المساعد الشخصي الرقمي

مشاهدة النسخة كاملة : فى حد يعرف أخبار عن المدرسين العاملين بالعقود المؤقته؟



الصفحات : 1 [2] 3 4 5 6 7 8 9 10 11 12 13 14

يارب الجنة
07-11-2009, 09:00 PM
وياريت لو عرفتم حاجه عن امتحانات الicdl
تقولولى

يارب الجنة
07-11-2009, 09:01 PM
ادعولى لأنى داخله الإمتحان يوم 20_11
وخايفه جدا

حاتم شوقى
07-11-2009, 09:26 PM
الموظفين قاعدين الان فى ادارة بيلا يكتبوا اسامى راس العمل لكى ينتهوا منها الليلة يروحوا كفرالشيخ بكرة علشان يمضوا الميزانية المخصصه لها
وشكرا

مشمشاية
07-11-2009, 09:59 PM
ايوة يا استاذ حاتم والجوابات مش هتتوزع الا يوم الثلاثاء من مصدر موثوق منه فى الادارة قالى متروحيش بكرة وتعالى يوم الثلاثاء

مشمشاية
07-11-2009, 10:00 PM
ربنا معاكى يا اختى ويوفقك وتنجحى

noha77
07-11-2009, 10:26 PM
شكرا استاذ حاتم بس ياريت متنساش لان الموضوع ده زاعجني جدا
ويارب تستريحوا وتاخدوا جوابتكم وترجعوا عملكم الاسبوع ده ان شاء الله
ويارب ييسر لنا أمرنا جميعا
ويوفق يارب الجنة في امتحانتها

mostafa22
08-11-2009, 02:51 AM
دورة icdl الى بتوع العقود المميزة مطالبين انهم يخدوها فى خلال 6 شهور انا بقول نخدها برحتنا يعنى احنا لسه قدمنا وقت بس انا همتحن فى مركز خاص السكل كارد180 جنيه وكل امتحان 40 جنيه
بس فى حاجه ارخص تبع وزارة الاتصالات بتروح تسأل عليها فى مركز التطوير فى كفر الشيخ الى على طريق صبرى القاضى وتحجز فيها

دا تمام
لان دا فعلا الشهاده المعترف بيها فى الخارج
لازم scale card لانه تبع اليونسكو
واى شهادة تانيه يبقى بضحكوا عليكم ممكن تمشى فى مصر ولكن بره متنفعش
انا ناوى امتحنها فى الاسكندريه ان شاء الله

mostafa22
08-11-2009, 02:57 AM
ايوة يا استاذ حاتم والجوابات مش هتتوزع الا يوم الثلاثاء من مصدر موثوق منه فى الادارة قالى متروحيش بكرة وتعالى يوم الثلاثاء

تانى يوم الثلاثاء
ويوم الثلاثاء يقولوا تعالى الاربع
والاربع يقولوا الخميس
وهكذا الى مانهايه ربن يستر
وينزلوا الاسماء بكره ان شاء الله

mostafa22
08-11-2009, 04:23 PM
السلام عليكم
انا رحت الاداره انهارده ونفس الكلام تعالوا بكره
وبيقولوا الاسامى هاتنزل الثلاثاء
علشان مدير الاداره انهارده هو والمسئول عن التعاقدات ومعاهم الاسماء فى كفر الشيخ
انهارده والاسماء هاتنزل الثلاثاء
ربنا يسهل بقى ونخلص من الحكايه دى

مشمشاية
08-11-2009, 04:47 PM
فعلا يا استاذ مصطفى عندنا نفس الكلام هانت ان شاء الله كل تأخيرة وفيها خيره

elbarshomy
08-11-2009, 05:30 PM
الله يسامحكم
عشمتونا وخلاص
النهارده فى سيدى سالم تم توزيع الناس ليس على اساس راس العمل
ولكن على اساس التقدير
وسلم لى على الفاكسات والاعتصامات والاضرابات
وعاش محافظ كفر الشيخ الهمام
وعاش الحزب الوطنى الديمقراطى
وتسقط االقيم والمبادئ ومعاهم راس العمل وتعيش الكوسه

mostafa22
08-11-2009, 05:54 PM
الله يسامحكم
عشمتونا وخلاص
النهارده فى سيدى سالم تم توزيع الناس ليس على اساس راس العمل
ولكن على اساس التقدير
وسلم لى على الفاكسات والاعتصامات والاضرابات
وعاش محافظ كفر الشيخ الهمام
وعاش الحزب الوطنى الديمقراطى
وتسقط االقيم والمبادئ ومعاهم راس العمل وتعيش الكوسه

انته بتتكلم بجد
لان صعب الكلام ده يحقق
لانهم اعلنوا انهارد التوزيع على اساس راس العمل
وان شاء الله يوم الثلاثاء هاتنزل الاسماء ونستلم الجوابات
على اساس راس العمل مره اخرى باكد
يبقى بقى فى لعب عندكم فى الاداره اشتكوا بقى
استفسروا

mostafa22
08-11-2009, 05:56 PM
فعلا يا استاذ مصطفى عندنا نفس الكلام هانت ان شاء الله كل تأخيرة وفيها خيره

والكلام ان عندكم ايه انهارده
برضه على اساس راس العمل

elbarshomy
08-11-2009, 06:39 PM
والله ده اللى حصل النهارده
وعلى العموم مدير الادارة بتاعتنا كان فى المديرية النهارده
وكنت انا فى الادارة اثناء عودته ولكنى لم انتظر حتى اعرف من مصادرى ماذا تم
واللى مضى الجوابات النهارده بتاعة الناس اللى خدوها
السيد وكيل الادارة بتاعتنا
ربما يكون بكره فيه تغيير
ولكن المشكله ان الناس خدوا جواباتهم

mostafa22
08-11-2009, 06:52 PM
والكلام عندكم ايه انهااااارده
برضه على اساس راااااااااس العمل

يارب يكون خير

مشمشاية
08-11-2009, 07:09 PM
اخر كلام سمعناه امبارح ان التوزيع هيكون على رأس العمل وقالوا تعالوا يوم الثلاثاء لاستلام الجوابات

مشمشاية
08-11-2009, 07:11 PM
والله ده اللى حصل النهارده
وعلى العموم مدير الادارة بتاعتنا كان فى المديرية النهارده
وكنت انا فى الادارة اثناء عودته ولكنى لم انتظر حتى اعرف من مصادرى ماذا تم
واللى مضى الجوابات النهارده بتاعة الناس اللى خدوها
السيد وكيل الادارة بتاعتنا
ربما يكون بكره فيه تغيير
ولكن المشكله ان الناس خدوا جواباتهم

يعنى زوجة حضرتك ماخدتش جواب وتخصصات ايه بالضبط الى اتوزعت عندكم النهارده
وفين الدكتور محمد يحيى عقل مش هو النائب بتاعكم ليه مبيعملكوش حاجه انا اعرف انه راجل محترم

يارب الجنة
08-11-2009, 08:07 PM
بس انا سمعت ان فى ادارة بيلا خدوا بالتقدير

يارب الجنة
08-11-2009, 08:09 PM
مشمشايه انتى دفعة سنة كام

مشمشاية
08-11-2009, 08:34 PM
انا تربية نوعية تكنولوجيا تعليم 2002 وتقديرى جيد جدا

مشمشاية
08-11-2009, 08:35 PM
انتى تبع ادارة بيلا ايضا

elbarshomy
08-11-2009, 09:54 PM
يعنى زوجة حضرتك ماخدتش جواب وتخصصات ايه بالضبط الى اتوزعت عندكم النهارده
وفين الدكتور محمد يحيى عقل مش هو النائب بتاعكم ليه مبيعملكوش حاجه انا اعرف انه راجل محترم

انا يخيل لي ان كل الادارات هتوزع على مقياس واحد
يعنى لو انتوا وزعتوا على اساس راس العمل يبقى احنا كمان هنعيد التوزيع على اساس راس العمل واللى اعرف انه اتوزع الحاسب الالى ويبدو ان العربى اتوزع
ولكن اخشي ان السيد المحافظ بالاتفاق مع الاعضاء هيشغلوا على اساس التقديرات
وباى باى راس العمل

مشمشاية
08-11-2009, 10:31 PM
انا ممكن أتأكد لحضرتك لما نروح الادارة يوم الثلاثاء وربنا يسهل وتكون زوجتك اسمها نزل فى الكشوف

elbarshomy
09-11-2009, 01:10 AM
انا ممكن أتأكد لحضرتك لما نروح الادارة يوم الثلاثاء وربنا يسهل وتكون زوجتك اسمها نزل فى الكشوف

اشكرك جزيلا
وما نما لعلمى ان الاسامى راحت المديرية كل اللى على راس العمل طلبوهم
فربما يكونوا هياخدوا منهم المميز
ايا كان جوابهم
يعنى اللى اشتغل لغة عربية او حاسب او ................
ولم يكن على راس العمل لن ياخذ عقد مميز
اما اللى كان على راس العمل فهو اللى هياخد المميز طبقا لتخصصه حتى لو الجماعه دول وزعوا على اساس المسابقة والتقديرات
والكلام ده من مصدر مهم
واكرر اشكرك يا مشمشايه
وبالمناسبة انتى ادارة ايه

حاتم شوقى
09-11-2009, 03:49 AM
You can see links before reply
اريد التعليق من كل الاعضاء لان الكلام مبهم ومحتاج تفسير

حاتم شوقى
09-11-2009, 03:51 AM
وفي كفر الشيخ وافق الدكتور يسري الجمل وزير التربية والتعليم علي منح محافظة كفر الشيخ‏2000‏ عقد تدريس مميز جديد لسد العجز في عدد من التخصصات بمدارس المحافظة وتوفير فرص العمل اللازمة لشباب الخريجين من أبناء المحافظة‏,‏ كما سيتم من خلال هذه العقود الجديدة حل مشكلة‏1935‏ مدرسا بالحصة من جميع مراكز المحافظة كانوا يعملون بنظام الحصة في العام الماضي‏,‏ ويتم الاستغناء عنهم هذا العام لعدم توافر الاعتمادات المالية وعدم حاجة مديرية التربية والتعليم للتخصصات الخاصة بهم مع وضع قواعد محددة في عملية توزيع هذه العقود الجديدة لضمان عدالة التوزيع وطبقا للتخصصات المطلوبة لضمان سد العجز بجميع المدارس بالمحافظة‏.‏

وأكد المهندس أحمد زكي عابدين محافظ كفر الشيخ أن إجمالي العقود المميزة التي حصلت عليها محافظة كفر الشيخ من وزارة التربية والتعليم في التخصصات الدراسية المختلفة خلال العامين الدراسيين الماضي والحالي قد بلغت‏10‏ آلاف و‏800‏ عقد مميز وهي أكبر نسبة من العقود المميزة الجديدة التي تحصل عليها أي محافظة من المحافظات المختلفة علي مستوي الجمهورية‏.‏

وأضاف أنه سيتم علي الفور توزيع هذه العقود الجديدة علي الادارات التعليمية المختلفة علي مستوي المحافظة طبقا لحاجة كل إدارة تعليمية تمهيدا لتوزيعهم علي المدارس التي تعاني من عجز في المدرسين مع تحويل الدعم المالي الوارد من وزارة التربية والتعليم البالغ‏2‏ مليون جنيه للتعاقد مع‏1935‏ مدرسا تم فصلهم هذا العام بعد أن كانوا يعملون خلال العام الماضي بنظام الحصة علي أن يكون عملهم خلال هذا العام الدراسي فقط لحين توفير اعتمادات مالية لهم خلال العام الدراسي القادم‏.‏
الاهرام 9/11/2009 صفحة محافظات

حاتم شوقى
09-11-2009, 03:53 AM
You can see links before reply

مشمشاية
09-11-2009, 10:21 AM
تمام يا استاذ حاتم ده معناه انى الى اشتغل السنه الى فاتت بالحصه زى حالتنا كده هيتم التعاقد معاه ان شاء الله ليه حضرتك بتقول ان الكلام مبهم وغير واضح ؟

مشمشاية
09-11-2009, 10:22 AM
انا تبع ادارة بيلا

noha77
09-11-2009, 02:11 PM
ربنا يسهل يا أستاذ حاتم وكلنا نتعافد
بس انت مرديتش عليا في موضوع مدرس الفصل ده
انا خايفه يتعاقدوا معاية على اساس مدرس فصل
وانا اصلا تخصص لغة عربية عام
ياريت حد يفدني اعمل ايه
شكرا

مشمشاية
09-11-2009, 02:24 PM
هلا يا نهى وحشتينا انتى فين متقلقيش اكيد استاذ حاتم هيجبلك الخبر اليقين

حاتم شوقى
09-11-2009, 02:36 PM
والله يا استاذة نهى لا احد يعلم لان هناك شروط جديدة للمميز هذا العام و يجب ان ننسى تماما ما حدث فى العام الماضى لشروط المميز حيث ستختلف الامور تماما هذا العام لذا اطمئنى لان ممكن جدا وظيفتك تتغير لما تتميزى بسبب اعتماد المميز السنة دى على العجز فقط فى الاماكن الفاضية و طبعا الاولوية للدرجات الاعلى و يقال للتربويين فقط و على سبيل المثال فى بيلا فى 370 عقد عادى منهم 200 تقريبا تطوير و الباقى تخصصات اخرى تخيلى ياسيدتى ان المميز مش هيبقى ليهم كلهم سوف يبقى للتخصصات اللى فيها عجز و هما 2000 عقد للمحافظة يعنى اذا وزعت بالتساوى 200 عقد و فى 370مدرس : مين برة و مين جوة
كلمة اخيرة اسالى موجه اللغة العربية جايز يفيدك فى موضوعك بس صدقينى الاوضاع سوف تنقلب راسا على عقب عندما ياتى المميز

