الأجرة موحـــــــدة يا بيه

[شريف]

هم دولة داخل الدولة .. لهم قوانينهم .. ..
ولهم لغتهم الخاصة .. بل ولهم من يحميهم و يذود عنهم .
. انهم عفاريت الاسفلت .. سائقو الميكروباص.

You can see links before reply

فهؤلاء بسبب طريقة تعاملهم مع بعضهم ومع المواطنين
تسببوا في نشر ما يمكن أن نطلق عليه "ثقافة المكيروباص".
ولعلنا لاحظنا أن العشرات من المصريين أصبحوا
شديدي العنف والإثارة بمجرد اللمس وهي إحدى نواتج هذه الثقافة
(إلى جانب الضغوط الاقتصادية بالطبع)
وهو ما لم يكن خلق المصريين بحال في عقود خلت نترحم عليها إلى الآن.
حتي لو عندك سيارتك الخاصة
لابد وانك هتتأذي منهم بأي شكل من الاشكال
سواء الاحتكاك بهم
أو سماع أصواتهم الأشبه بأصوات الحمير
بلا مبالغة

You can see links before reply

حقيقة أصبحت أشعر بالمهانة الشديدة
إذا ما استقللت إحدى هذه السيارات
ولعل الحظ قد اتعسك بمشاجرة بين اثنين من هؤلاء
(أسأل الله ألا يكون معك أحد من نساء بيتك)

لتسمع دروساً في فنون سب كل ما هو حي وميت ومقدس أو غير مقدس
، إضافة الى ردود الأفعال المغالية في التطرف، فبعض هؤلاء المتصارعين يقضون مساءهم على مقهى يشربون ويأكلون وفي الصباح يقتل أحدهم زميله بكريك أو مفك أو مطواه لخلاف على الدور أو غرزة أخذ بها "نص جنيه بيتدحرج"
(الراكب في لغتهم) وربما لسبب أتفه من ذلك،

You can see links before reply

وأنا على يقين من أن السبب في كل هذا الافتراء والعنجهية و"النمردة"
من هؤلاء هو حماية بعض أفراد الشرطة لهم
(بل إني ركبت في يوم ما مع أحد مندوبي الشرطة يعمل
على السيارة ليلاً ويلقى بالسلام على كل من يقف في لجنة تقابله بالاسم)
سواء بالمعرفة الشخصية أو بغيرها (!!)

You can see links before reply

وبالتالي فمن الصعب جداً أن تجده يتعامل مع الراكب باحترام
لأن هذه النوعية ما إن تشعر بوجود سلطة أو (ظهر)
لها تتفنن في إظهارها أمام الجميع وتستخدمها في أتفه الأمور ..
ولعلك تساءلت كيف تسير هذه السيارة وهي محطمة في الشوارع
أو كيف تسير وهي تطلق هذا الكم من الدخان في الطريق دون أن يوقفها أحد ..

أظنك علمت الإجابة !!
وحتى لا نكون دعاة انهزامية وسلبية،
اليكم بعض الحلول المقترحة سواء مني أو ممن أهمهم الأمر فكتبوا عنه:
يجب إنشاء خط ساخن لتلقي شكاوي المواطنين بشأن وسيلة المواصلات هذه.
لا تتردد أبداً إذا ما خالف السائق الأصول معك أو إذا ما حاول تجزئة المسافة واذهب به إلى أقرب ضابط شرطة أو نقطة أمنية


You can see links before reply

(حاول أن تجمع معك بعض الشرفاء ممن
لم تقض المبيدات المسرطنة على رجولتهم).
تكثيف اللجان المرورية الخاصة بهذه النوعية من السيارات طالما
أنها أضحت أمراً واقعاً لا فكاك منه إلا بعد أن يتغير الحال في مصر كلياً
ونصبح شعباً راقياً متحضراً
(يدي أولادنا وأولادكم طول العمر إن شاء الله!).
لا تستسلم لمن يتطاول عليك وإن كنت تخشى على حياتك
فلا داعي للركوب مع هؤلاء من الأصل وانتظر
الى أن يمن الله عليك بسائق محترم (معاشي أو مصري).
وأخيراً أترككم مع بعض الكلمات التي لابد وأنكم سمعتموها
من السادة سائقي الميكروباص:
ملحوظة: يمكن إضافة جملة (مش عاجبك انزل) بجانب
أي من العبارات الوادرة بالأسفل توضيحاً للمعنى !

