المساعد الشخصي الرقمي

مشاهدة النسخة كاملة : أبغض الحلال


7asnaa kareem
24-10-2009, 06:51 PM
أكيد فيه حاجه مش طبيعيه وبجد بقت حاجه مستفزه
انا عندى 22 سنه يعنى بالعربى الفصيح لسه لا رحت ولا جيت
تخيلو ان نص صحابى اللى هما من نفس السن 22 سنه برده مطلقين والله بجد وما بهزر
دى كارثه
استنو شويه اوعو تفكرو ان النص التانى مش مطلقين
لالالالالا
دول كانو مخطوبين وخطوبتهم اتفركشت
والله دى حاجه تخوف يا تبقى البنت مطلقه او كانت مخطوبه وربنا ما ارادش ان الموضوع يكمل او فيه مشاكل بينها وبين جوزها وامه لا إله اإلا الله بتحاول تهدى الامور
المشكله بقه ان الاسباب تافهه جدا مره يقولو دى ماجابتش شنطه المعالق والمره التانيه يقولو اسكتى ياختى دى جايبه غساله هاف اوتوماتيك والمره التالته يقولو دى كاتبه فى القايمه مروحه وما جابتهاش
ياااااااااااااااااااااااربى والله دا بجد تخيلو الحياه الزوجيه بقت عباره عن ايه راح فين الاستقرار والموده والرحمه اساسا البنى ادم يجيله نفس يتجوز ازاى وفين نص الدين وفين ربنا مننا وفين خدوهم فقرا يغنيهم الله من فضله
بجد احنا جيل عجيب وفينا العبر عايزين حل جزرى لكدا انا خايفه اتجوز ليكون مصيرى زى صحابى ازاى يبقى عندى اطفال واربيهم من غير ابوهم
نسيت اقولكو حاجه كمان لو ربنا رزق حد من صحابى بأطفال ولا حاجه وواقفه حياتها على الطلاق وتيجى هيا بقه تحاول تلين دماغ جوزها وتقولو عشان ولادنا تخيلو الرد يبقى ايه؟؟؟؟؟؟
يقولها اوعى تفكرى انك ممكن تذلينى بابنى عادى جدا فيه رجاله سبور ممكن يربو ولاد غيرهم
عجبى عليك يا زمن مفيش فيك نخوه
دعاء شديد
24-10-2009, 07:06 PM
تصدقى هم يضحك وهو يبكى

اضحك على الاسباب التافهه ... ولا ابكى على العقول الفارغه
:bosyht9:
عجبى على وقتنا الي الرجال والنساء فيه
بقوا اشباه بشر

اكيد اكيد لى عودة ورد اخر
لان بجد بجد الموضوع مهم وخطير
ومحتاج تركيز
:18:
تسلمى
7asnaa kareem
24-10-2009, 08:15 PM
تصدقى هم يضحك وهو يبكى

اضحك على الاسباب التافهه ... ولا ابكى على العقول الفارغه
:bosyht9:
عجبى على وقتنا الي الرجال والنساء فيه
بقوا اشباه بشر

اكيد اكيد لى عودة ورد اخر
لان بجد بجد الموضوع مهم وخطير
ومحتاج تركيز
:18:
تسلمى



ياااااااااااااااااااريت والله لأن بجد الموضوع كدا زياده عن اللزوم انا اتخنقت خصوصا ان الاسباب تافهه جدا وماحدش يعرف ان لو واحده اتطلقت بيأثر ازاى فى المجتمع المحيط
بالبلدى كدا
كله منفد على كله
سامحينى فى التعبير
طارق ممدوح ذكي محمد
24-10-2009, 08:23 PM
ربنا يهدي ..

اعتقد ان التركيز على المظاهر والشكل دون الجوهر والاصل

هو السبب ...

