المساعد الشخصي الرقمي

مشاهدة النسخة كاملة : عقارب الزمن ام زمن العقارب ؟؟


Blanche Neige
08-10-2009, 09:31 PM
.:. عـــقـــارب الــســاعــة .:.


نخطئ كثيرا" حين نظن ان عقارب الساعة لاتلسع ولاتقتل,انها تمارس فينا أبشع


أنواع القتل..لانها تلسع وقتنا وتقتل عمرنا ونحن لاندرك وهذا النوع من العقارب لا


ندرك خطورته الا حين نلمح زحف الايام علينا عندها ندرك أن عقارب الساعة في


زحفها بين الثواني والدقائق قد اختلست أجمل العمر..ترى هل فكر أحدكم في هذا


اليوم..؟؟

You can see links before reply (You can see links before reply)


.:. عــقــارب الــدراســة .:.

على الرغم من صغر هذا النوع من العقارب الا أنها تؤذي بعمق, لأنها تظهر في


حياتنا في مرحلة مهمة من مراحل العمر, وتلتصق بنا في وقت لانجيد فيه استخدام


العقل كثيرا" , وتبث سمومها في براءتنا وقد ترافقنا الى بقية مراحلنا وربما تحولنا


سمومها المبكرة فينا مع الوقت الى..


عقارب


You can see links before reply (You can see links before reply)


.:. عــقــارب الــصــداقــة .:.


قد نحتاج الى الكثير من الوقت لإكتشاف سموم هذا النوع من العقارب,لأن ثقتك


العمياء بعقارب الصداقة تجعلك تستبعد أن يكونوا مصدر السموم الحقيقي في


حياتك,وقد تستهلك الكثير من العمر وأنت تبحث في جدار خصوصياتك عن الثغرة التي


تتسرب منها أسرارك الى الآخرين ,وتستهلك الكثير من الغباء وأنت تشكو لهم


همومك ويجيدون الإنصات لك وفي أعماقهم ضحكة سخرية لاتسمعها أنت , لأن بينك


وبينها جدار من الثقة, وقد يؤدي إكتشافك وجود هذا النوع من العقارب في حياتك الى


فقدان الثقة بالآخرين وتجنب الإلتصاق بهم


You can see links before reply (You can see links before reply)


.:. عــقــارب الـحــب .:.


هذا النوع من العقارب من أشد أنواع العقارب خطورة عليك..لشدة التصاقه بك


وبحلمك ولسعته ان لم تقتلك دمرتك..وهذا النوع من العقارب يتخصص في الحلم


والاحساس, فان كنت كتلة من الاحساس فان لسعته "تنهيك تماما" " وقد تتجاهل "


سريان سمومه فيك وتحتمل الآلام وتزداد التصاقا" به لأنك وصلت الى مرحلة متقدمه


من..إدمـــــــــانه..


You can see links before reply (You can see links before reply)


.:. عــقــارب الأقــارب .:.


كان يقال في الماضي

" الأقارب عقارب"

وكان يقال أيضا"

"أقرب لك عقرب لك"


وقله قليله تلك التي لم تتذوق لسعة هذا النوع من العقارب, وسموم هذا النوع هي


الأكثر مرارة ولسعتها هي الأكثر ألما" , لأنها جاءت من الأقرب الذي كان يجب أن


يكون الأقرب لنا في كل شيء..

You can see links before reply (You can see links before reply)


.:. وأخــيــرا" .:.

((لاتحص عدد العقارب من حولك أو في عمرك كي لاتكتشف أنك قضيت عمرك في جحر عقارب))

You can see links before reply (You can see links before reply)


.:. السؤال .:.

بعد أن كنا نعيش بعقارب الزمن هل أصبحنا نعيش في زمـن العـقارب ..!؟!؟!؟!
شريف
08-10-2009, 09:55 PM
عندها ندرك أن عقارب الساعة في
زحفها بين الثواني والدقائق قد اختلست أجمل العمر



