المساعد الشخصي الرقمي

مشاهدة النسخة كاملة : عز وحيد ورحلة اعتراف شيقه جداااااااااا



دعاء شديد
03-11-2009, 08:51 PM
طبعا دار نقاش انهارده بين عز وحيد
وبين شريف ووليد فى احد الموضوعات
واستمر النقاش ولا يزال مستمر

ولان سلو منتدانا لما الرجاله تتكلم
الحريم تقفل خشمها

قررت اتحايل على سلو المنتدى
وقلت ايه ... نعمل ايه
رحله اعتراف لـ "عز وحيد"

ولانى من عشاق التميز والاختلاف

فقررت انى مش هنبدأ مع عز رحلة الاعتراف "باسئلة"
انما عز هيبدأ رحلته معانا ويقول ما يحلو له
وبعد متقول كل الي فى نفسك

نبدأ جميعا طرح الأسئله

يا رب رحلة اعترافات سعيده

عز وحيد
03-11-2009, 09:22 PM
اولا شكرا يا دكتور على الرحلة الشيقة السعيدة ديه :21:
سعيد جدا جدا بيها حتى شايفة السعادة باينة على وشى ازاى :mad:

وكمان حضرتك الى عاملة الكرسى يعنى ربنا يستر عليا
ادعولى من قلبكم يا جماعة
ده انا فى كمين يا خرجت منه يا اما ما اخرجش ربنا يستر


اول حاجة طلبتها منى دكتور دعاء صعبة جدا جدا جدا عليا انى اتكلم عن نفسى او اقول شىء
لانى مش بعرف اعمل ده نهائى
انما هحاول والله المستعان

اعرفكم بيا اولا
عز وحيد
من مواليد محافظة الفيوم قرية العدوة
23 عام حاصل على بكالوريوس تجارة

عاشق بدرجة كبيرة لكل ما هو الكترونى منذ الصغر
اهوى الكمبيوتر بطريقة غير طبيعية
قد تصل لمرحلة الادمان
خاصةَ النت

بحب انى اتعلم الجديد دايما
وبحب انى اكون عارف فى اكتر من مجال


مؤمن ان التعليم هو الخطوة الاولى للإصلاح
اسعى الى تقديم اى شىء من اجل رقى بلدى ولو قليل
اتمنى ان نكون نحن مصدر العلم
لا ان نسعى الى الحصول عليه دائما من الخارج
كذلك حزين لما وصلت اليه الامور فى عصرنا هذا
من اختلاط الحق بالباطل
حتى اصبح الحق باطلا والعكس صحيح


انا شايف ان كده كويس
خاصة انى مش بعرف بجد اتكلم عن نفسى
الى يحب يسال يا اهلا بيه
بس الكل يخلى باله يوما لك ويوما عليك
ده مش تهديد ولا حاجة لا سمح الله :)
بس تذكير بس
انما بردوه مستنى اسئلتكم وان شاء الله تلاقوا الصراحة دايما

دعاء شديد
03-11-2009, 09:39 PM
طيب
بما ان الرحله هتبدأ
احب اسئلك فى الأول ... تفل الرحله تكون

برية
ونقابل مطبات وندخل فى شوارع مسدوده ونلف ونرجع تانى
واشارات مرور

بحرية
ونغرق فيما يخفيه عز والامواج والدوامات والسحب
والشواطئ

جوية
نطير لنلقى نظرة على حياتك من اعلى
امطار وبرق ورعد وقمر مكتمل وشمس محرقه

هههههههههههههههههه
اختار
شوف الديمقراطيه

كريم ماضي
03-11-2009, 09:50 PM
شمتان فيك ياغالي
ولي عوده ان شاء الله فيها الهجوم كله

انتظر
وهخليك تقولي بالتفاصل ايه اللي حصل في مصر ام الدنيا غلاسه بقي

عز وحيد
03-11-2009, 11:03 PM
طيب

بما ان الرحله هتبدأ
احب اسئلك فى الأول ... تفل الرحله تكون


برية
ونقابل مطبات وندخل فى شوارع مسدوده ونلف ونرجع تانى
واشارات مرور


بحرية
ونغرق فيما يخفيه عز والامواج والدوامات والسحب
والشواطئ


جوية
نطير لنلقى نظرة على حياتك من اعلى
امطار وبرق ورعد وقمر مكتمل وشمس محرقه


هههههههههههههههههه
اختار

شوف الديمقراطيه




والله يا دكتور
كل الطرق تؤدى الى روما
فمش هتفرق
حذرتك اختارى اى طريق
جوى بحرى برى
ان شاء الله موجود

المجاهد فى سبيل الله
04-11-2009, 03:27 AM
عاشق بدرجة كبيرة لكل ما هو الكترونى منذ الصغر
اهوى الكمبيوتر بطريقة غير طبيعية
قد تصل لمرحلة الادمان
خاصةَ النت

حبيبى يا عز
انا اقتبست شوية كلام كدا من كلامك
اولا قولى انت بقالك اد ايه بتتعامل مع الكومبيوتر؟
وبقالك اد ايه بتدخل نت ؟
وقولنا بقى بالمرة حصيلت السنوات دى كلها ؟
وهل انت راضى عن الحصيلة دى ؟
هو انت بتقار الاخبار ؟ متابع جريدة ايه ولا بتعتبرها مدمرة للصحة و تسبب للنقطة و الموت المبكر؟
ايه اخر خبر انت قريته باهتمام و شغف؟
و ياترى الخبر دا مفرح ولا محزن ؟
و كمان يا ريت تقولنا عملت ايه لو كان محزن ؟
حاولت دا انك تنزل الشارع و تقول للظلم لا ؟
ولا اكتفيت بالمشاهده ؟
ولا عملت فيها صم بكم عم ؟
كفاية دول بس متقلقش انتظر منى المزيد

كريم ماضي
04-11-2009, 03:38 PM
السلام عليكم ورحمة الله وبركاته


ادخل علي طول في الكلام

اسمك بالكامل الخماسي ياسيدي

كام سنه ؟

معاك كلية ايه ؟

هواياتك ايه ؟

كل سنه وانت طيب ليه مبلغتناش بعيد ميلاك كان نفسنا نقوم بالواجب ؟

ايه رأيك في كلمة (سياسه) ؟ وليه الناس بتترعب لما بتسمعها
ايه رأيك في بوابة التعليم المصري
سلبيات وايجابيات
ايه اللي مشغل الموقع
وايه اللي مش شغال
وايه مقترحاتك اللي تغلي الموقع انشط من كده


وايه عندي دي كتيييييييييييير جدا جاوب انت بس وانا موجود بجوار بيتكم :18:

شريف
04-11-2009, 06:42 PM
انا معنديش غير سؤالين بس حاليا لعز

1- انت بتكتب بخط صغيراوي ليه كده ؟؟؟؟؟؟؟؟؟؟؟؟
2- حبيت قبل كده؟ :)
و اوعي تلف و تدور عشان ربنا شايفك :)

عز وحيد
04-11-2009, 09:00 PM
حبيبى يا عز
انا اقتبست شوية كلام كدا من كلامك
اولا قولى انت بقالك اد ايه بتتعامل مع الكومبيوتر؟


تقدر تقول من زمان من وانا فى اعدادى كده
علما اننا ماكنش عندنا فى البلد كمبيوترات الا كمبيوتر واحد
يعنى الى كان الكل بيستعملوا
وبقالك اد ايه بتدخل نت ؟