You can see links before reply

خشوا جوا شوية يا حضرات .. والله العربية فاضية جوا
(دي فاضية يا كداب .. دا أنا واقف على رجل واحدة).
كل واحد أجرته في ايده يا حضرات وياريت فكة
(أصل الباشا ما بقاش يمد ايده ياخد الاجرة انت
اللى ترفع إيدك بالإتاوة وممكن تروحله لحد عنده ويارب يقبلها منك!).
اخلصي يا مدام وانزلي (والست عجوزة وحالتها تصعب
على الواحد بس علشان لازم ينجز علشان يلحق يجيب
السواق التاني قبل ما يسبقه في الدور).
الكنبة اربعة يا بيه (ما انت لازم تتنزق ويتقطع نفسك
علشان خاطر البيه يعمل قرشين كويسين آخر اليوم).
الأجرة موحدة يا بيه (نفسي أعرف مين اللى وحدها
.. يعني تركب محطة زي عشرة .. عجبي ).
طيب العربية مش طالعة .. يالا انزلوا يا حضرات
(دا لو واحد من الركاب حب يعمل فيها جدع ويحط راسه براس الباشا ).
الاجرة زادت يا حضرات .. البنزين غلى ..
(وهو عربيته جاز أصلا ولو جدع ومش خايف على عيالك اعترض !!).
وطي الكاسيت شوية يا اسطى .. الكاسيت بايظ ما بيوطاش يا بيه (!!).

[طارق ممدوح ذكي محمد]

والله معاك حق يا شريف

الموضوع اصبح صعب جدا

وانا عن نفسي ما بركبش الميكروباص الا لما احب اعاقب نفسي ..

ولو ان عندنا في المنيا التاكسي بقى قريب من المكيروباص

الفارق هو في الاجرة .. وان سواق التاكسي بيتكرم ويوصلك قريب من المكان شوية

اذن ... المشي هو الحل ... الا اذا اضطررت لحمولة معك او لمرافقة اهل بيتك

[محمد عبد العظيم وسية]

واحشني جدا يا مستر شريف ووحشتني موضوعك الرهيبة دي ..

انت اكيد بتتكلم على مواصلات القاهرة على وجه الخصوص

الحياة عندنا هنا في الزقازيق مش زرقه اوي زي عندك ..

أو يمكن تقول الواحد بقالو سنين لم يحتك بالمكروباصات والسيارات الأجره والتاكسيات ... ففقدت الذاكرة

لكن كلامك كله تمام ..

ــــــــــــ
بس الواحد لو داق بيه الحال وساب مهنة التدريس واشتغل على مكروباص ...

ياترى ... هيتطبع بأخلاق سواقين المكروباصات والتاكسيات ... الا هيفضل ( المعلم السائق المحترم الخلوق ) ؟؟

سؤال يطرح نفسه .. معكم شريف أو العافيه ... قطاع : عتبه عتبه امبابع امبابع امبابع

[ناصر الفخرانى]

بصراحة
نستاهل أكتر من كده
طالما أننا نرى الخطأ ولا نبادر بتصحيحه.
لكن : ليس كل سائقى الميكروباص كذلك .

[شريف]

وانا عن نفسي ما بركبش الميكروباص الا لما احب اعاقب نفسي ..


علي كده بقا احنا بنعاقب نفسنا كل يوم :)
القاهرة أصعب بكتير يا مستر طارق
حاجة بشعة بجد
و ألفاظ كل يوم تسمعها يعاقب عليها القانون
سيبك انت
نورت الموضوع والله

[شريف]

واحشني جدا يا مستر شريف ووحشتني موضوعك الرهيبة دي ..

و الله انت اللي واحشني وواحشنا كلنا



بس الواحد لو داق بيه الحال وساب مهنة التدريس واشتغل على مكروباص ...


