احمد (المجاهد) على كرسي الاعتراف وتعالوا نشوف حكايته مع الاخوان [الأرشيف] - المنتديات التعليمية

المجاهد فى سبيل الله

14-10-2009, 11:42 PM

وفي البداية بنرحب بضيف الكرسي احمد الشهير بعضوية ( المجاهد في سبيل الله )

اهلا بحضرتك
حقيقى انا سعيد جدا انى موجود هنا مع ناس بجد لاقى فيهم ريحة اخلاص للمكان دا

اولا عرفنا بنفسك
انا اخوكم احمد
من مركز المحمودية
محافظة البحيرة
بيتى جمب بيت الامام حسن البنا بالظبط
يعنى علشان الى عايز يبلغ ولا حاجه
انا فى سنة رابعة
كلية اللغه العربية شعبة التاريخ و الحضارة قسم حضارة فرع المنصورة
حد عايز رقم البطاقة ؟

وقولنا سر تمسكك باسم الحركي مع اني شايف ان الاسم طويل

ابدا والله
كل الحكاية انى بجد بحب الاسم دا اوى و شهرنى اوى اوى بين المنتديات
و فعلا لان دى امنيتى انى فعلا اجاهد فى سبيل الله
حتى كان فى توقيعى اللهم اجعلنى مجاهدا فى سبيلك
وكمان من ضمن الاسباب المهمه جدا انى فعلا بعتبر تواجدى فى النت وعلى صفحات المنتديات دا جهاد فى سبيل الله
لان الجهاد مش قتال ولا معارك ولا موت وبس
لا
كلمة الجهاد كبيرة اوى و شامله حاجات كتيرة اوى

وايه حكايتك مع جماعة الاخوان المسلمين
ابدا ولا حكاية ولا حاجه
كل الحكاية انى فعلا وجدت الامان على الاخرة مع الناس دى
يعنى عجبنى فيهم عدم تشددهم و عجبنى فيهم اخلاصهم بجد لدعوتهم
و اصرارهم على ايقاذ الايمان داخل نفسك اولا ثم ايقاذ الايمان داخل كل الى حواليك
فا شدونى و اهتموا بيا لحد ما اصبحت راجل منهم
و احمل دعوتهم وانشرها فى الى حواليا بالفعل اولا ثم بالكلام
و مش معنى انى انشر دعوتهم يعنى اخلى ناس تبقى من الاخوان لا تبقى تطبق فكر الاخوان الى هو الفكر الطبيعى لاى انسان مسلم

وانت مش خايف كعضو في الجماعة
معتدقش
لان بصدق بتلاقى نفسك لما بتكون مسئول عن عمل خطير مثلا
بتلاقى بروح كدا غريبة اوى و بلزمة فعلا بتحث انك فى قمة الامان و فى قمة السعاده
علما ان ممكن يكون العمل دا حيسجنك
بس بجد بتجرب معنى الجهاد لانه مش بيقل اجره عن الى راكب فرس و بيواجه العدو
ولا بيقل حماسته فى قلبك زى الى بيستعد للمواجه بجد بتبقى انسان غريب
حتى بعد ما بتم العمل بتقول انا ازاى عملت دا
بجد بتبقى قمة الامان و قمة الحماس وقمة الراحة
لدرجة انك مش بتحس باى نوع من انواع الخوف

ولا انت من بعيد لبعيد

وهل لك نشاطات
دا انت جيبنى هان بقى علشان تسجنى
لا الحمدلله انا ليا نشاطات كتيرة جدا
منها الحمدلله انا محفظ قران فى كذا كتاب من الكتاتيب فى الجمعيات الخيرية
و الحمدلله محاضر فى كتير من المساجد عندنا
و برضه الحمدلله فى نشاط حركى

وكلمنا شويا عن الجماعة
ابدا كل الحكاية
زى ما قولت لقيت فعلا فيهم روح كتير منا محتاجها و لقيت فعلا معاهم روح الاخوة فى الله
و حسيت بطعم جميل اوى
طعم الدعوة الى الله
بين المسلمين
ازاى انى بوقذ روح الايمان فيك مش بدعوك لدين جديد ولا فكر جديد لا
دا انا بدعوك انك تصحى الايمان القوة الى جواك الى نايمة و مش لاقية حد يصحيها فا اان بصحيها
الجماعة بالنسبالى هى بجد سر تمسكى بالدنيا علشان الاخرة
او نقدر نقول هى السبيل للاخرة
يكفى انك تلاقى اخ يجيلك و يخبط عليك يلا قوم يا فلان علشان القيام
يكفى ان اخ فى السكن نصحى كلنا نلاقيه ملمع لنا الجزم
حاجه جميلة اوى ان يتربى فينا اننا نروح و نعمل يوم تقشف علشان نحس باخونا فى فلسطين
شئ جميل اوى اننا نلاقى فعل ان مفيش سكوت على الباطل مفيش سكوت على حقى
ودا شئ جميل اوى فى جماعة الاخوان
انهم بيعلموك ازاى متسكتش على حقك

أشرف السيد

14-10-2009, 11:47 PM

كم مرة رحت أمن الدولة بخصوص الاخوان المسلمين

هل بتحاول تدعي احد للدخول للجماعة

بتحضر لقاءات للجماعة

بتحاول تنشر فكر الجماعة في النت

وايه مستقبلك على شبكة الانترنت

وانت شايف موقعنا ازاي وناقصه ايه

المجاهد فى سبيل الله

15-10-2009, 12:00 AM

كم مرة رحت أمن الدولة بخصوص الاخوان المسلمين
يعنى بالظبط
رحت حوالى خمس مرات
منهم مرة قعدت شهرين فى المعتقل
و منهم مرة شهر
ومرة اسبوع
و الباقى يومين كدا
دا غير جوابات الاستدعاء الى مرحتهاش و خلصتها فى مكانى
هل بتحاول تدعي احد للدخول للجماعة
لا
لان دا مش هدفى او مش بيكون هدفى
انا هدفى انى اوريه طريق الى شرعهولنا ربنا و طبقه على ارض الوقع نبينا محمد
وهو حر بقى يطبقه زى ما هو عايز
بتحضر لقاءات للجماعة
بانتظام الحمدلله

بتحاول تنشر فكر الجماعة في النت
انا على النت مش بكلم حد عن الاخوان
بس فى مناقشى بدخل اتكلم عنهم انما بينى وبين حد او على الميل لا
مش بقوله انضم ولا حتى بكلمه ولا بنتكلم عن الاخوان الا لو هو سالنى سؤال
بجاوبه وخلاص
لدرجة ان واحد كلمنى و بعد ا سالنى قالى انت مش حتقولى انضم ولا ايه؟

وايه مستقبلك على شبكة الانترنت
مستقبلى حلو اوى عليه
لو على المناصب انا رفضت تقريبا كل المناصب الى جاتلى
الا بتاع انى اكون ادارى فى الثانوية لان كان فى حاجه كنت عايز لعمها للاركان الدينة هناك و الحمدلله عملتها و لحد دوقتى الاركان الدينيه هناك ماشيه بالنظام الى انا عملته فيها
و باحركة التغيير الى هناك
معلومة تانيه انا كنت بلح على افراد الادارة لما انا كنت عضو انهم ينفذوا افكارى بس للاسف كان اقل كلمة و اتقالتلى وانا مالى ما تقترح انت

وانت شايف موقعنا ازاي وناقصه ايه
موقعنا دا فعلا جميل جدا
كفاية النشاط الكتير فى الوقت القليل
الى ظهر فيه
و حصوله على المركز التانى فى وقت رهيب و قياسى بجد فى موقع رتب
ايام الثاوية
و الى ناقصه
بجد شوية تفاهم من حضرتك
مع الكل
و انك تشيل حتة الراى الواحد الى فى حضرتك دى
لانها زعلت منك ناس كتير اوى الى شالوا المنتدى دا فى اول ظهوره
وخلوه منتدى التعليم امصرى
محتاج شوية تنازل منك انت
و شوية ترتيب للاقسام

كريم ماضي

15-10-2009, 12:35 AM

منور يا غالي الكرسي العالي

مش عارف الاستاذ اشرف خلص يعني ننتظر

ولانبدأ الهجووووووووووووووووووووووووووم

ميس صافيا

15-10-2009, 02:41 AM

أشرف السيد

15-10-2009, 09:59 AM

انا لسا ما خلصتش يا كريم

بس أبدأ الهجوم عادي في اي لحظة مش لازم اخلص انا

المجاهد فى سبيل الله

15-10-2009, 01:23 PM

منور يا غالي الكرسي العالي

مش عارف الاستاذ اشرف خلص يعني ننتظر

ولانبدأ الهجووووووووووووووووووووووووووم

كريم اعقل يا كريم هاه
انا اخوك يعنى براحة عليا

المجاهد فى سبيل الله

15-10-2009, 01:26 PM

اهلا وسهلا استاذ احمد
فيه مقوله لاحد الفلاسفه بتقول " تكلم حتى اراك "
فعلا ما نقدرش نعرف حد او نحكم عليه الا من خلال التعامل معاه وسماع حديثه
ومن خلال كلامك وضح جدا الاصل الطيب والاخلاق الحميده والنشاط الدعوى
فاسال الله لك الثبات وان يزيدك من فضله علما وتقوى وهدايه
وان يجعل اعمالك فى ميزان حسناتك وان تعمى عنك عيون امن الدوله _الله يهديهم ولو انى اشك _
شرفتنا اخى المجاهد وبالتوفيق ان شاء الله
اختى و استاذتى مس صافيا
حقيقى رد حضرتك اعتبره وسام اعلقه على صدرى
و اتافخر بيه بكل صدق
ربنا يبارك فى حضرتك يا رب على هذه الكلمات ان دلت فلا تدل انها خارجه من انسانه قمة العلم و قمة الادب و الاحترام

المجاهد فى سبيل الله

15-10-2009, 01:27 PM

انا لسا ما خلصتش يا كريم

بس أبدأ الهجوم عادي في اي لحظة مش لازم اخلص انا
اه بتهدى النفوس انت

كريم ماضي

15-10-2009, 01:32 PM

احمد باشا منوووووووووووووووووووووووووووور

حبيب قلبي

اتفضل اقعد علي الكرسي

You can see links before reply (You can see links before reply)

يلا نبدأ

تعرف حاجه يابني عن الحب سمعنا كتير انه حرام وحلال وبما انك راجل دين يعني قولنا

رئيك في الحب ؟
وهل حرام ام حلال ؟
وايه رئيك في حب النت ؟
جاوب يابطل بسرعه عشان احضر لك بس

مدرس لغة عربية

15-10-2009, 01:44 PM

ممكن اجاوبك انا يا كريم بالنسبة للحب العاطفى بتاع التليفزيون دا حرااااااااااام و كذلك النت اما الحب الشرعى لرجل و امراتة او خطيبتة فهذا خلال و اذا اردت التاكد ارجع الى عالم الشريع الدكتور و جيه الشيمى

مدرس لغة عربية

15-10-2009, 01:50 PM

صباح الخير يا عم الحج

انتا عملت اية للناس دى داخلين فيك شمال و صورك نازلة على الجزيرة بس انا و انتا جيران انا من كفر الزيات غربية ممكن اخبيك بس اهم حاجة حتدفع كام قولى بس و انا اخبيك

طلعت بخيل طيب لية كدة انا اعلن الحرب الاسئلة كلها اجبارية و الاختيارى متحلوش و الدرجة العظمى صفر

ابدااااااا

شايف المصريين ازاى؟؟؟؟؟؟؟

شايف مستقبل العالم ازاى؟؟؟؟؟

التعليم المصرى؟؟؟؟؟؟

انتـــــــــــا شايف العالم كلة بما فيها حياتك ازاى؟؟؟؟؟؟؟؟؟؟؟

لو ما جاوبتش حجيب سلك كهربة و فى دماغى

انا بهزر معاك

بس حكهربك

كريم ماضي

15-10-2009, 02:10 PM

يلا الدفعه التانيه من الاسئله وامري لله لاني ممكن اخرج في اي وقت
ــــــــــــــــــــــــــــــــــــــ جاهز يا احمدـــــــــــــ طبعا جاهز ــــــــــــــــــــــــــــــــــ

الاسئله دي لازم تجاوب عليها مليش دعوة

لون شعرك؟ ولون عينيك؟ والالوان المفضله ؟
وهل تؤمن بالابراج ؟
بتعرف تطبخ عشان تبقي تساعد مراتك وايه اخبار الغسيل بالمره؟ وايه اكلتك المفضله ؟
طولك حوالى كام كدة؟؟
بتحب رقم كام ويوم ايـه؟
اول موقع دخلته كان موقع ايه؟
بتنام كام ساعة فى اليوم؟ وهل انت من النوع اللي بيشخروا وهما نايمني ؟
مين اقربلك باباك ولا مامتك وليه؟؟
ايه حلمك الاكبر ؟؟؟؟؟؟؟؟؟
ايه مواصفات بنت الحلال الي بتتمناها من ربنا ؟
ايه شعورك وانت هنا علي الكرسي؟؟
متى تغضب ؟
ومتى تحزن ؟
ومتى ترض ؟
ومتى تفرح ؟

تذكرة سفر مجانية من عزيز .. أي بقاع الدنيا تختار ؟

لو اخترت يوما من الايام ان تكون رئيسا لجامعه الدول العربيه فماهو اول قرار تقوم باصداره ؟
وما هي الخطوات الذي ستقوم بها تجاه اهم القضايا العربيه فلسطين والعراق ؟

ولو عينوك مرشد للأخوان بمصر فماذا انت فاعل ؟؟

بصراحة شديدة وبدون مجاملة مين أكثر عضو فى المنتدى بتتخنق منه وبتضايق جداً من مشاركاته وردوده ؟

خمس اعضاء تعرفهم او مش تعرفهم وعاجبك شغلهم. مين؟؟

ضع الكلمه المناسبه بعد العبارات التاليه :
اصعب مافي الحياه.......
أحلى مافي الحياه........
الذ مافي الحياه.........
أسوء مافي الحياة........

