتة ... عادة ساذجة عادة بالية مستحيل علي أب يقدر يفرط في عادة هبلة لمجرد ان الناس هيقولوا علي بنتي و يعيدوا .... و بنته في النهاية و الشاب ده هما الضحية .... بذمتكوا مش ده أب اصله قرد ؟ ...
You can see links before reply
ليه المصريين دايما من أكثر الشعوب تمسكا بعادات و تقاليد من ايام الفراعنة ما أنزل الله بها من سلطان ؟
طب ليه بنقول للمولود اسمع كلام امك و نرش الملح و نولع شمع و نحطه في صينية ؟ طب ليه بنزور السيدة و الحسين و نلمس الحديد و نتوسل ليهم مع انهم لا يملكوا ضرا و لا نفعا ؟ طب ليه و ليه و ليه و ليه
حاجات كتير اوي جايبالي صداع ... و مخي تعب من التفكير
و دايما قدام الكبار في السن اللي بيقدسوا الموضوعات دي بجادلهم ...و في النهاية لو وقفت علي دماغي عمرهم ما هيقتنعوا ... و السؤال ليك انت ياللي انت انسان ... و متمسك بانسانيتك مع انك في قلب جبلاية القرود !


ايه اغرب عادة قديمة أو تقليد أو معتقد اندهشتله ؟
هل حاولت مرة تعترض علي واحد من التقاليد الغبية دي ؟
هل ناوي تتمرد علي نظرية جبلاية القرود ؟
ايه العادة اللي انت شايف انها مالهاش علاقة بالدين
لكن هتواظب عليها و مش هتقدر تتنازل عنها ؟:bosyht9:

[صوت الامة]

جزاكم الله خيرا
وشكرا على الموضوع الجميل
بس ليا عودة تانية ان شاء الله
لانى لم اقراءة جيدااااااا

[ياسر الدقاق]

بسم الله الرحمن الرحيم
صدقت والله أستاذ شريف فيما قلته ...لكن
من يقاوم تلك العادات والموروثات التي ترسخت في مجتمعنا
حتي ظنت الأجيال الحالية أن تلك العادات من الدين ومن يخالفها فحرام ثم حرام عليه

ايه اغرب عادة قديمة أو تقليد أو معتقد اندهشتله ؟
مثلاً عند وفاة أحد الأشخاص يتكلف أهل المتوفي الكثير في عمل سرادق ضخم و إحضار مقرئ قرأن مشهور وإذا ناقشت أحدهم يقول لك ( إنت عايز الناس تاكل وشي ويقولوا مقدرش يعمل ويعمل .....) وتسمع حجج وأقوال غريبة وأصبح الناس يتنافسون عندنا هنا في إحضار المشايخ المشهورة بألاف الجنيهات .
هل حاولت مرة تعترض علي واحد من التقاليد الغبية دي ؟
كثير جداً لكن ما من مجيب
هل ناوي تتمرد علي نظرية جبلاية القرود ؟
بالطبع نعم لكن هل يصلح هذا من الأمر شيئ
ايه العادة اللي انت شايف انها مالهاش علاقة بالدين
عادات الملابس وما أصبحت عليه من فساد تناقلناه بدون أي سند ديني وإقتنعنا به
لكن هتواظب عليها و مش هتقدر تتنازل عنها ؟
بالطبع لا

[مسيو وليد عسكر]

والله معاك حق يا شريف 00لو قدرت تجاوبني علي الاسئلة دي ممكن اقدر اساعدك:)
-ليه الحلاقيين لازم قفل كلها يوم الاثنين ؟
-ليه الموظفيين بتموت وبتعشق التزويغ ؟
-ليه معظم الستات مش بتطيق ق حماتها وبتعتبرها عدوة ليها ؟
-ليه دايما موضوعات فيها لمسة فنان واحساس شاعر ؟:)
-ليه المصريين دمهم خفيف مع انهم مطحونيين ؟
00000
لي عودة بعد قاصل لاني هنزل كمان شوية:)

[عز وحيد]