ياترى ... هيتطبع بأخلاق سواقين المكروباصات والتاكسيات


تصدق فعلا

بعد موضوع انفلونزا الخنازير

انا بفكر اشوف اي مهنة تانية
و غالبا
هلم أجرة في أي ميكروباص
لكن بأخلاق المدرس :)

[شريف]

بصراحة
نستاهل أكتر من كده
طالما أننا نرى الخطأ ولا نبادر بتصحيحه.
لكن : ليس كل سائقى الميكروباص كذلك .

فعلا والله يا مستر ناصر
عندك الف حق
و زي ما بيقولوا
السكوت علامة الرضا
و احنا ساكتين علي طول
و راضيين علي طول
الف شكر علي مرورك الرائع
نورت الدنيا يا مستر

[محمد عبد العظيم وسية]

[quote=محمد عبد العظيم وسية;101504]واحشني جدا يا مستر شريف ووحشتني موضوعك الرهيبة دي ..
[quote]
و الله انت اللي واحشني وواحشنا كلنا


تصدق فعلا
بعد موضوع انفلونزا الخنازير
انا بفكر اشوف اي مهنة تانية
و غالبا
هلم أجرة في أي ميكروباص
لكن بأخلاق المدرس :)

طيب تعالى بالمناسبة بقا نقترح

على إخوانا المدرسين ( الوظيفة الجديدة )

تبّاع ــــــــــ بتضعيف الباء غصب عنك

السيد المدرس سابقا بيلم الأجره الآن ... فبيقول :

أهيب بكم أيها الركاب الأفاضل والراكبات الفضليات بضرورة تسليمي الأجرة وهي قيمتها جنية واحد وخمسه وسبعون قرشا ــ وممنوع الربع جنيه المخروم ... ماحدش بياخده لأنه معيوب .

ـــــــــــ
تفضل أيها السائق المبجل أجرتك وأرجو مراجعتها قبل مغادرة الخزينة .. قصدي قبل البنزينه .

ـــــــــــ
أيها الركاب الأفاضل والفضليات ... من سينزل المحطة القادمة يرفع يده ...
أرجوكم بهدوء وإلا المبجل الناظر السائق سوف يقذف بكم من شباك الميكروباص .

ــــــــــ
أيها الراكبات الغير فضليات .. ممنوع الماكياجات ... ممنوع الميكرو جيب داخل الميك روباص .... ممنوع اللوك لوكلوك ....... ممنوع البنطلوات الساقطة الفاشلة التي تبرز كل الـــــــــــــأخلاق الفاسدة والتربية المنحطة .... مين بقا نازل المحطة ؟

تابعونا بعد الفاصل ...... قصدي بعد البنزينه .

[دعاء شديد]

طبعا يا شريف كلامك كله صح
بس احب اضيف شيء
لما بيحصل ولجنه تسحب رخص سواق ميكروباص
ايه الي بيحص
تلاقى التباع بيقوله "اتصل بسيد بيه"
وهو هيجبهالك

تقدر تقولى هنشتكى مين ولمين؟؟؟؟؟؟؟؟؟؟

وكمان دول فئة كلامهم بين كل شتيمة وشتيمة ... بيقولا شتيمة
هتكلمهم ازاى وهتقولهم ايه ؟؟؟؟؟؟؟؟؟؟؟
على فكرة كلامى مش معناه السلبيه لكن للاسف ده واقع
ومش هتقدر تتعامل معاه
لانك لن تجد لغه مشتركة بينك وبينهم للتفاهم

بس اكيد هيكون فيه حل
قول يا رب
:friendsxs3:
يا ريت كل واحد يلاقى سلبيه ... يسلط الضوء عليها
لان ده اول طريق الايجابيه
:18:
ميرسى يا شريف

[شريف]

طيب تعالى بالمناسبة بقا نقترح


على إخوانا المدرسين ( الوظيفة الجديدة )


تبّاع ــــــــــ بتضعيف الباء غصب عنك


السيد المدرس سابقا بيلم الأجره الآن ... فبيقول :


أهيب بكم أيها الركاب الأفاضل والراكبات الفضليات بضرورة تسليمي الأجرة وهي قيمتها جنية واحد وخمسه وسبعون قرشا ــ وممنوع الربع جنيه المخروم ... ماحدش بياخده لأنه معيوب .