متى تضطر للكذب وفى أى المواقف تكذب ؟
ما هو أكثر المواقف إحراجاً وخجلاً لك ؟
بكل صدق وصراحه..........حصل معاك ان..
- جرحت مشاعر صديق او قريب او اي شخص..؟
- تحشرت بين اثنين و وجدت نفسك في موقف باااايخ..؟
- كذبت او غشيت و انكشفت..؟

هل انت سعيد بحياتك؟؟

اكثر صفه مش بتحبها فيك ونفسك تغيرها؟؟

بما ان اسرائيل هي الدوله العدو ..وتلقي لها كلمه ماذا تقول؟؟

كفاااااااية بس جاااااااى تااااااااااااااانى
You can see links before reply

مدرس لغة عربية

15-10-2009, 02:15 PM

دا انتا حتموت النهاردة

المجاهد فى سبيل الله

15-10-2009, 02:41 PM

ااااااااااااااااااااااااااااااايه دا
انتم لقيتوا رئيس دولة
المهم نرد على الاشئلة الا نتكهرب

المجاهد فى سبيل الله

15-10-2009, 02:49 PM

تعرف حاجه يابني عن الحب سمعنا كتير انه حرام وحلال وبما انك راجل دين يعني قولنا

رئيك في الحب ؟

بص يا حج كريم
الحب اسمى علاقة فى الوجود
ولولا الحب بجد كنت حتلاقى الدنيا دى بقت غابة مش حقول زى الغابة لا حقول فعلا كنت حتلاقيها غابة
بس علشان كدا ربنا جعل فى قلوبنا الحب
سواء بقى حب الحبيب او الحبيبة و حب الاب او الام وحب الاولاد او المال
كل دا حب و كل دا يخليك انسان
يعنى نتيجة حتمية لو معندكش حب تبقى مش انسان

وهل حرام ام حلال ؟

والله انا مش مفتى علشان اقول حلال ولا حرام
بس انا اعرف وا عترف ان الحب دا فعلا مش باديك لانك بتلاقى نفسك مشدود اوى غصب عنك
و عاطفة اقوى منك
والا مكنش حب السيدة خديجة رضى الله عنها سكن فى قلب النبى صلى الله عليه وسلم
ولا حب النبى وقع فى قلب السيده خديجة
فلو حب طاهر حب فى النور حب مفهوش اى شئ محرم يبقى ايه المانع منه

وايه رئيك في حب النت ؟

حب النت هو نفسه حب الواقع
لاننا فى كلتا الحالتان استخدمنا مصطلح واحد وهو كلمة حب
يعنى مفيش اختلاف
هو يعنى الى انت بتحبها فى الواقع بتحبها بقلبك و التنية بتحبها برجلك
لا طبعا
كلها مشاعر و كلها احاسيس بتبقى صادقه مع الانسان الصادق و بتبقى خاينه مع الانسان الخائن بطبعه
ادينا جاوبنا يا عم وربنا يستر

كريم ماضي

15-10-2009, 02:50 PM

ااااااااااااااااااااااااااااااايه دا
انتم لقيتوا رئيس دولة
المهم نرد على الاشئلة الا نتكهرب

رد ياحبيبي وبلاش تهرب
قولت لك هعصرك انزل منك اعترافات صغيره
يوووووووووووووه قصدي خطيره

المجاهد فى سبيل الله

15-10-2009, 02:51 PM

صباح الخير يا عم الحج

انتا عملت اية للناس دى داخلين فيك شمال و صورك نازلة على الجزيرة بس انا و انتا جيران انا من كفر الزيات غربية ممكن اخبيك بس اهم حاجة حتدفع كام قولى بس و انا اخبيك

طلعت بخيل طيب لية كدة انا اعلن الحرب الاسئلة كلها اجبارية و الاختيارى متحلوش و الدرجة العظمى صفر

ابدااااااا
والله ما عملتلهم حاجه
خبينى انت بس و حضرتك ملكش دعوة الى حتطلبه حدفعه
بس خبينى من العالم دى

المجاهد فى سبيل الله

15-10-2009, 03:02 PM

شايف المصريين ازاى؟؟؟؟؟؟؟
المصريين دول غلابه
شايفهم شعب غلباااااااااااااااان اوى و شعب اصبح شعب اهبل لامؤخذه فى الكلمة يعنى
انا مصرى بس بقيت مش المصرى بتاع زمان الى كان العشرة بينه وبين جاره كانه فى بيته
مش بقى المصرى الى لو شاف اخت صاحبه ماشيه بلبس مكشوف شوية ممكن يروح يكلمها ناشف
دوقتى لو شافها ماشية محجبة حيعاكسها برضه
دا بقى حال مصر
فعلا مبقاش فيهم روح المصريين دوقتى حضرتك متعرفش مين الى ساكن فوقيك
دوقتى حضرتك انزل الشارع و شوف حالنا بقى ازاى
افتح التلفزيون وانت تعرف حالنا بقى ازاى
لانى بعتبر التلفزيون هو المراية العاكسه لحال المجتمعات سواء العربية المتخلفة او المصريبة الهايفه

شايف مستقبل العالم ازاى؟؟؟؟؟
خير بجد
مستقبل العالم حيكون احسن بكتر لما قوى عظمى جديده تظهر غير امريكا
حيبقى احسن لما ناخد عبرا من سقوط اقوى دول العالم امام اقتاصد ما ورا الحروب

التعليم المصرى؟؟؟؟؟؟
فاضى
انت بتتعلم حاجه بتطلع مثلا لو مدرس بدرس حاجه تانيه خالص غير الى انت اخدتها فى الكلية
و بتطلع بتلاقى حاجات تانيه خالص غير الى انت بتاخدها فى الثانوية
يعنى فى فجوات بين كل مراحل اتعليم ومفيش فيها جديد
الى جدى درسه هو الى انا درسته هو الى ابن ابن حيدرسه

انتـــــــــــا شايف العالم كلة بما فيها حياتك ازاى؟؟؟؟؟؟؟؟؟؟؟
شايف العالم كله من غير حياتى فيها انه عالم فوضوى
بيعتمد على النفوذ و القوة و الوسطه و المحسوبية
انما و حياتى فيه شايف انى نقطه فى ورقة بيضه بحاول اوسع و اتشعب علشان لما اقابل ربنا و يسالنى عن العالم دا الاقى حجه قدامه

لو ما جاوبتش حجيب سلك كهربة و فى دماغى

انا بهزر معاك

بس حكهربك
انا عارف ان حضرتك او كل الى بيقرا الرد دا بيقول عليا متشائم
لا والله بالعكس
انا متفائل جدا جدا بس انا بتكلم بواقعية شوية
لانى فى الشارع و بنزل و بتحرك مش فاعد فى البيت طول النهار على الجهاز و بقول الدنيا لونها وردى

المجاهد فى سبيل الله

15-10-2009, 03:28 PM

لون شعرك؟ ولون عينيك؟ والالوان المفضله ؟
ايه يابنى دا ايه الاسئلة دى
المهم
لون شعرى اسود و الاسود غير الاسمر على فكرة
شديد السواد
لون عنيا زى لوم شعرى بالظبط متقولش اخوات i
اما الالوان المفضلة هو الازرق و البنفسجى

وهل تؤمن بالابراج ؟
لا طبعا الحمدلله

بتعرف تطبخ عشان تبقي تساعد مراتك وايه اخبار الغسيل بالمره؟ وايه اكلتك المفضله ؟
طولك حوالى كام كدة؟؟
هههههههههههههه
قال بعرف اطبخ قال يابنى دا انا طباخ ماهر
دا محصول اربع سنين غربة يا حبيبى
انت ناسى انى فى كلية و ساكن بره يعنى بطبخ لنفسى و باكل نفسى
و الحمدلله برضه بغسل هدومى لنفسى
اكلتى المفضله البامية بالحمة و اللوبية بالحمة برضه بس يا حج كريم تقدر تقول اللحمة بكل ما تحتويها من طبيخ و عمايل
اما عن طولى فهو هو طويل اوى تقريبا 185 سنتى

بتحب رقم كام ويوم ايـه؟
اول موقع دخلته كان موقع ايه؟
بصراحة يا كريم انا مش مهتم بدا
او بمعنى تانى مقعتدش مع نفسى فى مرة وفكرت كدا انى بحب رقم ايه و يوم ايه و الكلام دا
حتى اوان بجاوب دوقتى مفيش رقم ولا يوم قولت انى بحبه
بس ممكن بيكون يوم الخميس
لانى بقبض فيه من شغلى
اول موقع دخلته
كان اسلام واى علشان كنت بجيب واسمع قران مشارى راشد لانى بعشقه بمعنى الكلمة

بتنام كام ساعة فى اليوم؟ وهل انت من النوع اللي بيشخروا وهما نايمني ؟
مين اقربلك باباك ولا مامتك وليه؟؟
ايه حلمك الاكبر ؟؟؟؟؟؟؟؟؟
انا بنام حوالى الساعه 6 الصبح عقبال ما اصلى الفجر و اقرا الاذكار و انام
دا فى اوقات الصيف
انما فى الدراسة بنام الساعه 12 علشان اصحى للفجر و اقرا الاذكار و الحق اخطفلى حلم صغير كدا قبل ما اروح الكلية
ههههههه لا مش بشخر ولا حاجه الحمدلله الا لما اكون خلاص نايم وانا مهنج
اقرب حد ليا فى الدنيا كلها هو بابا
لان بابا دا بجد انسان عظيم اوى وقولتهاله قبل كدا قولتله انا فى يوم من الايام لازم ابقى زيك لما ادخل مكان لازم الكل يقفلى و يجرى عليا زيك
اما عن حلمى الاكبر
حلمى بجد يا كريم انى اتزوج البنت الى انا احبها
و قلبى ميتكسرش تانى وانى اجيب بنات
وااكون اسرة اسرة مسلمة بجد
يكون بنا حب و راحة و حنان و تفاهم
اما عن حلمى الدعوى انى اكون المرشد العام لجماعة الاخوان المسلمين

ايه مواصفات بنت الحلال الي بتتمناها من ربنا ؟
ايه شعورك وانت هنا علي الكرسي؟؟
مواصفات البنت الى انا ان شاء الله حرتبط بيها
طبعا التدين و الاخلاق و الكلام دا كله شروط اساسية
بس اهم شرط عندى بعد الشروط دى
انها تكون بتحبنى
اما عن شعورى
ربنا يجازيك خير يا استاذ اشرف
على فكرة يا كريم الموضوع دا انا هربت منه فى جميع المنتديات
مش عارف ايه الى خلانى اوافق بيه هنا
المهم شعور كويس
عارف انت فى اسئلة مرت حسستنى بلحظة صدق
لقتنى بكلم نفسى بكلام بجد نفسى كنت اقوله

متى تغضب ؟
اغضب لما الى قدامى ميسمعش كلامى ويكون كلامى هو الصح
ومتى تحزن ؟
احزن لما اشوف الوضع الغلط قدامى
ومتى ترض ؟
لما افرح
ومتى تفرح ؟
لما اعمل عمل كويس و يعجبنى جدا

تذكرة سفر مجانية من عزيز .. أي بقاع الدنيا تختار ؟
بصراحة مش عارف
لانى مش عايز اسافر بره مصر او مش حلمى
انما لو للفسحه اختار فرنسا

المجاهد فى سبيل الله

15-10-2009, 03:58 PM

لو اخترت يوما من الايام ان تكون رئيسا لجامعه الدول العربيه فماهو اول قرار تقوم باصداره ؟
اول قرار حقوم بيه هو نفس القرار الى قامت بيه جامعة الدول العربية فى حرب فلسطين 48
لما اخدت القرار بحشد الجيوش لمواجهت العدوان الصهيونى
و الاغرب انها كانت لسجه مقامه من 3 سنين بس
فا اول قرار حاخده انى احشد الجيوش لحرب برضه فلسطين اولا لان حرب فلسطين حرب عقائدية اكتر ما هى حرب عربية

وما هي الخطوات الذي ستقوم بها تجاه اهم القضايا العربيه فلسطين والعراق ؟
و الله القضايا دى مش محتاجه قرار منى قد ما هى محتاجه قرار من كل حكام العرب
انما لو معنى سؤالك وانا رئيس جامعة الدول العربية يبقى زى ما قولت حشد الجيوش
و ووقف التعامل بشكل نهائى مع اسرائيل
و مطاردتهم دوليا
لان دا حقى فى محمكة الجنايات الدولية
كا رئيس لجامعة الدول العربية
ودا الى للاسف الحج عمرو موسى رافض انه يستغله