هو دخول النت متقطع يعنى فى الاول ماكنش دايما وعملت ايميلات متير وكنت بنساها
انما الدخول بجد تقدر تقول حوالى 3 سنين
وقولنا بقى بالمرة حصيلت السنوات دى كلها ؟
لأ اتعلمت بجد كتير واستفت كتير جدا جدا
وهل انت راضى عن الحصيلة دى ؟
لأ بصراحة انا اكيد مش راضى لانى داميا بسعى انى اكون افضل
انما بجد بردوه انا اتعملت كتير جدا جدا
الحمد لله على كل شىء
هو انت بتقار الاخبار ؟ متابع جريدة ايه ولا بتعتبرها مدمرة للصحة و تسبب للنقطة و الموت المبكر؟
بص يا احمد لما بحب اشوف اخبار بشوف القنوات المرئية
لانى بجد فيه جرايد لما تقراها بترفع اضغط وتجيب شلل
وكمان لما ببقى متضايق جدا جدا من الاخبار ال بشوفها الى بيحاولوا يقنعونا انها صح
وان انت عايش فى عالم وردى والدنيا ربيع والجو بديع
غصب عنى بضحك
لانى ممكن يجرالى حاجة لو ماضحتكش
ايه اخر خبر انت قريته باهتمام و شغف؟

هو انا شوفته مش قريته خبر ع مخترع سعودى
اخترع غواصة فيها امكانيات تفوق كل امكانيات الغواصات المخترعة فى العالم كله
يعنى شاب مخترع ومبدع بشكل ما حصلش
بس فين الاهتمام بيه مافيش اكيد
ده كمان اتعرض لحادث سير بسبب اهمال المسعفين والتباطوؤ فى نقله للمستشفى المخصصة
تم بتر ساقه اليمنى
بالله عليك لو ده ممثل ولا الفنانة فلانة كنت لقيت الدنيا اتقلبت وكان مش بعيد سفروا بره فى خلال ساعات
ربنا يهدى الجميع ويهدينا معاهم
و ياترى الخبر دا مفرح ولا محزن ؟
محزن جدا طبعا
وبيعبر اد ايه احنا فى تخبط وماحدش عارف حاجة

و كمان يا ريت تقولنا عملت ايه لو كان محزن ؟

محزن يبقى اكيد كنت حزين بس فعلا خبر من الاخبار الى تعبتنى واحنتنى بشكل غير عادى على الامة
حاولت دا انك تنزل الشارع و تقول للظلم لا ؟
لكل مقام مقال
ولا اكتفيت بالمشاهده ؟
بحاول ما اكونش مشاهد وبس
بس ربنا يكرم ونقدر نكون غير كده
ولا عملت فيها صم بكم عم ؟
انا لما بشوف ظلم اودامى اكيد بتصرف حتى لو كان ايه
انما لما بيحصل ويعدى خلاص
كفاية دول بس متقلقش انتظر منى المزيد

اشوفك بعد 3 سنين يا ابو حميد ماشى
فى نفس المكان
فى نفس الوقت ده كده
اوك

عز وحيد
04-11-2009, 09:20 PM
السلام عليكم ورحمة الله وبركاته


ادخل علي طول في الكلام

اسمك بالكامل الخماسي ياسيدي

عز وحيد رمضان عبد الفتاح مرسى
تحب كمان
مع ان انت عارف كل ده يعنى لازم يعنى الكل يعرف ماى يا كيمو
كام سنه ؟

يا جميل هو انا اقدر اخبى عليك 23 سنة يا باشا
معاك كلية ايه ؟

تجارة
هواياتك ايه ؟

كمبوتر ونت خاصة انت عارف
قراءة
ممكن اتابع الرياضة شوية
على فكرة كنت زمان بلعب تايكوندو ومعايا حزام على فكرة
كل سنه وانت طيب ليه مبلغتناش بعيد ميلاك كان نفسنا نقوم بالواجب ؟

ما انت عارف انى مش بعترف بالكلام ده
ولا بحتفل بالكلام ده خالص
وبعدين واجب ايه عادى يابى
يوم زى اى يوم
ايه رأيك في كلمة (سياسه) ؟ وليه الناس بتترعب لما بتسمعها

كلمة غريبة جدا جدا
وعلى فكرة لما احب اتكلم فى كلام يخص بلدى او كلام يخص امتنا
مش بحب اسميها سياسة
ومش بحب حد يقولى انت بتتكلم فى السياسة او يقولى تعالى نتكلم فى السياسة
لان ان شايف ان الكلام عن بلدى افكر فى مشاكلها
ده مش سياسة ده اساسيات الفرد الى لازم يحرص عليها
اما بقى الناس بتترعب ليه
فانت عارف ولا ناسى الورق الى اترمى :)
بس الى عاوز اعرفه مين الى كان بيرمى
ايه رأيك في بوابة التعليم المصري
سلبيات وايجابيات
ايه اللي مشغل الموقع
وايه اللي مش شغال
وايه مقترحاتك اللي تغلي الموقع انشط من كده

ايووووووووووه يا ودييييييييييييع على رأى ميدو
لأ بص الكلام ده كتير اوى اوى
وانا مش بحب اقوله هنا ولا فى الموقع خالص
انا بقوله لشخص الى مفروض يسمع الكلام ده
مش بحب اقول كلام فى غير مكانه
اصل انا لو قلته هن ولا كانه اتقال
طيبليه بقى اتعب نفسى واقول كلام مش هيتناقش حتى
وايه عندي دي كتيييييييييييير جدا جاوب انت بس وانا موجود بجوار بيتكم :18:

يا اهلا بيك يا كيمو
بس خلى بالك
هقول لابو عز كل الى انت بتعمله ده
وانت عارف كويس هو هيعمل معاك ايه

عز وحيد
04-11-2009, 09:25 PM
انا معنديش غير سؤالين بس حاليا لعز



1- انت بتكتب بخط صغيراوي ليه كده ؟؟؟؟؟؟؟؟؟؟؟؟

الخط ده على فكرة نا اول ما شوفته حضرتك الى كنت بتكتب بيه
عجبنى فكتبت بيه
بس انما بخوص تصغيره فده لانى مش بحب الحجم الكبير بس

2- حبيت قبل كده؟ :)
و اوعي تلف و تدور عشان ربنا شايفك :)



والف وادور ليه
هى الاجابة ببساطة
لأ
فيه ابسط من كده :)

كريم ماضي
05-11-2009, 02:07 PM
يا اهلا بيك يا كيمو
بس خلى بالك
هقول لابو عز كل الى انت بتعمله ده
وانت عارف كويس هو هيعمل معاك ايه


بص ياعم الحج انا مش بتهدد تعرف ليه؟
لان علاقتي بأبو عز والحمد لله تمام وفيه معزه خاصه متبادله يعني حبايب :18:

المهم بقي

ايه رأيك في توريث الحكم ؟
وتفتكر مين يصلح لحكم مصر ؟
ولماذا عز وحيد ليس عضوا في اي حزب سياسي حتي الان ؟

أشرف السيد
05-11-2009, 03:04 PM
عز هو انت بتخاف تقول اسرار تعرفها مع انها ممكن تحل مشاكل

عز وحيد
05-11-2009, 06:13 PM
بص ياعم الحج انا مش بتهدد تعرف ليه؟
لان علاقتي بأبو عز والحمد لله تمام وفيه معزه خاصه متبادله يعني حبايب :18:

بردوه هقوله
المهم بقي

المهم قول يا جميل
ايه رأيك في توريث الحكم ؟
رايى انت عارفه كويس
ان لا هو ولا العائلة المالكة كلها يها حد يصلح يكون رئيس مصر
وتفتكر مين يصلح لحكم مصر ؟
انا :)
هوزع اكل على البلد كلها مجانى وانت عارف انى بفطرك كل يوم وانا لسا مش رئيس
فمال بالك لما اكون رئيس اكيد هتتعشى كمان هفتح بليل عشان اكلكم :)
هو بجد يا كيمو انالحد دلوقتى مش شايف حد على اساحة ينفع يقال عليه رئيس مصر
انما احسن الوحشين عمرو موسى
ولماذا عز وحيد ليس عضوا في اي حزب سياسي حتي الان ؟
انت عارف يا جميل
لان مش لاقى فكرى فى اى حزب الى الان
مش لاقى الحزب الى اقدر اساعد فى تنفيذ اهدافه
من الاخر مافيش احزاب طموحة
كلها محلك سر

عز وحيد
05-11-2009, 06:44 PM
عز هو انت بتخاف تقول اسرار تعرفها مع انها ممكن تحل مشاكل