حاتم شوقى
09-11-2009, 03:27 PM
You can see links before reply

حاتم شوقى
09-11-2009, 03:35 PM
اسف جدا كان نفسى اجيب اخبار حلوة بس بقى التخبط والفساد و اهمال مشاعر المعلمين والخلافات الشخصية بين المحافظ والوزير وحاجات كتيررررررررررر مع ان نقيض الكلام دة كان الصبح فى الاهرام الصباحى الى ان اتى الينا الاهرام المسائى باخبار المساء الصادمة لمصلحة مين ده يا ولاد ال-----------
معذرة و شكرا

mostafa22
09-11-2009, 06:04 PM
السلا عليكم
ايه اخباركم عاملين ايه
ايه اخر الاخبار
يارب يكون خير
موضوع راس اعمل هايمشى ولا هايرجعوا فى كلامهم تانى

elbarshomy
09-11-2009, 06:17 PM
السلا عليكم
ايه اخباركم عاملين ايه
ايه اخر الاخبار
يارب يكون خير
موضوع راس اعمل هايمشى ولا هايرجعوا فى كلامهم تانى
للاسف اقرا رابط الاستاذ حاتم اللى فوق

elbarshomy
09-11-2009, 06:54 PM
You can see links before reply
اللهم من يسر على امتى اللهم يسر عليه
ومن شدد على امتى اللهم فاشدد عليه

mostafa22
09-11-2009, 07:53 PM
You can see links before reply
اللهم من يسر على امتى اللهم يسر عليه
ومن شدد على امتى اللهم فاشدد عليه

حسبنا الله ونعم الوكيل
اللى بيعملوه فينا دا حراااااااااااام

مشمشاية
09-11-2009, 07:57 PM
والله يا جماعه انا معنديش كلام اقوله انا هروح الادارة بكرة واشوف اسمى نزل ام لا

مشمشاية
09-11-2009, 08:02 PM
والله ده ظلم بين يعنى الناس الى متخرجين السنه دى مش مشكله لهم لما يقعدوا سنه ولا اثنين من غير شغل طيب الناس الى فاتحه بيوتها من الراتب ده يعملوا ايه حسبى الله ونعم الوكيل

حاتم شوقى
09-11-2009, 08:06 PM
You can see links before reply




You can see links before reply

مشمشاية
09-11-2009, 08:16 PM
الرابط الثانى مش شغال يا استاذ حاتم

مشمشاية
09-11-2009, 08:25 PM
طيب يا استاذ حاتم سمعت اى اخبار اذا كانت الاسماء هتكون جاهزه بكرة ام لا

حاتم شوقى
09-11-2009, 08:28 PM
اسمع اخر نكته المحافظ عاوز اسامى القدامى اللى اشتغلوا وانقطعوا عن العمل من سنوات
يعنى اللى فى العراق الان واللى تزوجت وراحت فى داهية كل دول المحافظ عاوزهم يشربوا شاى عند سيادته وسلم لى على القانون ---انا مش عارف هو فى دماغه اى---- ربنا يهدى

حاتم شوقى
09-11-2009, 08:33 PM
You can see links before reply

حاتم شوقى
09-11-2009, 08:38 PM
والله يا استاذة مشمشاية الكشوفات جاهزة و صديق ليا شاف كشوفات الحاسب الالى امس و لقاهم الناس بتوع السنة اللى فاتت و الاستاذ مفيد كان فى الادارة امس بيقولوا كان بيعتمد اسامى التطوير اللى كانت معاه و كله كان تمام بس فى بلبلة بتحصل و حاجات غريبة لا اعلمها و كل ده بسبب العيال اللى برة فى الشارع

مشمشاية
09-11-2009, 08:40 PM
هيعمل ايه باسماء الناس القدامى والله الراجل ده شكله هيخبط

حاتم شوقى
09-11-2009, 08:44 PM
الظريف بقى ان ميسيو حبسه مش لاقى اى مستندات تدل على وجود هذة الاسماء لانها قديمة
حلوة ميسيو حبسه دى

مشمشاية
09-11-2009, 08:45 PM
يعنى الى كان شغال تطوير هيرجع مكانه ؟

مشمشاية
09-11-2009, 08:49 PM
ايوة هما معندهمش اى اوراق للناس الى كانت شغاله من كام سنه لان لى صديقه اشتغلت حوالى 6 سنوات بعد التخرج وسافرت وبعدين رجعت فسالت على انها عايزة ما يثبت انها كانت تعمل من كام سنه عارف قالولها ايه روحى لمديرى المدارس الى كنتى شغاله فيها وهما يدولك افادة
ههههههههههههههههههههههه وتحياتى لمسيو حبسه
والله عندك حق

مشمشاية
09-11-2009, 08:52 PM
بس انا اسمى بيقولولى انه نزل حاسب طيب لى مفيد مخدناش معاه تطوير؟

حاتم شوقى
09-11-2009, 08:55 PM
والله كل حاجة جاهزة و راس العمل موجود بس المشكله ا لوزير مش عاوز يدفع و طبعا المحافظ مش دافع هو حضرتك لم ترى الرابط التانى


You can see links before reply

مشمشاية
09-11-2009, 09:02 PM
ايوة قراته بس واضح ان مشكلة المحافظ مع التربويين ام انه بيتحجج بالموضوع ده؟

حاتم شوقى
09-11-2009, 09:06 PM
اتفق الوزير والمحافظ‏..‏ وبقيت أزمة معلمي كفر الشيخ المستبعدين قائمة
الجمل يتراجع عن قراره بعودة المدرسين بعد أن طالبه عابدين بأن تتحمل الوزارة قيمة رواتبهم

حاتم شوقى
09-11-2009, 09:10 PM
لا يا سيدتى دى حجججججججججججججججة حنا معانا تربويين كتير زى ما قلت لك ده كله بسبب الضغوطات اللى برة علشان يشغلوا اولادهم اللى لسه مولودين اول امبارح

mostafa22
09-11-2009, 09:36 PM
والله حراااااااااااااااااام
وربنا مش بيرضى بالظلم
شوفوا بقى كم دعوه امن مظلوم اندعت عليهم
ربنا هو المطلع وعالم بكل شئ
احنا مقدمناش غير ان
نتوكل على الله
وان شاء الله الفرج ياتى من عنده
هو القادر على كل شئ

mostafa22
09-11-2009, 09:43 PM
السلام عليكم
دا اميل برنامج القاهره اليوم
كل يرسل شكاوى عليه
alkaheraalyoum@orbit.net

mostafa22
09-11-2009, 09:44 PM
تليفونات برنامج العاشرة مساءا :

38552300 - 02
او
38552309 - 02
الاتصال من خارج مصر
38552300 - 02 002
38552309 - 02 002
رقم الفاكس ::
38552303 - 02
الاميل ::
el3shera@dreams.tv
======
برنامج 90 دقيقه

90min@elmehwar.tv

=======
قتاة مودرن

You can see links before reply

=========
رئيس مجلس إدارة الأهرام / مرسي عطا الله

attalla@ahram.org.eg

إيميل الإقتراحات والشكاوي والمراسلة بالأهرام

ahramdaily@ahram.org.eg
========
تجميعه بلوج نجوم اف ام
======
الأستاذ إبراهيم حجازي
ihegazy@ahram.org.eg

======
قناة الجزيرة
supportnet@aljazeera.net

======
قناة العربية
contactus@alarabiya.net

========
عمرو أديب
alkaheraalyoum@orbit.net

برنامج القاهره اليوم
alkaheraalyoum@orbit.net
======

محمود سعد

saad.mashakel@gmail.com

=====

القاهرة اليوم :


ihegazy@ahram.org.eg


التليفون :


من داخل مصر : 8555 338 - 8555 378


من خارج مصر : +20 2 8555 337 - +20 2 8555 377


SMS : +20 12 7755555


Fax : +20 2 8555 153


Email: alkaheraalyoum@orbit.net


برنامج الحقيقة :


elhaea@dreams.tv


العاشرة مساءا

تقديم : منى الشاذلى

البريد الإلكتروني : al3ashera@dreams.tv


في الممنوع

تقديم : مجدي مهنا

البريد الإلكتروني : felmamnoaa@dreams.tv


مكتب الجزيرة في القاهرة : 5787700

Source Nogoomfm.Blogspot.Com : You can see links before reply

مشمشاية
09-11-2009, 09:59 PM
شكرا جزيلا لمجهودك استاذ مصطفى ويا رب يكون بفائده

مشمشاية
09-11-2009, 10:00 PM
استاذ حاتم انت مؤهلك اية ؟ وخريج سنة كام ؟ وتقديرك؟

noha77
09-11-2009, 11:21 PM
شكرا يا مشمشة على سؤالك
ربنا ييسر امركم يارب
ويرفع الظلم عنكم
وان شاء الله خير
انا مش عارفه الناس دي عايزه تعمل فينا ايه بالضبط

noha77
09-11-2009, 11:27 PM
شكرا استاذ حاتم على ردك
وشكرا استاذ مصطفى على مجهودك
بس انا سألت الموجه وهو (عرفه يعني )س للاسف مش راضي يريحني وبيقولي ان كل الابيتدائي واخدين مدرس فصل بس للاسف الكلام ده مش صحيح
لان معايه ناس تربيه عام عربي يي واخدين جوابتهم مدرس لغه عربية حتى انا السنه الماضية كان جوابي مدرس لغة عربية وبعدين انا قرأت على موقع الاكاديمية ان دخول الاختبار على اساس المسمى الوظيفي المكتوب في العقد وليس المؤهل الدراسي
وانا خايفه من كدا
يلا بأه ربنا يسهلنا الحال كلنا

مشمشاية
10-11-2009, 12:04 AM
شكرا يا نهى بكره ان شاء الله هعرف اذا كان اسمى اكيد نزل ام لا واذا كان نزل هستلم جوابى ادعيلى وبعدين انا كمان هيشغلونى مدرس حاسب الى وانا تخصصى اخصائى تطوير بس هنعمل ايه لو مفيش قدامك حل خليكى فى مكانك فى ناس غيرنا كتير مش عرفين يوصلو للمكان ده وطبعا ربنا معاهم ويوفقنا كلنا
ويا رب استاذ حاتم واستاذ مصطفى يستلموا جوابتهم هما كمان

حاتم شوقى
10-11-2009, 01:38 AM
You can see links before reply

حاتم شوقى
10-11-2009, 01:42 AM
You can see links before reply

elbarshomy
10-11-2009, 09:54 AM
حسبنا الله ونعم الوكيل

حاتم شوقى
10-11-2009, 04:31 PM
اعلن محافظ القليوبية بان هناك فائض فى ميزانية التعليم 5 مليون كانوا هيتوزعوا كمكافئة للعاملين بمديرية التعليم هناك و لكن اقترح المحافظ على المديرية تعيين شباب الخريجين القدامى و الجداد و رحب العاملين بالمديرية بها الاقتراح حيث قالوا ان اولادنا اولى مننا بهذة الفلوس حتى وصل عدد المتعاقدين فى المحافظة 11 الف شاب وشابة
------------------
الحدق يفهم و انا اترك لكم التعليق ---- وا كفرالشيخوا ده حتى مش نافعة الكلمه

مشمشاية
10-11-2009, 05:08 PM
فعلا انا قرأت عن محافظ القليوبيه وده خبر اكيد وصحيح بدل مكان صرف الفلوس على واجهة المحافظه وكام ميدان هناك كان شغل الناس والله حرام طيب محدش عرف هما روحوا امبارح ام لا دى حاجه توجع القلب واكيد الموضوع ده هيجى النهارده فى البرامج الحواريه يا رب يكونوا وصلوا لحل

مشمشاية
10-11-2009, 05:12 PM
انا هستلم جوابى بكرة كان واقف على توقيع مدير الادارة وطبعا وقفت هناك لما زهقت قلتلهم هاجى بكرة بس اكيد اسمى نزل وشفته ومفيش رأس عمل هما اخدوا خريجى التربيه النوعية الاول وبعدين كملوا العدد بس بالتقدير الاعلى ده بالنسبه للحاسب الالى اما باقى التخصصات معرفش ايه الاخبار وبعدين انا سمعت ان مفيش حد راح تطوير خالص

مشمشاية
10-11-2009, 05:33 PM
علق معلمو محافظة كفر الشيخ احتجاجاتهم التى بدأت أمس، الاثنين، بمظاهرة أمام مقر الأمانة العامة للحزب الوطنى بكورنيش النيل، بعدما أعلن الدكتور يسرى الجمل

وزير التربية والتعليم صباح اليوم، الثلاثاء، موافقته على منح مديرية التعليم بكفر الشيخ 2000 عقد مميز، طبقا للقانون 155 لسنة 2007 الذى يشترط حصول المعلم المساعد على مؤهل عال تربوى أو عادى مع استكمال الدراسات التربوية.

كما شهدت أزمة المعلمين انفراجة جديدة تمثلت فى تعهدا اللواء أحمد زكى عابدين، محافظ كفر الشيخ، للنائب الوفدى محمد عبد العليم داود بتوفير 4500 تعاقد مؤقت لباقى معلمى المحافظة ذوى المؤهلات العليا بتمويل قدره مليونى جنيه، نجح النائب عبد العليم داود فى الحصول على 50% منها من وزارة التنمية المحلية، فيما تعهدت المحافظة بتوفير المليون الأخرى.

وأجمع كل من وزير التربية والتعليم ووزير التنمية المحلية ومحافظ كفر الشيخ على حتمية بقاء جميع المعلمين الحاصلين على مؤهلات عليا على رأس العمل، وأكدوا أن توفير "التعليم" لألفى عقد مميز سيتيح التعاقد مع 2000 آخرين بنظام التعاقد المؤقت، فى الوقت ذاته تعاهد النائب عبد العليم داود بإيجاد 1500 فرصة عمل للإداريين وبعض المعلمين ذوى المؤهلات المتوسطة فى المنطقة الصناعية بمحافظة كفر الشيخ مع إتاحة الحرية لمن يرغب منهم فى البقاء بالمدارس فى العمل بنظام المكافأة الشاملة بنظام المؤقت.