تلك هي أصدق جملة قيلت في هذا الموضوع
فكم يقتلنا الندم و نعض علي أناملنا من الحسرة
بعد أن تنقضي سنوات من العمر بل عشرات السنوات
مرت و كأن أحدنا قام ساعة ثم جلس
مرت كهمسة في وسط عالي الأصوات
أكثر ما ندمت عليه في حياتي
سنة أو اثنتين او سنوات
مرت كالبرق الخاطف
و لم أكد أشعر بشئ فيها
أستطيع أن أقول أنني استمتعت به
تلك هي اللحظات التي مرت
سريعا
نبكي كثيرا
و نظن بحسرتنا و بكائنا
أنها ستعود
و لكن هيهات
فاللحظات الجميلة
دوما ما تمر مر السحاب
فلنعض عليها بأيدينا و بأسناننا
و لنستمتع بكل ثانية فيها
فيما هو آت
لعلنا ندرك قيمة الوقت و قيمة الحياة
و لعلنا نقدر نعم الله التي لا نشعر بها أبدا إلا بعد فقدانها

موضوع يستحق جائزة نوبل في العلوم !!
نعم
فقد اكتشف كاتب الموضوع اكتشاف خطير
أن سنوات العمر أسرع 150 مرة من سرعة الضوء

سلمت يداكِ
دعاء شديد
08-10-2009, 10:18 PM
.:. عـــقـــارب الــســاعــة .:.


بس هى مش بتلسع وتقتل فينا بس
احيانا تدخلنا فى غيبوبه دنيويه ... ولا تشعر بالوقت
واحيانا اخرى نتربص نحت بها
ونظل نراقب حركاتها ... حتى تقف عند نقطة انطلاقنا
او نقطة بدايتنه
نحن من نترك عقارب الساعه دون مراقبه

اليوم..؟؟


You can see links before reply (You can see links before reply)



.:. عــقــارب الــدراســة .:.


على الرغم من صغر هذا النوع من العقارب
اعترض وبشده
ازاى هذا النوع صغير
هذا اهم واخطر نوع من العقارب
هذا النوع يحتاج لمراقبته بشده
حتى لا يمر الوقت ونجد اننا لم ندرس شيء
ونتحول لمجرد ناقلى افكار الغير فقط !!!!!!!!!!!!!



You can see links before reply (You can see links before reply)



.:. عــقــارب الــصــداقــة .:.



قد نحتاج الى الكثير من الوقت لإكتشاف سموم هذا النوع من العقارب

اتفق معك تماما
ولكن هذا يثبت اننا كلما انتبهنا وراقبنا
كلما اكتشفنا العقارب من على بعد لنأخذ حذرنا
او على الاقل لا نلوم انفسنا فى وقت لاننا لم نلتفت
لنراقب العقرب


You can see links before reply (You can see links before reply)


.:. عــقــارب الـحــب .:.



هذا النوع من العقارب من أشد أنواع العقارب خطورة عليك

وهنا اتفق معك تماما ايضا
لكن
كل من يحب ... يرى عيوب حبيبه
ولكنه يدير وجهه عنها ... بارادته
وبعد ان يضطر للاعلان عنها ... ويحاول التظاهر
بانه خُدع ... تجده يناقض نفسه
ويسمعك كل تلك العيوب والسموم ... وانه صبر
وتحمل لانه كان ... يحب


You can see links before reply (You can see links before reply)



.:. عــقــارب الأقــارب .:.


كان يقال في الماضي


" الأقارب عقارب"
رغم صحة هذا الكلام احيانا
الا انك تتناسين لسعات الاقارب ... لانهم اقارب
بينك وبينهم صلة رحم ... ولابد يوما ما
ان الرحمة ستوجد بينكم ... لكن
كلما انتبهنا ... قل أثر الصدمة


You can see links before reply (You can see links before reply)



.:. وأخــيــرا" .:.


((لاتحص عدد العقارب من حولك أو في عمرك كي لاتكتشف أنك قضيت عمرك في جحر عقارب))

ولما لا احوله من جحر اعيش فيه
لجحر اراقبه ... للاسف
يخطئ الكثيرون حينما يقولون
"لا تنظر خلفك ... ولا تنظر تحت قدميك... انظر دائما للامام"
من لا ينظر خلفه ليحتاط ضربات الغدر
ومن لا ينظر تحت قدميه ليتفادى اى فخ
لن يستطيع رؤيه المستقبل وتحمل مشقه الوصول لهدفه


You can see links before reply (You can see links before reply)



.:. السؤال .:.



بعد أن كنا نعيش بعقارب الزمن هل أصبحنا نعيش في زمـن العـقارب ..!؟!؟!؟!