دايما وابدا
كلامك قليل بس بيكون ليه معانى كتيرة
والرد ده محتاج صفحات عشان اكتبه انما نختصر
انا مش بخاف يا ابو ادم
انا ممكن ما اقولش عشان فلان ما يزعلش من فلان تانى
يعنى بمعنى اصح مابحبش اوقع حد فى حد عشان تبقى صعبة عليا
انما فى وقت حل المشاكل لو حد مظلوم وحقه انا عارفه كويس
اكيد عمرى ما بتردد انى اقول الحق بس بشرط مايكونش سر انا مؤمن عليه
ببساطة انا عمرى ما خوفت انى اقول الحق بشرط انه ما يكونش سر انا مؤمن عليه
لانى مش بحب اخون الامانة
وايات المنافق ثلاث يا ابو ادم من ضمنها اذا اؤتمن خان
مش كده ولا ايه

دعاء شديد
07-11-2009, 02:07 AM
ممكن اسأل كم سؤال كده على السريع

* قولنا غلطة فى حياتك ؟

* قرار سريع وندمت عليه؟

* قرار خطأ اتخدته لمجرد العند؟ اذا حصل يعنى

راضى عن ايه فى حياتك ؟ وعايز تغير ايه فيها؟

كفايه كده دلوقتى

امل لاشين
07-11-2009, 04:10 AM
ازيك ياعز... منور الرحله واتمني انها تكون مريحه

وغير رحله الفيوم خاااااااااالص ....

وانا هسالك وانت في رحلتك كده كام سؤال..!!!!

ايه القراراللي خدته بعد ما رجعت من رحله الفيوم ؟؟:28:
اصعب موقف مريت بيه في حياتك ؟؟

ايه اللي اتمنيته وحققته في حياتك ؟؟

وايه اللي بتسعي لتحقيقه ؟؟

وايه اللي مقدرتش تحققه ؟؟؟

عبر عن رايك ...في كلمه واحده فيما ياتي

الصداقه
النجاح
العند
العائله
الامل

عز وحيد
08-11-2009, 05:54 AM
ممكن اسأل كم سؤال كده على السريع

يا اهلا وسهلا يا دكترو اتفضلى اسالى براحتك

* قولنا غلطة فى حياتك ؟
ما ذاكرتش كويس ايام الثانوية :)

* قرار سريع وندمت عليه؟

روحت جامعة غلط
الجامعة الى فضلت فيها 5 سنين
يا خسارة اتسرعت واختارتها


* قرار خطأ اتخدته لمجرد العند؟ اذا حصل يعنى
انا على فكرة مش عنيد خالص

راضى عن ايه فى حياتك ؟ وعايز تغير ايه فيها؟

راضى عن ايه ديه صعبة لانى لسا ما حققتش الى انا عاوزه فعلا
انما الحمد لله راضى بكل ما يقدره الله لى مع ذلك اسعى لان اكون افضل
عاوز اغير حاجات فيا انا عيوب كتير اتمنى اقدر اغيرها



كفايه كده دلوقتى

اهلا وسهلا بك يا دكترو فى اى وقت
شرفت يا فندم
الا احنا فين دلوقتى وصلنا لحد فين
ماحدش يعرف الطريق يا جماعة

دعاء شديد
08-11-2009, 09:27 AM
اهلا وسهلا بك يا دكترو فى اى وقت
شرفت يا فندم
الا احنا فين دلوقتى وصلنا لحد فين
ماحدش يعرف الطريق يا جماعة


احنا يدوبك فى بداية الرحله
متستعجلش ... هو احنا هنروح رحلة
للمنتدى الي فى الشارع الي ورانا

عز وحيد
08-11-2009, 09:38 AM
ازيك ياعز... منور الرحله واتمني انها تكون مريحه



وغير رحله الفيوم خاااااااااالص ....
ياه يا استاذة امل انتى لسا فاكرة لسا شايلة من الفيوم ولا ايه :)

وانا هسالك وانت في رحلتك كده كام سؤال..!!!!
يا اهلا بكل اسئلتك استاذة امل

ايه القراراللي خدته بعد ما رجعت من رحله الفيوم ؟؟:28:

انى ما طلعش رحلة مع ابو ادم تانى:)
بس يا خسارة ما عرفتش انفذ القرار :)

اصعب موقف مريت بيه في حياتك ؟؟

واحد صاحبى كان هيموت بسببى
بس الحمد لله ربنا نجاه ونجانى معاه


ايه اللي اتمنيته وحققته في حياتك ؟؟
بصراحة لسا لحد دلوقتى يعتبر ما حققتش اى امنى عندى
الا انى احمد الله كل يوم على ما انا فيه من نعم
او تقدرى تقول اول امل صغير كده انى اخلص الكلية

وايه اللي بتسعي لتحقيقه ؟؟
بسعى انى اكون متميز فى مجالى
بسعى انى اقدم خدمة لبلدى عن طريق مجالى

وايه اللي مقدرتش تحققه ؟؟؟
كتييييييييييييييييييييييييييير
كتير فعلا واتمنى ربنا يعينى على تحقيقه

عبر عن رايك ...في كلمه واحده فيما ياتي


الصداقه :الوفاء
النجاح :العمل
العند: وحش
العائله:كل حاجة ليا
الامل :من غيره صعبة الحياة








شكرا على اسئلتك استاذة امل

أشرف السيد
08-11-2009, 09:43 AM
هو انت فعلا خطبت وسبت خطيبتك

وليه كنت ناوى تسافر الامارات

كريم ماضي
08-11-2009, 01:24 PM
الله الله ولعها ولع يا ابو ادم شعلل شعلل
عز شكلك مش هتقوم من علي الكرسي ربنا يسترها عليك يابني

عز خطب من ورايا ماعتقدش بجد يا ابوأدم مصدرك منين؟

عز انت لو خطبت بجد ليه ماقولتليش؟

ومنين اللي نالها الشرف ؟

وكمان سبتها طيب ليه كده حرام عليك جرحت احاسيسها

طيب في سؤال كمان بالنسبه ل,,,,,,,,,,
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــ

اصعب موقف مريت بيه في حياتك ؟؟

واحد صاحبى كان هيموت بسببى
بس الحمد لله ربنا نجاه ونجانى معاه
ــــــــــــــــــــــــــــــــــــــــــــــــــ ــــــــــــــــ
لو انت ضحيت عشان صاحبك ده وانا عارف كويس نوع التضحيه اللي انت ضحيتها ربنا يباركلك ياعم وفي النهايه حدث مالم تتوقعه

لو جات لك فرصه تاني ونفس الموقف هتضحي لأنسان .......... مش قادر أقولها ومش عارف اقولها ازاي

طيب سيبك من الموقف نفسه

لو انت ضحيت عشاني وانا طلعت معاك نصف كم والمفروض اني كنت أطلعك كويس في الموضوع وانا ماعملتش كده وخليت صورتك امام الناس ............. زي ما انت عارف بقي

ممكن تعمل كده معاي تاني وتالت ولا خلاص انتهت ......؟؟؟؟؟؟؟؟؟

عز وحيد
08-11-2009, 07:06 PM
احنا يدوبك فى بداية الرحله

متستعجلش ... هو احنا هنروح رحلة

للمنتدى الي فى الشارع الي ورانا


يا ستير
ربنا يستر يا دكتور باين ان الرحلة هيبقى فيها مطبات كتير
الله المستعان

عز وحيد
08-11-2009, 07:23 PM
هو انت فعلا خطبت وسبت خطيبتك

وليه كنت ناوى تسافر الامارات

هههههههههههههههههههه
يا اخى ليك حركات
حركات تخلى الاقرع يشد فى شعره :)
طيب ليه بس تنشر الخبر مش المفروض يبقى الموضوع محلك سر زى ما اتفقنا :)
عيب يا ابو ادم انا اقدر اعمل ده من غير ما اقولك
ده انت الخير والبركة يا راجل
اومال مين الى هيجيب الدى جى غيرك :)
اما بخصوص السفر الى الامارات بقى
فده كان راجع لظروف تانية كتير كان لازم بسببها اسافر
والسفر فى ح ذاته مش هدف بالنسبة ليا
زى ما انت فاهم التفكير الى موجود عندنا
بس كل الحكاية انه كان هيكون وسيلة عشان حاجات تانية
that's all