ـــــــــــ
تفضل أيها السائق المبجل أجرتك وأرجو مراجعتها قبل مغادرة الخزينة .. قصدي قبل البنزينه .


ـــــــــــ
أيها الركاب الأفاضل والفضليات ... من سينزل المحطة القادمة يرفع يده ...
أرجوكم بهدوء وإلا المبجل الناظر السائق سوف يقذف بكم من شباك الميكروباص .


ــــــــــ
أيها الراكبات الغير فضليات .. ممنوع الماكياجات ... ممنوع الميكرو جيب داخل الميك روباص .... ممنوع اللوك لوكلوك ....... ممنوع البنطلوات الساقطة الفاشلة التي تبرز كل الـــــــــــــأخلاق الفاسدة والتربية المنحطة .... مين بقا نازل المحطة ؟


تابعونا بعد الفاصل ...... قصدي بعد البنزينه

ههههههههههههههههههه
ههههههههههههه
و الله وحشتني تعليقاتك
يارب ما تكونش موجود النهاردة بس
عشان اجازة
و بعدين من بكرة مانشوفكش
اوعا

[dream]

بصراحة الاخلاق العامة فى الشارع


اصبحت منحدرة جدا


سواء بقى سائقى الميكروباص او تباعيه


او حتى بعض من سائقى الملاكى


واصبح الكثير منا يسمع الفاظ يعاقب عليها القانون


وهو ماشى او راكب


وكفاية قوى الحصل فى الحادثة الاخير ب 6 اكتوبر


عندما اتخانق التباع مع السائق واخذ التباع الميكروباص وساقه


وتسبب فى حادثة كبيرة


ضاعت بسببه ارواح


يعنى مش بيكتفوا بالالفاظ والشتائم


لكن بيتسببوا فى حوادث


ربنا يرحمنا جميعا


شكرا استاذ شريف على الموضوع

[شريف]

تقدر تقولى هنشتكى مين ولمين؟؟؟؟؟؟؟؟؟؟


عندك حق يا دعاء و الله
نشتكي لربنا بقا

[شريف]

بصراحة الاخلاق العامة فى الشارع
اصبحت منحدرة جدا

جدا جدا
بشكل بقا مستفز
و الشتايم بقت علي كل لسان
يوميا
لا بيراعوا حريم موجودين في العربية
و لا بيراعوا دين و لا اخلاق و لا اي حاجة خالص
كلامك مظبوط
شكرا جزيلا علي مرورك العطر استاذة احلام

[Blanche Neige]

طبعا موضوع رائع وقضيه مهمه جدااا وتستحق
ان تكون موضوع للنقاش قضية زحمة المواصلات والتى
وان صح القول هى ازمة وخنقه بجد الموضوع
اصبح لا يطاق مش فى الميكروباص بس
لا دا فى كل وسائل المواصلات يعنى انا اصلا مش باركب
ميكروباص لانى باتخنق من الزحمه جدااااااااا
لكن التاكسيات كمان بقيت حاجه صعبه جدا جدا جدااااا
لان التاكسى لازم يزل انفاسك عشان يرضى يقفلك اصلا وكمان
طول ماانت راكب تسمع من السائق ما لا تشتهى الانفس
وكمان ممكن يكون مشغل شريط اغانى بقى بس ايه
بيئه اخر حاجه تحس انك قاعد فى مولد ومش مهم
بقى الزبون دا اصلا اخر حاجه البيه السواق
يفكر فيه ولا اذا جالك تليفون وانت فالتاكسى تفتكر
انك تقدر ولا تجرأ انك تقوله يهدى الصوت شويه ؟؟؟؟؟؟؟؟؟؟؟؟
يبقى يوم ماطلعتلوش شمس اصلا وكمان بقى
ايه فى تاكسيات بتبقى ماركة هليكوبتر
يعنى تحس انك راكب طياره وان البيه السواق دا طيار مش سواق
كده عادى من السرعه المجنونه اللى بيسوق بيها وكمان
خد عندك شتيمه فى خلق الله اللى ماشين عالارض
واللى راكبين عربياتهم كمان ودا لان الدنيا زحمه
المنصوره اصلها مدينه صغيره وزحمه الحقيقه
يعنى بكل صراحه احنا محتاجين معجزه بجد
عشان نترحم من ازمة المواصلات دى
عموما مافيش فعلا غير ربنا نشكيله
ولله الامر من قبل ومن بعد
موضوع هايل ياشريف
:27::27:

[شريف]

وكمان ممكن يكون مشغل شريط اغانى بقى بس ايه
بيئه اخر حاجه تحس انك قاعد فى مولد ومش مهم



ههههههههههههههههه
فكرتيني بالاغاني البيئة اللي الواحد بيسمعها
في الميكروباصات و التاكسيات
ههههههههههههه
و الله هم يضحك و هم يبكي
بحس ساعتها اني في زار
اقعد اهز في راسي يمين و شمال مع الاغنية ( ان صح التعبير)
ليس طربا و استمتاعا بها
و لكن استسلاما للموقف
تقدري تسميها حالة هيستريا
و بفضل كده حتي بعد ما انزل من الميكروباص :)
حالة عصبية بعيد عنك :bosyht9:
شكرا علي مشاركتك الدسمة
و تنسيقك الرائع للرد
بحس اني شايف هرم خوفو بالمقلوب :)

[مسيو وليد عسكر]

موضوع في اللذيذ كعادتك دائما يا شريف
له كاريزما خاصة 00
واسلوب تنفرد به000
في عمل اي موضوع في العام00
وحقيقي انا بنتظر أي موضوع لك00
واحب أقرأه أكثر من مرة00
لانه في كل مرة00
بتكون درجة المتعة أعلي 00
وطبعا عالم الميكروباص00000000
عالم خاص جداا00
ولن نعمم حكمنا عليهم ولكن نقول00
ان غالبيتهم لا يراعون الله والضمير الانساني
بلطجة00
مخدرات00
قلة ادب00
الفاظ تخدش الحياء 000
ذوق هابط رديء في الاغاني00
وليهم لغة مشتركة00
الزبون عندهم مجرد خمسين قرش00
والسيارة يسموها عجل بفتح العين والجيم00
والدور بيسموه فردة000
وبتوع المرور حكومة00
وليهم حاجات غريبة بيحطوها علي العربيات
مثلا تلاقي :-


*( بتبص علي ايه يا عبيط...........دي جايه بالتقسيط )
*الحلوة من اليابان وصاحبها راجل غلبان
*الحلوة اسمها عنايات وليها اربع عجلات
*( سولار فى التنك ولا دولار فى البنك )
*متبصليش بعين راضيه بص للي اتدفع فيا
*صبح تاتا اتنين فى تلاته
*يا تعدي يا تهدي
* الحلو لما يدلع
*عضه اسد و لا نظره حسد
* متبحلقش يلوح دى جت بطلوع الروح
* متبصليش بعين راضيه ... دانا طلعت عيني في السعودية
*سواق القطش .. مبيغلطش ((الترجمة ))
يعني : سواق القطر ( الي هوا الميكروباص يعني ) .. مهما عمل ... ميبقاش غلطان
*ياسواقيين نص كوم روكا هيقطعكم
*....الاموره ملك بتمشي بزمبلك ....
*.... الاجره يبيه ومتعملش فيها عبيط ....
--------------------------------------------
بجد تشعر بغثيان من هذا التدني وقليلا ماتجد سائق محترم يشغل قران ويحترم الركاب ويتعامل معهم بادمية وانسانية
احييك يا شريف علي موضوعك المتميز وربنا يبعد عنك شر عفاريت الاسفلت دول:18:

[مدرس لغة عربية]

بجد موضوع جميل جداااااا بس عندنا فى طنطا مش كدة او يعنى مش زى القاهرة طبعا و بالاخص ممكن تشوف شوية من دة فى بلدى التانية و هى الفيوم