ومن جانبهم أعلن المعلمون تعليق احتجاجهم لحين تسلم العقود العمل المميزة والمؤقتة، ووعدوا بعدم التظاهر ثانيا أمام الوزارة، وأثنوا على تدخل الدكتور لحل أزمتهم، فيما قامت الوزارة باستقبالهم صباح اليوم فى أحد قاعاتها، بعدما شاهدهم الوزير يسرى الجمل أثناء دخوله إلى مكتبه وهم يقفون احتجاجا أمام الوزارة فأمر بحسن استقبالهم، تمهيدا لبحث مطالبهم.

كان نحو 250 معلما ومعلمة قد تظاهروا صباح أمس أمام مقر الحزب الوطنى والتقى وفدا منهم، المهندس أحمد عز، أمين التنظيم بالحزب، الذى أجرى مفاوضات هاتفيا مع محافظ كفر الشيخ لحل أزمتهم، ولكن لم يكتب لها النجاح، وبات المعلمون ليلتهم أمام الحزب مضطرين إلى قضاء حاجتهم فى دورات المياه العمومية، ثم نقلوا احتجاجاتهم فى ساعة مبكرة من صباح اليوم إلى مقر وزارة التربية والتعليم.

مشمشاية
10-11-2009, 05:39 PM
الخبر ده منقول عن الاستاذ محمد بن عباس احد المراقبين فى المنتدى ومكتوب ان دى قرارات جديده النهارده الصبح ان شاء الله يكون فى حل وسط يرضى جميع الاطراف ويارب يا استاذ حاتم انت واستاذ مصطفى ترجعوا تشتغلوا ان شاء الله

مشمشاية
10-11-2009, 05:43 PM
You can see links before reply

مشمشاية
10-11-2009, 05:44 PM
ده الرابط الخبر نازل فى اليوم السابع

elbarshomy
10-11-2009, 05:45 PM
سبقتينى يا مشمشاية
بس برضه الرابط اهوه
You can see links before reply

elbarshomy
10-11-2009, 05:47 PM
مبرووووووووووووووووووووووووك

elbarshomy
10-11-2009, 05:54 PM
الحمد لله وحده والشكر له وحده

جزى الله النائب الحر محمد عبد العليم داود كل الخير فهو بحق نائب الشعب
ويبنبغى لجميع الهتيفه ان يحذو حذوه
شكرا للوزيرين المسئولين
وربنا يثبت المحافظ على كده
ويهديه ويدى المميز للى كان على راس العمل اولا

mostafa22
10-11-2009, 06:17 PM
السلام عليكم
ايه اخباركم عاملين ايه
انا رحت انهارده الاداره برضه مفيش اسامى نزلت
وقالوا بكره ان شاء الله اخر ميعاد هاتنزل ربنا يسهل
ايه الاخبار عندكم الاسامى نزلت ولا لسه
والتوزيع على اساس ايه
انا سمعت على اساس راس العمل والتقدير فى التخصص
يعنى اللى جايب امتيااز وكان على راس العمل هايتحطوا الاول فى الكشف وبعدين ياخدواا اللى جايبن امتياز جداد
وبعدين يدخلوا على اللى جايب جيد جداااااا ياخدوا اللى على راس العمل وبعدين الجداد
وهكذااااا اللى النهايه

mostafa22
10-11-2009, 06:40 PM
السلام عليكم
الاخبار دى جميله قوووووى ومفرحه
بس الواحد مش هايرتاح ويفرح لما نمضى العقد
دا كل يوم بقرار جديد
بس الاول ان شاءالله الاسمااء تنزل عندنا الاول
مش عارف عندنا فى الاداره بيخترعوا اسماء ولا ايه

مشمشاية
10-11-2009, 07:01 PM
عندنا فى بيلا شفنا الكشوف النهارده والحمد لله اسمى نزل وفعلا التوزيع على اساس التقدير والناس التربويين فى الاول بس مكملين الاعداد بتخصصات تانيه وبكرة هروح استلم جوابى كان واقف النهارده على توقيع مدير الادارة عقبالكم كلكم يا رب قريب والله فرحتى مش هتكمل الا اذا كلنا اشتغلنا

مشمشاية
10-11-2009, 07:06 PM
سبقتينى يا مشمشاية
بس برضه الرابط اهوه
You can see links before reply

مفيش مشكله المهم ان الخبر مفرح والى هيفرح اكتر ان شاء الله التنفيذ السريع ربنا يهديهم وميزعلوش حد يا رب وكل الناس تشتغل وعقبال زوجة حضرتك

مشمشاية
10-11-2009, 07:16 PM
بس والله يا جماعه الناس الى اعتصموا عند الحزب الوطنى دول اتبهدلوا وباتوا فى الشوارع والله ربنا هيعوضهم خير وجزاهم الله عنا خيرا

elbarshomy
10-11-2009, 09:02 PM
مفيش مشكله المهم ان الخبر مفرح والى هيفرح اكتر ان شاء الله التنفيذ السريع ربنا يهديهم وميزعلوش حد يا رب وكل الناس تشتغل وعقبال زوجة حضرتك

اشكر لك ذوقك وادبك
بالنسبة لزوجتى ترتيبها فى التطوير كويس وسمعت النهارده من كبار مسئولى الادارة ان التطوير ها ينزل له مميز من التجارة والهندسة والعلوم والنوعية طبعا راحت حاسب
وربنا يسهل الاحوال للجميع

elbarshomy
10-11-2009, 09:06 PM
بس والله يا جماعه الناس الى اعتصموا عند الحزب الوطنى دول اتبهدلوا وباتوا فى الشوارع والله ربنا هيعوضهم خير وجزاهم الله عنا خيرا

الناس دى زعماء الموضوع ولابد ان الزعيم يضحى
ويا ريت الزعماء يتعلموا منهم
وبعدين مركب بتغرق لو كله اتكل على بعضه هتغرق فى هدوء
ده جهاد وهم كفونا عنه
جزاهم الله كل الخير حتى لو ما جاتش العقود

mostafa22
10-11-2009, 09:32 PM
عندنا فى بيلا شفنا الكشوف النهارده والحمد لله اسمى نزل وفعلا التوزيع على اساس التقدير والناس التربويين فى الاول بس مكملين الاعداد بتخصصات تانيه وبكرة هروح استلم جوابى كان واقف النهارده على توقيع مدير الادارة عقبالكم كلكم يا رب قريب والله فرحتى مش هتكمل الا اذا كلنا اشتغلنا

الف مليووووووووون مبروووووك
وعقبال كداااا المميز باذن الله تعالى
بالنسبه للتوزيع
كان على اساس التقديرات
يعنى مفيش حاجه اسمها راس عمل خالص

mostafa22
10-11-2009, 09:44 PM
بس والله يا جماعه الناس الى اعتصموا عند الحزب الوطنى دول اتبهدلوا وباتوا فى الشوارع والله ربنا هيعوضهم خير وجزاهم الله عنا خيرا

ان شاء الله ربنا هايعوضهم بكل خير
لان ما فعلوه مش من اجل انفسم فقط بل من اجل محافظه كامله
جزاهم الله خيرااااااا على ما فعلوه من اجلنا

mostafa22
10-11-2009, 09:47 PM
اشكر لك ذوقك وادبك
بالنسبة لزوجتى ترتيبها فى التطوير كويس وسمعت النهارده من كبار مسئولى الادارة ان التطوير ها ينزل له مميز من التجارة والهندسة والعلوم والنوعية طبعا راحت حاسب
وربنا يسهل الاحوال للجميع

انته حضرتك تبع اداره ايه
وهل الاسماء نزلت عندكم

mostafa22
10-11-2009, 09:50 PM
مشمشاية
هو ترتيب بكالوريوس نظم معلومات اداريه
بيجى فى المرتبه الكام من حيث التوزيع

مشمشاية
10-11-2009, 10:30 PM
عندنا اخدوا النوعيه وبعدين التجارة وبعدين التخصصات التانية زى نظم المعلومات الاداريه وحاسبات ومعلومات وبعدين متقلقش انت تقديرك كويس وان شاء الله هتشتغل ولاحظ ان عندنا فى بيلا اخدو كل النوعية حاسب بس الادارات التانيه خدوهم تطوير على حسب توزيعات الادارة عندكم لو الحاسب متوقف فقط على التجارة والهندسه والحاسبات ونظم المعلومات فاكيد هيكون احسن لك

flower4moon
11-11-2009, 02:58 PM
عندنا اخدوا النوعيه وبعدين التجارة وبعدين التخصصات التانية زى نظم المعلومات الاداريه وحاسبات ومعلومات وبعدين متقلقش انت تقديرك كويس وان شاء الله هتشتغل ولاحظ ان عندنا فى بيلا اخدو كل النوعية حاسب بس الادارات التانيه خدوهم تطوير على حسب توزيعات الادارة عندكم لو الحاسب متوقف فقط على التجارة والهندسه والحاسبات ونظم المعلومات فاكيد هيكون احسن لك

السلام عليكم ورحمة الله وبركاته

اختي مشمشه
لو سمحتي انا تبع ادارة فوه
وكنت تطوير السنة الللي فاتت والسنه دي حاسب
هل هنستمر كده
ولا هيحصل تغيير ونرجع تطوير
واذا نزل العقد هنمضيه على اساس ايه تطوير ولا حاسب؟
ارجو لو تقدري تفديني

mostafa22
11-11-2009, 05:21 PM
السلام عليكم
ازيكم عاملين ايه
انا رحت الاداره انهارده زى ماقولوا هاتنزل الاسماء
ولكن برضه مانزلتش الاسماء وقالوا لسه يوم الحد
حرااااام بقى كدااااااااااااا ايه اللعب بينا ده كل يوم بكره

mostafa22
11-11-2009, 05:22 PM
السلام عليكم ورحمة الله وبركاته

اختي مشمشه
لو سمحتي انا تبع ادارة فوه
وكنت تطوير السنة الللي فاتت والسنه دي حاسب
هل هنستمر كده
ولا هيحصل تغيير ونرجع تطوير
واذا نزل العقد هنمضيه على اساس ايه تطوير ولا حاسب؟
ارجو لو تقدري تفديني

تقريبا حسب المكان اللى انته متواجد فيه

mostafa22
11-11-2009, 05:25 PM
عندنا اخدوا النوعيه وبعدين التجارة وبعدين التخصصات التانية زى نظم المعلومات الاداريه وحاسبات ومعلومات وبعدين متقلقش انت تقديرك كويس وان شاء الله هتشتغل ولاحظ ان عندنا فى بيلا اخدو كل النوعية حاسب بس الادارات التانيه خدوهم تطوير على حسب توزيعات الادارة عندكم لو الحاسب متوقف فقط على التجارة والهندسه والحاسبات ونظم المعلومات فاكيد هيكون احسن لك

احنا بقى التجاره بتيجى فى المرتبه الاخيره بعد اى تخصص حاسب
والتربيه النوعيه بتبقى تطوير بس تقريبا السنادى هايخدوهم حاسب
حتى تقريبا عندنا عاملين كشف تخصص الحاسب مع التطوير
والتجاره فى كشف تانى

elbarshomy
11-11-2009, 05:48 PM
السلام عليكم
ازيك يا مشمشاية ,ويا مصطفى و يا حاتم مع الاحتفاظ بالالقاب
وازاى كل الزائرين والاعضاء
عندنا فى سيدي سالم لسه التطوير ما وزعش
مش عارفين هاييجى له مميز ولا هيفضل بالترخيص والعقد العادى

مشمشاية
11-11-2009, 06:15 PM
السلام عليكم ورحمة الله وبركاته

اختي مشمشه
لو سمحتي انا تبع ادارة فوه
وكنت تطوير السنة الللي فاتت والسنه دي حاسب
هل هنستمر كده
ولا هيحصل تغيير ونرجع تطوير
واذا نزل العقد هنمضيه على اساس ايه تطوير ولا حاسب؟
ارجو لو تقدري تفديني

اهلا بك معنا اولا ثانيا على حد علمى اننا حاليا هنفضل حاسب واذا جه عقد مميز برده هيكون حاسب الا اذا كان معاكى كوسه قصدى وسطه طبعا ممكن وقتها يغيروا مكانك بس حاليا مفيش قدمنا الا الحاسب والحمد لله اننا اشتغلنا اصلا فى ناس غيرنا محتاره لسه وبالتوفيق لك ان شاء الله ونورتينا

مشمشاية
11-11-2009, 06:21 PM
السلام عليكم جميعا انا رحت الادارة النهارده وطلعت عينى لا ومنخيرى وودانى على ما اخدت الجواب ميت امضاء ومدير الادارة هو لازم الى يسلمنا الجوابات بنفسه ويشوف البطاقه الى يشوف ده كله ميقلش اننا هنشتغل بالحصة والحصه ب 2 جنيه مع حوافز طبعا الى هى مدير المدرسه الى هيطلع عنينا وحصص اضافى واحلى كلام بس عندنا اللغه العربيه والانجليزى ماخدوش حد بيقولوا مفيش عجز لكن باقى المواد تقريبا كلها نزلت والحمد لله
عقبالك يا حاتم انت ومصطفى

مشمشاية
11-11-2009, 06:24 PM
السلام عليكم
ازيك يا مشمشاية ,ويا مصطفى و يا حاتم مع الاحتفاظ بالالقاب
وازاى كل الزائرين والاعضاء
عندنا فى سيدي سالم لسه التطوير ما وزعش
مش عارفين هاييجى له مميز ولا هيفضل بالترخيص والعقد العادى

