المساعد الشخصي الرقمي

مشاهدة النسخة كاملة : عود جرجير من الأرض السمره أفيد من تفاح أمريكا


كريم ماضي
10-10-2009, 08:47 PM
تقرأ بالعامية المصرية

بدل الجرى ورى الأوهام
بدل الغرق فى الأحلام
بدل الدم مايبقى كلام
نمسك إيدنا ونصدق مرة
ولا نشترى منهم بالمرة
عود جرجير من الأرض السمره
أفيد من تفاح أمريكا
كان من إمتى الغدا همبرجر **** ولادجاجنا كان كنتاجى
طبق الفول ومعاه بصل أخضر *** إسمه يا مصرى طبق ملاكى
ليه أتفرنج وأشرب ببسى **** وأطبع علم الكفر فى لبسى
لأ دانا أصوم وأقدر على نفسى **** و ألبس بلدى وألبى نداكى
ولا أشجعش نتاج أعدائ **** وأدفع عرقى فى إيد خناقى
هنشغلها شدوف وسواقى **** ولا ينطفى أنديل فى سماكى
لما تبور فى السوق بضاعتهم **** لما نشل طابور صناعتهم
أنفع لفلسطين غربتهم **** وأحسن من أرواحنا فداكى
يلا أنا وإنتا نقاطع سوقهم **** ولاستخدمش حجات من زوقهم
منع القرش هيخنق طوقهم **** واللى بيضحك يصبح باكى
المسأله مش شتارة وتجارة **** قرش وقرش صنعو طياره
أسس مصنع علا عمارة **** منع النور يدخل شباكى
حان الوقت يا كل عربنا **** نوقف أكل السوس ف عصبنا
هم وفوق وإنصح يا شببنا **** ولا تدفعش فلوس لهلاكى
قاطع كل نجوم أمريكا **** تل أبيب تقفل فابريكه
بيلهونا بسمبا وسيكا **** وبيسقونا السم بواكى
أيوه نعيش فحدودخبرتنا **** و بأفكرنا نرتب بتنا
مش هنموت وتدوب جتتنا **** لو فصلنا كلنا فى بلدنا
قاطع وإقطع عنهم خيرك ****** صلح مكنك من مسميرك
وإوعى تقول أمريكا تجيرك **** عمر الجانى ما ينصف شاكى


طبعا منقووول
عماد عبد الستار
11-10-2009, 08:32 PM
جزاك الله خيراً
كريم ماضي
16-10-2009, 05:53 PM
جزانا واياكم استاذي الفاضل
7asnaa kareem
22-10-2009, 12:09 AM
والله قصيده تجنن أخر حاجه
بجد كفايه العنوان
عود جرجير من الأرض السمره أفيد من تفاح أمريكا
كريم ماضي
22-10-2009, 03:33 PM
والله قصيده تجنن أخر حاجه
بجد كفايه العنوان
عود جرجير من الأرض السمره أفيد من تفاح أمريكا



جزاكم الله خيرا علي المرور العطر