و بجد التوبك فوق الرائع و الردود كلها جميلة جدااااااااااااااااااااااااااااااا

[شريف]

موضوع في اللذيذ كعادتك دائما يا شريف




الشئ المدهش
ان مشاركاتك في اي موضوع ليا
بتبقا أنقح من الموضوع نفسه

تسلم يا أعز الناس :)

[ميس صافيا]

فعلا والله حكاية الالفاظ دى شىء يجرح ويحرق الدم
انا للاسف ما باقدرش اعمل لهم حاجه غير انى احسبن عليهم
ففعلا حسبى الله ونعم الوكيل فى الناس اللى لا بتراعى حرمة دين ولا اخلاق
ولا وجود ناس محترمه ما لهاش اى ذنب فى سماع الكلام ده
وربنا يستر على ولادنا

[دعاء شديد]

اغرب تعليق سمعته من سواق ميكروباص لسواق تاكسى

طبعا سواق الميكروباص خبط التاكسى

نزل سواق التاكسى وبيسأله بكل براءه ... ينفع كده ؟؟؟؟

قاله يا عم انت بتتكلم فى ايه

انت عارف "احنا بنسيب دماغنا فى البيت قبل مننزل"
يعنى من الاخر "انا قافل على دماغى وسايبها ونازل"
يلا الله يسهلك

طبعا سواق التاكسى ... خصوصوا انه
من اصحاب التاكسيات الحديده ... البيضاء ام عداد

ركب التاكسى فورم ومشى يا عينى
ولا اخد حق ولا باطل منه
:7:
تخيلوااااااااا !!!!!!!!!!!

[أبوبكر أحمد العملة]

الاستاذ الفاضل / شريف

هو مفيش مرة ركبت مع سواق ميكروباص متدين ومحترم ...؟؟؟؟


دائماً كده..... النص الفاضى على طول ....!!!!

أنا بصراحة بحسدك على حظك الحلو ...!!!

لانك بالتاكيد ممكن تطلع لنا افكار حلوة لحل مشكلةالميكروباص بالقاهرة قريباً


:27::27::27:

[شريف]

هو مفيش مرة ركبت مع سواق ميكروباص متدين ومحترم ...؟؟؟؟

لا طبعا
حصل كتير
و في ناس قمة في الاحترام
بركب معاهم يوميا
هوا انا قلت في الموضوع
اني عمري ما ركبت مع سواقين محترمين؟؟؟
!!!
ياريت تقرا الموضوع
بتمعن يا استاذ ابو بكر لو سمحت







دائماً كده..... النص الفاضى على طول ....!!!!

مش فاهم حضرتك تقصد ايه؟
يعني ايه النص الفاضي علي طول ؟
انت شايف ان موضوعاتي
كلها تشاؤم ؟
انا عمري ما كتبت موضوع يدعو
الي التشاؤم أبدا
لازم أكتب حلول لأي مشكلة
من وجهة نظري
و ياريت حضرتك تجيب دليل
علي التهمة دي






أنا بصراحة بحسدك على حظك الحلو ...!!!

ماله حظي يا استاذ أبو بكر؟؟؟
و ايه علاقة حظي بالموضوع؟
حضرتك ليه بتتكلم عن كاتب الموضوع
بشكل شخصي
مع ان الموضوع مشكلة عامة في مصر
هوا حضرتك مش عايش في مصر؟





لانك بالتاكيد ممكن تطلع لنا افكار حلوة لحل مشكلةالميكروباص بالقاهرة قريباً




انا بالفعل كتبت حل من الحلول
و قلت في الموضوع اننا لا ينبغي ان نقف مكتوفي الايدي
أمام سائقي الميكروباصات اللي من النوعية دي
و رغم ذلك
انا ما عممتش نهائي
و لا قلت ان كل سواقين مصر كده
لكن فعلا لو حضرتك بتركب ميكروباصات
و ميني باصات
و معندكش عربية
هتعرف كويس الكلام اللي انا بقوله
لانها مش مشكلة فردية
دي مشكلة عامة الكل عارفها
و شايفها كل يوم
مش محتاجين نجادل في انها موجودة ولا لا
و بعدين لما نتكلم عن مشاكل بلدنا
و نسعي الي حل لها
ده في نظر حضرتك تشاؤم ؟؟؟؟؟؟؟
و بعدين كلام حضرتك متناقض شوية
حضرتك بتلوم عليا اني جسدت المشكلة
و في النهاية
حضرتك اعترفت انها مشكلة و قولت
((( لحل مشكلةالميكروباص بالقاهرة قريباً )))



