المساعد الشخصي الرقمي

مشاهدة النسخة كاملة : العقد المميز بين الحلم والحقيقة



ابويوسف المنياوى
19-10-2009, 02:27 AM
السلام عليكم ورحمة الله وبركاته
اردت فى هذه السطور توضيح بعض المفاهيم لدى بعض متخذى القرار فى العملية التعليمية وخاصة بالنسبة لموضوع المعلم المتعاقد .
وايضا ان يفهم اخوانى من المعلمين المتعاقدين الامور بصورة واضحة .
طبعا لازم نقدر دور كليات التربية فى تخريج المعلم الفاضل الى المجتمع بمعنى انه اللى بيتخرج من كلية التربية المفروض انه مدرس هنا السؤال ايه فايدة الدورات التدريبية ليهم
بعد ما يشتغلوا مش كان من الافضل ان الدورات دى تكون للمدرسين بتوع زمان بتوع الفلكة والخرزانة والمدرسين والمديرين اللى عاملين زى التوابيت المتحركة ولا بيقدموا اى شئ فى العمليه التعليمية غير انهم يقبضوا مرتبات وكادر والمتعاقد مطحون باجر زهيد لا يتناسب عما هو مطلوب منه او ما يقوم بعمله هذا الكادر فتح ابواب لا يمكن غلقها ومن الاخر احنا مش قدها هنا بقى فى حلين يا اما يطبقوا الكادر على كل الناس او يتلغى علشان كل المدرسين يتساوا فى المقابل المادى يعنى مش معقول انه مدرس يقبض 800 جنيه مثلا وواحد تانى يقبض 300 وهما الاتنين فى نفس المكانة والقدرة على العمل ده بالاضافة للفجوة بين المعلم المساعد والاساسى ده المتعاقد عامل زى ما يكون شغال بالسخرة بياخد حصص ليوم الحصص ومش قادر يتكلم علشان هو بعقد وطبعا ده بيدى الحق لمدير المدرسة انه يعمل ما بداله معاه لانه عارف انه مش هايقدر يتكلم لكن المدرس الاساسى فتوة عارف اخرتها ممكن يعمل ايه ما خلاص البلد اتقسمت قسم اساسى وقسم احتياطى زى فريق الكورة ومش عارفين مين الجهاز الفنى اللى بيحركنا ولا حتى الحكم اللى بيطلع الكارت الاحمر عند اللزوم كل شئ غامض وربنا يسترها
الى اللقاء فى مواضيع متجددة من على ارض الواقع التعليمى فى مصر
المنياوى

safaa_ss
20-10-2009, 12:45 AM
عندك حق فى كل ما قلته و أنا أبسط مثال على ذلك فمدير المدرسة أجبرنى على تديس 36حصة أسبوعيا متعللا بوجود عجز فى المدرسين وطبعا إذا اعترضت سيكون جزائى عدم اعطائى درجة كويسة فى التقرير السنوى بحجة أنى غير متعاونة علما بأن نصاب جدولى المفروض لا يزيد عن22حصة ؛فهل هناك ظلم أكثر من ذلك

همس الكلام
20-10-2009, 10:42 PM
انا مش معاك اخى الفاضل
او بمعنى اصح مع جزء واخر لا
احنا مهما نكون تربويين محتاجين دورات تدريبيه
معلهشى امتحان ملهوش لازمة هنرجع تانى للنظرى اللى مش بستفيد منه حاجة
لكن احنا محتاجين تطوير للدورات علشان تخلينا متجددين
اما المرتبات المفروض بالسن والشاب اللى عمله كويس يستاهل
اما ما زال القصور موجود داخل المدارس لان المدرسين هما هما مفيش تطوير ولا اى حاجة
يعنة دخلوا الكادر النجاح بيبقى حظ
وربنا يستر

safaa_ss
20-10-2009, 11:34 PM
فعلا التدريب يحتاج لتطوير ويجب أن يكون أكثر فعالية مش نظرى وخلاص وتقضية أوامر وخلاص

أحمد البرجينى
11-04-2010, 01:50 AM
انا مش معاك اخى الفاضل


او بمعنى اصح مع جزء واخر لا
احنا مهما نكون تربويين محتاجين دورات تدريبيه
معلهشى امتحان ملهوش لازمة هنرجع تانى للنظرى اللى مش بستفيد منه حاجة
لكن احنا محتاجين تطوير للدورات علشان تخلينا متجددين
اما المرتبات المفروض بالسن والشاب اللى عمله كويس يستاهل
اما ما زال القصور موجود داخل المدارس لان المدرسين هما هما مفيش تطوير ولا اى حاجة
يعنة دخلوا الكادر النجاح بيبقى حظ

وربنا يستر




حضرتك لو بتتكلم من ناحيه التدريب مفيش مشاكل بس كل المشكلة كل فى تخصصه وما هو الألإيد لكل شخص

حازم دهب
14-04-2010, 10:34 PM
يا جماعه يار يت لو محصلش تثبيت فى 7 الوزارة تعين دكتور نفسانى لكل متعاقد