ومش بس في الاختيار ... ولكن في جميع امور الحياة


احب انا الموضوعات الواقعية .. تسلم ايدك بجد
7asnaa kareem
24-10-2009, 08:37 PM
ربنا يهدي ..

اعتقد ان التركيز على المظاهر والشكل دون الجوهر والاصل

هو السبب ...

ومش بس في الاختيار ... ولكن في جميع امور الحياة


احب انا الموضوعات الواقعية .. تسلم ايدك بجدh


والله يا مستر طارق ما بقينا عارفين مين صح ومين غلط
وايه هيا المشكله اصلا مش عارفين
اساسا اى حد بييجى يتجوز دلوقتى مابقاش بيفكر هيربى بناته ازاى ولا ولاده ازاى بقى بيفكر لما يطلق او تتطلق هيعمل او هتعمل ايه
دى اول حاجه بتدور عليها الزوجه او الوزج القايمه والعفش
بتوصل فى احيان كثيره ان الزوجه تقدم بلاغ فى جوزها لحفظ حقها فى العفش
يعنى خراب بيوت من اول مشكله
بجد بيربو لبعض عقد نفسيه ما بيعرفوش يحلوها الا بالطلاق
عرفت بقى الجواز بقى سهل والطلاق مفيش اسهل منه
انا اتعقدت
طارق ممدوح ذكي محمد
24-10-2009, 08:45 PM
h




عرفت بقى الجواز بقى سهل والطلاق مفيش اسهل منه

انا اتعقدت



ليه بس كده هتعقدينا ليه ؟؟

انا لسة بابتدي المشوار

ربنا يزوج كل الشباب .. ويصلح احوالهم

ويرزقهم الزرية الصالحة .. اللهم امين
ميس سوزان
25-10-2009, 02:13 AM
السلام عليكم

بصى انا معاكى فى اللى بتقوليه وانا شخصيا عشت تجارب كده كتير وشفتها بعينيه للأسف
والبنات بتدور على العريس اللى معاه فلوس وبنات كتير كمان بتوافق على واحد فى سن أبوها هى تديله شبابها وجمالها وهو يديها فلوسه ومفيش اى حساب للمشاعر او الراحة النفسية او الحب !!
لو كل واحد استخار ربنا واختار صح وفكر مليووووووووون مرة مكنش ده بقى حالنا
ربنا يصلح الاحوال وانا متأكده ان فيه ولو خيط من الامل {تفاءلو بالخير تجدوه}زى ما فيه الكويس فيه الوحش

جزاكى الله خيرا على التذكرة دى يا حبيبتى
7asnaa kareem
25-10-2009, 02:04 PM
السلام عليكم

بصى انا معاكى فى اللى بتقوليه وانا شخصيا عشت تجارب كده كتير وشفتها بعينيه للأسف
والبنات بتدور على العريس اللى معاه فلوس وبنات كتير كمان بتوافق على واحد فى سن أبوها هى تديله شبابها وجمالها وهو يديها فلوسه ومفيش اى حساب للمشاعر او الراحة النفسية او الحب !!
لو كل واحد استخار ربنا واختار صح وفكر مليووووووووون مرة مكنش ده بقى حالنا
ربنا يصلح الاحوال وانا متأكده ان فيه ولو خيط من الامل {تفاءلو بالخير تجدوه}زى ما فيه الكويس فيه الوحش