اهلا بحضرتك طبعا محدش هيجيله مميز دلوقتى الاول هنشتغل بالحصه وبعدين يجى المميز بس اكيد ان شاء الله جاى مميز اهم حاجه التقدير مدير الادارة قال لنا النهارده قريب ان شاء الله هحاول اجبلكم عقود مميزة وربنا يوفق الجميع

مشمشاية
11-11-2009, 06:27 PM
يا استاذ مصطفى انا من زمان مشتغلتش حاسب وبعدين انا هدرس رابعه وخامسه وساته ابتدائى عندك اي خلفيه عن المنهج الله يخليك وكمان نسيت بنحضر الدرس ازاى وشكلى كده هحتاس بكرة ربنا يخليك لو تعرف حاجه خبرنى

mostafa22
11-11-2009, 07:06 PM
يا استاذ مصطفى انا من زمان مشتغلتش حاسب وبعدين انا هدرس رابعه وخامسه وساته ابتدائى عندك اي خلفيه عن المنهج الله يخليك وكمان نسيت بنحضر الدرس ازاى وشكلى كده هحتاس بكرة ربنا يخليك لو تعرف حاجه خبرنى

الابتدائى عادى يعنى محدش بيشرح حاسب
انا كنت شغال اعدادى ومناهج الاعدادى صعبه
فيها لغة برمجه فيجول بيسك واكسل وورد وبور بينت وانترنت

الابتدائى بقى عادى هههههههههه
شاشه وطابعه وكيبورد وكيسة الكمبيوتر
هههههههههههه حاجات بسيطه يعنى

مشمشاية
11-11-2009, 07:28 PM
المشكله منهج الاعدادى بالنسبالى مش صعب لانى درسته فى الكليه وكمان انا اشتغلت زمان مدرسة حاسب اعدادى سنتين لكن الابتدائى كله بس كده؟ مكونات الحاسب يعنى ؟ ومكونات سطح المكتب والحجات دى بس ؟
اذا كانت المسألة كده تبقى بسيطه طمنتنى المشكله انى من زمان مدخلتش فصول وشرح وتحضير يعنى الشغل فى التطوير اريح بكتير بس حكم القوى
متقلقش يا استاذ مصطفى ان شاء الله تشتغل السنه دى مش انت تقديرك جيد جدا هما مهتمين قوى بالتقدير

مشمشاية
11-11-2009, 07:30 PM
تسلم يا استاذ مصطفى ربنا يبارك فيك ويوفقك

mostafa22
11-11-2009, 08:09 PM
المشكله منهج الاعدادى بالنسبالى مش صعب لانى درسته فى الكليه وكمان انا اشتغلت زمان مدرسة حاسب اعدادى سنتين لكن الابتدائى كله بس كده؟ مكونات الحاسب يعنى ؟ ومكونات سطح المكتب والحجات دى بس ؟
اذا كانت المسألة كده تبقى بسيطه طمنتنى المشكله انى من زمان مدخلتش فصول وشرح وتحضير يعنى الشغل فى التطوير اريح بكتير بس حكم القوى
متقلقش يا استاذ مصطفى ان شاء الله تشتغل السنه دى مش انت تقديرك جيد جدا هما مهتمين قوى بالتقدير

دا انتى بقى شغاله من زمان
ومال مختيش عقد مميز السنه اللى فاتت ليه
دا اى انسان موهل عالى كان شغالى السنه قبل اللى فاتت حتى لو شهر خد عقد مميز
وراح تخصصه

مشمشاية
11-11-2009, 08:43 PM
لانى مشتغلتش السنه الى قبل الى فاتت يعنى مكنتش على رأس العمل كان بنتى كانت لسه مولوده ومعرفتش اسيبها
عارف لو كانوا طبقوا الكلام بتاع السنه دى التوزيع عن طريق التقدير كنت عملت عقد بس كان شرط اساسى رأس العمل

مشمشاية
11-11-2009, 08:45 PM
انا خريجة 2002 يعنى من زمان

mostafa22
11-11-2009, 08:54 PM
لانى مشتغلتش السنه الى قبل الى فاتت يعنى مكنتش على رأس العمل كان بنتى كانت لسه مولوده ومعرفتش اسيبها
عارف لو كانوا طبقوا الكلام بتاع السنه دى التوزيع عن طريق التقدير كنت عملت عقد بس كان شرط اساسى رأس العمل

مفيش نصيب
ان شاء الله ربنا يعوضك خير ان شاء الله
ويخليلك بنتك اللى اسمها......... واجعلها ذريه صالحه

مشمشاية
11-11-2009, 09:07 PM
انا عندى أحمد خمس سنوات
وملك ثلاث سنوات
وعقبال ما تكوب اب

mostafa22
11-11-2009, 09:11 PM
انا عندى أحمد خمس سنوات
وملك ثلاث سنوات
وعقبال ما تكوب اب

ماشاء الله
ربنا يحفضهم ويخلهملك واجعلهم ذريه صالحه
اسماء جميله جدااااااا

elbarshomy
11-11-2009, 09:49 PM
اهلا بحضرتك طبعا محدش هيجيله مميز دلوقتى الاول هنشتغل بالحصه وبعدين يجى المميز بس اكيد ان شاء الله جاى مميز اهم حاجه التقدير مدير الادارة قال لنا النهارده قريب ان شاء الله هحاول اجبلكم عقود مميزة وربنا يوفق الجميع
الحصة مش هتطول
العقود المميزة معمول حساب كل العجز فيها اللى هو 1935 بالضافة الى 65 عقد زيادة
سؤالى هل التطوير هياخد عقد مميز لانهم كانوا باعتين للادارات ان رصيده صفر يعنى هيكمل عقود عادية ولا معمول حسابه فى المميز

noha77
11-11-2009, 10:22 PM
السلام عليكم ورحمة الله وبركاته
اخباركم ايه يا جماعة ان شاء الله تكونوا بخير
مبروووووووووووووووووووووووووووووك يا مشمشة
وعقبال المميز ان شاء الله
وعقبالك يا مصطفى انت وحاتم

mostafa22
12-11-2009, 04:49 PM
الاسماء نزلت انهارده فى ادارة مطوبس
بس لسه الحاسب والتطوير مانزلوش
ليه مش عارف قولت اسئل لقيت الجواب لسه كمان اسبوع
وهايبقى التطوير والحاسب على اساس راس العمل
مع ان التوزيع انهارده كان على اساس التقدير

مشمشاية
12-11-2009, 05:00 PM
السلام عليكم ورحمة الله وبركاته
اخباركم ايه يا جماعة ان شاء الله تكونوا بخير
مبروووووووووووووووووووووووووووووك يا مشمشة
وعقبال المميز ان شاء الله
وعقبالك يا مصطفى انت وحاتم

ازيك يا نهى انتى فين الله يبارك فيكى دائما ادخلى وطمنينا عليكى
وكمان يا جماعه انا ناويه نذاكر سوا icdl انا محمله حاجات حلوة قوى امتحانات واشرح كل يوم هحملكم ملف على حسب سرعة النت عندى
تابعينا

مشمشاية
12-11-2009, 05:04 PM
الاسماء نزلت انهارده فى ادارة مطوبس
بس لسه الحاسب والتطوير مانزلوش
ليه مش عارف قولت اسئل لقيت الجواب لسه كمان اسبوع
وهايبقى التطوير والحاسب على اساس راس العمل
مع ان التوزيع انهارده كان على اساس التقدير

يا رب يا استاذ مصطفى يوزعوا على اساس رأس العمل ان شاء الله كده او كده هتشتغل ربنا معاك
انا رحت المدرسه النهارده طبعا زن العيال لسه لافى ودانى لحد الان بس هنعمل ايه حكم القوى
ربنا معانا وكلنا نعمل عقد مميز ان شاء الله

مشمشاية
12-11-2009, 05:09 PM
الحصة مش هتطول
العقود المميزة معمول حساب كل العجز فيها اللى هو 1935 بالضافة الى 65 عقد زيادة
سؤالى هل التطوير هياخد عقد مميز لانهم كانوا باعتين للادارات ان رصيده صفر يعنى هيكمل عقود عادية ولا معمول حسابه فى المميز

تمام الحصه مش هطول انا متوقعه بكتيره على بداية العام الجديد 2010 يناير تكون جات ربنا يسهل
اما بالنسبه للتطوير عندنا لاحس ولا خبر بيقولو محدش هيروح تطوير السنه دى الله اعلم بباقى الادارات

mostafa22
12-11-2009, 07:02 PM
[QUOTE=مشمشاية;128395]ازيك يا نهى انتى فين الله يبارك فيكى دائما ادخلى وطمنينا عليكى
وكمان يا جماعه انا ناويه نذاكر سوا icdl انا محمله حاجات حلوة قوى امتحانات واشرح كل يوم هحملكم ملف على حسب سرعة النت عندى
تابعينا[/QUOTE
انا بقى النت بطئ قوووووووووى عندى
2 ميجا بس للاسف الدونلود 230 كيلو بايت فى الثانيه بس
ههههههههههههههههههههه

mostafa22
12-11-2009, 07:09 PM
تمام الحصه مش هطول انا متوقعه بكتيره على بداية العام الجديد 2010 يناير تكون جات ربنا يسهل
اما بالنسبه للتطوير عندنا لاحس ولا خبر بيقولو محدش هيروح تطوير السنه دى الله اعلم بباقى الادارات

اقولكم بقى التطوير هايعملوا فيه ايه
اللى انا فهمته كداااااااااااااااااا
هايلموا اللى كان على راس العمل كله ومرحش السنادى تخصصه
وهايسده بيه العجز فى التطوير :27:
لاننى سالت المسئول عن الاسماء انهارده
قولته الحاسب والتطوير مانزلوش ليه
قالى الاسبوع الجاى وهايبقى على اساس راس العمل
افهموا بقى يعنى مفيش حد جديد هايروح التطوير غيراللى اشتغلوا السنه اللى فاتت
بس مش عارف ليه الحاسب بيعامل نفس معاملة التطور معا انه اصبح ماده اساسيه
فى الاعدادى محدش بقى فاهم حاجه ربنا يسهل بقى اصل الموضوع طول قووووووى وبقى بايخ خالص

noha77
12-11-2009, 07:23 PM
السلام عليكم ورحمة الله وبركاته
كيف الاحوال ان شاء الله تكونوا بخير
اوك يا مشمشة ربنا يعينك وتجيبي الحاجات بتاعة كورس icdl
انا قلقانة منها على فكرة انا لسه ما قدمتش فيها اما نشوف موضوع المميز الاول
بس انا اصلا مش بحب دراسة الحاسب الالي النظرية ومش عارفه هيه سهلة ولا صعبة بس انا اعرف ناس كتير نجحوا فيها
فان شاء الله خير
ان شاء الله نحاول نساعد بعض فيها وربنا يسهل
معلش على قلة مشاركتي لاني مش بفتح النت غير مرة واحدة باليوم تقريبا من التعب بتاع المدرسة والعيال زي ما قولتي
الواحد لسانه مش بيدخل بقه طول النهار
ربنا يعننا كلنا وييسر أمر مصطفى يارب ويأخد جواب

مشمشاية
12-11-2009, 08:38 PM
الملف ده فى شرح الوندوز اسهل مديول فى الدورة
بكرة هحملكم الاسئله الى بتيجى فى الامتحان محلوله

elbarshomy
12-11-2009, 08:43 PM
هو فين الملف

mostafa22
12-11-2009, 08:44 PM
السلام عليكم
انا عندى اسئلة امتحانات icdl مترجمه
ممكن ارفعهم على الاميل وابعتهم لو اردتم

حاتم شوقى
12-11-2009, 08:59 PM
You can see links before reply

elbarshomy
12-11-2009, 09:17 PM
الموضوع ده مش عاوز يخلص

elbarshomy
12-11-2009, 09:23 PM
الموضوع كده فيه لبس كتير
الاول الناس اللى كانت شغالة قبل الكادر وماجالهمش مميز
ودول واضح انهم عاوزينهم ياخدوا سنه من صندوق المحافظة وبعدين يخلعوهم
اللى مش واضح الناس اللى اشتغلت فى يناير 2009 بعقود لسه ما انتهاش مدتها وتم فسخها فى 31/5 ومؤهلاتهم مطلوبة والمحافظ والادارات اللى مشغلاهم
دول ولا حس ولا خبر
وبعدين التطوير ازاى ما لوش ميزانية

noha77
13-11-2009, 11:25 AM
السلام عليكم ورحمة الله وبركاته
موقع الاكاديمية مش بيفتح عندي من امبارح
حد عنده نفس الحكايه ولا ايه
هو السيرفر ضرب ولا ايه
ياريت حد يقولي بيفتح الموقع عنده ولا لا

مشمشاية
13-11-2009, 02:55 PM
النت كان وحش قوى عندى امبارح بكرة الصبح هرفعلكم كام ملف ان شاء الله

noha77
13-11-2009, 06:21 PM
يا جماعة موقع الاكاديمية مش بيفتح عندي حديقولي ايه السبب وبيفتح عندكم ولاا لالالالالالالالالالالالالا

elbarshomy
13-11-2009, 07:29 PM
يا جماعة موقع الاكاديمية مش بيفتح عندي حديقولي ايه السبب وبيفتح عندكم ولاا لالالالالالالالالالالالالا

الموقع ما بيفتحش يبدو ان السيرفر عليه حمل كبير

elbarshomy
13-11-2009, 07:36 PM
You can see links before reply

حاتم شوقى
13-11-2009, 10:43 PM
انا متاكد ان كل ادارات المحافظة ستتبع السياسة دى اذا استمر هذا الوضع المهين " 70 قرش يا زمن لشخص جامعى و معاه دراسات عليا يالا العار ده سواق التكتك بيجيب 70 جنية فى اليوم وسلم لى على مهنه التدريس