العامل المشترك بين الحالتين ... نحن
لذلك نحن من نختار
ولسنا مجنى علينا من الاخرين



ايه ده
انا عارفه الناس بتجيب الافكار دى منين
ويتعبونا فى الرد
ميرسى يا اميرة
:bosyht9:
بس
مسيو وليد عسكر
08-10-2009, 10:56 PM
موضوع رائع يا اميرة ولي تعليق مطول عليه
فاصل ونعود
امل لاشين
08-10-2009, 11:01 PM
.:. عـــقـــارب الــســاعــة .:.


عقارب الساعة في
زحفها بين الثواني والدقائق قد اختلست أجمل العمر..ترى هل فكر أحدكم في هذا



ليه منقوليش ان قضينا اجمل لحظات وثواني ودقايق في العمر
وان لكل وقت ليه جماله ....وبالرضا والايمان نقدر نخلي ساعات وايام جميله في حياتنا .....او ممكن برده بايدينا انها تمر قاتله !!!!!
بكل الم



.:. عــقــارب الــدراســة .:.




كل يوم وكل دقيقه بنتعلم شيء في الحياه...
حتي لو كان اللي بنتعلمه مؤلم لينا
لكن برده بنتعلم علي الاقل ان نبعد عن الالم ....



.:. عــقــارب الــصــداقــة .:.




الصداقه علاقه جميله اوي منقدرشي نستغني عنها
لو فكرت ان فيها عقارب مش هكون اي صداقه في حياتي
ومش هنكر ان في بنقابل ناس لابسين قناع الاصدقاء
لكن مش بيدوم القناع علي طول ....



.:. عــقــارب الـحــب .:.


برده برفض ان يتقال عن هذه العلاقه عقارب ..
منقدرشي نعيش من غير وجود الحب في حياتنا بكافه اشكاله
ومن غيره هنكون عايشين من غير حياه عايشين وبس ...
ولكن ممكن اقول الآم الحب ...


.:. عــقــارب الأقــارب .:.


كان يقال في الماضي
" الأقارب عقارب"


هو فعلا بيتقال كده ....
لكن الاقارب هما الناس اللي مش بنختارهم في حياتنا
وبينا وبينهم اقوي علاقه ربنا وصي عليها
صله الرحم ...بس ياريت الكل يفهم كده



.:. وأخــيــرا" .:.


((لاتحص عدد العقارب من حولك أو في عمرك كي لاتكتشف أنك قضيت عمرك في جحر عقارب))


.:. السؤال .:.



بعد أن كنا نعيش بعقارب الزمن هل أصبحنا نعيش في زمـن العـقارب ..!؟!؟!؟!





لالالالالا ....الحياه لو اتحسبت كده يكون الموت افضل


انا مش هعيش علشان اعد واحصي عدد العقارب من حولي


الله خير حافظا وهو ارحم الراحمين ...


انا بعيش بحريتي طالما اني لا اتعدي علي حريه الاخرين


واعامل الغير كما احب ان اتعامل .....


وبعد كده حتي لو قابلت عقارب ...دايما بيظهروا علي حقيفتهم


وربنا يحمينا جميعا ....


وموضوع جميل يا اميره ...لكن حاسه انه متشائم وحزين...

وانا ضد التعميم في اي علاقه ونقول عقارب علي

الصداقه او الحب .....

حتي لو اكتشفنا فيها كل المساوئ

يمكن انا متفائله شويه :bosyht9:يمكن !!!!!
ميس صافيا
08-10-2009, 11:15 PM
لو ماعرفناش التعب استحاله نقدر قيمة الراحه
لو ما فيش كره عمرنا ما هانشوف الحب
لو ما فيش غدر مش هانحس بقيمة الامانه

