المساعد الشخصي الرقمي

مشاهدة النسخة كاملة : "ليس لك صلاحية الدخول" اتحدوا حتى لا يضيعوا حقنا


احمد الشلقامى
19-10-2009, 07:50 PM
زملاء كتار دخلوا على موقع الاكاديمية وجدوا اسماؤهم متاحة واخرين وجدوا رسالة ليس لك صلاحية الدخول وعند الاتصال برقم 19126 اجابوا انهم بصدد اصلاح القاعدة لذلك علينا مراجعتهم حتى لا يضيع حقنا
safaa_ss
19-10-2009, 07:53 PM
شكرا رفعت روحى المعنوية وربنا يستر
احمد الشلقامى
19-10-2009, 08:00 PM
على فكرة قالوا ان اصلاح القاعدة او السيرفر بتاعهم خلال يومين
ابو عمر السعدنى
19-10-2009, 10:10 PM
يا استاذ احمد ممكن حضرتك تخبرنى عن موعد اختبار المعلم المساعد ان وصلك خبر لانه كان يوجد خبر بالامس ان الوزير سوف يعلن الموعد اليوم
mohamedelkady
19-10-2009, 11:08 PM
زملاء كتار دخلوا على موقع الاكاديمية وجدوا اسماؤهم متاحة واخرين وجدوا رسالة ليس لك صلاحية الدخول وعند الاتصال برقم 19126 اجابوا انهم بصدد اصلاح القاعدة لذلك علينا مراجعتهم حتى لا يضيع حقنا

شكرا على الموضوع
تأكيدا لكلام أ / أحمد أحد أصدقائى إتصل بالأكاديمية ( فرع الغربية ) وتقريبا قالوا نفس الكلام خلال يومين كله هيبقى تمام وحاول كل فترة
safaa_ss
19-10-2009, 11:28 PM
لا نملك سوى الصبر
مدرسة علوم
19-10-2009, 11:45 PM
و
الكلام ده يا جماعة لكل التعاقدات و لا اللى بس تاريخ تعينهم فى 2008 لانى سمعت الكلام ده لكن على الاكاديمية بيقول كل اللى سلمو اوراقهم
a.shoura
20-10-2009, 11:37 AM
أنا كمان ياجماعة إدارة القناطر الخيرية زمايلى كتير دخلو وانا جتلى نفس الرسالة اتصلت بالأكاديمية قالو راجع قسم الاحصاء فى ادارتك راجعتة لاقيت كل البيانات صحيحة وقالو المشكلة اكيد فى موقع الأكاديمية وربنا يسهل نستنى يوم كمان لما نشوف ايه اللى هايحصل:28::28::28:
لــؤلــؤة
20-10-2009, 07:16 PM
انا تعاقد 1/7/2008