مشمشاية
14-11-2009, 10:54 AM
والله عندك حق يا استاذ حاتم انا بقول للمدير انا بشتغل بالحصه يعنى اليوم الى معنديش فيه حصص مش لازم اجى المدرسه لا مينفعش انتى تيجى كل يوم واحلى مرمطه فى المواصلات

مشمشاية
14-11-2009, 11:02 AM
دى هى الكوسه الى مسيطرة على بلدنا والله يا جماعه

elbarshomy
14-11-2009, 01:38 PM
ويقولوا انتماء
ههههه هاااااى

elbarshomy
14-11-2009, 01:41 PM
وانا م البلد دى
انا م البلد دى
بلد ابويا وجد جدى
يارب ما تبقى بلد ولادى بعدى

elbarshomy
14-11-2009, 07:04 PM
من اجلك انت
You can see links before reply

elbarshomy
14-11-2009, 10:38 PM
مبروك للمنتخب المصرى

مشمشاية
14-11-2009, 11:17 PM
مبرووووووووووووووووووووووووووووووووووووووووووووووو وووووووك
مبرووووووووووووووووووووووووووووووووووووووووووووووو وووووووك
مبرووووووووووووووووووووووووووووووووووووووووووووووو وووووووك

مشمشاية
14-11-2009, 11:32 PM
عقبال ما نقول مبروك للمدرسين المعتصمين

elbarshomy
15-11-2009, 12:05 AM
مشمشاية
شخصية لا يمكن الاستغناء عنها
مبرووووووووووووووووووووك

elbarshomy
15-11-2009, 12:06 AM
عقبال ما نقول مبروك للمدرسين المعتصمين

ربنا يهدى العاصى

elbarshomy
15-11-2009, 12:07 AM
عقبال ما نقول مع السلامة يا اللى فى بالى
يا اللى حاطط المدرسين فى دماغك

elbarshomy
15-11-2009, 12:38 AM
مش لو كان فينا حد قريب عماد متعب ولا حتى من بلده
ان شاالله حتى يكون معاه رقم محموله
كان زمانه حل مشكلة المؤقتين

ولا ايه
احنا اكيد اكيد فى مصر

noha77
15-11-2009, 12:39 AM
مليووووووووووووووووووووووووووووووووووووووووووووووو ووووووووووووووووووون مبروك لمصر
وعقبال المباراة القادمة
وربنا يحقق لكل واحد فينا أمنياته أميييييييييييييييييييين يارب

elbarshomy
15-11-2009, 12:43 AM
مدرسو كفر الشيخ يلجأون لحزب الوفد لحل أزمتهم
السبت، 14 نوفمبر 2009 - 16:52


عبد العليم داوود، عضو مجلس الشعب
كفر الشيخ ـ عبير زاهر


طلب النائب الوفدى محمد عبد العليم داوود، عضو مجلس الشعب عن دائرة فوة ومطوبس بكفر الشيخ من المدرسين المفصولين من مدارس التربية والتعليم بكفر الشيخ الاجتماع مع قيادات حزب الوفد بالقاهرة لبحث وسائل حل أزمتهم.

قالت هيام سلام – مدرسة - إنهم اتفقوا فى لقائهم مع داوود على الاعتصام والإضراب تماما عن الطعام لأجل غير مسمى أمام رئاسة الجمهورية ورئاسة مجلس الوزراء الخميس المقبل، وذلك فى حال فشل جهود داوود مع المسئولين، والتى من المقرر أن تظهر نتائجها يوم الثلاثاء المقبل.

يذكر أن المدرسين سبق واعتصموا الأسبوع الماضى أمام مقر الأمانة العامة للحزب الوطنى بالقاهرة، والتقوا بالدكتور يسرى الجمل وزير التربية والتعليم، الذى وعدهم بإبرام عقود مميزة، خاصة بعد أن قضوا فى التدريس أكثر من 14 عاما لم يتعاقدوا خلالها مع الوزارة إلا من خلال إقرارات لا تمثل أى حقوق لهم ولا مكافآت ولا حوافز.


الكلام ده كدب وافتراء وتشويه للراجل الهمام وتصوير الموضوع على انه لعبه انتخابية

elbarshomy
15-11-2009, 12:45 AM
عقبال ما نقول مبروك للمدرسين المعتصمين

ما احنا باركنا قبل كده 3 مرات يا مشمشايه
مش عاوزين نقول
عايزين نشتغل
ههههههههههههههههههههههه

elbarshomy
15-11-2009, 12:48 AM
اللى بيحصل اخلاف للوعد والعياذ بالله
والتفاف حول القرارات
ومش مشكله المؤقتين دول
دول خراسيس مهاويس فلاحين
مش تقول لى جامعيين مثقفين متعلمين
فرمان بطرد كل خراسيس من الوسيه
ان انتم الا عبيد احساناتنا

حاتم شوقى
15-11-2009, 12:26 PM
مبروك طبعا وعقبال موقعة السودان الفاصله بس فى حاجة تزعل شوية ان لو مصر صعدت كل لاعب سيحصل على 2 مليون فى حين ان ميزانية معلمى كفرالشيخ المطلوبة هى 2 مليون ومش راضيين يدفعوها تصور لاعب واحد معاه ميزانية 4500 معلم مؤقت بس برضه بنشجع مصر انطلاقا من مبدا الوطنية و ال70 قرش فى الحصة

noha77
15-11-2009, 02:33 PM
اللى بيحصل اخلاف للوعد والعياذ بالله
والتفاف حول القرارات
ومش مشكله المؤقتين دول
دول خراسيس مهاويس فلاحين
مش تقول لى جامعيين مثقفين متعلمين
فرمان بطرد كل خراسيس من الوسيه
ان انتم الا عبيد احساناتنا
:18:
ههههههههههههههههههههههههه
والله انت بجد رايق اوي
ما في اليد حيله
ربنا معانا

مشمشاية
15-11-2009, 08:03 PM
هلا يا جماعه والله وحشتونى واعذرونى على التاخر عليكم فعلا المدرسه واخده وقت كبير قوى منى بس لازم كل يوم ادخل لو مره اشوف اخباركم
شكرا للاستاذ البرشومىعلى التعليق الجميل ده وربنا يخليك والله كلكم شخصيات لا يمكن الاستغناء عنها واصبحتم مثل الاصدقاء
والى يزعلك يا استاذ حاتم ان كل لاعب ان شاء الله لما نكسب هياخد 2 مليون غير المصاريف الى هتتصرف على البعثه الى هتسافر وطبعا هنتغلب فى اول متش فى كاس العالم يعنى كل الفلوس دى هتروح على الارض
وبعدين هى جات على الكورة دى نص فلوس البلد بتتصرف فى حاجات ملهاش لازمه
والله يعوض علينا بالى يفرح عينينا
ملهمش فى الطيب
طبعا دول احنا

elbarshomy
15-11-2009, 10:52 PM
والله يعوض علينا بالى يفرح عينينا
ملهمش فى الطيب
طبعا دول احنا

تمام يا استاذه

elbarshomy
15-11-2009, 10:54 PM
:18:
ههههههههههههههههههههههههه
والله انت بجد رايق اوي
ما في اليد حيله
ربنا معانا

:18:انتى اللى ذوق يا استاذه نهى

mostafa22
15-11-2009, 11:01 PM
السلام عليكم
ازيكم عاملين ايه
لحد الان فى ادارة مطوبس
لم يتم التوزيع نهائيا ولسه بيقولوا اخر الاسبوع
مش عارف ايه الروتين ده ولما الواحد بيسال الحاسب اوالتطوير الاسماء مانزلتش ليه
محد بيجيب برد يقولك لسه كمان اسبوع
حرااااام بجد اللى بيحصل فينا ده
وايه اخبار العقود الميزه مفيش اخبار جديده عندكم

مشمشاية
15-11-2009, 11:08 PM
ممكن يا استاذ مصطفى يكونو مستنيين يعرفوا الموضوع هيرسى على ايه بدل ما كل شويه يجهزوا كشف جديد اصل سيادة المحافظ كل خمس دقائق بحال وربنا يهدى العاصى
قولوا أميننننننننننننننننننننننننننننننننننننننننننننننن نن

noha77
15-11-2009, 11:09 PM
:18:انتى اللى ذوق يا استاذه نهى
:18:
لا بجد اوعى تكون زعلت انا بهزر لان الكلام بتاع حضرتك عجبني
يعني على رأي ال قالوا
هم يبكي وهم يضحك:27:

مشمشاية
15-11-2009, 11:12 PM
حلوه قوى الناس الى بتسقف دى يا نهى

مشمشاية
15-11-2009, 11:13 PM
:28:
:7:
:006et4:

noha77
15-11-2009, 11:16 PM
ان شاء الله خير يا استاذ مصطفى
حنعمل ايه في نصيبنا...........
وفيه اخت معايه عمها مدير الادارة في الرياض بتقولي النهارده ان العقود نازله في خلال اسبوعين
وكمان كان فيه موجه رياضيات عندنا في المدرسة وبيقول فيه عقود نازله قريب
يارب يكون خير لينا كلنا
وان شاء الله تخدوا جوابتكم وتستريحوا

noha77
15-11-2009, 11:18 PM
والله يا مشمشة الواحد زهقان علشان كدا مش عارف يسقف ولا يعيط ولا يعمل ايه بالضبط

noha77
15-11-2009, 11:19 PM
تفاءلوا بالخير تجدوه

noha77
15-11-2009, 11:22 PM
شوفتوا يا جماعة الجزائريين اعتدوا على مصريين بيعملوا في شركة اوراسكوم في الجزائر الان
وعاملين حصار عليهم وناس كتير اصيبم الشرطة هناك مش عارفه تعملهم حاجه
وفيه واحد منهم بيقول لو طلع علينا الصبح يبأى كويس
حسبنا الله هو نعم الوكيل

elbarshomy
16-11-2009, 01:08 AM
:18:
لا بجد اوعى تكون زعلت انا بهزر لان الكلام بتاع حضرتك عجبني
يعني على رأي ال قالوا
هم يبكي وهم يضحك:27:

ولا هم ولا حاجة وكله هيشتغل :38:

noha77
16-11-2009, 02:41 PM
السلام عليكم ورحمة الله وبركاته
اخباركم ايه
فيه ناس أخدت جوابات اليوم في ادارة الرياض وتخصصات مختلفة
وعلى فكرة في ناس جديدة شغالة السنة دي من 2009 كمان
يعني في ناس راحوا اخصائيين تطوير واخصائيين علم نفس وحاسب ألي كمان
يارب يا استاذ barshomyكل الناس تشتغل
وربنا يوفق الجميع

mostafa22
16-11-2009, 04:17 PM
السلام عليكم ورحمة الله وبركاته
اخباركم ايه
فيه ناس أخدت جوابات اليوم في ادارة الرياض وتخصصات مختلفة
وعلى فكرة في ناس جديدة شغالة السنة دي من 2009 كمان
يعني في ناس راحوا اخصائيين تطوير واخصائيين علم نفس وحاسب ألي كمان
يارب يا استاذ barshomyكل الناس تشتغل
وربنا يوفق الجميع

السلام عليكم
يعنى التطوير والحاسب اتوزع عندكم
بالتقدير والتخصص ولا راس العمل وكملوا من الجداد

mostafa22
16-11-2009, 04:22 PM
شوفتوا يا جماعة الجزائريين اعتدوا على مصريين بيعملوا في شركة اوراسكوم في الجزائر الان
وعاملين حصار عليهم وناس كتير اصيبم الشرطة هناك مش عارفه تعملهم حاجه
وفيه واحد منهم بيقول لو طلع علينا الصبح يبأى كويس
حسبنا الله هو نعم الوكيل

حسبنا الله ونعم الوكيل
اللى بيحصل ده كارثه
المستفيد الوحيد منها اعدائنا وهم اليهود
يريدون ان نتفرق
كل ده من اجل ماتش كوره
هاناخد ايه يعنى من التااهل لكاس العالم
هايشغلونا

حاتم شوقى
16-11-2009, 06:38 PM
فى اقرار سيتم توزيعه فى ادارة بيلا وجميع الادارات يتعهد فيه المدرس المؤقت بانه لا يحق له اى حوافز او مكافات و ان يتم فصله فى 30 مايو ولا يقبض مكافاة الامتحانات طبعا و انه لا ينتمى الى ادارته التعليمية و لا اى جهة تعليمية اخرى و ان تمويل مرتبه ياتى من صندوق خدمات المحافظة يعنى زى عمال النظافة اللى تعاقدوا معاهم علشان الخنازير عمال النظافة بيقبضوا 180 جنيه واحنا بعون الله 105 ج + 70قرش فى الحصة واقصى عدد حصص 10 حصص فى الاسبوع
المؤقتين بيشجعوا مصر و احنا معاهم كوكاكولا الراعى الرسمى لل 70 قرش فى الحصة

noha77
16-11-2009, 10:42 PM
فى اقرار سيتم توزيعه فى ادارة بيلا وجميع الادارات يتعهد فيه المدرس المؤقت بانه لا يحق له اى حوافز او مكافات و ان يتم فصله فى 30 مايو ولا يقبض مكافاة الامتحانات طبعا و انه لا ينتمى الى ادارته التعليمية و لا اى جهة تعليمية اخرى و ان تمويل مرتبه ياتى من صندوق خدمات المحافظة يعنى زى عمال النظافة اللى تعاقدوا معاهم علشان الخنازير عمال النظافة بيقبضوا 180 جنيه واحنا بعون الله 105 ج + 70قرش فى الحصة واقصى عدد حصص 10 حصص فى الاسبوع
المؤقتين بيشجعوا مصر و احنا معاهم كوكاكولا الراعى الرسمى لل 70 قرش فى الحصة