منتظر رد حضرتك يمكن أكون فهمت غلط

[أبوبكر أحمد العملة]

صديقى العزيز واخى الكريم / شريف

هو ممكن تكون فهمت غلط بس لو انت كنت مكشر وزعلان شوية ...

لكن لو قرات مشاركتى وانت متفائل ومبتسم ....بالتاكيد ردك هيكون مختلف ...!!!

بشكرك على التحليل النفسى لردى ومستنى اشوف انت مكشر وزعلان والا مبتسم ومبسوط

هنا ستجد اختلاف كبير بين الحالةالاولى والحالة الثانية ...

بس بشرط اقرأ سيادتك ردى مرة ثانية ..

ستجدنى متفق معك ولكن مع استخدام الاسلوب الابتكارى ببساطة شديدة ....

جزاك الله خيرا


:27::27::27:

[شريف]

لكن لو قرات مشاركتى وانت متفائل ومبتسم ....بالتاكيد ردك هيكون مختلف ...!!!

انا قرأتها و انا مبتسم مرة و مرة تانية و انا زعلان و مرة و انا بضحك
و مرة وانا بزعق و مرة و انا مع ناس و مرة وانا لوحدي
و النتيجة كانت واحدة
عموما حصل خير
و نورت الموضوع يا مستر

[أبوبكر أحمد العملة]

من الواضح انى تعبتك جدا

أنا اسف ...وحرمت .... ومش هعمل كده تانى ....خالص ....

شكراً لسعة صدرك يا ابو قلب طيب..... ومش حظ حلو المرة ده


:17::6::6::17:

[نعمه محمود]

بجد موضوع في الجوووووووون
على الرغم انى نادرا جدا ما أركب هذا النعش الطائر
الا اننى أُكن له كل الكراهية والبغض .هذه النوعية من البشر (إلا من رحم ربي).تتفن في ابتكار كل ماهو بذىء وهى السبب الرئيسي لانتشار ثقافة البذاءة في الشارع المصرى.تسمع أبشع الالفاظ وأقبح الأغانى وتصمت والا
آخر موقف حصل لى معاهم بقي كنت في شارع شبرا وراكبة معايا واحدة صاحبتى والميكروباص بيركب في وسط الشارع من غير ما يركن وانا يادوب بكسر شمال عشان اكمل طريقي الا ولاقيت التباع سايب الميكروباص
ونازل عمل يخبط على كبوت العربية وبصوت من أنكر الأصوات اللي في الدنيا بيقولى انتى ازاى تعملى كده وانا مقدرتش افتح بقي بكلمة ببص لصاحبتى لقيتها ميتة من العياط وبتقولى ازاى تسمحى له يتكلم كده
قلت لها ده مش بيتسمح له ده بيعمل اللي هو عاوزه

[شريف]

لقيتها ميتة من العياط وبتقولى ازاى تسمحى له يتكلم كده قلت لها ده مش بيتسمح له ده بيعمل اللي هو عاوزه
فعلا
غياب تطبيق قوانين المرور علي هؤلاء
هو السبب الرئيسي في أنهم أصبحوا قوة ببذائتهم
يعملوا فعلا اللي هما عايزينه
و صعب اوي سيدة محترمة تقف تتكلم مع هؤلاء
لانهم أقذر من أن يتحدث معهم المحترمين
بألسنتهم الطويلة التي تقطر سما
و شتائمهم الفظة التي يسمعها كل امرأة و كل بنت تركب معهم

شكرا جزيلا علي مرورك الرائع القيم