هى الدنيا كده
لازم يبقى فيها عقارب عشان نحس ونقدر كل ما هو جميل واليف

تسلم ايدك يا اميره
موضوع جميل وعنوانه اجمل
Blanche Neige
09-10-2009, 12:45 AM
تلك هي أصدق جملة قيلت في هذا الموضوع
فكم يقتلنا الندم و نعض علي أناملنا من الحسرة
بعد أن تنقضي سنوات من العمر بل عشرات السنوات
مرت و كأن أحدنا قام ساعة ثم جلس
مرت كهمسة في وسط عالي الأصوات
أكثر ما ندمت عليه في حياتي
سنة أو اثنتين او سنوات
مرت كالبرق الخاطف
و لم أكد أشعر بشئ فيها
أستطيع أن أقول أنني استمتعت به
تلك هي اللحظات التي مرت
سريعا
نبكي كثيرا
و نظن بحسرتنا و بكائنا
أنها ستعود
و لكن هيهات
فاللحظات الجميلة
دوما ما تمر مر السحاب
فلنعض عليها بأيدينا و بأسناننا
و لنستمتع بكل ثانية فيها
فيما هو آت
لعلنا ندرك قيمة الوقت و قيمة الحياة
و لعلنا نقدر نعم الله التي لا نشعر بها أبدا إلا بعد فقدانها

موضوع يستحق جائزة نوبل في العلوم !!
نعم
فقد اكتشف كاتب الموضوع اكتشاف خطير
أن سنوات العمر أسرع 150 مرة من سرعة الضوء

سلمت يداكِ




باشكرك جداااا ياشريف على
المرور الجميل وعلى رأيك الاجمل
بس مع احترامى الشديد لرأيك طبعا انا
باختلف معاك فى نقطه صغيره كده وهى
ان ليه نندم على اللى فات من عمرنا طالما اللحظات
اللى فاتت دى مش مرت كده مرور الكرام بدون اى استفاده
حقيقيه منها ؟!؟!؟!؟ يعنى انا بافتكر ان كلنا الحمد لله حققنا حاجات
كتير اوى فى حياتنا منها الحلو ومنها الوحش يعنى المهم اننا
عملنا حاجه الايام والشهور والسنين لم تمر علينا مر الكرام لا بالعكس
يعنى عملنا كتير واكيد لسه هانعمل ان شاء الله اد ربنا مايقدرنا
يبقى ليه بقى الندم ؟!؟!؟!؟!؟
نورت الموضوع بردك الجميل اللى دايما بيسعدنى [/center]
Blanche Neige
09-10-2009, 12:54 AM
ايه ده
انا عارفه الناس بتجيب الافكار دى منين
ويتعبونا فى الرد
ميرسى يا اميرة
:bosyht9:
بس


ماهو يافندم الافكار دى
هى اللى بتخرج الردود الرائعه المبهره
دى امثال ردود سيادتك عشان نقرأ كلام مميز
ورأى فلسفى منطقى متوازن يدخل المخ من غير
اى استاذان ويحسه القلب كمان هى دى ردود العبقريه
دعـــــــــــــــــــــــاء شـــــــــــــــــديد
طبعا من غير كلام .... موضوعاتى بتزيد نور يادعاء
بمرورك المميز الجميل جداااااااااااااا
:6::38::6:
Blanche Neige
09-10-2009, 12:59 AM
موضوع رائع يا اميرة ولي تعليق مطول عليه
فاصل ونعود


الاروع هو مرورك الاول ياوليد
وانا فى انتظار المرور التانى والرد المطول
اللى بعد الفاصل ... بس ياريت الفاصل مايطولش
مش عاوزين نستنى كتير :16:
Blanche Neige
09-10-2009, 01:39 AM
لالالالالا ....الحياه لو اتحسبت كده يكون الموت افضل


انا مش هعيش علشان اعد واحصي عدد العقارب من حولي


الله خير حافظا وهو ارحم الراحمين ...


انا بعيش بحريتي طالما اني لا اتعدي علي حريه الاخرين


واعامل الغير كما احب ان اتعامل .....


وبعد كده حتي لو قابلت عقارب ...دايما بيظهروا علي حقيفتهم


وربنا يحمينا جميعا ....


وموضوع جميل يا اميره ...لكن حاسه انه متشائم وحزين...

وانا ضد التعميم في اي علاقه ونقول عقارب علي

الصداقه او الحب .....

حتي لو اكتشفنا فيها كل المساوئ

يمكن انا متفائله شويه :bosyht9:يمكن !!!!!