ولو عينوك مرشد للأخوان بمصر فماذا انت فاعل ؟؟
لو عينونى مرشدلجماعة الاخوان المسلمين
حعيد ترتيب الجماعة من الاول
و بجد حهتم بالجانب الجهادى اكتر من كدا او بمعنى تانى الحركى
بدل الخمول الى بنعيشه دوقتى

بصراحة شديدة وبدون مجاملة مين أكثر عضو فى المنتدى بتتخنق منه وبتضايق جداً من مشاركاته وردوده ؟
بصراحة يا كريم مش عارف
لانى معرفش كتير هنا
انت لو كنت سالتنى مين اكتر عضو بتحب مشاركاته كنت جاوبت انما اتخنق معرفش بصراحة

خمس اعضاء تعرفهم او مش تعرفهم وعاجبك شغلهم. مين؟؟
طبعا فى اكتر من خمسة مش خمسة وبس
اولهم بجد شغل الاستاذ وليد عسكر
حقيقى ممتع جدا ربنا يبارك فيه ودمه خفيف جدا
و برضه شغل الاخت دريم
و شغل استاذتى و بجد افتخر بيها اخت ليا فى الله مس رانيا حسن
و برضه شغل الاستاذة الجديرة بكلمة استاذة نعمة محمود
و برضه الشغل الواضح اوى مش من دوقتى
لا دا من اول ما اشتركت هنا فى المنتدى هى شغل اسماء
طمعانه فى رضاك يا رحمن
مش عارف ليه غيرت اسمها بس بجد اسمها الاول كان احسن كتير
و نفسى انها تغيره و تخليه زى ما كان
فى كتير جدا على فكرة

ضع الكلمه المناسبه بعد العبارات التاليه :
اصعب مافي الحياه.......انك توهب حياتك لحد و مش يحس بيك
أحلى مافي الحياه........انك تحب الى بتعمله و تعمل الى تحبه
الذ مافي الحياه.........انك تلاقى حد يفهمك
أسوء مافي الحياة........انك تعيش كا الجسر الكل يمر من عليه من غير ما يحسوا بيه

المجاهد فى سبيل الله

15-10-2009, 04:06 PM

متى تضطر للكذب وفى أى المواقف تكذب ؟
اكذب لما اصالح اتنين على بعض
مش بكذب الكذب الى هوا كذب دا لا
يعنى اقوله مثلا دا كان بيقول عليك انك راجل زى الفل و التانى مكنش قال حاجه اصلا
و اقربهم لبعض
ممكن اكذب هنا
انما معتقدش ان فى موقف ممكن يخلينى اكذب
ما هو أكثر المواقف إحراجاً وخجلاً لك ؟

اكثر موقف احراجا
لما كنت فى المسجد و كان موجود فى صلاة التراويح ناس كتيرة اوى اوى و فيه ناس علماء والله بمعنى الكلمة موجودين فى المسجد و الراجل اقيم الصلى و لقيت والدى قدمنى انى اصلى بيهم
و انا بصلى قولت الله اكبر و الحمدلله رب العالمين الرحمن الرحيم مالك يوم الدين ووقفت
ايه الى بعدها ايه الى بعدها و انا ابدا دماغى وقفت بجد
ومش عارف اتكلم
كحيت على اساس اضيع وقت علشان افتكر
ابدا
لقيت والدى من ورايا بصوت واطى اوى اوى
اياك نعبدوا و اياك نستعين
جى مكمل
لما خلصت لقيت الصف الاول كله بيبصلى
جى انا مقدم ووالدى لانى فعلا مكنتش حعرف اكمل الصلاة كدا
كنت مكسوف بطريقة بجد معتقدش انى ممكن امر بالحظة دى تانى لانا فعلا كانت لحظة صعبة اوى

المجاهد فى سبيل الله

15-10-2009, 04:17 PM

بكل صدق وصراحه..........حصل معاك ان..
- جرحت مشاعر صديق او قريب او اي شخص..؟
اه جرحت اقرب حد ليا و جرحته اوى اوى كمان
- تحشرت بين اثنين و وجدت نفسك في موقف باااايخ..؟لا الحمدلله
- كذبت او غشيت و انكشفت..؟
لا الحمدلله
هل انت سعيد بحياتك؟؟
بصراحةلا ممكن كنت من 10 شهور كنت اسعد انسان فى الدنيا كلها كانت كل امورى و احوالى مستقرة و كنت سعيد اوى اوى اوى
انما دوقتى على طول حزين و مهموم يبقى حياتى استحالة تبقى سعيده

اكثر صفه مش بتحبها فيك ونفسك تغيرها؟؟

انى متسرع فى الاوقات الحرجة
لما بتزنق فى وقتى ممكن اعمل اى حاجه فى الوقت دا علشان اطلع منه
و الاغرب انى انا الى بزنق نفسى

بما ان اسرائيل هي الدوله العدو ..وتلقي لها كلمه ماذا تقول؟؟

حقولها العين بالعين و السن بالسبن
ولا يقف فى وجه البارود الا لابارود و صبرا فان المسلمين على مر العصور التاريخية مروا باسوء من الى احنا فيه دا و انك عمرك ما حتكونى فى جبروت التتار ولا فى جيوش الماغول ولا فى شراسة الصليبيين وانظرى الى نهايتهم و انظرى كانت على يد من
فرتقبى جندى مصرى قادم يقود الامة لهزيمتكى

انا خلصت و خلوصت
و المعلم يا كريم مبسوط منك و بيقولك متجيش هنا تانى :18:

كريم ماضي

17-10-2009, 11:18 PM

1- ايه رئيك في كلمة (المحظوره) التي تطلق علي الاخوان المسلمين ؟؟؟

2- ازاي جماعه محظوره ليها اعضاء في البرلمان
؟؟؟؟؟؟؟

المجاهد فى سبيل الله

18-10-2009, 12:46 AM

1- ايه رئيك في كلمة (المحظوره) التي تطلق علي الاخوان المسلمين ؟؟؟
و الله كلمة جديده
لا وحلوة
هما بيقولوا محظروة
واحنا بنقول مهما يقولوا محظورة انتى يا غالية محفوظة فى قلوبنا بالصوت و الصورة
يعنى اذا كان هما بيعرفوا يالفوا اسامى فا احنا برضه بنعرف نالف اناشيد

2- ازاي جماعه محظوره ليها اعضاء في البرلمان
؟؟؟؟؟؟؟

انت بتقول كدا
طب ما تقول ازاى محظورة و هما عاملين نفق ويعتبر اكبر نفق فى مصر كلها لاخ من الاخوان وهو نفق الشهيد احمد حمدى
الى الحكومة المصرية بكل اسف باعت دمه حين ارسلته للتفاوض مع الجيش الاسرائيلى وتم اصطياده من قبل الجنود المصريين
بحجة ان الدنيا كانت ضلمة وكمان انه مظهرش الهوية بتعته و طلعوا انه كان ناسى الهوية بتعته شوفت يا جدع الافلام
واحد رايح لمفاوضات ودا توصلوا له ووافق بعد عناء و ينسى الهوية بتعته و التصريح بتاعه
دا من الاخوان وكان قائد كتائب الاخوان
بلاش دا
طب ما بيدرسوه فى الكلية الحربية
الشهيد عبد المنعم رياض
يعنى مش البرلمان و بس يا كريم
ودا من الاخطاء الغريبة الى تدل على ان الاخوان لهم دور كبير اوى فى تكون مصر
و تكوين الساية العامة فى وقت يعتبر هو انظف وقت مر بيه الشعب المصرى

كريم ماضي

18-10-2009, 11:49 AM

ايه السر في حكاية السادات والاخوان ؟؟؟؟

وهل انت كمواطن مصري تتمتع بالديموقراطيه اللي بنسمع عنها ؟؟؟؟؟؟؟

وهل انت كعضو في جماعة الاخوان المسلمين تتمتع بالديموقراطيه ؟؟؟؟؟

المجاهد فى سبيل الله

19-10-2009, 01:43 AM

ايه السر في حكاية السادات والاخوان ؟؟؟؟
م
ش عارف انت تقصد من نحية ايه بالظبط
بس بص يا كريم يا خويا
فترة السادات عموما تعتبر فترة اعادة تكوين الاخوان
لان الاخوان الى طلعغوا من سجون الطاغية عبد الناصر سته بس
ودى تعتبر فترة الاخوان الى بجد
تخيل ستة بس طلعوا بيحملوا فكر الاخوان و نشروا و احيوا الدعوة من جديد
و السادات طلعهم من السجون علشان يقضى على الفكر الشيوعى الى كان انتشر انتشار واسع اوى وعلى فكرة هو مش طلع الاخوان وبس لا دا طلع كل الجماعات السياسية
ودى اعتبرها اغبى حركة سياسية فى التاريخ علما انى احترم فكر السادات جدا جدا غير الطاغية عبد الناصر بس دى غلط فيها
لانه معرفش يختار القرار الصح يعنى بمعنى يطلع مين و يسيب مين
انما طلع الجماعات كلها دى كانت اكبر غلطه
و دى الى تسببت فى اغتياله

وهل انت كمواطن مصري تتمتع بالديموقراطيه اللي بنسمع عنها ؟؟؟؟؟؟؟

انت بتسمع بيها فين دى
احنا مسمعناش عنها ولا حتى فى اسبيس تون
دمقرطية ايه يا حج صلى على النبى

وهل انت كعضو في جماعة الاخوان المسلمين تتمتع بالديموقراطيه ؟؟؟؟؟

داخل الجماعة ؟
باقصى حدود الديمقراطية
بمعىن الكلمة حديك مثال على دا
انت عارف ان شعار الاخوان فى الانتخابات الاسلام هو الحل صح
دا كان شعار الى قاله شبل فى الاعدادى اقترحه على الاخ المسئول بتاعه من الاسكندرية
و تخيل اتطبق على اكتر من 9 دول على الاخوان
يعنى اقل اقتراح انت بتقوله بيوصل على طول و بيقابل باهتمام

كريم ماضي

19-10-2009, 01:55 AM

ايه رئيك في ان ابن الرئيس يمسك منصب في الدوله ؟؟؟؟؟؟؟؟

وايه رئيك في التوريث ؟؟؟؟؟؟؟؟؟؟؟

لو صحيت من النوم ولقيت رئيسك جمال مبارك ايه رد فعلك علي الصبح؟؟؟؟؟؟؟؟؟

المجاهد فى سبيل الله

19-10-2009, 03:52 AM

ايه رئيك في ان ابن الرئيس يمسك منصب في الدوله ؟؟؟؟؟؟؟؟
يا عم كريم
اذا كان ابن الخفير بيبقى له وسطه و بيشتغل خفير صغيور بحس ابوه
يبقى ابن رئيس الجمهورية ليه ميمسكش منصب لو هو كان كفئ له

وايه رئيك في التوريث ؟؟؟؟؟؟؟؟؟؟؟
والله اقولك على حاجه
اصل التوريث دا مش بمزاجى ولا بمزاجك
طبعا كلنا مش موافقين عليه
من اكبر مواطن مصرى لاصغر مواطن مصرى

لو صحيت من النوم ولقيت رئيسك جمال مبارك ايه رد فعلك علي الصبح؟؟؟؟؟؟؟؟؟

حنام تانى
اصل دا طبيعى فى مصر
دا حتى ظاهره صحية
انك تصحى من النوم علشان تلحق تنام تانى

شريف

19-10-2009, 06:30 AM

احمد
سيب اللي في ايدك و ركز معايا شوية
ياريت تقرأ الحديث ده و تقولي
أو جزء من الحديث

قُلْتُ فَمَا تَأْمُرُنِي إِنْ أَدْرَكَنِي ذَلِكَ قَالَ تَلْزَمُ جَمَاعَةَ الْمُسْلِمِينَ وَإِمَامَهُمْ
قُلْتُ فَإِنْ لَمْ يَكُنْ لَهُمْ جَمَاعَةٌ وَلَا إِمَامٌ
قَالَ فَاعْتَزِلْ تِلْكَ الْفِرَقَ كُلَّهَا وَلَوْ أَنْ تَعَضَّ بِأَصْلِ شَجَرَةٍ حَتَّى يُدْرِكَكَ الْمَوْتُ وَأَنْتَ عَلَى ذَلِكَ

طبعا يا أحمد المسلمين دلوقتي لا ليهم جماعة و لا امام
و الرسول صلي الله عليه و سلم تنبأ بان اذا لم يكن هناك امام ستكون هناك فرق كثيرة
و الشاهد أنه أمر أن نعتزل تلك الفرق كلها
و تبقي مسلما فقط لا غير
غير منتميا الي اي جماعة
إذن ففكرة الجماعات الاسلامية لم تلق رواجا و لم تكن معهودة علي عهد الرسول
ولا حتي عهد الصحابة من بعده و لا الخلفاء و لا التابعين و لا تابعي التابعين حتي !!!!!!
إذن
فلما لا يكون المسلمون جميعا علي قلب رجل واحد
و ليس لهم الا اسم واحد
و طريق واحد
فأنا أشعر أن كلمة الاخوان المسلمين
تفرق أكثر من أن تجمع المسلمين
بالرغم من اني احترم فكرهم ووسطيتهم و عقولهم المعاصرة المتفتحة
لكن
تؤرقني كثيرا فكرة الجماعات
و الاختلاف
و كل جماعة لها مرشد و اب روحي
و كل جماعة لها فكرها
و كل جماعة تتنتظر ان تناظر الاخري
و هذا سيشتت أكثر من أن يوحد كلمتنا