موضوع حضرتك يا مستر شريف محتاج كلااااااااااام كتيير ورد طويل
بس الى نقدر نقوله دلوقتى لحد ما ارد رد تانى انه موضوع فى الجون بجد
موضوع يااااااااااااه بيناقش سلبيات خانقنى بشكل مستفز
كل يوم بشوف كل الى حضرتك بتقوله ده
ان شاء الله هرد رد تانى
لان فعلا الموضوع
محتاج كلام كتير
جزاك الله خيرا
على الموضوع الهادف مستر شريف

[ميس صافيا]

بقلم : شريف راغب :)
لو هترد من غير ما تقرا الموضوع كله
صدقني ردك مش هيبقا في الجون :)

ـــــــــــ
هوا احنا لازم نبقا قرود عشان عايشين في جبلاية قرود ؟
You can see links before reply
سؤال يطرح نفسه بقوة
.. و قبل ما تجاوب فكر الاول بالعقل في مغزي السؤال ...أصل العقل
و المنطق هوا اللي هيوصلنا للاجابة النموذجية علي السؤال ده... حد يقدر ينكر اننا بتتحكم فينا كلنا بعض العادات و التقاليد البالية اللي لا ليها علاقة لا بدين ولا حتي بعقل سليم موزون ..ليه حكمتنا كتير و لسنين طويلة عادات ساذجة بنؤمن بيها الي حد خطير لدرجة اننا ممكن نقاتل عشان نمارسها في حياتنا الشبه يومية و كانها كتاب منزل من السماء أو قرآن أخر بعد القران الكريم نزل !.... و اللي يدهشك انها لا في سنة و لا في قران بل الاغرب انها ممكن تتعارض كليا و جزئيا مع القران و الاسلام و السنة بل و العقل ... هوا احنا شوية قرود؟ انا اخترت لفظة قرود لان مجتمع القرود مجتمع يهوي التقليد الاعمي حتي في أغبي العادات .... ليه ثقافة التقليد بقت ثقافة بتجري في دمنا ؟ و ليه قابلها و موافق عليها عقلنا ؟ طب ليه عادة فرعونية سحيقة نتمسك بيها كلنا ؟ و ليه معندناش الجرأة علي التمرد مع اننا ممكن و بسهولة أوي نقنع اي حد يعارض تمردنا بأن العادات دي خايبة اوي و مالهاش اي لازمة و التمسك بيها ضرب من البله ؟ يعني مثلا ... واحدة ست مصرية ليه تلبس الاسود و تتشح بالسواد سنين كتير لمجرد ان قريب ليها مات ؟ مع ان ده لا في شرع و لا في دين ! طب ليه في فرحك تلبس مراتك حمالات ؟ فستان عجيب ترقص معاها و الشباب منطق غريب ... و الكل واكل لحمها ...و أصبح عادي و لو اعترضت ... تبقا انت الغريب و انت العجيب ... و اول كلمة تتقال .... يابني هوا انت اللي هتغير الكون ما كل الناس بتعمل كده ... و دي اكتر كلمة تدل علي اننا عايشين في مجتمع قرود من الدرجة الاولي ... محدش عنده القدرة علي التفكير في جدوي اللي بيعمله و لا حد عنده القدرة يقول لا ... مش هعمل كده.... طب ليه الافراح عندنا كلها بالليل ؟ مع انك لو اتجوزت بالنهار هيبقا الجواز جائز شرعا و حلال برضه ... طب ليه و لازمته ايه تعليم لمدة اتناشر سنة للكل و لكافة العقول مناهج واحدة عفا عليها الزمن و أصبحت عبارة عن امهات الكتب في تاريخ العلوم في ارشيف جامعات الدول المتقدمة ؟ و ليه المواطن المصري البسيط اتبرمج علي ان الواد ابنه يوصل ست سنين يقوم ساحبه زي الخروف علي اي مدرسة ابتدائي جنبه يقعد فيها ست سنين عامل زي الالة لا ليه طعم و لا لون و لا عقل ... و اتبرمج علي ان عقله هوا زائدة في الجسم يمكن بترها زي الزايدة الدودية و اللحمية و اللوز !..... و ليه نبقا زي القرد في التقليد و مافيش جديد ...