وحاولت الدخول لكن ذكر ليس لك صلاحية الدخول

اعتقد يا جماعة انه الدخول للذين لهم ارقام جلوس

واحنا لسه مش لينا ارقام جلوس
سما روميو
20-10-2009, 08:16 PM
ارقام الجلوس بتطلع بعد ما بتوقعى على الاستمارة وتتختم من المدرسة و الادارة و تروح الاحصاء :friendsxs3:
رحمة حسن
20-10-2009, 09:17 PM
اطمئنو يا جماعة اكيد هى مشكلة بسيطة فى السيرفر فعلا لانى طيعت الاستمارة بتاعتى لكن استمارة زميلتى مش موجودة وهى اقدم منى وقدمت قبلى
احمد الشلقامى
21-10-2009, 12:38 AM
اللخبطة بدات من دلوقتى فى طباعة الاستمارات امال عند تصحيح الاوراق ايه رايح يحصل والمشكلة مفيش جهة سريعة للرد عليك المهم كل واحد يعرف يتصل بالمسؤلين فى الوزارة يتصل علشان يحلوا مشكلة السيرفر دية
master Osama
21-10-2009, 04:35 AM
قرر معالي الأستاذ الدكتور / يسري صابر الجمل وزير التربية والتعليم رئيس مجلس إدارة الأكاديمية المهنية للمعلمين السماح للمعلمين المساعدين المتعاقدين حتى 31 أكتوبر 2008م، والمستوفين للشروط؛ دخول اختبارات الترخيص للمعلم المساعد، أما المعلمون المساعدون المتعاقدون اعتباراً من الأول من نوفمبر 2008م يُؤجل دخولهم للاختبار القادم
sayed ahmed ali
21-10-2009, 07:32 PM
يعني الي هيدخل الإمتحان اللي هما تعاقد حتي 31/10/2008 سواء معاه تربوي أو غير تربوي
احمد الشلقامى
21-10-2009, 07:45 PM
حد يلحقنا يا جماعة اخر موعد لطباعة وتسليم الاستمارات 24/10 من قسم الاحصاء بالادارات التعليمية
shosho_love
21-10-2009, 09:49 PM
وافق معالي الأستاذ الدكتور/ يسري الجمـل وزير التربية والتعليم ورئيس مجلس إدارة الأكاديمية المهنية للمعلمين على أن يكون امتحان الترخيص للمعلم المساعد يوم الجمعة الموافق 20/11/2009 ، فسيكون امتحانهم في رحاب الجامعات المصرية.
وسيكون سير الامتحان على النحو التالي:
• من 9.30 صباحاً حتى 11.00صباحاً امتحان الكفاءة فى اللغة الإنجليزية.
• من 2.00 إلي 5.00 مساءً المكونات الثلاثة الأخرى ( التخصص – الكفاءة التربوية – مهارات التواصل باللغة العربية ).
وعلى المعلمين المستوفين للشروط متابعة إصدار أرقام الجلوس ومقر الامتحان من خلال موقع الأكاديمية فى أقرب فرصة.
لولى كوين
21-10-2009, 10:10 PM
السلام عليكم ورحمة الله
الميعاد ده اكيد يا جماعه ولا ايه
ومصدر المعرفه ايه
ارجو الافاده
سفير الحياه
22-10-2009, 04:17 PM
ده ظلم اخر ميعاد لتسليم الاستماره مختومه من المدرسه والاداره يوم 25/10 وانا لحد دلوقتى بيقولى ليس لك صلاحيات الدخول
ارحمونا بئى كفايه تعبتوا اعصابنا
anos
23-10-2009, 04:27 PM
طيب والى صفتحته مش بتفتح هتروح عليه الفرصة بعد ما تعبنا واخدنا السنة التربوى واخدنا قيادة الرخصة الدولية وقدمنا للاكاديمية بعد ما طلعت عينا فى تخليص الورق بجد دا حرام مش عارفين نعمل ايه او المشكلة دى تتحل ازاى
وبعدين ازاى يحددوا ميعاد الامتحانات وفيه مشكلة زى دى فين المسئولين الى يراعوا الموقف ده
الله المستعان
w3w2004
23-10-2009, 07:48 PM
أخبــار معلمــى التربيــة و التعليــــم
جــدا للمعــلمين المســـاعديـن ....
قرر معالي الأستاذ الدكتور / يسري صابر الجمل وزير التربية والتعليم رئيس مجلس إدارة الأكاديمية المهنية للمعلمين السماح للمعلمين المساعدين المتعاقدين حتى 31 أكتوبر 2008م، والمستوفين للشروط؛ دخول اختبارات الترخيص للمعلم المساعد، أما المعلمون المساعدون المتعاقدون اعتباراً من الأول من نوفمبر 2008م يُؤجل دخولهم للاختبار القادم .

عاجل جــداوهام .... للتقدم لاختبار المعــلمين المســـاعديـن ....

تهيب الأكاديمية المهنية للمعلمين بالســـادة المعلميـــن المساعدين الذين تم قبـول أوراقهــم بأفرع الأكاديميـــة بالمحافظات المختلفة، سرعة الدخول على الموقع وطباعة استمارة التقدم للاختبار ومراجعة البيانات بها، واعتمادها من المدرسة والإدارة التعليمية، وتقديمها إلي قسم الإحصاء بالإدارة التعليمية التابع لها تمهيداً؛ لتسليمها إلي فرع الأكاديمية، حتى يتسنى للأكاديمية إصدار أرقام الجلوس وتحديد مقار لجان الاختبار .


اعلان هـام للمعلم المساعد...
تهيب الأكاديمية المهنية للمعلمين بالســـادة المعلميـــن المساعدين الذين تم قبـول أوراقهــم بأفرع الأكاديميـــة بالمحافظات المختلفة، سرعة التوجه إلي قسم الإحصاء بالإدارات التعليمية التابع لها لتسجيل وتحديث بياناتهـم واستلام كود المعلم المساعد وكلمة السر الخاصة بكل منهم فوراً، وذلك تمهيداً لإعلان أرقام الجلوس ومقار اللجان .


