الغاء العقد المميز نهائيا

[ابوعلى المنياوى]

اخوانى واخواتى السلام عليكم ورحمة الله وبركانه
طبعا احنا اتكلمنا قبل كده عن التخبط فى اصدار القرارات واللوائح بشأن المعلم الذى يعمل بنظام العقد المميز واللى بصراحة انا مش شايف اى ميزة فيه غير انه قسم النظام التعليمى الى ثلاث فئات وهى
1 المدرس الاساسى.
2 المدرس بالعقد المميز .
3 المدرس بالحصة .
وده طبعا علشان يكون فى صراع على مكان فى هذا الهيكل التعليمى ويكون فى عمليه غض بصر عن اى حاجة بتحصل من حوالينا بمعنى ان المدرس بالحصة الغلبان اللى اهله صرفوا عليه دم قلبهم بيشتهى عقد مميز وطبعا اللى بالعقد المميز نفسه يتثبت علشان يضمن وطيفة ومستقبل ومعاش الخ
وظهر برضه نظام الكدر بين المدرس الاساسى اللى طبعا كل واحد بياخد مرتب غير التانى لو فكرنا شوية هنلاقى فى عمليه غريبة بتحصل وحد بيحرك العمليه بطريقة غريبة ومش مفهومة ومش عارفين لغاية امتى هايفضل هذا الوضع والانقسامات داخل هيكل وصرح عظيم المفروض يتعامل العاملين فيه باوضاع غير كده لان اللى فيه هما اللى بيخرجوا اجيال للبلد ومش عايزين نلف فى دايرة مقفولة .
يعنى من الاخر مش عايزيين نضحك على بعض بكلام مالوش لازمة ..........
والحل سهل وبسيط
اولا _تثبيت العقود المميزة فى اقرب فرصة ومحدش يزعل منى لما نقول انه يكون تربوى او غير تربوى ومعاه دبلومة تربوية .
ثانيا _تسليم المدرسين بنظام الحصة عقود مميزة جديدة للعمل بها الى ان يقوم هذا المدرس بالحصول على الدبلومة التربوية .
ثالثا _الغاء هذه العقود ونظام الحصة فى مدة اقصاها ثلاث سنوات .
رابعا _رفع درجة القبول فى كليات التربية من الحاصلين على الثانوية والعامة بحيث انها تقبل المجاميع الكبيرة وتقليص العدد المقبول فى كليات التربية وتدريبهم بدرجة فائقة الجودة علشان بعد كده يبقى اللى متخرج من كليه التربية مؤهل فعلا للعمل كمدرس .
خامسا _التدريب الجيد والفعال فى خلال الدراسة فى كليه التربية ويستحسن انه يكون فى سنة خامسة وهى التدريب فى المدارس للطالب فى كلية التربية وهى انه يروح مدرسة يتدرب فيها تحت اشراف متقن من كبار الاساتذة والموجهين وباشراف كلية التربية يعنى زى نظام المحامين وخريجى كلية الطب .
وبكده انا خلصت كلامى وارجو الردود من حضراتكم
والله اسأل ان يحمى هذا البلد ويدوم عليه نعمة الامن والامان والاسقرار
وربنا يستر

اخوكم المنياوى

[safaa_ss]

:41::41::41:صدقت فى كل ذلك

[أبوعبدالله]

والله كلام جميل بس اللى مسكين البلد ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[ahmed fouad]

اللهم وفق الجميع الى ماتحب وترضى

[محمد محمد الجمل]

اللهم وفق الجميع الى ماتحب وترضى

[ثراء سيد محمد]

كلامك طبعا جميل بس يارب يحوشو السماعات اللي مركبنها وتلاقي حد يكون بيعرف ربنا وينفذ الكلام اللي فيه صالح الجميع مش صالح حد علي حساب حد:7:

[عاشق تراب مصر ونيلها]

متشكرلردودكم جميعا وياريت الناس يوصلها كلامى بعقلانية

[عطر الجنه]

كلام جميل لكن المهم التنفيذ

[معلم زميل]