تصدق بالله انا قلبى وجعنى اول ما قريت حكاية المدرسه دى
نفسى التعليم بالذات يبعد عن التقليديه اللى خدنا عليها
نفسى ندرس ونتعلم اللى احنا بنحبه مش اللى يحبه مكتب التنسيق
خلينا ساكتين يا شريف
عشان على راى اللى قال "ما فيش فايده "
You can see links before reply
طب ليه الشباب سافف تراب عشان يجيب شبكة و حاجات مالهاش لزوم و العمر ضايع ... و في النهاية دي عادة ثابتة ... عادة ساذجة عادة بالية مستحيل علي أب يقدر يفرط في عادة هبلة لمجرد ان الناس هيقولوا علي بنتي و يعيدوا .... و بنته في النهاية و الشاب ده هما الضحية .... بذمتكوا مش ده أب اصله قرد ؟ ...


فعلا باه الموضوع ده مهم جدا جدا
وبرضه ما لوش حل
لان زى ما انت قلت كل واحد هيقول ازاى دا يحصل لازم بنتى يجيلها ويجيلها
عشان نتشرف ادام الناس
لما وصل الجواز انه اصبح وسورى فى التعبير قطم وسط
الله يعين الشباب واهاليهم
بس بعيدا عن دا او دا شكلك اتقرصت اوى يا شريف صح
ههههههههههههههه
You can see links before reply
ليه المصريين دايما من أكثر الشعوب تمسكا بعادات و تقاليد من ايام الفراعنة ما أنزل الله بها من سلطان ؟
طب ليه بنقول للمولود اسمع كلام امك و نرش الملح و نولع شمع و نحطه في صينية ؟

هو انا معاك انها عادات موروثه بس ما دمنا مش بنضر حد يبقى ما فيش منها مانع
لانها بتبقى فرحه
يا رب يا شريف عقبال ما نرش الملح لولى العهد بتاعك قريب جدا
والملح على حسابى
طب ليه بنزور السيدة و الحسين و نلمس الحديد و نتوسل ليهم مع انهم لا يملكوا ضرا و لا نفعا ؟ طب ليه و ليه و ليه و ليه


لا دى الحمد لله ما باعملهاش وبازعل جدا لما باشوفها
حاجات كتير اوي جايبالي صداع ... و مخي تعب من التفكير
و دايما قدام الكبار في السن اللي بيقدسوا الموضوعات دي بجادلهم ...و في النهاية لو وقفت علي دماغي عمرهم ما هيقتنعوا ... و السؤال ليك انت ياللي انت انسان ... و متمسك بانسانيتك مع انك في قلب جبلاية القرود !


ايه اغرب عادة قديمة أو تقليد أو معتقد اندهشتله ؟

اغرب حاجه عندنا فى البلد لما واحد يموت يغسلوا هدومه كلها تالت يوم
ليه ما تعرفش واشمعنه تالت يوم برضه ما تعرفش


هل حاولت مرة تعترض علي واحد من التقاليد الغبية دي ؟

ايوه كتير بس مش ديما كنا بننجح
هل ناوي تتمرد علي نظرية جبلاية القرود ؟

والله هو المبدا نفسه موجود بس زى ما قلتلك مش ديما بننجح


ايه العادة اللي انت شايف انها مالهاش علاقة بالدين
لكن هتواظب عليها و مش هتقدر تتنازل عنها ؟

فيه حاجه اسمها الاربعين خاص بالميت برضه
ودا بعد اربعين يوم من الموت يرجعوا يعملوا نفس العزا من تانى
ليه برضه ما تفهمش

الا ان فعلا مش ممكن نتنازل عنها عشان دا يبقى عيب كبير اوى
تقول ايه باه

:bosyht9:


شكرا يا شريف
والله فكره حلوه ودعوه للتحرر من شوية تقليديات غبيه ما لهاش اى لزمه

[ميس سوزان]

بقلم : شريف راغب :)



لو هترد من غير ما تقرا الموضوع كله
صدقني ردك مش هيبقا في الجون :)