تحميل عناوين افرع الاكاديمية بالمحافظات


بشــــرى للمعلم المساعد...
وافق معالي الأستاذ الدكتور يسرى الجمل وزير التربية والتعليم، رئيس مجلس إدارة الأكاديمية المهنية للمعلمين، على قبول ملفات المعلمين المساعدين الراغبين فى دخول امتحان الترخيص ، حتى فى حالة عدم حصولهم على الموديولات الأربعة المطلوبة من الرخصة الدولية لقيادة الكمبيوتر ICDL، على ألا يصدر قرار الترخيص للمعلم المساعد بعد اجتياز الاختبار إلا بعد إحضار ما يفيد اجتياز هذه الموديولات الأربعة. وقد تم التنبيه على فروع الأكاديمية بالمحافظات الالتزام بهذا التيسير ، مع تمنيات الأكاديمية المهنية للمعلمين بالتوفيق للجميع .





You can see links before reply
سفير الحياه
24-10-2009, 12:59 AM
يعنى نعمل ايه؟
حتى الان تظهر لى رسالة ليس لك صلاحيات الدخول
ممكن اعرف الحل لو سمحتم؟
وحروح فين واعمل ايه؟
سمعت انهم قالوا حنروح المديريه او الاكاديميه لطبع الاستماره
رجاااااااااء اللى عنده معلومات يضيفهالنا
وشكراااااااااا
ahmed fouad
24-10-2009, 07:50 PM
:28:اخر ميعاد لتسليم الاستمارات هو 26/10/2009:28:
المصيبة ان الموقع لحد الان بيقول {ليس لك صلاحية الدخول}والله دمنا اتحرق
انا متعاقد من 2005
مش كفاية المعاملة اللى زى معاملة العبيد للمتعاقدين كمان حرق دم من الموقع ارحمونا لوجه الله تعالى ( ارحموا من فى الارض يرحمكم من فى السماء) فى النهاية اتمنى للجميع التوفيق باذن الله تعالى
تعرفش
24-10-2009, 08:13 PM
الحمد لله انا كنت زيك والوقتى فتحت الصفحه ولقيت استمارة التقديم بتاعتى
تعرفش
24-10-2009, 08:20 PM
اخيرا استمارة التقديم بتاعتى ظهرت
ahmedgamalsms2030
24-10-2009, 08:23 PM
الاخوة التى ظهرت لهم الاستمارة متى ظهرت أفيدونا لانى لم تظهر إلى الان
ahmedgamalsms2030
24-10-2009, 08:26 PM
اتصلت بالاكاديمية الرئيسية وقالو كمان يومين وبقالى خمسة أيام ولم تظهر إلى الان
safaa_ss
24-10-2009, 08:32 PM
حضرتك لسه عارف
safaa_ss
24-10-2009, 08:36 PM
اخيرا استمارة التقديم بتاعتى ظهرت

مبروووووووووووووووووووووووووووووك وأنا كمان لسه استمارتى ظهرةت الآن بعد عناء شديد
:27::27::27:
ahmedgamalsms2030
24-10-2009, 08:36 PM
امتى فتحت معاك
rehab_desokey
24-10-2009, 08:37 PM
المشكله انهم مش بياخدوها فى الاحصاء بيقولوا مش عندنا تعليمات لاستلامها
safaa_ss
24-10-2009, 08:39 PM
الاخوة التى ظهرت لهم الاستمارة متى ظهرت أفيدونا لانى لم تظهر إلى الان

أنا لسه ظهرت عندى الآن عقباتلك ؛ تحلى بالصبر
ahmedgamalsms2030
24-10-2009, 08:40 PM
فتحت إمتى للى فتحت معاة وأخر مرة شاف رسالة ليست لك صلاحيات للدخول
safaa_ss
24-10-2009, 08:41 PM
امتى فتحت معاك