ما رأيك ؟

المجاهد فى سبيل الله

19-10-2009, 03:38 PM

على فكرة طريقة عرض سؤال حضرتك جميلة جدا بجد
احييك
بس يا استاذى حضرتك نسيت حاجه
احنا نستخرج من حديث النبى صلى الله عليه وسلم
ان هناك ستقوم جماعة
و مفيش جماعة بنصحى الصبح بنلاقيها
يعنى لازم يكون فى تكوين جماعة تقوم و تهتم بامور المسلمين
و تمر بمراحل الى ان تصل الى المرحلة الموصوفه فى الحديث
ولو حضرتك شوفت مراحل واهداف جماعة الاخوان
حتلاقى الفرد المسلم ودا اول بذرة فى تكوين جماعة تقوم على امور المسلمين
و تانى مرحلة او هدف البيت المسلم ودى برضه مرحلة تكوين الجماعة التى تتكون منها الخلافة الاسلامية التى تقوم على الاهتمام بامور المسلمين
و هكذا
و اخر مرحلة هى استاذية العالم
كما اراد سيدنا عمر بن الخطاب و عمر بن عبد العزيزو غيرهم
بالنسبة لحديث حضرتك
فا انا ممكن اذكرك الموقف بتاع رجل بنى اسرائيل الذى قتل 99 نفس
حين ذهب الى شيخ قال له قتلت 99 نفس وعايز تتوب دا انت ملكش توبة فقتله
ولما راح لشيخ اخر قاله ايه ؟
الزم جماعة فى بلاد كذا
يعنى امره اهوة بالتزام جماعة
دا بخلاف طبعا معنى الحديث الى حضرتك ذكرته
لو حضرتك بصيت فى الحديث حتلاقيه مش بيتكلم على الجماعات
لا
دا بيتكلم على بين المسلمين حيخرج جماعة زى البهائية حيخرج جماعة زى البوحية حيخرج جماعه زى زى زى فى جماعات كتيرة اوى من داخل المسلمين
و ليس الفرق دى
يعنى جماعة الاخوان و الجماعة السلفية دول مش جماعتان لانهم الاتنين سنة و يتبعون مذهب اهل السنه و الجماعة
يعنى دول مش فرقتين لا دول فرقة واحده
فهمنى حضرتك
و النبى صلى الله عليه وسلم اوصانا بالجماعة و التزام الجماعة فى كل شئ
سواء فى العبادات او العادات
وجزاك الله خيرا

كريم ماضي

19-10-2009, 04:55 PM

قولنا خمس سلبيات في جماعة الاخوان ؟
مع ذكر خمس ايجابيات للحزب الوطني الديموقراطي ؟

شريف

21-10-2009, 09:04 AM

فهمنى حضرتك

أفهمك جيدا يا أحمد
و ليس معني أنني أناقشك في فكر الجماعة أنني أختلف أو أتفق معك
فأنا لست اخوانيا و أؤمن بأنني يجب أن يكون اسمي مسلما فقط
و في نفس الوقت
أحترمهم
و أحترم أي جماعة وسطية سنية تتبع أهل السنة و الجماعة هدفها اعلاء كلمة الله
و لكن لا أحب أن أنتمي إلي أي جماعات
هذه نقطة
و علي الجانب الآخر
دعني أناقشك في بعض ما قرأت عن الأخوان كفكر
ليس لأبرز عيوبهم
و لكن لأن بضدها تتميز الأشياء
فكما فند العلماء كل الشبهات التي كان المستشرقين يتهمون بها الاسلام
وددت أن أفعل نفس الشئ مع جماعة الاخوان
عسي أن نتقبل فكرهم أو علي الأقل أن نحترمهم و نتيقن من اتجاهاتهم السوية

اقرأ معي يا أحمد هذا الاقتباس علي لسان أحد مهاجمي الجماعة
و كم أتمني أن ترد علي هذا الاتهام بكلمات مقنعة منطقية

نظرتهم السيئة للمسيحيين ومعاملتهم لهم على أنهم مواطنين من الدرجة الثانية لا يحق لهم حتى اظهار
الصليب مما قد يؤدي الى حدوث فتنة طائفية

هذه واحدة
و الثانية

لايؤمنون بالديمقراطية بمعناها الشامل فعند حصولهم على السلطة فلن يقبلوا تداول السلطة الا فيما بينهمولن يقبلوا مثلا أن يأتي اي شخص أخر من خارج الاخوان

هذا اتهام ثاني و أعلم جيدا أنه ليس في الاسلام ما يسمي ديمقراطية
بل هي شوري بينهم
أنا معك
و لكن نصل الي نقطة البداية من جديد و التي تحدثت معك فيها
و هي أن التعصب لجماعة بعينها
و مع الوقت
سيصبح قتالا و ليس فرقة و اختلافا فقط
و لهذا فقد قلت لك أن فكرة الجماعات حتي و إن كانت كلها سنة و تتبع منهج السنة
أضرارها سنجنيها أكثر من فوائدها بكثير كمجتمع مسلم

و الثالثة

التطرف الديني ولاأقصد بهم اخوان اليوم ولكن الاخوان أيام الملكية وأيام عهد السادات حيث انهم حين اتيحت لهم حرية الممارسة انقسموا الى فئات كثيرة أكثر تطرفا مثل الجهاد والتكفير والهجرة وهذا يمكن أن يحدث مرة اخرى اذا اتيحت لهم الحرية مرة أخرى

لن أعلق علي النقطة الأخيرة لكي أترك لك أنت حرية التعليق
و شكرا جزيلا

المجاهد فى سبيل الله

22-10-2009, 12:57 AM

قولنا خمس سلبيات في جماعة الاخوان ؟
اممممممممممم
على فكرة انت عارف انى بجواب بكل اخلاص و بكل مصدقيه
السلبية الوحيده الى انا مش حاببها فى الاخوان
هى مثلا ان فى لقاء وانت مش فيه تلاقى الاخوة وانت قاعد بيتهمزوا و يتغمزو وانت قاعد
دى حاجه مش حاببها فى الاخوان
وكمان مثلا
ممكن فى سبيل اننا منتراجعش خطوة ممكن اننا نضحى بافراد
مثال على كدا زى الى حيحصل لما جالنا بيان من الاخوة علشان ياخدوا رائينا فى اننا ندخل الانتخابات القادمة لمجلس الشعب ولا لا فى 2010 الاخ المسئول وافق وانا ناقشته فى دا ودا اخ مسئول محافظة قبل ما يعتقل ربنا يفك اسره
قالى اننا مش مستعدين اننا نتراجع خطوة احنا مشينا فيها
دول السلبيتين الى من وجهة نظرى انا الى طبعا بتختلف من شخص لاخر
مع ذكر خمس ايجابيات للحزب الوطني الديموقراطي ؟
اول واحده فيهم انهم بيوزعوا فى كل المناسبات معونات للفقراء
هى اه صحيح بيزلوهم بيها بما ان الكرتونه مصلا بيكون عليها شعار الحزب و بتتفرج على المنظر بيبقى صعب اوى اوى و الناس حبه حبه و حيضربوا بعض و قمة الاهانات
بس اكيد التوزيع دا شئ كويس
كمان فى بعض قادات الحزب الوطنى فيهم ناس فى قمة قمة الاحترام فى كل شئ سواء فى ادب الاختلاف معاك
او فى عملهم
زى الدكتور سعد عبدالله و زى الدكتور مسعد الكتبى
فيهم شخصيات جميلة اوى
بس خمسه كتير اوى هنا و هنا بجد

المجاهد فى سبيل الله

22-10-2009, 01:15 AM

اقرأ معي يا أحمد هذا الاقتباس علي لسان أحد مهاجمي الجماعة
و كم أتمني أن ترد علي هذا الاتهام بكلمات مقنعة منطقية

اقتباس:
نظرتهم السيئة للمسيحيين ومعاملتهم لهم على أنهم مواطنين من الدرجة الثانية لا يحق لهم حتى اظهار
الصليب مما قد يؤدي الى حدوث فتنة طائفية

استاذى الكريم اسمحلى اولا ان اسال حضرتك
فين الكلام دا ولا حضرتك اخذته من مين
انا حرد على حضرتك اولا بتجربة شخصية و ثانيا بعمل عام
اولا حاجه انا لو وريت تلفونى لحضرتك حتلاقى عليه 200 اسم منهم ملا يقل عن 40 اسم مسيحى
لاربعين صديق مسيحى
دا غير الى اعرفهم و ابسلم عليهم فى الشارع
و بنا حب و صداقى لابعد الحدود
بالنسبة للعمل العام انت ايه راى حضرتك ان المستشرين القانوين بتوع مكتب الارشاد مسحيين منهم طبعا لانهم مش اتنين بس
يعنى فى مكتب الارشاد ذات نفسه فى مسحيين
وازاى احنا بنحمل فكر اسلامى و نخالف النبى صلى الله عليه وسلم
و النبى كان بجواره رجل يهودى و زاره النبى صلى الله عليه وسلم حين مرض
واقسم بربى انا كنت عند شماس من كام يوم كنت بصلحله التلاجة بتعته و فضلنا نتناقش و كونا صداقة رهيبة
غير انى بدخل الكنيسة بصلح الكولدير بتاعها باستمرار
يعنى معتقدش ان الكلام الى حضرتك نقلته عن الشخص دا صحيح

هذه واحدة
و الثانية

اقتباس:
لايؤمنون بالديمقراطية بمعناها الشامل فعند حصولهم على السلطة فلن يقبلوا تداول السلطة الا فيما بينهمولن يقبلوا مثلا أن يأتي اي شخص أخر من خارج الاخوان

تمام
بس الى حكم دا حكم بناءا على ايه
هو بيعلم الغيب ولا حاجه
يعنى احنا لسه حتى مش فى بالنا السلطة دوقتى
يبقى هو مسكنا السلطة وحكم كمان اننا مش حنبقى ديمقراطيين و حتكون بنا فقط
اعتقد حكم سابق لاوانه جدا
أنا معك
و لكن نصل الي نقطة البداية من جديد و التي تحدثت معك فيها
و هي أن التعصب لجماعة بعينها
و مع الوقت
سيصبح قتالا و ليس فرقة و اختلافا فقط
و لهذا فقد قلت لك أن فكرة الجماعات حتي و إن كانت كلها سنة و تتبع منهج السنة
أضرارها سنجنيها أكثر من فوائدها بكثير كمجتمع مسلم

على فكرة يا استاذى دى من ضمن الحاجات الى بجد فكرت فيها
بس قولت برضه مش حسبق الاحداث
انا اتفق معاك جدا فى النقطة الى فاتت دى بجد

و الثالثة

اقتباس:
التطرف الديني ولاأقصد بهم اخوان اليوم ولكن الاخوان أيام الملكية وأيام عهد السادات حيث انهم حين اتيحت لهم حرية الممارسة انقسموا الى فئات كثيرة أكثر تطرفا مثل الجهاد والتكفير والهجرة وهذا يمكن أن يحدث مرة اخرى اذا اتيحت لهم الحرية مرة أخرى

لن أعلق علي النقطة الأخيرة لكي أترك لك أنت حرية التعليق
و شكرا جزيلا
استاذى الكريم
مين الى طلع فى ثورة التصحيح
كام واحد من الاخان طلع بفكر الاخوان
كانوا 6 بس
ودول الى قامو واقاموا جماعة الاخوان من تانى
يعنى السته دول مكنش فيهم اى تشدد او تعصب لانهم لو كانوا فظا او كانوا غلاظ القلوب لنفروا منهم
هما كانوا فى قمة السماحه
وبجد من وافر القدر انى قابلت اخ منهم وهوم الاخ حسن نياتو
ولكن من خرج و يحمل الافكار ليس الاخوان لا بل الذين تربت فيهم كره السلطة مما حدث لهم
لانهم دخلوا المعتقل بدون زينب
فا تولدت فيهم طاقه عدائية ودى الى نتجت عنها اغتيال السادات
لان الى اغتالوه جماعة ممن خرجوا فى ثورة التصحيح
و كانت جماعات حديثة العهد
مش من الاخوان لان الاخوان توفى الكثير منهم داخل السجون

نعمه محمود

23-10-2009, 08:03 PM

اعتقد انك اتسألت سياسة بما فيه الكفاية , شويه اجتماع بقي .انت تمثل شريحة مختلفة من الشباب ,فأنت شاب مجتهد تدرس وتعمل ومنشغل بامور الدعوة الاسلامية0
السؤال
لقد تراجعت القيم في مجتمعنا ووصلت الى الحضيض,ترى شباب وبنات في الجامعه او الشارع تشعر وكأنته لا أهل لهم .تتحدث معهم فتكتشف خواءا فكريا لاحد له,ألا ترى معى أنه من الاجدى لجماعة الاخوان المسلمين أن تتجه لاصلاح المجتمع والذى عن طريقه ستنصلح السياسة خاصة لو بدأنا بالشباب
لو كنت انت مرشداً للاخوان ووضعت مشروعا للنهوض بشباب الأمة
ماهى محاور هذا المشروع
شكرا