عز وحيد
08-11-2009, 07:34 PM
الله الله ولعها ولع يا ابو ادم شعلل شعلل
عز شكلك مش هتقوم من علي الكرسي ربنا يسترها عليك يابني

عز خطب من ورايا ماعتقدش بجد يا ابوأدم مصدرك منين؟

عز انت لو خطبت بجد ليه ماقولتليش؟

ومنين اللي نالها الشرف ؟

وكمان سبتها طيب ليه كده حرام عليك جرحت احاسيسها

طيب في سؤال كمان بالنسبه ل,,,,,,,,,,
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــ

اصعب موقف مريت بيه في حياتك ؟؟

واحد صاحبى كان هيموت بسببى
بس الحمد لله ربنا نجاه ونجانى معاه
ــــــــــــــــــــــــــــــــــــــــــــــــــ ــــــــــــــــ
لو انت ضحيت عشان صاحبك ده وانا عارف كويس نوع التضحيه اللي انت ضحيتها ربنا يباركلك ياعم وفي النهايه حدث مالم تتوقعه


لو جات لك فرصه تاني ونفس الموقف هتضحي لأنسان .......... مش قادر أقولها ومش عارف اقولها ازاي


طيب سيبك من الموقف نفسه


لو انت ضحيت عشاني وانا طلعت معاك نصف كم والمفروض اني كنت أطلعك كويس في الموضوع وانا ماعملتش كده وخليت صورتك امام الناس ............. زي ما انت عارف بقي


ممكن تعمل كده معاي تاني وتالت ولا خلاص انتهت ......؟؟؟؟؟؟؟؟؟





ما انت عارف يا كيمو الدماغ
انا بردوه اعمل كده وابقى متخفى بالشكل ده
ما انت عارف حركات ابو ادم بقى :)
هو انت مش فاكر امبارح عمل ايه ولا بلاش مش هنتكلم :)

بخصوص بقى سؤالك التانى
انت عارف كويس الموضوع كامل
والواد الى قالك اصلا انا كرهته يا ريتنى ما كنت اعترفت يا اخى ده انا نسيت انك هنا
المهم سؤالك واضح
لو ده اتكرر تانى بعد كل الى اتعرضت ليه من مشاكل
هقولك ان على ما اده اكبر غلطة فى حياتى
الا انه كان بداية عز بجد
لانه عز قبلها كان تايه كان حد تانى غير الى انت شايفه اودامك دلوقتى
فعلى قد ما انا حزين بسبب كل الى انا مريت بيه
الا انى سعيد جدا بنفسى لانى اتعلمت الدرس كويس
وقدرت استفيد من اخطائى واقدر اعدل منها
وعلى فكرة بخصوص التضحية
كان لازم اضحى مهما كانت النتائج بقى الى بعد كده
لانك عارف الشخص ه يمثلى ايه
16 سنة صداقة
يبقى يستحق كل شىء اعمله عشانه لو حتى كان هيتطلب اكتر من كده
مشكور يا كيمو
على مرورك الى قل المواجع
واحب اقوك فى نهاية البرنامج :)
ما تقلبش المواجع الجرح لسا واجع:)

كريم ماضي
08-11-2009, 07:41 PM
عز انا عارف انك بتكتب قصص جميله جدا

ليه مانزلتهاش هنا وليه مش عايزني أقرأها ؟

مع ان احمد جمال كل شويه يحكيلي القصه اللي قرأها ومهووس بيها بجد

وقولنا انت كتبت شعر قبل كده ولا لا؟

فاكر السواق بتاع امبارح ؟
طيب جميل
لو كان وصل الموضوع للتشابك بالأيدي كنت هتعمل ايه؟
وتفتكر أبو أدم كان هيتصرف أزاي

واهلا بيك ياغالي انا فاضيلك من الاخر :18:

عز وحيد
08-11-2009, 10:54 PM
عز انا عارف انك بتكتب قصص جميله جدا

ليه مانزلتهاش هنا وليه مش عايزني أقرأها ؟

مع ان احمد جمال كل شويه يحكيلي القصه اللي قرأها ومهووس بيها بجد
اه هو احمد جمال مش ناوى يسكت يعنى كل ما يشوف حد لازم يقوله
طيب هقولك انا ايه الحكاية
ايام كنت بكتب يها فعلا
بس بعد كده فعلا بجد لما قريت القصص الى انا كتبتها لقيت ان ما ينفعش حد يقراها
لانها من الاخر انت عارف بقى
وان فيها حاجات انا بجد ماكنش ينفع اوريها لحد مهما ان كان هو مين
ماحدش شافها الا واحد صاحبى وكمان احمد جمال وده بسبب اصرار كبير جدا
وعلى فكرة انا كتبت قصص قصيرة كتير وكمان كنت بكتب فىحاجة كده اخر مرة
انم بجد اتوقفت عن كل ده لاسباب كتيرة
انما بقى حكاية انك تقرأ القصة الى قرأها احمد جمال فأنسى
وقولنا انت كتبت شعر قبل كده ولا لا؟
اه كتبت
انت عارف انا كنت هبيع الكلمات بتاعى لشركة انتاج
وكنت خلاص ادونى ميعاد عشان اروح اقابلهم
بس الحمد لله ربنا نجانى وبعدنى عن الموضوع ده
والحمد لله ميت كل الورق ده معانهكان حوالى 3 كراسات م الحجم الكبير
بس اتخلصت منهم كلهم
فاكر السواق بتاع امبارح ؟
وده حد يتنسى
طيب جميل
لو كان وصل الموضوع للتشابك بالأيدي كنت هتعمل ايه؟
وتفتكر أبو أدم كان هيتصرف أزاي
هو بخصوص التشابك بالايدى
فانت عارف انى يعنى مش هكون متفرج
رغم انك عارف بردوه انى مش بحب اوصل اى امر للموضوع ده
وعلى فكرة كل العيال ديه عارفنى كويس
وهو على فكرة ماكنش هيقدر يعمل ده
انما لو كانت وصلت فانا كنت هعرف اتعامل معاه وانت عارف انا هسكتله يعنى
اما بخصوص ابو ادم بقى
فهو كان هيعمل زى ما عمل بالظبط لما خد منى الموبايل
فاكر:)
واهلا بيك ياغالي انا فاضيلك من الاخر :18:



اهلا بيك انت
انت ما وراكش حد غيرى ولا ايه
خلى بالك
يمكن تكون انت المرة الجاية
وانت عارف انى اعرف كتيييييييييييييييييييير
حتى ممكن اتكلم فى الدقى
ها فاهمنى :)
قد اذعر من انذر على راى الاستاذ وسية الله يمسيه بالخير
شرفت يا كيمو شرفت
سعيد باسئلتك :)

كريم ماضي
09-11-2009, 12:21 AM
الدقي الدقي الدقي


الدقي الدقي الدقي



سيحلي سيح طيب يامعلم انا مش بيهمني علي فكره ومش بتهدد وراك وراك


قولي لو انت مدير موقع بوابة التعليم المصري

اهم قرارات هتاخدها اول ماتمسك الموقع

عضو هتكرمه

عضو هتحذفه


قسم هتضيفه للمنتدي

قسم سيتم حذفه فورا

هتغير شعار الموقع ولا لاء



ولسه ياعم عز
وجوجل بقي

نعمه محمود
09-11-2009, 01:05 AM
أهلا ياعز
منور الكرسي
أنا عارفه إنك زعلان منى بسبب موضوع كان في قسم جوووووووووول.أنت شفت الموضوع بوجهة نظر الأخ فقط وأنا شفت الموضوع بوجهة نظر عضوة منتسبة إلى النادى
يعنى كلانا كان غير موضوعى في حكمه.
تفتكر ده صح ولا غلط وياترى هل المفروض احنا كمشرفين واداريين نرى الاحداث طبقا لانتمائنا أم يجب أن يحكمنا الفكر الاحترافى؟
وبرضه برجع اقولك متزعلش