حضرتك هما لغوا التكليف بتاع كلية التربية والزموا خريجي الكليات الاخري بالدبلومة التربوية زي ما لغوا سنة سادسة وبعد كده رجعوها من الواضح ان التعليم بالنسبة لهم حقل تجارب وواضح انهم مش فاهمين هما بيعملوا ايه لان د/ فتحي سرور لما لغي سنة سادسة كان العالم كله بينادي بزيادة عدد سنوات التعليم الاساسي وعلشان التعليم بتاعنا يطور لازم يكون مسؤولية الدولة كلها من اكبر راس لاصغر راس يعني التعليم يصبح مشروع قومي ولك ان تتخيل ان الارد ن اللي مساحتها عشر مساحة مصر ميزايية التعليم فيها اضعاف ميزانية التعليم عندنا ومرتبات المعلمين في اي دولة عربية اضعاف اضعاف اضعاف اضعاف اضعاف مرتباتنا:18::18::18::18::18:

[sam75]

ا اخوانى دى سياسه تهدف الى جعل المدرس يكره مهنته كما جعلو الطالب يكره التعليم وكده يبقى التعليم انهار تماما

[winwaw]

كلام حلو بس التنفيذ... فين وامتى وازاى؟؟؟؟؟؟؟؟؟؟!!!!!!!!!!!!!

[M.Ahmed Elsaid]

انا والله مش شايف للدبلومة التربوية اى لزوم
روتين حكومى على الفاضى علشان يجمعوا فلوس من الغلابة وخلاص

يرضى مين لما يبقى تكاليف الدبلومة دى اكتر من 2000 جنيه .. حرام دا ولا حلال

عايز اقول .. ان فيه واحد ينفع يكون مدرس وواحد مينفعش .. ومش شرط يكون خريج تربية علشان نقول عليه مدرس .. ممكن يكون خريج اداب ويكون مدرس كويس ..

المدرس اولا واخيرا اسلوب .. بيعرف يوصل ازاى المعلومة للطالب .. بيعرف يحبب الطالب فى المادة ..
واعتقد ان دا ملكة شخصية مش مرتبطة بالكلية اللى متخرج منها ..

زى ما احنا شايفين اى حد بيشتغل دلوقتى فى التدريس .. ودا اللى عامل الدربكة دى كلها .. دا بجانب الوساطة فى التعيين
والقوانين الغبية المعقدة اللى الوزارة حطاها ..

مشكور اخى الفاضل على المقترحات .. وادعوا معاك ربنا انها تتنفذ

[عاشق تراب مصر ونيلها]

اشكركم جميعا لمروركم الكريم والله اسأل ان يوفقنا جميعا

[سنا مصر]

حلول جميلة وبسيطة وسهلة التنفيذ ، ولكن...................

نقول لمين؟؟؟؟؟؟؟؟؟؟ اللهم الهمنا الصبر ، جزاك الله خيراً أخى المنياوى

[دعاي]

يا جماعه والهي الموضوع مساله وقت انا مقدرة قلقكم انا منكرش اني مستعجله زيكم بس مش قلقانه ولا متشائمه يعني مثلا هييجيبو ناس منين ماهو لازم درجات هتفضي ومعاشات تطلع بس هما بيماطلو شويه انتو عارفين ان الحمل عليهم تقيل اوي ازاي يدو الناس حقوقها من غير ما يطلعو عنيهم لازم يماطلو شويه اهو كله توفير برضو بس النهايه ايه لااااااااااااااااااااااااااازم تتعينو ونحمد ربنا انهم ملزمين بينا غيرنا بيحلم بعقد عادي ومش لاقي والهي انا شفتهم في وكاله الوزارة طوابير ومش بيردو عليهم غير بكلمه واحده مفيش لسه نحمد بقه ربنا ونهدي بدل ما يجرالنا حاجه ولا نلحق بلح الشام ولا عنب اليمن

[مصطفى عبدالبديع]

الأبلة وداد لها رأي آخر فهي ترى أن الزواج الفاشل أساسة أن الزوج