المساعد الشخصي الرقمي

مشاهدة النسخة كاملة : محاضرات:المحاسبة المالية



كريم ماضي
03-11-2009, 03:50 PM
بسم الله الرحمن الرحيم

المحاسبة المالية
الدكتور محمد شوقي بشادي
الدكتور بدأ بمدخل بسيط للتعريف بمادة المحاسبة المالية ...و قال انها فيها عملي و نظري ...

المحاضرة اللي كتبها الدكتور و بعض التوضيح مني ( ملحوظة التوضيح اللي حكتبه هو فهمي للمحاضرة و حكتبه عشان يساعد حضراتكم في فهم المحاضرة )

المحاسبة هي قياس و توصيل ...(قياس ايه.؟ و توصيل ايه ؟)
قياس المعاملات الاقتصادية للمنشأة ,,, و توصيلها الي المستخدمين..
في البداية ما معني معاملة اقتصادية ..؟
الدكتور قال بأن البيع و الشراء و الاقراض و الاقتراض ..الخ كلها معاملات اقتصادية ...معاملة الهدف منها التحدث بطريقة النقود يعني ..مثلا عند شراء بضاعة فهنا حدثت معاملة اقتصادية ..تتطلب محاسبة مالية ...قياس و توصيل !

القياس ..
1 _ تجميع البيانات الخاصة بالمعاملة ( مين حيبيع و مين حيشتري )
2 _ ترجمة البيانات الي نقود ( نتوصل لسعر يوافق عليه الطرفين )
3 _ تسجيل البيانات في السجلات المحاسبية ( يعني ايه سجل محاسبي ؟ بتشوفوا اكيد في المحلات القديمة شوية راجل بيكتب كل حاجة بيبعها المحل و يشتريها في كتاب او دفتر كبير كده .. هو ده السجل المحاسبي و اعرف ان له انواع بس مش كلامنا فيه دلوقتي )
4 _تبويب البيانات المسجلة في الحسابات الخاصة بها ( واضح من اسمها اننا بنعمل ابواب في السجل .. باب للمشتريات و باب للمبيعات و الخسارة و المكسب و كده و بنشوف البيانات اللي عندنا من انهي نوع و بنحطها مكانها )
5 _ تلخيص البيانات المبوبة ( يعني بنجيب اجمالي الحساب .. بعنا حاجات كتير مثلا فبنشوف كسبنا اد ايه ؟ او اشترينا حاجات فبنجمع اتمانها و نشوف دفعنا اد ايه ؟)


التوصيل..
1 _ اعداد التقارير و القوائم المالية التي تتضمن نتائج القياس ( المعلومات المحاسبية ) ( اللي قدرت افهمه من الجزء ده ان مثلا يتم اعطاء فاتورة للمشتري او وصل او حاجة زي كده و فيها ( المعلومات المحاسبية ) مين باع و مين اشتري و بكام و كده )
2 _ توصيل هذه المخرجات ( المعلومات المحاسبية ) الي مستخدمي هذه المعلومات

الدكتور وضح ان مستخدمي المعلومات نوعين :
1_ داخليين ( من داخل المنشأة ) و هم الادارة بمستوياتها المختلفة
2_ خارجيين ( من خارج المنشأة ) و هم مثل المستثمرين و الملاك و الدائنين و المدينين و المصالح الحكومية ( زي الضرائب )
المستخدمين الخارجيين طبعا مش بيشتغلوا في المنشأة .. عايزة اقول ان التعامل في المنشأة بيبقي نوعين داخلي و خارجي .. داخلي للعاملين و خارجي لو مثلا المنشأة مدانة لحد او مدينة لحد او بتاخد او بتدي للمستثمرين او بتدفع للضرائب مثلا ..
الدكتور قال ان النظام المحاسبي عامل زي الكمبيوتر ..
مدخلات ........تشغيل..........مخرجات ( الكمبيوتر)
بيانات المعاملة الاقتصادية ......قياس و توصيل..........معلومات محاسبية ( النظام المحاسبي )

و الهدف العام للمحاسبة هو : توفير المعلومات المحاسبية عن المعاملات الاقتصادية للمنشأة الي المستخدمين الداخليين و الخارجيين لمساعدتهم في اتخاذ القرارات ...

و كتاب الدكتور محمد شوقي بشادي اسمه ( المحاسبة المالية )

و هنا انتهت المحاضرة
يارب اكون قدرت اوصل المعلومة لحضراتكم

في رعاية الله
و السلام عليكم و رحمة الله و بركاته

sir_wyvern
04-11-2009, 01:10 AM
اهااااااااااااا
تمام يامان وصلت

الدكتورة عندنا بدائت كلمتين نظرى وبعد كده عملى على طول

كريم ماضي
04-11-2009, 02:25 AM
ربنا يوفقك ياغالي
ونورت الموضوع طبعا