لا ياأمل هو الموضوع مش متشائم
ولا حزين زى ماانتى فاهمه ولا انتى كمان
متفائله زياده عن اللزوم انا هاقولك شخصيتك ايه
من خلال احساسى اللى باعتمد عليه
كتير انتى حد نقى اوى وشفاف ونفسك طيبه جداااا
عشان كده بتشوفى الناس كده
بس للاسف بالحياة فى الحلو والمر يعنى الحياة
عباره عن مجموعة من المتناقضات احنا طبعا عيشنها وحسنها
لازم نتاقلم معاها يعنى ماينفعش نشوف الحياه وردى
على طول زى ما بالتأكيد مش ينفع خالص اننا
نشوفها ملبدة بالغيوم دايما يعنى باختصار
شديد لازم نكون واقعيين عشان مش نحس
اننا عايشين وهم كبير واكيد اولا واخيرا
كلنا عارفين ان الله خير الحافظين
بس فى نفس الوقت بلاش
نضحك على روحنا
وندعى اننا كده ضادقين مع نفسنا لازم
نعيش الحلو والمر ونواجه كل شئ
صعب بالحياة والاهم من كل ده
ان ردك جميل جدا واسعدنى كتييييييييير
نورتى الموضوع ياامل
Blanche Neige
09-10-2009, 01:47 AM
لو ماعرفناش التعب استحاله نقدر قيمة الراحه
لو ما فيش كره عمرنا ما هانشوف الحب
لو ما فيش غدر مش هانحس بقيمة الامانه

هى الدنيا كده
لازم يبقى فيها عقارب عشان نحس ونقدر كل ما هو جميل واليف

تسلم ايدك يا اميره
موضوع جميل وعنوانه اجمل


الاجمل هو مرورك الجميل ياصافى
وردك ده بيأكد الكلام اللى انا قولته فى
درى على كلام أمل فال المشاركه بتاعتها
وهو ان الحياه متناقضات لازم نعيش الوحش فيها
عشان نحس الشئ الكويس وتستقيم الحياة
ميرسى ياصفاء على مرورك وردك الجميل
أبوبكر أحمد العملة
09-10-2009, 02:38 AM
ممكن اسال سؤال برىء


هل مفيش حاجة اسمها عقارب السعادة ....؟؟؟؟

شكرا على الموضوع المتميز جدا جدا



:27::27::27:
Blanche Neige
09-10-2009, 09:58 AM
ممكن اسال سؤال برىء


هل مفيش حاجة اسمها عقارب السعادة ....؟؟؟؟

شكرا على الموضوع المتميز جدا جدا



:27::27::27:


اكيد طبعا للسعاده ايضا عقارب
وده لسبب بسيط جدااااا ان احساس اى
حد فينا بالسعاده احساس مؤقت أى غير ادئم
فمن من الناس يعيش سعيدا سعاده مطلقه والى الابد ؟؟؟؟
لكن هماك الكثير من الناس من يحيون حياه صعبه
وغير سعيده دائما ... باشكر حضرتك ع المرور الكريم
محمد عبد العظيم وسية
09-10-2009, 10:35 AM
الخير موجود يا أستاذه أميرة والحمد لله
ودايما الواحد بينظر لنصف الكوب المملوء ... صحيح مافيش كوب اصلا .. في مصر الأيام دي

لكن معلشي ... بكره تفرج وتبقى عال ..

موضوعك جميل جدا

واقولك على سر .. بس مش عايز حد من الناس تطلع عليه ياريت من فضلك ..

أقولك ؟؟؟

قولي : في بير والجو دا ..

المهم

انا ما قرأت موضوعك وفي المقدمة بتاعته اللي بتتكلم عن الزمن اللي بيسرقنا وبيزززززززززحف علينا

انا حسيت انا شعري ابييض وركبت طقم سنان وسندت على العكاز وايديا ارتعشت وانا ماسك الماوس ومسكت الموبايل بالعافية ادور على رقم اقرب دار مسنين اكمل فيها الكام ساعة اللي باقيين ، قصدي الكام دقيقة .. قصدي الكام ثانــــــــــــــــــــــــ....................... .................................................. ..........................
Blanche Neige
09-10-2009, 11:08 AM
الخير موجود يا أستاذه أميرة والحمد لله
ودايما الواحد بينظر لنصف الكوب المملوء ... صحيح مافيش كوب اصلا .. في مصر الأيام دي

لكن معلشي ... بكره تفرج وتبقى عال ..

موضوعك جميل جدا

واقولك على سر .. بس مش عايز حد من الناس تطلع عليه ياريت من فضلك ..