نعمه محمود

23-10-2009, 08:03 PM

المجاهد فى سبيل الله

23-10-2009, 09:13 PM

حقيقى تواجد حضرتك استاذة نعمة فى الموضوع بجد اسعدنى كثيرا
و بعد اذن حضرتك حقسم كلام حضرتك
يعنى مش حيبقوا سؤال واحد
لان بجد سؤال حضرتك هو اجتماعى و سياسى برضه يعنى مبعدناش كتير عن دائرة السياسة
علما ملحوظة انى مش شايف نفسى سياسى
بس نجاوب و بالله التوفيق

لقد تراجعت القيم في مجتمعنا ووصلت الى الحضيض,ترى شباب وبنات في الجامعه او الشارع تشعر وكأنته لا أهل لهم .تتحدث معهم فتكتشف خواءا فكريا لاحد له,ألا ترى معى أنه من الاجدى لجماعة الاخوان المسلمين أن تتجه لاصلاح المجتمع والذى عن طريقه ستنصلح السياسة خاصة لو بدأنا بالشباب
بالنسبة لاول جزء من كلام حضرتك
هو دا فعلا هدف الاخوان من بداية قيام الدعوة
وهو التركيز على الشباب
لهذا حين عرفها الامام المؤسس حسن البنا قال انها جمعية رياضية و دعوة شبابية
دا جزء طبعا من التعريف
احنا كل شغلنا على الشباب
علشان كدا كل الى ماسكين الجماعة و الاعمال فى الجماعه شباب
و الحمدلله احنا نجحين فى دا
بس حضرتك انك لا تهدى الاحبة ولكن الله يهدى من يشاء
واكبر شاهد علينا هى الجامعة اكيد حضرتك كنتى فى جامعة و اكيد حضرتك شفتى شغلنا
وهو اد ايه هدفه الاول القيام بشباب الامة

لو كنت انت مرشداً للاخوان ووضعت مشروعا للنهوض بشباب الأمة
ماهى محاور هذا المشروع
بالنسبة لسؤال حضرتك التانى
فانا لن اهتم بالشباب فقط لو كنت مرشدا كنت اهتميت بالاباء اكتر
لان بكل اسف اخونا الكبار مش قيمين بواجبهم الدعوى كما يجب
وكل الحمل ملقى علينا احنا الشباب فى الدعوات الفردية و الدعوات العامة سواء من خلال قوافل الدعوة او غيرها
ولكن الاباء محدش مهتم بيهم خالص
فا اول حاجه او اول قرار هو تنشيط القاعدين
او على الاقل انزلهم يشتغلوا مع الاخوه العاملين
و بالنسبة للنهوض بالشباب
كما قولت حهتم بالجحانب الحركى لان الشباب يريدون الحركة افضل من الكلام
عن طريق الندوات و اللقاءات ودا سر قيام الاخوان المسلمين فى اول ظهورها

كريم ماضي

25-10-2009, 02:35 AM

انت هتروح تشجع منتخب بلدك امام الجزائر ولا لاء

أبوبكر أحمد العملة

25-10-2009, 08:48 PM

الاستاذ الفاضل / كريم ماضى

:18::18:

ممكن اسال الان

:16:

ام انتظر شوية .....؟؟

:39::39:

المجاهد فى سبيل الله

25-10-2009, 11:48 PM

انت هتروح تشجع منتخب بلدك امام الجزائر ولا لاء
ربنا يخللنا التلفزيون
مش حروح
بس اكيد ان شاء الله حتفرج على الماتش

المجاهد فى سبيل الله

26-10-2009, 12:06 AM

الاستاذ الفاضل / كريم ماضى

:18::18:

ممكن اسال الان

:16:

ام انتظر شوية .....؟؟

:39::39:
طبعا يا استذنا اتفضل
اسال الى حضرتك عايزه

أبوبكر أحمد العملة

26-10-2009, 06:48 PM

:bosyht9::bosyht9:الاستاذ الفاضل / أحمد (المجاهد في سبيل الله )

أولاً : أنت منتمى لجماعة ...!!!؟؟؟ما مزايا انتمائك لجماعة .؟؟والفرق وانت غير منتمى لجماعة..؟؟؟

1- ما هو أجمل موضوع لحضرتك بالمنتدى ..؟؟؟؟ وأجمل مشاركة لك في موضوع ...؟؟
(بس بشرط ما يكونش نفس الموضوع )

ثانياً : أنت تصمت قليلاً وتتكلم كثيراً ... هل من ضروريات الدعوة الى فكر الجماعة كثيراً ....!!!!!

2-ما هى شروط الصداقة من وجهة نظرك الشخصية ...؟؟؟
(بس بشرط ما يكونش من ضمنها الوضوح والصراحةوالصدق لانهم اساسيين في الصداقة)

ثالثاً : أنت صاحب احلام مستقبلية ...!!!!

3- ما هى أحلامك وكلماتك لكل من :

طفل صغير يبكى ....:28:

طفلة صغيرة تضحك.....:18:

أب إنجرح من ابنه لسو ء تصرفه ....:16:

أم تعبت من مصاريف البيت والشغل والعيال .....

رابعاً : أنت متميز في الجامعة ....!!!!!

4- ما هو رأيك الشخصى في الآتى :

- الخطة الاستراتيجية القومية للتعليم الجامعى 2007/2012

- الهيئة القومية لضمان جودة التعليم والاعتماد (نقاء)(naqaae)

- الكلية التى تنتمى لها (ما لها وما عليها )من وجهة نظرك

خامساً : أنت مثقف جدا .......!!!!:17::6:

5- ما هو رأيك في هذه الشخصيات العامة بصدق كالعادة

د/ هانى هلال

د/ يسرى الجمل

د/ أحمد نظيف

د/ على مصيلحى

د / طارق كامل

وزملاء المنتدى الحاليين :

أ/ محمد بن عباس

أ/ دعاء شديد

أ/نعمة محمود

أ/ وليد عسكر

أ/ كريم (مشرف قسم جووووووول)

أ/ منى عبد الحافظ

أ/ محمد حسن ضبعون

أ/ أبوبكر أحمد العملة

.....

وممكن سيادتك تضيف آخرون لم اتشرف بهم بعد ....:39:

أعتقد كده كفاية أول تعارف وممكن اكمل بعد شوية ....:38:

فرصة سعيدة جدا واتمنى لك التوفيق الدائم

وأتفق معك أن التشاؤم جزء لا يتجزأ من حياة كل الناجحين أمثالك في الحياة العامة

مع خالص تقديرى لشخصكم
أبوبكر أحمد العملة
عضو فريق مجتمع المعرفة بالمنتدى الكريم

المجاهد فى سبيل الله

26-10-2009, 10:25 PM

أولاً : أنت منتمى لجماعة ...!!!؟؟؟
الحمدلله

ما مزايا انتمائك لجماعة .؟؟
اول ميزة بجد علمونى ازاى انى اضحى بنفسى فى سبيل فكرى
وكمان بجد علمونى ازاى اعمل لغيرى
و عرفونى ازاى اخد حسنات كتيرة وورونى الطريق لدا
والفرق وانت غير منتمى لجماعة..؟؟؟
لو كنت خارج الجماعة مكنتش حكون احمد المجاهد فى سبيل الله بفكره دا ولا باخلاقه دى ولا بكيانه دا
لان الفترة دى انا جربتها لقتنى ببعد كتير عن ربنا
لقيت كل الى كان عايز يتقرب منى بقى هو نفسه الى بيبعد عنى

1- ما هو أجمل موضوع لحضرتك بالمنتدى ..؟؟؟؟
موضوع دعوة لمن له قلب
وأجمل مشاركة لك في موضوع ...؟؟
اجمل مشاركة تقريبا فى موضوع من اجلك انت ردا على الاستاذ شريف
(بس بشرط ما يكونش نفس الموضوع )

ثانياً : أنت تصمت قليلاً وتتكلم كثيراً ... هل من ضروريات الدعوة الى فكر الجماعة كثيراً ....!!!!!
مين قال كدا لو دى وجهت نظر حضرتك فا اان احترمها ولكنها غير صحيحه
انا بصمت كثيرا و بتحدث قليلا
و دى فكر الجماعة عدم التسرع بالاحكام او بالحديث

2-ما هى شروط الصداقة من وجهة نظرك الشخصية ...؟؟؟
(بس بشرط ما يكونش من ضمنها الوضوح والصراحةوالصدق لانهم اساسيين في الصداقة)

انه اولا يكون ذكى جدا لانه لو مش ذكى مش حعتبره صديق حعتبره ربط عام
وكمان يكون لماح بيعرف يتصرف فى المواقف
انما مش شرط انه يكون متدين او غيره
لان انا عندى اصدقاء كتير مش متدينين بمعنى الكلمة و بيعتبروا من اعز اصدقائى
و الحمدلله ماشى معاهم خطوة بخطوة

ثالثاً : أنت صاحب احلام مستقبلية ...!!!!

اه الحمدلله
بحب اخطط لمستقبلى سواء فى حياتى العلمية او فى حياتى المهنيه او فى حياتى الاجتماعيه
بالنسبة لتخطيط العلمى
انا الحمدلله متفوق دراسيا كل سنه بتقدير الحمدلله
ماعدا السنه الى فاتت بصراحة طلعت بمقبول
ان شاء الله ناوى احضر ماجستير و من بعده دكتوراه
بالنسبة لحياتى المهنيه انا الحمدلله صنيعى بفكر افتح ورشة قريب ان شاء الله
و بالنسبة لحياتى الاجتماعية بفكر اتجوز بقى اكيد يعنى

المجاهد فى سبيل الله

26-10-2009, 11:16 PM

وكلماتك لكل من :

طفل صغير يبكى ....يارتنى ابكى مكانك وبلاش انت لان بكائك صعب اوى عليا

طفلة صغيرة تضحك.....الله عليكى و بصراحة مش حقول لا انا حضحك زيه

أب إنجرح من ابنه لسو ء تصرفه ...معلش اكيد عليه ضغوط

أم تعبت من مصاريف البيت والشغل والعيال .....الرجال قومون على النساء وهما اهلا لكل دا للشغل وهما الى يصرفوا ولو دول اتشالوا من عليكى حتقدرى تربى العيال صح
وحترتاحى
طبعا لو قولت كدا نص الرجالة حتدعى عليا بس دا الصح

رابعاً : أنت متميز في الجامعة ....!!!!!
الحمدلله

4- ما هو رأيك الشخصى في الآتى :

- الخطة الاستراتيجية القومية للتعليم الجامعى 2007/2012
الكلام حلو بس التطبيق مفيش
ملحوظة انا مقرتش خطة العمل دى
بس دا الطبيعى

- الهيئة القومية لضمان جودة التعليم والاعتماد (نقاء)(naqaae)
معرفهاش برضه بصراحة

- الكلية التى تنتمى لها (ما لها وما عليها )من وجهة نظرك
اولا الكلية الى انا فيها لها انها كلية جميلة جدا فى الدراسة بتعتها و فى الدكاترة بتعتها
و عليها ان ملهاش اى علاقة بالى حنمرسوه بعد التخرج يعنى الكلام الى بندرسه حنطلع نطبق غيره فا بالتالى ملهاش لزمة
بخلاف التدخل الامنى الرهيب داخل الجامعة

خامساً : أنت مثقف جدا .......!!!!
لا مش جدا بس الحمدلله مثقف
5- ما هو رأيك في هذه الشخصيات العامة بصدق كالعادة
ها

د/ هانى هلال
حسبنا الله ونعم الوكيل
بوظ التعلم العالى
د/ يسرى الجمل
حسبى الله ونعم الوكيل
بوظ التربية و التعليم
وضع خطط لمجال التعليم فاشل وضع خطط للمناهج فاشل وضع خطط للامتحانات و اوقتها فاااااااااااااااااشل

د/ أحمد نظيف
هنا له مميزات وله عيوب و بصراحة العيوب مش هو السبب فيها السبب فيها من اختاره مبارك
اولا هو دورة هو نجح فيه بمعنى انه فعلا نقل مصر كلها من الكشاكيل الكبيرة دى الى الالكترونات
و فعلا شغل مصر مش كلها طبعا بس المهم فيها بالالكترونات
انما عيوبه ان مينفعش انا كارئيس جمهورية اختار وامسك منصب زى دا واحد دماغه متجه الى مكان واحد فقط
وهو الالكترونات و سايب باقى مصالح الشعب
علشان كدا فترته تعتبر فترة اقذر شوية من عاطف عبيد
د/ على مصيلحى
حسبى الله ونعم الوكيل
الناس مش عارفه تقبض معشتها بخلاف طبعا ان لحد دوقتى فى ناس معشها بيوصل ل ستين و خمسين جنيه فقط
وطبعا مينفعش الكلام دا
و برضه المساعدات الى الدولة بتقدمها و بيتم التستر عليها و بيعها للسماسرة بدون علم احد الا بعدها بسنين زى الخدمات بتاعت بنك ناصر و ابنى بيتك والحاجات دى كلها وزارة التضمان الاجتماعى مسئولة عنه