ـــــــــــ
هوا احنا لازم نبقا قرود عشان عايشين في جبلاية قرود ؟
You can see links before reply
سؤال يطرح نفسه بقوة
.. و قبل ما تجاوب فكر الاول بالعقل في مغزي السؤال ...أصل العقل
و المنطق هوا اللي هيوصلنا للاجابة النموذجية علي السؤال ده... حد يقدر ينكر اننا بتتحكم فينا كلنا بعض العادات و التقاليد البالية اللي لا ليها علاقة لا بدين ولا حتي بعقل سليم موزون ..ليه حكمتنا كتير و لسنين طويلة عادات ساذجة بنؤمن بيها الي حد خطير لدرجة اننا ممكن نقاتل عشان نمارسها في حياتنا الشبه يومية و كانها كتاب منزل من السماء أو قرآن أخر بعد القران الكريم نزل !.... و اللي يدهشك انها لا في سنة و لا في قران بل الاغرب انها ممكن تتعارض كليا و جزئيا مع القران و الاسلام و السنة بل و العقل ... هوا احنا شوية قرود؟ انا اخترت لفظة قرود لان مجتمع القرود مجتمع يهوي التقليد الاعمي حتي في أغبي العادات .... ليه ثقافة التقليد بقت ثقافة بتجري في دمنا ؟ و ليه قابلها و موافق عليها عقلنا ؟ طب ليه عادة فرعونية سحيقة نتمسك بيها كلنا ؟ و ليه معندناش الجرأة علي التمرد مع اننا ممكن و بسهولة أوي نقنع اي حد يعارض تمردنا بأن العادات دي خايبة اوي و مالهاش اي لازمة و التمسك بيها ضرب من البله ؟
ج:علشان احنا مفتقدين الاستقلالية والاعتماد على النفس والقدوة اللى تأثر فينا بشكل ايجابى ولو لقى قدوة مش بتكون كويسة زى مثلا تامر حسنى الشباب كلهم كانوا بيقلدوه تقليد اعمى فى كل حاجة بيعملها حتى لو كانت غلط زى ما يكون مرض وانتشر ومالهوش علاج
يعني مثلا ... واحدة ست مصرية ليه تلبس الاسود و تتشح بالسواد سنين كتير لمجرد ان قريب ليها مات ؟ مع ان ده لا في شرع و لا في دين !
ج: علشان هى شايفة ان ده رمز للحزن وان لبسها الاسود مده طويلة دليل على الوفاااااااء والاخلاص والحب الصادق !!!
طب ليه في فرحك تلبس مراتك حمالات ؟ فستان عجيب ترقص معاها و الشباب منطق غريب ... و الكل واكل لحمها ...و أصبح عادي و لو اعترضت ... تبقا انت الغريب و انت العجيب ... و اول كلمة تتقال .... يابني هوا انت اللي هتغير الكون ما كل الناس بتعمل كده ...
ج: علشان بُعد الناس عن دينها وكمان البنات بتبص لبعضها وكالعادة عايزين يقلدوا بعض .
و دي اكتر كلمة تدل علي اننا عايشين في مجتمع قرود من الدرجة الاولي ... محدش عنده القدرة علي التفكير في جدوي اللي بيعمله و لا حد عنده القدرة يقول لا ... مش هعمل كده.... طب ليه الافراح عندنا كلها بالليل ؟ مع انك لو اتجوزت بالنهار هيبقا الجواز جائز شرعا و حلال برضه ...
ج: علشان معظم الناس بتشتغل فى النهار ومش فاضيين
طب ليه و لازمته ايه تعليم لمدة اتناشر سنة للكل و لكافة العقول مناهج واحدة عفا عليها الزمن و أصبحت عبارة عن امهات الكتب في تاريخ العلوم في ارشيف جامعات الدول المتقدمة ؟ و ليه المواطن المصري البسيط اتبرمج علي ان الواد ابنه يوصل ست سنين يقوم ساحبه زي الخروف علي اي مدرسة ابتدائي جنبه يقعد فيها ست سنين عامل زي الالة لا ليه طعم و لا لون و لا عقل ... و اتبرمج علي ان عقله هوا زائدة في الجسم يمكن بترها زي الزايدة الدودية و اللحمية و اللوز !..... و ليه نبقا زي القرد في التقليد و مافيش جديد ...
ج:علشان التعليم فى مصر اصلا غلط!!! انا وصلت لمرحلة انى مش مصدقة ان الطفل المصرى اذكى طفل فى العالم لحد 6 سنين
وصلنا للمرحلة دى بسبب الضرب والبعد عن الوسائل التربوية فى التعليم
You can see links before reply
طب ليه الشباب سافف تراب عشان يجيب شبكة و حاجات مالهاش لزوم و العمر ضايع ... و في النهاية دي عادة ثابتة ... عادة ساذجة عادة بالية مستحيل علي أب يقدر يفرط في عادة هبلة لمجرد ان الناس هيقولوا علي بنتي و يعيدوا .... و بنته في النهاية و الشاب ده هما الضحية .... بذمتكوا مش ده أب اصله قرد ؟ ...
ج: فشخرة ادام الناس وعلشان يجيب لبنته عريس يستاهل
You can see links before reply
ليه المصريين دايما من أكثر الشعوب تمسكا بعادات و تقاليد من ايام الفراعنة ما أنزل الله بها من سلطان ؟
ج: لان ده تراااااااااااااث وتاريخ وعيب اوى ان احنا نسيبه زى مثلا { الاربعين } للميت
طب ليه بنقول للمولود اسمع كلام امك و نرش الملح و نولع شمع و نحطه في صينية ؟
ج: علشان امه حتطلق من ابوه والملح يدخل فى عينه ويعمل نظارة والدكاترة يسترزقه، ويتحط فى صينية علشان يطلع قصير .
طب ليه بنزور السيدة و الحسين و نلمس الحديد و نتوسل ليهم مع انهم لا يملكوا ضرا و لا نفعا ؟ طب ليه و ليه و ليه و ليه
حاجات كتير اوي جايبالي صداع ... و مخي تعب من التفكير
و دايما قدام الكبار في السن اللي بيقدسوا الموضوعات دي بجادلهم ...و في النهاية لو وقفت علي دماغي عمرهم ما هيقتنعوا ... و السؤال ليك انت ياللي انت انسان ... و متمسك بانسانيتك مع انك في قلب جبلاية القرود !