عز وحيد
09-11-2009, 04:36 AM
الدقي الدقي الدقي



الدقي الدقي الدقي

ايه مصغر الخط ليه
خايف حد يشوف ولا ايه
طيب خلاص انا مش هتكلم

سيحلي سيح طيب يامعلم انا مش بيهمني علي فكره ومش بتهدد وراك وراك


قولي لو انت مدير موقع بوابة التعليم المصري

اهم قرارات هتاخدها اول ماتمسك الموقع
هحذف عضويتك فورا :)
انا ما حطيتش نفسى قبل مكان مدير الموقع
انما اول حاجة هعملها
هصمت :)
عضو هتكرمه
لأ بصراحة مش عضو واحد
المنتدى ده فيه ناس كتير لازم تتكرم
ما ينفعش تقول واحد بس
عضو هتحذفه

ما قولت لك انت
قسم هتضيفه للمنتدي
هما اتنين
الاول قسم ( يبقى انت اكيد فى مصر)
الثانى قسم ( علمنى )
قسم سيتم حذفه فورا
اكتر من قسم بردوه

حملة لا للانترنت المحدود (You can see links before reply)
ركن الفولكلور المصري (You can see links before reply)
مقالات واعمدة (You can see links before reply)

بجد نفسى اعرف ايه فايدة الاقسام ديه هنا
انا بعتبر انها مالهاش لازمة خاااااااالص
هتغير شعار الموقع ولا لاء

ممكن

ولسه ياعم عز
وجوجل بقي


ايه جوجل ديه
بتضحك ولا ايه
بتضحكك جوجل
طيب جوجل:)
هو لسه ايه تانى يا كيمو
هو انت ناوى تحكى قصة حياتى ولا ايه
ولا انت يعنى عشان من بلدى وجيران وكده
عامة يا كيمو ليك يوووووووووووووووووم

عز وحيد
09-11-2009, 04:45 AM
أهلا ياعز
اهلا وسهلا بحضرتك استاذة نعمة
منور الكرسي
ربنا يبارك فى حضرتك
أنا عارفه إنك زعلان منى بسبب موضوع كان في قسم جوووووووووول.أنت شفت الموضوع بوجهة نظر الأخ فقط وأنا شفت الموضوع بوجهة نظر عضوة منتسبة إلى النادى
يعنى كلانا كان غير موضوعى في حكمه.
حد يزعل من ميس نعمة بردوه
ولا كأن فيه اى شىء حصل يا استاذة نعمة
ده كفاية اننا من بلد واحدة
تفتكر ده صح ولا غلط وياترى هل المفروض احنا كمشرفين واداريين نرى الاحداث طبقا لانتمائنا أم يجب أن يحكمنا الفكر الاحترافى؟
وبرضه برجع اقولك متزعلش
هتكلم مع حضرتك بصراحة
اكيد لازم نتعامل مع كل الامور باحترافية
ومانخليش اى شىء شخصى يدخل فى الموضوع
لكن اوقات بيبقى فيه ضرورات تبيح المحظورات
خاصة انى فهمت معنى زعلنى جدا
انما بعد كده خلاص كأن شىء لم يحدث
وزى ما قولت لحضرتك يا استاذة نعمة
يكفى اننا بلديات مش كده ولا ايه
شكر على سؤال حضرتك

دعاء شديد
09-11-2009, 10:08 AM
قسم سيتم حذفه فورا
[/SIZE]اكتر من قسم بردوه

حملة لا للانترنت المحدود (You can see links before reply)
ركن الفولكلور المصري (You can see links before reply)
مقالات واعمدة (You can see links before reply)
]



طبعا رايك ... انت حر فيه
بس احب اوضحلك فايده "ركن الفولكلور المصرى" لانه يخصنى
الركن ده جزء من رسالة الدكتوراه ... هيبدأ الشغل فيه بجد
لما ابدأ التطبيق العملى للرساله ... لانه اهم عينه عندى فى الدراسة

يا ترى لسه شايف ان مالوش اهميه؟

كريم ماضي
09-11-2009, 10:45 AM
قسم هتضيفه للمنتدي
هما اتنين
الاول قسم ( يبقى انت اكيد فى مصر)
الثانى قسم ( علمنى )


كلمني عن كل قسم بالتفاصيل والهدف منه
يمكن يفيد المنتدي



وهتحذفني :16: مشكور ياعم حاضر

MRPOP2007
09-11-2009, 03:36 PM
السلام عليكم ورحمة الله وبركاته

ازيك ياعز ياحبيب قلبي

تصدق والله يابني انا سجلت مخصوص عشان أسئلك شوية أسئله وأرخم عليك

واللي قالي انك هنا واحد انت عارفه

المهم انت تعرفني الاول

طيب كلمة السر ياعز


سنجساه


اسمحلي أسئلك بقي ياحج




من أقرب صديق لك ؟
انت أشتريت cd ولا لاء ؟




الاحسن حياتك قبل الالتزام ولا دلوقتي وفاكر ولا ناسي ايام السيبر ؟

انا سمعت أنك طباخ هايل بس
انت ليه مش بتعرف تعمل المكرونه؟

انت ليه لما كنا بنلعب كوره في المدرسه الاعداديه كنت مش بترضي تلعب؟

أنت لسه بتعشق محمد منير ولا خلاص؟

طيب الفانا بتشتغل كويس ولا لسه بتتغير؟

جهازك بيبوظ علي طول تفتكر مين باصص لك فيه؟

مبروك عليك الشاشه الجديده انا سمعت انك هتبيع الشاشه ال17 اللي عندك حق؟


وخد السؤال ده من الشيخ حسين أخو الشيخ صلاح عارفه طبعا ؟


ماهو الحديث المرسل؟
ولد الرسول سنة كام؟
بعثت الرسول سنة كام ؟

ارجع بقي انا ياحبيب قلبي

انت بتحب المشبك ؟


انت حق بتصم برامج ولا أشاعات أصلي سمعت كتير؟

انا سمعت أنك هتسيني وتسافر صحيح الكلام ده وكنت هتسافر فين؟

فاكر المنتدي الاولاني انت كنت بتهاجمه هل انت كنت بتهاجمه عشان انت كاره ناس معينين والمنتدي ده انا حاسس انك بتحبه هل انت بتحبه عشان انت بتحب ناس معينين في المنتدي؟

أنا سمعت انك هيكون ليك شريكة حياه قريب صحيح ولا مش صحيح؟




وفي النهايه

انا بحبك ياعز بس ماتزعلشي مني
وفي أسئله كتيييييييييير بس مش دلوقتي لأني مش فاضي

وعلي فكره فستس بيسلم عليك انا بلغتك

مع تحيات حبيب قلبك (البوب )

الحته البيضه اللي في قلبك

عز وحيد
09-11-2009, 04:45 PM
قسم سيتم حذفه فورا [/SIZE]

اكتر من قسم بردوه


حملة لا للانترنت المحدود (You can see links before reply)
ركن الفولكلور المصري (You can see links before reply)
مقالات واعمدة (You can see links before reply)

]





طبعا رايك ... انت حر فيه

بس احب اوضحلك فايده "ركن الفولكلور المصرى" لانه يخصنى
الركن ده جزء من رسالة الدكتوراه ... هيبدأ الشغل فيه بجد
لما ابدأ التطبيق العملى للرساله ... لانه اهم عينه عندى فى الدراسة



يا ترى لسه شايف ان مالوش اهميه؟



طيب يا دكتور حيث ان حضرتك دايما تحبى التميز
طيب ما تحكيلنا اكتر
يعنى ايه فولكلور
وايه الاستفادة الى هتعود علينا من القسم ده
يعنى ايه اهدافه وهو مقصود انه يصل لمين
على فكرة انا عندى معلومات بسيطة كده عن الفولكلور
انما حضرتك بردوه هتوضحى اكتر
وياترى احنا فين دلوقتى
والرحلة وصلت لحد فين :)