:18:فعلا يا استاذ حاتم فيه اخصائية نفسية خدت جواب النهارده مضتت على تعهد ان ليس لهم مكافأت ولا حوافز هيه قالتلي بنفسها
الله المستعان

noha77
16-11-2009, 10:46 PM
وعليكم السلام استاذ مصطفى
والله الحقيقه انهم كانوا شغالين السنة الماضية بس انا مش عارفه هما وزعوهم على اساس ايه
انشاء الله حسألهم بكره وحرد على حضرتك

مشمشاية
17-11-2009, 10:39 AM
دلوقتى انا مش فاهمه حاجه طيب انا استلمت جوابى وممضتش على اى اقرار دلوقتى انا تبع الناس دى ولا دول الناس الى مكنوش راضيين يشغلوهم
يا ريت يا استاذ حاتم انت او نهى تفهمونى لان مدير الادارة وهو بيسلمنى الجواب قال انتم جاى لكم عقود مميزة قريب قوى
الى يعرف حاجه يفهمنى لحسن انا خلاص فى وش فى دماغى من الموضوع ده

حاتم شوقى
17-11-2009, 02:15 PM
الكل هيوقع على الاقرار و لما ياتى المميز يختلف الوضع و بعدين المميز لسه بدرى عليه المميز سياتى بعد اعلان نتيجة كادر المعلم المساعد فى اوائل العام القادم لان المميز مرتبط بنجاح المميزين القدامى و انتقالهم الى معلم لياتى بعدهم معلمين مساعدين جدد

noha77
17-11-2009, 02:29 PM
السلام عليكم
يا جماعة ال خدوا جوابات في الاول زي انا ومشمشة كدا وضع تاني مفيش اقرارات ولاحاجه
لكن ال ردوهم دول ال كانوا على رأس العمل العام الماضي وعلشان يريحوهم ادولهم جوابات ومضوهم على اقرارت انهم ليس لهم حق في المكافأه او الحوافز ومرتبهم 105 يدفع من صندوق المحافظة
انما ال اخد جوابات قبل كدا دول فعلا لهم عقود مميزة بس لسه شوية ومؤقتا حيسبونا على اساس العقد العادي174 يعني الكلام ده من الادارة نفسها المحافظة عملت كدا علشان تعجزهم وفي نفس الوقت تسكتهم وفيه كتير رضوا بالوضع واستلموا على هذا الاساس بس حيشتكوا تاني
ربنا ييسر لهم امرهم يارب

mostafa22
17-11-2009, 05:46 PM
السلام عليكم
يا جماعة ال خدوا جوابات في الاول زي انا ومشمشة كدا وضع تاني مفيش اقرارات ولاحاجه
لكن ال ردوهم دول ال كانوا على رأس العمل العام الماضي وعلشان يريحوهم ادولهم جوابات ومضوهم على اقرارت انهم ليس لهم حق في المكافأه او الحوافز ومرتبهم 105 يدفع من صندوق المحافظة
انما ال اخد جوابات قبل كدا دول فعلا لهم عقود مميزة بس لسه شوية ومؤقتا حيسبونا على اساس العقد العادي174 يعني الكلام ده من الادارة نفسها المحافظة عملت كدا علشان تعجزهم وفي نفس الوقت تسكتهم وفيه كتير رضوا بالوضع واستلموا على هذا الاساس بس حيشتكوا تاني
ربنا ييسر لهم امرهم يارب

'السلام عليكم
تقولى ايه بقى وادارة مطوبس لحد الان مفيش اى حد استلم جواب
فى جميع التخصصات والاسماء لسه بيقولوا التوزيع الاسبوع اللى جااااى

حاتم شوقى
17-11-2009, 06:35 PM
حقا كلام الاستاذة نهى صحيح لانه اقرب الى الواقع لان فى مصر لابد ان توجد تفرقة فى كل شيئ ناس اساسيين وناس مميز وناس تعاقد عادى وناس بالمكافاة الشهرية منتهى قله الادب و السفاله مع ان فى الاخر المعلم معلم لكن فى بلاد الاعاجيب(مصر) لازم يبقى فى كل الانواع زى اللب (عادى -سوبر- قرع)و فى كمان سودانى

مشمشاية
17-11-2009, 10:04 PM
انا كمان اعتقد ان كلام نهى صح والا ليه وزعونا احنا الاول وبعدين لازم يمضوا على الاقرار قبل ما يشغلوهم واحنا اخدنا الجوابات بس
اما بالنسبه للاستاذ حاتم على فكرة القرارات دى بس فى محافظة كفر الشيخ مش على مستوى الجمهوريه يعنى لو المحافظ كان عايز يمشى الموضوع زى العام الماضى كان مشى بس هنعمل ايه كل ساعه بحال
والله انا بدعى انكم تشتغلوا وربنا معاكم

noha77
18-11-2009, 12:10 AM
معلش يا جماعة والله ان شاء الله خير
ربنا ييسر لكم امركم يارب
كدا بأى .................................................. .يبأى انت اكيد اكيد في مصر

noha77
18-11-2009, 03:05 PM
السلام عليكم
كيف احوالكم يا جماعه
فيه واحد النهارده قالي ان نفس موضوع الاقرارات ده حصل السنه ال فاتت في اول السنة برده
وبعدين ردوا في كلامهم تاني وحسنوا اوضاعهم بعد كدا
وبالنسبة للعقود المميزة فيه ناس انهارده بيقولوا ان فعلا العقود في المديرية ولسه حتتوزع على الادارات
ربنا يسهل

mostafa22
19-11-2009, 12:03 AM
السلام عليكم
كيف احوالكم يا جماعه
فيه واحد النهارده قالي ان نفس موضوع الاقرارات ده حصل السنه ال فاتت في اول السنة برده
وبعدين ردوا في كلامهم تاني وحسنوا اوضاعهم بعد كدا
وبالنسبة للعقود المميزة فيه ناس انهارده بيقولوا ان فعلا العقود في المديرية ولسه حتتوزع على الادارات
ربنا يسهل

مش باين لها شغل السنادى لحد الان مفيش جديد
لسه مفيش توزيع ولا اسماء فى ادارة مطوبس
لا حول ولا قوه الا بالله

noha77
19-11-2009, 12:44 AM
ليه يا استاذ مصطفى لو عطكوا جوابات ولو حتى حتمضوا اقرارات وافق وان شاء الله الاوضاع دي حتتغير
بس ما تضيع الفرصه منك
معلش والله ربنا يصبرنا ويصبركم على الادارات دي

مشمشاية
19-11-2009, 07:52 AM
يلا ياجماعه يمكن ال2 مليون جنيه الى كان هيخدها كل لاعب يشغلونا بيها
والله انا بقول الحمد لله ان مصر خسرت ان بعتقد لو كنا فزنا كان هيكون فى مجازر هتحصل
انا كمان واحده قالتلى اننا على طول بنمضى على الاقرارات دى وعادى ومفيش حاجه بتحصل بس انا لحد الان عندى الوضع زى ما هو
والله الموفق

mostafa22
19-11-2009, 04:14 PM
ليه يا استاذ مصطفى لو عطكوا جوابات ولو حتى حتمضوا اقرارات وافق وان شاء الله الاوضاع دي حتتغير
بس ما تضيع الفرصه منك
معلش والله ربنا يصبرنا ويصبركم على الادارات دي

الحمد الله انهارده المواد الاساسيه نزلة واتوزعوا واستلموا الجوابات
بس لسه الحاسب والتطوير وبعض المواد الاخرى سه مانزلوش
ولما سالت قالوا لسه شويه امتى يقولك الله اعلم
ادينى مستنين الفرج يجى من عند الله
لان الموضوع طول قوووووووووووى
انا بعد العسر يسر

mostafa22
19-11-2009, 04:18 PM
يلا ياجماعه يمكن ال2 مليون جنيه الى كان هيخدها كل لاعب يشغلونا بيها
والله انا بقول الحمد لله ان مصر خسرت ان بعتقد لو كنا فزنا كان هيكون فى مجازر هتحصل
انا كمان واحده قالتلى اننا على طول بنمضى على الاقرارات دى وعادى ومفيش حاجه بتحصل بس انا لحد الان عندى الوضع زى ما هو
والله الموفق

الحمد الله ان احنا اتغلبنا
كانت هاتحصل مجازر للمصرين
انتوا تعرفوا ان الاسلحه البيضاء نفزت من السودان
بسبب ان الجماهير الجزاريه اشترتها كلها استعداد لمجزه فى السودان
والحكومه الجزائريه جابت 5 الالف مسجل خطر للسودان تحسبن انهم لو خسروا
كانوا هايعملوا كارثه كبيره
الحمد الله

مشمشاية
19-11-2009, 07:10 PM
بصو يا جماعه انا عندى فكره والله حلوة بس لو كل المصريين عملوها ان شاء الله الجزائر هتتغلب فى كاس العالم يمكن بعد ماتش ولا اتنين بالكتير يطلع بعدها المصريين كلهم مسيرات بالاعلام المصريه ونحتفل عندنا كأن فريقنا هو الى فاز وبعدين المفروض معتش فى واحد مصري يلبس اللون الاخضر وشعب الجزائر ده شعب همجى ومتخلف

noha77
19-11-2009, 07:34 PM
يا بنتي هما لهم لازمه دول ذي الصفر ال على الشمال
الهمج المتخلفين يعني هما اصلهم ايه دول بربر ومتجنسين
حتى اشكالهم اروبيه خالص
دول مجرمين يتهم القرف
منهم لله
والله لايستحقوا الفوز
وان شاء الله نشمت فيهم قريب
عروبة ايه وزفت ايه هما خلوا فيها عروبة هوفين الاسلام
دول حتى مهنش عليهم يسجدوا لله شكرا عند احرز الهدف

حاتم شوقى
19-11-2009, 08:18 PM
You can see links before reply

مشمشاية
20-11-2009, 02:17 PM
ربنا معاهم ويوصلوا للى هما بيتمنوه والله الجماعه دول تعبوا قوى وكده حرام

مشمشاية
20-11-2009, 02:33 PM
وأضاف الجمل أن هذه الاختبارات للتعيين سوف تساهم فى التعاقد بدلا من الناجحين فى وظيفة معلم لوظيفة معلم مساعد والذين تنطبق عليهم شروط القانون 155 لسنة 2007 وتكون الأولوية لمن يعملون حاليا بالمدارس وتنطبق عليهم الشروط وسيتم ذلك بالتنسيق مع المحافظات.

مشمشاية
20-11-2009, 02:39 PM
يعنى يا جماعه ان شاء الله لما نتيجة امتحان الكادر تظهر هيعملوا لنا عقود مميزة ادعوا بس للناس كلها تنجح وكمان الى يجيله جواب فى اى مكان ميسبهوش خالص ويا رب كلكم تشتغلوا قريب
وان شاء الله يا استاذ مصطفى اسمك ينزل فى الكشوف الاسبوع الجاى
وربنا يوفق الجميع

noha77
20-11-2009, 04:12 PM
ربنا يوفقهم كلهم يارب
كيفك مشمشة اخبارك ايه

نور الهدى 2010
20-11-2009, 10:01 PM
السلام عليكم ورحمة الله وبركاته لو سمحت فى اى حد يعرف اخبار عن المدرسين العاملين بالحصة بمحافظة المنيا احنا تم عملنا بالحصة العام الماضى فى شهر ينابر 2009 ولغاية دلوقتى نعمل بالحصة

noha77
21-11-2009, 12:43 AM
المفروض يا نور يعملوا لكم عقد مميز السنه دي

مشمشاية
21-11-2009, 10:50 AM
تمام يا نور زى ما قالت لك نهى ان شاء الله لما نتيجة الاخوة المتعاقدين مميز تظهر هيعملولنا مكانهم عقود مميزة ان شاء الله يا رب كلهم ينجحوا

elbarshomy
21-11-2009, 03:02 PM
السلام عليكم ورحمة الله وبركاته
وحشتوووووووووونى
معلهش الجهاز كان عطلان عاوز كابل
الى عندنا فى سيدي سالم
ان اللى كانوا على راس العمل هيرجعوا بالترخيص بس بالاقدمية

noha77
21-11-2009, 04:44 PM
السلام عليكم ورحمة الله وبركاته
وحشتوووووووووونى
معلهش الجهاز كان عطلان عاوز كابل
الى عندنا فى سيدي سالم
ان اللى كانوا على راس العمل هيرجعوا بالترخيص بس بالاقدمية

:18:
فينك استاذنا اخبارك ايه
الحمد لله على سلامة الجهاز

mostafa22
21-11-2009, 05:05 PM
السلام عليكم ورحمة الله وبركاته
وحشتوووووووووونى
معلهش الجهاز كان عطلان عاوز كابل
الى عندنا فى سيدي سالم
ان اللى كانوا على راس العمل هيرجعوا بالترخيص بس بالاقدمية

السلام عليكم
الحمد الله على سلامت الجهاز

بالترخيص ازاى يعنى
بالحصه تقصد

مشمشاية
21-11-2009, 10:05 PM
هذه النشره مخصصه للرد على الاحداث التى جرت فى السودان


الرجاء الدخول على هذا الرابط : You can see links before reply

ياريت
كله يبعت للفيفا يطلب الغاء نتيجة المباراة بسبب الى حصل بعد المباراة
ويكتب كل الى سمعه حصل بعد الماتش والى معاه لينكات لفيديوهات او لينكات
من برامج او مكالمات استغاثة من المصريين فى السودان
الموضوع هام جدا وممكن يجيب نتيجة ايجابية وتتلغي نتيجة المباراة وحصلت قبل كده فعلا


ودي صيغة عشان تتبعت علي طول


To the International Federation of football
We urge you to Withdrawal the Algerian team from qualifying to the World Cup because of their Barbarism and the lack sports ethics, and attacking the Egyptian team and Egyptian Citizens using weapons like knives and machetes
And we have full faith of your wisdom and Justice in solving problems
Thank you so much

ودي صيغة تانية


Hey all of you , Fifa Signture is My game is Fair play and what algeria did today in the match with Egypt is not fair play First :they Stormed the field before the match , they destroyed the bus of Egyptian players , they Threatened players and Egyptian people with death Second : they through fire into the field during the match Third : they stopped the Egyptian buses in sudan and hit egyptian people and some of them was killed or Permanently injured so , it was no a fair game and what all we need is to rescue us and rescue what Fifa What are trying to be applied in the spirit of sports Egypt Presented to the world The Best Youth World Cup so you must protect her right to access to the World Cup and re-calculating or outcome of the game in favor of Egyptour game is fair play
thanks Great Fifa


الخطوات بالظبط
************
هنختار
Feedback on National Teams' Fixtures and Results

What is your name? .. اكتب اسمك فيها

Email : اكتب ايميلك

Subject : Egypt VS Algeria

وبعدين اعمل كوبى للماسيدج باى نص تختارو

هتلاقى تحتها مكتوب
URL
وفى مكان تحط لينك
حط لينك الفيديو

You can see links before reply

او اى فيديو فى youtube يظهر اعتداء الجزائرين على المصرين فى السودان

وبعدين تحتها اكتب الارقام اللى موجودة على اليمين فى المكان الفاضى

و بعدين
Submit

بس كدا ... وربنا يعمل اللى فى الخير

انا عارف اننا خسارنا !!!!
بس اهلنا فى السودان لازام ناخد حقهم بالقانون !!!!