ايه اغرب عادة قديمة أو تقليد أو معتقد اندهشتله ؟
لما حد يتعب ويقولوا انه اتحسد ويعملوا عروسة ورق ويخرموها بالدبوس من عين الناس ويشتروا عين العفريت ويولعوا فى الشقة .. قصدى فى العروسة
هل حاولت مرة تعترض علي واحد من التقاليد الغبية دي ؟
اه .. اتكلمت مع جدتى الله يرحمها وكنت صغيرة وقتها فى ابتدائىوقلت لها ايه الكلام الفارغ ده
وطبعا ضحكت وقالت كلام عيال
هل ناوي تتمرد علي نظرية جبلاية القرود ؟
اتمردت كتير و... لا تعليق
كنت لسه بحكى موقف فى موضوع مستر اسامة بتاع لو عندك مشكلة احكى .... وطلعت معقدة نفسيا فى الاخر
ايه العادة اللي انت شايف انها مالهاش علاقة بالدين


لكن هتواظب عليها و مش هتقدر تتنازل عنها ؟:bosyht9:
احيانا بتفرج على التلفزيون وبسمع اغانى الحمد لله مش زى الاول
بس مش عارفة اذا كنت حبطلها خالص ولا لا !!




جزاك الله خيرا
موضوع مطرقع
:18:

[دعاء شديد]

شريف


هوا احنا لازم نبقا قرود عشان عايشين في جبلاية قرود ؟

سؤال يطرح نفسه بقوة





اسمحلى ارد على سؤالك بقصة


فى مرة ودون اختيار وبالصدفه البحتة
وجُدت "بيضه صقر" وسط مجموعه من "بيض الفراخ"


وفقس البيض كله ... وكبر الصقر وسط الكتاكيت على انه "كتكوت"
ولكنه دائما كان ينظر للسماء كلما مر طائر ... اى طائر


وفى يوم ضحك اخواته الكتاكيت وقالوله ... انت عايز تطير؟
قالهم يا ريت ... ضحكوا اكترواكتر وقالولوا
انت كتكوت
وظل يعيش فى قالب الكتكوت ... رغم انه صقر
وعاش ومات ... كتكوت