د / طارق كامل
حسبى الله ونعم الوكيل
حب يصلح شبكة الاتصالات خصخصها
و خلى الدولة مش هى الى تتحكم فى سعر المكالمة
مما ادى طبعا الى اولا غلوا اسعاء المكلمات المحلية
ارتفاع لزوم الاشتراكات و التركيب
فشل الشبكة محليا بكل المقاييس
فشل فى ظبط الاسعار الدولية
فشل تصليح النت و انه يبقى زيه زى اى نت فى اى دولة اخرى
لحد دوقتى فى امكانيات احنا مش بنعرف نستخدمها

المجاهد فى سبيل الله

26-10-2009, 11:41 PM

وزملاء المنتدى الحاليين :

أ/ محمد بن عباس
بسم الله ما شاء الله بجد الاستاذ محمد من الناس المخلصين جدا للمكان دا
و بجد يعجبنى نشاطه الملحوظ فى كل ارجاء المنتدى
من انشط قسم الى اقل قسم نشاطا

أ/ دعاء شديد
الاستاذة دعاء لها بجد معزة خاصة عندى ممكن متعاملناش مع بعض معاملة شخصية بس انا بعزها جدا
و هى برضه شغلها ملهوظ جدا واحب اقول لها الكلاب تعوى و القافلة تسير يا استاذتى الفاضله
أ/نعمة محمود
الاستاذة نعمة يااااااااااااه
بجد انا بحترمها جدا جدا جدا فوق ما ممكن ما حد يتخيل
بس بجد معرفش ليه
بحس انها جديرة بالاحترام دا
و بحس انها قريبة منى جدا علما اننا برضه متعاملناش مع بعض الا مرة واحده ومتكلمناش الا مرة
أ/ وليد عسكر
الاستاذ وليد دا فكهة المنتدى بجد بس مش عارف راح فين ماله بقاله كام يوم كدا مشفنهوش لعل المانع خير ان شاء الله
بجد الاستاذ وليد شخصية جميلة جدا جدا
أ/ كريم (مشرف قسم جووووووول)
استاذ مين يا استاذى
كريم دا بجد ممكن يكون الصديق الوحيد الى ليا على النت
بجد بحبه جدا
و بعتبره صحبى بجد

أ/ منى عبد الحافظ
بصراحة معرفهاش

أ/ محمد حسن ضبعون
بصراحة معرفهوش
أ/ أبوبكر أحمد العملة

الاستاذ ابو بكر غلطة عمرى انى قولت اتفضل اسال برحتك
طبعا بهزر حقيقى اسئلة حضرتك تدل على ان حضرتك على كم من الثقافة و الموضوعية
لان حضرتك جبتلى اشخاص بجد تقال جدا
استاذى حقيقى انا بجد بحى حضرتك على الاسئلة دى بجد خلتنى اشغل دماغى وانشط ذاكرتى
انا بحب الاسئلة الى تخلينى افكر و فى نفس الوقت شملت كل شئ الاجتماعية منها و السياسية و الفكرية
جزاك الله خيرا على الاسئلة دى
ومنتظر بقيت الاسئلة بتاعت حضرتك

أبوبكر أحمد العملة

27-10-2009, 05:04 PM

الاستاذ الفاضل / أحمد ( المجاهد في سبيل الله

اسمح لى أن أقول :18:

الشباب ...... هو شباب القلب ...!!!!:38::27:

اشكرك على سعة صدرك واجاباتك اللذيذة قوى قوى:6:

بس هناك بعض التعليقات احب اناقشها معك

بنفس سعة صدرك الاولى .....:17:

هل تسمح ام نكتفى بالاجبات بدون مناقشة ..؟؟؟؟:16:

اشكرك مرة اخرى واسف ...:28: لو اجهدتك شوية ..معلش عصف ذهنى حبتين ..

بس بجد كلنا استفدنا من كلاماتك البسيطة والجميلة

مع تقديرى بشخصكم الكريم

أبوبكر أحمد العملة

عضو فريق مجتمع المعرفة بالمنتدى الكريم

المجاهد فى سبيل الله

27-10-2009, 05:17 PM

أبوبكر أحمد العملة

27-10-2009, 05:28 PM

الاخ الحبيب والغالى جدا جدا جدا/ أحمد ( المجاهد في سبيل الله )

للتوضيح فقط

أنا لا ضد الاخوان المسلمين ولا مع الحزب الوطنى الديمقراطى

ولكنى بحب كل فريق مصرى محترم متعاون جدا جدا جدا واتشرف بالعمل معهم

أولاً : أنت منتمى لجماعة ...!!!؟؟؟
الحمدلله
ما مزايا انتمائك لجماعة .؟؟
اول ميزة بجد علمونى ازاى انى اضحى بنفسى فى سبيل فكرى
وكمان بجد علمونى ازاى اعمل لغيرى
و عرفونى ازاى اخد حسنات كتيرة وورونى الطريق لدا
والفرق وانت غير منتمى لجماعة..؟؟؟
لو كنت خارج الجماعة مكنتش حكون احمد المجاهد فى سبيل الله بفكره دا ولا باخلاقه دى ولا بكيانه دا
لان الفترة دى انا جربتها لقتنى ببعد كتير عن ربنا
لقيت كل الى كان عايز يتقرب منى بقى هو نفسه الى بيبعد عنى

ممكن ده يتفسر على انه نوع من التعود على الطاعة و الصلاة في جماعة بعيداً عن هوى النفس بمفردك

ممكن تكون مع ( انصار السنة - السلفيين -الوفد - الناصري- التجمع - الغد- الوسط ...........الكثير جدا )

ويجب ان تثق ان ( الوالد والوالده والاهل هم السبب الحقيقى في كونك أحمد ( المجاهد في سبيل الله )) لإن انت حتى اليوم لم تصبح مثلاً عصام العريان أو محمد حبيب

أى ان تأثير البيئة المحيطة بك هو العامل الاول للاستعداد والتهيئة لهذ الشخصية الحالية

وليس الانتساب لجماعة ما
هذ ا اولاً :16:

احنا اتغفنا مفيش ضرب ...صح يا ابو حميد

ثانياً:

ثانياً : أنت تصمت قليلاً وتتكلم كثيراً ... هل من ضروريات الدعوة الى فكر الجماعة كثيراً ....!!!!!
مين قال كدا لو دى وجهت نظر حضرتك فا اان احترمها ولكنها غير صحيحه
انا بصمت كثيرا و بتحدث قليلا
و دى فكر الجماعة عدم التسرع بالاحكام او بالحديث
2-ما هى شروط الصداقة من وجهة نظرك الشخصية ...؟؟؟
(بس بشرط ما يكونش من ضمنها الوضوح والصراحةوالصدق لانهم اساسيين في الصداقة)
انه اولا يكون ذكى جدا لانه لو مش ذكى مش حعتبره صديق حعتبره ربط عام
وكمان يكون لماح بيعرف يتصرف فى المواقف
انما مش شرط انه يكون متدين او غيره
لان انا عندى اصدقاء كتير مش متدينين بمعنى الكلمة و بيعتبروا من اعز اصدقائى
و الحمدلله ماشى معاهم خطوة بخطوة

الصمت قليل ليس من فكر الجماعة لانها تقوم على فكرة الدعوة من خلال الانتشار السريع والمنظم او انت مجرد محب فقط وليس عضو قيادى بالجماعة

2- شروط الصداقة

المرء على دين خليله فلينظر احدكم من يخالل .....!!!!!!!!!

الفكر السياسي ترغب به بشدة ولذكك هناك تعطش للتعامل مع الاذكياء فقط ....مجرد ملاحظة ....!!!

ثالثاً : أنت صاحب احلام مستقبلية ...!!!!
اه الحمدلله
بحب اخطط لمستقبلى سواء فى حياتى العلمية او فى حياتى المهنيه او فى حياتى الاجتماعيه
بالنسبة لتخطيط العلمى
انا الحمدلله متفوق دراسيا كل سنه بتقدير الحمدلله
ماعدا السنه الى فاتت بصراحة طلعت بمقبول
ان شاء الله ناوى احضر ماجستير و من بعده دكتوراه
بالنسبة لحياتى المهنيه انا الحمدلله صنيعى بفكر افتح ورشة قريب ان شاء الله
و بالنسبة لحياتى الاجتماعية بفكر اتجوز بقى اكيد يعنى

*** مجرد نساؤل الجماعة العام السابق لم تعطلك عن المذاكرة والتركيز في التفوق
( مقبول ) مش حلوة خالصة على أحمد ( الكبير كبير يا متفوق )

ربنا يوفقكك في موضوع الورشة ان شاء الله ويرزقك الحلال من اوسع ابوابه ..اللهم امين

الحياة الاجتماعية ...بارك الله لك في زوجة صالحة تعينك على الطاعة ورزقكم الذرية المؤمنة

جزء اول :17::38::6::27::18:

أبوبكر أحمد العملة

27-10-2009, 05:30 PM

:16::16:
الاخ الحبيب والغالى جدا جدا جدا/ أحمد ( المجاهد في سبيل الله )

للتوضيح فقط

أنا لا ضد الاخوان المسلمين ولا مع الحزب الوطنى الديمقراطى

ولكنى بحب كل فريق مصرى محترم متعاون جدا جدا جدا واتشرف بالعمل معهم

أولاً : أنت منتمى لجماعة ...!!!؟؟؟
الحمدلله
ما مزايا انتمائك لجماعة .؟؟
اول ميزة بجد علمونى ازاى انى اضحى بنفسى فى سبيل فكرى
وكمان بجد علمونى ازاى اعمل لغيرى
و عرفونى ازاى اخد حسنات كتيرة وورونى الطريق لدا
والفرق وانت غير منتمى لجماعة..؟؟؟
لو كنت خارج الجماعة مكنتش حكون احمد المجاهد فى سبيل الله بفكره دا ولا باخلاقه دى ولا بكيانه دا
لان الفترة دى انا جربتها لقتنى ببعد كتير عن ربنا
لقيت كل الى كان عايز يتقرب منى بقى هو نفسه الى بيبعد عنى

ممكن ده يتفسر على انه نوع من التعود على الطاعة و الصلاة في جماعة بعيداً عن هوى النفس بمفردك

ممكن تكون مع ( انصار السنة - السلفيين -الوفد - الناصري- التجمع - الغد- الوسط ...........الكثير جدا )

ويجب ان تثق ان ( الوالد والوالده والاهل هم السبب الحقيقى في كونك أحمد ( المجاهد في سبيل الله )) لإن انت حتى اليوم لم تصبح مثلاً عصام العريان أو محمد حبيب

أى ان تأثير البيئة المحيطة بك هو العامل الاول للاستعداد والتهيئة لهذ الشخصية الحالية

وليس الانتساب لجماعة ما
هذ ا اولاً :16:

احنا اتغفنا مفيش ضرب ...صح يا ابو حميد

ثانياً:

ثانياً : أنت تصمت قليلاً وتتكلم كثيراً ... هل من ضروريات الدعوة الى فكر الجماعة كثيراً ....!!!!!
مين قال كدا لو دى وجهت نظر حضرتك فا اان احترمها ولكنها غير صحيحه
انا بصمت كثيرا و بتحدث قليلا
و دى فكر الجماعة عدم التسرع بالاحكام او بالحديث
2-ما هى شروط الصداقة من وجهة نظرك الشخصية ...؟؟؟
(بس بشرط ما يكونش من ضمنها الوضوح والصراحةوالصدق لانهم اساسيين في الصداقة)
انه اولا يكون ذكى جدا لانه لو مش ذكى مش حعتبره صديق حعتبره ربط عام
وكمان يكون لماح بيعرف يتصرف فى المواقف
انما مش شرط انه يكون متدين او غيره
لان انا عندى اصدقاء كتير مش متدينين بمعنى الكلمة و بيعتبروا من اعز اصدقائى
و الحمدلله ماشى معاهم خطوة بخطوة

الصمت قليل ليس من فكر الجماعة لانها تقوم على فكرة الدعوة من خلال الانتشار السريع والمنظم او انت مجرد محب فقط وليس عضو قيادى بالجماعة

2- شروط الصداقة

المرء على دين خليله فلينظر احدكم من يخالل .....!!!!!!!!!

الفكر السياسي ترغب به بشدة ولذكك هناك تعطش للتعامل مع الاذكياء فقط ....مجرد ملاحظة ....!!!