أقولك ؟؟؟

قولي : في بير والجو دا ..

المهم

انا ما قرأت موضوعك وفي المقدمة بتاعته اللي بتتكلم عن الزمن اللي بيسرقنا وبيزززززززززحف علينا

انا حسيت انا شعري ابييض وركبت طقم سنان وسندت على العكاز وايديا ارتعشت وانا ماسك الماوس ومسكت الموبايل بالعافية ادور على رقم اقرب دار مسنين اكمل فيها الكام ساعة اللي باقيين ، قصدي الكام دقيقة .. قصدي الكام ثانــــــــــــــــــــــــ....................... .................................................. ..........................


ياسلالالالالالالالالالالالالالالام
اما استاذ محمد وسيه اللى كله نشاط وحيويه
بالرغم من اى شئ ((( على فكره انا ماسكه الخشب ومش بحسد))))
يقول الكلام ده ... يبقى الناس اللى زينا بقى يقولوا ايه ؟!؟!؟!؟
مش فاهمه انا طب دا حضرتك تقريبا كده اصغر منى
بكام شهر يعنى لسه بدرى اوى على الكلام اللى بتقوله ده يافندم
اما بالنسبه لموضوع الخير اللى موجود فى الدنيا فده
شئ طبيعى ومؤكد بس للاسف هو قل كتيييير
قوى عن زمان وانا اما باقول زمان طبعا
باقصد زمن ابائنا وامهاتنا واجدادنا
كمان اللى اكيد حكولنا عن زمان وخير زمان
اما بقى موضوع السر فلا تقلق خالص
السر فى بيييييييييير مالوش قراربس كل اعضاء المنتدى اكيد
هايعرفوه بس مش منى
والله
عموما باشكرك جداااا على المرور الكريم
مسيو وليد عسكر
09-10-2009, 12:11 PM
اولا يا اميرة اسمحي لي اعبر لك عن اعجابي الشديد لاختيارك لهذا العنوان العبقري بما يتضمنه من محسنات بديعية قمة في العبقرية 00والذكاء اللغوي00
اختيارك للعقارب اختيار ذكي جداا لان لها معني قريب ومعني بعيد علي حد تصوري البسيط 00
المعني القريب الزمن
والمعني البعيد الغدر لان لدغة العقرب فيها غدر وخيانه واعتقد انك نجحتي بكل مهارة في نقل فكرة اللدغات في حياتنا سواء في نطاق الاصدقاء او الاسرة او حتي مع الحبيب
موضوع يحتاج ان نقرأه اكثر من مرة
وفي كل مرة سنجد تناغم داخلي في قمة الذكاء في سياق عرض الموضوع واختيار ذكي ومعبر جداا عن كل كلمة وردت به 000احييكي بكل صدق علي موضوعك واتمني لك مزيد من الابداع وسلمت أناملك يا اميرة:27:
Blanche Neige
09-10-2009, 12:46 PM
اولا يا اميرة اسمحي لي اعبر لك عن اعجابي الشديد لاختيارك لهذا العنوان العبقري بما يتضمنه من محسنات بديعية قمة في العبقرية 00والذكاء اللغوي00
اختيارك للعقارب اختيار ذكي جداا لان لها معني قريب ومعني بعيد علي حد تصوري البسيط 00
المعني القريب الزمن
والمعني البعيد الغدر لان لدغة العقرب فيها غدر وخيانه واعتقد انك نجحتي بكل مهارة في نقل فكرة اللدغات في حياتنا سواء في نطاق الاصدقاء او الاسرة او حتي مع الحبيب
موضوع يحتاج ان نقرأه اكثر من مرة
وفي كل مرة سنجد تناغم داخلي في قمة الذكاء في سياق عرض الموضوع واختيار ذكي ومعبر جداا عن كل كلمة وردت به 000احييكي بكل صدق علي موضوعك واتمني لك مزيد من الابداع وسلمت أناملك يا اميرة:27:


ميرسى ياوليد جداااا على ردك الجميل
ومرورك الرائع وتحليلك العميق للموضوع للتأكيد
على المعنى المراد وعلى فكرة الموضوع اللى فهمتها انت
كويس ... دايما ردودك بتسعدنى وبتثرى الموضوعات
وحلوه اناملك دى هاتعجب مستر وسيه اوى