عز وحيد
09-11-2009, 04:52 PM
قسم هتضيفه للمنتدي
هما اتنين
الاول قسم ( يبقى انت اكيد فى مصر)
الثانى قسم ( علمنى )


كلمني عن كل قسم بالتفاصيل والهدف منه
يمكن يفيد المنتدي



وهتحذفني :16: مشكور ياعم حاضر



ماشى
انت تؤمر يا جميل
الرحلة بكره طويلة
وهحكيلك على كل حاجة
رحلة الترقية بتاعك الى وعدتك بيها
هتطلع بكره وهحكيلك كل الى انت عاوزه
حواديت قصص كل الى انت عاوزه بس تعالى انت بس:)

عز وحيد
09-11-2009, 07:15 PM
السلام عليكم ورحمة الله وبركاته

ازيك ياعز ياحبيب قلبي

تصدق والله يابني انا سجلت مخصوص عشان أسئلك شوية أسئله وأرخم عليك

واللي قالي انك هنا واحد انت عارفه

المهم انت تعرفني الاول

طيب كلمة السر ياعز


سنجساه

قولت لك عمرك ما هتعرف تقولها ابدا ابدا ابدا
ديه كلمة ملاكى عز عز بس هو الى يعرف يقولها

اهلا بك يا درش يا حبى بقى عامل عضوية مخصوص عشان ترزل عليا
ماشى يا صاحبى مقبولة منك بس انت عارف انى بارد ومش هتعرف ترخم عليا يعنى
انت عارف ان الرخامة ديه اختصاص انا :)
اسمحلي أسئلك بقي ياحج

اوى اوى اتفضل يا جميل


من أقرب صديق لك ؟

لأ مش كده السؤال المفروض يكون مين اقرب اصدقائك
لانك عارف كويس انهم مش واحد انا فيه ناس كتير قريبة من قلبى
وبعتبرهم هما دول اقرب اصدقائى
وانت عارفهم كلهم او معظمهم هو انت غريب يا درش
بس الى انت متاكد منه بردوه انك احد منهم
انت أشتريت cd ولا لاء ؟

طيب ليه اشترى
ربنا يخليك ليا يا حبى واخد السى دى روم بتاعك على طول
اصل مش معقول يعنى واحد ياقى حاجة ببلاش كده ويروح يتعب نفسه ويشترى :)
عامة يا جميل انت مش اخدت كل حاجاتك عاوز ايه تانى
مش كفاية الى عملته فيا اخر مرة:)

الاحسن حياتك قبل الالتزام ولا دلوقتي وفاكر ولا ناسي ايام السيبر ؟

انت اكتر واحد تقدر تجاوب على السؤال ده اكتر منى
وانا بسالك اهو
ايه رايك عز الاولانى الاحسن ولا عز دلوقتى
بس بخصوصى انا الحمد لله على كل شىء
ومش ناسى ايام السير يا بوب :)
الا قولى ايه اخبار كميلو لسا بردوه بيرزل عليك :)
والولا كريم مصطفى عامل ايه معاك " والله يا استاذ كريم ده افتكار من عند ربنا " هههههه
فاكر انت بقى ولا لأ وسلملى على ابو دينا :)
انا سمعت أنك طباخ هايل بس
انت ليه مش بتعرف تعمل المكرونه؟


انت مش سمعت انت أكلت
طيب نفترض انها وحشة ومش بعرف اعملها
يا ترى ليه لما كنا بنجيب كيلو بحاله بيخلص
مع ان ما فيش حد كان بياكل الا انا وانت
وانت عارف اكلتى ضعيفة:) يا ترى بقى الباقى كان بيروح فين :)
انت ليه لما كنا بنلعب كوره في المدرسه الاعداديه كنت مش بترضي تلعب؟

عشان انت عارف انى مش بحب حد يتعدى حدوده معايا
والكل كان بيتعامل بطريقة مش تمام
وبالتالى انا ما كنتش هسمح لاى حد انه يعاملنى بطريقة مش تمام
مش كده ولا ايه
أنت لسه بتعشق محمد منير ولا خلاص؟
هو اولا انا مش بعشق حد الحمد لله
بس انت بردوه تقدر تجاوب على السؤال ده اكتر منى يا عم الليثى
طيب الفانا بتشتغل كويس ولا لسه بتتغير؟

بركاتك يا شيخ مصطفى
هتبقى موجود وايدك اتمدت على الجهاز وهتشتغل اكيد لأ طبعا
جهازك بيبوظ علي طول تفتكر مين باصص لك فيه؟

الله يسامحكم انت وعلى عبد الله وشحتوت
طبعا هو فيه غيركم ده شحتوت طلع هوين عنك يا راجل
اه بالمناسبة ابقى روح سطب له نسخة هو عاوز يسطب نسخة على فكرة :)
روح عشان اخلص منكم انتوا الاتنين
مبروك عليك الشاشه الجديده انا سمعت انك هتبيع الشاشه ال17 اللي عندك حق؟

انسى انك تاخدها يا جميل عارف انك بترسم عليها بس انسى
وخد السؤال ده من الشيخ حسين أخو الشيخ صلاح عارفه طبعا ؟

يا اهلا بامام مسجدنا واخو شيخى العزيز
الشيخ صلاح والشيخ حسين ناس محترمة عيبهم انهم جيرانك :)
ماهو الحديث المرسل؟
نوع من انواع الحديث الضعيف الى سنده مقطوع
ولد الرسول سنة كام؟

ولد سيد المرسلين بشعب بني هاشم بمكة في صبيحة يوم الإثنين التاسع من شهر ربيع الأول، لأول عام من حادثة الفيل، ولأربعين سنة خلت من ملك كسرى أنوشروان، ويوافق ذلك العشرين أو الثاني والعشرين من شهر أبريل سنة 571م^^ انتهى. والله أعلم. نقلا من موقع اسلام ويب
بعثت الرسول سنة كام ؟
وهو فى سن الاربعين والله اعلم
ارجع بقي انا ياحبيب قلبي

انت بتحب المشبك ؟

امال كنت باكله انا وانت ليه عشان مخنوق منه مثلا
انت حق بتصم برامج ولا أشاعات أصلي سمعت كتير؟
ما انت عاف كويس ان ده هوايتى اساسا
واشاعات ايه ما انا وريتك البرامج الى انا صممتها
انا سمعت أنك هتسيني وتسافر صحيح الكلام ده وكنت هتسافر فين؟

انا اقدر اسيبك بردوه :)
فاكر المنتدي الاولاني انت كنت بتهاجمه هل انت كنت بتهاجمه عشان انت كاره ناس معينين والمنتدي ده انا حاسس انك بتحبه هل انت بتحبه عشان انت بتحب ناس معينين في المنتدي؟

بص يا درش انت عارف ان انا لما بلاقى حد ليه حق وانا اقدر اتدخل مش بسكت
فما بالك بقى انى انا طرف فى الموضوع خاصة ان انت عارف كويس الموضوع ده كنت انا طرف فيه بشكل فظيع اما بخصوص المنتدى ده
فانت شايف بقى اعضاء كلها فى قمة الاحترام يبقى ليه ما احبوش
اكيد لازم تحب المنتدى
أنا سمعت انك هيكون ليك شريكة حياه قريب صحيح ولا مش صحيح؟



هههههههههههههههههههههههههههههههههههههههههه
يا اخى عليكم اشاعات
نفسى اعرف بتجيبوها منين
طيب والله نفسى اعرف بس مين الى قالك
عامة يا حبى انا مستنيك اما انت الاول تسبقنى والدور عليك
انا لازم اطمن عليك انت الاول عشان ابقى مرتاح كده وماحسش بالذنب:)

وفي النهايه

انا بحبك ياعز بس ماتزعلشي مني
وفي أسئله كتيييييييييير بس مش دلوقتي لأني مش فاضي

وعلي فكره فستس بيسلم عليك انا بلغتك

مع تحيات حبيب قلبك (البوب )