ثالثاً : أنت صاحب احلام مستقبلية ...!!!!
اه الحمدلله
بحب اخطط لمستقبلى سواء فى حياتى العلمية او فى حياتى المهنيه او فى حياتى الاجتماعيه
بالنسبة لتخطيط العلمى
انا الحمدلله متفوق دراسيا كل سنه بتقدير الحمدلله
ماعدا السنه الى فاتت بصراحة طلعت بمقبول
ان شاء الله ناوى احضر ماجستير و من بعده دكتوراه
بالنسبة لحياتى المهنيه انا الحمدلله صنيعى بفكر افتح ورشة قريب ان شاء الله
و بالنسبة لحياتى الاجتماعية بفكر اتجوز بقى اكيد يعنى

*** مجرد نساؤل الجماعة العام السابق لم تعطلك عن المذاكرة والتركيز في التفوق
( مقبول ) مش حلوة خالصة على أحمد ( الكبير كبير يا متفوق )

ربنا يوفقكك في موضوع الورشة ان شاء الله ويرزقك الحلال من اوسع ابوابه ..اللهم امين

الحياة الاجتماعية ...بارك الله لك في زوجة صالحة تعينك على الطاعة ورزقكم الذرية المؤمنة

جزء اول :17::38::6::27::18:

أبوبكر أحمد العملة

27-10-2009, 05:55 PM

الاخ الحبيب والغالى جدا جدا جدا/ أحمد ( المجاهد في سبيل الله )

للتوضيح فقط

أنا لا ضد الاخوان المسلمين ولا مع الحزب الوطنى الديمقراطى

ولكنى بحب كل فريق مصرى محترم متعاون جدا جدا جدا واتشرف بالعمل معهم

وكلماتك لكل من :

طفل صغير يبكى ....يارتنى ابكى مكانك وبلاش انت لان بكائك صعب اوى عليا

طفلة صغيرة تضحك.....الله عليكى و بصراحة مش حقول لا انا حضحك زيه

أب إنجرح من ابنه لسو ء تصرفه ...معلش اكيد عليه ضغوط

أم تعبت من مصاريف البيت والشغل والعيال .....الرجال قومون على النساء وهما اهلا لكل دا للشغل وهما الى يصرفوا ولو دول اتشالوا من عليكى حتقدرى تربى العيال صح
وحترتاحى
طبعا لو قولت كدا نص الرجالة حتدعى عليا بس دا الصح

لا تعليق لانها اجبات تدل انك انسان رومانسي ورائع جدا ومتعاون لاقصى درجة
ومقتنع بالدور الحيوى للام
الام مدرسة اذا اعددتها ...اعددت شعباً طيب الاعراق

بس لو هذه الام بدون عائل ماذا تفعل في هذا العالم المتوحش ..شكرا لك

رابعاً

رابعاً : أنت متميز في الجامعة ....!!!!!
الحمدلله

4- ما هو رأيك الشخصى في الآتى :

- الخطة الاستراتيجية القومية للتعليم الجامعى 2007/2012
الكلام حلو بس التطبيق مفيش
ملحوظة انا مقرتش خطة العمل دى
بس دا الطبيعى

- الهيئة القومية لضمان جودة التعليم والاعتماد (نقاء)(naqaae)
معرفهاش برضه بصراحة

- الكلية التى تنتمى لها (ما لها وما عليها )من وجهة نظرك
اولا الكلية الى انا فيها لها انها كلية جميلة جدا فى الدراسة بتعتها و فى الدكاترة بتعتها
و عليها ان ملهاش اى علاقة بالى حنمرسوه بعد التخرج يعنى الكلام الى بندرسه حنطلع نطبق غيره فا بالتالى ملهاش لزمة
بخلاف التدخل الامنى الرهيب داخل الجامعة

كلام خطير جدا يا استاذ احمد

لان هذ الاسئلة هى النصف الملىء من الكوب في مصر الان

وللاسف الجماعة غير مهتمة بالنصف الملىء من الحكومة الحالية نهائياً وده كارثة الاختلاف الحقيقى

لان بداية الجماعة ايام المرحوم / حسن البنا رحمه الله والحق بالصالحين والحقنا بهم آمين

كانت تساعد الحكومة ايامها بكل الطرق حتى ولو كان هناك اعتقالات أو تعذيب

وهذا هو جوهر الخلاف الحالى ( بين زمان وبين دلوقتى ) تغيير ايدلوجية ادارة الصراع مع النظام

خامساً

خامساً : أنت مثقف جدا .......!!!!
لا مش جدا بس الحمدلله مثقف
5- ما هو رأيك في هذه الشخصيات العامة بصدق كالعادة
ها

د/ هانى هلال
حسبنا الله ونعم الوكيل
بوظ التعلم العالى
د/ يسرى الجمل
حسبى الله ونعم الوكيل
بوظ التربية و التعليم
وضع خطط لمجال التعليم فاشل وضع خطط للمناهج فاشل وضع خطط للامتحانات و اوقتها فاااااااااااااااااشل

د/ أحمد نظيف
هنا له مميزات وله عيوب و بصراحة العيوب مش هو السبب فيها السبب فيها من اختاره مبارك
اولا هو دورة هو نجح فيه بمعنى انه فعلا نقل مصر كلها من الكشاكيل الكبيرة دى الى الالكترونات
و فعلا شغل مصر مش كلها طبعا بس المهم فيها بالالكترونات
انما عيوبه ان مينفعش انا كارئيس جمهورية اختار وامسك منصب زى دا واحد دماغه متجه الى مكان واحد فقط
وهو الالكترونات و سايب باقى مصالح الشعب
علشان كدا فترته تعتبر فترة اقذر شوية من عاطف عبيد
د/ على مصيلحى
حسبى الله ونعم الوكيل
الناس مش عارفه تقبض معشتها بخلاف طبعا ان لحد دوقتى فى ناس معشها بيوصل ل ستين و خمسين جنيه فقط
وطبعا مينفعش الكلام دا
و برضه المساعدات الى الدولة بتقدمها و بيتم التستر عليها و بيعها للسماسرة بدون علم احد الا بعدها بسنين زى الخدمات بتاعت بنك ناصر و ابنى بيتك والحاجات دى كلها وزارة التضمان الاجتماعى مسئولة عنه

د / طارق كامل
حسبى الله ونعم الوكيل
حب يصلح شبكة الاتصالات خصخصها
و خلى الدولة مش هى الى تتحكم فى سعر المكالمة
مما ادى طبعا الى اولا غلوا اسعاء المكلمات المحلية
ارتفاع لزوم الاشتراكات و التركيب
فشل الشبكة محليا بكل المقاييس
فشل فى ظبط الاسعار الدولية
فشل تصليح النت و انه يبقى زيه زى اى نت فى اى دولة اخرى
لحد دوقتى فى امكانيات احنا مش بنعرف نستخدمها

هذا هو النصف الفارغ من الكوب من وجهة نظر الجماعة

الاختلاف على الاشخاص وليس الفكر.....

معنى هذا ان الصراع هو صراع اشخاص وليس مناصب أو استراتيجيات

كما يحدث في غزة الان بين حماس وبين فتح (((صراع فارغ من المحتوى والضحية هو الشعب الفلسطينى ))) ربنا يرخك الشعب المصرى من هذا الصراع المحتمل بعيداً عن الفوضى المتوقعة أو ثورة الفقراء

أتمنى ان اشوفك مسئوك كبير في البلد لكى نرى ماذا ستفعل أكثر مما يبذله هولاء

مع الامية المنتشرة في الفكر المصرى

والا يكون راى شباب البلد مثل رايك فيهم ...آمين

وزملاء المنتدى الحاليين :

أ/ محمد بن عباس
بسم الله ما شاء الله بجد الاستاذ محمد من الناس المخلصين جدا للمكان دا
و بجد يعجبنى نشاطه الملحوظ فى كل ارجاء المنتدى
من انشط قسم الى اقل قسم نشاطا

أ/ دعاء شديد
الاستاذة دعاء لها بجد معزة خاصة عندى ممكن متعاملناش مع بعض معاملة شخصية بس انا بعزها جدا
و هى برضه شغلها ملهوظ جدا واحب اقول لها الكلاب تعوى و القافلة تسير يا استاذتى الفاضله
أ/نعمة محمود
الاستاذة نعمة يااااااااااااه
بجد انا بحترمها جدا جدا جدا فوق ما ممكن ما حد يتخيل
بس بجد معرفش ليه
بحس انها جديرة بالاحترام دا
و بحس انها قريبة منى جدا علما اننا برضه متعاملناش مع بعض الا مرة واحده ومتكلمناش الا مرة
أ/ وليد عسكر
الاستاذ وليد دا فكهة المنتدى بجد بس مش عارف راح فين ماله بقاله كام يوم كدا مشفنهوش لعل المانع خير ان شاء الله
بجد الاستاذ وليد شخصية جميلة جدا جدا
أ/ كريم (مشرف قسم جووووووول)
استاذ مين يا استاذى
كريم دا بجد ممكن يكون الصديق الوحيد الى ليا على النت
بجد بحبه جدا
و بعتبره صحبى بجد

أ/ منى عبد الحافظ
بصراحة معرفهاش

أ/ محمد حسن ضبعون
بصراحة معرفهوش
أ/ أبوبكر أحمد العملة
الاستاذ ابو بكر غلطة عمرى انى قولت اتفضل اسال برحتك
طبعا بهزر حقيقى اسئلة حضرتك تدل على ان حضرتك على كم من الثقافة و الموضوعية
لان حضرتك جبتلى اشخاص بجد تقال جدا
استاذى حقيقى انا بجد بحى حضرتك على الاسئلة دى بجد خلتنى اشغل دماغى وانشط ذاكرتى
انا بحب الاسئلة الى تخلينى افكر و فى نفس الوقت شملت كل شئ الاجتماعية منها و السياسية و الفكرية
جزاك الله خيرا على الاسئلة دى
ومنتظر بقيت الاسئلة بتاعت حضرتك

لا تعليق لانها من اجمل الاجابات الدبلوماسية الرائعة

أدعو الله ان يحبب فيك خلقه ويديم المعروف والصداقة

ممتازة الاجابات والمصداقية والشفافية

وده اللى خلانى اقول في الاول

الشباب.... هو شباب القلب ..... !!! ما شاء الله عليك وحفظك الله من كل سوء .....

سعة صدرك لاسئلتى وتعليقاتها هى قمة النضوج الفكرى لديك واشكرك مرة اخرى على كل شىء وهذه الاستراحة العقلية

لا اله الا الله

جزء اخير :17::38::6::27::18:

المجاهد فى سبيل الله

27-10-2009, 06:06 PM

طب هل لى ان اعلق على كلام حضرتك
ولا اكتفى بوجهت نظر حضرتك؟؟؟؟؟

أبوبكر أحمد العملة

27-10-2009, 06:22 PM

الاخ الحبيب والمفكر / أحمد ( المجاهد في سبيل الله )
طبعاً لازم تعلق

لان هذا هو الاثراء الفكرى الصحيح

الحوار والحوار الاخر

بس بدون ضرب عشان خاطرى ....:16::16:

أنا صاحب مرض :28::28:...ههههههههه

جزاك الله خيراً مقدماً
:27::38::6::17:

المجاهد فى سبيل الله

27-10-2009, 06:40 PM

ممكن ده يتفسر على انه نوع من التعود على الطاعة و الصلاة في جماعة بعيداً عن هوى النفس بمفردك

ممكن تكون مع ( انصار السنة - السلفيين -الوفد - الناصري- التجمع - الغد- الوسط ...........الكثير جدا )

ويجب ان تثق ان ( الوالد والوالده والاهل هم السبب الحقيقى في كونك أحمد ( المجاهد في سبيل الله )) لإن انت حتى اليوم لم تصبح مثلاً عصام العريان أو محمد حبيب

أى ان تأثير البيئة المحيطة بك هو العامل الاول للاستعداد والتهيئة لهذ الشخصية الحالية

وليس الانتساب لجماعة ما
هذ ا اولاً

احنا اتغفنا مفيش ضرب ...صح يا ابو حميد

استاذى الكريم
البيت مش شرط يكون هو كل حاجه فى اسس تكوين الرجل و فكره
البيت عامل واحد من ضمن عوامل كثيرة
اه الحمدلله والدى عالم من علماء الازهر
واه علمنى حاجات كتيرة اوى
بس على استحياء
كنت لما اروح لقاء كنت اضطر انى اقول انى رايح عند واحد صحبى
لو كنت اقتصرت على المعرفة الى علمهالى والدى كان تفكيرى حيبقى محدود لانه تفكير كتبى اكثر ما هو تفكير معيشى
علشان كدا بقول انى فكرى تكون من اول ما بقيت احمد المجاهد فى سبيل الله الى تكون من اول يوم اتعرف فيه على الجماعه
و معلومة تانية حضرتك
انا بحضر لقاءات اخونا السلفيين و كنت فى معهد اعداد الدعاه الى فى الجمعية الشرعية و كنت مسئول عن مدرسة شرعية تابعه للحزب الوطنى
يعنى تفكير المجاهد مقتصرش على تفكير حد معين لانى من اول يوم اخذت بقول ابت تيمية اننى اكن كا النحلة اكمل الباقى بقى

كلام خطير جدا يا استاذ احمد

لان هذ الاسئلة هى النصف الملىء من الكوب في مصر الان

وللاسف الجماعة غير مهتمة بالنصف الملىء من الحكومة الحالية نهائياً وده كارثة الاختلاف الحقيقى

لان بداية الجماعة ايام المرحوم / حسن البنا رحمه الله والحق بالصالحين والحقنا بهم آمين

كانت تساعد الحكومة ايامها بكل الطرق حتى ولو كان هناك اعتقالات أو تعذيب

وهذا هو جوهر الخلاف الحالى ( بين زمان وبين دلوقتى ) تغيير ايدلوجية ادارة الصراع مع النظام

استاذى الكريم ممكن اسال حضرتك فهمتها ازاى ؟
كوب ملئ ايه
دى اكبر سلبية ممكن لو حضرتك سالت عنها اى شاب مهما كان انتمائه حيقول انها اكبر سلبية فى الكليات
التدخل الامنى الرهيب فى كل شئ فى اتحاد الطلاب و ما يحدث فيها من تزوير و محسوبية و معارف ووسائط
اخى الكريم على عهد الامام الشهيد حسن البنا رحمه الله كان فى عهده النحاس باشا وكان صديقه وكان الوضع يختلف عن الان
و استحالة يكون هذا نصف الكوب المليان

هذا هو النصف الفارغ من الكوب من وجهة نظر الجماعة

الاختلاف على الاشخاص وليس الفكر.....