للاسف
عدم القدرة على اخذ قرار المحاوله للتمرد على الواقع
والسجن فى زنزانه العادات والتقاليد
غير الملزمه لنا ... يجعلنا نعيش ونموت "كتاكيت"


رد سريع على السؤال
ننتقل الآن لباقى الردود

[دعاء شديد]

حد يقدر ينكر اننا بتتحكم فينا كلنا بعض العادات و التقاليد البالية اللي لا ليها علاقة لا بدين ولا حتي بعقل سليم موزون


اولا
اه موجوده فعلا
بس بتحكم مين؟
بتحكم المستسلم لها ... غير القادر على انه
يقول لأ وينفذ


ثانياً
اسمحلى
لا علاقه لها بالدين ... اوافقك



انما لا علاقه لها بعقل موزون
اعترض وبشده
لان وقت ان مارس اجدادنا تلك لاعادات والتقاليد
كانوا فى شده العقل والانغلاق معاً
كان المجتمع محدود جداااااااااااا
كان من السهل ربط الاحداث ببعضها
"واحده زرات الحسين ولا السيده ... اتجوزت"
بفطرة ساذجة نقيه تم ربط الحدثين ببعض
لا اكثر ولا اقل ... واننشرت بين افراد المجتمع المحدود

ثم انتقلت لمن بعدهم ... لنتقل لمجتمع قل فيه الانغلاق قليلاً جدااااااااا
لكنه مجتمع لا يعرف
"لا" ولا يعرف كلمة "اعترض"

لا استطيع ان الوم على هؤلاء الاجداد
لانهم ابناء زمانهم



..ليه حكمتنا كتير و لسنين طويلة عادات ساذجة بنؤمن بيها الي حد خطير لدرجة اننا ممكن نقاتل عشان نمارسها في حياتنا الشبه يومية و كانها كتاب منزل من السماء أو قرآن أخر بعد القران الكريم نزل



اقولك ليه ... من وجهة نظرى

انغلاق مجتمعنا قديما
جعل فرصه تلقى المعرفه ... محدوده جداااااااااا
البنت تقلد امها والولد يقلد ابيه
ولا مجال للاختيار
وظل المجتمع هكذا يقل انغلاقه تدريجيا
حتى حدثت الطفرة ... وجاء من يثور على
انغلاق المجتمع ... نقله بشكل فجائى
لمجتمع منغلق ... ترتب عليها
هجوم على ما هو جديد وصراع معه
وخووووووووووووف من
انجذاب الاولاد لهذا التجديد

فاصبحوا يمارسون تلك العادات
بشده وبحرص صارمين

يعنى اساس هذا التمسك "خوف"
من الجديد ... من جهه
ومن نقد الناس .... من جهه اخرى

[دعاء شديد]

و اللي يدهشك انها لا في سنة و لا في قران بل الاغرب انها ممكن تتعارض كليا و جزئيا مع القران و الاسلام و السنة بل و العقل ... هوا احنا شوية قرود؟ انا اخترت لفظة قرود لان مجتمع القرود مجتمع يهوي التقليد الاعمي حتي في أغبي العادات







للاسف احنا لا نرقى للقرود
تصدق انت ظلمت القرود
على الاقل هى "قرود" لا تملك العقل
ولا قراءة ما حولها وفهمه

انما نحن
لدينا عقل لكنه "خارج نطاق الخدمة"
والاسلام ... دين عقل

ومندهش !!!!!!!
انت غريب
انا فعلا مندهشة من اندهاشك

[دعاء شديد]

ليه ثقافة التقليد بقت ثقافة بتجري في دمنا ؟ و ليه قابلها و موافق عليها عقلنا ؟ طب ليه عادة فرعونية سحيقة نتمسك بيها كلنا ؟ و ليه معندناش الجرأة علي التمرد مع اننا ممكن و بسهولة أوي نقنع اي حد يعارض تمردنا بأن العادات دي خايبة اوي و مالهاش اي لازمة و التمسك بيها ضرب من البله ؟