ملاحظة : الموضوع منقول من موقع ماى ايجى

You can see links before reply

مشمشاية
21-11-2009, 10:11 PM
السلام عليكم ورحمة الله وبركاته
وحشتوووووووووونى
معلهش الجهاز كان عطلان عاوز كابل
الى عندنا فى سيدي سالم
ان اللى كانوا على راس العمل هيرجعوا بالترخيص بس بالاقدمية

الحمد لله على سلامتك احنا قولنا انت نستنا خلاص
وده خبر كويس ربنا يسهل

مشمشاية
21-11-2009, 10:14 PM
المشاركه الى انا بعتها من شويه دى رساله وصلتنى على الايميل يا ريت كلنا نبعت والخطوات سهله وكلها عندكم

mostafa22
21-11-2009, 10:36 PM
المشاركه الى انا بعتها من شويه دى رساله وصلتنى على الايميل يا ريت كلنا نبعت والخطوات سهله وكلها عندكم

دا مصر كلها بعت الرساله دى
بس الفيفا مش هاتعمل حاجه
لان الجزائر سنه 2001 عملت كتير فينا من ضرب
وقدمنا شكوى بس الفيفا لم تتخذ قرار

مشمشاية
21-11-2009, 11:03 PM
والله يا استاذ مصطفى اهى اى حاجه نطلع فيها النار الى جوانا انا فعلا لو شفت واحد جزائرى قدامى هضربه ب------------------------ وكل واحد يكتب الى نفسه فيه
دول ناس لا اصل ولا فصل ولا حضارة ولا دين وملهمش الا فرنسا تستعمرهم
والله الواحد اصلا مش بيفهملهم كلمه لهم لغه كده زى الهكسوس
وبعدين فين كبير البلد دى د رأيس المدينه عندنا له كلمه عن الاخ بو تلفيعه بتاعهم ده
اعذرونى انا فعلا متغاظه منهم ونفسى يلا ما علينا

حاتم شوقى
21-11-2009, 11:13 PM
ايرلندا عندها نفس المشكله مع اختلاف الظروف و هى اعتراف هنرى مهاجم فرنسا بلمس الكرة بيده و ان الهدف الذى مرره غير صحيح و لكن الفيفا اعتمد النتيجة وصعدت فرنسا بعد محاولات ايرلندا باعادة المباراة

حاتم شوقى
21-11-2009, 11:26 PM
الفتنة يا اسيادنا مصر والجزائر اخوات بس الجيل الحالى هو السبب انظر الى الماضى مصر ساعدت الجزائر فى ثورتهم ضد فرنسا و الجزائر ساعدونا فى حرب اكتوبر وارسلوا قواتهم الى سيناء و قطعوا البترول عن الغرب وبقول الف مبروك لليهود و ماما فرنسا فرحوا بسعادة كبيرة بالفتنة بين الشعبين العربيين المسلمين و سلم لى على العروبه

noha77
22-11-2009, 03:32 PM
:18:
السلام عليكم ورحمة الله وبركاته
كيف حالكم اصدقائي
ان شاء الله تكونوا بخير
طمنونا على احوالكم:17::38:

مشمشاية
22-11-2009, 05:58 PM
الحمد لله يا نهى انتى عامله ايه ؟
انا سمعت انهم نزلوا عندنا فى بيلا 77 اسم كمان من الناس الى كانوا شغالين سابقا
فى عندكم اى جديد

mostafa22
22-11-2009, 06:31 PM
السلام عليم
ايه اخبارم عاملين ايه
انا رحت اسئل انهارده على الحاسب والتطوير
لقيت اجابات مش كويسه بيقولوا بعد العيد
اللى كانوا على راس العمل وهاتمضوا الاقرار
هو اللى اشتغلوا حاسب وتطوير عندكم مضوا اقرار مفيش مكافاه هايخدوها

noha77
22-11-2009, 06:44 PM
والله يا مشمشة ال اعرفه ان في ناس كتير جدا رجعت وتقريبا كل ال عايز يشتغل وكان مقدم رجعوه طبعا مع امضاء الاقرار المستفز ده
وان شاء الله انا رايحه الادارة بكره لان فيه اسماء نزلت عندنا في العقد المميز حروح اشوف اسمي نزل ولا ايه
مع اني متأكده ان الموضوع فيه لعب كبير جدا
حسأل ان شاء الله وحرد عليكي اطمنك
اما بالنسبه لمصطفى والله ربنا معاك وييسر امرك
معلش اصبر
"فان مع العسر يسرا "
الله المستعان

مشمشاية
22-11-2009, 06:51 PM
السلام عليم
ايه اخبارم عاملين ايه
انا رحت اسئل انهارده على الحاسب والتطوير
لقيت اجابات مش كويسه بيقولوا بعد العيد
اللى كانوا على راس العمل وهاتمضوا الاقرار
هو اللى اشتغلوا حاسب وتطوير عندكم مضوا اقرار مفيش مكافاه هايخدوها

والله يا استاذ مصطفى احنا الكشف الاول الى طلع للحاسب ومحدش فينا مضى اى اقرار
بس معرفش بالنسبه للناس الى اسمائهم نزلت جديد عملوا ايه معاهم
لكن اذا اسمك نزل استلم الشغل فى ناس بتقول علطول كانوا بيمضوا الاقرار ده وبرده كانوا بيخدوا المكافأة
وربنا معاك

مشمشاية
22-11-2009, 06:54 PM
والله يا مشمشة ال اعرفه ان في ناس كتير جدا رجعت وتقريبا كل ال عايز يشتغل وكان مقدم رجعوه طبعا مع امضاء الاقرار المستفز ده
وان شاء الله انا رايحه الادارة بكره لان فيه اسماء نزلت عندنا في العقد المميز حروح اشوف اسمي نزل ولا ايه
مع اني متأكده ان الموضوع فيه لعب كبير جدا
حسأل ان شاء الله وحرد عليكي اطمنك
اما بالنسبه لمصطفى والله ربنا معاك وييسر امرك
معلش اصبر
"فان مع العسر يسرا "
الله المستعان

ازاى يا نهى العقود نزلت عندكم والوزير قال بعد ما نتيجة الناس الى امتحنوا يوم 20/11 تظهر والى هينجح احنا هنحل محلهم
يا ريت تستفسرى كويس وتخبرينى باى جديد
وجزاكى الله خيرا وربنا يوفقنا كلنا

noha77
22-11-2009, 06:55 PM
فعلا يا مصطفى لو اسمك نزل استلم
وبعد كدا ربنا يحلها من عنده
وفيه بجد واحد قالي انه كان ماضي الاقرار ده السنه ال فاتت وبعدين
رجعوا في كلامهم تاني خدوا في المكافأه

mostafa22
22-11-2009, 11:39 PM
ان شاء الله مفيش مشكله
بس االاسامى تنزل الاول
مش عارف ايه اللى مااخرهم كل الوقت ده

ahmed fouad
22-11-2009, 11:41 PM
ربنا يوفقكم جميعا

مشمشاية
23-11-2009, 10:44 AM
اهلا بك معنا يا استاذ أحمد وربنا يسمع منك وحلو قوى الكلام الى انت كاتبه ده عما حدث فى السودان

حاتم شوقى
23-11-2009, 02:39 PM
You can see links before reply

noha77
23-11-2009, 03:34 PM
شكرا استاذ احمد اهلا بحضرتك معانا
وتشرفنا بحضرتك
فعلا كلامك رائع جدا

مشمشاية
23-11-2009, 05:14 PM
اخبار حلوة يا استاذ حاتم يا رب يحققوا الى هدفهم

حاتم شوقى
23-11-2009, 07:50 PM
You can see links before reply

مشمشاية
23-11-2009, 11:26 PM
هلا يا جماعه اخباركم ايه
ايه يا نهى فى اسماء نزلت عندكم فى الادارة بخصوص العقود المميزة؟

noha77
23-11-2009, 11:36 PM
السلام عليكم
انا رحت الاداره عندنا انهارده
وفعلا فيه اسماء نزلت
والحمدلله شفت اسمي
وسمعت كلام تاني كمان ان الجداد كلهم حيمشوهم
وفعلا فيه نشرات وصلت المدارس انهارده ان كل ال كان لى رأس العمل يبعت افاده للادارة
يعني ممكن بكره تبان حاجات اكتر
فيه واحده صاحبتي والدها بيشتغل في المديرية في كفرالشيخ
بيقول ان فعلا فيه عقود فب المديرية بتتمضي وحتنزل الادارات
ربنا يسهل

مشمشاية
23-11-2009, 11:59 PM
تسلمى يا نهى ده خبر حلو انا لسه مسمعتش حاجه عندنا فى بيلا بس دى بشرة خير يا رب يكون فى خطوة إيجابيه عندنا احنا كمان

مشمشاية
24-11-2009, 12:00 AM
مبروك ان اسمك نزل وعقبال ما اباركلك على العقد قريب
ربنا معانا

حاتم شوقى
24-11-2009, 10:09 AM
47 مدرس من راس العمل (اداب وتربية) فى بيلا هيشتغلوا مدرس فصل ابتدائى دول اللى كانوا فى التطوير و خلافه و 88 من القدامى اللى لم يحصلوا على مميز العام الماضى سيذهبوا الى التطوير 0و الخدمة الاجتماعية يقال انهم سيذهبوا الى ابتدائى او رياض اطفال مش اكيد او يمكن تطوير وكل ده بعد العيد

elbarshomy
24-11-2009, 01:05 PM
السلام عليكم
مشمشاية نهى حاتم مصطفى
وحشتوونى
معلهش انا مشغول عنكم اليومين دول
ان شاء الله كل خير
والمدام بتاعتى اسمها نزل
ولكن ما اخبار المميز ان شاء الله كل خير

مشمشاية
24-11-2009, 03:55 PM
كل سنه وانتم جميعا بخير ويا رب يكون عيد سعيد عليكم كلكم
فعلا فى عندنا النهارده فى بيلا الكشف الاول الى كان فيه اسمائنا 43 اسم تربيه نوعيه وهندسه وتجاره ونظم معلومات بس طبعا كلهم تقديرات عاليه
نزلت اسمائنا فى كشف العقود المميزه والحمد لله اسمى نزل بس منعرفش التنفيذ امته كل حاجه هتظهر بعد العيد
وكده تقريبا كلنا هنشتغل يا رب يكون عندكم فى مطوبس يا استاذ مصطفى ظهراى جديد واسمك ينزل وتشتغل

مشمشاية
24-11-2009, 03:57 PM
السلام عليكم
مشمشاية نهى حاتم مصطفى
وحشتوونى
معلهش انا مشغول عنكم اليومين دول
ان شاء الله كل خير
والمدام بتاعتى اسمها نزل
ولكن ما اخبار المميز ان شاء الله كل خير

ربنا معاك وكل سنه وانت بخير ومبروك للمدام وعقبال المميز

مشمشاية
24-11-2009, 03:59 PM
47 مدرس من راس العمل (اداب وتربية) فى بيلا هيشتغلوا مدرس فصل ابتدائى دول اللى كانوا فى التطوير و خلافه و 88 من القدامى اللى لم يحصلوا على مميز العام الماضى سيذهبوا الى التطوير 0و الخدمة الاجتماعية يقال انهم سيذهبوا الى ابتدائى او رياض اطفال مش اكيد او يمكن تطوير وكل ده بعد العيد

كل عام وانت بخير يا استاذ حاتم
كده تمام يا استاذ حاتم بس متعرفش هيشتغلوا بالحصه ام عقود عاديه ام مميزة ؟

mostafa22
24-11-2009, 04:15 PM
كل سنه وانتم جميعا بخير ويا رب يكون عيد سعيد عليكم كلكم
فعلا فى عندنا النهارده فى بيلا الكشف الاول الى كان فيه اسمائنا 43 اسم تربيه نوعيه وهندسه وتجاره ونظم معلومات بس طبعا كلهم تقديرات عاليه
نزلت اسمائنا فى كشف العقود المميزه والحمد لله اسمى نزل بس منعرفش التنفيذ امته كل حاجه هتظهر بعد العيد
وكده تقريبا كلنا هنشتغل يا رب يكون عندكم فى مطوبس يا استاذ مصطفى ظهراى جديد واسمك ينزل وتشتغل