الحته البيضه اللي في قلبك


ازعل من مصطفى حبيبى
لألألألألألألألألأ استحالة طبعا
شرفت يا حبى وفى اى وقت منتظر اسئلتك
وسلملى على فستس جامد جدا جدا جدا هو جمبك ولا ايه
بس اوعى تقوله انى قولت كده عليه احسن انت عارف مش بيسكت :)
اهلا بيك يا عم الحتة بس انت مش حتة واحدة ات حتت كتيرة مش واحدة بس :)

كريم ماضي
10-11-2009, 05:39 PM
ماشى
انت تؤمر يا جميل
الرحلة بكره طويلة
وهحكيلك على كل حاجة
رحلة الترقية بتاعك الى وعدتك بيها
هتطلع بكره وهحكيلك كل الى انت عاوزه
حواديت قصص كل الى انت عاوزه بس تعالى انت بس:)


طيب ممكن تشرحلي هنا رخامه بقي
مش كرسي أعتراف أعترف ياعز

كريم ماضي
15-11-2009, 11:35 PM
أولا مبروك لمصر


أحساسك أيه أخر ربع ساعه؟

أيه رأيك في خروج عمرو زكي ؟

أبوبكر أحمد العملة
16-11-2009, 12:51 AM
الاستاذ الفاضل / عز

طبعاً انا عضو جديد على المنتدى الجميل ده

وبما اننى لم اتشرف بقراءة كل الموضوعات الجميلة

ممكن استفيد من وجودك على كرسى الاعتراف واسال إن كان ممكن

وطبعاً ممكن تعتذر

أولاً : أنت شخصية متواضعة في ردودك الهادئة على الزملاء الافاضل ...!!!

1- ما هو أجمل موضوع لحضرتك بالمنتدى ..؟؟؟؟ وأجمل مشاركة لكى في موضوع ...؟؟
(بس بشرط ما يكونش نفس الموضوع )

ثانياً : أنت لك أصدقاء كثيرين ....!!!!!

2-ما هى شروط الصداقة من وجهة نظرك الشخصية ...؟؟؟
(بس بشرط ما يكونش من ضمنها الوضوح والصراحةوالصدق لانهم اساسيين في الصداقة)

ثالثاً : أنت تحلم بمستقبل جميل ...!!!!

3- ما هى أحلامك وكلماتك لكل من :

طفل صغير يبكى ....

طفلة صغيرة تضحك......

أب إنجرح من ابنته لسوء تصرفها ....

أم تعبت من مصاريف البيت والشغل والعيال .....

رابعاً : أنت متميز في المنتدى الكريم ....!!!!!

4- ما هو رأيك الشخصى في الآتى :

- الخطة الاستراتيجية القومية للتعليم ما قبل الجامعى 2007/2012

- أكاديمية المعلم

- الهيئة القومية لضمان جودة التعليم والاعتماد (نقاء)(naqaae)

- مؤسستك التى تنتمى لها (ما لها وما عليها )من وجهة نظرك

خامساً : أنت مثقف جدا .......!!!!

5- ما هو رأيك في هذه الشخصيات العامة بصدق كالعادة

د/ يسرى الجمل

د/ محمود عابدين

د/ أحمد نظيف

د/ على مصيلحى

د / طارق كامل

وزملاء المنتدى الحاليين :

أ/ محمد بن عباس

أ/ دعاء شديد

أ/نعمة محمود

أ/ أمل

د/ ولاء

أ/ وليد عسكر

أ/ كريم (مشرف قسم جووووووول)

أ/ منى عبد الحافظ

أ/ محمد حسن ضبعون

أ/ أبوبكر أحمد العملة

.....

وممكن سيادتك تضيف آخرون لم اتشرف بهم بعد ....


أعتقد كده كفاية أول تعارف وممكن اكمل بعد شوية ....


فرصة سعيدة جدا واتمنى لك التوفيق الدائم

وأتفق معك أن الامل في الحياة يخلق نوع من الايمان القوى

صديقك
أبوبكر أحمد العملة
عضو فريق مجتمع المعرفة بالمنتدى الكريم

عز وحيد
16-11-2009, 07:35 AM
طيب ممكن تشرحلي هنا رخامه بقي
مش كرسي أعتراف أعترف ياعز



هرخم عليك انا اكتر
واقولك مش شارح :)
الى بعده يا فندى

عز وحيد
16-11-2009, 07:47 AM
أولا مبروك لمصر




أحساسك أيه أخر ربع ساعه؟


أيه رأيك في خروج عمرو زكي ؟




الله يبارك فيك يا جميل
عفبال يوم الاربعاء فى السودان ان شاء الله
بص بخصوص احساسى اخر ربع ساعة انا كنت غريب جدا
الاول انا بجد ما شكيتش لحظة اننا مش هنطلع كده كنت واثق ان ربنا هيوفقنا
وبجد اول ما دخلنا فى اخر 5 دقايق كنت قاعد مع اصحابى روحت واقف كده وخبطت الكرسى بايدى جامد
وقولت لأ مش معقول استحالة ده يحصل صعب اننا نطلع بالشكل ده صعب منتخب الساجدين يخيب امالنا
وبجد فعلا كان عندى امل كبير اننا ان شاء الله مش هنخسر ومش هنطلع بسهولة كده
وما اقولكش بقى على الى حصل منى لما الجون جيه تصدق انى رقصت :)
يوووووه رقصت وصوت وصوتى على وعملت حاجات ياما
اما بخصوص خروج عمرو زكى فمش هتفرق
بس انا عاوز اقول حاجة لولا عمرو خرج
ماكنش متعب جاب جون مش كده
على فكرة فى ماتشات مصر
انا عمرى ما بكون
متلون ابدا
ابدا

صونيا بن جبل
16-11-2009, 11:44 AM
اولا انا اول مرة ارد على هذا الموضوع وبما انني جديدةو صغيرة اسال اسئلة قدي

هل تحب الدراسة فعلا؟؟؟؟؟؟؟؟
ما رايك ب "زياني " لا عب المنتخب الجزائري ؟؟؟بصراحه
كيف ترى الشعب الجزائري خارج اجواء المباراة و الكرة ؟؟؟؟؟؟؟؟؟؟؟؟
هذا كل شيئ استاذي الكريم

7asnaa kareem
16-11-2009, 05:02 PM
كيفك عز باشا



يااااااارب تكون بخير


عمرك حسيت ان روحك بتوجعك؟؟؟؟؟؟؟؟؟؟؟؟؟

كريم ماضي
16-11-2009, 08:46 PM
عز أنت هتتفرج علي الماتش فين؟

نفسي أشوفك وانت بترقص أصلي أنا كمان رقصت ههههههه ماتيجي معايا

عز وحيد
17-11-2009, 04:47 AM
الاستاذ الفاضل / عز

طبعاً انا عضو جديد على المنتدى الجميل ده

وبما اننى لم اتشرف بقراءة كل الموضوعات الجميلة

ممكن استفيد من وجودك على كرسى الاعتراف واسال إن كان ممكن

وطبعاً ممكن تعتذر



يا اهلا وسهلا بحضرتك استاذ ابو بكر
شرفت الموضوع بجد
وشرف ليا اكيد انك تسالنى وتمر على موضوعى
انا تحت امرك فى اى اسئلة اسال براحتك وان شاء الله اجاوب حضرتك


أولاً : أنت شخصية متواضعة في ردودك الهادئة على الزملاء الافاضل ...!!!

1- ما هو أجمل موضوع لحضرتك بالمنتدى ..؟؟؟؟ وأجمل مشاركة لكى في موضوع ...؟؟
(بس بشرط ما يكونش نفس الموضوع )



ربنا يكرمك يارب يا استاذ ابو بكر
هو بخصوص اجمل موضوع ليا
او الموضوع الى انا حبيته
كان موضوع اسمه عيش وانسى المبادىء
اما بخصوص المشاركة الافضل بقى فديه صعبة شوية
لان المشاركات عددها كتير فصعب تفتكر اجمل مشاركة


ثانياً : أنت لك أصدقاء كثيرين ....!!!!!