اقولك
متستغربش انه كلام عكس الي فات
لان هنا هنتكلم عن مجتمع عكس السابق تماما
رغم انه نفس المجتمع
بس بعد الانفتاح المفاجئ
انفتاح لم يستوعبه المجتمع ... لكنه تماشى معه
وانتقلنا من "التقليد المحدود" إلى "التقليد عير المبرر"
لمجرد رغبه فى الثورة لكنها غير محسوبه
تخيل
حتى لما قرروا يثوروا "بدون تفكير"

وترتب على ذلك وجود ثلاث فئات فى المجتمع
1- فئة المحافظين جدااااااااااا المتمسكين بالعادات

2- فئة منجرفه مع تيار التغير دون تفكير

3- فئة لا تملك القدرة على الصمود والتمسك بالتقاليد
ولا التخلى عن التغير الجديد الذى يعد بمثابه "صدمه"

وكانت النتيجة ... ما نعانيه الآن

[دعاء شديد]

يعني مثلا ... واحدة ست مصرية ليه تلبس الاسود و تتشح بالسواد سنين كتير لمجرد ان قريب ليها مات ؟ مع ان ده لا في شرع و لا في دين !

تعالى نبص من زاوية تانيه خالص

ليه من هم حول تلك السيده المتشحة بالسواد ... كحداد
لم يقولا لها "لا"
لم يقولوا "ان الحزن ليس باللبس"
اى مشاعر تكمن بداخلنا لا بالظاهر
بالعكس
هو من يلومون عليها لو لبست "كحلى"
هههههههههههههههه
حاجة بشعه بجد



طب ليه في فرحك تلبس مراتك حمالات ؟ فستان عجيب ترقص معاها و الشباب منطق غريب ... و الكل واكل لحمها ...و أصبح عادي و لو اعترضت ... تبقا انت الغريب و انت العجيب ...

اما الافراح بقى
من نفس الزاويه
اذا قال الزوج لا لهذا الفستان
تلاقى ضرب نار
"هو هيتحكم فيكى" ... وتقوم عاركه

طيب ليه الاب مقالش "لأ"
وممكن تلاقى العكس
الاب يقول "لأ"
سبع الرجال يقزلها "كلمتى الي هتمشى"

لو فكرت فى الرد ده
هتلاقى ان اساس كل ردود الفعل "الخووووووووووف"
خوف من كلام الناس لو غيرت الاسود
خوف الفرح يبوظ ... وكلام الناس

الخوف آفه
وقلوا ايه
"الي يخاف ... عقله ميشتغلش"

[أستاذ السيد على]

بارك الله فيكم ووفق الجميع لما فيه رضاه
:14::14::14:

[دعاء شديد]

يابني هوا انت اللي هتغير الكون ما كل الناس بتعمل كده ... و دي اكتر كلمة تدل علي اننا عايشين في مجتمع قرود من الدرجة الاولي ... محدش عنده القدرة علي التفكير في جدوي اللي بيعمله و لا حد عنده القدرة يقول لا


هى دى بقى المشكله
محدش عايز يبدأ
كل واحد مستنى حد يبدأ وهو "يقلده"
يعنى بندور فى حلقه مفرغه
وهنفضل ندور
لان محدش عايز يبقى نفسه
يعنى هو الاسهل "يقلد" ولا لسه
هيجادل ويقنع الناس ويغير سولك او عاده قديمه

منطق "البقاء للاسهل"
لان الاصعب عايز جرأة ... ايه ده ومنخافش
مينفعش

[دعاء شديد]

طب ليه و لازمته ايه تعليم لمدة اتناشر سنة للكل و لكافة العقول مناهج واحدة عفا عليها الزمن و أصبحت عبارة عن امهات الكتب في تاريخ العلوم في ارشيف جامعات الدول المتقدمة ؟ و ليه المواطن المصري البسيط اتبرمج علي ان الواد ابنه يوصل ست سنين يقوم ساحبه زي الخروف علي اي مدرسة ابتدائي جنبه يقعد فيها ست سنين عامل زي الالة لا ليه طعم و لا لون و لا عقل ... و اتبرمج علي ان عقله هوا زائدة في الجسم يمكن بترها زي الزايدة الدودية و اللحمية و اللوز !..... و ليه نبقا زي القرد في التقليد و مافيش جديد