معنى هذا ان الصراع هو صراع اشخاص وليس مناصب أو استراتيجيات

كما يحدث في غزة الان بين حماس وبين فتح (((صراع فارغ من المحتوى والضحية هو الشعب الفلسطينى ))) ربنا يرخك الشعب المصرى من هذا الصراع المحتمل بعيداً عن الفوضى المتوقعة أو ثورة الفقراء

أتمنى ان اشوفك مسئوك كبير في البلد لكى نرى ماذا ستفعل أكثر مما يبذله هولاء

مع الامية المنتشرة في الفكر المصرى

والا يكون راى شباب البلد مثل رايك فيهم ...آمين

استاذى الكريم هاتلى عكس كلامى لو سمحت
انا لم انتقض الشخص بعينه
فاننى لم اقل ان ولده بيتاجر فى كذا ولا بيسوى كذا انا اتيت بحقائق
لو عند حضرتك عكس كلامى وانجازات اتفضل بوح بيها لكل واحد فيهم

الصمت قليل ليس من فكر الجماعة لانها تقوم على فكرة الدعوة من خلال الانتشار السريع والمنظم او انت مجرد محب فقط وليس عضو قيادى بالجماعة

اولا احب حضرتك اننى تخطيت مرحلة المحب من فترة طويلة اوى
وانا الان فى مرحلة تانيه و ليس فى محب
ثانيا فكر الجماعة تصمت كثيرا و تتحدث بكلمات كا القنبلة و الكل يسمع صداها
و يقول فعلا انت عندك حق

** مجرد نساؤل الجماعة العام السابق لم تعطلك عن المذاكرة والتركيز في التفوق
( مقبول ) مش حلوة خالصة على أحمد ( الكبير كبير يا متفوق )

ههههههه
لا والله يا اخى بجد عمر ما كان شغل الجماعة دمار ليا بالعكس
بس انا جبت مقبول لانى كنت بمر بمشكلة شخصية
مش اكتر انما الحمدلله فى تقديرات فى المواد
وجزاك الله خيرا

أبوبكر أحمد العملة

27-10-2009, 07:27 PM

الاخ الغالى والحبيب / أحمد( المجاهد في سبيل الله )

:18::18:

أشكرك علىالتعليقات التى اثرت فكرى وذهنى

ولكن ادعوك للاطلاع بموضوعية أكثر على النصف الملىء من الكوب في أى نظام

مهما كان انتمائك الشخصى

لان الانسان الناجح هو من يرى الضوء بوضوح..... وليس من يعمل في الظلام بجهل:16:

فعلاً استمتعت بجلوسك على كرسى الاعتراف:28:

للتعرف على الفكر السائد بين شباب الجامعات الان

وأحسست معك بحلاوة الشباب الحقيقى الايجابى المتحمس للحق :6::38:

شكراً على اجاباتك وتعليقاتك الرائعة :17:

اتمنى انا اراك قريباً ذو منصب حساس ومهم حتى نتأكد من مصداقية النظام

في التعامل مع محبى تراب هذا الوطن الغالى
:27::27:
جزاك الله خيراً

مع تقديرى لشخصكم الكريم
أبوبكر أحمد العملة
عضو فريق مجتمع المعرفة بالمنتدى الكريم

كريم ماضي

27-10-2009, 07:34 PM

لو خيروك انك تكون رئيسا لجمهورية مصر العربيه

ولكن من خلال الحزب الوطني

فماذا تفعل ؟

المجاهد فى سبيل الله

27-10-2009, 07:46 PM

أشكرك علىالتعليقات التى اثرت فكرى وذهنى

ولكن ادعوك للاطلاع بموضوعية أكثر على النصف الملىء من الكوب في أى نظام

مهما كان انتمائك الشخصى

لان الانسان الناجح هو من يرى الضوء بوضوح..... وليس من يعمل في الظلام بجهل

استاذى الكريم
انا كنت سالت حضرتك
جبلى حضرتك نصف الكوب المليان الى حضرتك تحدثت عنه
اخى الكريم اجاباتى بجد فى قمة الموضوعية و عن اشياء واضحة و صريحة للكل
ولو حضرتك عايز مناقشتى فى كل شخصية او فى كل شخص فى حكومتنا العزيزه انا على اتم الاستعداد
حقيقى انا الى استمتعت باسالت حضرتك
و مناقشة حضرتك بجدممتعه جدا
و ياريت فعلا لو عند حضرتك اسالة تانية اتفضل نكمل

المجاهد فى سبيل الله

27-10-2009, 08:14 PM

لو خيروك انك تكون رئيسا لجمهورية مصر العربيه

ولكن من خلال الحزب الوطني

فماذا تفعل ؟

وماله
مش عيب ولا حرام
حوافق طبعا
لان القيم فى داخل الانسان و ليس فى خارجه

نعمه محمود

27-10-2009, 10:12 PM

بما انك لسه موجود على الكرسي اسمح لى اسألك سؤال
لو في حد ظلمك أو اتسبب لك في أذى .ياترى رد فعلك هيكون ايه؟
هتسامحه ولا هتاخد حقك بايدك ؟ ولو هناخد حقك بنفسك ياترى هيكون ازاى؟؟؟؟

دعاء شديد

28-10-2009, 03:59 PM

أ/ دعاء شديد
الاستاذة دعاء لها بجد معزة خاصة عندى ممكن متعاملناش مع بعض معاملة شخصية بس انا بعزها جدا
و هى برضه شغلها ملحوظ جدا واحب اقول لها الكلاب تعوى و القافلة تسير يا استاذتى الفاضله

مش عارفه اقول ايه يا احمد بجد
فعلا احنا متعاملناش
بس الاحترام والمعزه مش محتاجين تعامل
كفايه اشوف موضوعات احمد ورأيه علشان اقدر احكم عليه

وعندك حق
الكلاب تعوى ... والقافله تسير

كريم ماضي

28-10-2009, 06:10 PM

لو جاءة لك دعوه للأنضمام للحزب الوطني الان فماذا انت فاعل

لو الجواب بلا

لماذا تقبل ان تكون رئيس للجمهوريه من خلالهم وانت ترفض الانضمام اليهم

هل جماعة الاخوان المسلمين متساهلين في موضوع اللحيه لاني رئيت كثير جدا منهم لايطلقونها
ويأتون بفتوي السعوديه التي تقول يجوز للاخوه في مصر حلق لحيتهم نظرا لظروفهم الخاصه
واقصد امن الدوله

دعاء شديد

28-10-2009, 07:37 PM

قولنا بقى

قبل اقتناعك بفكر الاخوان ... كنت شايف الدنيا ازاى؟

كنت بتعمل ايه فى الدنيا؟ وكان ايه هدفك؟

كنت بتدور على حاجة ولقيتها فى فكرهم
ولا لما تعمقت فى فكرهم لقيت نفسك؟
وتفرق على فكره

ايه اتغير فيك بعد الانضمام للاخوان؟
وايه فضل وقوى بانضمامك ليهم؟
وايه جد عليك؟
:bosyht9:
كفايه كده
اصلى مبحبش اسأل كتير

المجاهد فى سبيل الله

28-10-2009, 10:48 PM

بما انك لسه موجود على الكرسي اسمح لى اسألك سؤال
لو في حد ظلمك أو اتسبب لك في أذى .ياترى رد فعلك هيكون ايه؟
هتسامحه ولا هتاخد حقك بايدك ؟ ولو هناخد حقك بنفسك ياترى هيكون ازاى؟؟؟؟
بصى يا استاذتى الغالية
الظلم فى حد ذاته شئ مشين
والى يسيب حقه يبقى برضه انسان مش كويس
رد فعلى لو اتظلمت اكيد حفكر ازاى اخد حقى بس بادب اولا ثم بحكمة بدون تسرع
و انا كدا جاوبت على سؤلين حضرتك انى اولا استحالة اسيب حقى
والنقطة انا مش بستعجل فيها فكره حضرتك لما قولتلك مش دوقتى ولا حتى بعد شهر بس كدا كدا حخده ؟
و حاخده بايدى و بعقلى

المجاهد فى سبيل الله

28-10-2009, 11:00 PM

لو جاءة لك دعوه للأنضمام للحزب الوطني الان فماذا انت فاعل
لا طبعا مش حقبل
مش علشان حاجه لا
انا مش حقبل علشان ان الاخوان مقدمين طلب اننا نكون حزب
و قانون الاحزاب لا يسمح لك بالاشتراك لحزبين فى وقت واحد
لو الجواب بلا

لماذا تقبل ان تكون رئيس للجمهوريه من خلالهم وانت ترفض الانضمام اليهم
انا وضحت سبب رفضى
بس لو على النقطة دى
بص يا كريم الى خلى اردوغان بتاع تركيا ما هو من الحزب الاسلامى و بمعنى تانى اخوانى
تعامل مع علمانيين الى ان وصل الى مكانته وطبعا كلنا شايفين شغله
يبقى انا مش حتعامل مع مسلمين زى زيهم ومنهم ما هو افضل منى ؟

هل جماعة الاخوان المسلمين متساهلين في موضوع اللحيه لاني رئيت كثير جدا منهم لايطلقونها
ويأتون بفتوي السعوديه التي تقول يجوز للاخوه في مصر حلق لحيتهم نظرا لظروفهم الخاصه
واقصد امن الدوله
والله انا اقولك على حاجه
احنا مش متساهلين فى اى امر من امور الدين
بس احنا بناخذ بحديث النبى صلى الله عليه وسلم ما امرتكم به فخذوا ايسره و فى رواية ابسطه
و اللحية سنه مؤكده لا خلاف عليها
و الحال هنا بجد صعب اوى
مش تبص لاخونا السلفيين ولو اديتك مثال و قولتلك
اخ سلفى اتمسك واخ من الاخوان اتمسك دا مربى لحية ودا مربى لحية تقدر تقولى دا حيتعمل فيه ايه ودا حيتعمل فيه ايه
ولا مين الى حيطلع الاول ؟؟؟؟

يا كريم صدقنى الاخوان كا فكر محدش قدر يسقطه ولا ينتقده وكل الى انتقدوه ناس لا علاقة لهم بالعلم الشرعى ولا لهم اى علاقة بعامل الفهم الى يعتبر اهم عامل فى الاسلام

المجاهد فى سبيل الله

28-10-2009, 11:11 PM

قولنا بقى
الاستاذة دعاء لحالها منورانا فى الموضوع يااااااااااااه
دا كرم كبير اوى والله من حضرتكقبل اقتناعك بفكر الاخوان ... كنت شايف الدنيا ازاى؟
مكنتش شايف
لانى من اول ما فتحت عنيا لقيت بيت الامام الشهيد حسن البنا جمبى
و لقيتمسجده الى كان بيخطب فيه والده ومن بعده هو فى وشى
و بيوت الاخوة بحوطنى
يعنى محاصر
يعنى لا مفر من قضاء الله
محلوف عليا انى ابقى من الاخوان
كنت بتعمل ايه فى الدنيا؟ وكان ايه هدفك؟
انا حجاوب كان حضرتك سالتينى لما بعدت عنهم لقيت الدنيا عامله ازاى ممكن ؟؟؟
لقيت نفسى ببعد عن ربنا بجد
حتى الصلاة قصرت فيها كنت بادى المفروضة بالعافية دون زيادات
طبعا كان السبب الشلة بتاعت الاعدادى انا بعدت بالظيط من اولى اعدادى ل تالته
لقيت نفسى زى الريشة حبه فوق و حبه تحت زى ما الهواء بينقلنى كنت بروح كنت بتدور على حاجة ولقيتها فى فكرهم
ولا لما تعمقت فى فكرهم لقيت نفسك؟
وتفرق على فكره
انا مش بمشى بفكر حد على فكرة
انا الحمدلله لما لقيت نفسى كدا عدلت من نفسى كتير
واول حاجه عدلتها انى ممشيش بفكر حد
و انى اكون فكرى بنفسى علشان كدا حضرات لقاءات السلفيين و الجهاديين رحت اتعرفت على الشيعيين و رحت سالت المسحيين صاحبت كفار و اتعلمت حاجات كتيرة اوى
و كل دا توصلت فى الاخر ان فكر الاخوان هو الفكر الوحيد الى شبه من فكرى الى كونته بعد خبرة طويلة اوى فى وقت قصير
ايه اتغير فيك بعد الانضمام للاخوان؟
مفيش حاجه اتغيرت:)
وايه فضل وقوى بانضمامك ليهم؟
وايه جد عليك؟
كل اسالت حضرتك بتنصب فى انى كنت من غرهم قبل ما انضم ليهم ودا مش صح
كفايه كده
اصلى مبحبش اسأل كتير
اه طبعا واضح واضح