2-ما هى شروط الصداقة من وجهة نظرك الشخصية ...؟؟؟
(بس بشرط ما يكونش من ضمنها الوضوح والصراحةوالصدق لانهم اساسيين في الصداقة)



والله من راى ان الصداقة الجادة انك تتخيل صديقك ده نفسك
وتفكر فى كل حاجة هتعملها معاه
هل هتبسطك لو عملتها لنفسك
هل هتزعلك لو كانت هتتعمل فيك انت
يعنى بمعنى اصح تفكر فى شعور الصديق قبل ما تفكر فى شعورك


ثالثاً : أنت تحلم بمستقبل جميل ...!!!!

3- ما هى أحلامك وكلماتك لكل من :

طفل صغير يبكى .... ياريت اقدر امسح دموعه

طفلة صغيرة تضحك...... ربنا يبسطك كمان وكمان

أب إنجرح من ابنته لسوء تصرفها .... هقولها اعملى الى يريحك بس افتكرى ان كل ده هيترد لك لما تكونى ام " كما تدين تدان "

أم تعبت من مصاريف البيت والشغل والعيال .....
هقولها ربنا يصبرك ويقويك


احلامى كتيرة جدا على فكرة
منها احلام قريبة على المدى القريب واحلام على المدى البعيد
ربنا يكرمنى واقدر احقق الاتنين




رابعاً : أنت متميز في المنتدى الكريم ....!!!!!

4- ما هو رأيك الشخصى في الآتى :

- الخطة الاستراتيجية القومية للتعليم ما قبل الجامعى 2007/2012

- أكاديمية المعلم

- الهيئة القومية لضمان جودة التعليم والاعتماد (نقاء)(naqaae)

- مؤسستك التى تنتمى لها (ما لها وما عليها )من وجهة نظرك



بخصوص كل الاسئلة السابقة
اخر سؤال بس الى اقدر اجاوب عليه
المؤسسة التابعة ليا
الى هى تعتبر نقابة التجاريين بما انى خريج تجارة يعنى
مؤسسة على المعاش لا بتهش ولا بتنش



خامساً : أنت مثقف جدا .......!!!!

5- ما هو رأيك في هذه الشخصيات العامة بصدق كالعادة

د/ يسرى الجمل

د/ محمود عابدين

د/ أحمد نظيف

د/ على مصيلحى

د / طارق كامل



انا مش هتكلم على اشخاصهم
انما بخصوص كل الوزارات الى هما ماسكينها
انا شايف انهم ما قدومش جديد
فشايف انهم عادى


وزملاء المنتدى الحاليين :

أ/ محمد بن عباس دينامو المنتدى بجد

أ/ دعاء شديد الساحرة الشريرة نييييييييييياهاهاها

أ/نعمة محمود تعطى للمنتدى كل ما لديها

أ/ أمل العطاء بدون ظهور

أ/ وليد عسكر خايف اتكلم ما اديش ليه حقه انما الكل عارف هو ايه للمنتدى

أ/ كريم (مشرف قسم جووووووول) ا ده بقى مش محتاج منى كلام هو عارف كويس يعنى كريم لعز

أ/ أبوبكر أحمد العملة الساعى الى المعرفة وتطويرها

.....

وممكن سيادتك تضيف آخرون لم اتشرف بهم بعد ....


أعتقد كده كفاية أول تعارف وممكن اكمل بعد شوية ....


فرصة سعيدة جدا واتمنى لك التوفيق الدائم

وأتفق معك أن الامل في الحياة يخلق نوع من الايمان القوى

صديقك
أبوبكر أحمد العملة
عضو فريق مجتمع المعرفة بالمنتدى الكريم


شرفتنى يا استاذ ابو بكر باسئلتك الجميلة
شكرا جزيلا لك

عز وحيد
18-11-2009, 01:30 AM
اولا انا اول مرة ارد على هذا الموضوع وبما انني جديدةو صغيرة اسال اسئلة قدي

مرحبا بك اختى الكريمة اتشرف بالرد على اسئلتك
هل تحب الدراسة فعلا؟؟؟؟؟؟؟؟
بحبها جدا جدا جدا رغم انى خلصت دراسة الا انى ما زلت بحبها بل حبى ليها زاد بعد ما خلصت
ما رايك ب "زياني " لا عب المنتخب الجزائري ؟؟؟بصراحه

لاعب رائع ومن اخطر لاعبى الجزائر

كيف ترى الشعب الجزائري خارج اجواء المباراة و الكرة ؟؟؟؟؟؟؟؟؟؟؟؟
هذا كل شيئ استاذي الكريم

انا اسمع الكثير والكثير عن شعب الجزائر
وانا بالفعل معجب بهم جدا من اجل ما فعلوه من تحرير لاراضيهم
هو شعب مسلم عربى هو شعبى لانهم كلهم اخوانى ربنا يهدى الناس اجمعين
جزاك الله خيرا اختى صونيا على اسئلتك الجميلة

عز وحيد
18-11-2009, 04:15 AM
كيفك عز باشا




يااااااارب تكون بخير


الحمد لله بخير وتمام ربنا يكرمك على سؤالك


عمرك حسيت ان روحك بتوجعك؟؟؟؟؟؟؟؟؟؟؟؟؟


بصى كل الناس روحها بتوجعها
بمعنى اصح ده صفة من صفات الجنس البشرى صعب تفارقه
فالبتالى ده لازم يكون ملازمه فى كل اوقات حياته
بس الوجع بقى انواع كتيرة
كل واحد بقى وليه نوعه
شكرا على سؤالك الجميل يا حسناء

dream
19-11-2009, 09:11 AM
ازايك ياعز عامل ايه؟

عاوزة اعرف تفاصيل يومك امس؟

وماذا حدث بعد مباراة مصر والجزائر

بس كده

عز وحيد
19-11-2009, 10:20 AM
ازايك ياعز عامل ايه؟

الحمد لله بخير يا ميس احلام

عاوزة اعرف تفاصيل يومك امس؟
تفاصيل اليوم
طيب هو بدا كالتالى نوم عميق لحد العصر
بعدها قمت من النوم ثم بعد ذلك نوم عميق لحد المغرب
بعد كده فتحت النت عملت حاجة لحد العشاء
صليت العشاء ورجعت اتفرجت على الماتس
عند واحد صاحبى بس ربنا يكرمه
زملكاوى زيى وحبيبى بس بقولها ليه فى وشه انت سبب كل مشاكل الزمالك
فما بالكم بقى بمصر طبعا هو متشائم لابعد الحدود وبشرنى بالخير من اول ما قعدت
وطول الماتش كل كلامه اننا هنخسر

وماذا حدث بعد مباراة مصر والجزائر



بس كده


الى حصل بعد المباراة ما يتحكيش
روحت ماشى من عند صاحبى
واخدت قرار فى نفسى ولا هفكر فى يوم من الايام بعدها اشوف معاه ماتش
الحاج الوالد قابلنى وانا مروح
اول سؤال ساله ليا
قالى انت ايه الى خلاك تروح تتفرج على الماتش مع رمضان " الى هو صاحبى الى حكتلكم عنه "
اصل مشهور جامد حتى كريم كمان عارفه الكل عارف يعنى هو بيعمل ايه فى الماتشات
قولت فى عقل بالى النصيب
روحت طفيت التليفزيون
حد شغل التليفزيون تامى وراح مقرب ناحية القنوات الرياضية اخدت منه الريموت
وروحت جايب قناة غير رياضية خالص
ولا اى كلام عن الرياضة
قولت للجميع الكل ما يتكلمش عن الماتش
شديت البطانية وروحت نايم

وصف تفصيلى اهو يا ميس احلام
على فكرة الشرح ده انا تعبت فيه جدا ياريت ماحدش ينقله يا جماعة
وفى حالة النقل يذكر المصدر :)
شكرا يا ميس على اسئلتك التفصيلية