حسبى الله ونعم الوكيل

[ابوعلى المنياوى]

السلام عليكم اخوانى واخواتى .
انا اسف انى اتحسبنت فى العنوان بس ماينفعش اقول غير كده فى قمة التخلف والقهر وعدم الاحساس بالمسؤلية وده من جانب قسم الاحصاء بمديرية التربية والتعليم بالمنيا
حيث توجهنا انا وزملائى الى قسم الاحصاء لتقديم استمارة الاكاديمية الشهيرة ونكتشف ان الموظف المسئول سافر بنى سويف لتقديم الاوراق القديمة من يوم الخميس مع العلم ان لغاية اليوم ده ما كانش لينا صلاحية دخول .... المهم هاحكيلكم الحوار اللى دار بينا وبين موظف تانى احنا برمز 1 وهو برمز 2
1 لو سمحت عايزين نقدم الاستمارة .
2 معلش احنا اسفين النهاردة كان اخر يوم والموظف راح بنى سويف .
1 طيب حضرتك ايه العمل دلوقتى .
2 سافروا بنى سويف وراه سهلة اوى ههههههههههههه.
1 اه طيب حضرتك ممكن تستلموا الورق مننا وتبعتوه مع اى حد النهاردة او بكرة .
2 يا سلام احنا تحت ايديكم اظن حرام عليكم سبينوا فى حالنا .
1 طيب وايه العمل دلوقتى .
2 خلاص انا قلت اللى عندى .
1 طيب ممكن رقم الموظف ده حضرتك .
2 اه اوى اوى اتفضلوا .
1 متشكرين يا فندم .
المهم اتصلنا بيه وقالنا تعالوا ورايا علشان انا مش هارجع بنى سويف تانى ابدا .
وطبعا كان لازم نروح وخدنا بعضينا ورحنا عشرات المدرسين اتبهدلوا بنات منهم واولاد اللى عنده بيته واولاده واللى مش فاضى الخ
المهم انه يرتاح السيد الموظف المحترم ومايرجعش بنى سويف تانى .
ده يرضى ربنا الكلام ده .
ملحوظة مهمة . محافظة المنيا هى الاولى على مستوى الجمهورية


فى الروتين فقط .



ابو يوسف المنياوى





حبيبى والله يا ابو شاكر انت وموسى والشيخ على .:28:

[لــؤلــؤة]

معلشي يا استاذ ابو على

الحمد لله انها وصلت لحد كده

انا زملتي تعاقد 1 / 7 / 2008

وحتى الآن غير مسموح بالدخول لها في الاكاديمية

وهي كانت لحد امبارح في الاكاديمية لحد الساعة 9 بليل

وفي الآخر رجعوا زي ما راحوا

والله اعلم هيروح عليهم الامتحان بتاع 20 / 11 ولا هيدخلوا معانا

[safaa_ss]

صبرا يا أبو على فما تفعله معنا الوزارة يحتاج إلى طولة بال فما حدث معك ما هو إلا جزء مما يفعلوه مع الكثيرين وحسبى الله ونعم الوكيل