الآن حاول تدخل على موقع الأكاديمية تانى ولا تيأس
wafaa sayed
24-10-2009, 08:54 PM
ايوه يا جماعة اللاختبارات يوم 20/11 وذلك موجود علي موقع الاكاديمية أما بالنسبة للاستمارة فاحنا في محافظة قنا مركز فرشوط في كتير ماسمعش أصلا غير النهاردة بس هما في قسم الاحصاء قالوا ان التقديم لسة مفتوح اما بالنسبة لتحميل الاستمارة فاحنا ماعندناش مشكلة بس أحيانا الشبكة بتقع من كتر الضغط ما تقلقوش يا جماعة انشاء الله حيخدوا منكم الاستمارات وحنمتحن بس يارب نعدي منها
safaa_ss
24-10-2009, 09:06 PM
أضم صوتى لصوتك وأقول يا رب
sally2009
24-10-2009, 10:55 PM
مبروووووووووووووووووووووووووووووك وأنا كمان لسه استمارتى ظهرةت الآن بعد عناء شديد
:27::27::27:

ممكن أعرف ايه اللى ظهر عندك بالضبط...؟؟
هل الاستماره وبها البيانات ولا الرساله اللى بتظهر عندى وهى ان يرجى مراجعة وتدقيق البيانات من قبل فرع الاكاديميه ثم قسم الاحصاء التابع لادارتك التعليميه .... ارجو سرعة الرد ....
ahmed fouad
25-10-2009, 01:05 AM
:38::27:الحمد لله
الاستمارة ظهرت وطبعتها
اليوم 24/10/2009
الساعة11:30مساء
اللهم وفق الجميع
sally2009
25-10-2009, 07:46 PM
السلام عليكم.....
يا جماعه اى معلم مساعد قدم فى فرع الاكاديميه بطنطا غربيه وفتحت الاستماره عنده على موقع الاكاديميه يا ريت يعرفنى ويا ريت يقول تاريخ التعاقد بتاعه امتى ....؟؟ وربنا يوفقكم جميعااااااااا...
ahmed fouad
25-10-2009, 09:51 PM
السلام عليكم /sally 2009
انا متعاقد من 2005
تابع لفرع طنطا والحمد لله الاستمارة طبعتها من يوم 24/10
الساعة 11:30
عقبالك يارب اتمنى التوفيق للجميع
ms_office2004
04-11-2009, 11:38 PM
خطوات حل مشكلة ليس لك صلاحية الدخول

بداية : المشكلة تنحصر فى أن هناك تعارض بين البيانات التى أرسلتها الإدارة والبيانات التى أرسلها فرع الأكاديمية


أولاً : إذهب إلى قسم الإحصاء التابع لإدارتك التعليمية، وسوف يقومون بالدخول بالصلاحية الممنوحة لهم
من الطبيعى أن يكون اسمك موجود عندهم بغض النظر عن رسالة عدم الصلاحية التى تظهر لك

ثانياً : تأكد عندهم من الاسم والرقم القومى ومادة التخصص، ويجب مراعاة مثلا ان كنت لغة عربية ان تتأكد ابتدائى ام اعدادى ام ثانوى والتأكد من الكود مثلا c10 للغة العربية الابتدائى

ثالثاً : إذا تأكدت أن هذه البيانات صحيحة فى الإدارة فاطلب منهم طباعة بيان حالة ثم توجه إلى فرع الأكاديمية التابع له

رابعاً خذ معك اصل وصورة البطاقة الشخصية والعقد وبيان الحالة الذى طبعته فى الإدارة واذهب إلى فرع الأكاديمية
خامساً : سوف يطلب منك المسؤول البطاقة الشخصية والعقد وبيان الحالة

سادساً : من المؤكد طالما ان بياناتك فى الادارة صحيحة ان يكون الخطأ فى بياناتك فى الأكاديمية
حيث يتم التعديل مباشرة

سابعاً :يتم تجميع التعديلات التى تمت خلال اليوم وارسالها إلى المركز الرئيسى للأكاديمية بالقاهرة، حيث يقومون بالتعديل فى قاعدة البيانات الرئيسية

ثامناً : لن تظهر نتيجة التعديل إلا بعد مرور يوم أو اثنين من تعديلك فى الاكاديمية

ملحوظة : يجب مراعاة أن المتعاقدين بعد اكتور 2008 و كذلك 2009 ليس لهم حق الدخول حيث تم تأجيلهم للمسابقة التالية



بالتوفيق للجميع ان شاء الله