لا يا شريف
انت هنا فى خلط بين العادات والتقاليد ... وبين اتجاهاتنا الفكرية

لا التعليم مش عادة
التعليم "فكر" يتبع فى الدوله
واحنا الحمدلله نملك مجموعة قناعات رائعه منها :
"التقدم يبدأ من تحت قدمى" ... لا من حيث انتهى الاخرون
"الرياده لابد ان تكون لي" ... لا لاكمال مسيرة الاخرين
"لا تفكر كثيراُ" ... غيرك فكر

وبالتالى كل سياسات التعليم واحده
الاختلاف تقريبا كان "فى سنه سادسه ولا لأ"
ودلوقتى تطورنا لنتحدث فى "لنظام الثانويه العامه"

ولو لاحظت ... التغير فى
الاساس ... ومشارف المستقبل
ابتدائى ... وثانوى

للاسف

[دعاء شديد]

ليه المصريين دايما من أكثر الشعوب تمسكا بعادات و تقاليد من ايام الفراعنة ما أنزل الله بها من سلطان ؟



ههههههههههه
لانهم فخورين جدا بحضارة الفراعنه
ودائما نقول نحن اصحاب حضارة الـ 7000 سنة
ماشى
بس الحضارة دى رغم عظمة ما انجزته
الا انها لم تترك ما يفيد الاخرين
الا ظاهريا
هناك "مومياء" ... لكن لم يوثقوا كيفيه التحنيط
هناك "معابد" لكن لو يوثقوا كيف صمموها لتدخلها الشمس بميعاد ثابت
هناك "الوان ثابته" لكن لم يوثقوا كيف ستظل هكذا

ان لم تفد غيرك بعلمك ... فما فائدته؟
ان لم ينبهر غيرك بما توصلت له من تركيبات وتصميمات معماريه
فلا جدوى لما فعلته؟

اصحاب علم وتقدم ... لكن مع ايقاف الاستفاده !!!!!

وبالتبعية
نأخد نحن العادات بظاهرها دون معرفه اى تفسير لها

ده رأيي الشخصى

[دعاء شديد]

و السؤال ليك انت ياللي انت انسان ... و متمسك بانسانيتك مع انك في قلب جبلاية القرود !


ايه اغرب عادة قديمة أو تقليد أو معتقد اندهشتله ؟
هل حاولت مرة تعترض علي واحد من التقاليد الغبية دي ؟
هل ناوي تتمرد علي نظرية جبلاية القرود ؟
ايه العادة اللي انت شايف انها مالهاش علاقة بالدين
لكن هتواظب عليها و مش هتقدر تتنازل عنها ؟

اسمحلى تكون اخر مشاركة قصه زى اول مشاركه
قصه "قطرة الماء والصخرة"

دار حوار بين "قطرة الماء" و"الصخرة"
ذات يوم ... قالت الصخرة
لا تحاولى الارتطام فلت تؤثرى في
قالت "قطرة الماء" ... لماذ ؟؟
ردت الصخرة انا " ثابته وراسخة وصلبة"
قالت قطرة الماء
وانا "مستمرة ومثابرة ومتجدده ومتغيره"

وبمرور الوقت
تلاشت الصخرة قليلا
وقطرة الماء ظلت متجدده ومستمرة ومثابرة ومتغيره

بجد موضوع غايه فى الاهميه
بس اهميه الموضوع من كاتبه


بقلم : شريف راغب
اعترض ... لانها
بريشة: شريف راغب
فقد رسمت لوحة تجسد حال واقعنا

بس

[التلميذ المتفوق]

جزاك الله كل خير يا مستر شريف

[شريف]

تسلم ايد كل الأحبة اللي شاركوا في الموضوع
و شكر خاص جدا لدعاء شديد
نعم الايجابية و المناقشة و التفاعل
تسلم ايدك يا دعاء
لو كنت اعرف انك هتتعبي و تعملي الردود دي كلها
و تبذلي وقت و مجهود و تفكير
ما كونتش عملت الموضوع تجنبا لتعبك