السلام عليكم
لحد الان مفيش جديد
ان شاء الله اروح الاداره بكره نشوف اخر الاخبار
بس مفيش اى شئ بخصوص العقود الميزه ظهر عندنا
دا حتى فى ناس كتير لسه اصلا ماشتغلتش زى الحاسب والتطوير والتربيه الرياضيه وحاجات تانيه

noha77
24-11-2009, 04:20 PM
السلام عليكم
مشمشاية نهى حاتم مصطفى
وحشتوونى
معلهش انا مشغول عنكم اليومين دول
ان شاء الله كل خير
والمدام بتاعتى اسمها نزل
ولكن ما اخبار المميز ان شاء الله كل خير

ازيك استاذي اخبارك ايه:18:
لعل المانع خير ان شاء الله
ومبرووووووووووووك للمدام وعقبال ما نبارك لها على المميز
فيه اخبار بتقول ان كل ال كان على رأس العمل العام الماضي
حيمضوا مميز في خلال شهر من الان بعد اجازة العيد يعني

noha77
24-11-2009, 04:22 PM
الله يبارك فيكي يا مشمشة
وعقبالك يارب انتي ومصطفى وحاتم
بس لسه الحقيقه معرفناش حاجه ان التوقيع في خلال شهر ان شاء الله

noha77
24-11-2009, 04:24 PM
الف مبروووووووووووووووووك يا مشمشة

mostafa22
24-11-2009, 04:25 PM
ربنا معاك وكل سنه وانت بخير ومبروك للمدام وعقبال المميز

مبروووووووووووك وان شاء الله تاخد مميز

ادعيلى بقى اسمى ينزل اصلهم بيقولوا بعد العيد

noha77
24-11-2009, 04:29 PM
ربنا ييسر لك الحال يا مصطفى وينزل اسمك يارب
ويارب نبارك لك بعد المميز ان شاء الله

mostafa22
24-11-2009, 05:04 PM
ربنا ييسر لك الحال يا مصطفى وينزل اسمك يارب
ويارب نبارك لك بعد المميز ان شاء الله

امين يارب العالمين

محمد عبد الفتاح عبد الهاد
24-11-2009, 05:12 PM
نداء هام على الرغم من ان وزير التربيه والتعليم اصدر قراراته الى جميع المحافظات ان من كان من المدرسين المساعدين الحاملين عقود عمل عاديه العام السابق بالاحقيه والاولويه بالعمل بالعقود المميزه هذا العام بحد ادنى لاجر المدرس 300 جنيه فى الشهر ومكافاه اخر العام الدراسى وقد تم التنفيذ فى كل المحافظات ماعدا محافظه كفر الشيخ ونحن عاطلون ومشردون حتى الان والمدارس تحتاج مدرسين وتطالب بالمدرسين لسد العجز فى المدارس فى نفس الوقت الذى قام فيه المحافظ بعمل عزومه لرئيس الوزراء الخميس السابق تكلفت 9 مليون جنيه ولما ثرنا ومعنا اعضاء مجلس الشعب يريد ان يجعلنا نمضى على تعهد ان ننقبض 100 جنيه فى الشهر فقط دون مكافاه ويطردنا فى نهايه العام الدراسى نرجو نشر قضيتنا حتى يسمعنا احد افراد الحزب الوطنى ذو الوعود الكثيره التى لا نرى منها شى حتى الان نرجو ان ناخذ حقنا من محافظ ظالم يحب الفشخره وهدم مستقبل الشباب
You can see links before reply الجرائد
You can see links before reply قناه المحور
You can see links before reply الحزب الوطنى
You can see links before reply قناه دريم
You can see links before reply قناه دريم

محمد عبد الفتاح عبد الهاد
24-11-2009, 05:19 PM
نداء هام على الرغم من ان وزير التربيه والتعليم اصدر قراراته الى جميع المحافظات ان من كان من المدرسين المساعدين الحاملين عقود عمل عاديه العام السابق بالاحقيه والاولويه بالعمل بالعقود المميزه هذا العام بحد ادنى لاجر المدرس 300 جنيه فى الشهر ومكافاه اخر العام الدراسى وقد تم التنفيذ فى كل المحافظات ماعدا محافظه كفر الشيخ ونحن عاطلون ومشردون حتى الان والمدارس تحتاج مدرسين وتطالب بالمدرسين لسد العجز فى المدارس فى نفس الوقت الذى قام فيه المحافظ بعمل عزومه لرئيس الوزراء الخميس السابق تكلفت 9 مليون جنيه ولما ثرنا ومعنا اعضاء مجلس الشعب يريد ان يجعلنا نمضى على تعهد ان ننقبض 100 جنيه فى الشهر فقط دون مكافاه ويطردنا فى نهايه العام الدراسى نرجو نشر قضيتنا حتى يسمعنا احد افراد الحزب الوطنى ذو الوعود الكثيره التى لا نرى منها شى حتى الان نرجو ان ناخذ حقنا من محافظ ظالم يحب الفشخره وهدم مستقبل الشباب
You can see links before reply الجرائد
You can see links before reply قناه المحور
You can see links before reply الحزب الوطنى
You can see links before reply قناه دريم
You can see links before reply قناه دريم

محمد عبد الفتاح عبد الهاد
24-11-2009, 05:25 PM
يجماعه البيه المحافظ اللى مش عايز يدينا حقنا فى العقد المميز عامل عزومه الخميس اللى فات للبيه رئيس الوزراء ب 9 مليون جنيه فين الرقابه بقه فين قولولى فلوس تعينا وتعين اهلينا يجماعه انشرو الخبر على الروابط دى بسرعه

You can see links before reply الجرائد
You can see links before reply قناه المحور
You can see links before reply الحزب الوطنى
You can see links before reply قناه دريم
You can see links before reply قناه دريم

محمد عبد الفتاح عبد الهاد
24-11-2009, 05:43 PM
حسبنا الله ونعم الوكيل فى كل من يهدر اموالنا ويقدمها وجبه لرئيس الوزراء

Asmaa_a 2010
24-11-2009, 05:47 PM
هاى يا جماعه
مفيش اخبار جديده عن التعاقدات المميزه؟
وفى اصلا تعاقدات؟
فين طيب!!!!

Asmaa_a 2010
24-11-2009, 05:50 PM
ايه يا جماعه
تفتكرو كلامنا ده هيتسمع؟!!!!
ولا زى ما قلت0000000
""" كلاااااااااااااااااااااااام"""""

noha77
24-11-2009, 08:16 PM
هاى يا جماعه
مفيش اخبار جديده عن التعاقدات المميزه؟
وفى اصلا تعاقدات؟
فين طيب!!!!

وعليكم السلام ورحمة الله وبركاته" تحية الاسلام"
مرحبا بيكي اخت اسماء
انشاء الله فيه تعاقدات بس للمدرسين ال كانوا على رأس العمل السنة الماضية
احنا من كفرالشيخ اسماء
وبنتكلم على ادارات كفرالشيخ المختلفة
لكن ما نعرف اي حاجه عن المحافظات التانيه
على العموم اهلا وسهلا بيكي معانا

مشمشاية
24-11-2009, 08:16 PM
هاى يا جماعه
مفيش اخبار جديده عن التعاقدات المميزه؟
وفى اصلا تعاقدات؟
فين طيب!!!!

والله احنا اشتغلنا بالحصه من حوالى اسبوعين والنهارده اسمائنا نزلت فى كشف العقود المميزة وربنا يسهل

noha77
24-11-2009, 08:19 PM
حسبنا الله ونعم الوكيل فى كل من يهدر اموالنا ويقدمها وجبه لرئيس الوزراء

حقا حسبنا الله ونعم الوكيل
شكرا استاذ محمد على مجهود حضرتك
واهلا بحضرتك معانا

محمد عبد الفتاح عبد الهاد
24-11-2009, 08:34 PM
يجماعه المحافظ عمل عزومه لرئيس الوزراء الخميس الماضى تكلف الغداء مليون جنيه وشويه زرع علىالطريق ونجيله تكلفت 8 مليون وكل واحدمن اللى كانو مع االوزير اخد شنطه ب 500 جنيه والكلام ده من برنامج الطبعه الاولى على قناه دريم ولذلك نحن نطالب بعزل المحافظ فورا سيتم ذلك بنشر الخبر قصدى الفضيحه دى على المواقع التاليه ودى مسوليتكم انتو يلا بسرعه
You can see links before reply الجرائد
You can see links before reply قناه المحور
You can see links before reply الحزب الوطنى
You can see links before reply قناه دريم
You can see links before reply قناه دريم

محمد عبد الفتاح عبد الهاد
24-11-2009, 08:44 PM
يا ابله نهه اه حسبنا الله ونعم الوكيل بس لازم نعمل حاجه انا عايز الناس ترد عليه وتقولى انا نشرت الخبر على المواقع اللى الروابط بتعتهه قدامكم يلا يجماعه نفسى حد يتحرك بقه يارب حد يرد عليه يارب نتحرك يارب نبقه ايد وحده ان مكنش عشان خطرنا يبقى عشان خاطر الفلاحين والموظفين الغلابه اللى المحافظ مص دمهم وخرب بيوتهم اعملوهه لله ياااااااااااااااارب

محمد عبد الفتاح عبد الهاد
24-11-2009, 08:50 PM
يجماعه طالبو بعزل المحافظ ومحاكمته بسبب اهدار المال العام وعندكم روابط مواقع الجرائد والقنوات الفضائيه والحزب الوطنى اتحركو يجماعه بقه اعملو حاجه

محمد عبد الفتاح عبد الهاد
24-11-2009, 08:54 PM
والله انا لو كان عليه انا بشوف شغل فى شركه فى اسكندريه دلوقتى ومش عايز العقد ده بس انا بعمل ده لله وبس بس انتو مش عيزين تتحركو مش عارف ليه

محمد عبد الفتاح عبد الهاد
24-11-2009, 09:08 PM
انا شايف ان الابله مشمشايه كانت محتاره تشتكى لمين وانا بقلهه عندك الروابط اهه وكمان الابله نهه يريت تشارك وكمان الاستاذمصطفى يريت يشارك وبقيت الناس ويريت تنشرو المنتدى ده للزملاء يريت نكبر المنتدى ونوسعه ونتحرك كلنه عشان حد يسمعنه ويعبرونه

مشمشاية
24-11-2009, 10:12 PM
اهلا بك استاذ محمد
اولا والله احنا راسلنا كل هذه المواقع من قبل وبعتنا شكاوى كتير والاستاذ حاتم ساعدنا وجاب لنا المواقع والايميلات وارسلنا لهم شكاوى
وبعدين احنا سمعنا ان فى ادارات بدأت ترجع الناس الى كانوا على رأس العمل مثلا فى بيلا فى اسماء ناس نزلت من يومين وفى سيدى سالم وفى الرياض
هو حضرتك تبع ادارة ايه وتخصصك ايه ؟ ومؤهلك ايه؟

محمد عبد الفتاح عبد الهاد
24-11-2009, 10:25 PM
ايوه يا ابله انا محمد خريخ 2008كليه تجاره حاسب الى تخصصى

محمد عبد الفتاح عبد الهاد
24-11-2009, 10:29 PM
انامن مطوبس اهم شى دلوقتى نجمع ناس كتير فى المنتدى لان فى فرق بين شكوى 5 اشخاص وشكوى 500 شخص وبالنسبه للمظاهره بتاعه امبارح كده هنضرب على الحديد وهوه سخن

mostafa22
24-11-2009, 10:30 PM
[quote=محمد عبد الفتاح عبد الهاد;138985]ايوه يا ابله انا محمد خريخ 2008كليه تجاره حاسب الى تخصصى[/quot
والله يااستاذ محمد انته بتتعب نفسك
انتا تعرف احنا بعتنا شاوى قد ايه
بس محدش بيفكر فينا هما فاضين عازين ياخدوا كرامتنا من لجزائر
مش الاول يجبوا كرامتنا الاول فى الداخل
اول امس كانوا 400 شخص عاملين اعتصام فى القاهره
وايه اللى حصل مفيش حاجه

ان مع العسر يسر
وان شاء الله الفرج ياتى ن عنده

محمد عبد الفتاح عبد الهاد
24-11-2009, 10:35 PM
مبحبش فيك يمصطفى الروح الانهزاميه دى على العموم انا اميلى اهه لو حد عاز يكلمنى فى اى وقت وانا مش فى المنتدى mohamed113903@yahoo.com

مشمشاية
24-11-2009, 11:47 PM
ايوه يا ابله انا محمد خريخ 2008كليه تجاره حاسب الى تخصصى

طيب يا استاذ محمد انت ليه مأخدتش تربوى وبعدين انت فرصتك حلوه لانهم بيخدوا التجارة فى الحاسب الالى بس انت حاول تاخد تربوى وبعدين الاستاذ مصطفى من مطوبس وبيقول انهم لسه مخدوش حد حاسب ولا تطوير يعنى ان شاء الله لما الاسماء تنزل عندكم يكون اسمك فيهم انت والاستاذ مصطفى
والله المستعان

مشمشاية
24-11-2009, 11:49 PM
[quote=محمد عبد الفتاح عبد الهاد;138985]ايوه يا ابله انا محمد خريخ 2008كليه تجاره حاسب الى تخصصى[/quot
والله يااستاذ محمد انته بتتعب نفسك
انتا تعرف احنا بعتنا شاوى قد ايه
بس محدش بيفكر فينا هما فاضين عازين ياخدوا كرامتنا من لجزائر
مش الاول يجبوا كرامتنا الاول فى الداخل
اول امس كانوا 400 شخص عاملين اعتصام فى القاهره
وايه اللى حصل مفيش حاجه

ان مع العسر يسر
وان شاء الله الفرج ياتى ن عنده

كل سنه وانت طيب يا مصطفى وان شاء الله بعد العيد نباركلك على استلام الشغل

مشمشاية
24-11-2009, 11:51 PM
:6:
لكل الناس كل سنه وانتم طيبين بس متاكلوش لحمه كتير
:38:

نور الهدى 2010
24-11-2009, 11:57 PM
كل عام وانتم بخير عيد مبارك للجميع