جزاكى الله خيرا على التذكرة دى يا حبيبتى


شكرا لمرورك ومشاركتك وياريت نحاول نغير الواقع عشان كدا حراااااااااااااااام اللى بنعمله فى نفسنا دا
المجاهد فى سبيل الله
29-10-2009, 04:42 PM
السلام عليكم ورحمة الله وبركاته
والله يا اختى عندك حق
بس والله انا برضه شوفت النقيض
شوفت اخ بيقولنا احنا الشباب يا جماعه بنتى كبرت يلا بقى حد يدخل
تخيلوا واقسم بالله بنته دى فى كلية طب
و مش حقول قمة الادب و الالتزام
يعنى مش كله بيبص للحاجات دى
فى لسه ناس بتبص لجانب الدين
فى كتير كمان
7asnaa kareem
29-10-2009, 09:20 PM
السلام عليكم ورحمة الله وبركاته
والله يا اختى عندك حق
بس والله انا برضه شوفت النقيض
شوفت اخ بيقولنا احنا الشباب يا جماعه بنتى كبرت يلا بقى حد يدخل
تخيلوا واقسم بالله بنته دى فى كلية طب
و مش حقول قمة الادب و الالتزام
يعنى مش كله بيبص للحاجات دى
فى لسه ناس بتبص لجانب الدين
فى كتير كمان


أكيد فيه نماذج بتبص للدين
بس دا قليل أوى
وفيه ناس كتتييييييييييييييييير أوى
وبصراحه ظالمه الدين معاها

شكرا لاهتمامك بالموضوع
أبوبكر أحمد العملة
29-12-2009, 01:38 AM
الاستاذة الفضلى / حسناء كريم

ربما السبب بيكون افتقاد الامان لدى الطرفين ونقص الثقة والخوف من المستقبل

وممكن الطموحات الكبيرة تتكسر على الواقع بدون ثقافة ايمانية أو خبرة حياتبة للتوازن النفسي

وممكن ايضاً السبب الحقيقى هو قرار جواز سريع = قرار طلاق اسرع

وممكن يكون العدوى الثقافية الاجتماعية من خلال جيل لا يرضى بمبدأ خطوة بخطوة

بل عايز سلم سريع جداً علشان يوصل للنهاية بسرعة

وعلى فكرة اسمحى لى أن اعتبر الطلاق هو نوع من التعبير عن الانتحار كنوع من الهروب النفسي

وخصوصاً ان التضحية بابناء لا ذنب لهم يعتبر نوع من التلبد والجبروت والسيكوباتية (السادية)

ولى عودة اخرى ان شاء الله بعد قليل لان الموضوع ممتاز

ويعتبر بصدق من اجمل الموضوعات بالمنتدى الكريم واهمها حالياً "بناء الاسرة ونواة المجتمع "

مع خالص تقديرى لشخصكم الكريم
عضو فريق مجتمع المعرفة بالمنتدى الكريم
7asnaa kareem
29-12-2009, 10:33 PM
الاستاذة الفضلى / حسناء كريم

ربما السبب بيكون افتقاد الامان لدى الطرفين ونقص الثقة والخوف من المستقبل

وممكن الطموحات الكبيرة تتكسر على الواقع بدون ثقافة ايمانية أو خبرة حياتبة للتوازن النفسي

وممكن ايضاً السبب الحقيقى هو قرار جواز سريع = قرار طلاق اسرع

وممكن يكون العدوى الثقافية الاجتماعية من خلال جيل لا يرضى بمبدأ خطوة بخطوة

بل عايز سلم سريع جداً علشان يوصل للنهاية بسرعة

وعلى فكرة اسمحى لى أن اعتبر الطلاق هو نوع من التعبير عن الانتحار كنوع من الهروب النفسي

وخصوصاً ان التضحية بابناء لا ذنب لهم يعتبر نوع من التلبد والجبروت والسيكوباتية (السادية)

ولى عودة اخرى ان شاء الله بعد قليل لان الموضوع ممتاز

ويعتبر بصدق من اجمل الموضوعات بالمنتدى الكريم واهمها حالياً "بناء الاسرة ونواة المجتمع "

مع خالص تقديرى لشخصكم الكريم
عضو فريق مجتمع المعرفة بالمنتدى الكريم


فعلا
قرار جواز سريع يؤدى الى قرار طلاق أسرع

ربنا يحفظنا
بس الحياه دى ظلمت ناس كتير أوى معاها

لا حول ولا قوه الا بالله